Stutt

Þetta verður stutt en ég var búin að lofa að linka á pabba, reyndar mun hann ekki breyta síðunni sinni alveg strax. Nema kannski get ég sannfært hann um að byrja að blogga. Aldrei að vita :-)

búið og gert

Gleðileg jól

Vildi óska öllum gleðilegra jóla og farsældar á komandi ári.

Eitthvað virðist ekki vera að virka. Búin að taka ákvörðun um ákveðið málefni. Veldur mér ekki kæti en gæti bjargað geðheilsunni frá einhverju óskemmtilegu!

Gleymdist

Gleymdi að minnast á eitt, það var bara einn sem svaraði í sambandi við pabba þannig að ég ætla að fara að ráðum hans. Pabbi þú færð því frest fram á jólunum til þess að laga síðuna og mun ég linka á hana um jólin.
Ég er komin í jólafrí frá vinnunni sem er mjög gott og þarf ekki að fara fyrr en um 6.janúar og ég fékk líka jólapakka frá vinnunni :-) gaman gaman þannig að ég fæ að minnsta kosti 2 pakka.

over and out

Hræðilegt

Heyrði í fréttum um daginn að háskólanemi hafi verið rændur í trjágöngunum hérna á háskólasvæðinu klukkan níu um morgun. Mér finnst þetta hræðilegt því ég vel þessa leið oftast þegar ég er að koma heim úr bænum á kvöldin og næturnar (ekki að það gerist oft). Því ég tel þessa leið aðeins öruggari heldur en að ganga Njarðargötuna og hjá Decode því þar er bæði léleg lýsing og engin hús nálægt. Hjá háskólanum er þó aðeins meiri birta og íbúðarhús ekki svo langt í burtu. Ég ætti þá kannski bara að læsa mig inni eða sjá til þess að ég sé á bíl tilþ ess að sleppa að ganga þessa leið.

Gekk líka hræðilega í seinasta prófinu mínu og langar alveg hræðilega í jólafrí en sé ekki fram á neitt jólafrí hjá mér en ég get kennt sjálfri mér um það.

Verð að segja frá skondnu atviki sem henti vinnufélaga minn um daginn, en hún var að kaupa sér hangikjötslæri með beini víst um daginn en hún ákvað síðan að fara í ákveðna búð hérna í bænum til að biðja þau um að skera lærið í tvennt þar sem það kæmist ekki í pottinn. Gott og vel það er gert og hún fer heim til sin með sitt hangikjöt en þegar hún opnar og fer að skoða þá hefur manneskjan skorið hangjikjötið í sneiðar en ekki í tvennt. Frekar fyndin saga en hræðilegt, spurning hvernig hún eldar þetta.

Búin að tala fullt um neikvæða hluti þannig að ég ætla að segja eitthvað jákvætt. Ég vann miða á tónleikana hjá Coldplay þannig að ég var á tónleikunum í gær. Var mjög fínt og þrusu stemming. Bara aulinn ég þekkti fá af þessum lögum og að sjálfsögðu sá ekki neitt. En maður er kominn þangað til þess að hlusta á tónlistina er það ekki! Gerðist líka svoldið fyndið, söngvarinn í einu laginu gerðist falskur í upphafi lagsins þannig að allir sprungu úr hlátri, síðan byrjaði hann aftur en átti í smá vandræðum því hann hló svo mikið en lét það ekki stoppa sig.

Ef einhverju langar í bæinn á þorláksmessukvöldi með mér má sá aðili alveg láta í sér heyra :)

skrifa skrifa skrifa

Væl

Ég er ábyggilega fallin í prófinu sem ég var í, gekk hræðilega eins og ég var bjartsýn þegar ég fór inn. Kom þarna reiknisdæmi sem ég hafði ekki hugmynd um hvernig ætti að reikna og það var 15%, ég man eftir því að hafa séð það í kennslubókinni og hugsað með mér að við höfum ekkert reiknað svona dæmi og hún kemur ekki með þetta hefur ekki gert það áður. I was dead wrong :( oh mig langar til þess að grenja........... Svo gekk mér hræðilega að túlka þessar loftmyndir sem við fengum. Fengum eina svart hvíta loftmynd sem við gátum haft í 35 mínútur og þar áttum við að greina ein 13 svæði og mér reiknast til að við höfum haft þá um 2,6 mínútu til þess að skoða hvert svæði fyrir sig sem er bara allt of lítið. Einnig fengum við síðan innrauða loftmynd sem við fengum að hafa í 7 mínútur og ekki gekk það betur. Svo er það bara þannig með mig að ég fæ aldrei fullt hús fyrir spurningu get aldrei svarað henni fullkomlega. Jæja þetta kemur allt í ljós.

Náunginn sem situr við hliðina á mér er líka að blogga, fyndið hvað ég er stundum feimin eitthvað við þetta. Finnst hálfhallærislegt að sitja hérna hlið við hlið að blogga. En oh well thats me.

Afsakið allar enskusletturnar sem komu hér í þessari færslu!

fallin.......

Próf!

Nálgast óðfluga í fyrsta prófið mitt þessa önnina, en próf í loftmyndatúlkun er í fyrramáli. Að sjálfsögðu er ég ekki búin að læra nóg vel né nógu mikið fyrir þetta próf. Var áðan að leysa smá hluta af gömlum prófum og þá aðallega reiknisdæmum. Fúlt að hafa reiknisdæmi sérstaklega þegar ég er ekkert búin að vera leggja áherslu á það og þurfa að muna jöfnur fyrir hitt og þetta eins og hvaða hraði er best að hafa á myndavél ef linsan er þetta breið o.s.frv. Ég sé fram á að vera lesa fram á nótt ef ég get. Er alveg búin að sjá það að ég er búin að tapa þessum próflestrarþrótti frá því á menntaskólaárunum. En þá gat ég sko lesið fram á nótt og sofið síðan 2 klukkutíma eða svo til þess að halda áfram að lesa. Í dag er þetta horfið, mig langar í flestum tilfellum að fara að sofa snemma og á erfitt með að vakna. Veit ekki hvort þetta sé aldurinn eða hvort ég sé ekki eins stressuð og í menntaskóla eða kannski eitthvað annað. Einhverjar tillögur? Þá er frjálst að skrifa þær í kommenið hér að neðan.

Pabbi!
Jæja ég fer bráðum að standa við hótun mína við hann pabba. En þannig er mál með vexti að við systurnar grínuðumst í honum á afmælinu (reyndar fékk hann þessa afmælisgjöf aðeins í seinna lagi) en við bjuggum til heimasíðu handa honum og nú er ég búin að afhenda honum heimasíðuna sem hann getur breytt að vild en hefur ekki enn gert. Þannig að pabbi þú verður að fara að gera eitthvað í heimasíðunni þinni því bráðlega fer ég að linka á hana eins og ég lofaði að ég mundi gera :-)

Reyndar hef ég verið smá treg við að linka á heimasíðuna hans því þar sýnir hvað ég var rosalega hugmyndasnauð þegar ég var að skrifa textann inn á hann. En hún var með góðum huga gerð og veit að pabba finnst gaman að svona gríni. Er það ekki annars!

Hvað ætti ég að gefa kallinum marga daga þangað til ég linka á hann. Einhverjar hugmyndir?

Tjáðu þig

VÁ!

Var að koma af mögnuðum tónleikum!

VÁVÁ, veit hreint ekki hvað ég á að segja. Sigur Rós var hreint út sagt frábær, sé sko ekki eftir því að hafa farið á þessa tónleika. Maður verður dolfallinn á tónleikum með þeim. Ég var pínku hrædd um að sætin okkar væru ekki nógu góð en við sátum á fyrsta bekk en það var frábært. Ég gat séð alla tónlistarmennina og fylgst vel með þeim. Fannst Jónsi alveg þjást rosalega þegar hann var að syngja, virðist taka alveg rosalega mikið á enda ekkert skrýtið heldur. Er enn í sæluvímu, reyndar svoldíð hungruð og þyrfti að fara að lesa en tónleikarnari slógu svo sannarlega á kvíðahnútinn :-)

Vond stelpa!
Upphitunin var ekki eins góð, var mikið að pæla af hverju þeir voru að hafa þennan náunga. Datt í hug að sálfræðin væri í því að láta áhorfendum leiðast alveg rosalega þannig að þeir (Sigur Rós) yrðu rosalegir sem þeir voru náttúrulega. Þetta hefur þá kannski virkað. En æj greyið náunginn, hann var bara ekki að virka. En mér finnst alveg hræðilegt að vera að segja svona ljótt um einhvern þannig að það jákvæði í endan er að hann var í flottum gallabuxum!

Strákarnir í Sigur Rós eru frábærir tónlistarmenn!

Magnað......

Hnútur í maganum!

Ég er með stóran hnút í maganum......... vona bara að Sigur rósar tónleikarnir slái aðeins á hann og félagsskapur góðra vina.

stress

Árni

Kíkið á Árna en hann var að koma með góðan punkt um fréttamanninn sem neitaði að taka viðtal við Jeremy klámmyndastjörnuna, aðallega það að hún var víst að fá einhverja viðurkenningu. Svo reyndar er hann þarna smá á hálum ís með því að virtist vera að setja út á kvenkynið........... hmmm...... Árni að passa sig núna hehehhe

Tónleikar

Fór á Nick Cave tónleikana í gær, ég get bara ekki orðum bundist en maðurinn er stórreykingamaður. Held að hann hafi nánast kveikst sér í sígarettu eftir hverju lagi. Þetta voru mjög fínir tónleikar en reyndar margt sem var að fara í pirrurnar á mér því miður. En Nick Cave var þó ekkert að fara í pirrurnar, stórskemmtilegt að fylgjast með honum og fiðluleikaranum. Það var stórskrýtinn náungi. Hann sneri baki við áhorfendur allan tímann og fór hamförum í tónlistarflutningi. Svo þegar hann var ekki að spila þá beygði hann sig í hnjánum og var eins og einn stór bolti á sviðinu. En það sem var að fara í pirrurnar á mér er að fólk var svo mikið að tala saman og tónlistin var ekkert að yfirgnæva það t.d. var þarna ein stelpa sem þurfti að deila þeirri skoðun sinni með okkur hinum að henni þætti allir svo alvarlegir og hvort þetta væru ekki tónleikar. Ég segi bara jú þetta voru tónleikar og við vorum þarna til að hlusta á Nick Cave en ekki hana urrrr......... einnig heyrðist út um allan sal bjórflöskur vera að detta. En þetta eyðilagði þó ekki tónleikana sama hvað þau reyndu hehehe
En kæruleysið heldur áfram hjá mér því ég er að fara á Sigur rósar tónleika á morgun, og hlakka ég mikið til þeirra. Á ekki von á því að fólk þar fari svona í pirrurnar á mér og fari að tala saman. Allavega vona ég það ekki.
Ég kemst ekkert áfram í lærdómnum, ég held ég virki bara líka í nokkra klukkutíma á dag og það er ekki snemma á morgnana né seint á kvöldin.

Sigur Rós

Laufabrauðsgerð

Það er komin hefð hjá mömmu og systrum hennar að hittast heima hjá mömmu í byrjun desember og gera laufabrauð. En þessi dagur var einmitt í gær, reyndar hef ég ekki komist undanfarin ár því að sjálfsögðu hef ég verið í prófum og því ekki gefið mér tíma. Hins vegar þá endar laufabrauðsgerðinni með því að borða saman og þær systur koma yfirleitt allar með einn rétt. Þá koma líka oft þeir sem hafa ekki tekið þátt í skurði yfir daginn eins og t.d. ég. Ég fór í gær og fékk mér gómsætan mat......... var mjög gott en reyndar var óvenju fátt núna og hef ég að ég held aldrei verið svona fámennt. Var víst mikið um veikindi. Allavega þá finnst mér mjög gaman af svona hefðum sem skapast. Ætli ég sé bara ekki gamaldags eftir allt saman :)

að vera eða vera ekki.......

Saumaklúbbur

Ég er ekkert voða hress, almennur leiði að gera vart við sig ásamt því að kvefið hefur ágerst. Hef þó eitt til að hlakka til en það er saumaklúbbur í kvöld. Gengur voða lítið með þessa ritgerð er stressuð en samt eitthvað voða kærulaus. Veit ekki hvað hefur gerst með mig þessa önn............

hvað.......

Sjálfsvorkun

Sjálfsvorkun er ekki af hinu góða, en búin að vera full sjálfsvorkunnar í allan dag, samt sem áður ekkert alvarlegum. Nema þegar ég er í svona ástandi þá á ég það til að vera voða „góð“ við sjálfan mig sem er þegar á botninn er hvolft ekkert voðalega gott. Ég er komin í kókið og nammið því ég á svo bágt..........ég held að ég fari stundum bara í sjálfsvorkun til þess að hafa afsökun til þess að fá kók og nammi.

kók&nammi&kók&nammi

Ég um mig frá mér til mín!

Var rétt áðan að taka ákvörðum um að fara ekki í vinnu í kvöld, er frekar slöpp, er kalt með mjög slæman hósta og seldi upp í morgun með hóstanum og fleiri skemmtileg heit. Finnst samt erfitt að sleppa vinnu því ég er ekki veik þannig að ég er alveg rúmliggjandi en taldi samt best að fara ekki. Á líka eftir að vinna heilmikið fyrir ritgerð sem ég þarf að fara að skila, vona bara að ég nái því.
Loksins búin að fara á James Bond myndina Die another day og var hann tekinn fram yfir Alias í gær. Þannig að nú er mér rórra og ég ætti að geta farið að snúa mér að mínu daglega amstri. Annars hafði ég mjög gaman af myndinni og að sjálfsögðu kemur Íslendingurinn fram í manni þegar minnst er á Ísland í henni. Fór samt pínku í pirrurnar sumt sem ekki átti við rök að styðjast en fannst frekar fyndið þegar tveir náungar sem ábyggilega áttu að vera Íslenskir töluðu þýsku.

Ég var búin að fjalla fyrr um að ég hefði gert óskalista á amazon.com en þar á lista er spil sem heitir the settlers og er borðspil, ég held ég hafi einu sinni eða tvisvar spilað þetta spil og fannst það stórskemmtilegt (að sjálfsögðu!) en ég er búin að rekast á það í bókatíðindum og búið er að setja það yfir á íslensku. Þannig að ég er ekki viss hvort ég ætti að koma þetta íslenska eða á ensku. Getið þið hjálpað mér? Gæti svo sem beðið um þetta í jólagjöf en þetta er bara svo dýrt, kostar um sex þúsund kall.

Jæja þá er það komið og snerist þessi færsla öll um mig, reyndar eins og flestar færlsunar gera. Hey einhvers staðar verð ég að fá útrás!

sem búin er að sjá James Bond

Hás

Röddin er ekki alveg upp á sitt besta núna og það er ekki alveg heppilegast í vinnunni minni. Samt sem áður gengur alveg ágætlega. Kannski segir fólk bara já svo það þurfi ekki að tala við mig meira ;-) eða það vorkennir mér svo rosalega með þessa rödd. Ótrúlegt hvað þetta getur verið misjafnt.

langar enn á James Bond

Týpískt

Ég er komin með eitthvað í hálsinn þannig að ég á ábyggilega eftir að vera hóstandi núna næstu daga. Þetta er alveg týpískt að þetta gerist í kringum prófin hjá mér. Ég man eiginlega ekki eftir próftímabilum í menntaskóla og grunnskóla öðruvísi en þannig að í prófunum sjálfum var ég hóstandi það mikið að mér var farið að líða illa yfir því og sannfærð um það að ég væri að trufla alla aðra þarna inni og ef einhver mundi falla gæti hann sakast við mig þar sem ég truflaði einbeitninguna í stofunni. Lítur út fyrir að þetta verði svona hjá mér fyrir þessi próf.
Mamma er búin að baka snúða og ég er komin með tvo poka af nýbökuðum kanelsnúðum. Þetta er að ég held það sem mamma bakar yfirleitt bara fyrir mig að sjálfsögðu fá hinir í fjölskyldunni líka snúða en þar sem þetta er uppáhaldið hjá mér þá er þetta fyrir mig, ekki satt!

Annars tókst mér að afreka það að þrífa hjá mér um helgina og var ekki vanþörf á, merkilegt hvað alls konar drasl getur safnast saman sem maður veit ekki hvað á að gera við en getur einhvern veginn ekki hent. Kannski vantar mér bara fleiri hirlsur til að safna drasli í, hver veit.

ein sem langar á James Bond

Kúba

Var í tíma í þróunarlöndum þar sem mikið var talað um Kúbu einnig voru sýndar slides myndir þaðan. Mikið rosalega langar mig til Kúbu, svo svekkt að við fórum ekki vorið 2001 eins og til stóð í námsferð. Mig langar til Kúbu, Kúbu, Kúbu!

Kúba

Loftmyndatúlkun lokið

Þá hef ég þá ánægjulegu fréttir að færa að verkefninu í loftmyndatúlkun er hér með lokið. Einungis á eftir að fá einn hópmeðlim til að skrifa undir og binda ritgerðina svo inn og skila henni í fyrramáli. Prentun hófst tíu mínútur yfir miðnætti og biðum við í von og óvon með að eitthvað hræðilegt mundi gerast svo við þetta mundi nú ekki takast. En prentunin gekk eins og í sögu sem betur fer. Þær voru síðan að yfirgefa mig fyrir stuttu. Má nefna sem dæmi hvað við vorum hugfangnar af þessu verkefni að tvær af stelpunum gleymdu að sækja kallana sína í vinnuna í dag og þeir náðu síðan ekki í þær því önnur var með slökkt á hringingunni á símanum sínum og hin gleymdi símanum út í bíl. Þannig að kallarnir þurftu gjöra svo vel að redda sér. En þessu er lokið en þá tekur bara annað við.

Góða nótt!

Loftmyndatúlkun

Lesendur síðunnar eru ábyggilega alveg komin með nóg hvað ég skrifa mikið um þetta námskeið en ég er líka komin með nóg. Enn erum við að vesenast í þessari ritgerð og mikið stuð búið að vera heima hjá mér síðustu daga. Íbúðin er næstum öll undirlögð af þessu verkefni. En þessu er senn að ljúka (vonandi).
Ég hef ekki haft mikinn tíma til að skrifa hérna inn seinustu daga og í raun ekki núna því mun ég bæta fyrir það seinna.

hafið það gott!

Sigur Rós

Búin að kaupa miða á Sigur rósar tónleika 12.desember. Verð á fyrsta bekk spurning hvort maður fær hálsríg. Hlakka til en annars er ég mjög þreytt!

seinna

Símreikningur

Mér til mikillar gleði þá lækkaði símreikningurinn minn þennnan mánuðinn til muna miða við seinasta mánuð :) spurning hvort ég ætti að fara bara út svona annað slagið hehe að vísu í þessu tilfelli þá hefur eyðslan bara færst til ;-) er að greiða þá visa kortið eftir Bandaríkjaförina í stað símreiknings. Allavega ég er samt ánægð yfir þessum breytingum þannig að verð bara að halda áfram á þessari braut. Árni var líka einhvern tímann að tala um að ég ætti að skrifa ferðasögu um Chicago ferðina en ég hugsa að ég geri það ekki heldur tíni til svona athyglisverða punkta sem voru í ferðinni. Svona þegar ég nenni og gef mér tíma til.

lækka lækka

Teljari

Um daginn fór ég að skoða á teljaranum hve margir hefðu komið og slíkt, það sem kom mér á óvart er að einhver var að leita að samförum á einhverju leitarvef sem ég man ekki hver er en ég fór að hugsa því í ansk... ég kom þá upp og lá við að ég hafi farið hjá mér við þessar upplýsingar því ekki mundi ég eftir að hafa neitt slíkt á minni síðu. En síðan kom sannleikurinn í ljós, því fyrr í haust talaði ég um rofnar samfarir og þá að sjálfsögðu kom síðan mín upp. Mér finnst þetta frekar fyndið. Þannig að nú ætti aftur að koma upp úr því að ég er enn og aftur búin að skrifa um samfarir.

Sérðu ljósið!

Nýr bloggari

Það er komin nýr gamall bloggari í hópinn. Jens er byrjaður að blogga aftur :-) þannig að linkurinn hér til hliðar er orðinn virkur en hann bloggar undir nafninu Sivar. Hlakka til að lesa röflið hans Jens

velkominn

Subway

Fór á subway í hádeginu seinasta þriðjudag með Siggu, sem er svo sem ekki frásögu færandi. Fyrir utan það að mér líkar ekkert sérstaklega vel við subway. En ég og Sigga hittum þarna stelpu sem var með okkur í grunnskóla og Sigga byrjar að tala við hana á fullu, og þegar við erum búnar að kaupa matinn okkar og á leiðinni upp segir Sigga við hana að hún geti komið upp og sest hjá okkur. Nú þegar við erum sestar niður það er að segja ég og Sigga þá spyr Sigga mig hver þetta sé........ hahaha hún vissi að hún kannaðist við hana ætti að þekkja hana en bara mundi ekki hvaðan. Frekar fyndið og týpísk Sigga. Talar á fullu við einhvern og hefur síðan ekki hugmynd um hver þetta er. Þá er eins gott að hafa mig með ;-)

Annars er ég komin með ógeð á þessu loftmyndatúlkunarverkefni. Við vorum í allan gærdag heima hjá mér að vinna í þessu verkefni og enn er hellingur eftir :-( barasta ekkert gaman. Fyrir utan allt hitt sem situr á hakanum.

leið...

Auli dagsins!

Ég ætla að útnefna aula dagsins, en það er engin annar en ég sjálf. Jamm ég er auli dagsins, ekki það að ég ætli að fara að hafa einhverja niðurrifsstarfsemi um mig því það er engum manni hollt en ég get bara ekki orðum bundist yfir aula háttnum mínum :( Þannig er mál með vexti (er ég ekki klár í orðatiltiltækjum) að ég fór upp í tæknigarð í dag til að vinna að verkefni í loftmyndatúlkun en við erum að hnita inn á kort. Ég opnaði forritið sem við notum og finn að ég hélt skjölin og myndina sem við erum að vinna með. Vissi að seinast voru stelpurnar lengur en ég að hnita inn og var því hissa hvað þær voru búnar með lítið miðað við tímann sem þær voru að gera þetta. Allt í lagi ég byrja og er náttúrulega í vandræðum með hitt og þetta og er óviss með viss atriði. Svo hringir í mig stelpa úr hópnum og spyr hvernig gengur og ég segi henni frá því að það gangi nú bara ekki nógu vel. Þannig að hún kemur og skoðar og er einnig hissa hvað lítið er búið að hnita inn. Þannig að hún fer að skoða skjölin aðeins betur og finnur hið rétta skjal og þar er sem betur fer búið að hnita helling inn. En það gerir mína vinnu að engu því ég var ekki að gera þetta á rétt skjal og því er ég vel komin að titlinum Auli dagsins.

Annars var helgin fín fyrir utan hvað kom litlu í verk í sambandi við lærdóm. En hún var fín á þann veginn að ég fékk kvöldmat alla dagana (fös-, laug- og sunnudag) og þurfti ekkert að hafa fyrir þeim sjálf sem er alveg frábært. Fékk að borða hjá náttúruvernd á föstudaginn, borðaði kvöldmat hjá pabba og Lindu á laugardagskvöldið og svo buðu Guðmunda og Stebbi mér í mat á sunnudagskvöldið. Svo spiluðum við viltu vinna milljón eftir mat og það var ekki ég sem vann milljónina en hins vegar var ég heldur ekki með minnsta peninginn að leik loknum :) sem mér þykir náttúrulega stór plús.

brostu

Töðugjöld

Var á töðugjöldum hjá Náttúruvernd ríkisins, en það er semsagt hálfgerð uppskeruhátið eftir sumarið. Þarna eru samankomnir landverðir og þjóðgarðsverðir sem segja frá starfinu á sínum svæði þetta sumarið. Þetta var mjög skemmtilegt, ekki síst að heyra hvað Guðbjörg þjóðgarsvörður í þjóðgarðinum Snæfellsjökli var ánægð með landverðina sem hún hafði í sumar :) en ég var einmitt ein af þeim. Það var líka svo góð mæting hjá þessu svæði en við mættum öll. Svo fengum við líka pizzu, (bjór) og kók, gott að þurfa ekki að hugsa fyrir kvöldmat. Fórum síðan nokkrir landverðir á kaffihús reyndar voru landverðir sem voru í Herðubreiðalindum í meirihluta þannig að talað var meira um þeirra svæði heldur en annarra heheehe. Þetta var mjög fínt og skemmtilegt að hitta aftur liðið sem ég var að vinna með í sumar. Þá er bara að bíða eftir innflutningspartý sem var búið að lofa okkur.

bíó
Það er að fara að koma heill hellingur af myndum sem mig langar að fara á, veit ekki alveg hvað ég á að gera, bæði er þetta svo dýrt og ég barasta ætti alls ekki að hafa tíma til þess að fara í bíó. Einnig vantar mig einhvern til þess að fara með mér á Tom Hanks myndina Road to per...... eitthvað. Þoli nefnilega ekki að fara ein í bíó, finnst það frekar mikið leiðinlegt og einmanalegt.

lalalala

Frægt fólk!

Fór út í Nóatún í JL húsinu áður en ég fór í vinnuna, ekkert nema frægt fólk sem kemur þangað virðist vera. Þegar ég var að ganga að kassanum sá ég Jón Ársæl fréttamann á stöð 2 við kassann, hefði átt að athuga hvað hann var að kaupa hehehe síðan þegar ég var að bíða eftir því að röðin kæmi að mér hver heldur að hafi gengið þarna inn annar heldur en Davíð Oddsson sjálfur forsætisráðherra.
Merkilegt? NOT!

c'est la vie

Montin!

Hann Árni var með spurningu á heimasíðunni sinni og ég er rosa montin vegna þess að ég vann :) reyndar ekki margir sem tóku þátt en ég hafði rétt fyrir mér. Á tímabili var ég samt farin að efast um að þetta væri rétt eftir samtal við ákveðinn aðila en........ ég VANN!
Bara spurning um hvenær ég fæ ísinn sem mér var lofað ;-)

Ég virtist hafa verið nokkuð heppin með háskólapóstinn minn því það voru víst margir sem voru að fá yfir 100 og eitthvað pósta í gær vegna vírusar í póstkerfinu eða eitthvað álíka en ég fékk einungis 9 en þeir vildu ekki eyðast út fyrr en seint og síðameir. Reyndar eru nokkur vandræði núna með webmailið því það er svo slow og svo hef ég grun um það að það hafi ekki sent alveg alla þá pósta sem ég var að senda. Sem þýðir að ég þarf að senda þá aftur :( sem er ekki nógu gott. Annars er ég að fara að vinna núna á eftir, ekki mjög spennandi og hef í raun allt of mikið að gera til þess að vera að fara að vinna. En svona er þetta togast á í manni að eiga nú fyrir reikningunum og skólinn. Reyndar segir það sig sjálft að ég verð náttúrulega að sinna skólanum meira því ef ég næ ekki einhverju þá lendi ég í vandræðum með LÍN sem þýðir að þá er maður komin í vítahring. Mig langar ekki til þess! En í vinnuna fer ég.

Áfram gakk

Misskilningur

Ég er alger sauður! Ég mætti í umræðutíma í morgun í Þróunarlöndum því ég var sannfærð um það að hann yrði. Sem betur fer var ég ekki alveg ein um þá skoðun en þa voru samt ansi fáir mættir og enginn kennari. Þetta leiddi þó eitt gott af sér að ég kláraði loksins verkefnið sem ég átti að gera. Merkilegt hvað mér finnst alltaf eitthvað svo erfitt að byrja að skrifa þegar ég er að gera ritgerðir og annað.

sauður!

Amazon

ónei, ég var að gera óskalista á amazon, reyndar eru bara tveir hlutir inn á honum og annar reyndar frekar dýr. Enn að velta því fyrir mér hvort ég ætti að kaupa þá.

Fékk að borða í vinnunni sem var mjög gott, reyndar stalst ég í að fá mér smá gos með matnum sem er ekki nógu gott! Það munar ekkert smá um að geta hjólað í vinnuna, það er svo mikið betra. Verst er þegar hálka er og snjór því þá fer ég ekki á hjólinu.

Birgir valdi KFC í hádeginu sem var alveg ágætt, langt síðan ég hef komið þangað. Kom á óvart að ég sá konu ábyggilega yfir 40 að afgreiða en yfirleitt hafa þetta nú verið ungar stelpur. Þýðir það að unga fólkið er búið að koma sér í skóla útaf ástandinu í landinu og eldri konur fá ekkert annað og enda á skyndibitastöðum eða er þetta eitthvað annað?
Annars virtist Birgir ágætlega sáttur við afmælisgjöfina mína en ég gaf honum bókina Dating for Dummies en það var bara smá skot á hann, en hann hafði gaman af og gat hlegið eitthvað af þessari bók.

puff

Dugleg

Ég er búin að vera alveg ágætlega dugleg í nammibindindinu núna í þessari viku. Reyndar kom einn svindldagur í gær þar sem það var saumaklúbbur en þá er allt í lagi að fá sér það sem er á boðstólnum eða það finnst mér. Enda er þessi svindldagur bara einu sinni í mánuði. Að sjálfsögðu var mjög gaman í saumaklúbbnum í gær, alltaf gaman að hitta stelpurnar. Ég er hins vegar búin að komast að því að ég er unglingurinn í hópnum og vinkonur mínar eru að eldast ;-) flest allar að taka pillur við hinu og þessu........... sussum svei. Segir bara hversu ung ég er, hugsa að ég sé ekkert á sama aldri og þær. Er ég í afneitun? Kannski.....

Afmæli
Hann Birgir á afmæli í dag! Til hamingju með afmælið Birgir, vonandi nýtur þú dagsins og hádegismatarins. Við erum að fara í afmælishádegisverð saman, hann fær að velja staðinn. Vona samt að það verði ekki Mcdonalds, ótrúlegt hvað hann er hrifinn af þessum stað. Búin að komast að því að Mcdonalds er mikið betri í útlöndum heldur en hér heima. Ekki veit ég þó hvers vegna. Reyndar er betra gosið hérna heldur en úti :)

hann á afmæli í dag, hann á afmæli í dag........

Uppgefin

Búin að vera í allan dag að fara yfir verkefni hjá nemendum í verkefnatímanum og er því frekar uppgefin og komin með leið á tölvunni. Reyndar ekkert getað farið þennan hefðbundna blogghring. Það er alveg rosalegur tími sem er að fara í yfirferð á verkefnum. Vorum að fara yfir einstaklingsverkefni og þetta eru hátt í sextíu manns ef ekki meira. Talandi um að maður sé orðinn heiladauður.

Hins vegar afrekaði ég það í gær að þrífa sameignina og skila henni af mér. Horfði reyndar á Judging Amy fyrst.

skildu eftir skilaboð

Höfuðverkur

Rétt til getið ég er með hausverk, sem er ekki skemmtilegt þegar maður er í vinnunni og þarf að glápa á tölvuskjá og vera í símanum. Ekki gott fyrir hausverkinn. Svo þegar ég kem heim bíður mín ekkert skemmtilegt verk því ég þarf að þrífa sameignina.
Stór möguleiki að ég missi af Judging Amy þar sem ég þarf að þrífa en reyni þá bara að vera fljótari. Þetta er heldur ekkert svo mikið.
Sá Marilyn Manson í Jay Leno í gær, mikið rosalega er þessi maður óhuggulegur, gæti ábyggilega verið hið vænsta grey enda held ég að það hafi ekki verið gott fyrir orðspor hans að vera í Jay Leno þætti hehehe en allavega fatta ekki þetta útlit en honum tekst þó að vekja athygli sem er eflaust erfitt að fá þarna í Hollywood þannig að honum hefur tekist áætlunarverkið sitt.

Öllum líka frjálst að koma að sækja mig i vinnuna og skutla mér heim :)
Langar heim!

Þrif!

Ótrúlegt en satt þá þreif ég heima hjá mér í gær þannig að fólki er óhætt að kíkja í heimsókn núna næstu daga meðan hreint er ;-), á líka sameigninga þessa viku þannig að ómöglegt að hafa sameignina hreina en allt skítugt hjá mér. Gerði tvær tilraunir til þess að fara í Krísuvík um helgina til þess að fara í vettvangsferð sem ég missti af þegar ég var í Chicago, en ég er svoddans auli þannig að mér varð lítið úr verki :-( reyndar held ég að betra hefði verið hefðum við farið tvær eða álika. Gat þó notað aðeins GPS tækið sem ég var með til þess að taka staðsetningar á nokkrum stöðum og núna er alveg áhugi á því að eignast slíkt tæki. Veit þó alveg ekki til hvers en kannski er það bara svona trend sem tilvonandi landfræðingur og sem landvörður verður að eignast. Verður maður þá ekki að eignast slíkt tæki hehehe. Held reyndar að þau séu frekar dýr þannig að það mun bíða í lengri lengri tíma.
Það var svona hálf partinn skorað á mig að skrifa ferðasöguna til Chicago hérna inn en ég veit ekki hvort ég geri það alveg. Sett kannski frekar það sem kom mér á óvart og hvað mér líkaði ekki og þess háttar heldur en eiginlega ferðasögu því ég var búin að skrifa eitthvað um það sem ég gerði úti.

Afmæli!
Óskar hennar Bellu á þrítugsafmæli í dag og vil ég óska honum innilega til hamingju með daginn :) en saumaklúbburinn var í afmæli hjá honum á laugardagskvöldið!

með allt á hreinu.....

Vinna

Er núna í vinnunni, merkilegt að yfirleitt þá svo nenni ég svo ekki í vinnuna þá er þetta allt í lagi þegar ég er loksins komin! Var líka einstaklega heppin að Birgir keyrði mig í vinnuna í kvöld þannig að ég slapp við að ganga hingað þarf því bara að ganga heim. Það er líka skárra því þá er ég að fara heim en ekki í vinnu ;-) Takk Birgir fyrir farið.

Annars var hann að fá annað ljósmyndaraverkefni en hann er að fara að taka tískuljósmyndir fyrir tímaritið Mood!

Hvað hef ég meira að segja, var lengi í odda í tölvunni á samt enn eftir að koma einhverju niður á blað! Skrýtið verkefni! Ætla samt fyrst að horfa á sex in the city þegar ég kem heim.
Ég er búin að vera í vandræðum með nammidagana eftir að ég kom heim frá Chicago, því það virðist vera að allir dagar séu nammidagar, ekki gott. Verð að fara að taka mig á í þessum málum. Þegar ég gekk heim í gær úr vinnunni kom ég við í 10-11 og missti pínku stjórn á mér við innkaupin. Ekkert alvarlega en var samt að kaupa smá óþarfa eins og jarðaber, keypti kók og doritos flögur.

að missa stjórn...

Æði

Mundi eftir einu, það eru sumir farnir að nota comment kerfið og skrifa komment vildi bara segja að mér finnst það æði, það gerir mig mjög hamingjusama og hver segir að það sé erfitt að gera mig hamingjusama þegar þarf svona litla hluti :-) endilega skrifið komment og í gestabókina því þá verð ég svo ánægð.

Ánægð

??

Jæja, er í tölvuverinu hérna í odda og á að fara að gera verkefni, skoða netnotkun í þróunarlandi. Er ekki alveg að nenna að gera það og því búin að hanga smá í tölvunni. Er orðin svöng en ætla ekki að gefast upp. Fer héðan ekki fyrr en ég hef lokið verkefninu.
Við erum komin í nýtt/gamalt verkefni í vinnunni aftur, verkefni sem við vorum áður í og það er svo mikið betra og það eru fleiri sem segja já :-) og það er svo gott!
Það lítur út fyrir að þetta blogg verði bara bull því einhverra hluta vegna dettur mér ekkert í hug að segja þó svo að ég vissi heilmikið hvað ég átti að skrifa í gær.

svöng!

Snillingur!

Ég er snillingur, í gær tókst mér að stimpla pin númerið mitt í gsm símanum þrisvar sinnum rangt inn :( og þurfti því á puk númerinu að halda. Ég er bráðum búin að hafa gsm síma í 5 ár og þetta hefur aldrei gerst áður. Ég lokaðist allt í einu með pin númerið mitt og núna man ég það ekki lengur. Komin líka með nýtt pin númer. Mér finnst 5 ár langur tími og fyndið að hugsa til þess að ég ætlaði sko aldrei að fá mér gsm síma, þeir væru algerlega óþarfi (svo sem ekkert nauðsynlegir), ég ætti því að vera búin að læra núna að tala varlega og aldrei að segja aldrei því yfirleitt kemur það í hausinn á manni aftur.

Ég keypti mér Sigur rósar diskinn í gær og er hann bara nokkuð góður, alveg hægt að hlusta á hann!

Núna er ég líka búin að eignast mína fyrstu regnhlíf, fór áðan í bankann til að sækja nýja debetkortið mitt og visa kortið sem bæði eru barasta nokkuð flott. En þegar ég náði í vísa kortið mitt þá sagði þjónustufulltrúinn að regnhlíf fylgdi með þegar fólk endurnýjaði kortið. Ég er svo sem ekkert ósátt þó ég hafi kannski lítið með regnhlíf að gera. En eins og ég sagði aldrei að segja aldrei.

Mæli með Sigur Rós

Afmæli!

Mamma á afmæli í dag og vil ég nota tækifærið og óska henni innilega til hamingju með afmælið. Njóttu dagsins.

Hún á afmæli í dag, hún á afmæli í dag.....

Löt!

Búin að vera löt sem er ekki nógu gott! Fer ekki í vinnuna sem er alveg ágætt, reyndar þó ekki vegna leti. Heldur erum við orðin svo mörg þarna að það er ekki pláss fyrir mig í kvöld og ég er barasta hálf fegin. Fer reyndar heldur ekki á morgun en það er önnur ástæða fyrir því. Mamma á afmæli á morgun og að mér skilst ætlar hún að bjóða okkur eitthvert út að borða og að sjálfsögðu læt ég það ekki framhjá mér fara ;-) Þannig að ég fer ekkert að vinna fyrr en á miðvikudaginn. Ætti líka að fara að labba niður í bæ til að kaupa nýja diskinn með Sigur rós en nenni því heldur ekki enda líka kalt. Langar mest að fara heim og hreiðra um mig í rúminu svona í tilefni af því að ég fer ekki í vinnuna en ætla ekki að gera það. Fara heim og læra er stefnan.

Mennt er máttur!

Niðurdrepandi!

Er í vinnunni núna og það er frekar fúlt, gengur ekkert hjá mér. Fólkið sem ég hringi í svara annaðhvort ekki eða segir nei. Er bara ekkert að fíla þetta. Einnig er ég orðin alveg þvílíkt svöng þar sem ég tók ekkert nesti með mér í vinnuna. Sem betur fer er þetta seinasta kvöldið í þessu verkefni og við förum síðan í annað skárra verkefni í næstu viku.

svöng

Leti!

Held það sé krónisk leti eða bara dapurleiki sem er að hrjá mig þessa dagana. Það var mjög gaman að vera úti í Chicago, Tinna og Óli tóku líka einstaklega vel á móti okkur, takk fyrir það :) Ég held ég sé líka pinku döpur yfir því að vera komin heim í hversdagsleikan og halda áfram þar sem frá var horfið. Að fara út var mjög gott og smá tilbreyting í lífið. Svona núna kem ég heim er mikið ein eftir að hafa verið í góðum félagsskap úti og það er ekki svo gaman. Annars gat ég eytt alveg ágætis pening úti og eyddi að mestu í sjálfan mig. Sem er bara ágætt, gat líka keypt eiginlega allar jólagjafirnar úti sem er mjög gott þannig að þetta leiðinda stress fyrir jólin mun ekki vera að hrjá mig. Enda er ég líka búin í prófum 18 des og þá er bara að finna sér vinnu. Einhvern veginn held ég að desember sé ekki góður tími til þess að leita sér að vinnu en um að gera að vera bjartsýn ekki satt!
Ég er líka búin að komast að því að manneskja sem á að vera með nammidaga á laugardögum að það er ekki sniðugt að eiga nammi uppi í skáp, það er bara alls ekki sniðugt.

Það lítur út fyrir að minnsta kosti Óli lesi síðuna mína og vil ég því þrýsta hér með á hann og þau skötuhjú að byrja að blogga, hann var búin að segjast ætla að koma sér upp síðu í kveðjupartýinu sínu í sumar og hér með skora ég á hann að byrja að blogga og láta mig vita um síðuna svo ég get nú fylgst með hvað þau eru að bardúsa.

Óli og Tinna sýndu okkur lika háskólasvæðið og er ekki laust við að mig langi pínku út að læra, veit reyndar ekki alveg hvert en býst samt ekki við að það verði alveg strax. Leist vel á háskólaumhverfið þarna úti.

Dugar í bili

Komin heim!

Er bara ekki í stuði til að skrifa, ætti líka að vera að læra á fullu, skrifa seinna.

Enn a lifi

Eg er enn a lifi her i Chicago og buin ad skemmta mer alveg fullt og vist lika buin ad eyda einhverjum peningum!
Eg er nuna i einu af bokasafni University of Chicago med dagpassa, vildi endilega komast i tolvu til ad geta sent pabba baedi sms og tolvupost til thess ad oska honum til hamingju med afmaelid thar sem hann a vist afmaeli i dag.
Til hamingju med afmaelid pabbi!
Oli er farin til Baltimore a radstefnu thannig ad Tinna situr uppi ein med okkur thessa dagana. A laugardagskvoldid forum vid i John Hancock bygginguna sem er um 100 haedir og satum thar og nutum utsynisins asamt thvi ad drekka einhverja drykki. Thad var rosalegt.
Einnig er eg buin ad fara i thyskan kafbat sidan ur seinni heimsstyrjoldinni og thad var ansi gaman. Einnig er eg buin ad sja Red Dragon sem var alveg agaet og svo i gaer forum vid i staersta bioid i Chicago sem var agaetlega stort en med litlum solum og forum a alveg hraedilega mynd. Va hvad hun var leleg, myndin var Ballistic med Antoni Banderast og Lucy Liu. Hugsa ad hun komi ekki i bioin heima enda med fadaemum leleg.

see ya soon

Chicago

Eg er í Chicago jíbbí. Ferðin gekk vel hérna út fyrir utan það að við fengum ekki töskurnar með okkur heim en þeim var skilað til okkar daginn eftir um hádegi. Núna er ég bara að hangsa í tölvunni hjá Óla og Tinnu meðan þau eru að elda. Búið að vera mjög fínt. Reyndar fann ég fyrir mikli þreyttu í gær og er það mjög líklega vegna tímamismunarins. Held samt að við séum aðeins að koma til. Það er búið að vera mjög fínt veður. Í gær var mjög heitt og gátum við gengið um á stuttermabolnum og reyndar í dag líka.
Alveg búin að sjá að þetta er mikil lærdómsferð fyrir mig! Á leiðinni í flugvélinni þegar ég horfði niður og sá landið var ég alltaf að spá í sambandi við loftmyndatúlkun hvernig landið er notað og gróðurinn niðri og þéttbýlismyndun og þess háttar. Alltaf að spá í þetta. Búin að vera í bókabúðum í dag og var ég þá að skoða bækur sem gætu nýst mér í náminu og svona.
Hleyp hratt yfir sögu enda ekki hérna í Bandaríkjunum til þess að hanga á netinu hehehe

over and out

Alias

Horfði á þennan þátt í gærkvöldi og er ferlega svekkt. Það var ekki sýnt það sem var í töskunni og ég mun ekki sjá næsta þátt þar sem ég verð í Bandaríkjunum, spurning hvort maður ætti að sleppa ferðinni! hmmm............ NOT
Ég held ég viti hvernig ég get komið mér í mjúkinn hjá hópnum mínum í loftmyndatúlkun eftir að ég kem heim, kaupi bara fullt af nammi og býð þeim upp á þegar við erum að vinna verkefnið. Haldið þið þá ekki að ég verði vinsælust!

Ég held að aðal ástæðan fyrir því að ég hef verið svona dugleg að skrifa undanfarið er til þess að geta talið niður í Chicago :) en svo náttúrulega veit ég ekki hvort ég mun geta skrifað eitthvað úti, kemur bara í ljós. Gæti samt alveg trúað því að Jens og Óli reyni að spila einhvern tölvuleik og þá kemst ég ef til vill í tölvu. En þetta kemur allt saman í ljós.

1 dagur i Chicago

Nammi!

Mig langar geðveikt í nammi núna og sjálfstjórnin er með minnsta móti, hef reyndar ekki fengið mér ennþá en mig langar............ tengist örugglega þessu mánaðarlega!

Ég þarf að biðja Guðmundu afsökunar því að sjálfsögðu er hún ekki enginn en hún var sú eina sem skrifaði mér í sambandi við vini :) Ég er komin með smá hnút í magann yfir því að vera að fara út vegna skólans. Það er allt að verða brjálað þar núna það er að segja brjálað að gera og ég slæ bara öllu upp í kæruleysi og fer. Næsta mánudag er t.d. vettvangsferð í loftmyndatúlkun sem maður verður eiginlega að mæta í því verkefnið sem við gerum í sambandi við það gildir 30% en ég sting bara hópinn minn af, vonda Linda. Reyndar ætla ég nú að reyna að fara í feltið þegar ég kem heim en kennarinn minn sagði við mig að það væri gott ef einhver úr hópnum kæmi með mér þannig að greyið stelpurnar!

2 dagar í Chicago

Styttist!

Mér finnst ég vera farin að heyra sírenuvæl mjög oft undanfarið og er það ekki sérlega skemmtilegt. Ég tók spóluna My big fat greek wedding í gær, þetta var alveg ágætis mynd en fannst samt sem áður einkennast smá af Muriel wedding en sú mynd er þrælgóð. Helgin er engan veginn búin að fara eins og ég ætlaði mér en það er víst reyndin með allar síðustu helgar að ég hef ekki gert það sem ég hef ætlað mér.
Árni er farin að skrifa aftur á heimasíðuna sína sem er mjög gott :)

Það hefur enginn skrifað eða kommentað út á það sem ég spurði um daginn, hvað gerir vin að vini :( og þykir mér það mjög leitt.

3 dagar í Chicago

Seinheppin

Í gær fór ég í vísindaferð og þegar ég var á leiðinni upp í skóla í sandölunum mínum þá þurfti teygjan á einum skónum endilega að slitna :( þannig að þegar ég var komin upp í jarðfræðihús þá var ég svo heppin að eins stelpa var með nál og tvinna í veskinu sínu þannig að ég fór að sauma skóinn, en til að vera alveg vissar um að þetta mundi nú örugglega haldast þá heftuðum við skóinn einnig nokkrum sinnum.
Vísindaferðin var svoldið óvenjuleg þar sem við vorum á rúntinum í rútu um Reykjavík. Krökkunum var færður bjór þegar við komum upp í Breiðholt en ekki var boðið upp á gos
:( Í þessari vísindaferð og á innan við klukkutíma þá ókum vð framhjá þremur árekstrum sem allir voru óvenjulegir. Sá fyrsti var hjá Sprenigsandi en þar var bíl á hliðinn hjá ljósunum og skil ég ekekrt í því hvernig það gat gerst. Sá næsti var í brekkunni þegar maður keyrir upp í efra Breiðholt framhjá Staldrinu og þar. Hjá ljósunum upp í brekkunni en þar var jeppi sem hafði sennilegast farið á öfugan vegarhelming og lent í veghandriðinu sem er þar og var næstum því farinn fram af. Þriðji áreksturinn var á Sæbrautinni en sýndist mér einnig að bíl hafði farið á hliðina á miðri Sæbraut.
Þessi mjög svo óvenjulega vísindaferð var einungis um klukkutíma löng þannig að við vorum komin niður í bæ um sexleytið öll alveg hræðilega svöng. Þannig að við skunduðum á Pizza 67 til þess að fá okkur að borða enda allt of snemma að fara á Astró. Hins vegar vorum við komin á Astró um sjöleytið og var staðurinn svo til fullur um átta leytið. Margar vísindaferðir greinilega þennan föstudag. Þarna var samankomin verkfræðin og einnig held ég að læknisfræðin hafi verið þarna ásamt okkur. Svoldið fyndið að fylgjast með fólkinu úr hinum ýmsum deildum, finnst við klæða okkur á svo sitthvoran mátta :) maður gæti nánast greint út hverjir eru í hvaða deild allt út frá klæðaburði. Annars á venjulegum degi í Odda þá getur maður séð viðskiptafræðinema út frá öðrum nemum.

Ég og minn félagsskapur rölti síðan yfir á Gaukinn til að athuga hvað kostaði inn en ákváðum að fara ekki inn, þá ákvað ég að halda annað og var næsti viðkomustaður minn Breiðholtið þar sem ég kíkti til pabba að spila. Vægast sagt gekk ekkert of vel, búin að sjá það líka að ég er slow á bjölluna!

4 dagar í Chicago

ha ha ha!

Ég bara verð að deila þessum með ykkur. Ég fór inn á teljara.is til þess að skoða hvaða lén hafa heimsótt síðuna og svona. Nema það var eitt svoldið forvitnilegt og mér finnst voða fyndið. En það hefur einhver verið að leita að Björk á leitarvef sem heitir overture nema leitarorðið sem hann/hún slær inn er björk síðasta ég og kemur þá síðan mín upp ásamt einhverju fleirum. Mér finnst þetta voða sniðugt og fyndið!
Mér er líka alveg sama þótt ykkur finnist það ekkert fyndið :)

Ótrúleg!

Ég er ótrúleg, var að muna eftir enn einu sem ég hef ætlað að skrifa um en það er Rauði krossinn. Á morgun er átakið gengið til góðst og undanfarið hafa verið auglýsingar í sjónvarpinu þar sem þetta er auglýst. Mér finnst þessar auglýsingar alveg brilliant og það er mikið af andstæðum pólum sem er sett fram þarna. Þessar auglýsingar finnst mér lýsa Rauða krossinum á mjög góðan hátt.
Ég var 18 ára þegar ég byrjaði sem sjálfboðaliði í Rauða krossinum en hefði eflaust byrjað fyrr ef ég hefði vitað af þessu fyrr. Náttúrulega hafði maður heyrt Rauði krossinn hér og þar í hjálparstörfum en ekki af vinnu sem þeir eru með hér heima. Rauði krossinn er nefnilega með góðan boðskap sem höfðar alveg rosalega til mín, reyndar hefur það gerst núna að ég er eiginlega dottin úr félagsskapnum fyrr allöngu síðan en ég veit eiginlega ekki hvernig ég á að fara að því að tengjast honum aftur því þetta er eitthvað sem ég vil ekki missa. Mannúðin er í hávegum höfð hjá Rauða krossinum og það er helsta sem höfðar til mín og einnig það að það skiptir ekki máli hverjum er hjálpað það er að segja hvaða litur er á hörundinu, hverjar trúar o.s.frv.

Gleymdist!

Þetta var frekar þunn færsla sem er hér að neðan. En í gærkvöldi þegar ég kom heim þá var svo mikið í gangi í hausnum á mér að ég átti erfitt með að festa svefn. Var búin að hugsa fullt sem ég gæti skrifað hér en svo þegar ég loksins skrifa þá að sjálfsögðu er það dottið út og ég er of löt til þess að vanda mig og skrifa heillegri texta. En allavega þá gleymdi ég að segja það að það er líka heilmargt sem maður lærir um í saumaklúbbum eins og það að hundar geta verið á prozack og kettir með anorexíu!

enn 5 dagar í Chicago

Saumaklúbbur

Í gærkvöldi var saumaklúbbur í vinahópnum, jafnvel þótt mér er stór illa við þetta orð og finnst það úrelt fyrirbæri að vissu leyti þá er þetta stórkostlegt að hafa fyrirbæri eins og saumaklúbbur er. Það er frábært að hitta vinkonur sínar í góðu tómi og rabba saman, geta talað um allt milli himins og jarðar. Manni líður í flestum tilfellum svo vel eftir á og er ánægður. Stelpur þið eruð æði!

Þá er það komið á hreint!

Var áðan í umræðutíma í þróunarlöndum sem var mjög áhugaverður en við vorum að fjalla um ákveðna bók þar sem er gagnrýnt hugtakið þróun og hvernig það hefur verið í gegnum tíðina. Ég á reyndar eftir að skrifa smá greinagerð um þessa bók og aldrei að vita nema ég muni segja eitthvað meira frá því.

5 dagar í Chicago

Fimmtudagsblogg

Saumaklúbbur i kvöld sem þýðir það að ég fer ekki að vinna :) jíbbíii
Reyndar er heilmikið sem mig langar til þess að gera í kvöld t.d. er einhver fundur um Fólk, fjöll og þjóðgarða í Kópavoginum. Hjörleifur Guttormsson verður meðal annara þarna og fjallar um þjóðgarða í Afríku, Ómar Ragnarsson um þjóðgarða í Bandaríkjunum. Damn mig langar svo.............. Einnig er einhver visa forsýning í kvöld tveir fyrir einn á myndina Insomnia í kvöld sem mig langar líka á.
En það verður saumaklúbburinn sem verður ofan á, hef líka afsökun fyrir því að borða einhver góðgæti sem annars væri bara á laugardögum ;) en mikið rosalega langaði mig í nammi í gær, en ég fékk mér ekki og heldur ekki gos. Þvílíkur dugnaður.

Landfræðingar!
Ég hef verið að spá því nú hef ég rekist á 3 kennara í landafræðinni sem hafa verið á hjóli sem að sjálfsögðu er hollt og gott ásamt því að vera umhverfisvænt. Ég er stundum á hjóli og hjóla til dæmis alltaf í vinnuna ætli það geri mig þá að góðum landfræðingi!

6 dagar í Chicago

Íslensk veðrátta!

Týpísk íslensk veðrátta núna úti að mínu mati. Rigning og rok. Ekki uppáhaldið mitt! Þoli það ekki.
Annars vaknaði ég hálf sjö í morgun til þess að fara að telja bíla. Var í 4 klukkustundir rétt hjá Háskólanum að telja bíla. Gaman hjá mér svona í morgunsárið og hvað gerir maður ekki til þess að vinna sér inn pening!
Verst að dugnaðurinn hélt ekki áfram eftir að ég kom heim því ég lagði mig, en þetta var sennilegast ágætis æfing að sitja i 4 tíma á rassinum án þess að standa upp áður en ég fer út. En það er bara vika þangað til ég fer. jíbbíiii

vika í Chicago

Til minningar Ágústar frænda!

bögg

Einhverra hluta vegna kemur ekkert þegar ég fer inn á systrabloggið, er ekki að skilja af hverju ekki. Búin að vera að reyna að skoða hvað er að en sé ekkert. Ef einhver hefur einhverjar góðar hugmyndir varðandi það er öll aðstoð vel þegin.

bögg bögg bögg

Leiðist

Sjónvarpið er búið alltof snemma og mig langar ekki til þess að fara að sofa! Spurning hvort ég fari og horfi á stöð 2 ruglaða. Vissi að ég hefði átt að fara áðan út í vídeoleigu til þess að taka spólu. En svona er að vera vitur eftir á.

Varúð!
Ég ætla bara að vara ykkur við þessu someonelikesyou.com en þetta er ekkert smá hallærislegt og frekar fyndið. Eftir að hafa reynt að grafast fyrir um það hverjum líkaði nú svona vel við mig þá prófaði ég allar mögulegar aðferðir og skráði meðal annars mig þarna inn líka. Svo áðan þegar ég var að kíkja á háskólamailinn minn þá er ég komin með póst sem segir að ég hafi match og geti nú fengið að sjá hver þetta er (grunaði nú að þetta væri nú bara ég sem væri með match við sjálfan mig!). Allavega ég fór þá inn til þess að sjá aðilann en nei nei þá þarf ég að kaupa eitthvað til þess að fá e-mail sem lætur mig vita hver mitt match er en ætli ég fatti það ekki ef ég fæ sama póstinn á hotmailinu. Ég bara kemst reyndar ekki inn í hotmailið mitt eins og er þannig að ég verð að vera þolinmóð.
Þannig að enn og aftur vil ég biðja ykkur afsökunar á því að hafa skrifað ykkar netfang þangað inn, vona bara að það komi ekki of mikill ruslpóstur út frá þessu. Ef svo er fáið þið leyfi til þess að dangla í mig!

Er pínku pirruð á þessum blogger því færslunar hér fyrir neðan eru með svona hallandi skrift jafnvel þótt ég hafi ekki sett það á og virðist ekki geta lagað þetta!

Ég verð aðeins að monta mig hérna en ég hef verið voða dugleg í kók og nammibindindinu eða það að hafa bara nammidaga á laugardögum. Þið megið alveg hrósa mér og mér finnst ég meira segja finna smá mun á mér. Að minnsta kosti eru sumar buxur ekki eins þröngar utan á mér og þær voru, nema þetta sé allt bara óskhyggja í mér ;) meira segja þegar nammidagar hafa verið þá hef ég ekki haft mikla lyst á namminu og hefur það át minnkað mikið. En kókdrykkjan kannski ekki alveg yfir helgina. Minnsta kosti er ég voða stolt af mér og er þetta líka allt liður í sparnaðarátaki. Ímyndið ykkur hvað fer alltaf mikill peningur í nammi! Það getur stundum verið alveg ferlegt!

Ég er farin að hafa áhyggjur af Árna því ekkert hefur heyrst í honum lengi, hvorki í síma, netpósti né heimasíðunni sinni, meira segja hefur öll skrifin hans dottið út þar og er bara ekki neitt á forsíðunni. Aðeins styttra síðan Arndís lét í sér heyra.

Góða nótt!

Svindl

Ég náðist að gabbast :( fékk e-mail í dag á háskólapóstinn minn þar sem var sagt someone likes you. Ég er náttúrulega voða ánægð með það en svo fer ég á síðuna til þess að komast að því hverjum líki nú við mig. Þá þarf ég að fylla út ýmsar upplýsingar og síðan koma vísbendingarnar en til þess að fá vísbendingar þarf ég fyrst að geta hver þetta hefur verið og setja nafn og netföng til þess að fá næstu vísbendingu. Þannig heldur þetta áfram og aldrei komst ég að því hver þetta var :( þótt mig kannski hafi systur mína pínku grunaða þá held ég að hún hafi ekki haft netfangið mitt hérna í háskólanum. Allavega þá gat ég aldrei fyllt út sama netfangið aftur og aftur né haft fölsk netföng þannig að hinu ýmsir aðilar hafa einnig fengið póst frá someonelikesyou.com og biðst ég afsökunar á því en þið vitið þá að öllum líkindum að þetta var frá mér :)
En sá sem sendi mér þetta, vinsamlegast gefðu þig fram, óþægilegt að vita ekki hver gerði þetta. Vísbendingarnar sem ég fékk er að aðilinn (svo lengi sem upplýsingarnar eru réttar) er á milli 17-21 árs á fiska sem gæludýr, er með dark blonde hair. Ef hann/hún mundi vinna fullt af peningum mundi hann/hún kaupa leikföng. Draumastefnumót væri að mig minnir kvöldverður og bíó og svo seinasta að draumagetaaway væri að fara á skíði.

Gefðu þig fram!

Vinur

Núna langar mig smá að fá álit ykkar. Hvað er það sem gerir vin að vini?
Þið getið annaðhvort svarað mér í skilaboðunum hér að neðan, skrifað í gestabókina eða sent mér e-mail

Traustur vinur getur gert kraftaverk!

Netsambandið komið

Gumma frænda tókst það en netsambandið er komið aftur á í götunni :) að minnsta kosti hjá mér og það er fyrir öllu. Hitti Gumma frænda hérna fyrir utan í dag að draga einhverjar snúrur og svona en hann sagðist reyna að vera að koma þessu aftur á þegar ég spurði hann hvort hann stæði fyrir því að ég væri sambandslaus!
Ekki það að ég hefði náttúrlega getað skrifað eitthvað í skólanum bara nennti því ekki. Það er eitthvað við það að skrifa á netið hérna heima og hafa sjónvarpið í gangi og svona.
Þvílík rigning í gær, þegar ég hjólaði heim úr vinnunni var ég alveg holdvot og buxurnar mínar bíða skaða af.

Annars er skemmtilegt hvað hún systir mín er farin að tjá sig á netinu.

Judging Amy er að fara að byrja þannig að ég hætti í bili og svo kemur líka survivor en ég gat ekki horft á það í gær.

hasta la vista

þrjú ár! :~(

Vefur mánaðarins

Árni er komið með nýtt inn á heimasíðuna og er með vef mánaðarins. Og vitið þið hvað. Mjálmið hans Vargs er vefur mánaðarins hjá honum *blush*
Annars var ég að vinna í gær og fer að vinna í kvöld og fyrsti verkefnatíminn í minni umsjá er núna á eftir. Hnútur kominn í magann og alles. Annars var ég að segja upp áskriftinni að morgunblaðinu. Verð að fara að gera sparnaðaráætlanir, símreikningurinn er líka allt allt of hár, þarf þvílíkt að minnka hann. Þannig ef ég hringi ekkert í ykkur þá er það ekki vegna þess að ég vil ekkert við ykkur tala heldur sparnaðaráætlun. Hey ég hef líka netið bara verst að það svarar enginn á móti þar en svona er lífið. Fær víst ekki nærri því allt sem maður vill.

koma svo og spara

Which Season are you?

What revolution are You?
Made by altern_active

Eytt

klikkaði smá

Rofnar samfarir

Einn ónefndur aðili sagði við mig að honum hefði þótt mjög gaman af blogginu mínu þessum um rofnar samfarir og nefndi hvort klámmyndir gætu átt þátt í því að þetta sé svona algengt. Ég held ekki, fólk tekur bara of mikið sensinn og held ég að það sé fólk í yngra kantinum sem stundar þetta meira, unga fólkið sem þorir ekki að kaupa getnaðarvarnir eða einhverja hluta vegna getur ekki keypt það og heldur að í staðinn sé alveg öruggt að stunda rofnar samfarir. En þetta er að sjálfsögðu bara hugleiðingar mínar um af hverju og hvaða aldurshópur þetta sé.

hvað heldur þú?

Sex in the city

Ég hef mjög gaman af þáttunum Sex in the city eða Beðmál í borginni eins og það kallast á íslenskunni. Þykir mér hinsvegar stórfurðulegt hvað aðalsögupersónan Carrie er alltaf í hræðilega ljótum fötum. Undantekningarlaust finnst mér fötin hennar hræðileg ekki það að ég sé endilega það mikil smekk manneskja á föt en fyrr má nú fyrr vera. Ég man eftir einhverjum svona viðtalsþátt við Söruh Jessicu Parker þar sem var talað um þáttinn og hún sagðist vilja eiga fataskáp Carrie í þáttunum............. ojjjjjjjjjj hvað er hún að hugsa!
En oh well það er greinilega ekki mitt að skilja!

Vinna

Jamm ég var loksins að vinna í gær eftir um 2 vikna bið ef ekki lengri. Ekki það að ég hafi verið æst í að fara að vinna heldur þarf maður víst á peningum að halda og ekki síst núna. En eftir vinnu þá gekk ég heim og þvílíkt dýrindisveður, það var ekkert smá heitt og milt veður.

ekkert meir

Fleiri afmæli

Sólrún vinkona á afmæli í dag. Til hamingju með afmælið Sólrún mín og vonandi áttu góðan dag!

Annars er það að frétta að ég var áðan í tíma sem heitir Þróunarlönd nema þar var ég að komast að því að helstu getnaðarvarnir sem fólk í þróunarlöndunum notar er ófrjósemisaðgerðir það er minnsta kosti svona einna algengast en svo enn merkilegra var það að fólk í vestræna heiminum notar rofnar samfarir, hversu upplýst er það? Reyndar var pillan og rofnar samfarir jafnar á notkun en samt!!!

Fór í bíó í gær á K19, það sem fór í pirrurnar á mér að þetta áttu allt að vera Rússar en töluðu ensku. Grrrrr........... Það var frekar skrýtið að sjá Ingvar Sigurðsson þarna í myndinni og sást bara töluvert af honum þótt hann hafi ekki nú sagt mikið. En ég ætla ekki að segja of mikið fyrir þá sem enn hafa ekki séð myndina. En þetta er alltílæ mynd.

og hvað svo...

Nýtt

Systrabloggið er komið, mun setja link hérna á síðuna inn á systrabloggið. Ellen systir virðist vera tilbúin í the public life hahaha er bara að grínast. En gæti orðið áhugavert eða bara hundleiðinlegt þar sem við tölum um hluti sem koma okkur við.

stay tuned

Afmæli

Pétur Ágúst bróðir á 9 ára afmæli í dag, til hamingju Pétur minn einnig á Pétur frændi afmæli í dag og er hann 19 ára að mig minnir. Til hamingju Pétur. Vona að þið báðir eigið góðan dag!

Ég sé að talan á teljaranum hleypur alveg upp, veit ég ekki alveg hvað er að valda því. Annars eru augun mín betri, fór til læknis og fékk einhverja augndropa við þessu.

Brúðkaup
Ég var í brúðkaupi hjá Sólrúnu vinkonu minni og Bjarna á laugardaginn var. Þau fengu alveg frábært veður og þetta var yndislegur dagur og ég vona að þau séu ánægð með hann. Ég get rétt ímyndað mér hvernig brúðgumanum líður þegar hann er að bíða eftir brúðinni í kirkjunni því þegar ég var að bíða fann ég fyrir vaxandi hnút og fiðring í maganum eftir að hún mundi ganga inn kirkjugólfið og ef mér skildi líða svona hvernig ætli brúðgumanum líði? Ég hef ekki reynslu sjálf í þessu þannig að ég get með engu móti sett mig í spor brúðinnar sem gengur inn kirkjugólfið. Annars var ég ekki smá ánægð því presturinn talaði um að gott væri að eiga góða vini því í þessu tilfelli hafi þau kynnst í gegnum vini og að sjálfsögðu tók ég það til mín. Málið er að Birgir er vinur hans Bjarna og ég er vinkona hennar Sólrúnar og má segja að þau kynntust í gegnum okkur :)
Kvöldið var líka mjög fínt og góður matur og skemmtiatriði. Við vinkonurnar vorum svo góðar að við vorum búnar að semja nýjan texta við lagið og þá stundi Mundi og koma þeim upp á brúðhjónin og held ég bara að það hafi tekist nokkuð vel. Diskótekið ok var að spila og var ekki góð tónlist fyrr en Ásdís fór aðeins að skipta sér af og athuga hvaða geisladiska maðurinn átti. Þá loksins var hægt að fara út á dansgólfið og dansa. Ég lifði kvöldið af þrátt fyrir að hafa verið í háum hælum, hærri en ég er í vanalega þar sem strigaskór er uppáhalds skófatnaður minn. En þegar ég kom heim um kvöldið og fór úr skónum þá var eins og gólfið væri mjög bylgjótt og það var stórfurðulegt að ganga.

Sjónvarpsgláp

Það kom að því að mér hefnist fyrir allt þetta sjónvarpsgláp, enda fer ég ekki að sofa á kvöldin fyrr en öll dagskrá er búin og stundum á öllum stöðvum jafnvel þótt ég hafi ekki afruglara. En allavega þá virðist ég vera komin með einhverja augnsýkingu :( ég er öll rauð og bólgin á öðru auganu og svo þessi mikli gröftur. Ég var bara heppin að hafa getað opnað augun í morgun. Vaknaði ábyggilega tvisvar í nótt til þess að þurrka úr augunum. Smekklegt ha!

Annars er ekkert að frétta af mér og ég er ekki búin að koma neinu af stað og virðist best í því að gera ekki neitt þessa dagana og heldur ekki mikil löngun til þess að gera eitthvað annað.

1 dagur í brúðkaup hjá Sólrúnu og Bjarna

Andvaka

Í nótt var ég andvaka og vissi ekkert hvað ég átti af mér að gera. Reyndar datt mér í hug að taka upp skólabók til þess að lesa og var eiginlega nokkuð viss um að þá mundi ég detta út af strax en hins vegar langaði mér ekki til þess. Hins vegar sá ég þessa videospólu sem var merkt systur minni og ákvað að kíkja á hana og sjá hvað væri á henni. Þar voru fréttir af skjá einum síðan 16.júni 2000 en hún hafði tekið það upp fyrir mig því í fréttatímanum kom lítil „frétt“ um Buslara sem voru að leggja af stað til Danmerkur. Það var frekar skemmtilegt að horfa á þetta aftur og einnig að sjá hvað var í fréttum á þessum degi. Þá var mikið verið að spá í rigningu sem átti að vera á 17.júní í Reykjavík en eins og sumir muna kannski etir en þá reið stór jarðskjálfti yfir og skyggði hann á allt rigningartal á 17.júní eða það get ég að minnsta kosti ímyndað mér, ég var náttúrulega í Danmörku þegar þessi ósköp dundu yfir. Eftir fréttirnar kom síðan kindergardencop sem er alveg ágætis mynd en sem betur fer sofnaði ég yfir henni.

Vil líka óska Jens til hamingju með nýju vinnuna!
þreytt

Öskjuhlíðin

Á mánudaginn var ég í litun og þegar ég var búin þá komst ég að því að ég var tiltölulega nýbúin að missa af strætó og þar sem var svo gott veður ákvað ég að ganga heim. En ég var stödd hjá Bústaðarkirkjunni. Þetta var mjög notaleg ganga þótt ég hafi kannski verið dáltið lengi á leiðinni en meðal annars þá gekk ég Öskjuhlíðina á leiðinni heim. Þetta er þvílíkur staður og ekkert smá slæmt þetta leiðinlega álit sem Öskjuhlíðin hefur á sér ekki endilega að fólk haldi þetta frekar bara að það fyrsta svona yfirleitt sé neikvætt þegar minnst er á Öskjuhlíðina og með djók í huga. Þegar ég kom þangað þá var þvílíkt magn af fuglum, þeir voru bókstaflega allsstaðar held alveg örugglega að þetta hafi verið þrestir þarna út um allt. Einnig sá ég tvær kanínur að spóka sig um þarna, eins og þetta eru nú falleg dýr þá eru þetta svo mikið skaðræðisskepnur.

Annars er ég að búa til systrablogg núna og veit ekki hvort það nær fyrir augum „almennings“ það fer eftir systur minni hvað hún er tilbúin í og hvort hún muni nú eitthvað skrifa. Ellen mín núna er semsagt komin áskorun á þig :)

Svo er það að frétta að ég kikknaði á fjallgöngunni með honum Árna á laugardaginn, smá eftirsjá að hafa ekki reynt en það er svona. Upphaflega átti kannski að vera fundur með kennara einum á laugardeginum en hann varð síðan á sunnudeginum. Já ég er ekki búin að segja frá því en ég verð aðstoðarkennari í einu námskeiði í vetur sem heitir Ferðamálafræði, smá kvíði fyrir það en vona að þetta reddist bara allt saman. Hryllilegt að hugsa til þess að þurfa að fara yfir verkefni og gefa einkunnir! Kennarinn sem kennir þetta námskeið er á Akureyri þannig að aðgangur að honum verður mjög takmarkaður.

Það styttist óðum í brúðkaupið hjá Sólrúnu og Bjarna en það er á laugardaginn, reyndar er því búið að seinka um hálftíma því það átti að vera annað brúðkaup hálftíma á undan þeim og það er svoldíð tæpt. En það verður ábyggilega gaman og við vinkonurnar búnar að plana hitt og þetta.

3 dagar í brúðkaup hjá Sólrúnu og Bjarna

Láta mig vita

Búin að ákveða það að herma eftir Árna og senda út tölvupóst til þeirra sem vilja þegar ég uppfæri eitthvað hér á heimasíðunni. Þannig að sendið mér póst um að þið viljið vera á póstlista hjá mér sem varar ykkur við ef ég skrifa eitthvað hérna á síðuna.

Stjórnlaus

Ég er orðin stjórnlaus og farin að eyða peningum hægri vinstri. Hugsa að það þurfi að fara að leggja mig inn. Í dag var ég að eyða í föt sem er ekki mjög líkt mér, í gær fór ég í plokkun og litun og á mánudaginn mun ég eyða enn meiri pening þegar ég læt lita á mér hárið og fæ mér jafnvel strípur.

Hey gestur nr. 1000 kominn og farinn og meira segja komið upp í 1015, nema þetta hafi ég verið endalaust að refresha hehehehe. Nei ég geri ekki slíkt ;)

Það getur verið að ég fari í fjallgönguna á laugardaginn með Árna og ábyggilega bunch af ókunnugum. Er nokkuð búð upp á Akrafjalli? Hef ábyggilega gott að því að rífa mig út og af stað í staðinn fyrir að loka mig inni, þótt hitt sé meira freistandi að vissu leyti.

bring it on

Þúsund

Það fer bara alveg að koma að númer 1000 gestnum. Kemur hægt og sígandi.

Háskólinn

Ótrúlegt að þetta sé síðasta önnin mín í Háskólanum (ef allt gengur vel), og það eru enn fullt af námskeiðum sem mig langar til þess að taka. En því miður þessa önn verð ég að halda í mig og taka bara þessi tvö sem ég er skráð í ásamt ritgerðunum til Bs gráðu. Þannig að ef ég fer út á vinnumarkaðinn þá sé ég mig í anda enn í háskólanum að taka hin og þessi námskeið.

Í fréttum áðan heyrði ég það að ekki svaraði kostnaði (að ég held) að byggja upp járnbraut milli Reykjavíkur og Keflavíkur, ég fagna þeirri niðurstöðu og vonandi koma aldrei lestir á Íslandi. Þetta mundi vera svo mikil sjónmengun og ég held að lestin mundi ekkert fækka bílum á Reykjanesveginum.

Engar lestir á Íslandi takk

Afmæli

Ásdís vinkona á afmæli í dag og óska ég henni innilega til hamingju með afmælið. Hún er reyndar stödd í Englandi núna að ég held í London og er að búddast eitthvað. Til hamingju með afmælið Ásdís.

hmm...

Ég var að lesa gestabókina mína og þakka „dyggum lesendum“ síðunnar fyrir :) málið er að þessa dagana hef ég ekki verið neitt voða hress þannig að ég hef látið eiga sig að blogga, hef voða lítið að segja. Þyrfti að fara að gera eitthvað í ritgerðinni minni en kem mér ekki að því. En vonandi fer þetta að koma hjá mér.

Afmæli
Guðmunda vinkona á afmæli í dag, til hamingju með afmælið Guðmunda mín :) vonandi áttu góðan dag. Einnig var ég að frétta það um daginn að systir hennar mömmu á einnig afmæli í dag, og stórafmæli en hún er fimmtug. Til hamingju með afmælið Dóra frænka. Vonandi átt þú einnig góðan dag.

Þá eru afmæliskveðjum lokið í bili. Svo virðist sem Snæfellsnesið ætli að kveðja mig með stæl í dag, bæði með góðu veðri og reyna að gera mig eitthvað hrædda. Þannig er því nefnilega háttað að í gær þegar ég kom hingað á skrifstofuna þá var ekkert rafmagn en mér tókst að slá því aftur inn. Þetta var í raun ekkert til þess að óttast neitt, þetta getur komið fyrir. Hinsvegar í gær þegar ég var að horfa á fréttirnar í Drottningunni þá bara búmm varð rafmagnslaust. Þar sem ég hef ekki kannað húsið nógu vel að minnsta kosti samkvæmt ákveðnum aðila þá ákvað ég að hringja í Jens því hann er búinn að kanna húsið eitthvað. Það eru nefnilega tvær rafmagnstöflur þarna og aðra gat ég ekki opnað. Hann sagði mér það sem ég vissi nú þegar en það var ekkert óeðlilegt í rafmagnstöflunni nema hvað það vantaði svona aðalrofa. Allavega þá þurfti ég að hringja í Guðbjörgu til þess að fá númerið hjá umsjónaraðila húsins. Það kom síðan maður sem var alveg jafn hissa og ég nema honum tókst síðan að opna rafmagnstöfluna sem mér tókst ekki og þar var aðalrofinn. Ég fékk rafmagnið aftur.
Þá hefði maður haldið að þetta væri nóg, mér finnst frekar skrýtið að í allt sumar hefur ekkert slegið út en svo gerist það á tvisvar sama daginn. Nei þetta var ekki nóg því þegar ég kom á skrifstofuna í morgun þá var rafmagnslaust að hluta. Það var talvan og ljósin fyrir ofan mig sem hafði slegið út.
Mér finnst þetta pínku skrýtið en getur svo sem alveg átt sínar eðlilegu skýringar þótt ég viti ekki hverjar þær eru.

Lindu sem hlakkar til að komast heim!

Lítill heimur
Ég var að lesa það áðan á heimasíðunni hans Árna að hann væri búin að eignast lítinn frænda. Nema hvað móðirin er fyrrum nágranni minn úr Hafnarfirði, pabbi hennar var að hjálpa pabba að smíða í húsinu hans og á tímabili bjuggum við líka í kjallaranum hjá þeim meðan var óíbúðarhæft í húsinu hjá okkur.
Fyndið hvað þetta er lítill heimur.

over and out

Drottningin

Húsið sem ég bý í hérna fyrir vestan heitir Drottning eins og ég hef minnst á áður. En það hús er mjög sérstakt fyrir margar sakir. Fyrir það fyrsta þá eru engin ljós í því þannig að við þurfum að hafa lampa, reyndar er ljós í einu herbergi og það er Ruv herbergið og það ekkert smá ljós því það eru ein 4. Í öðru lagi þá er klósettið milli tveggja herbergja þannig að ef það var einhver annar staddur í húsinu heldur en ég og Þórunn sem var einnig í Drottningunni þá þurfti hann að fara í gegnum annað hvort herbergið mitt eða Þórunnar til þess að komast á klósettið ásamt því að læsa tveimur hurðum og muna að opna þær aftur. Svo er það eldhúsið sem er varla eldhús því þetta er bara smá innrétting. Því þar sem vaskurinn er þar kemur ísskapur undir honum og við hliðina á vaskinum eru einnig tvær hellur. Allt á sömu innréttingunni hins vegar höfum við ekki notað þessar hellur því svo til við hliðina er eldavel upp á borði með ofni þannig að þar höfum við eldað. Þetta er mjög sérstakt hús.

er að koma heim

Tvær nætur
Núna á ég bara eftir að sofa tvær nætur í Drottningunni. En ég bý í húsi sem heitir Drottnig fyrir þá sem ekki vita það. Það er smá blendin tilfinnig að vera að fara heim. Ég er reyndar búin að komast að því að ég hlakka mikið til að fara heim en samt sem áður finnst mér pínku leiðinlegt að vera að fara héðan. En svona til þess að halda áfram þessu kjaftæði þarna kem ég með eitt enn.


Which Sex and the City Player Are You? Find out @ She's Crafty

Hey það kom ekki það sama, ég las að ég væri bedtime story svo kemur eitthvað allt annað á kodanum sem ég setti hérna inn. Oh well, ekki að það skipti einhverju máli. Þetta er allt sama kjaftæðið.

jahérna hér

Take the Which Madonna Video Are You? Quiz

Take the What Pair of Pants are You? quiz
by Bekka

Þar kom að því

Ég held ég hafi keyrt á kríuunga áðan milli Hellissands og Rifs :( það hlaut að koma að því. Þessir vesalingsungar eru svo seinir að taka við sér og byrja að reyna að fljúga þegar bílinn er eiginlega alveg komin að. Ég reyndi að vísu að sveigja frá honum en hugsa að það hafi ekki tekist.

Ég var að frétta það að ég verð ein hérna í vinnunni þangað til ég fer og mun ég fara með rútunni á laugardaginn nema einhver elskulegur bjóði sig fram til að sækja mig :) þá er það alveg vel þegið heehehe. Ég verð reyndar ekki laus fyrr en seinni partinn svo lengi sem einhver kemur í göngu með mér um Öndverðarneshólana.

sumarið senn á enda

Chicago
Ég var víst ekkert búin að minnast á það en þegar ég var í bænum seinast þá keypti ég og Jens flugmiða til Chicago :) þannig að við erum á leiðinni út að vísu ekki fyrr en í október. En mikið hlakka ég til. Við ætlum að heimsækja Óla og Tinnu sem vonandi verða búin að koma sér fyrir en þau vita held ég ekki enn að við erum að koma smá bögg en vonandi reddast það. Við urðum líka þannig að grípa gæsina því það var tilboð tveir fyrir einn til Bandaríkjanna. En ég er mjög ánægð. Ég held ég sé búin að reyna að fá Jens út með mér í ein 3 ár. Mér finnst samt skondið að svona eina landið sem ég hafði ekki áhuga á að ferðast til var Bandaríkin og svo er ég á leiðinni þangað núna.

Ces't la vie

sóðar

Hvernig stendur á því að þetta margir hverjir sem reykja þurfa alltaf að henda sigarettustubbunum í náttúruna. Hvað með að safna þeim saman og henda þeim síðan í næsta rusl. Þetta er viðbjóðslegt. Ég var í gær á Djúpalónssandi og þar var ég að tína upp rusl og mest megnis var þetta sígarettustubbar. Ég bara skil ekki svona fólk.

Núna eru allir gestir farnir frá mér, en Jens var hérna hjá mér um helgina og svo kom Guðmunda á laugardagskvöldið og þau fóru á sunnudaginn. Þegar þau fóru þá kom Birgir með danskan vin sinn með sér og voru þeir að fara áðan. Ætluðu að keyra til Stykkishólms og fara vatnaleiðina tilbaka.
Það er þetta blíðskapaveður hérna enda kannski komin tími til þar sem var búið að vera ekkert spes veður hérna í 3 ef ekki 4 vikur.

burt með sígarettustubba

Linda litli hræðslupúki

Hér með viðurkennist að ég er algjör gunga. Á laugardaginn var laugardagsgangan í Öndverðarneshóla en þar sem enginn kom með mér :-/ þá bara fór ég sjálf því ég hafði ekki alveg gengið alla þessa leið sem ég ætlaði að ganga. Allavega á þessari leið sem er mjög flott þá er hellir sem heitir Grashólshellir. Þegar ég kom að honum með mitt vasarljós ákvað ég nú að kanna hann aðeins meir. Ég klöngraðist niður og fór inn en þegar ég kom inn kom einhver óhugur í mig. Hellisgólfið var eitthvað mjúkt og það var svo dimmt þarna inn og ég var ein, þannig að ég forðaði mér hið snarasta út. Var næstum því viss um að ef ég mundi ekki sökkva ofan í hellisgólfið þá mundi ábyggilega koma einhver stór úlfur að éta mig jafnvel þótt engin úlfur sé til á Íslandi. Alveg makalaust hvað maður getur hrætt sjálfan sig. En annars var nú alveg yndislegt að ganga þarna. Ég var næstum því alveg ein í heiminum.

þannig fór um sjóferð þá

Alltaf í bænum

Svo virðist bara sem ég er alltaf í bænum, reyndar kom ég aftur hingað í gær á Snæfellsnesið. Ég held ég kunni bara mjög vel við mig hérna á nesinu því þegar ég er í bænum þá er ekki laust við það að ég sakni þess að vera ekki á Snæfellsnesinu og umhverfisins þar. Hins vegar þegar ég er ekki á Snæfellsnesinu þá sakna ég ekki umhverfisins í bænum neitt sérstaklega. hmmmm..... hvað ætli sé hægt að lesa út úr þessu!

Það fer að líða að lokum hjá mér hérna á Snæfellsnesinu en það er um vika eftir. Þetta er ekkert smá rosalegt hvað þetta hefur liðið hratt. Allir landverðirnir eru hættir þannig að ég er orðin ein eftir ásamt Þjóðgarðsverði en hins vegar er hún að nota tækifærið meðan ég er hérna og er í fríi þannig að ég er einni landvörðurinn. Svo til þess að vera samkvæmt sjálfri mér þá hugsa ég að ég komi með dagskráina um helgina.

Dagskrá helgina
9.-11 ágúst.

Föstudagurinn 9.ágúst.
Kl. 20.00 Kvöldrölt.
Um klukkustundar rölt frá Arnastapa.
Lagt af stað frá veitingahúsinu Arnabæ, Arnastapa.

Laugardagurinn 11.ágúst.
Kl. 11.00 Barnastund frá tjaldsvæðinu á Hellissandi.
Fræðslu- og leikjadagskrá fyrir börn á aldrinum 5-12 ára en allir velkomnir.
Rannsóknir, sögur og leikir.

Kl. 13.00 Laugardagsgangan.
Gönguferð um Öndverðarneshóla.
Gangan tekur um 3-4 tíma í heildina og er ekki erfið.
Munum eftir góðum skóm, nesti og léttri lund!
Hittumst við afleggjarann út á Öndverðarnes.

Sunnudagurinn 12. ágúst.
Kl. 11.00 Barnastund á Arnarstapa.
Fræðslu- og leikjadagskrá fyrir börn á aldrinum 5- 12 ára en allir eru velkomnir.
Rannsóknir, sögur og leikir.
Kátir krakkar leggja af stað frá veitingahúsinu Arnarbæ.
Hittumst á bílastæðinu við Djúpalónssand.

Þáttaka er gestum að kostnaðarlausu og eru allir velkomnir!
Sjáumst.
Landverðir.

landvörðurinn er vinur minn :-)

Verslunarmannahelgin
Föstudagurinn 2.ágúst.
Kl. 20.00 Kvöldrölt.
Um klukkustundar rölt frá Arnastapa.
Lagt af stað frá veitingahúsinu Arnabæ, Arnastapa.

Laugardagurinn 3.ágúst.
Kl. 11.00 Barnastund á Hellnum.
Fræðslu- og leikjadagskrá fyrir börn á aldrinum 5-12 ára en allir velkomnir.
Rannsóknir, sögur og leikir.
Hittumst við Gistiheimilið Brekkubæ

Kl. 13.00 Gönguferð
Gengið í spor Jóhannesar Helgasonar frá Gíslabæ í fylgd Sæmundar Kristjánsonar sagnamanns á Rifi. Hist við syðri mörk þjóðgarðsins og gengið að Purkhólum.
Gangan tekur um 3 tíma í heildina og er ekki erfið.
Munum eftir góðum skóm, nesti og léttri lund!

Sunnudagurinn 4.ágúst.
Kl. 11.00 Barnastund frá tjaldsvæðinu í Ólafsvík.

Kl.13.00. Gönguferð
Seinni áfangi göngu í spor Jóhannesar Helgasonar frá Gíslabæ í fylgd Sæmundar Kristjánssonar sagnamanns á Rifi. Hist við brúna yfir Móðulæk og gengið að dánarstað Jóhannesar.
Gangan tekur um 3 tíma í heildina og er ekki erfið.
Munum eftir góðum skóm, nesti og léttri lund!

Kl.16.00. Barnastund á Búðum
Hist við kirkjuna.

Kl.16.00. Gönguferð í Búðahrauni.
Hist við kirkjuna.

Mánudagurinn 5.ágúst
Kl.11.00. Barnastund á Arnarstapa.
Hittumst við veitingahúsið Arnarbæ.
.

Þáttaka er gestum að kostnaðarlausu og eru allir velkomnir!
Landverðir.

Dagskrá helgarinnar

Föstudagurinn 26.júlí.
Kl. 20.00 Kvöldrölt.
Um klukkustundar rölt frá Arnastapa.
Lagt af stað frá veitingahúsinu Arnabæ, Arnastapa.

Laugardagurinn 27.júlí.
Kl. 11.00 Barnastund frá tjaldsvæðinu á Hellissandi.
Fræðslu- og leikjadagskrá fyrir börn á aldrinum 5-12 ára en allir velkomnir.
Rannsóknir, sögur og leikir.

Kl. 13.00 Gönguferð
Gönguferð að Öndverðarneshólum.
Gangan tekur um 3-4 tíma í heildina og er ekki erfið.
Munum eftir góðum skóm, nesti og léttri lund!
Hittumst við afleggjarann út á Öndverðarnes.

Sunnudagurinn 28.júlí.
Kl. 11.00 Barnastund á Arnarstapa.
Fræðslu- og leikjadagskrá fyrir börn á aldrinum 5- 12 ára en allir eru velkomnir.
Rannsóknir, sögur og leikir.
Kátir krakkar leggja af stað frá veitingahúsinu Arnarbæ.

Þriðjudagurinn 30.júlí.
Kl.20.00 Létt kvöldrölt á Djúpalónssand.
Hittumst á bílastæðinu við Djúpalónssand.

Miðvikudagurinn 31.júlí.
Kl.11.00 Barnastund á Arnarstapa.
Hittumst við veitingahúsið Arnarbæ.



Þáttaka er gestum að kostnaðarlausu og eru allir velkomnir!
Landverðir.

hægt að kíkja á www.natturuvernd.is líka

Jeppaleikur

Helgin er búin að vera fín vinnulega séð, á föstudaginn var ég og annar landvörður í hálfgerðum jeppaleik en við fórum slóða sem er eiginlega bara fær jeppum. Vorum mikið úti við á föstudaginn og einnig í gær sem er meiriháttar. Á föstudaginn vorum við líka að ganga slóða til þess að sjá hvort við þyrftum að stika hann og á leiðinni óð Svanhildur eiginlega í gegnum rjúpnahóp eða hóp af ungum án þess að taka eftir því og rjúpan var ekkert sérlega sæl með það. Rjúpan hefur ekkert smá marga unga, við náðum ekki að telja þá en þeir voru ábyggilega á bilinu 6-8 ungar sem voru þarna með í för. Þetta var alveg rosalega sætt. Þetta er held ég í fyrsta skipti sem ég er að upplifa það að sjá svona mikið af ungum hjá hinum og þessum fuglum og það er meiriháttar. Í gær hljóp til dæmis spóa ungi á undan bílnum okkar áður en hann fattaði að hlaupa út í móa, svo voru einnig kríu ungar við veginn þar sem við vorum að keyra í gær.
Starfið er mjög skemmtilegt en því miður hefur ekki verið vel mætt í göngurnar hjá okkur og það er frekar niðurdrepandi að vera með göngu en hugsa til hvers að undirbúa sig þegar enginn mætir :( þannig að rífið ykkur upp á rassinum og mætið í göngur með okkur. Þær eru alls ekki erfiðar og þið kynnist landinu ykkar og fáið örnefni og sögu beint í æð :) og það er alls ekki langt frá Reykjavík um 2,5- 3 klst akstur. En annars líður að því að ég fari bráðum í frí og fer ég þá heim. Það er ekki laust að það sé smá tilhlökkun að komast aðeins heim. En ótrúlegt en satt þá er ég búin að vera hér í mánuð.

koma svo

Dagskrá helgarinnar

Það er búið að ákveða dagskrá helgarinnar hér hjá okkur í þjóðgarðinum. Reyndar á morgun þriðjudag þá er létt kvöldrölt niður á Djúpalónssand sem ég verð með. Hist er við bílastæðið á Djúpalónssandi kl:20.00.
Föstudagur:
Létt kvöldrölt frá Arnabæ, Arnastapa kl:20.00
Laugardagur:
Barnastund frá tjaldstæðinu á Hellissandi kl:11.00
Gönguferð- gamla vermanna leiðin niður í Dritvík og yfir á Djúpalónssand kl:13.00, hist við bílastæðið á Djúpalónssandi.
Sunnudagur
Barnastund á Arnastapa kl:11.00, hist við Arnabæ

Látið sjá ykkur og sjáið aðra

Sveitaball

Það var sveitaballsstemming hjá okkur í gær, en á Sandara gleðinni þá voru hvorki meira né minna en tvö böll á Hellissandi, annað var í félagsheimilinu Röst þar sem hljómsveitin Bít var að spila og þar var 18 ára aldurstakmar og vínveitingar. Hitt ballið var í Salthúsinu þar sem Land og synir voru að spila og þar var 16 ára aldurstakmark. Eins og einhver orðaði það nettlega að við urðum að velja milli fermingarpeninganna sem var í salthúsinu eða ellilífeyrisþegana í Röst. Einn vinur hans Jens valdi fermingarpeningana frekar. Þannig að við enduðum á Land og synir með honum Hreimi sæta (reyndar finnst mér hann ekkert sætur). Þetta var mjög áhugavert og skemmtum við okkur ágætlega. Sáum meira segja stelpuslagsmál að hluta. Það var einhver ein lítil sem réðst á sér eldri konu og stærri. Brjáluð gella. Ég hugsa að ég láti þetta duga í bili.

Njótið lífsins

Sandara gleði

Það verður Sandara gleði hérna á Hellissandi um helgina. Annars um helgina þá er kvöldrölt klukkan átta í kvöld frá Arnabæ á Arnastapa. Á morgun er gengið í Búðahraun en hist er við Búðakirkju klukkan eitt. Ásamt því að barnastund á sunnudaginn á Arnastapa kl.11.00 og fjöruferð á morgun í Krossavík á Hellissandi kl.11.00 Mikið að gerast.

Jens mun líka koma til mín um helgina :) ásamt tveimur vinum. Ég er nefnilega alltaf lengst að vinna um helgar.

Drífa sig

Helgin

Fór í mína fyrstu gönguferð á föstudagskvöldið, þ.e.a.s. ég var að leiðsegja fólki. Bjuggumst reyndar ekki við að neinn mundi koma þar sem veðrið var svo leiðinlegt. En okkur til mikillar ánægju og pínku skelfingar fyrir mig þá komu 7 manns. Þetta var allt fjölskylda en að ég held þá bara gekk þetta mjög vel, reyndar þurftum við að stökkva yfir einn læk sem var orðið svoldíð mikið í en það hafðist. Á laugardaginn þá komu 8 manns í göngu með okkur sem er bara nokkuð gott. Svo var barnastund í dag á Ólafsvík og mættu um 30 krakkar sem var kannski smá of mikið en við erum reynslunni ríkari :)
Næstu helgi er síðan Sandara gleði hérna á Hellissandi.

Á Snæfellsnesið allt að gerast

Plan fyrir helgina

Ef það eru einhverjir sem hafa áhuga á að koma í gönguferðir þá er hér dagskráin sem Þjóðgarðinum Snæfellsjökli um helgina.
Föstudag:
Létt kvöldrölt kl. 20.00, brottför frá Arnabæ á Arnastapa.
Laugardag:
Barnastund á laugardag kl:11.00, brott frá Arnabæ á Arnastapa.
Ganga Dritvík- Djúpalónssandur kl.13.00, hist á bílastæðinu við Djúpalónssand.
Sunnudagur:
Barnastund kl:11.00 á Ólafsvík, farið frá tjaldstæðinu.

þá vitið þið það

Hugmyndasnauð

Veit ekkert hvað ég á að setja í hausinn :) vonandi að hugmyndirnar detta ekki úr kollinum bara við það eitt að fara að vinna sem landvörður. Búið að vera mjög fínt á enn eftir að lesa heilmikið. Á köflum er samt stundum einmanalegt hérna enda bý ég ein og þarf að elda mér ein og svoleiðis þannig að það er ekki gaman. En ég hef samt verið dugleg að elda þótt ég hafi síðan kannski ekki alveg haft lyst á matnum. Sjónvarpið er borðfélaginn minn þessa stundina. Þetta lagast sennilegast samt allt á morgun því þá kemur einn landvörður í viðbót sem mun búa á sama stað og ég. Annars er ég að undirbúa barnastund út á Arnastapa og vona bara að einhverjir mæti. Veðrið gæti verið skemmtilegra en það er búið að vera þoka hérna á Gufuskálum og Hellissandi en hins vegar er veðrið svo breytilegt að það gæti verið allt öðruvísi sunnanmegin.

gott í bili

Snæfellsnes

Er enn á lífi, gaman en erfitt enn sem komið er :) búin að ganga þónokkkuð en á eftir að læra heilmikið.

gönguferðir

Snæfellsnes hér kem ég

Þá er dagurinn runninn upp og ég bruna brátt úr bænum. Færslunum mun pottþétt fækka hér á síðunni þar sem ég hef að öllum líkindum ekki aðgang að tölvu í starfinu mínu en ef ég kem eitthvað heim í fríium þá er aldrei að vita nema ég skelli inn einni færslu eða svo til að segja líka hvernig gangi í nýja starfinu. Best að fara að klára að pakka saman.

vertu með virtu landið

Sjáðu hvaða týpa þú ert

Ég held að seint muni ég verða læknanemi, hvernig ætli landafræðineminn sé eða ferðamálafræðineminn?

2 dagar í Snæfellsnes

Breytt plan

Hlutirnir eru breytir og ég er að fara núna á föstudaginn á Snæfellsnesið og kom það bara í ljós í dag. Skrýtin tilfinning sem ég hef núna, mikil tilhlökkun og spenningur en jafnframt kvíðin og hlakka ekkert svo til að yfirgefa Jens.

Í gær þá fórum við í skírn, en það var verið að skíra litla stelpuna hans Bjössa frænda og Önnu Maríu. Hlaut hún nafnið Eydís Agla. Ég er bara nokkuð sátt við nafnið finnst það bara mjög fallegt. Skírnin var á Hellissandi þannig að ég gat sýnt Jens og mömmu svona hér um bil hvar ég mundi koma til með að halda næstu 7 vikurnar eða svo. Þegar við vorum að keyra í gegnum Þjóðgarðinn þá get ég svarað fyrir það að Árni mætti okkur, tók reyndar ekki eftir því hvort einhverjir fleiri voru í bílnum. Hins vegar segir hann ekkert meira á heimasíðunni sinni hvort hann hafi eitthvað farið á Snæfellsnesið á sunnudaginn.

4 dagar í Snæfellsnes

Ótrúleg

Ég er stundum alveg hreint ótrúleg, núna um daginn þegar ég var að vonast eftir því að fara ekki að vinna sem ekki gekk upp þá gleymdi ég gleraugunum mínum heima og fattaði það ekki fyrr en eftir að ég var komin upp í löduna hans Birgis og komin af stað. Ég reyndar ákvað að halda áfram í Bókhlöðuna og koma svo við heima aftur áður en ég færi úr 101 svæðinu. Mikið var nú þægilegra að hafa gleraugun. Reyndar þoli ég ekki að hafa gleraugu :( það er svo miklu miklu betra að þurfa þau ekki. Einungis um tvö ár síðan ég byrjaði að nota þau og ég held að ég þurfi sterkari gleraugu :( ekki gaman. Svo hitt sem ég er ekki samkvæmt sjálfri mér með en það að á miðvikudagskvöldið eftir vinnu hjá símanum þá ákvað ég að kíkja til pabba sem ég og gerði. En á leiðinni heim þá þurfti ég að koma við í búð og þar sem klukkan var eftir ellefu eða nálægt hálf tólf um kvöld þá var eiginlega bara um 10-11 að ræða í Lágmúla. Nema þegar ég kem á svæðið þá er alveg ógeðslega margir í búðinni og voru allir þrír kassarnir opnir til þess að afgreiða fólk. En gettið hvað ég geri, ég fer að hneykslast á fólki að vera að versla þarna á þessum tíma en hvað var ég að gera!

Bíða bíða en sú blíða

Ótrúlegt

Þegar ég læt eitt virka þá hverfur eitthvað annað. Eins og núna þá hef ég reynt að láta blogger takkan til vinstri á dálkinum virka í langan tíma og svo yaccs en þar Árni getur þú fengið svona komment ef þú ferð inn á þá síðu og skráir þig. Með því að fá það til að koma og virka hérna á síðunni þá tapa ég gömlu færslunum. Nenni ekki að reyna að gera meira í því núna. Ætti líka að fara að koma mér úr húsi og gera eitthvað að því sem ég þarf að gera þar sem er ekki enn búið að hringja í mig og ég beðin um að vinna. Ég er reyndar í laumi að vonast til þess að það verði ekki gert susss....

Hjartsláttur
Þeir sem horfa á hjartslátt á fimmtudagskvöldum geta átt von á því að sjá pabba þar, neibb hann er ekki þáttakandi þótt ég gæti alveg trúað honum til þess en hann er einkabílstjóri þeirra Mariko og Þóru á strætó. Hann sást í seinasta þætti :) margir segja að ég sé mjög lík honum og ef það er einhver lesandi sem les síðuna og þekkir mig ekki og þar af leiðandi ekki hvernig ég lít út þá getur hann séð pabba og veit þá hvernig ég lít út hahahahahaha

Hjartsláttur á fimmtudögum

Virðist hafa tekist! :)

Ég er búin að gefast upp í bili. Var að reyna að koma upp þannig að hægt sé að koma kommentum til mín eftir hver skrif. Virðist ekki takast þótt ég hafi farið í einu og öllu eftir leiðbeiningunum sem sett voru. Reyni aftur seinna.

Njótið þess að vera til

prufa

Þetta virðist ekki ætla að takast :(

Á lífi

Jamm ég er á lífi, leist samt vel á þá hugmynd sem forvitni hvítvoðungurinn kom með :) að senda mig á hressingarhæli. En voðalega er ég forvitin, hver ertu forvitni hvítvoðungur?

Svo virðist vera að ég er farin að lifa fyrir helgarnar. Ég átti mér loksins líf um helgina og var bara mikið að gera í félagslífinu svona miðað við venjulega. Föstudagskvöldið þá var grillpartý hjá vini hans Jens þar sem hann var 25 ára. Var þetta svona „ekta“ grillpartý þar sem borðað var úti og mikið rosalega var kalt. Þeir sem muna eftir föstudagskvöldinu muna þá eftir því að hitinn hafi lækkað töluvert og var mikið skýjað. Annars spiluðu strákarnir svona ruddakörfubolta og ég er eiginlega mjög hissa á því að enginn hafi slasað sig neitt verulega á honum. Einnig kíktum við í Mekka sport til þess að taka nokkra leiki. Aðallega þó vegna þess að afmælisbarnið var svo kokhraust og sagði að enginn gæti unnið sig í fótboltaspili og vildi fara í Mekka sport til þess að sanna það. Hann var nokkuð góður en þó tókst Jens að vinna einn leik af nokkrum sem þeir spiluðu :)

Eftir að hafa brunnið smá í sólinni á laugardaginn fórum við í annað grillpartý en það var til Árna og Arndísar og var þar margt um manninn. Ég held ég geti næstum því fullyrt það að ég, Birgir og Jens höfðum mest fyrir matnum okkar :) reyndar gerði Jens ekk mikið heldur kom verkunum á mig og Birgir. Mútaði Birgir reyndar með bjór. En maturinn var alveg þess virði. Ummmmmmm hvað þetta var gott.
En takk fyrir þetta heimboð Árni og Arndís :) þetta var alveg þrælskemmtilegt og rosalega góður matur ;)

Á sunnudeginum lágum við síðan í leti, við horfðum á Brotherhood of the woolf og var sú mynd mjög góð og get ég hiklaust mælt með henni. Eftir videoglápið þá náði mamma í okkur því hún hafði boðið okkur í grill :) og í þetta skiptið þurftum við ekki að koma með. Gott að fara í mat til mömmu hehehe en eftir matinn þá skutlaði ég Jens í Breiðholtið til þess að fara að spila. Keypti síðan ís til þess að bjóða mömmu og strákunum upp á og glápti síðan á sjónvarpið heima hjá mömmu.

17.júni gerðum við heldur ekki neitt. Fórum ekki í bæinn. Reyndar ætluðum við að fara en varð ekkert úr því fyrr um daginn, svo reyndar kíktum við í bæinn til þess að fá okkur að borða en þá voru allir á leið úr bænum. Komust að því að veðrið var ekki upp á marga fiska þannig að við hættum við að fara í bæinn um kvöldið, hreinlega nenntum því ekki. Kannski er aldurinn farin að segja til sín hjá okkur. Hljómsveitirnar sem voru að spila voru heldur ekkert aðdráttarafl.

bíðið spennt eftir næstum skrifum :)

grrrr....

Það virðist ekki hafa tekist, nenni ekki að pæla í þessu núna. Er svöng. Fylgist með síðunni :)

Nýtt

Komið með nýjan fídus á síðuna. Núna getið þið kommentað á skrifin mín :) skammast í mér eða hrósað hehe. Skrifa meira fljótlega
Systir hans Jens á afmæli í dag. Til hamingju með afmælið Eva :) kærastinn hennar átti víst afmæli í gær og var 25 ára. Til hamingju Ívar.

Það er komin 17.júní

þreyttur!

jeii

Take the What Type of Friend are
You? quiz, and visit mutedfaith.com.
[Me.]



Ekki slæmt

ha ha ha!





Take the What High School
Stereotype Are You? quiz, by Angel.

Þetta er ekki ég!

but you never know, do you!

Star Wars

Var að sjá Star Wars í annað skiptið, fór með tveim bræðrum mínum. Hélt reyndar að þeir væru ekki búnir að sjá myndina. Nefnilega þegar Haukur Atli hringdi í mig og ég spurði hann á hvaða mynd honum langaði til þess að fara á þá var svarið bara star wars, spiderman eða eitthvað. Þar sem ég er búin að sjá þær báðar og hélt að ég mundi hafa meira gaman af að sjá star wars aftur heldur en spiderman. Svo kemur bara í ljós þegar ég sótti þá að þeir voru báðir búnir að sjá myndina. Fannst hún frekar langdregin svona í annað skiptið.

stundum spilar Jens allt of mikið

Áskorun hefur verið tekin!

Betra er seint en aldrei er víst eitt máltæki sem er til :) en hér með vil ég koma þeirri tilkynningu á framfæri að Árni hefur tekið áskoruninni minni og búin að uppfæra heimasíðuna sína og hvet ég ykkur til þess að skoða. Einnig er komið nýtt inn á síðunni hans sem ég hvet alla eindregið til þess að lesa en það heitir Gullmoli.

Ég mun missa af survivor í kvöld :( en ég er að fara í bíó með bræðrum mínum tveim. Maður getur nú ekki neitað svona sérstaklega í ljósi þess að þeir spurja afskaplega sjaldan. Sjaldan er einu sinni ekki rétta orðið því þeir hafa aldrei spurt mig áður :)

Star Wars

Þroskuð

Ekki eins þroskuð og ég hélt ég væri :)

17

I act like I'm 17.
This test was brought to you by Melissa - No, really.... Take it here.

og ég sem hélt það væri bara útlitið sem væri blekkjandi hjá mér.

öllum getur skjátlast :-)

Afmæli

Ellen systir á afmæli í dag. Af öllum þessum systkinafjölda sem við eigum þá hefur hún þann heiður að vera eina systir mín og sú sem er næst mér í aldri :) en til hamingju með afmælið Ellen mín. Vona að þú njótir dagsins. Hvað langar þér annars í afmælisgjöf?

Það er alveg hrikalegt en ég hef ekki kveikt á tölvunni í tvo daga, hugsið ykkur. Ég sem yfirleitt alltaf kíki að minnsta kosti einu sinni á dag á tölvupóstinn minn og stundum oftar.
Frekar leiðinlegt að hafa ekki einu sinni frí frá þessum leikskóla á laugardegi, reyndar voru það ekki leikskólakrakkar sem vöktu mig í morgun heldur var eitthvað verið að gera á leikskólanum þar sem hávært vinnutæki var við störf og spangólandi bæjarstarfsmenn. Ekki vinsælt.

Ég og Jens erum búin að taka út grillið en við grilluðum á þriðjudaginn í góða veðrinu og svo aftur á miðvikudeginum, á þriðjudeginum plötuðum við pabba með okkur í smá bíltúr til þess að sækja hjólið mitt en ég er búin að vera á leiðinni í heilt ár að ná í það en loksins varð eitthvað úr því. Í leiðinni fengum við lánað hjólið hans Birgis fyrir Jens svo hann gæti hjólað í vinnuna. Hann hefur reyndar komið mér mjög á óvart og hjólað :) En mikið er samt gott að hafa hjól til dæmis er ég fljótari út í búð núna á hjólinu heldur en labbandi. Tek bara bakpokann með til þess að geyma vörurnar í þegar ég hjóla tilbaka.

laugardagur til lukku

Frábært veður

Ef það hefur farið framhjá einhverjum þá var frábært veður í dag og þvílík synd að vera inni að vinna :( núna blótar maður því svona hálfpartinn að vera að vinna. En hins vegar var ég á smá flakki í dag, var að útrétta smá fyrir vinnuna þannig að það var fínt fyrir utan það hvað var ógeðslega heitt í bílnum.

sól sól skín á mig

Biðin endalausa

Hér með skora ég á Árna að fara að rita eitthvað á síðuna sína. Ég er orðin mjög óþolinmóð. Árni farðu að taka þessi mál föstum tökum :)
Einnig skora ég á Jens að fara að klára heimasíðuna sína og koma henni á netið en ég held að þetta verði alveg rosalega flott heimasíða hjá honum loksins þegar hún kemst fyrir almennings sjónir. Svo í lokin þá vil ég minnast á það að ég held að blogger henti líka honum Birgir vel :) og hann ætti að koma sér upp einum slíkum.

Áskorunum er lokið í bili

Allt svo gott

Eftir að hafa lesið textann um brúðkaupið þá er frekar fyndið því allt tókst svo mjög vel og var mjög gott. Mjög góður orðaforði hjá mér :)

batnandi manni er best að lifa

Helgin

Þá er þessi helgi liðin. Þar sem Jens fékk útborgað á föstudaginn þá hélt hann upp á það með því að eyða peningum :) hann semsagt var að verðlauna sjálfan sig fyrir mánuðinn með því að fara í Nexus og kaupa teiknimyndasögu, roleplay bók og einhver tímarit. Hann lánaði mér lika pening svo ég gæti „verðlaunað“ mig. Ég átti reynar innleggsnótu í Mál og menningu síðan árið 2000 (maður þarf að vanda valið vel) og eyddi ég henni í íslenska fuglavísinn. En bókin eins og nafnið segir til um er um íslenska fugla en ég þarf væntanlega eitthvað að vita um þá áður en ég fer að vinna sem landvörður.

Á laugardagsmorgunin vorum við svo dugleg að vakna klukkan hálf níu en við vorum búin að fá tilkynningu um að það ætti að vera vorhreingerning í húsinu og ákváðum að gera okkar hlut. Þegar við komum fyrir framan íbúðina sem átti að hittast þá voru þau þegar byrjuð. Reyndar vorum við ekki mörg eða aðeins sex og það eru um 22 íbúðir í húsin ef ég hef talið rétt. Mismunandi hvort það eru par-, einstaklingsíbúðir eða tvíbýli. Þannig að þetta var einstaklega léleg mæting. Það var búið að segja okkur að þetta væri frá níu um morguninn til þrjú um daginn. Ég lenti í því skemmtilega að smúla veggina og hurðirnar og fyrir vikið var ég rennandi blaut. Hins vegar þá vorum við ekki lengi að þessu þótt við værum aðeins sex. Því öllu var lokið um hálf ellefu leytið nema við höfum gleymt einhverju.

Eftir smá hvíld eftir þrifin þá var komin tími til að klæða sig upp því við vorum á leið í brúkaup hjá Bellu og Óskari. Þetta var mjög fallegt brúðkaup og reyndar kom svoldið fyndið fyrir í kirkjunni þar sem gestir og brúðurin hlógu því brúðgumanum tókst ekki að setja hringin á hana Bellu svo hún tók bara málið í sínar hendur og hjálpaði til. Eftir kirkju var síðan haldið í veisluna sem tókst vel til og Sigga vinkona stóð sig vel sem veislustjóri. Bella söng líka lag til Óskars sem var mjög gott. Við vinkonurnar vorum líka búnar að ákveða að hafa brúðkaupsleik þar sem spurt er út í hlutverkið innan hjónabandsins og það tókst einnig mjög vel. Sagan sem Aldís og Sólrún voru búnar að búa til var mjög góð.

Þar sem allt þetta brúðkaupsstand var búið frekar snemma þá ákváðum við Jens að skella okkur í bíó og sáum Residental Evil, sem var bara ágætis afþreying samt spurning hvort þetta hafi verið afþreying þar sem við vorum á nálum allan tímann. Ég er farin að þola svona spennu mjög illa og er alltaf mjög „tense“ en það fyndna er að Jens er ekkert betri.

Sunnudagurinn fór síðan í ekki neitt. Við reyndar ákváðum að nota bílinn meðan við höfðum hann enn og skelltum okkur í bónus og loksins þurfti ég ekki að fara ein. Eftir það keyrði ég Jens upp í Breiðholt þar sem hann fór að spila og ég fór til ömmu gömlu í heimsókn.

svo er bara að halda áfram að vinna