Fíkill

Á þriðjum jólum datt ég allhressilega í það.

Gjörsamlega kolféll og var að á annan sólarhring.

Á laugardaginn fór ég svo austur til þess að reyna ná mér svolítið, lá í bústað hjá mömmu með hausverk og þreytt vegna lélegs matarræðis og lítin svefn.

Eftir að ég kom tilbaka hef ég reynt að sýna stillingu og tekið því rólega. Passað mig á að borða og sofa nóg.

já ég horfði á fyrstu tvær seríurnar í Grey´s Anatomi á einum og hálfum sólarhring - það eru um 37 þættir sem allir eru um 40 mínútur.

Ég er gjörsamlega kolfalinn fyrir þessum þáttum og hef enn nokkra til þess að horfá á - er að verða hálfnuð með 3 seríu.
###

Að öðru - jólin voru góð að öðru leyti. Ég kláraði jólabókina á jóladegi en er heldur óhress með þýðinguna, er mikið að spá hvort ég eigi að hafa samband við útgefanda til þess að kvarta. Finnst þetta ansi mikil lítilsvirðing fyrir lesendur bókarinnar að hafa ekki lagt meiri metnaði í hana.

Á minnsta kosti einum stað kom setning sem ég er ekki enn búin að skilja en það sem mér finnst verst er að þýðandinn var alltaf að rugla saman nöfnum. Þegar átti að vera talað um Kathy var Kelly nefnd og á einum stað þegar ég hélt að væri að kynna til sögunnar nýja persónu þá komst maður stuttu síðar að því að hann hafði bara ruglað nafni aftur... Ég varð verulega pirruð á þessu og eyðilagði mjög mikið lesturinn fyrir mér :(

###

En já svona á seinasta degi ársins á maður þá ekki að vera jákvæður en það er svo sem gott að pústa út aðeins líka :)

En já hafið það gott um áramótin - ég fer til pabba í kalkún og vona að systkinabörnin mín komi þangað lika svo ég geti knúsað þau aðeins meira á árinu sem er að líða.

Gleðileg jól

Bestu óskir um gleðileg jól og farsælt komandi ár!

Jólafrí

Merkilegt finnst eins og ég þurfi að gera eitthvað og núna er eitthvað ekki eins gaman að gera ekki neitt :)

Er búin að pakka öllu inn, skrifa á jólakort, þrífa og kaupa inn "mat" - þannig að ég er búin að öllu nema að koma pökkunum frá mér já og ákveða í hverju ég á að vera á morgun - væri best bara að vera í náttbuxunum og flíspeysunni hahaha

En lætur mig ekki í friði að ég þurfi að gera eitthvað.....hmm.....

kannski maður leggji sig bara - eftir allt þá vaknaði ég klukkan átta í morgun!

Jólaþrif

Þá eru þrifin búin og búin að setja upp jólaskrautið :)

Eftir er jólakortaskrif og pakka inn gjöfum.

Veit að ég er allt alltof sein með þessi jólakort en oh well... þau komast til skila á endanum.

Rusl

Sit hérna í ruslinu eða öllu heldur ligg og nenni ekki að gera neitt.

Megna ekki að gera neitt, allt lærdómsdraslið út um allt og nenni ekki að taka það til.

Enda líka hafði það af að fara í jólagjafaleiðangur í dag og klára allt nema ömmu og er bara þreytt!!!


En það kemur dagur eftir þennan dag og svo dagur eftir þann dag og hægt að laga til og þrífa þá...

verst með jólakortin

BÚIN

Koma og skeina......

Er búin í prófum........... jaaabbbiiiidaabbbaaadúúúú....

Ætlaði svo að fara beina leið eftir próf og kaupa seinustu jólagjafirnar því nenni því sko alls ekki um helgina.... en nei brunað heim og ætla að leggja mig....

já það er góð hugmynd!

Jólafrí jóla jóla jólafrí :)

12,5 klukkustundir

Mikið rosalega hlakka ég til eftir 12,5 klukkustundir.

Já því þá verð ég komin í jólafrí og fæ frí í 2 vikur. Enginn smá munaður þar.

Er reyndar ekki búin að vera dugleg að lesa í dag - skil þetta ekki og skil ekki skuggaverð, get ómögulega skilið það.

Skil ekki afvöxtunarstuðull en skil betur discount rating sem á víst (held ég) að vera sami hluturinn.

Veit hvað sunk cost er og Net present value, social surplus, consumer surplus og producer surplus en er ekki viss hvernig reikna það út þótt ég viti hvað það er.

en já þá er bara að taka þetta próf í nefið..... já eða þannig.

Próflestur

Próflesturinn er ekki búin að vera með besta móti í dag og aðeins 50% árangur af takmarkinu sem ég setti mér er búin.

Er búin að vera með hangandi haus og mjög þreytt og engin orka.

Ætlaði að reyna að læra eitthvað núna en held sé betra að fara að sofa og reyna eiga betri dag á morgun.

Var meira segja svo rugluð í dag að ég ætlaði í Skipholtið en tókst að fara í Ármúlann í staðinn. Má segja að ég hafi villst.... usss

Rugl

Algjört rugl í gangi!

Fór "snemma" að sofa í gær eða kringum miðnætti og vaknaði síðan stuttu síðar og var andvaka.

Það er náttúrulega bara tómt rugl.

En gerir það að verkum að ég er að deyja úr þreytu núna og ætlaði svo að vera útsofin!

urrr....

Fjörfiskur

Er búin að vera með fjörfisk í hægra auga síðan um helgina.

Það er svoldíð böggandi!

Held að líkaminn sé algjörlega að gefast upp á mér.

Yessssss

Það hafðist - var að skila ritgerðinni inn.

Þá er "bara" eftir að lesa undir eitt próf og mæta svo í prófið.

En fyrst á dagskrá er svefn.

Óþolandi

Skrapp í búð áðan því ég þurfti að kaupa jólagjöf sem ég þarf síðan að senda norður. Nema eftir búðaferðina þá fattaði ég að ég hefði gleymt ábyggilega helmingnum af því sem ég ætlaði að kaupa.

Hvernig er þetta hægt?

Ég þarf greinilega að gera lista í hvert sinn sem ég fer út í búð til þess að komast heim með að minnsta kosti 80% af því sem ég þarf. Spurning hvort þetta sé líka kannski eitthvað tengt verkefnavinnunni og prófunum.

Núna langar mig svo í eitthvað að narta - eitt af því sem ég ætlaði að kaupa í búðinni en ekki sjens að ég nenni út til þess að kaupa eitthvað....

bleh... er svo ekki að nenna þessari ritgerð....

Sögur

Skutlaðist til mömmu í kvöldmat.

Þar voru mér sagðar sögur , pointið í enda sögunnar var þannig: Verður að passa að lesa ekki yfir þig því fólk getur verið mjög lengi að jafna sig eftir það ef það á annað borð tekst.

Mitt svar við því...

hvernig í ósköpunum get ég lesið yfir mig þegar ég næ ekki einu sinni að lesa allt efnið fyrir mig!

hahaha

###
En tókst að gera glósur úr þessum #$%&%% kafla og því verð ég núna að snara fram einni ritgerð eða svo á no time (helst í nótt) og fara að lesa undir þetta próf. En upphafleg áætlun gerði ráð fyrir vikutíma í undirbúning fyrir þetta próf sem er ekki að gerast.

Af hverju tekur allt lengri tíma en maður heldur að það taki?

Er ég bara svona léleg í að áætla kannski eða bara lengji að öllu - lengur en flestir?

Dauði og djöfull

Hvernig datt mér í hug að fara í áfanga í hagfræðideildinni?

ok mér datt það svo sem ekki í hug en hvernig datt mér þá í hug að halda áfram!

Við sem sátum áfangan ákváðum að skipta köflum á milli okkar og gera glósur upp úr honum. En núna er ég búin að sitja í allan dag að reyna að gera þetta helv.... og dett alltaf í það þýða bara þennan kafla.

Plús það þá er ég að eyða ógnartíma í þetta og þessi kafli er ekki einn af mikilvægustu og stór efast að kemur eitthvað úr honum þar sem kennarinn hafði engan tíma til þess að fara yfir hann.... urr

og það kemur á móti að flestir mundu þá kannski bara sleppa því að lesa hann og lesa glósurnar úr honum í staðinn.

ansans vitleysa er þetta!

Próflokadjamm

Þrátt fyrir annir í prófum og verkefnum þá sækir maður nú eitthvað í félagslífið.

Allavega í gær var haldið míni jólaboð í umhverfis og auðlindafræðinni þar sem nemendur og kennarar hittust.

Var afskaplega stutt en alveg notalegt og einn kennari minn benti mér á að hringja sem fyrst í einn aðila vegna hugsanlega lokaverkefni hjá mér....

en síðan var próflokapartý um kvöldið hjá okkur nemendum - þrátt fyrir að margir séu ekki búnir og þar á meðal ég :(

ákvað samt að kíkja í smá stund - sem var alveg fínt!

Eitt sem mér finnst stór furðulegt en undanfarið bæði í skólanum og svo í gærkveldi þá hef ég verið spurð að því hvort ég sé Íslendingur.

Mér finnst þetta afskaplega eðlileg spurning þegar ég er í útlöndum og fólk spyr hvaðan ég sé... en hérna heima á Íslandi - finnst það eitthvað svo undarlegt því finnst eitthvað svo sjálfsagt að fólk viti að ég sé Íslendingur, tala nú ekki um þegar maður talar íslenskulegu enskuna sína - þessi með harða framburðinum :)

Yes

Búin að skila ritgerðinni - er reyndar ekki fullkomin sátt við hana en er það sjaldanst.

En þegar ég var búin að prenta ritgerðina út og hefta þá tók ég eftir að á forsíðunni var ég með eitt enskt orð en annars er þessi ritgerð á íslensku. Fannst það frekar skondið en lagaði forsíðu og prentaði hana aftur út...

Í dag þegar ég var líka komin í Öskju þá setti ég heyrnatólin í eyrun eins og vanalega. Það var ekki fyrr en löngu seinna að ég fattaði að ég hafði ekki kveikt á ipodnum og var því ekki að hlusta á tónlist.

já er utan við mig og þreytt líka.

En nú er það ein ritgerð í viðbót sem á víst að skila á morgun og svo eitt próf.

bleh...

Þreytt

Þar kom að því að ég uppgötvaði ókosti að hafa bíl - jamm svona tryllitæki þurfa víst bensín.


Annars er ég þreytt þreytt þreytt og langar mest að skríða undir sængina mína og sofa.

En það er ekki í boði þar sem ég stóð ekki við það sem ég lofaði í gær. Var búin að ákveða að heim skyldi ég ekki fara fyrr en ritgerð væri búin. og ég sveik það. Klukkan tvö í nótt var ég búin að fá nóg og ákvað að fara heim.

Þannig að nú er bara að rispa þessu af og skila í hádeginu!

Yes I can do it...

Nema óveðrið stoppi mig!

Yfirsetukonur

Prófið í morgun gekk alveg þokkalega. Lenti reyndar í vondu sæti, var alltof framarlega. Ég vil nefnilega helst hafa yfirsýn yfir stofuna og ALLS EKKI vera svona nálægt þessum konum sem sitja yfir prófunum.

Stórmerkilegast fannst mér þegar yfirsetukona benti stráknum sem náði sér í "nestið" sitt sem var twix að fara fram til þess að opna pakkninguna því það kæmi svo mikil hávaði af því. En fyrir þann tíma hafði hún haft opið fram þar sem hellings af nemendum sátu og voru að læra með tilheyrandi skvaldri ásamt hávaðanum í ræstingarliðinu sem er greinilega alltaf á fullu á fimmtudagsmorgnum í odda þannig að hávaðinn var töluverður meðan hún var eitthvað á spjallinu við hina yfirsetukonuna.

Þannig að strákurinn úr lögfræðideildinni sem sat ská á móti mér var heldur spaugilegur þegar hann setti upp heyrnartólin - já svona eins og verkamenn nota sem vinna í miklum hávaða.

Þegar um klukkutími var liðinn af prófinu birtist inn í stofunni "strákur" og fyrsta sem ég hugsaði - djíi hvernig meikar einhver að koma klukkutíma of seint í próf.....

En nei nei þá var þetta bara einn kennari úr lögfræðideildinni - hahaha

Einbeitingarleysi

Er búin að tapa öllu því sem heitir einbeiting - ef ég hafði einhvern tíman slíkt.

Get með engu einbeitt mér að lesefninu sem ég þarf að lesa og er að fara í próf á morgun!

Bleh - les nokkrar setningar og svo eftir smástund farin að hugsa um eitthvað allt annað, eða kíkja á tölvuna nú eða blogga.

Hræðilegt.

Er líka þreytt en finnst verra með einbeitingarleysið.

Bömmer

Úrið mitt stopp og ég er að fara í próf á fimmtudaginn!

Ekki má hafa símann til þess að fylgjast með tímanum og því verður maður bara að vona að sé klukka í stofunni sem ég verð í. Man ekki hvort kellurnar segja þegar er eftir klukkutími af prófinu eða álíka.

Finnst líka gott að reyna skipuleggja mig eftir tímanum. Að ég hafi ekki meira en hálftíma á þessa spurningu o.s.frv.

En jæja... ég ætla nefnilega ekki að gefa mér tíma til þess að fara til úrsmiðs og athuga með batterýið :)
###

Er að rembast við að lesa undir próf.

Ritgerð á hold á meðan.... en tókst að skrifa "slatta" í nótt. Gat nefnilega ekki sofnað og stað þess að liggja andvaka var tölvan tekin fram og tíminn nýttur. Sofnaði líka vel eftir það ;)

en já fá sér kvöldmat eða halda áfram að lesa....

Ljúft

Oh hvað það væri ljúft ef einhver kæmi með mat til mín niðri í skóla.

Blessuðu kaffistofurnar loka um hálf fjögur þannig að mat þarf maður því að redda sér annarsstaðar.

En ég verð víst bara að láta mig dreyma..... um þessa þjónustu.

Verð síðan þá bara að svelta eða redda mér kvöldmat einhversstaðar.

Lög

Jæja þá er að fara lesa lög....

Gamanið stoppar aldrei ;)

Er orðin rangeyg af þreyttu af að horfa á tölvuskjá....

Hnútur

Jæja það kom að því.

Nú er að fæðast stór og mikil kvíðahnútur í maganum á mér.

Aðallega vegna ritgerðar sem ég er að vinna í núna - veit ekkert hvað ég á að gera, held ég hafi misskilið frá upphafi og er í tómu tjóni.

En mun samt henda einhverju á blað....

Alþingisumræður

Jæja búin að þrælast í gegnum umræður - og er á lífi!

Sumt var alveg skemmtilegt að lesa og áhugavert að hafa akkúrat komið sömu spurningar þar og ég hef verið að pæla í.

Verst fannst mér þó að hafa ekki alveg fengið svarið sem ég var að leita eftir sem ég vissi þó fyrir.

En er komin með 16 bls í word af þessum umræðum....pffff

Then

Orð tileinkuð systur minni :)

Jæja - held ég sé svona nokkuð búin með eina ritgerð og er að byrja á þeirri næstu. Það gengur en gengur alltof hægt - þyrfti nefnilega að fara að lesa undir próf.

En akkúrat núna er ég að reyna að lesa mér til um umræður á Alþingi - já jafn spennandi og það hljómar.

Ef ég blogga ekki fljótlega þá er ég sennilegast dáin úr leiðindum!

###

En annars átti ég indælan tíma með systurdóttur minni í gær, þurfti reyndar einu sinni að byrsta mig aðeins við hana því hún var alltaf að drekka baðvatnið en það var með freyðibaði og varð hún eitthvað súr greyið. Þegar ég spurði hana hvort hún væri í fýlu út í mig þá sneri hún sér aðeins undan til þess að hugsa málið og hefur síðan komist að þeirri niðurstöðu að það tæki því ekki :)

Pössunin var hinsvegar ekki alveg að kostnaðarlausu fyrir systur mína því hún var fengin til þess að lesa yfir ritgerðina mína þar sem orðið then kom víst alloft fyrir.

Hvað get ég sagt - tek oft ástfóstur við eitthvað orð svona án þess að vita það.

En fyndnasta kommentið sem systirin sagði um ritgerðina var að hún "lyktaði" svoldið af vinstri grænum. (Man reyndar ekki hvort hún sagði lyktaði en allavega var svona touch af) - en það fannst mér frekar skondið.

Séð

Nú sá ég við ipodnum.

Battery að klárast en tók með hleðslutækið.

Sá við þessu öllu saman!

En kannski spurja nokkrir sig að því hvur fjandanum er hún að gera með ipodinn og vesenið á því úr því að hún sé með tölvuna sína með sér á annað borð.

Jú svarið við því að er ekki búin að henda inn itunes á nýju tölvuna og því ekki með tónlistina í tölvunni.

Svona in case you were wondering ;)

En það verður semsagt gert í jólafríinu.

Vann

Haldið ekki að ég hafi unnið Harry Potter bók í jóladagatali Glitnis.

Gerðist líka akkúrat fyrir 8 árum síðan að ég vann fyrstu bókina um hann Harry Potter sem varð til þess að ég kynntist honum og þeim félögum.

Þá þarf ég bara að eignast síðan hinar 5 svo ég eigi allt safnið.

En já komin aftur upp í skóla - á frekar erfitt með að koma mér hingað snemma :( en stundum er gott að fara heim því þá koma inn nýir vinklar eða viðbætur sem manni hafði ekki dottið í hug.

Góðar stundir!

hahaha

hmm.... sumir greinilega búnir að eyða alltof miklum tíma hérna í Öskju.

Hvernig veit ég það?

jú þegar manneskjan búin að taka dótið sitt saman og klæðir sig í fer síðan en snýr tilbaka því fattaði það að hún þyrfti víst skóna sína líka.

nei var ekki ég.

Ég sit sem fastast!

Stuð

Stuð á föstudagskvöldi í Öskju.

já já

Spurning hvenær diskóljósin byrja.

Blóta því smá að ég drekki ekki áfengi - gengi kannski betur með skrifin á ritgerðinni eftir einhverja sopa ;)

###

Svona til þess að dreifa huganum aðeins þá er ég búin að skrifa fréttabréf til stelpnanna - ekki veitir af þar sem ein býr í útlöndumn og tvær eru dreifbýlistúttur.

já ritgerð....

Athyglisbrestur

Ég hef athygli í svona 2 mínútur en þá lít ég upp úr því sem ég er að gera og skoða hvort sé eitthvað annað spennandi!

Óþolandi.

Annars poppaði afturhlerinn á bílnum upp í nótt þegar ég var að keyra heim. Mjög gaman á Miklubrautinni, var nú þónokkur umferð miða við að klukkan var að verða eitt. hmm.... spurning hvort pabbi fari að rukka bílinn eftir að hafa lesið þetta ;) hehe

Hitti nágrannakrakkana í bænum í gærkveldi eftir að ég var búin að vinna. Einn af strákunum sagði mér að þau hefðu verið á pítunni en þegar hann fann maur eða einhverja pöddu í sinni pítu þá hafi hann misst lysinta. ojjj bara!

En já þá er að lesa aðeins meira og svo skrifa....

er með ipod fullhlaðinn þannig að hann ætti að duga langt fram á nótt.

ónei

Batteryið á ipodnum var að klárast!

Spurningum um að koma sér heim þá....

eða kannski hlusta á bylgjuna í smá tíma.......

Vesen á mér

Er að bölva mér í sand og ösku hérna.

Er alltaf svo hryllilega lengi og sein að koma mér að verki. Var að komast á smá skrið með verkefni í dag þegar ég þurfti að fara að vinna - týpískt.

Svo er ég svo ekki að koma mér að verki núna - eftir vinnu.

Langar mest bara að halla mér upp í rúm. En það er ekki boði enda sit ég í Öskju að reyna að gera eitthvað af viti.

Held að heimilið mitt verð bara bannað fram að 21. des

Loksins

Loksins eru fyrirlestrar búnir og við tekur verkefnavinna/ritgerðavinna og próflestur. Að sjálfsögðu lauk fyrirlestrum í hagfræði og heimspekideild í síðustu viku en raunvísinda og verkfræðideildin í þessari viku. En já áfram með smjörið víst....

###

Er svo glöð að ég skuli ekki lengur vera með verki.

Allan þriðjudaginn var ég heima hjá mér með bévítans verki í síðunni - mjög undarlegt miða við ef ég hef eitthvað tognað eða snúið mig. Var ábyggilega svipað og einhver mundi koma reglulega og snúa hníf í sári.

Sófaborð

Vantar einhverjum sófaborð?

Ef svo er þá vantar mig að losna við þetta sófaborð.


Ef einhverjum langar í þetta borð þá er hægt að hafa samband við mig.

Gegnum kommentin eða lbh3 (hja) hi.is - þarf þá bara að sækja borðið til mín.

Leynilíf

Ég á mér ekki leynilíf eftir allt saman - jú nema það sem ég vil halda frá ykkur ;)

En þau ykkar sem þjáðust mikið yfir óútskýrðum launum á reikningnum mínum en þá er ég komin með skýringu. Ekki að ég fatti þá skýringu því kemur að sé einhver persónuuppbót frá tveimur vinnustöðum sem ég var að vinna á þessu ári.

Já það þarf kannski að bæta mér það upp að ég skuli vera ég.

En góðu fréttirnar eru þær að þetta er minn peningur eftir allt saman og er því ríkari en ég bjóst við. Alltaf gott að fá svona auka í desember!

###

Að öðru eins og venjulega - er að skemmta mér í Öskju. Sit og á að vera að læra. Stal mér ágætis sæti frá einum samnemenda (hún hefur sitt sæti buhhuu) en allavega erum að minnsta kosti 3 hérna. Stefni á að vera hérna þangað til ég hryn niður.

Líka svo þægilegt að geta síðan bara keyrt heim!

Er alveg að fíla að vera á jeppanum hans pabba alveg þangað til stærri jepparnir taka fram úr mér......

Ný pera

Já þá er það orðið ljóst að ég get ekki skipt um ljósaperur heima hjá mér en get vel sett saman eitt stykki sófaborð og svo fullt af stólum.

Útiljósið fór hjá mér um daginn og eftir að hafa fengið lánaðan stiga hjá nágrönnunum þá byrjaði ég að bisast við þetta en gat með engu móti náð kúplinum af.

Hringdi því í pabba!

Sem kom og ekkert mál en ég var með ranga peru til þess að setja í ljósið því var farið á stúfana eftir peru nema hvað ég keypti of langar.

Fór því aftur í dag til þess að athuga með peru sem gekk og voru þær settar á réttan stað og tókst að setja kúpulinn á sinn stað.

En að öðru - fékk fyrirfram jólagjöf í gær sem ég gat síðan ekki látið vera í kassanum og setti því upp eitt stykki sófaborð.

Fór síðan til mömmu í mat og eftir það voru stólar settir saman hjá henni. Því er mér illt í hendinni í dag.
###
Notaði mér síðan það að vera á bílnum hans pabba því dýnan sem er búin að vera fyrir utan hjá mér í hartnær 2 mánuði var tekin og farin með á Sorpu. Þrátt fyrir góða hugmynd hjá Guðmundu að binda snæri í hana og taka með mér í strætó þá ákvað ég að nota bílinn í það. En dýnan var búin að bíða eftir því að vera sótt í þessa 2 mánuði nota bene.
###
Að enn öðru en ég er með einhver óútskýrð laun á reikningnum hjá mér, fékk útborgað í gær og var ekki alveg sátt því það var minna en ég var búin að reikna út en svo þegar ég athugaði reikninginn minn í dag þá eru launin mín komin inn en þá veit ég ekki hvaðan hitt kom.

Ég á mér kannski leynilíf, svo leynilegt að ég veit ekki einu sinni um það og fæ laun fyrir!

hmmm...... þarf að skoða þetta mál!

Þrif

Búin að þrífa íbúðina. Þannig að velkomin í heimsókn :)

En helst bara í kvöld og endilega komið með eitthvað að borða handa mér í leiðinni.

Er svöng og nenni ekki út í búð - kalt úti og rok!

Mér er líka kalt!

Neihei

Vitið þið hvað - er verið að setja upp jólatré upp hérna í Öskju.

jahérna hér....

Ipodinn

Hræðilegt - ég gleymdi að hlaða ipodinn minn í gær. Fattaði það þegar ég var að bíða eftir strætó.

Er næstum því eyðilögð og sit því hérna í skólanum að hlusta á úvarpið í staðinn. Frekar vil ég ipodinn minn, hann er nefnilega ekki með þessum leiðindar auglýsingum né óþarfa tali inn á milli laga.

Gengur annars ekkert að einbeita mér.... það er líka hræðilegt.

En hitti gott fólk í kvöld - það er ekki hræðilegt.

Bara yndislegt!

Fjölgun

Já nóvember hefur heldur betur verið mánuður fjölgunar.

Var enn eitt krílið að koma í heiminn í dag. Í þetta skipti lítil frænka úti í Boston og mikið er internetið dásamleg uppfinning því ég er strax búin að sjá barnið en hún fæddist á hádegi.

Strákur og stelpa bættust einnig við í vinahópinn í þessum mánuði, kom strákur í Danmörku og stelpa hérna á Íslandi og komu þau með viku millibili.

Þá er reyndar ein eftir í nóvember sem ég þekki - samnemandi en spurning hvort hún nái nóvember.

Innilega til hamingju með fjölgunina í fjölskylduna, öll sömul :)

Týpískt

Hversu týpískt er það að þegar ég ætla að gefa mér tíma í að svara kennslukönnuninni þá kemst ég ekki inn á ugluna!

Hversu týpískt er það líka að þegar allt er á haus heima hjá manni, drasl og skítur að þá fær maður heimsókn. Af hverju kemur fólk aldrei í heimsókn þegar maður er nýbúin að þrífa?

Hugmyndir

Áfram held ég að lesa fyrir verkefni sem ég á að gera en meðan fæðast hugmyndir hvað ég get sett í ritgerð í allt öðru fagi og sem ég er ekki að vinna að núna en þyrfti að gera á morgun og fram á miðvikudag en þá er fyrirlestur hjá mér um þá ritgerð.

en verð að geta einbeitt mér að verkefni dagsins......

###
saxast á nestið mitt!

Bjartsýn

Er alltaf svo bjartsýn þessa dagana ;) - stefndi nefnilega á að klára tvö verkefni í dag en er búin að vera að núna í nokkra klukkutíma en virðist ekkert þokast áfram :(

Þannig að hvorug þessa verkefna munu klárast í dag - svona ef ég lít raunsætt á málið. Má kenna kannski einhverju einbeitningleysi um. Er ekki alveg að nenna þessum verkefnum sem ég er og er því alltaf að hugsa um eitthvað annað en þetta annað er lærdómstengt líka bara aðrar ritgerðir og önnur verkefni.

Er líka svo frekar kalt hérna þannig að sit með húfuna mína og á tímabili var ég með úlpuna yfir mér.

Voðalega lítið gengur á nestið mitt ;) en er þó farin að finna fyrir smá svengd þannig að kvöldmatur verðir sennilegast snæddur fljótlega (hluti af nestinu mínu).

You can do it!

Ha Ha

"Að mati stofnunarinnar er æskilegt að leggja göngu- og hjólastíg um nesið til þess að fólk geti notið þar óspilltar náttúru"

hmm..... er ekki smá þversögn í þessu - um leið og þú setur göngu og hjólastíg þá er náttúran ekki alveg óspillt!

Læra

Jæja komin niður í skóla til þess að læralæralæralæralæralæra.

Tók hellings af nesti með mér og verður því ekki farið heim fyrr en það er búið og ég orðin svöng aftur.

Því er spurning hvort um kappsát verði hér eða lærdómur ;)

###
Átti viðtal við kennara minn um daginn sem sagði að næsta önn liti rosa vel út fyrir mig - eru kannski að fá gestakennara sem er sérfræðingur í þjóðgörðum. Vona ekkert smá að sá kennari komi svo var eitthvað meira spennandi í boði.

Hún spurði mig meðal annars að því hvernig mér gengi í einu ákveðnu fagi og þegar ég sagði við hana að ég hefði komist að því um daginn að þegar kennarinn kenndi á íslensku (en ekki ensku eins og vanalega) þá fattaði ég að ég skildi það ekkert frekar. Henni fannst það frekar fyndið og spurði hvort hún mætti segja umræddum kennara þetta hehehe

Var alls ekki að setja út á kennarann heldur það að efnið er ekki alveg mitt ;)

en já.... ég kom víst hingað til þess að læra en ekki að rausa....

Skólamálin mín

Þar fauk annar regnskógur!

En virðist vera aftur komin með "eldmóðinn" eða áhugann.

Hann hvarf eitthvað um skeið og fannst mér sem ég væri ekki í rétta náminu. Ef eftir tvo skemmtilega og áhugaverða fyrirlestra í dag þá fann ég áhugan aftur.

Svo spillir ekki fyrir að er að rembast við ritgerð sem ég hef áhuga á :)og finnst spennandi - Vatnajökulsþjóðgarður er það heillin!

Greinilegat að voru hlutir sem höfðuðu ekki eins til mín eða eitthvað annað sem dró mig niður.

Best að reyna að halda í þetta!

Systursonurinn

Litli sæti systursonurinn er 3 nóttina sína á barnaspítalanum í nótt. En vonandi verður þeim mæðginum sleppt út og heim á morgun. Færði litlu systur eitthvað að borða í dag og hékk síðan með henni og gekk um ganga spítalans í dag. Voru langar göngur fram og tilbaka, í þeim tilgangi að svæfa þann stutta sem var þrjóskari en ég veit ekki hvað.

En er enn að hneyksluð á kennara systur minnar. En hún skrifaði kennurum sínum tölvupóst í dag til þess að láta vita að hún kæmist ekki í tíma og annað þar sem hún væri með son sinn á barnaspítalanum og hefði verið með síðan um helgina. Því ekki komist í tölvu strax.

Nema hvað hún fékk svar frá einum kennaranum sínum á þá leið að í fyrsta lagi væri nú hægt að komast í tölvur, væri bæði í unglingaherberginu og foreldraherberginu þannig að væri nú ekki mikil afsökun.

Þvílíkt fífl segi ég og skrifa, að honum skuli detta í hug að svara svona. Hann veit nákvæmlega ekkert hvað er í gangi hvort að sonur hennar væri lífshættulega veikur, slasaður eða annað. Þessi tölvupóstur hefði verið nóg til þess að brjóta manneskju niður eftir hræðilegar raunir. Er heldur kannski ekki alveg fyrsta hugsun hjá manneskju með veikt barn, já skólinn gengur fyrir þess fyrir utan komst hún voða lítið frá barninu þar sem hann vildi mest láta halda á sér og svaf lítið.

Trúi bara ekki enn að nokkur maður skuli svara svona og vera svona ótilitssamur.
###

En jæja búin að tappa af og þá er að fara að læra en skellti mér niður í skóla eftir vinnu til þess að læra þar sem ég stal líka bílnum af litlu systur. Ég meina ekki er hún að nota hann föst upp á spítala ;)

jamm er svo næs!

Afgangar

Seinasta sunnudag fór ég í mat til mömmu, hún sendi mig síðan heim með afgangana því henni fannst það of gott í hundinn.

Þannig að afgangar fara annaðhvort í mig eða hundinn!

Er ekkert skárri en hundsgrey.............

Skróp

Ákvað að skrópa í einn tíma í dag, vildi frekar vera vinna í verkefnum heldur en að sitja í "tilgangslausum" tíma. En þrátt fyrir það hafði ég samviskubit yfir því að mæta ekki - eða svona alveg þangað til ég spurði eina sem fór hvernig hafði verið í tíma.

Varð svo fyrir vonbrigðum í dag varðandi tölvupóst, áleit sem það mundi bjarga lærdómnum og um leið geðheilsunni. Þarf að finna einhverja sniðuga lausn og það strax.

Sit reyndar í þjóðarbókhlöðunni núna og það er ekki sniðug lausn, fann bara hvað augnlokin eru þung um leið og ég settist niður.

Að smá uppörvandi en algjörlega gagnlausum upplýsingum þá hef ég mjög gaman af því hvernig einn ítalskur samnemandi minn talar enskuna sína.

En hann talar enskuna eins og Ítalar tala ítölsku - hratt og í einu flæði.

Þannig að þegar maður hlustar á hann tala þá þarf maður að hafa sig allan við að skilja og vita hvar eitt orð byrjar og næsta tekur við.

En það er bara gaman af honum :)

Hópmynd

Gjörsamlega búin að tapa mér í Rúmeníu - hér er hópmynd af landvörðum úr Evrópu. Þeir sem voru á ráðstefnunni í Rúmeníu.


Fékk líka drög að ráðstefnu fyrir landverði í Ungverjalandi næsta haust... oh hvað ég væri til í að fara! Svo er það Bólivía 2009. Já ég er dottin í ráðstefnur og landverði :)

Hausverkur

Fór að sofa með hausverk seinustu nótt, í morgun þegar ég vaknaði (aðeins á undan áætlun) þá var ég enn með hausverkinn. Ákvað því að taka verkjatöflu og sofa í klukkutíma í viðbót.

Þegar ég vaknaði aftur um klukkutíma seinna var hausverkurinn á bak og burt og alveg þangað til ég kom heim í kvöld um hálf tíu.

Nokkuð góð virkni á verkjatöflu :)

Annars finnst mér slæmt að taka alltaf verkjatöflur við hausverk og geri það ekki alltaf bara nú má ég ekki við því og hef ekki tíma í hausverk eða annað.

Bíó

Nú er svo komið að ég man ekki hvenær ég fór seinast í bíó.

Sakna þess ógurlega að hafa ekki farið í bíó.

Svo merkilegt sem það er þá gef ég mér ekki tíma til þess að fara en hinsvegar hef ég oft nægan tíma til þess að hangsa og gera ekki neitt.

Reyndar þá fer sá tími ekki í dagbókina sem hangs og gera ekki neitt því sá tími kemur oftast af sjálfum sér en þar sem ég þarf að "gefa" mér tíma til þess að leyfa mér að fara í bíó þá er erfiðara að setja það niður.

Klikkað!

Já

En svo er líka svo dýrt í bíó og því þarf að velja myndirnar af sérstakri kostgæfni og oft á tíðum eru bara ekki spes myndir í boði. En þar fyrir utan þá er ég reyndar búin að missa af mörgum góðum (held ég), ætlaði mér til dæmis alltaf að fara á kvikmyndahátíðina en hún bara rann framhjá - ok gerði heiðarlega tilraun til þess að fara á eina mynd en þá var uppselt :( en það var Sigur rós - Heima. Kom reyndar síðan í sýningu viku eftir en gaf mér ekki tímann til þess að fara.

Auli!

Já

Dósaupptakari

Eflaust ætti ég ekki að vera ljóstra upp vankunáttu minni og eingöngu tala um eigið ágæti. En svoleiðis blogg eru leiðinlegt til lengdar enda alltaf gaman að hlæja af hrakfarasögum annarra - já svo lengi sem sá sami hafi húmor fyrir því að sjálfsögðu ;)

En allavega dósaupptakarinn hefur angrað mig núna í töluverðan tíma. Málið er það að eftir að leigjandinn minn var hérna þá "hvarf" dósaupptakarinn minn sem ég átti og líkaði vel við og nýr dósaupptakari komin í staðinn.

Ég hef átt í stríði við þennan nýja dósaupptakara því hann einfaldlega opnaði ekki dósirnar og ég þurfti nánast að brjótast inn í blessuðu dósirnar. Að sjálfsögðu gleymdi ég alltaf hrakförunum þangað til kom að því næst að opna dós og því gleymdi ég alltaf að kaupa nýjan dósaupptakara. Ég var stundum komin að því að fara upp til nágrannans til að spurja um hvort ég gæti fengið lánaðan dósaupptakara.

En nýlega uppgötvaði ég hinsvegar trixið við að nota þennan blessaða dósaupptakar eftir að hafa reynt á allavegu að opna dósir með honum.

Við erum að tala um heilt ár hérna sem tók mig að fatta hvernig átti að nota dósaupptakarann.

Er ég þunn eða hvað?

Regnskógar

Regnskógar heimsins eru að týna tölunni vegna mín eftir útprentun á hinum ýmsum greinum.

Er líka að klára prentkvótann minn!

###

Ég er svöng!!

Utan við mig

Var að fatta það að ég setti í þvottavél í morgun og hef ekki enn tekið þvottinn úr henni og er ekkert að fara að gera það strax því ég er enn niðri í skóla.

já já gott að vera svona fattlaus og upptekin.

Er að skemmta mér yfir því að finna greinar og lesa yfir. Flest allt hagfræðilegt....en finn aldrei akkúrat það sem ég er að leita eftir.

Örg

Er afskaplega pirruð á Word 2007, veit ekki hvað ég eyddi miklum tíma í það að reyna að gera efnisyfirlit sem ekki tókst... svo að setja rétt númer á bls en tókst ekki og því varð inngangur á bls 2 en átti að vera bls 1

Þannig að ritgerð var send án efnisyfirlits og með inngang á bls 2 :( - svo er ég niðri í skóla núna í word 2003 (held ég), tók skjalið og ákvað að athuga hvort ég gæti nú ekki sett inn efnisyfirlit og breytt þannig að inngangur er á bls 1 - jú ekkert mál...

urr hvað ég er fúl út í word 2007.

Er líka sein með öll skil og það er ekki gaman.

Til þess að toppa daginn eða hádegið hjá mér þá varð ég að hlaupa til þess að verða ekki of sein í strætó því #%&?# vagnarnir ganga á hálftíma fresti akkúrat þegar ég þarf á því að halda að sé styttra milli ferða.


urrr

Dreyma

Er að láta mig dreyma þessa dagana - svo sem ekkert nýtt!

En er að láta mig dreyma um að fara út, er komin með flugu í hausinn að fara út milli jóla og nýárs.

Hingað til hef ég verið að velta fyrir mér hvert þangað til það laust í hugann hvert ég gæti farið en held það sé ekki sniðugt því viðkomandi getur ábyggilega ekki tekið á móti mér á þessum tíma. Fyrir utan það að ætti ekkert að vera að fara.

en alltaf hægt að láta sig dreyma!

Matur

Óþolandi að þurfa alltaf að hugsa um þennan mat, hugsa um hvað maður eigi að borða og hvað eigi að vera í matinn. Sjaldnast tek ég út úr frystinum sem gerir það að verkum að þegar ég kem heim á daginn og veit fyrir víst að ég verð heima að þá er orðið of seint að taka úr þessum blessaða frysti því það nær ekki að þiðna á tilsettum tíma.

Þegar ég hinsvegar er það forsjál að taka úr frystinum þá bregst það ekki að eitthvað kemur upp á og ég er ekki heima það kvöldið og því elda ég ekki.

Núna er ég því í klemmu, ekkert í ísskápnum, matur í frystinum og ég að velta fyrirmér hvort ég eigi að ganga út í búð og kaupa eitthvað.

Hvað skal gera?

Frá Rúmeníu

Var að fá sendar myndir frá Mihai í Rúmeníu síðan landverðir voru þar.

Varð að setja þessa mynd af íslenska hópnum + Florin, vantar að vísu 2 landverði en óafvitandi sýnist mér að við höfum raðað okkur upp eftir hæð :) - fyrir utan Florin.

Flutningar

Ég var að hjálpa vinum í dag að flytja í sveitina, í tilefni þess fór ég í sveitafötin - lopapeysuna. En þess má geta að hún var í raun brúðkaupsföt í sumar.

En allavega íhugaði það að hlekkja mig við dyrnar hjá þeim í mótmælaskyni við að þau væru að flytja í sveitina en ákvað svo að hjálpa í staðinn.

Held við höfum verið hátt 3 klst að fylla RISA stóra flutningabílinn en samt tókst ekki að taka alveg allt dótið. En svo bara um klukktíma að tæma hann.

people - er sko ekki hægt að kvarta yfir drasli hjá mér ef/þegar ég flyt næst :)

Svo var ég bara föst í sveitinni í dálítin tíma, prófaði að fara Bónus í sveitinni líka, svoldíð sveitó fólk en fittaði inn í lopapeysunni minni með húfuna hahahaha yeah right!

En held svei mér þá að þau eigi bara eftir að raða inn í skápa og jafnvel endurraða í eldhússkápa.

Svo er ég bara fyrst í pottinn þegar hann kemur hjá þeim og já í sturtu líka ;)

Urr

Þegar ég var komin úr strætó í kvöld og á leið heim til mín þá laust það í huga mér að ég hefði gleymt að læsa niðri í vinnu!

Gat ómögulega munað hvort ég hafi læst eða ekki.

Hringdi í pabba til þess að athuga hvort hann væri að vinna - en hann vinnur nálægt mér en svo var ekki.... ákvað þá að prófa að hringja til mömmu til þess að athuga hvort bróðir minn væri kannski á rúntinum. Drengurinn svaraði akkúrat símanum og var á leið á rúntinn.

Plataði hann því að rúnta með mér niðureftir - en reyndar var það síðan frænka hans sem keyrði mér niðureftir.


Að sjálfsögðu var læst!

En eftir alla þessa fyrirhöfn hefði ég nú viljað að væri ólæst en er samt fegin að svo var ekki.

Vonandi fer þetta ekki að þróast upp í þráhyggju hjá mér en átti við þennan vanda að stríða í allt sumar varðandi gestastofuna. Mundi aldrei hvort ég hafi læst á eftir mér en "leyfði" mér þó aldrei að snúa við og athuga því ég vissi innst inni að ég hefði læst.
###
Í dag var mastersnemum í náminu mínu boðið í móttöku, þar sem við hittum námsstjórnina og að sjálfsögðu samnemendur. Var mjög fínt og gott að sjá þá sem eru í stjórninni sem ég hafði ekki séð áður. Er reyndar alltof ódugleg að fara að fólki og byrja að tala við og talaði því einungis við einn kennarann úr námsstjórninni enda þekki ég hann.

Ný tölva

Stúlkan komin með nýja tölvu - um sólarhringi eftir að sú gamla gafst upp var hún komin með nýja.

Enda ekki hægt að vera tölvulaus í námi, bara gengur ekki upp. Nýja tölvan er með litlum skjá, 12" og það þarf að venjast því. En ég tók fram yfir að hafa litla og létta tölvu sem auðveldara væri að ferðast með og ekki mikil fyrirferð í.

Er að venjast litlu sætu tölvunni minni og hlakkaði þessi ósköp til að komast heim til hennar í kvöld :)

Tölvan dáin

Tölvan mín er dáin - dó í hádeginu í gær.

Fékk síðan skrifað upp dánarvottorð kl.21.10 í gærkvöldi.

Var smá sorgmædd í gær en vissi svo sem að mundi eflaust koma að þessu, hún hefur eflaust kannski ekki verið sátt við að vera straujuð á föstudagskvöldið, enda hefur hún verið mér góð í 4 ár og án nokkurra stærri vandamála.

Er líka með öll gögnin mín þannig að ég tapaði engu af tölvunni minni sem betur fer annars væri ég í þónokkuð meira uppnámi.

En tímabært að halda áfram og er farin að skoða aðrar tölvur en þá er bara að ákveða kaupin!

#vona að tölva hafi verið rétt notuð því ég man aldrei hvort maður segir talva eða tölva#

Fegin

Nú er ég fegin að búa ekki í vesturbænum!

En ætli rottufaraldur sé ekki hér líka - vonandi fara þær samt ekki að koma upp um klósettið hjá mér.

###

Já alveg rétt - er að hugsa um að ná mér í Ástralskan námuverkamann ;)

Verðmæti

Value is in the eye of the beholder.

Hljómaði eitthvað betur á ensku.

Allavega var að skila verkefni í Seminar þar sem við áttum að taka afstöðu til þess hvort verðleggja ætti náttúruna og koma með rök fyrir því.

Það merkilega við þetta allt saman (að mér finnst) að ég hafði að ég held ákveðna skoðun á þessu máli en eftir því sem maður lærir meira því óvissari verð ég. En það er heldur ekki flest svart eða hvítt í þessum heimi....

Hugsa að afstaða mín í dag sé beggja blands, jú vissulega ætti að verðleggja sumt en annað ekki en þá kemur sú klemma upp - hvað á að verðleggja og hvað ekki.

Til að mynda finnst mér fráleitt að fyrirtæki geti sett mengandi úrgang frítt út í andrúmsloftið, vatnið eða hvað sem það er. Finnst ekki að samfélagið ætti að borga fyrir mengunina heldur sá sem mengar.

En þar sem verðmætamat fólks er mismunandi getur verið mjög erfitt að setja verðmiða á náttúruna enda meira en bara fólkið sem þarf að taka tillit til heldur líka vistkerfisins. Eins vill það oft gleymast sú þjónusta sem við höfum af umhverfinu og tökum sem sjálfsögðum hlut.

###
Var í tíma í gær og tók mig smá tíma að fatta að kennarinn væri að tala á íslensku, mér til mikillar skelfingar þá rann upp fyrir mér að ég skildi ekki meira þótt hann talaði íslenskuna heldur en enskuna.

Var síðan í dæmatíma áðan (í sömu námsgrein) þar sem aftur var talað íslensku þar sem enskumælandi fólkið var ekki á staðnum en þar var hellings af ensku slettum. Því eru svo mörg orð sem maður veit ekki alveg hvað er á íslensku né heldur kennarinn ;)

En jæja þá er að snúa sér að gera kókosbollunammið..... EIA verður að bíða aðeins.

Í ruglinu

Sveitaloftið á greinilega miklu betur við mig - minnsta kosti svefnlega séð, nema það sé vinnan þar sem hefur svona góð áhrif á mig að ég fari í flestum tilfellum snemma að sofa.

Það er ekki hægt að segja það sama núna - fer alltof seint að sofa sem þýðir að ég er komin í "ruglið". Fer seint að sofa og því þreytt á daginn og hef ekki fulla orku.

Er svo mikið betra þegar maður fer snemma að sofa og með reglu á svefinum. Já svona eins og litlu börnin.
###

Tölvan mín er að fara í allsherjar yfirhalningu - keypti flakkara í gær og er að henda öllu dótinu mínu yfir á hann.

Verður spennandi að sjá hvort hún taki við sér

###
Ætla að óska brúðhjónum - sem voru að ganga í hjónaband í dag innilega til hamingju og svo að sjálfsögðu vinunum sem eiga brúðkaupsafmæli í dag - að ég held 6 ára brúðkaupsafmæli - getur það verið?

En allavega innilega til hamingju öll fjögur :)

Ansans

Ég braut klósettsetuna - borgar sig ekki að þrífa :(

Mig langar í klósettsetu ef einhverjum langar að gefa mér :)

###
Aftur var ég úti á föstudagskvöldi og hélt lengur út í þetta skipti. Með þessu áframhaldi þá verð ég úti alla nóttina og fram á morgun þegar veturinn er úti.

Gekk aftur heim og byrjaði þetta litla að rigna þegar ég var svona hálfnuð og mikið var rigning eitthvað köld.

Er annars að láta mig dreyma þessa dagana um ákveðið plan. Plan sem nær til ársins 2009 - jamm hrikalegt alveg hreint.

Spurning hvort eitthvað verður af þessu þar sem mikið af þessu snýst um peninga. Ætla ekki að upplýsa á blogginu hvað þetta er fyrr en eitthvað af þessu er komið á hreint en er alveg velkomið að kíkja á mig og/eða heyra í mér og athuga málið.

En læt mig dreyma á meðan!

17-25

Það er fólk svona á aldri við ykkur.

17-25 ára


hahahhahahaha

Lífstíll

Las í dag í mogganum um 3 einstaklinga sem eiga ekki bíl og það sé hluti af þeirra lífstíl.

Ég á ekki bíl.

En hef ekki talið það sé einhver ákveðin lífstíll hjá mér sem það er náttúrulega samt hluti af því.

Ég á ekki bíl vegna þess

*hef ekki efni á að reka hann eins og staðan er í dag
*ef ég hefði efni á því mundi ég ekki tíma því :)
*vil eyða mínum pening í annað en bíl eins og til dæmis að ferðast

þetta eru helstu ástæðurnar fyrir því að ég á ekki bíl, ekki það að ég sé svo umhverfisvæn - tel það bara vera bónus (surplus), því ef mér er boðið far þá oft stekk ég á það eða ef mér býðst að fá lánaðan bíl eins og var í sumar. Þykir það alveg ótrúlega gott oft á tíðum.

Tala nú ekki um ef ég ætla í Bónus þá fæ ég lánaðan bíl til þess að þurfa ekki að burðast með pokana í strætó.

Stóri mínusinn samt við að eiga ekki bíl er að komast ekki út úr Reykjavík, geta ekki ferðast um landið. Og nei vil sko ekki ferðast með rútu um landið - það er bara til að komast á milli staða A og B - ekkert hægt að fara út fyrir það.

Snillingur

Ég var með systurdóttur mína um helgina - eða frá laugardegi til sunnudags.

Var hreint frábært að hafa hana hjá mér í sólarhring og þessi stelpa er algjör snillingur (að sjálfsögðu :)).

Skelltum okkur í sund og dáðist alveg hrikalega að henni þar - var nefnilega ekkert vatnshrædd eða neitt. Einnig gat ég ekki betur séð en að hún kunni smá að synda og stelpan ekki nema 2 ára, var meira svona hundavað en komst áfram.

Á sunnudagsmorguninn skelltum við okkur í sunnudagsskólann sem hún er vön að gera. En fórum í kirkjuna nálægt mér, eitthvað eirðarleysi greip þá stuttu og fórum við eftir hálftíma. Eftir það var bróðir hennar sóttur og svo haldið heim til foreldranna en eitthvað var Embla mín ekki sátt og vildi fara heim til Lindu frænku - voða sætt :)

Snillingurinn ég keypti kassa af íspinnum áður en systurdóttirin kom - gleymdi hinsvegar síðan að gefa henni ís :( fattaði það þegar ég var að svæfa hana að ég ætti ís í frystinum en var búin að gleyma því aftur morguninn eftir... algjör!

En vonandi verður þó ekki eins langt þangað til næst að hún gistir hjá mér og þau systkini bæði.

snillingar þurfa líka að sofa!

Áhugavert kvöld

Átti alveg áhugavert kvöld í gærkvöldi og óvænt :)

Var uppi í skóla til níu ásamt hópi af öðrum þar sem við vorum að reyna að leysa verkefni - en ég gafst upp klukkan níu enda líka orðin sársvöng þar sem ég var búin að vera þarna frá um fjögur.

Þegar ég fór sá ég sms frá GLP um að hún og aðrar landverjur færu á Ölstofuna og hvort ég mundi ekki koma. Því hoppaði ég úr strætó á Lækjargötu og fékk mér að borða, á meðan reyndi ég að hafa samband við þær dömur hvort væru komnar á ölstofuna - en kemst síðan að því að þær voru á Domo að borða.

Þannig að þegar ég er búin með minn Nonnabita fer ég á Domo þar sem hópur af umhverfisfræðingum er með þeim stöllum. Ég ílengist þar svona miða við að ég ætlaði bara að kíkja á þær. Fæ að smakka á aðalréttinum og fékk svo eftirrétt því tvær úr hópnum voru farnar áður en að honum kom.

Eftir að allir voru búnir að borða var haldið á ölstofuna og leiðinni þangað var ég "yfirheyrð" af pabba "þekkts" einstaklings af hverju ég hefði nú verið valið námið sem ég valdi.

En var alltaf á leiðinni að taka næsta strætó heim en kom af því að þeir hættu að ganga þannig að ég gekk heim í rignunni.

En var áhugavert og óvænt kvöld
###

Já og ég er komin með vinnu :) jeii - tvö kvöld í viku sem er fínt.

Umhverfisþing

Það er algjör sofandaháttur á mér... veit ekki hvar ég hef verið.

En það fer fram umhverfisþing í dag og á morgun, mig langar á þetta en var bara að komast að þessu núna að þetta umhverfisþing er :( þannig að ég er of sein.

Eru líka akkúrat að fjalla um það sem ég hef áhuga á. bleh... jæja verð víst þá bara að reyna pumpa út upplýsingum frá þeim sem ég veit að fóru þarna.

Skólamálin mín

Er ægilega hamingjusöm þessa dagana.

Er í hópavinnu með nokkrum og eigum við að finna grein/greinar um ákveðið málefni og hafa svo stuttan fyrirlestur um það.

Það sem gerir mig svo hamingjusama er að ein úr hópnum fann grein eftir höfund sem við ætlum að nota og þessi höfundur talar svona næstum því frá mínu hjarta.

Er svo ánægð að hafa fundið þennan prófessor og er með upplýsingar um miklu fleiri greinar eftir hana.

Þetta gæti jafnvel verið stór aðstoð fyrir mig í sambandi við hvernig eða um hvað mastersritgerðin mín verður :)

húrra fyrir því!

Töðugjöld, appelsínugulur og skírn

Fór á töðugjöld hjá UST á föstudagskvöldið.

En töðugjöld eru semsagt hálfgerð uppskeruhátið landvarða, það er að segja landverðir sem voru að vinna á friðlýstum svæðum í sumar hittast og "gera" upp sumarið.

Alltaf gaman að hitta landverði og hitta hitt starfsfólkið að sjálfsögðu.

Þegar við vorum úti í Búdapest þá kom appelsínuglur svoldíð sterkt inn hjá okkur íslensku landvörðunum en það byrjaði allt á því þegar við 5 landverjur vorum að leita okkur að veitingastað á laugardagskvöldi í Búdapest og búin að rölta smá um þá fékk ég nóg og sagði að við ættum að fara á veitingastaðinn með appelsínugulu stólana. Eftir það var ekki aftur snúið. GLP hélt áfram með appelsínugula þemað, keypti sér boli, töskur og skó sem voru appelsínugulir.

Nema það sló öllu út á föstudaginn á töðugjöldum þegar GLP sagði mér að hún hefði verið að mála stikur, þær yrðu aðeins öðru vísi heldur en þessar venjulegu því þær áttu að nota til þess að merkja mörk þjóðgarðsins. Þegar ég spurði hvaða litur það væri kom svarið.

Appelsíngulur!
###
Var í skírn í dag heima hjá Ellen systur og Atla en það var verið að skíra systurson minn :). Það var nú svoldið gaman að honum Arnari Má (systursonurinn) því hann næstum því talaði í kapp við prestinn. Eitthvað fyrir athöfn var hann eitthvað ergilegur en svo í athöfninni þá varð hann eitt sólskinsbros og blaðraði í kapp við prestinn.

Hitakerfi
Ég held ég sé komin með virkt hitakerfi í mér.

Yfirleitt er ég kuldaskræfa með meiru og alltaf kalt en seinustu daga hef ég upplifað í skólanum að mér er heitt. Gerði meira segja tilraun á þessu um daginn. Ég er nefnilega yfirleitt alltaf í flíspeysu (enda kuldaskræfa) en ákvað að prófa að fara í "þunna" peysu í skólann. Og ekki enn orðið kalt.

Skil bara ekki hvað er að gerast.

Svo til þess að toppa allt saman þá var ég heima hjá mömmu um daginn í mat og mér er alltaf kalt þar en nei, leið bara ágætlega og það undarlega var að mömmu var kalt.

Týpískt að ég hafi jinxað þetta núna!

###

Munur þegar ég elda að þarf ekki að gera elda næstu kvöld á eftir.

Eldaði á mánudagskvöldið sem dugði fyrir næstu 2 kvöld eftir það.

Rúmið mitt

Þvílíkur munur að sofa í rúmi og í rúmi sem er breiðara en 90 cm.

Tala nú ekki um að nú lítur svefnherbergið mitt út fyrir að vera svefnherbergi en ekki einhver kompa. Finn nefnilega alveg stórmun á herberginu :) ótrúlegt en satt.

Svo kemur rúmið ekkert svo illa út - er alveg sátt við það.
###

Jæja að komast frá skerinu var alveg ágætis tilbreyting. En að þessu sinni var líka alveg ágætt að koma heim en held það hafi mest verið vegna stress útaf skólanum.

Komst líka ágætlega af stað í jólagjöfum - já ég minntist á jólin. En gott að það séu komnar nokkrar í hús.

Það sem ég á eftir að sakna frá Rúmeníu eru allir sætu strákarnir - eitthvað sætt til þess að horfa á ;) hahahahaha

Matur í Rúmeníu

Það er ekki hægt að segja að hægt hafi verið að hrópa húrra fyrir matnum sem við fengum í Rúmeníu.

Á kvöldin þegar við komum á hótelið var "spennan" yfirþyrmandi hvað við mundum fá í matinn og hvort það yrði ætt.

Maturinn var meira segja svo skemmtilegur að einn Tékkinn tók mynd af disknum sínum :) - einum íslenskum landverði varð að orði að þetta væri eins og að borða krabbamein. Fannst það reyndar svoldið fyndið.

Það var mikið af svínakjöti sem við fengum, fyrsta kvöldið var líka svoldið spes. Fengum forrétt sem var eitthvað kjöt (sennilegast svínakjöt), eitthvað eins og sviðasulta og svo tómatar og hálfur hrár laukur.

Vorkenndi þó grænmetisætunum meira því þeirra matur var yfirleitt bara eins og okkar nema búið að taka kjötið frá og þá var voða lítið eftir. Seinasta kvöldið var til að mynda kjúklingur, hrisgrjón og sósa. Ég sat með einni grænmetisætu við borðið og þegar við fengum diskana þá grínuðumst við grænmetisætan á því að hún mundi fá alveg eins nema kjúklinginn.... and guess what. Það var það sem hún fékk.

Það var ekki annað hægt en að hlæja.
###

Að öðrum óspurðum þá er ég komin með rúm og mun sofa í rúmi í nótt heima hjá mér. En hef ekki sofið í rúmi heima hjá mér í heilt ár.

Red & Yellow Trail

Jæja - áfram heldur Rúmeníusagan.

Daginn eftir þennan erfiða og langan dag var aftur haldið út - og í þetta skipti red trail.

Ég ákvað að fara með því fyrsta stopp var gestastofan fyrir þjóðgarðinn og mig langaði að sjá gestastofuna (visitor center).

Eftir þetta fyrsta stopp var haldið á staðinn þar sem gangan byrjaði en fyrst þó komið við á kaffihúsi þar sem margir fengu sér kaffi. En bara gangan þangað upp tók mikið á þrekið mitt og ég fann að ég hafði enga orku. Enda kannski ekkert skrýtið eftir að hafa ekkert borðað deginum áður og ekki búin að ná upp orkunni.

Ég var því eiginlega ákveðin að vera bara eftir á kaffihúsinu því ég vildi ekki vera að tefja hitt fólkið og var næsta viss um að ég mundi bara ekki komast á leiðarenda - langaði heldur ekkert til þess að vera svona veik eins og deginum áður.

Lét norska skiptilandvörðinn vita (landvörður sem var að vinna í Rúmeníu í mánuð)að ég ætlaði að verða eftir, en stuttu seinna sannfærði Florin rúmenski landvörðurinn mig um að koma minnsta kosti að þar sem byrjunin á gönguleiðinni væri sem ég og gerði.

Þessi ganga virtist vera mun betri en sú fyrri - bæði meiri upplýsingar, sáum hvað landverðirnir eru búnir að vera að gera varðandi gönguleiðina og fleira. Eftir að ég var komin þarna ákvað ég að halda smá lengra áfram en snúa við áður en yrði of erfitt.

En það kom líka að því að ég sneri við og tók minn tíma á niðurleiðinni að skoða upplýsingaskiltin og fleira. Þegar ég var komin á kaffihúsið þá var Florin komin þangað til þess að undirbúa kynningu sem hann ætlaði að hafa fyrir okkur. Það leið síðan ekki að löngu þar til fyrsta fólkið kom tilbaka.

Nema þessi ferð var ekki alveg áfallalaus - því enskur landvörður slasaði sig, sneri einhvern veginn upp á fótinn og þurfti að haltra niður.

Þegar komið var á yellow trail sem var þriðji útidagurinn þá var ég orðin mun hressari og gekk þá leið - enda ekkert val um það þar sem í þetta skipti enduðum við ekki á sama stað og við byrjuðum. En leiðin var ekkert brött og var bara mjög góð ganga og skemmtileg í gegnum skóg og svo í gegnum rúmenskt þorp. Greyið enski landvörðurinn sem slasaði sig deginum áður hafði ákvað að koma með og vissi ekki að við myndum ekki enda á sama stað og við byrjuðum á og því neyddist hann til þess að haltra alla leiðina. Þvílíkur dugnarðu.

Fyndnast fannst mér samt að þegar við vorum að ganga að kastalarústum að stuttu eftir að ég kom þangað þá birtist hann - hann er semsagt álíka hraður og ég þegar hann er haltur. hmmm....

Þessi ganga var líka fínn og endað í öðru visitor centri þar sem boðið var upp á local pulsur - voru frekar sterkar.

Þannig að hefði ég mátt velja og að sjálfsögðu vitað fyrirfram hvernig ferðirnar yrðu þá hefði verið best fyrir mig að byrja á rauðri, svo gulri og endað á bláau. Þá hefði ég sennilegast getað farið í þær allar.

En þetta var samt gott og skemmtilegt að vera svona úti og fá reynsluna og sjá umhverfið sem landverðirnir vinna í í Retezat þjóðgarðinum. Miklu skemmtilegra heldur en við hefðum verið inni allan tímann og bara fengið power point kynningu.

Virðist líka vera sammerkt með landvörsluna í Rúmeníu og á fleiri stöðum er ruslatínsla. Það var alveg ótrúlega mikið af rusli allsstaðar á leiðinni í göngunni og sígarettustubbum. Alveg sorglegt alveg hreint.

Reyndar sá maður líka í þorpunum og bæjum að yfir höfuð að sorphirða er eitthvað sem þarf að komast í betra horf hjá þeim. Svo virðist bara sem fólk setji ruslið bara út fyrir dyrnar hjá sér og ekki söguna meir.

Komudagur og Blue Trail

Það er sko ekki hægt að segja að hafi verið nein lognmolla í Rúmeníu og þetta byrjaði ekki vel hjá mér.

Þegar við komum á hótelið okkar í Hunedoara snemma morguns þá horfðum við upp á manneskjuna í móttökunni klúðra hlutunum. Sem endaði á því að ég fékk ekki single herbergið mitt :( - heldur endaði í herbergi með einni íslenskri sem ég var ekki sátt við því ég hafði pantað og borgað single herbergi.

Rúmensku landverðirnir sögðust ætla að redda málunum og með því fór ég upp í herbergi með draslið mitt, ég fór síðan aftur út en herbergisfélaginn lagði sig. Stuttu seinna kom ég aftur og fór í sturtu og svo í rúmið að leggja mig aðeins. Nema ég heyrði þegar herbergisfélaginn fór fram úr, opnaði glugga og fór svo út og læsti.

Þannig að ég var læst inni í herbergi.

Ekki hægt að opna innan frá nema með lykli.

Varð frekar pirruð en ákvað að gera ekkert í málunum strax og reyna að leggja mig, einhverju seinna fékk ég sms frá íslenska hópnum um að koma niður að ganga frá einhverju.

En þar sem ég var læst inni komst ég ekki eitt né neitt. Var ekki með gsm númerið hjá herbergisfélaganum og sendi því sms til Ástu og Guðrún Láru um að finna hana til þess að opna "fjandans" dyrnar. Já ég var pirruð.

Stuttu seinna kom svo Ásta og herbergisfélaginn og mér var hleypt úr prísundinni - með engan húmor fyrir því sem hafði gerst.

En um hádegið fékk ég herbergið mitt og var mjög ánægð.

Þetta var mánudagurinn - dagurinn sem fólk var að tínast inn allan daginn en þriðjudagurinn er eftir.

Seminarið var skipulagt þannig að við vorum mest úti - fólkinu var skipt í þrjá hópa, bláa, gula og rauða hópa sem áttu að fara í 3 mismunandi ferðir - blue trail, yellow trail og red trail.

Ég var í bláa hópnum og við byrjuðum á að fara í blue trail á þriðjudeginum. Farið var í Retezat þjóðgarðinn og áttum við að ganga að stærsta jökulvatninu þeirra.

Farið var á 2 litlum rútum og Ungverjarnir sem voru með okkur í hóp fylgdu á jeppanum sínum. Stór rúta komst nefnilega ekki þessa leið.

Rútuferðin tók 3 klukkustundir - langar. Það var sól á leiðinni og heitt og við vorum með ekkert að drekka - áttum ekki að fá vatnsflöskurnar fyrr en á leiðarenda. Við vorum komin á leiðarenda um 12 leytið á hádegi, flest sársvöng.

En nei borðað skyldi við jökulvatnið - þar var áningastaðurinn og upp héldum við. Mér gekk alveg vel fram af en var að spara smá vatnið því við vorum bara með hálfan líter.

Þegar við vorum hálfnuð var farið að draga verulega úr mér og eftir að hafa verið svona í miðju hópsins varð ég öftust - varð síðan smá hvíldarstopp þar sem við gátum fyllt á vatnið okkar úr læk einum. Vatnið þar var mjög gott.

En eftir hvíldina héldum við af stað aftur og það án þess að borða nestið og klukkan milli hálf tvö og tvö. En dróst ég aftur úr og enn meira en áður því lengst af sá ég ekki fólkið í hópnum. Reyndar voru miklar hæðir en þau voru alltaf farin á næstu þegar ég var komin upp eina.

En það kom að því að ég ældi :(

Hélt samt áfram og tókst loks að komast á áfangastað - ábyggilega hálftíma seinna en allir hinnir.

Tími til þess að borða nestið - en ég hafði enga lyst á því en reyndi að pina ofan í mig nokkrum brauðbitum og drakk hellings vatn.

Síðan fóru nokkrir eldhugar upp á topp á fjallinu sem guidinn í okkar hóp sagði að mundi bara taka klukkutíma en það urðu þó nokkrir eftir þar á meðal ég.

Þau voru í 2 klukkustundir og á meðan ældi ég öllu því sem ég hafði innbyrgt.

Þegar þau voru komin niður aftur höfðum við bara um 50 mínútur til þess fara niður að bílastæðinu því rúturnar áttu að sækja okkum klukkan sex. Það hafði tekið mig um 2,5 klukkustundir að ganga upp.

Ég að sjálfsögðu varð síðan seinust og guidinn með mér að reyna að reka mig áfram. Ég stoppaði ekkert á niðurleiðinni en það tók mig lengur en 50 mínútur :)

Jæja þegar að rútunni kom þá var strax smalað inn og við héldum af stað.

Eftir smá tíma í rútunni var mér ekki farið að líða vel og sagði við Soffíu sem sat við hliðina á mér að biðja um að stoppa rútuna og koma sér frá.

Þvílík viðbrögð - hef bara ekki séð annað eins - fór út en gat ekki ælt. Mér var boðið framsætið sem ég ákvað að þiggja til þess að vera fljótari út.

Rútan þurfti að stoppa síðan tvisvar í viðbót og beið meðan ég ældi lifur og lungum út - nema hin rútan stoppaði líka og ungverjarnir á sínum bíl. Vorum nefnilega í samfloti :)

Á leiðinni tilbaka tókst mér líka að dotta aðeins nema hrökk alltaf upp þegar ég missti hausinn á aðra hliðina. Rúmeninn sem sat við hliðina á mér hefur ábyggilega orðið eitthvað leiður á því vegna þess að hann bauð mér öxlina sína. Voða almennilegur.

En já rútan tók 3 klukkustundir tilbaka líka og við vorum komin á hótelið klukkan hálf tíu um kvöldið og ég frekar glær og hafði ekki lyst á kvöldmat.

Landverjurnar mínar voru svo sætar að þær fóru út í búð fyrir mig, keyptu epli, kók og súkkulaði. Píndi ofan í mig epli og við það hresstist ég svona svakalega.

En mér finnst þetta heldur rótæk aðferð til þess að vekja athygli á mér.


Það má segja Rúmenunum til hróss að þeir voru snöggir að bregðast við eftir þennan fyrsta dag og sáu að þetta gengi ekki og breyttu flestum leiðunum þannig að hina dagana vorum við að koma á hótelið um hálf sjö til sjö á kvöldin og í ferðinni sem við fórum þá settu þeir hópana í marga jeppa þannig að ferðin yrði ekki 3 klukkustundir.

Meira seinna og já komnar myndir í myndaalbúmið mitt!

A lifi

Er komin aftur til Budapest eftir mjog vidburdarrika viku i Rumeniu - i Hunedora og Retezet National Park.

Hef fra morgu ad segja - aelusogum og meira.

En geri thad thegar eg kem heim!

hasta la vista

Budapest

Ja ja komin til Budapest og komin a netid.

Madur er natturulega ekki i lagi!

En gaerkvoldid var frodlegt- ekki annad haegt ad segja.

Komum eitthvad fyrir midnaetti og landverjurnar sem eru med mer vildu fara adeins ut.

Endudum a pobbi sem heitir old man's pub.

Var margt forvitnilegt ad sja - en aetli hapunkturinn hafi ekki verid ad sja eldri konuna froa unga manninum i saeti uti i horni.

Hafdi allavega gott utsyni yfir thad....

Eg fludi sidan um half fimm um morguninn upp a hostel medan gomlu konurnar urdu eftir.

Spurning hver er su gamla her :)

Svo er bara sightseeing um Budapest og meira a morgun og svo naeturlest annad kvold til Rumeniu!

later

Skólinn

Finnst alveg rosalega mikið af fólki á háskólasvæðinu - tala nú ekki um þegar ég fer í aðalbygginginguna. Heppin bara ef ég kemst áfram :)

Síðan er bara sjá hvort allt þetta fólk haldi út veturinn eða hvort þetta sé núna bara svona fyrst eftir að skólinn er að byrja.

Fór á aðalfund hjá nemendafélaginu hjá okkur áðan - var nú frekar fámennt en víst fleiri heldur en voru í fyrra. Búið að kjósa í nýja stjórn og lítu út fyrir að verði eitthvað félagslíf í vetur.

Verkefni hrúgast inn og ég er strax orðin eftir á og ekki enn farin einu sinni út ;) en hef það góðan kennara að hún sagði mér bara að skila þegar ég kæmi heim phewwww. En núna er ég búin að vera eyða skógunum með þvílíkum útprenti. Verð nefnilega að hafa með mér eitthvað lesefni.

Nóg af flugferðum og svo líka sex tíma lestarferð sem ég ætti að geta nýtt eitthvað að viti.

En jæja þá er það landvarðamyndin í kvöld svo bara skella sér í flugvél á morgun og halda til Búdapest.

en já - læra núna!

Sveit í borg

Já margir vilja vera í hálfgeri sveit í borg - það er að segja að hafa mikið rými í kringum sig.

Eitthvað hafa borgaryfirvöld tekið þessu svoldið bókstaflega í hverfinu mínu - eða í götunni fyrir "ofan" götuna mína - þar sem ég tek strætó.

Skítalyktin þar er rosaleg enda búin að dreifa skít meðfram umdeilda hljóðmúrinum.

Í morgun þegar ég beið eftir strætó var ég að reyna að greina skítalyktina og hallast meira að kindaskít heldur en hrossaskít.

Lyktin minnir nefnilega meira á þegar maður fer í fjárhús frekar heldur en hesthús.

###
Þess má geta að ég fann út hvernig átti að prenta út af þessu word skjali sem ég var með svona mínútu eftir að ég skrifaði fyrra bloggið.

jaherna her

Nú er það slæmt.

Verulega slæmt.

Kann ekki að prenta út word skjal......

Útlitið á word skjalinu er svoleiðis allt öðruvísi en þetta sem ég er búin að venjast og ég bara get ekki fundið hvar ég ýti á print.

Hjálp!!!

The Thin Green Line - Heimildarmynd um störf landvarða

Fimmtudaginn 13. september kl. 20 stendur Landvarðafélag Íslands fyrir sýningu á heimildarmyndinni „The Thin Green Line“ sem fjallar um störf landvarða víðsvegar um heiminn. Sýningin fer fram í Norræna húsinu og verður höfundur myndarinnar viðstaddur og svarar spurningum að lokinni sýningu.
Ástralski landvörðurinn Sean Willmore seldi bílinn, veðsetti húsið og ferðaðist til 19 landa í 6 heimsálfum með það að markmiði að festa á filmu fólkið sem oft og tíðum leggur líf sitt í hættu við að vernda umhverfi og dýralíf á mörgum af fallegustu stöðum heimsins.

Myndin sýnir marga af fegurstu stöðum veraldar í nýju ljósi. Í stað hefðbundinna náttúrulífsmynda af villtum dýrum og stórbrotinni náttúru með sólarlagið í bakgrunni sjáum við raunveruleikann sem landverðir á þessu stöðum takast á við dags daglega. Myndin veitir innsýn í það mikla og fórnfúsa starf sem fjöldi fólks leggur á sig til að vernda náttúruna svo við getum öll notið hennar.

Þó svo að markmið landvarða um allan heim sé það sama, að vernda náttúruna, geta aðferðirnar til þess verið æði misjafnar háð aðstæðum á hverju svæði. Á meðan vopnaðir landverðir í Afríku kljást við uppreisnarmenn, veiðiþjófa og villidýr starfa kollegar þeirra í Chile í skugga eldgosa, snjóflóða og annarra náttúruhamfara. Sumstaðar í Evrópu er það hinsvegar helst slæm umgengni ferðamanna sem veldur landvörðunum áhyggjum. Sean Willmore komst oft í hann krappann á ferðum sínum og þakkar fyrir að vera á lífi í dag en myndin er tileinkuð landvörðum sem fórna lífi sínu við skyldustörf.

Myndin verður sýnd í Norræna húsinu fimmtudaginn 13. september kl. 20:00. Húsið verður opnað kl. 19:00, miðaverð kr. 500. Allur ágóði af sýningunni rennur beint í sjóð sem styrkir landverði sem hafa slasast við skyldustörf sem og fjölskyldur þeirra sem hafa látið lífið í starfi.

Sjáumst!

Sveitaferð

Skellti mér í sveitaferð í morgun - alla leið út á Reykjanesið í Reykjanesbæ.

Jamm fékk boð að skoða tilvonandi hús vina.

Það verður bara að segjast að ég er búin að bjóða sjálfri mér í sturtu hjá þeim - hahaha sturtuhausinn er bara geðveikur en þarf svo sem ekkert að vera wierd að ég bjóði mér í sturtu þar sem ég gæti haft það fyrir afsökun að fara í heita pottinn líka :)

Meina segir sig sjálft - sturta fyrir og eftir pottinn.

Rúmið mitt

Búin að klúðra rúminu mínu :(

Fór í bílskúrinn hjá pabba í dag og klárað að pússa þetta blessaða rúm og byrjaði svo á að bæsa það.

Alveg hrikalega ljótt.

Sendi svo pabba sms um að ég væri búin að klúðra hlutunum - hann kom þá hlaupandi út í skúr mér að óvörum því ég hélt að hann væri ekki heima. Allavega kallinn sagði mér bara að fara aðra umferð sem ég og gerði en verð sennilegast að fara 1-2 í viðbót.

Rúmið er full dökkt og dekkra en ég vildi hafa það oh well.

Það sem ég lærði af þessu er að næst mun ég ekki segja já við að fá bleikt rúm aftur. Það sem það er bæði leiðinlegt að pússa og ég hef bara engan tíma fyrir það.

###
Vika þangað til ég fer til Búdapest og svo til Rúmeníu jeeiii

Samnemendur mínir ætluðu að hittast í kvöld á tónleikum niður í skóla, núna sé ég mjög eftir því að hafa ekki drifið mig - svona getur maður verið bölvaður asni.

Skóli og annað

Skólinn byrjaður á fullum krafti. Tekst að fara í allar byggingar háskólasvæðisins á þessari önn. Reyndar lítur út fyrir að okkur verði hent úr Lögbergi þar sem það er aðeins ætlað lögfræðinemum. hahaha

pfff.... hef síðan verið í vandræðum með að ákveða hvort ég eigi að taka vinnu sem mér bauðst því vinnan er nefnilega í Garðabæ en er að hugsa um að slá til.

Styttist óðum í Rúmeníu hjá mér - hitti landvarðagellur á mánudaginn þar sem við vorum að fara yfir málin en landvarðargæjinn komst ekki á fundinn. Er samt með hnút í maganum yfir þessri viku sem ég missi af í skólanum.

Var svo sniðug í gær að fara til pabba að pússa rúmið mitt - fór nefnilega á þeim tíma þannig að ég bauð mér í kvöldmat.... en já var að pússa líka.

Mikið ofboðslega er það leiðinlegt og er ekki að mastera þennan juðara, held það sé jafn þreytandi að reyna stjórna honum eins og pússa bara sjálfur :) en er allt að koma er bara smá pússerí eftir því pabbi tók víst á þessu líka og svo er bara að bæsa rúmið og koma því heim og saman.

jæja bullið búið í bili...

Árshátið

Árshátið saumaklúbbsins var í gær - og heppnaðist bara alveg ágætlega.

Byrjað á fordrykk heima hjá mér þar sem sumir komu bara í þann mund sem við lögðum af stað á Eyrarbakka.

Pabbi var það góður að lána mér bílinn (sem reyndar Bjarni ók síðan) en allavega við vorum þá öll saman í bíl en leiðin lá út úr bænum. Er nefnilega ekki nægjanleg fjölbreytni í veitingahúsum í Reykjavík hahahha

En allavega fórum á Rauða Húsið á Eyrarbakka.

Var voðalega notaleg stemming og maturinn fínn - reyndar var kjötið mitt full rautt miða við það sem mér líkar.

Eftirrétturrinn var þrusugóður.

Mér brá hinsvegar í brún þegar heim var komið því það var kveikt á kerti inni í stofu og það var farið yfir allt áður en við fórum út úr húsi.

Myndir komnar í myndaalbúmið mitt :) - stelpur ekki hafa áhyggjur, albúmið er læst og setti ekki inn "vondar" myndir.

En hlakka til árshátíðar að ári....

Komin heim

Jæja komin heim eftir sumarvinnuna þetta árið.

Voru blendnar tilfinningar þegar ég fór af Snæfellsnesinu í gær, búið að vera frábært sumar og ekki spillti veðrið fyrir.

Skólinn tekinn við hér heima og fór í tíma í morgun - ekki byrjaði það vel því strætóinn sem ég ætlaði að taka kom 12 mínútum of seint þannig að ég mætti of seint í tíma.

Aðeins um 2 vikur í Rúmeníuför - hlakka til. En úff að missa úr skólanum.....

Stykkishólmur

Skelltum okkur í hólminn í gær eftir vinnu. Tilgangurinn var að heimsækja hana Þórunni og fá að sjá húsið sem hún býr í :) - en skelltum okkur í sund áður. Nota ferðina sko...

Vorum búin að plana að borða á Narfeyrarstofu en Þórunn bauð okkur í mat og úr varð alveg rosalega góð kvöldstund - húsið sem hún býr í er líka æði og góður andi þar inni.

Vorum svo vær að hún losnaði ekki við okkur fyrr en að verða eitt um nóttina og við því ekki komin heim á Gufuskála fyrr en að verða tvö.

Ekki laust við það að maður sé smá sybbin í dag!

Djúpalónssandur

Í sumar höfum við landverðir orðið vör við að fólk sé að fá sér sundsprett á Djúpalónssandi og einnig heyrt af því.

Nú seinast var það hópur af fólki sem kom á Djúpalónssand á sunnudaginn - ég sá þau með handklæði og sundfatnað. Ég náði tali af einum manni og spurði hvort hann ætlaði að fara að synda.

Fékk jákvætt svar frá honum og bað hann vinsamlegast um að fara ekki því þetta væri hættulegur staður þar sem væri sterkur straumur og ekki sniðugt að fara að synda þarna.

Því miður hlustaði hann eða hópurinn ekki á mig og fór samt.

Enn sem komið er hefur ekki orðið neitt slys - sem betur fer.

En eitt sem ég skil ekki er að hvar fær fólk þessar upplýsingar - að sniðugt sé að fara að synda í sjónum á Djúpalónssandi?

Þjóðgarðurinn Snæfellsjökull

Hingað til hef ég alveg borið traust til rútubilstjóra, bæði að þeir kunni að keyra og viti nú eitthvað um landið þar sem þeir eru nú svoldið á ferðinni.

Hins vegar rútubílstjórinn sem keyrði mig í bæinn fyrir viku síðan gerði það að verkum að ég missti andlitið (er enn að leita).

Hann vissi ekki um þjóðgarðinn - og hann var að keyra þar í gegn. Hann sem fór með túrista í gegnum þjóðgarðinn og stoppaði meðal annars á Djúpalónssandi.

Ég átti ekki til aukatekið orð.

Kristjón bróðir fór um daginn í fermingarferðalag í Vatnaskóg þar sem hann þrætti við prestinn um að það væri þjóðgarður á Snæfellsnesi.

Presturinn hélt nú ekki - væri sko enginn þjóðgarður á Snæfellsnesi. En Kristjón gaf sig ekki og var nú alveg viss þar sem systir hans væri nú að vinna í þjóðgarðinum!

Voðalega er fólk með á nótunum - þjóðgarðurinn er nú reyndar ungur, bara sex ára en halló!

Svo mynd af flotta steinvegginum sem sjálfboðaliðarnir gerðu.

Hákon getur stundum verið svoldið hættulegur og þurfum að setja hann í búr!

Neeee hann er öðlingsdrengur

Rebbi litli og Hákon, var seinasta daginn sem við heilsuðum upp á hann áður en hann fékk frelsið.

IKEA

Alveg er ég búin að fá nóg af viðskiptum við IKEA - eða reyna að eiga viðskipti við þá. Fór í vikunni því ég hafði hugsað mér að kaupa sófaborð sem mér leist vel á. Þegar komið var niður á lager þá sá ég ekki umrætt borð og spyr lagermennina um það. Þeir fletta upp í tölvu og segja mér að sé von á nýrri sendingu eftir 12 vikur.

Alveg dæmalaust - þegar ég ætla að fara að kaupa eitthvað í þessari verslun er það sem ég ætla mér að kaupa aldrei til og alltaf þarf ég að bíða.

Held ég hafi ekki þolinmæði í 12 vikur.

Heyrði líka frá öðrum viðskiptavini að hann hafi líka verið dálitið pirraður vegna þess að það sem hann ætlaði sér að kaupa var heldur ekki til.

###
Annars er ég komin aftur á fagra Snæfellsnesið eftir frí í bænum. Styttist nú samt í annan endan á þessari veru minni hér - rétt vika eftir.

Varð eitthvað svo fegin í gærkveldi að vera ekki hér í september. Fannst nefnilega eitthvað svo drungalegt á Gufuskálum þegar ég gekk út í þvottahús.

Svo er skólinn bara að fara byrja aftur......

Aumingji

Ég er hræðilegur aumingji!

Kom á gestastofuna í morgun og þegar ég var að opna þá tók ég eftir fugli sem lá á stéttinni. Hélt hann væri dauður og ákvað að setja hann aðeins í burtu þegar ég væri búin að gera það sem ég þurfti.

Meðan ég var að vesenast tók ég eftir því að fuglinn var lifandi, og reyndi ólmur að fljúga eða komast í burtu en var að öllum líkindum vængbrotin.

Ekkert hægt að gera fyrir fuglinn og ég get ekki hugsað mér það að taka lífið hans.

Í staðinn er hann búin að þjást greyið.

Flaug síðan annar fugl hérna inn í morgun - mariuerla, og kom alla leið inn á skrifstofu. Tókst nú að veiða þann fugl og koma honum út.

###
Erum með rebba litla í okkar umsjón, er óttalega sætur og skemmtilegt að fylgjast með honum.

Hér sést hann kíkja út


Hlýtur að vera í lagi að fara út...

Snæfellsjökull

Mynd tekin 27. maí af Snæfellsjökli


Og mynd tekin 13. ágúst af Snæfellsjökli


Vísindamenn hafa talað um að allir jöklir hverfi á næstu 200 árum hér á Íslandi. Snæfellsjökull verður ábyggilega einn sá fyrsti sem hverfur!

Laugardagskvöld

Hvað gerir stelpan svo á laugardagskvöldi?

Jú kemur "heim" um hálf átta um kvöldið og þá eru sjálfboðaliðarnir að grilla fisk- bæði íslenskir og enskir. Bjóða landvörðum í mat.

Ekki amalegt.

Skelfur svo úr kulda um kvöldið þar sem setið er úti til að verða tíu.

Skutlar svo íslensku sjálfboðaliðunum á Hellissand þar sem þeir gleymdu að þau væru á bíl....oppsss

Lætur svo ensku sjálfboðaliðana fara illa með sig í uno og black jack.

Föstudagskvöld

Hvað gerir stelpan á föstudagskvöldi, ein heima og í brakandi blíðu.

Skutlar sér á Ólafsvík, kaupir sér ís og tekur DVD mynd. Fer síðan í herbergið sitt með tölvuna og glápir á The devil wears prada.

oh my god - allt fullt á Gufuskálum, af hundum. Er æfing fyrir leitarhunda og voru þeir með "samsöng" í gær (og víst kvöldið áður). Um miðnætti byrjaði gól og ýlfur og tóku þeir allir undir enda flestir hundarnir í bílunum. Byrjaði svo aftur í morgun um sex.

Ég þakka fyrir að eiga ipod á svona stundum.

###
Svo má sjá hér sjálfboðaliðana byrja á að hlaða vegginn.

Útlendingar

Útlendingar geta verið fyndnir og stórskrýtnir.

Eitt það sem skemmtir mér einna mest þegar ég er á gestastofunni eru þegar Þjóðverjar fara úr sínum skóm og í skinnskóna sem þeir halda að séu inniskór og ganga á þeim um alla gestastofu.


Fyrir þá sem ekki vita þá erum við með skinnskóna svo fólk geti prófað að ganga á skinnskóm í hrauninu - en það er hraunstígur fyrir utan hjá okkur.

Rúmenía

Rúmenía - hér kem ég!

Já búin að panta flug til Búdapest í Ungverjalandi og það er víst búið að panta hostel þar. Eina sem á eftir að ganga frá er lest frá Búdapest til Deva í Rúmeníu.

Er búin að vera mjög tvístígandi hvort ég eigi að fara eða ekki.

En lítur ekki út fyrir að ég muni stoppa neitt í Kaupmannahöfn :( - flugið frá Búdapest og til Kaupmannahafnar var alltof snemma þannig að ég mun ekki ná því.

Styttist í að veru minni hér á Snæfellsnesi ljúki - á reyndar eftir að fara í eitt frí og svo aftur á Snæfellsnesið og svo heim.

Fólk ekki eins og ég

Já er enn hissa þegar ég kemst að því að fólk er ekki eins og ég :)

Sem dæmi eru þessu blessuðu klósett. En ég virðist alltaf vera jafnhissa á því þegar þeim er ekki lokað. Það er að segja lokið ekki sett niður.

Nú hafa ábyggilega flestir heyrt mýtuna um það að konur tuði í karlmönnum að loka aldrei klósettunum - en sennilegast er það að setja ekki setuna niður því iðulega þegar ég kíki á kvennaklósettin á gestastofunni nú eða á Djúpalónssandi þá eru lokið uppi og því hafa kvenmennirnir ekki lokað klósettinu. Það finnst mér mjög skrýtið. Ég hefði tekið því ef þetta væru karlmenn sem umræðir útaf þessari mýtu... en þetta eru kvenmenn.

###
Er í einhverri krísu með að kaupa flugfar, get ekki ákveðið mig með hvenær ég fer út og hvenær heim þótt ég sé búin að ákveða það.

Er nefnilega á leið til Rúmeníu í september. Ætlaði mér að eiga helgi í Búdapest með nokkrum landvörðum áður en við höldum til Rúmeníu á námskeið. Fer tilbaka á undan hinum þar sem ég get ekki misst úr skóla í 2 vikur - eða finnst það of mikið. Var alltaf að spá í að eiga síðan líka helgi í Búdapest eftir námskeiðið en er núna að hugsa um að heilsa upp á Ásdísi og Anders í Kaupmannahöfn.... þarf bara að vita hvort þau séu heima við :)

###
Keyrði í fyrsta skipti með kerru aftan í bílnum í gær, keyrslan sjálf gekk alveg ágætlega en er afleit í að bakka :( - er ekki hress með það. Tókst nokkrum sinnum að bakka en kom oftar fyrir að Paul tók við og bakkaði. Var nefnilega með sjálfboðaliðum í gær að vinna. Vinna við að taka grjót sem á að nota til að búa til vegg.

Já,nei

hmm....hef mjög oft fylgt þeirri reglu að hafi maður ekkert að segja eigi maður að þegja.

Því ætti ég ekki að vera að skrifa hér...

Náði að klára Harry Potter bókina á komudaginn minn hér á Snæfellsnesið. Vaknaði fimm um morguninn og byrjaði að lesa, las svo í rútunni og átti einungis eftir nokkrar blaðsíður þegar ég kom á Snæfellsnesið sem ég kláraði í hádegismatnum mínum.

Verð að fara lesa allar bækurnar aftur.... :)

Er að skríða saman - þegar ég talaði um að ég væri stirð þá fóru hlutirnir bara hríðversnandi. Gat ekki lyft höndunum upp yfir höfuð - ekki það að ég þurfi þess eitthvað dagsdaglega að lyfta höndum upp yfir höfuð...

jú vitleysa í mér - þegar maður fer í og úr bolum þá yfirleitt þarf að lyfta höndum... en hvað um það. Verra fannst mér að ég átti í erfiðleikum með að fara í og úr buxum. Líka að fara í og úr heita pottinum um seinustu helgi.

Tímarnir breytast og mennirnr með... eða ég. Orðin líka svo gömul að ég er eiginlega bara fegin því að vera að vinna um verslunarmannahelgina. Hér áður fyrr þurfti ég þess all oft að vinna þessar helgar og var frekar spæld. Fyndið að hugsa til þess að það eru 13 ár síðan ég fór á þjóðhátíð í Eyjum. Mér sem finnst svo stutt síðan :) en litli elsti bróðir minn er þar núna - árinu eldri heldur en ég fór þangað.

Stirð

Skil ekkert í þessu hvað ég er eitthvað stirð bæði hendur og fætur. Búið að vera að gera grín að mér í dag að ég sé enn eftir mig eftir að hafa haldið ræðuna í brúðkaupinu á laugardaginn.

Búin að vera bera á lakkleysir á rúmgafla á rúm sem ég er að fá.... ekkert smá leiðinlegt. Svo á eftir að pússa það og lakka, spurning hvort ég setji einhvern lit á.

Fer aftur á Snæfellsnesið á morgun, verð að viðurkenna að ég væri alveg til í að fá smá lengra frí - til þess að gera ekki neitt og klára Harry Potter.

Brúðkaupið

Gulli frændi og Þórdís giftu sig í gær - í minkahúsi í Hrútarfirðinum. Allt saman var mjög flott og úr varð heljarinnar partý fram á morgun. Ég er nú ekki mikið kjólafan en Þórdís brúður var í geðveikum kjól.
Svo sæt

Fyrir mig var svoldið sérstakt því bæði mamma og pabbi voru í brúðkaupinu - ekki það að þau hafi ekki verið í veislum saman en þá bara þegar það tengist mér (ferming, stúdent og útskrift úr HÍ :)) og einnig voru því systkini sitthvoru megin. Til þess að flækja málin líka enn meira þá voru systkini bróður míns einnig viðstödd - já eða hluti af þeim.
systir mín, bróðir minn og ég en þau eru ekki þó systkini.

Ég hélt smá ræðu í brúðkaupinu, get ekki sagt að ég hafi verið stolt af því þar sem ég titraði svo mikið meðan á því stóð að ég var farin að hafa áhyggjur af því að lappirnir mundu ekki halda mér uppi meðan á þessu stæði. Foreldrar mínir vissu ekki af þessu að ég ætlaði að gera þetta og systir mín sagði að svipurinn á þeim hefði verið óborganlegur. Enda ég líka kannski ólíklegasta manneskjan til þess að fara upp og halda ræðu. Eins og sannaðist því ég titraði ekkert smá. Er samt fegin að hafa látið verða af þessu því Gulli frændi var mjög ánægður :)


Myndir úr brúðkaupinu eru komnar á myndasíðuna mína - sama password og venjulega.

Nakin

Ég var fyrir því óláni að slíta hálsfestina á hálsmeninu mínu á mánudagskvöldið. Er frekar súr yfir því þar sem ég er búin að vera með þetta hálsmen yfir 20 ár - jamm

Það hefur einu sinni áður gerst að hálsmenið slitnaði en það var þegar ég var 12 ára og eftir slagsmál við strákana í sveitinni.

Allavega núna tek ég mjög eftir því að það vanti eitthvað - áður fannst mér ég aldrei finna fyrir því að ég væri með hálsmen en án þess finnst mér eins og ég sé nakin.

En þessu verður reddað (vonandi) þegar ég kem í bæinn en ég fer í frí á morgun.... oh ég hlakka svo til!

Símtal

Það kemur fyrir að hringt er í gemsann minn og viðkomandi er að hringja í rangt númer.

Finnst það reyndar koma alltof oft fyrir en stundum getur það farið alveg hryllilega í taugarnar á mér. Sennilegast eftir því í hvaða skapi ég er í.

Áðan var hringt og spurt eftir einhverjum manni - að sjálfsögðu svaraði ég að hann væri ekki í þessu númeri.

Þá var spurt af viðkomandi hvaða númer þetta væri - og að mér finnst með frekjulegri rödd.

Ég svaraði honum að sjálfsögðu og sagði að þetta væri númerið sem hann hefði hringt í :)

Verkamannabrúnka

Yndisleg helgi að baki.

Vinkonurnar létu sjá sig um helgina, reyndar mismikið og mislengi en þær komu ásamt fjölskyldum. Meira segja Danafarinn lét sjá sig með Dananum. Mitt hlutverk fyrir helgina var að sjá um veðrið og sem tókst svona ljómandi vel.

Eftir helgina er ég þess vísari að ég er með verkamannabrúnku að sögn einnar vinkonu og er að verða ljóshærð - í það minnsta hefur hárið á mér lýst eða er sólbrunnið.

Borðuðum góðan mat um helgina, fórum í leiki og held ég bara að allir hafi verið tiltölulega sáttir og fannst Snæfellsnesið fallegt.

En annars var ég með báðar göngurnar um helgina. Fékk 23 á laugardeginum, hef aldrei farið með svona marga en gekk held ég bara ágætlega. En á sunnudeginum var ég með minni hóp aðeins 6.

Úr göngunni á laugardaginn

Strandganga

Fyrsta strandgangan var í gær og tókst líka svona ljómandi vel og góð þátttaka :) ég var að mestu í að túlka. Komu nefnilega þrír útlendingar og ég gerði tilraun til þess að túlka. En að túlka eða reyna að finna hvað bóluþang, beltisþari, klettadoppa og þangdoppa er á ensku er hinsvegar ekki alveg mitt. Gekk aðeins betur í að túlka sögurnar.

Svona er mitt útsýni í göngunum - sé alltaf í bakið á hópnum :)


Lífið í pollunum


Kjalfar



Smakkaði líka þara í gær og GLP tók hellings af myndum af því tilefni...