Flugeldar

Mér finnst gaman að flugeldum - horfa á þá og sjá þetta sjónarspil sem þeir bjóða upp á. Þetta finnst mér mjög gaman að á gamlárskvöldi og á öðrum sérstökum dögum þegar sýningar eru eins og menningarnótt. Hins vegar finnst mér mjög mjög leiðinlegt þegar verið að er að sprenja nánast allan ársins hring. Búin að komast að því að ég beinlinis þoli ekki þennan tíma frá því að flugeldasölur opna og þangað til um miðjan janúar því alltaf heyrir maður spreningar hér og þar. Hélt ég yrði vitlaus í gær af þessum leiðindarhávaða sem virsti akkurat vera fyrir utan svefnherbergisgluggann minn.

Ætla að drífa mig heim þar sem ég er hálfslöpp.... og já ég veit að ég hefði aldrei átt að mæta í vinnu í dag!

Óska öllum gleðilegs árs - get ekki sagt að ég kveðji þetta ár með miklum söknuði!

Linda farin heim að sofa....

Áfall

Ákvað að kveikja aðeins á tölvunni minni í gærkveldi - fékk nett áfall þar sem ekki hún fór ekki í gang og hversu oft sem ég reyndi þá gerðist ekkert. Ákvað að prufa að setja hana í samband (er fartalva), sem ég gerði en enn fór talvan ekki í gang þangað til ég leit á hinn endann á rafmagnssnúruna sem var ekki í rafmagninu. Þannig að þegar hún var komin í samband þá loksins fór talvan í gang....sem betur fer var að fá nett taugaáfall.

sem ekki varð

bla bla

Heyrði snilldarsetningu núna um daginn sem er víst komið á bumper stickers í Bretlandi samkvæmt mínum heimildum en allavega er þetta komið úr Lord of the rings: Frodo failed, Bush got the ring Finnst þetta algjör snilld.

Jólaskapið kom aldrei - ekki einu sinni á aðfangadag þegar kirkjuklukkur hringdu inn jólin.

Fékk margar góðar gjafir og margt sem fór af óskalistanum og meðal annars eitt sem ég kunni ekki við að setja á óskalistann.
Frumlegasta gjöfin sem var þó á óskalistanum og ég bjóst ekki við að fá var gjafabréf upp á málningu að eigin vali í eitt herbergi ásamt hjálparhönd. Allavega þá vil ég þakka kærlega fyrir mig.

lalalala

Jólin

Jamm jólin eru víst bara að koma hvort maður sé undir það búin eða ekki. Því vil ég óska þér

Gleðilegra jóla og farsældar á komandi ári!

Þorláksmessa

Er orðin ein eftir í vinnunni - það er enginn hérna, kannski gestir en er ekki alveg viss. Mikið að spá í hvað ég ætti að gera af mér en held ég verði bara að ljúka verkum mínum af sem fyrst!

Náði að klára kaupa allar jólagjafirnar í hádeginu :)

Undanfarið hefur verið hefðin að fara í vinnuna til pabba á Þorláksmessu og sníkja sér smá snittur en lítur út fyrir að svoleiðis verði það ekki í ár - held hann sé eitthvað afskaplega lítið í vinnunni í dag og svo er líka vinnustaðurinn hans búin að færast til.

Er orðin voða litlu nær í jólaskapinu -

jólaandi jólaandi hvar ertu þú....

Jólaskap

Ég hér með auglýsi eftir jólaskapinu mínu og jólaandanum - virðist hafa týnst í enda nóvember. Þeir sem finna jólaandann minn vinsamlegast skilist til eiganda eða hafið samband við mig til þess að láta vita hvar hann er.

jamm finn ekki fyrir neinu jóla neitt - kannski heldur ekkert skrýtið það hefur ekkert komið undanfarin ár.

Hef um helgina og undanfarna daga verið í búðum til þess að kynna jungle speed með Jens - og þar hef ég ekki einu sinni sagt síðan gleðileg jól við fólkið sem hefur komið að skoða eða spilað við okkur, hef bara ekki þessa tilfinningu að jólin séu að koma.

Ég á líka eftir að kaupa 2-3 gjafir og man bara ekki til þess að ég hafi átt slíkt eftir á þorláksmessu. Reyndar þarf að hafa samband vegna einnar gjafar í hádeginu - hef ekkert náð í aðilann þrátt fyrir að hafa reynt alla þessa viku. Svo er það amma en það er alveg hrikalega erfitt eitthvað að finna handa ömmum. Þær eiga allt kellingarnar svona í flestum tilfellum.

Jæja best að fara að einbeita sér í vinnunni og að líka við nýju skrifstofuna mína. Fékk hana aftur í dag - eftir að vera búin að vera viku inni hjá framkvæmdarstjóranum. Er mjög fegin að koma aftur til minna heimkynna en er samt svoldið erfitt að venjast. Þoli greinilega ekki hvaða breytingar sem er ;)

Hafið það gott

Hrakfallabálkur

Ég er gjörsamlega búin að missa trúna á sjálfri mér!

Bara það eitt að ég skyldi "klemma" puttana seinasta fimmtudag og slasað mig hefur gert það að verkum að ég held ég sér orðin algjör hrakfallabálkur sem ég hef nú yfirleitt ekki haldið um sjálfan mig heldur langt því frá ;). Núna má ég varla stíga út eða niður fæti án þess að ég haldi að núna muni ég detta eða næst þegar ég opna hurð að puttarnir verða á milli og svo lengi mætti telja.

kannski eitt gott sem hefur leitt af þessu að ég passa mig meira í umferðinni þegar ég er að keyra og hef meiri gætur á því sem ég geri en öllu má nú ofgera.

Að öðrum málum þá er allt út um allt heima hjá mér, spá í að flytja út og fara á eitthvað annað heimili sem lítur betur út. Einhver sem er tilbúin að taka við mér?

Linda hrakfallabálkur sem er by the way orð dagsins

Stjörnuspáin mín

Lítur út fyrir að stjörnuspáin mín eigi bara eitthvað við rök að styðjast :)

Fiskar
Ekki falla í þá gildru að halda að þú sért leiksoppur örlaganna. Þér hættir til að telja að þú lendir "alltaf" í vandræðum og fáir "aldrei" það sem þú vilt. Það er della.

so true :) eða er það ekki!

Linda ræður sínum örlögum sjálf....eða hvað

Slysó

Haldið þið ekki að mín hafi bara farið upp á slysó í gær!

Borgar sig greinilega ekki að skreppa aðeins frá úr vinnunni því þegar ég kom aftur og var að fara inn þá skelltist hurðin svo rosalega eftir mér útaf vindhviðu að einhvern veginn tókst mér að klemma mig.

Nú megið þið segja ái -því þetta var frekar vont og langatöng og vísifingur hægri handar bólgnuðu upp með hraði. Síðan var ég eiginlega send upp á slysó þótt ég væri ágætlega viss um að ég væri ekki brotin sem kom síðan í ljós að ég hafði rétt fyrir mér. En það var sársauki og þótt sé aðeins um tvo putta að ræða er ótrúlegt hvað það hefur mikil áhrif. Því ég er búin að missa svo mikin kraft - gat t.d. ekki skorið matinn minn í gær og á erfitt með að halda á einhverju í hægri höndinni, setja í bakkgír og svo ég tali nú ekki um að vélrita - sérstaklega vont fyrir löngutöng.

Ég get líka gleymt því að skrifa á jólakortin í bili því það er sárt að skrifa! Þau sem munu fá síðan jólakort og þau eru kannski illa skrifuð og með mjög litlu inn í þá vitið þið af hverju :)

Fegin að ég er bara að vinna til hádegis í dag því eftir hádegi á að skrifa á jólakort hér í vinnunni og slepp við það þangað til á mánudag. Í þokkabót er ég nefnilega skrifstofulaus - var verið að brjóta niður eitt stykki vegg í gær - gera vinnurýmið mitt og nýs starfsmanns að einu rými og bæta þriðju við. Því sit ég í dag og seinni partinn í gær á skrifstofu framkvæmdarstjórans - flæmdi hann bara úr skrifstofunni sinni.

Læt þetta duga í bili....

langatöng langatöng hvar ert þú...

Trúmál

Umræðurnar í hádegismatnum var um trúmál - komst að merkilegri staðreynd um sjálfan mig sem ég held að sé reyndar einkennandi fyrir vel flesta Íslendinga, allavega það er mín tilfinning.

Allavega það sem mér finnst nokkuð merkileg staðreynd er að ég yfirleitt pæli ekki yfirhöfuð í fólki sem ég vinn með, kynnist eða hvaða formi sem er í hvaða trú það væri. Ok þetta er svo sem ekkert merkilegt því ég er svo sem ekkert trúuð þannig að af hverju ætti ég að pæla í því. En það sem kom á óvart er að ein sem er að vinna með mér er kaþólsk - þannig að ég geri greinilega ráð fyrir að allir séu lútersk trúar eða mótmælendur þar sem þetta kom mér svona rosalega á óvart.
En áttum skemmtilegt samtal um kaþólikka og lúterska trú og líka þá staðreynd að kaþólsku manneskjunni fannst lúterska trúin hreinni á einhvern hátt. Önnur krydda hjá mér eða ranghugmynd er sú að þeir sem eru kaþóskrar trúar séu mun trúaðri heldur en lúterski og "stundi" sína trú frekar ef hægt er að kalla svo. Að sjálfsögðu er það alveg jafn misjafnt og hjá þeim sem eru mótmælendur.

Annars vegna fjölda eftirspurna frá pabbba og litlu systur eftir jólagjafalista þá birti ég hann hér á netinu:

*málning
*baðkar :)
*áklæði á sófann
*vettlinga (helst ekki fingravettlinga)
*trefil
*húfa
*náttlampa
*strigaskó (æfinga)
*svefnpoki (lítil og meðfæranlegur - helst göngupoki en hlýr)
*geisladiskar - Eivör, nýji diskurinn með Nick Cave, Ragnheiður Gröndal (gamli diskurinn), Úlfhamskviða.
*bækur - A redbird christmas eftir Fannie Flagg -dö skammast mín fyrir að segja það en hef ekki skoðað úrvalið (fæ ekki bókatíðindi) þannig að er ekki viss hvaða bækur það eru.
*dvd - Amelie, Seven,Shrek (1&2), Monster Inc, Eternal Sunshine of the spotless mind.
*sokkar - bæði hlýjir og skemmtilegir sokkar

Jæja held að þetta sé bara gott í bili.

jólatrú

skrifa...

Langar til þess að skrifa eitthvað en veit ekki alveg hvað ég á að skrifa um... veit heldur ekki hversu mikið ég ætti að ljóstra upp né hversu mikil áhugi er heldur fyrir því. Ætti heldur ekki að skipta mig neinu hver áhuginn er því jú það sem ég skrifa er í rauninni fyrir mig. Hinsvegar er það samt svoldið í þversögn því mér finnst gaman að fá komment og því verð ég að reyna að skrifa þannig að ég fái komment. Allt komið í tóman hring hér.

Get líka sagt að ég er ekki alveg eins skapvond og ég hef verið undanfarið - í þessu skiptir held ég mestu vinirnir sem ég á - að hafa getað hitt þá og eytt tíma með þeim það svona bætir og kætir ;), komin líka í jólafrí frá vinnu nr. 2 og því gott að eiga kvöldin frí og akkúrat með vinunum.

Get líka sagt frá því að í gær var tekin ákvörðun og þarf að standa við ákveðin hlut og ef ég stenst hann þá ætlar maður vinkonu minnar að verðlauna okkur tvær :)

Get líka sagt frá því að á föstudagskvöldið talaði ég við mömmu í um einn og hálfan tíma í símann og held ég hafi bara ekki áður talað við hana svona lengi í sima það er að segja.... og var ýmislegt spáð og spekúlerað.

Get líka sagt frá því að ég hlakka til þegar 1. febrúar og eftir í rauninni þegar kemur 1. mars.

Get líka sagt að mér þykir vænt um þig!

bla bla

Hvað skyldi ég vera...


Wake up! You're Mr. Daydream! :)


Which of the Mr. Men characters are you?
brought to you by Quizilla


og var þetta ekki bara draumaútkoman ;)

draummóramanneskjan ég

samtal

Varð vitni að skondnu svari áðan. Einn af nýju nemunum var að spurja einn starfsmann/íbúa um eitthvað. Þegar hann gat ekki svarað varð hún pínku hneyksluð því hann var búin að vera hérna í nokkra mánuði/vikur.

Þá kom þetta brilliant svar: Ask somebody who cares!

Ok ekki voða fyndið en í ljósi atburða síðastliðnu daga þá fannst mér þetta fyndið.

með aulahúmor

Húsaleigan

Sagði upp húsaleigunni í gær - sem betur fer var það ekkert mál. Greinilega stórhættulegt að vera skapvond. Maður tekur bara drastískar ákvarðanir. Hahaha er bara að grínast með það.

Linda syfjaða

Varúð

Er hræðilega skapvond þessa dagana!

Lífið heldur áfram...

Svo mikið er víst að lífið heldur áfram, tekur kannski breytingum og stökkum en heldur áfram.

Annars er merkilegt hvað ég get alltaf fundið mér eitthvað annað að gera heldur en akkúrat það sem ég ætla mér að gera. Býst heldur ekkert við að það sé eitthvað sérstak hjá mér heldur er þetta viðloðandi hjá námsmönnum en held varla að ég geti kallað mig slíkan núna.
Tókst þá að koma smá í verk það sem ég ætlaði mér að gera. Þarf síðan að fara að hringja símtal sem ég er búin að fresta og fresta en kemst varla hjá að fresta lengur.

Saumaklúbbur í kvöld hjá mér, hlakka til að hitta stelpurnar og vona að þær komist allar því langt er síðan við hittumst allar saman.

over and out

Update

Það varð líka dauðsfall í fyrsta brunanum og annar liggur alvarlega slasaður, með reykeitrun.

Jólabruni

Fyrsti jólabrunninn afstaðin - átti sér stað á Sauðárkróki. Merkilegt að þetta skuli haldast í hendur, desembermánðuðr gengur í garð og maður veltir fyrir sér hvað margir brunar verða, hvað mikið eyðileggs og vonar að engin dauðsföll verði að þeirra völdum.

Ég veit að ég er mjög eldhrædd og innbúið mitt er ekki tryggt, ekki sniðugt ég veit. Er alltaf á leiðinni að gera eitthvað í því en ekki komið í verk frekar en margt annað hjá mér.

Annars er ég svona að reyna að ná áttum varðandi það sem gerðist í vikunni og held ég að hafi mikið hjálpað að ég var í fríi í gær. Gerði það líka að verkum að það kom spenningur í annað sem er að gerast hjá mér sem er rosalegt stökk fyrir mig. Er ekki frá því að það er pínu hnútur í maganum á mér að ég sé að ana út í eitthvað sem ég ræð ekki við ásamt því að er spenningur yfir einhverju nýju.

bla bla bla

Tóm

Er með tómleikatilfinningu, er frekar tóm og búin á því eins og er. Merkilegt hvað einn atburður getur haft mikil áhrif á mann.

Það veltur líka upp þeirri vangaveltu hvað vinnan er rosalega stór partur af lífi manns og hversu mikilvægt er að vera ánægður eða sáttur í vinnunni.Því annars hefur það svo mikil áhrif á frítíman - svona rétt eftir að maður er komin heim úr vinnu. Mismikið náttúrulega hvað hverjir geta skilið eftir og hvað aðrir taka með sér heim.

Allavega ég þyrfti að leggjast undir feld en get það eiginlega ekki þar sem ég ætla mér svo mikið um helgina.

Linda tóma

Dauði og djöfull....

Er ekki sátt.... langt frá því....

Trousers inspector!

Trousers inspector er nýi vinnu-titillinn minn. Allavega þannig var ég kynnt af körfuboltastráknum þegar hann kynnti mig fyrir mömmu sinni.

Annars er búið að vera eitthvað voða mikið útstáelsi (hef ekki hugmynd um hvort þetta sé orð eða ekki) á mér undanfarið enda er ég að leka niður af þreytu núna. Fór á kaffihús með tveimur vinkonum í gær - var mjög fínt.

enn á ný þreytt

Samkvæmt sjálfri mér!

það hlakkaði smá í mér þegar ég heyrði fréttirnar um að hópur fólks (5 stykki)hafi ráðist inn í íslenska sendiráðið í London til þess að mótmæla kárahnjúkum.

Einum ákveðnum aðila fannst ég ekki alveg samkvæmt sjálfri mér og það má vel vera en mér er eiginlega bara alveg sama :)

jamm

Þreytt

Arrggg ég er þreytt!

Ætlaði aldrei að geta sofnað í gærkveldi eftir að ég kom heim - svo í þokkabót þegar maður sofnar svona seint þá oft sefur maður illa vegna þess að maður hefur áhyggjur af að sofa yfir sig.

Fæ lasagna í hádegismat..... namm namm

lasagna yeah!

Ástand

Það er verra ástand á mér en ég hélt.....

Í morgun þegar ég vaknaði þá fór ég að pæla í því hvar í ósköpunum ég væri stödd, pældi síðan í því af hverju ég heyrði umgang fyrir ofan mig. Þurfti síðan að hugsa mig um vel og lengi hvernig ég byggi, þegar ég opnaði í augun síðan þá rann upp fyrir mér smátt og smátt hvar ég var og hvernig ég byggi.

Að sjálfsögðu var ég hvergi annarsstaðar stödd en í rúminu heima hjá mér... að vakna á óguðlegum tíma þegar maður ætlar að sofa út.

ekki í góðu ástandi

Ekki í lagi..

Það er sko ekki í lagi með mig... þegar ég hef ætlað að hringja í pabba undanfarið þá hef ég hringt í númerið hjá sjálfri mér og núna rétt áðan þá ætlaði ég að senda pabba sms í gegnum heimasíðu símans - heyrði í gsm símanum mínum og hugsaði með mér voðalega er hann fljótur að svara þegar ég fattaði að ég hafði sent sjálfri mér sms.

Spurning hvort of mikið liggi á mér þessa dagana þar sem ég er að ruglast svona eða bara einfaldlega ég er bara ekki í lagi!

Linda í ruglinu

Æðstistrumpur

Það var sagt við mig í gær að ég yrði það svona nokkurs konar í dag að minnsta kosti hérna megin í húsinu!
Jamm vel flestir í fríi og eftir hádegi lítur út fyrir að ég verði sú eina á skrifstofu og móttöku.

Spurning hvort einmanaleikinn fari að hrjá mig í vinnunni! Ha nei ég er svo skemmtileg getur ekki verið.

Linda í bullinu

Hreinskilni

Er að pæla í því hvort ég sé mjög hreinskilin manneskja - hvort ég komi alveg hreint fram við annað fólk og læt vita af því sem mér mislíkar og þá hvort það sé um of hjá mér eða kannski bara ekki neitt.

var nefnilega á fund í vinnunni - sem ég bað um, hef á tilfinningunni að ég hafi kannski sagt of mikið. Hafi gefið of mikið tækifæri á mér.
Þá er ég alls ekki að meina það sem ég var að gagnrýna það sem mætti fara betur að mínu áliti heldur hvernig ég hugsa.

Arg vona að einhver skilji mig.....

einhver, anybody...

Kom að því...

Það er komin vond lykt og loft inn á skrifstofu til mín núna - er komin einhver mengunarský hérna yfir..... ojojoj

ullabjakk

Afmæli

Haukur Atli bróður er táningur í dag! Minnsta kosti komin á táningsaldurinn - orðin 13 ára og fer að fermast! Líður svo hratt....

Til hamingju með afmælið Haukur minn

hann á afmæli í dag....

Bussy

Það hleðst upp af lögreglubílum hér fyrir utan - en kannski eru bara vaktaskipti!

Loksins umferðin að minnka hérna um Sundlaugaveginn.

Linda í nánast beinni

en að sama skapi enda jafn snögglega....

hlutirnir eru að gerast svoldið hratt fyrir þessar stundirnar......

Gömul

ojá held ég sé bara orðin gömul fyrir aldur fram - vaknaði nefnilega klukkan sex í morgun og gat ekki sofnað aftur hvað sem ég reyndi. Var síðan komin með moggann upp í til mín 6:45.

Ef þetta er ekki merki um öldrun þá veit ég ekki hvað...

Linda gamla

Fyrir ári síðan....

Fyrir ári síðan var ég í Cienfugos á Kúbu, var mér heitt og var að upplifa eitthvað nýtt og spennandi á hverjum degi...... fyrir ári síðan var mér heitt....

Í dag er mér kalt.....sit undir sæng full klædd því það er kalt. Nýbúin að hringja í dominos til þess að panta mér að borða og pantaði sömu gömlu pizzuna.
Í dag er er ég líka að hugsa um allt aðra hluti heldur en fyrir ári síðan!

Í dag læt ég mig samt enn dreyma um framandi slóðir og ævintýri eins og ég gerði fyrir ári síðan......

Eftir ár.....get ég ekki ímyndað mér hvað ég verð að gera en vona að ég verði að gera eitthvað spennandi - skoða eitthvað nýtt, upplifa eitthvað nýtt og verði aðeins hlýrra heldur en í dag!

Var það búið að koma fram að mér er kalt!

þetta blogg var EKKI í boði eftirsjáar heldur tækifæra og upplifana

Uppörvandi blogg

Kaldhæðni í hámarki... jamm er kalt og svöng!!
Þoli ekki að vera svöng og enn leiðinlegra að fá sér að borða. Finnst það alveg óheyrilega leiðinlegt að finna eitthvað að borða, taka það til og að borða það er svo sem í lagi svo lengi sem þetta er "skemmtilegur" matur.
Já ég get misst lystina fljótlega ef ég borða ekki "skemmtilegan" mat.

Vandlifað í þessum heimi!

Þoli ekki biðtíma - stundum vil ég að allt gerist strax, nema vondir hlutir.

Jamm ég á einn góðan vin sem ég vil hrósa - vil ekki nefna nafnið hans þar sem hann færi ábyggilega hjá sér en hann veit hver hann er :).
Þessi vinur á það til að vera rosalega uppörvandi og láta mann líða mjög vel og láta mann finna það að maður skipti máli í hans lífi. Ég fíla hann í tætlur!
Í dag sagði hann við mig þegar ég nefndi að við þyrftum að fara að hittast og þyrftum að ákveða tímasetninguna því við værum svo bussy, orðrétt sagði hann: Jú en ég finn alltaf tíma handa fólki sem mér þykir vænt um.....

Þannig að ég vildi segja að Þú ert frábær og gott að eiga þig að sem vin því það gerir mig að betri manneskju!

það þarf að hækka hitastigið hérna....brrr...

Klikk systir

ojá ég á klikk systir sem er kannski ekki skrýtið þegar litið er til þess hver er pabbi hennar hehehehe.

Allavega við vorum að spjalla á msninu sem er svo sem ekkert óvanalegt (höfum horft á tvið saman í gegnum msn)og ég var að segja henni eitthvað voða merkilegt og þetta er svarið sem ég fékk:

litla systir says:
nei, í svona oh stíl
litla systir says:
og hvað ?
Linda says:
oh stíl??
Linda says:
Hvað er það?

þegar ég var nýbúin að spurja þessarar spurningar um hvað oh stíl væri þá hringdi síminn og var það ekki litla systir að segja oh stílinn og svo lagði hún á og hélt áfram að tala við mig á msninu :) hélt ég mundi deyja úr hlátri.

Jamm litla systir er klikk - svo í þokkabót ætlaði hún ekki að geta þegið það að fá tölvuna mína lánaða svo hún gæti nú lært en síðan finnst henni ekkert mál að lána mér bílinn sinn.

Já sumir eru bara klikk og ekki viðbjargandi ;)

Linda sem á klikk systur

Úti er alltaf að snjóa...

Er hvorki himinlifandi né hundfúl yfir þessum snjó - er bara nokk sama. Vona bara að fólk fari varlega þarna út í umferðinni.

Er með hausverk og þá er sko ekki gaman að fara í vinnu nr. 2 :(

Er búin að vera að vinna í heimasíðunni eða í ákveðnum texta að uppfæra og svona í vinnu nr. 1 í dag og í gær.
Það hefur svo sem verið ágætt nema ekki skemmtilegt forritið sem hún er unnin í þar sem það hlýðir ekki alveg :( en held áfram á morgun er ekki alveg búin.

og enn snjóar...

Kvikmyndatónleikar

Fór á kvikmyndatónleikana hjá Sinfóníunni og Kvikmyndafélaginu í gær með Árna, Arndísi og Helenu. Fyrri myndin var Hundalíf með Charlie Chaplin og seinni myndin var Klukkan tifar. Fannst Charlie Chaplin mun betri.
Hins vegar er eitt sem fer óhemju mikið í taugarnar á mér á tónleikum með sinfóníunni og það er þessi hefð að klappað sé sérstaklega fyrir aðal fiðluleikaranum, að þessi fiðluleikari komi seinast inn og svo heilsar stjórnandinn fiðluleikaranum með handabandi.
Læt þetta alveg fara alveg rosalega í taugarnar á mér að einum úr "bandinu" skuli vera hampað svona sérstaklega. Finnst þetta eitthvað snobb.
Eflaust á þetta til einhvers að rekja og ég þekki bara einfaldlega ekki vel til Sinfóníunnar og hvernig þetta virkar en fyrir mig þá get ég ekki séð að þessi fiðluleikari sé að gera eitthvað umfram aðra. Þetta er hópur sem vinnur að sameiginlegu verkefni og hver og einn á sitt hlutverk!
Annars átti ég í mestu vandræðum með að ákveða hvort ég ætti að fylgjast með tónlistarmönnunum eða Charlie Chaplin myndinni..... fannst svo gaman að fylgjast með tónlistarmönnunum..... svo líka þegar þau voru akkúrat ekki að spila þá fóru þau að fylgjast með myndinni eða svona vel flestir.

sjabbidabbidú

Ring ring

Ring ring....

H: já halló
L: já góða kvöldið, ert þú Hreinn?
H: já

L næstum því springur úr hlátri þegar hún áttar sig á því hvað hún hefur gert en nær að hemja sig. H ábyggilega vanur allskonar skotum og lætur sér hvergi bregða.

Hvað í ansanum kemur mér það við hvort maðurinn sé hreinn eða skítugur! hahaha

í símanum skemmti ég mér lalalala

Ruglukollur

Ruglukollur er kollurinn minn - ojá ég hrinsnýst svo mikið varðandi ýmis mál núna. Eina stundina er ég að hugsa um að stíga þetta skref fram en daginn eftir jafnvel klukkustundum seinna fer ég skref tilbaka eða réttara sagt er á sama stað.

Skil stundum ekki þetta líf - umhverfið í kringum okkur og hvernig samfélagið virkar. Of flókið greinilega fyrir minn heila - vil fá einfalt líf, einfalda umgjörð og ekkert vesen.

Til of mikils mæls?

Kannski

Linda í ruglunni

jafnrétti

Var í smá skoðanaskiptum við ömmu á laugardaginn og þar kemur berlega í ljós kynslóðarbilið.

Nema á maður eitthvað að reyna að hafa áhrif á eldra fólk - það bæði með sínar föstmótuðu skoðanir og hafa haft það um áratugaskeið oftast!

Allavega þá var amma að hrósa frænda mínum fyrir hvað hann væri duglegur með börnin sín - hugsa um þau o.s.frv. Ég var þessu nokkuð ósammála að það ætti að hampa honum eitthvað sérstaklega fyrir að hugsa um börnin sín. Því þetta er eftir allt saman jú börnin hans. Það ætti ekki að hampa honum umfram barnsmóður hans því hún hugsar jú líka um börnin. Nema móðir frænda míns var líka á mínu máli og held að amma hafi fyrnst eitthvað við og sagði í lokin já þú mátt hafa þína skoðun og ég mína. Svo mörg voru þau orð.

Get tekið annað dæmi frá hinni ömmu minni en þær kreddur voru full sterkar og ég gat á engan hátt setið undir því.
Hún vildi þá meina að konurnar í kvennaathvarfinu hefðu sumar hverjar einhverjar til þess unnið hvernig mennirnir þeirra komu fram við þær.

Þarba kemur berlega í ljós kynslóðarbilið. Ætti maður kannski frekar bara að hlusta og segja ekki neitt?

Linda ráðvillta

Af hverju

Af hverju gerist það alltaf eða minnsta kosti langflestum tilvikum að batteríin í ferðageislaspilaranum klárast þegar maður er nýfarin að heiman. Annað hvort þegar ég er að labba út á strætóstoppistöð eða í strætó niður í bæ eða vinnu? Þetta gerist sjaldnast þegar maður er rétt ókomin heim.

Það var komið mömmu á óvart með afmælisveislu í gær - það tókst alveg rosalega vel að koma henni á óvart. Var mjög góður matur. Það versta var að ég var svo þreytt að ég var nánast stjörf allan tímann í veislunni.

Var síðan saumklúbbur í kvöld - reyndar föndursaumaklúbbur þar sem við héldum áfram að föndra jólakort. Munum síðan hittast aftur næsta sunnudag og halda áfram. Rosa mikið að gera í jólakortaföndri, og það merkilegasta við þetta að mér finnst þetta bara alls ekkert svo slæmt :) og er bara ánægð með þó nokkur kort sem ég hef gert.

Linda jólakortagerðamaður

Martröð hvers nemanda

Þá er þessi ótrúlega nótt og morgun liðinn. Þetta var eins og léleg sápuópera hvernig þessi nótt eða frekar morgunn er búinn að vera og alveg ótrúlegt hversu róleg ég er búin að vera.

það sem er búið að gerast:

Var vakandi í nótt að klára ritgerðina sem gekk svona allt í lagi, síðan svona í morgunsárið - ætli það hafi ekki verið milli fimm eða sex þá byrjaði ég að setja myndirnar inn í ritgerðina mína. Það gekk hræðilega og endaði með því að eitthvað gerðist og skyndilega var ritgerðin komin úr 30 bls í 21 bls. Sama hvað ég reyndi að gera þá gat ég ekki lagað þetta.
Ég panikkaði ekki og hélt ró minni nokkuð vel, ég sendi Jens sms milli sex og hálf sjö og bað hann að hringja í mig þegar hann vaknaði.
Meðan ég beið þess að fá hringingu gerði ég heimildarskránna- um sjöleytið var ég farin að verða ansi þreytt og ákvað að leggja mig um átta en þá hringdi Jens.
Ég gat ekki almennilega útskýrt hvað væri að en sendi honum ritgerðina í tölvupósti og fór síðan að sofa.
Vaknaði um ellefu og þá hafði Jens getað lagað þetta og útskýrði hvað þyrfti að gera nema hvað wordið hjá mér hafði ekki sama fidusana :( og hjá honum en hann gat þá lagað og sent mér aftur.
Þá byrjaði ég aftur í uppsetningunni og reyndi að koma inn myndum en var ekki að gefa sig þannig að ég gaf skít í þær.

Gerði síðan efnisyfirlitið og svona.

Þá ákvað ég að fara að prenta ritgerðina út og klukkan að nálgast eitt. Ýtti á prent og þegar ekkert gerðist fattaði ég að ég hafði gleymt að tengja prentarann við tölvuna.
Tengi prentarann við tölvuna - ekkert gerist, reyni aftur og í þriðja sinn þá byrjar prentarinn að prenta. Þá er klukkan tíu mínutur yfir eitt. Þetta tekur langan tíma að prenta út og ég sé fram á það að missa af strætó. Hringi í pabba og spyr hvort hann eigi möguleika á að skutla mér niður eftir.
Hann stekkur úr vinnu og kemur 13.35 og lætur mig vita að hann sé komin - prentarinn ekki enn búin að prenta þetta.
Pabbi kemur inn og enn er verið að prenta nema hvað gerist akkúrat þá......blekið er búið.
Ég enn róleg en samt alvarlega farin að íhuga það að það sé bara slæm ára á ritgerðinni og mér sé ekki ætlað að útskrifast úr þessum skóla.
Ákvað að skella mér samt að hitta leiðbeinandann og fer með tölvuna mína með þar sem það er það eina sem ég hef í höndunum.
Kem nokkrum mínutum of seint - leiðbeinandinn bjargar mér síðan alveg og setur ritgerðina á usb og skoðar hana bara í sinni tölvu og við förum yfir hana.

Þetta var alveg rosalega kómiskt eitthvað allt saman.

En ég á líka góða að

Guðmunda kom og las ritgerðina yfir með mér í gærdag - Stebbi og Ísak komu síðan með mat til okkar um sjöleytið og voru þau hjá mér til tíu. Þar er ég búin að rústa svefnvenjum litla kúts.
Jens reddaði ritgerðinni minni eftir að hún var komin í fokk
Pabbi reddaði mér svo ég kæmist á réttum tíma.

Takk allir!

Nú auglýsi ég bara eftir einhverjum sem kann og getur hjálpað mér að setja ritgerð upp og myndir inn í textann.

Linda í lélegri sápuóperu

Þreyta

Það er ekki laust við að smá þreyta sé farin að færast yfir mig hérna, er samt tiltölulega róleg yfir því að ég sé búin að klúðra öllu. Að minnsta kosti lítur það þannig út. Er núna að bíða eftir að ákveðinn aðili vakni svo ég geti hringt og spurt um smá aðstoð....

Helvítist myndir

Þessar bévítans myndir sem ég er að reyna að koma inn eru að fokka upp öllu hjá mér :( og já ég er enn vakandi og sé ekkert fram á að geta farið að sofa.....

Lokaorð...

Er að byrja á lokaorðum.... að sjálfsögðu þyrfti ég meiri tíma til þess að fara yfir, fínpússa bæta við o.s.frv.

en spennandi ég er að byrja á lokaorðum og hef ekki hugmynd hvað ég á að segja eða aðallega hvernig ég á að byrja á þeim!

Þá er bara eftir að setja þetta upp, setja myndir, gera efnisyfirlit, heimildarskrá...prenta út. Vona bara að ég verði búin fyrir tvö á morgun.

vökunótt

Bók

Ansans - Amazon.com var að láta mig vita að það væri komin ný bók eftir Fannie Flagg. Mig langar í þessa bók...arrggg... verð að bíða - ég er líka svo skrýtin en af því að ég á hinar bækurnar hennar eftir hana á ensku í kiljuformi þá vil ég þessa í kiljuformi en hún er bara enn í harðspjalda útgáfu. Það versta er að það komu einungis tvær bækur eftir hana á íslensku en seldist víst ekkert svo vel þannig að ákveðið var að þýða ekki fleiri bækur eftir hana :( en þær bækur á ég í harðspjaldaformi.

Annars er ég komin heim :) var mjög ljúft að sofa í mínu rúmi í nótt. Er í fríi þessa viku í vinnunni. Svo erfitt að hugsa um bróður minn að ég varð bara að taka frí hí hí. Nei grínlaust þá er ég bara að rembast við að ljúka ritgerðinni minni og þar sem ég hitti leiðbeinandann á föstudaginn þá er best að bretta upp ermarnar og koma sér að verki

Adios

Æskuminningar

Æskuvinkona að norðan kom í bæinn um helgina og gisti hjá mér (mömmu)um helgina. Vorum að rifja upp æskuminningar á föstudagskvöldinu - var þrælskemmtilegt. Komumst að því að gatan sem við bjuggum í var þrælgóð og gott umhverfi til þess að alast upp í en því miður staldraði ég stutt við eins og á flest öllum stöðum.

Eitt af því sem við gerðum í "gömlu&góðu" daga þegar við vorum litlar (milli 8 og 10 ára)var að ganga milli húsa í götunni okkar og götunni fyrir ofan okkur til þess að sníkja nammi/góðmeti. Bönkuðum upp á hjá gamla fólkinu (mest hægt að græða á þeim sko :)) og spurðum hvort þau ættu eitthvað til þess að gefa okkur. Í dag finnst mér alveg ótrúlegt að við skulum hafa gert þetta en við fengum oftast eitthvað gott upp úr þessu :) ekkert endilega nammi heldur kökusneið og á í einu húsi þá fengum við alltaf að fara í garðinn og taka upp nokkrar gulrætur handa okkur.
Síðan að sjálfsögðu var það leynifélagið sem við stofnuðum ásamt tveimur strákum í götunni. Meðal hlutverka sem við höfðum var að fylgjast með fólki og áttum við það til að elta fólk langar leiðir.

Ég hef alltaf þessar saknaðarminningar frá Löngumýrinni!

Þess má geta að alltaf þegar ég er fyrir norðan þá er Löngumýrin ekin - enda ekki heldur verra að mamma vinkonur minnar býr enn á sama stað :-)

blast to the past

Pirringur

Óþolandi að hafa pirring hangandi yfir sér sem maður virðist ekki losna við. Samansafn af allskonar hlutum. Þar af leiðandi þarf svo lítið til að eitthvað pínku pons pirri mig :(

:(

50

Mamma er fimmtug í dag!

Hún er út í Barcelona að njóta lífsins - og ég er búin að heyra í henni og mjög ánægð að heyra að hún fékk kökuna upp á herbergi sem ég pantaði hjá hótelinu :) kakan var víst mjög fín og voru fimm kerti á henni. Hótelið er víst mjög fínt!

Til hamingju með afmælið mamma!

hún á afmæli í dag....

Dúllan

Bróðir minn er að fara á kostum! Fórum út í búð í gær að versla þar sem kotið hjá mömmu var nokkuð tómlegt og plús það þá skildi mamma eftir pening til þess að við gætum keypt í matinn. Þegar við vorum komin að kassanum og ég að raða vörunum á bandið þá sýnir bróðir minn mér þúsund krónur sem hann á og sagði að við gætum notað þennan pening ef við skyldum verða blönk.
Fannst þetta frekar sætt og fyndið. Sagði honum að eiga bara peninginn sjálfur við gætum ábyggilega bjargast.

Kvöldið áður en mamma fór þá kom hann líka til mömmu þar sem hún var að stússast inn í þvottahúsi og spurði hana um þvottavélina. Fékk skrifaðar leiðbeiningar um stillingarnar svona ef við þyrftum að þvo! hahahaha

Hann er greinilega ekki heldur alveg að treysta því að systir hans höndli aðstæðurnar ;), er að sýna þvílíka ábyrgð sem er ágætt og ég reyni bara að gera hann svoldið sjálfstæðan. Reyndar er svoldið skrýtið að venjast þeirri tilhugsun að hann spurji mig hvort hann megi fara út og svona. Varð líka voða vond í gær því ég hleytpi honum ekki út þegar tveir vinir komu og spurðu um hann þar sem klukkan var eftir átta.

Linda í parenthood!!

Duran Duran

Hvernig læt ég að gleyma að blogga um þá. Sá þá í Jay Leno í gær. Frekar fyndið!
Hérna áður fyrr var John Taylor og Nick Rhodes aðal gæjarnir maður sá ekki stjörnurnar fyrir þeim.

Þeir komu semsagt í fyrsta sæti og gat ómöglega gert upp á milli þeirra. Eftir þeim var Roger Taylor svo kom Simon Le Bon og Andy Taylor rak lestina. Í dag er Nick ekki eins sætur en var ekki frá því að hann John Taylor hafði eitthvað af útlitinu sem var...en hallærislegt hár, ooo var æði að sjá þá.

fyrrv duran duran fan

Kalt

Er orðin dauðleið á því að vera sífellt skítkalt í vinnu nr. 2 - veit ekki hvað ég á að gera og nota bene ég er í tveimur peysum. Er líka með vott af hausverk. Damn

Sá forsíðu DV í dag og varð að kaupa blaðið sérstaklega þar sem ég þekki nú aðra þeirra sem er á forsíðunni :) enda var mér tilkynnt í sumar á einum tónleikum að hún væri bara gift og ætti von á barni :) frá þessari manneskju. Bara frábært.

Svo frétti ég líka í dag af kærleiksíðunni en það er búið að stofna styrktarsjóð í nafni Stefaníu.

halda áfram að vinna :(

Helgarblogg

Það er von á enn meiri fjölgun í vinahópnum. Jamm ein vinkona mín á von á sér í kringum 20. apríl. Þannig að nú eru komnar þrjár sem ég þekki mjög vel sem eru óléttar. Frænka, systir og vinkona. Bíð eftir bara næstu tilkynningum því þær sem eiga von á sér í maí hljóta að fara að tilkynna sig inn bráðum :-)

Fór í skírnarveislu hjá honum Ísak Esteban í gær- var svona vinarboð þar sem skírnin fór fram á föstudeginum. Svo erum við vinkonurnar að fara að hittast aftur í kvöld í föndur. Það verður nú eitthvað skrautlegt hjá mér.

Var að frétta hjá mömmu í gær að bróðir minn er pínku feiminn við mig. Ekkert sem kemur á óvart svo sem enda 18 ár á milli okkar. En þar sem ég verð með hann í um viku á næstunni þá kannski yfirvinnur hann eitthvað af feimninni!

jamm og jæja

Aftöku frestað

Þvílíkt sem ég get greinilega stressað mig - mikla suma hluti greinilega fyrir mér. Var svo hrædd um að heyra slæmar fréttir en er ekki enn búin að heyra neinar :).
Ég semsagt var að hitta leiðbeinand minn fyrir lokaritgerðina og hef trassað það ógeðslega lengi að hafa samband við hann. Þess vegna vegna var ég svona stressuð. Ég hafð semsagt fyrst samband við hann á mánudaginn og hitti hann svo í dag. Síðan hitti ég hann aftur eftir hálfan mánuð. Þá er bara að setja í fluggírinn og hespa þetta af.

Linda jákvæða

Týnd færsla

Færslan sem ég setti inn í gær týndis þegar ég setti inn nýja færsluna!

Wierd!

stress

Stressuð

Vá ég er hrikalega stressuð! Komin með kvíðahnút í magann og allt!

Vissi að yrði eitthvað stress en ekki svona :(

Linda stressaða og kvíðna

Úlpa

Fengum um daginn úlpu/jakka frá vinnunni (nr 2) og hún hefur bara slegið svona rækilega í gegn :) fullt af starfsmönnum í henni. Í minni deild þá vorum við að ég held nánast öll í úlpunni í gær.

Hversu sick er það að vera að tala við samstarfsmann sinn í gegnum msn þegar hann situr nánast við hliðina á þér, reyndar sneri hann baki í mig - skondið!

Flyst í Hafnarfjörðinn líklega í næstu viku í vikutíma. Hugsa um villinginn meðan mamma er í burt. Ég góða systirin er búin að ákveða það að hann eigi að elda einhver kvöld!

over&out

Allt að koma

Fékk jákvætt svar og svör við tölvupóstinum - þá er bara að yfirstíga næstu hindrun á föstudaginn :)
Merkilegt nokk eins og mér var búin að kvíða fyrir símtalinu sem var síðan að tölvupósti og kvíða svo fyrir svarinu þá var þetta ekkert mál.
Þannig að föstudagurinn samkvæmt þessu ætti ekki að vera neitt mál - en best að búa samt undir hið versta svo ég fari nú ekki í rusl!

Bókaði síðan hótel fyrir mömmu í gær og ætti því að vera allt klárt fyrir hana frá minni hálfu. Hún verður síðan að sjá sjálf um vegabréfið og pakka og svona :)

Annars er einhver með hugmyndir um hvað ég get gefið henni í afmælisgjöf? Hún á nefnilega stórafmæli en ætlar að stinga af þannig að svíkur mann um afmælisveislu..... haldið þið að það sé nú!

svo kemur þetta og verður búið, þá verður gaman

Símtal

Var að hringja eitt erfiðasta símtal sem ég veit um (enn sem komið er) en svo var ekki svarað. Þannig að ég sendi e-mail í staðinn og fannst mér það aðeins skárra en kvíði samt pínku fyrir svarinu! pffffff.....

Flensusprauta!
Var verið að bjóða upp á flensusprautu hérna í vinnunni - ákvað að afþakka. Hef líka afþakkað áður í öðrum vinnum!
Hvers vegna:
Jú vegna þess að ég hef þá trú að líkaminn á að geta sigrast á þessu sjálfu og ef ég fengi sprautu þá mundi ég veikja mótstöðuna hjá líkamanum. Ég trúi líka á mátt hugans :) því þegar ég byrjaði í framhaldsskóla og þau 4 árin þá var ég aldrei frá vegna veikinda. Ég var svo hrædd um að ef ég yrði veik þá mundi ég fá svo marga punkta að gæti jafnvel valdið brottrekstri þannig að ég bara varð ekkert veik. Svona hefur þetta haldist enn þann dag í dag. Jú ég fæ kvef og hálsbólgu en ekkert til þess að leggst í rúmið veik.

Linda hrausta! (7,9,13)

Laugardagskveldið

Er þvílíkt búin að vera eitthvað mygluð í dag, þarf greinilega ekki að drekka til þess að vera svona ;-) og hefur farið versnandi með árunum! Kannski því að kenna að hérna áður fyrr lokuðu allir staðir klukkan þrjú og í flestum tilfellum var maður þá komin fyrr heim heldur en gert er í dag!

Allavega þá var kvöldið bara fínt - upphaflega átti að vera árshátíð hjá strætó en hún var blásin af vegna ónægrar þátttöku. Þannig að pabbi í félaga við aðra ákváðu að hafa þá skemmtikvöld. Þar sem hann var búin að bjóða okkur systrum á árshátíðina í tilefni afmæli sins þá komu við vaskar á skemmtikvöldið. Það voru þarna fjórir myndarlegir karlmenn í eldhúsinu inn á sandi að elda ásamt henni Ellu. Jóhannes eftirherma kom og var brill og tók pabba svoldið í bakaríið :-)

Fengum einnig stripp frá eldhúsgaurunum - hefðu samt mátt vera í aðeins flottari nærbuxum ;-)

Fékk nokkur komment um kvöldið hvort ég væri litla systir Ellenar, veit ekki alveg hvernig ég á að taka því þar sem ég er 8 árum eldri en hún. Ég meina annaðhvort er ég svona rosalega barnaleg eða hún svona rosalega kellingaleg. Hvernig á ég að taka þessu? Verða sármóðguð eða er þetta rosa hrós? Hvað finnst þér?

Tekin voru nokkur dansspor inn á sandi og síðan haldið með óléttu systurinni, pabba og nöfnu á victor þar sem vinnufélagar þeirra voru. Þar fékk Ellen systir smá hornauga þar sem hún hélt á bjór hahaha en við héldum áfram að dansa þangað til við ákváðum að gamli kallinn ætti að fara að koma sér heim! Í reynd var hann reyndar komin út úr húsi þegar við tjékkuðum á þeim, hitt hljómar bara svo mikið betur!

Setnings kvöldsins er síðan: Ert þú fjölskyldumanneskja?

Linda myglaða

Afmælisbarn dagsins

Afmælisbarn dagsins í dag er enginn annar en gamli kallinn :) já eða hann pabbi. Til hamingju með afmælið.

Lítur svo út fyrir að kvöldinu verði eytt með pabba, óléttu systurinni, nöfnu ásamt vinnufélögum pabba!

Eitthvað gengur mér illa á að byrja á því sem ég ætla mér að gera - svo erfitt að koma sér að verki! Ákvað að fara ekki niður á þjóðarbókhlöðu þar sem ég þarf að stússast eitthvað á netinu.

jæja best að reyna að koma sér að verki!

koma svo

Ísferð

Fór í ísferð í með ísferðsgrúbbunni minni í gær- jafnvel þótt stundum getur alveg hrikalega mislíkað eitthvað sem sagt er þar þá er þetta alveg nauðsynlegur þáttur í lífi mínu að hitta þá :-) Reyndar var þessi ísferð í styttri lagi þar sem ég hitti þá bara milli vinnu 1 og vinnu 2.

Talandi um vinnu 2 þá var ég búin mjög snemma þar sem úrtakið var búið. Það var mjög indælt en verður ekki eins indælt þegar ég fæ útborgað!

Er heima þessa stundina þar sem ég fer ekki í vinnu fyrr en á hádegi en á móti kemur að ég verð til átta í kvöld :( ætlaði að vera svo dugleg í morgun en hefur farið fyrir lítið. Darn darn darn. Bættist upp um helgina. Verður að gera það.

Linda óduglega

Nýr bloggari

Það er komin nýr bloggari í hópinn sem er búin að fá tengil hérna á síðuna mína, en það er enginn annar en Fjóla frænka. Velkomin í hópinn!

Fékk spurning í gær í gegnum msnið varðandi seinustu færslu hvort þetta væri bæði hjá samkynhneigðum og gagnkynhneigðum karlmönnum. Svarið er já það - geri ekki greinarmun þar á milli.
Hinsvegar þá mun ég þola karlmenn með langar neglur sem eru drag"drottningar" og/eða klæðiskiptingar með gervineglur!
Ekki eru allir þeir sem eru drag drottningar??

Ég held ég svoldíð fljótfær í sumum málum - mamma kom ákveðnum hugmynd í kollinn hjá mér sem ég er að skoða en málið er síðan að ég vil að allt gerist bara í dag eða næstum dögum. Kannski kallast þetta frekar bara óþolinmæði.
Mun hinsvegar upplýsa þetta þegar nær dregur eða einhver mynd komin á þetta.

Linda ekki dragdrottning!

Langar neglur

Það er eitthvað við það þegar karlmenn eru með langar neglur - fæ alveg hroll.
Það bara er hreinlega viðbjóðslegt - get ekkert sagt neitt annað um það.

Tilefni þess að ég skrifaði um þetta er að í hádeginu var ég að fá mér að borða og missti næstum því lystina þegar ég sá sessunaut minn með langar neglur. Gerði mitt ýtrasta til þess að sleppa því að horfa á hann en var pínku erfitt þar sem hann sat beint á móti mér.

Held þetta sé nánast það eina sem mér finnst að karlmenn eigi ekki að hafa sem kvenmenn eru með. Þeir mega ganga í pilsum, hafa sítt hár o.s.frv. en klippa á sér neglurnar takk fyrir.

Linda viðkvæma

Þetta er allt að koma

Fór á leikritð gær Þetta er allt að koma, mjög gott leikrit og sviðsmyndin var brill - gaf hugmyndafluginu lausan tauminn. Sá rosa flott dansatriði konu í hjólastól og manns.

Forest Whitaker var í salnum - var mikið að velta fyrir mér hvernig hann upplifði leikritð þar sem hann væntanlega skilur ekki mikið í íslensku. Svo sat ég við hliðina á Friðrik Zophiusson.

Farin að tengja Þjóðleikhúsið við góð leikrit og Borgarleikhúsið við slæm, búin að fara nefnilega á ansi mörg í Borgarleikhúsinu sem hafa verið léleg og meira segja eitt sem ég gekk útaf.

Næst fer ég að sjá Edith Piaf fljótlega!

Leikhúspía

Heilsan

Merkilegt hvað heilsan skiptir okkur ótrúlega miklu máli eða kannski ekki rétt orðað því heilsan skiptir okkur miklu máli en það sem er ótrúlegt minnsta kosti hjá mér að ég blóta því alltaf í hvert skipti sem heilsuleysi er að hrjá mig af hverju ég er ekki þakklátari þegar heilsan er góð. Í hvert skipti sem ég er slöpp eða eitthvað hrjáir mig þá finn ég svo mikið fyrir því hvað það er gott að hafa góða heilsu. Um leið og ég er aftur full frísk þá gleymist þetta að þakka fyrir að maður hafi góða heilsu. Mannshugurinn er ótrúlegur og fljótur að gleyma!

Voða fáir hafa sýnt nýjum nafngiftum áhuga það er kannski bara ágætt eða hvað!

Lindu ekki fullfrísk

Brjóst

Jæja þar kom af því - loksins komin með nöfn á brjóstin - ekki þau fallegustu (nöfnin sko!).

Your Boobies' Names Are: Bert and Ernie

Get your own Boobie Names

Reyndar leist mér betur á nöfnin þegar ég notaði bara Linda

Your Boobies' Names Are: Thelma and Louise

Get your own Boobie Names

en nafnið Vargur gaf samt bestu nöfnin.

Your Boobies' Names Are: Love Muffins

Get your own Boobie Names

Jæja hvað segið þið - hvaða nöfn eru best?

hahaha

Afi

jæja ætla að setja tilkynninguna á netið!

Það er komið að því að pabbi er að verða afi og ég er að verða............ móðursystir!

Þar sem litla systir mín var búin að nefna það á sínu bloggi ákvað ég að setja það hér, allavega þá á litla systir von á sér í endan á mars. Mars er líka svo góður mánuður ;-)

Ég er kvefuð og Árni reyndi lengja að telja mér hughvarft í dag að ég væri veik og ætti að fara heim. En mér finnst ég ekki vera veik þegar ég er kvefuð.

Linda kvefaða verðandi móðursystir

Alzheimer

Þetta er skæður sjúkdómur. Þekki mann sem er með þennan sjúkdóm og hef séð undanfarin ár hvernig hann hefur áhrif á hann.

Í dag getur hann ekki einu sinni myndað heilar setningar og það er ekkert sem kemur af viti frá honum. Hann er samt að reyna að tjá sig um eitthvað sem hann veit ekki einu sinni hvað er. Ef maður spyr hann nánar um hvað hann er að meina þá hefur hann ekki hugmynd um hvað hann var að tala um enda kom engin heil setning eða hvað þá að hafi verið eitthvað. Frekar fullt af orðum sem hann segir án þess að meina eitthvað. Þannig a heillvænlegast er yfirleitt bara að segja já og nei eða veit ekki. Þó svo að maður hafi ekki hugmynd um hvað hann er að tala um.
Þegar kemur að matartíma þá veit hann heldur ekki hvað á að gera og þarf að benda honum á diskinn sinn að þarna er maturinn hans því hann fer í hina diskana þar sem maturinn er borinn fram á.

Fyrir mig þá er það verst að mér líkaði ekki þessi maður áður fyrr áður en hann veiktist - svo í dag hefur það lítið breyst. Þetta er náttúrulega ekkert sami maður og hér áður fyrr og ég hef samúð með honum og þeim sem standa honum nær.

Að öðrum skemmtilegra þá á lítil frænka mín afmæli í dag, hún Hera Karín er 1 árs. Til hamingju með afmælið stelpa.

Linda ekki svo góð

Föstudagsfiðringur!

Það er einhver rosalegur föstudagur í mér, finnst svo að sé föstudagur í dag. Hef þó ekki hugmynd af hverju. Kannski af því að ég fer ekki í vinnu nr. 2 í kvöld.

Annars ætla ég að óska honum Ísak Esteban til hamingju með 1 árs afmælið í dag! Búin að biðja foreldrana um að knúsa hann frá mér.

Það er ekki svo slæmt að mæta í jóga á morgnana og fara svo í vinnuna - fann það í gærmorgun því ég mætti bara nokkuð hress svona snemma morguns! Fór meira segja líka í jóga á þriðjudagskvöldinu eftir vinnu nr. 2 - finnst það bara nokkuð gott afrek hjá mér. Verð síðan að drífa mig í fyrramáli líka.

allir í jóga

Softy

Ég er að breytast í einhverja hágrenjandi kellingarvælu!

Get svo svarið það - var nefnilega að horfa á imbann í gær (surprise) og skipti aðeins yfir á ríkissjónvarpið í einu auglýsingarhléinu. Þar kom ég akkúrat í þáttinn Eðli mannsins og þar var einn maður og ein kona að lýsa atburðarrás sem átti sér stað 11. september 2001 í einum af turninum. Þar voru semsagt tveir menn sem báru konu niður í hjólastól frá 68. hæð. Á 18. hæð mættu þeir slökkviliðsmanni sem bauð þeim að skilja hana eftir og þeir mundu sjá um hana en þessir tveir gaurar sögðu nei og héldu áfram. Hún og þau komust út 2 mínútum áður en turnarnir hrundu. Munaði litlu að ég færi að hágrenja þarna, var komin með kökk í hálsinn og allt.

Dugleg
Var ferlega dugleg í gær en eldaði svo ég gæti tekið með mér nesti í vinnuna - skynsemdarmanneskjan ég fór síðan út að borða í hádeginu (auli) en á móti kemur að ég get þó borðað þetta í vinnu nr. 2
Ætlaði líka að vera svo dugleg að fara að taka járn svo ég get nú kannski farið að gefa blóð. Setti það í töskuna í gær svo ég myndi eftir því. Eftir hádegismat ætlaði ég að fá mér eina töflu en meðan ég var að berjast við að taka lokið af ákvað ég að kíkja á dagsetninguna best for. Stóð þá ekki best for 07 /2003. Tókst ekki betur en þetta að ætla að vera duglegur!

Linda ekki dugleg

Fyrsti vinnudagur

Jamm fyrsti vinnudagur eftir frí er komin og farin.

Var ekkert svo slæmt að mæta í vinnu eftir frí... fékk svoldið svona tilfinninguna eins og ég var að koma heim enda vel tekið á móti mér :-)

Eitthvað af nýju fólki eins og vanalega. Vantaði þó átakanlega fólkið mitt í móttökuna :( - Annars var ég að dúlla mér bara í dag og á rúntinum.

Fékk þær fréttir líka að golfinn hennar Steffiar væri dáinn!

Marlyn Manson kom líka rosalega vel út í myndinni Bowling for Columbine en þegar hann var spurður að því hvaða hann vildi segja við krakkana úr Columbine ef hann fengi tækifæri til þess þá sagði hann: "Ég mundi ekki segja orð heldur hlusta á það sem þau hafa að segja". Var mjög góður punktur hjá honum.

Jæja best að láta þetta gott heita í bili.

komin úr fríi

Bowling for Columbine

Er að horfa aftur á snilldarmyndina Bowling for Columbine þar kemur þessi snilldarsetning frá einni í heimavarnarliði sem er með byssueign "ef einhver brýst inn í hvern hringja flestir fyrst í? Jú lögregluna því þeir hafa byssur!"

Jú akkúrat einmitt ástæðan - ekki af því að þeir hafa völd til þess að handtaka innbrjótsþjófinn! Af hverju viljum við á Íslandi þá hringja í lögguna ekki hafa þeir byssurnar...... hún vildi cutta út millilíðinn!

Kemur fullt af snilldarsetningum frá allskonar fólki í þessari mynd en hún er jafnframt mjög sorgleg.

halda áfram að horfa......

Stopp

Er svo eitthvað stopp og veit ekki hvernig ég á að halda áfram!

Arrggg og garrggg........

Er boðið í mat í kvöld... kannski næ ég þá að halda í geðheilsuna.... en vinnan byrjar síðan á mánudaginn!

Lok lok og læs og allt í stáli....

Hvað ef

Ég hef lengi og oft verið að pæla í því út frá því hvernig persóna ég er í dag hvernig ég hefði verið á hinum og þessum tímum.

Mig langar svoldið til þess að vita það hvort ég hefði til dæmis tekið þátteða staðið með í réttindabaráttu svartra í Bandaríkjunum eða hvort ég hefði bara verið eitt af þessu hvíta fólki sem fannst þetta hræðilegt sem var að koma fyrir þjóðfélagið að þeir væru að heimta sinn rétt.

Einnig hvort ég hefði bara þegjandi og hljóðalaust látið kúga mig í karlaveldinu, hvort ég hefði bara sagt já og amen þegar mannsefnið væri fundið.

Í dag þá hef ég áhuga á mannréttindum, mér finnst alveg stórmerkilegt að hvíta fólkið hafi komið svona fram við svarta í Bandaríkjunum til dæmis. En þó læðist að mér grunur að ég hefði bara verið eins og allir hinir, hefði fylgt meirihlutanum. Ég sé ekki þessi uppreisnarmanneskja!

En þetta mun ég væntanlega aldrei komast að!

Linda uppreisnarmanneskja!

Undarlegt símtal

Fékk undarlegt símtal í gær frá xxx frá Rauða krossinum og manneskjan byrjaði á að þakka mér fyrir seinast og fyrir viðtalið fyrir Hjálpina.
Þar sem ég kannaðist ekkert við nafnið var ég svoldið hlessa þegar hún þakkaði mér fyrir síðast en benti henni síðan á að hún væri sennilegast að tala við ranga manneskju þar sem ég hef nú aldrei farið í viðtal fyrir Hjálpina eða eitthvað annað.

Þá bjóst ég nú við að manneskjan mundi nú verða smá vandræðalega afsaka sig og kveðja. En nei nei það var nú aldeilis ekki. Þá fletti hún einhverjum blöðum að ég held og sagði að það gæti verið Inga Birna og ég sagði það má vera held að það sé ein Inga Birna hjá Rauða krossinum. Því næst spurði þessi kona mig hvort ég ætlaði að taka þátt í gengið til góðs, ég var ekki alveg viss og bar fyrir mig ritgerðina!
Hún lét þó það ekki slá sig útaf laginu og sagði síðan að þau þyrftu mynd af einhverri persónu framan á Hjálp sem mundi taka þátt í söfnuninni og spurði hvort ég vildi gera það. Hélt nú ekki... er ekki ljósmyndavæn og hvað þá til þess að vera á forsíðu. Fannst reyndar ennþá skrýtnara að hún skyldi spurja mig þar sem hún hafði ekki hugmynd um hver ég væri.

Að öðrum málum þá eyddi ég helling af pening á kreditkorið hennar mömmu í gær - er svo dugleg :) en reyndar varð þetta allt fyrir hana gert. Var að kaupa flugfar til Barcelona fyrir hana. Það sem ég geri ekki fyrir lán á bíl. Já greinilegt að ég býst bara við bílnum þegar hún fer ;-)

Að enn öðrum málum þá er nýtt verkefni byrjað í vinnu nr. 2 - og var á um 2 klst fundi/kynningu á því í gær. Svo nú er ég margs fróðari um ADSL - fyrst þegar ég las yfir þetta gat þetta allt eins verið kínverska fyrir mér en vonandi get ég staulast fram úr þessu.

bla bla bla

Áhugamál

Leit að áhugamáli hjá mér er hafin- finnst ég þurfa eitthvað en veit samt ekki hvað það á að vera. Lítur út fyrir að Rauði Krossinn sé að detta út hjá mér og hef bara verið með annan fótinn í þessu undanfarin ár þó báða fætur núna í sumar.

Vil þó taka það fram að hef engan áhuga á að fara að stunda golf, sauma, prjóna, ekkert sem krefst mikillar nákvæmisvinnu í höndum og þolinmæði. Lítur út fyrir að ekki sé mikið eftir ;-)

Það var aðeins rætt um þetta í saumaklúbbnum í gær og kom upp ágætur möguleiki sem ég vona að úr verði en allt saman spurning því oft á tíðum virðist framkvæmdarleysið hrjá þennan hóp afskaplega mikið.

En ef þið hafið hugmyndir um eitthvað sem ég gæti tekið fyrir hendur endilega setjið það í komment!

Linda í leit að áhugamáli

Komin heim

Jamm er víst komin heim, var sótt af nöfnu minni í dag og tók af henni bílinn í leiðinni. Þokkalegt það. Reyndar er hún og pabbi að fara vestur í Dali í réttir þannig að hún notar ekki bílinn á meðan.

Allavega það var rosalega gott að komast út í "sveit" og skipta um umhverfi í smá tíma, alveg hreint rosalega gott og eina tilhlökkunin við að koma heim var sú að fara á netið og skoða bloggin. How sick is that?

Afrekaði ekki eins mikið og ég ætlað mér þessa viku :( en oh well verð að lifa með það. Það verður bara spýtt í lófana og haldið áfram. Varð líka að fá smá feedback á það sem ég var að gera til þess að geta haldið áfram.
Fékk góða gesti í heimsókn þessa viku, fékk Kolumbíufara með nýja fjölskyldumeðliminn þannig að núna er ég loksins búin að hitta hann Ísak Esteban :-) þrælmyndarlegur strákur. Fékk síðan matargesti í gær sem komu með matinn með sér og elduðu. Ekki slæmt það.

Talandi um mat þá kom ég með alveg helling með tilbaka aftur, tókst ekki alveg að klára enda líka gerðist ég löt við að borða. Þetta byrjaði allt saman vel enda kom Sigga með mér og var hjá mér um helgina (hún líka að læra). Þannig að við vorum duglegar við að elda og fá okkur að borða. Hún fór síðan á sunnudagskvöldinu og ég varð áfram dugleg á mánudag og smá á þriðjudag en svo hætti ég að nenna að elda eða finna mér eitthvað að borða. Greinilega skiptir ekki máli þótt þú eigir helling af mat í ísskápnum :-) því yfirleitt hef ég það mér til afsökunar hér heima að það er yfirleitt alltaf tómur ísskápur.

Linda sem á vikufrí eftir

Sumarbústaður

Þá er komið að því að ég fari í langþráðan sumarbústað og mun dvelja vikuna!

Búin að kaupa helling af mat til þess að taka með mér en á eftir að pakka niður öðru dóti og skóladótinu. Ojá það á að vera lært. Ef það verður ekki get ég alveg eins bara sleppt því að koma aftur heim.

Bíllausa ég á góða að því ég verð keyrð í bústaðinn og svo sótt aftur eftir viku!

Svo jafnvel er útlit fyrir að ég fái heimsókn frá góðu fólki - er reyndar að vonast að ég fái jafnvel að hitta einn nýjan vin sem er bráðum að verða ársgamall!

Þarf að æfa nokkur orð í spænsku svo ég geti nú heillað hann upp úr skónum því ég heyrð það frá áreiðanlegri heimild að hann væri afskaplega hrifin af fólki sem talaði spænsku :)

habla espaniol!! eða eitthvað

Játning

Verð að koma með stóra játningu hér í sambandi við tónlist en veit ekki nákvæmlega hvernig ég á að orða þetta eða koma þessu frá mér.

Ég er viðkvæm gagnvart tónlist eða réttara sagt að hlusta á "réttu" tónlistina og hafa ekki lélegan tónlistarsmekk. Ég veit þetta er lousy en samt sem áður rétt. Ég er búin að vera svona lengi lengi....ég fell stundum fyrir ákveðnum lousy pop lögum en þori síðan ekki að viðurkenna það. Hvorki fyrir mér né öðrum. Reyndar þá leiðist mér oft á tíðum tónlistin sem er spiluð í útvarpinu - virðist allt vera það sama eða spilað aftur og aftur.

Núna hlusta ég mikið á Sigur rós enda elska ég þá hljómsveit, Nick Cave, Coldplay, Eivör og virðast þessir diskar fara mikið í gegnum geislaspilarann hjá mér.

En játningin er komin út og líður mun betur ;-)

Linda&tónlist

Fórnarkostnaður

Fréttirnar sem maður hefur heyrt undanfarið um í Ossetíu og gíslatökumálið er rosalegur.

Ég get svo sem skilið stefnu Rússa um að láta ekki undan þegar gíslataka er á annað borð. Get alveg ímyndað mér að hugsunarhátturinn sé þannig að ef við látum undan þessu þá kemur næsti og heimtar eitthvað annað því þeir sjá að hægt er að framkvæma þetta og því verður að setja hnefann í borðið og láta ekki undan neinu.
Fórnarkostnaðurinn var hinsvegar alltof hár í þessu tilfelli ekki það að færri mannslíf hefði verið ásættanlegri en spurningin um hvað hefði verið hægt að gera öðruvísi. Hefði ekki verið hægt að reyna að semja til þess að bjarga mannslífum og börnum og so what ef þeir hefðu þá ekki staðið við það eða komið á eftir þeim eftir að búið væri að frelsa gíslana úr skólanum!

Mínar hugsanir og samúð fer til fólksins í Beslan!

Góð tilfinning

Það fylgir mjög góð tilfinning að hafa skrifborðið í vinnunni tómt, ekkert í vinnslu og ekki neitt og vera að fara í sumarfrí.... næs!

1 klst eftir

Út að borða!

Vinnan er að fara í sumarloka/haustfagnað! Fagna góðs gengis í sumar og förum út að borða. jeiii var gaman í fyrra og vonandi verður jafn gaman ef ekki skemmtilegra núna og ég fái enga spýtu í hausinn.

Gleymdi símanum heima og það er alveg gríðarlega óþægilegt! Maður hefur kannski bara gott af því að venjast þessu. En in case einhverjir ætluðu að hringja skiljið þá eftir skilaboð í talhólfinu þannig að ég get þá haft samband tilbaka.

Seinasti vinnudagurinn í vinnunni fyrir sumarfrí - hlakka svo til! Svo er það bara sumarbústaður eftir viku.

sumarfrí - sumarfrí

Breytingar

Sumar breytingar eru bara hreint ekki til góðs. Ég er engan veginn að fíla nýtt útlit á mbl.is, finnst það alveg kolómuglegt.

Á hringferðinni þá stóðst ég ekki mátið en að keyra aðeins í gegn á Bakkafirði og Vopnafirði. Það hafa orðið þó nokkrar breytingar á Bakkafirði síðan ég var þar, búið að bæta við fullt af húsum og meira segja komin ein ef ekki tvær götur í viðbót. Ábyggilega einn af fáum stöðum úti á landi sem hefur stækkað. Spurning hversu mörg ár líða þangað til maður sér húsin tóm eins og á svo mörgum öðrum stöðum. Er eitt hús á staðnum sem mér þykir eiginlega mjög vænt um en það er gamla kaupfélagshúsið. Helmingurinn þar sem Marinó gamli bjó lítur svo mikið betur út heldur en annar helmingurinn af húsinu og það er einungis sá helmingur sem manni þykir vænt um. Allir krakkarnir í þorpinu þyrptust líka til hans til þess að fá harðfisk bita, heimsækja gamla manninn og sumir til þess að fá píanókennslu. Var mikill missir þegar hann dó!
Fannst Vopnafjörður hinsvegar hafa breyst lítið, húsið sem ég bjó í þar lítur reyndar mun betur út, skólinn orðin skrautlegri og jú reyndar stækkað. Svo hefur ein matvörubúðin sem var þar lagt upp laupana og í sjoppuna er komin einhver gjafavörubúð.

En það var pínku skrýtið að keyra þarna í gegn en samt ekki. Allt eins og ég mundi eftir.

Kolumbíufarar bíða eftir að fá flug heim og ég eftir að þau komi heim. Myndirnar af litla kút eru frábærar og sér maður alveg prakkarasvip skína í gegn. Minnti mig stundum á púkasvipinn á Núma Steinn litla bróður þegar ég sá sumar myndirnar.

Stutt í sumarfríið mitt! Hlakka svo til!.

2, 5 dagur í vinnu eftir

Ferðin!

Eftir 12 farfuglaheimili og 2000 km er ég margs vísari.

Það sem mér finnst einna mest sjarmerandi að farfuglaheimilin eru eins mismunandi og þau eru mörg.

Eftir 12 farfuglaheimili og hitta eigendurnar og/eða starfsfólk heimilinna þá tókst mér að halda uppi samræðum (NB!sem ég er ekki góð í) við þau og höfðum umræðugrundvöll. Er þó ekki enn búin að fullorðnast það mikið að ég þiggi kaffi. Held oft á tíðum að fólki líði alveg ægilega illa þegar maður afþakkar kaffi og segist ekki drekka það! Á líka enn voða erfitt með að þiggja einhverjar veitingar bara svona til þess eins að þiggja þær.

*Kópasker – Það sem mér fannst mjög sjarmerandi þar er stofan því þar voru nokkrir bókaskápar en þeir voru flestir fullir af geisladiskum með klassískri tónlist, þarna var líka skápur fullur af vinyl plötum og svo bókum (þær samt í minni hluta). Farfuglaheimilið á Kópaskeri er í heimahúsi og eigandinn flytur sig yfir í bílskúrinn yfir háannatímann. Þarna er mjög góður andi í húsinu.

*Húsey – Gamalt hús þar sem brakar í hverri gólffjöl, staðsett í middle of nowhere. Sjarmerandi staðsetning og eigendurnir mjög indæl og þau bjóða upp á frábærar hestaferðir sem gaman væri að prófa.

*Berunes – Frábær staðsetning, fallegt hús og gamalt. Þar brakar einnig í gólffjölunum. Góðir gestgjafar :-) og sál í húsinu.

*Hvoll – eru að stækka við sig þannig að húsið er ekki fullbúið en oh my god umhverfið þarna. Just to die for! Gat ekki ímyndað mér þetta þegar ég var að keyra afleggjarann niður að farfuglaheimilinu, þvílík náttúra allt um kring og fegurð og kyrrð.

Hef bara minnst á þau heimili sem ég gisti á í ferðinni en öll höfðu þau eitthvað ef það var ekki húsið þá umhverfið eða eigendurnir :-)

Ég þeystist eiginlega bara milli farfuglaheimila og gat voða lítið túristast eitthvað! Langaði t.d. til þess að skoða steinasafn Petru á Stöðvarfirði en var seint á ferðinni þannig að gat ekki gefið mér tíma. Langaði einnig í selárslaug en þar sem ég var sein fyrir þar sem ég ætlaði að vera löngu búin að pikka upp Adam bróður á Egilsstöðum þá gaf ég mér heldur ekki tíma í það.

Linda ferðalangur!

Home sweet home

Um 2000 km eknir ef mér hefur reiknast rétt, gott að vera komin heim og sofa í mínu rúmi þrátt fyrir að það sé ekki alltof gott!

skrifborðið tekur við á morgun

Furðufatatónleikar

Tónleikar Lou Reed voru svo sannarlega furðufatatónleikar, þvílíkar múnderingar á sumum hef ég bara aldrei séð.

Voru rólegir og fínir tónleikar en keppnin í frægum og þekktum einstaklingum halda áfram milli mín og Halla en einnig hefur Magnús bæst við.

Á Lou Reed ber hæst að nefna að Forsetinn Ólafur Ragnar og Dorrit kona hans komu, sá ekki betur en forsetadóttirin Tinna væri þarna líka.
Sigurjón Kjartansson, Siggi Sveins handboltakappi, Valtýr íþróttafréttamaður, Óli Palli, Dr Gunni, hann Kormákur í útlit/innlit, Andrea Gylfa, Snorri eða hvað sem hann heitir sem er með enska boltann á skjá einum, forstjóri Norðurljósa, svo var Stefán Pálsson besti bloggarinn víst þarna líka, sá líka Loga Bergmann fréttamann og ég er pottþétt að gleyma einhverjum!

Hef grun um að ég muni tapa í þessari keppni að minnsta kosti í fjölda andlita en kannski ekki að vera undan að blogga um það!

Linda over and out

Msn samtal

Ég var að tala við útlendan vin minn í gær sem ég hef ekki talað við lengi, hann kom inn á msnið rétt áður en ég var búin að vinna í vinnu nr. 2 í gær. Like usual þá byrjar þetta á chitt chatti nema svo akkúrat þegar ég var að fara að segja honum að ég þyrfti að hlaupa til þess að ná strætó heim kemur hann með fréttirnar!
Skrýtið hvað allt getur breyst á augnabliki og maður fer að skamma sjálfan sig fyrir að hafa sagt hitt og þetta. Því hann sagðist nefnilega hafa fréttir og ég í gríni sagði nú ertu giftur og komin með krakka!
Hann tilkynnti mér þá að pabbi hans hafi dáið fyrir 2 mánuðum síðan úr krabbameini sem hafði bara greinst 3 vikur áður.
Mig langaði svo til þess að bíta tunguna úr mér eða í þessu tilviki höggva af mér puttana þar sem þetta fór í gegnum lyklaborð en ekki talfærin.

Þar af leiðandi ákvað ég að missa af strætó og talaði áfram við hann.

tekur bara augnablik og allt breytist

Kiljur vs harðspjalda

Lengi vel fannst mér bækur ekki vera bækur ef þetta voru kiljur. Bækur í mínum augum voru einungis harðspjalda. Vildi líka einungis harðspjalda bækur og tel þær geymast og eru mun eigulegri heldur en kiljurnar. En tímarnir breytast og mennirnir með ekki satt!
Eftir að ég fór að lesa meira bækur á ensku þá var eins og ég uppgötvaði kiljurnar. Þær voru ódýrari og þar tímdi ég ekki að kaupa harðspjaldabækur á ensku. Enda voru bækur eiginlega bara lúxus vara og eitthvað sem maður fékk bara í jólagjöf en fór þess á milli á bókasafnið.
Núna heyrir það sögunni til að ég fari á bókasafn til þess að leigja mér bók enda smelli ég mér bara í bókabúð og kaupi eina kilju.

Enn er þó samt að bækur sem eru á íslensku þar vil ég helst eiga sem harðspjalda en ensku bækurnar í kiljuformi.

Sá þáttinn hjá Ophra um daginn og þar var George Michael sem gestur hjá henni en það var kíkt í heimsókn til hans og húsið hans skoðað. Þar sá ég bókasafnið sem mig langar í mínu húsi.... oh boy oh boy. Hillurnar voru innifaldar í veginn (semsagt ekki bókaskápar sem eining) og svo var viðarklædd og mjög cosy herbergi. Ég reyndar mundi vilja vera búin að lesa allar bækurnar í bókasafninu mínu ólikt honum George Michael sem sagði að þeir hefðu keypt bara stafla af bókum því þær lúkkuðu vel!

Maður getur alltaf látið sig dreyma!

2 ár......

Afmæli

Guðmunda vinkona á afmæli í dag! Til hamingju með afmælið.
E-mail og bloggið verður að duga núna til þess að óska henni til hamingju þar sem hún er stödd í Kolumbíu, í fyrra á afmælinu sínu var hún í Namibíu. Merkilegt hvað hún hefur fyrir því að flýja land til þess að halda ekki upp á afmælið sitt :-) en við stelpurnar munum halda upp á afmælið hennar í kvöld.

Spilaði Catan í gærkveldi, vann fyrsta leikinn og hefði unnið seinni leikinn hefði ég munað og við hin eftir því að það vantaði einn veg hjá mér. Ég var einungis með 14 vegi meðan allir hinir hafa 15 vegi þar sem einn blár vegur var týndur :( , svekkjandi!

Linda rular í Catan , hahahaha!

Beast

Kláraði bókina Beast eftir Isabelle Allande í gærkveldi. Fyrst bókin sem ég les eftir hana sem gerist í nútímanum. Yfirleitt hafa þær átt sér stað 18 og eitthvað ef ekki fyrr. En hún heldur sig enn við Suður Ameriku og að þessu sinni í Amazon skóginum. Fylltist helling af ferðalöngun og að ferðast í Amazon við lesturinn.

Verð að vera þolinmóð, er líka að fara í vinnuferðalag á sunnudaginn - fer hringinn. Veit að það slær samt ekkert á löngunina.

Hlakka alveg ógurlega til að fara í sumarfrí og sé sumarbústaðaferðina mína í hillingum - vonandi bara að ég verð ekki fyrir vonbrigðum með hana.

Hefur ekkert heyrst frá Kolumbíuferðalöngunum núna í viku.....sakna skrifanna!

ferðast ferðast ferðast

Nýr bloggari

Nýr bloggari hefur bæst í hópinn, en það er Haukur Atli bróðir sem fær þann titil að vera næstelsti litli bróðir minn. Vona að ég fari með rétt mál. heheh svo erfitt að halda utan um þetta allt saman.

En vertu velkomin í hópinn Haukur Atli og bæti þér á listann hér við hliðina á :)

og enn bætist við

Ferðalag

Lítur út fyrir að ég sé að fara í ferðalag, fara hringinn :-) jeeiiii

Ekki amalegt

Frí eftir "hádegi"

Búin að ákveða að taka mér frí eftir hádegi, ekki annað hægt á öðrum eins degi. Mamma er svo góð að ætla að pikka mig upp jeii.

Fúlt samt að ég þarf að fara að vinna á eftir klukkan hálf sex :( og vitandi það að ekki er hægt að ná í fólk!

sól sól skín á mig.....

Smápíutónleikar

Bleikt þema var allsráðandi í gær á Pink tónleikunum og heilastarfsemin var ekki alveg að þunkera hjá mér í gær....... áætlaði litinn bara við smástelpurnar sem voru þarna en ekki að söngkonuna Pink. Oh ég get stundum verið svo vitlaus!

Þetta voru tónleikar sem fóru svona að mestu framhjá mér þar sem ég var í nógu að snúast.

Það var alveg rosalega mikið af litlum stelpum á þessum tónleikum og vorum mikið að spá í hvar strákarnir væru það voru sárafáir strákar á svæðinu og þá ekki nema í gæslunni. Að vísu þegar fólkið byrjaði að streyma út þá sá maður þá og virðast flestir hafa verið bara uppi í stúku.

Fékk ágætis compliment í gær, alltaf gott að heyra slíkt :-)

Linda og smápíurnar

Hausverkur

Hverjum dettur í hug að fá hausverk á svona góðviðrisdegi!

Linda hausverkur

Dagurinn í dag

Dagurinn í dag er dagurinn sem litla fjölskyldan sameinast í Kolumbíu :-) , get ekki beðið eftir fréttum frá þeim og myndum. Þau hafa verið dugleg að skrifa í ferðadagbókina sína og sett inn myndir. Það er svo gaman að fylgjast með og finnst smá eins og ég sé að ferðast sjálf þótt ég sé náttúrulega ekki að upplifa þetta sjálf en gefur manni svona smá ferðatilfinningu.

Vona bara að allt gangi vel hjá þeim í dag!

hugsa til ykkar!

Góð kaup

Gerði góð kaup um daginn, rakst inn á einhvern markað þar sem ég fann box með dvd myndinni about a boy, bókina og geisladisk á 1590 kr. Þurfti reyndar að hugsa mig töluvert um áður en ég keypti. Ég meina fyrir þennan pening hefði ég bara getað fengið bókina svona að öllu jafna. Keypti reyndar líka 3 geisladiska á 300 kr stykkið. Geisladiskar með afriskri, world music og north american chants. Geisladiskar sem ég hef gaman af að kaupa án þess að hafa hugmynd um hvernig þeir eru enda kaupi ég ekki slíkt nema þeir séu ódýrir.

Fór síðan á myndina Fahrenheit 9/11, góð mynd og það sem mér finnst skemmtilegt við hann Michael Moore er hvað hann er skemmtilega kaldhæðinn. Það voru alveg nokkur atriði sem ég missti andlitið. Þegar var verið að tala við hermenn í Írak og þeir voru að tala um hvaða músik þeir höfðu í skriðdrekunum og heyrðust líka í hjálmunum þeirra meðan þeir væru að drita niður fólk. Verulega ósmekklegt!
Einnig líka yfir honum George Bush þau orð sem hann gat látið falla.....
Merkileg mynd og ábyggilega margt satt og góð getspá hjá honum yfir ástæðum Íraksstríðsins, óþolandi samt að vita ekki hvað í raun og veru liggur bak við Íraksstríðið og raunverulegar staðreyndir.
Niðurlagið á myndinni fannst mér líka brill og ábyggilega margt til í því hjá kallinum.

allir í bíó

Súkkulaði

Fékk súkkulaði frá svissneskri fjölskyldu áðan :) fimm stykki með mismunandi bragði....

Hef annars mest lítið að segja.... bossinn minn (NB! yfirmaður minn en ekki rassinn minn) er að fara að slá í gegn í auglýsingum, hann er farin að birtast í auglýsingum um enska boltann á skjá einum.

Horfði á Hjartslátt á skjá einum í gærkveldi þar sem ég frétti af því að Gulli frændi ætti eitthvað að vera í þættinum en sást bara mynd af honum en þessi Þórdís var bara að tala, sú sem á með honum bolabúðina Ósóma. Oh well.... ég og systir mín urðu frekar svekktar en við horfðum svona nánast á þáttinn saman, vorum bara á msninu að tjatta um þáttinn.

Linda súkkulaði

Hörmungar dagur

Ég veit ekki hvað gæti farið meira úrskeiðis í dag að minnsta kosti hvað vinnuna varðar. Ég hélt sem þetta myndi verða ágætis dagur þar sem hann byrjaði á því að ég fór í jóga.

Hefði kannski átt að segja mér eitthvað þar sem ég var bara ein í jógatímanum að restin af deginum yrði eitthvað ga ga!

Rafmagnið fór af öllu húsinu í morgun svo ekki nóg með það þá hefur netið verið að detta út hjá okkur 3- 4 sinnum í dag og við farið niður í kjallara til að restarta. Okey núna erum við semsagt aftur byrjaðar að vinna þegar kerfisleigan klikkar og við komumst ekki í inboxið því það getur ekki sýnt folderin. Það sem gerði mig samt mest pirraða var símtalið sem ég fékk í hádeginu!

Æðislegur dagur semsagt. Veit ekki hvort ég þori að keyra til mömmu á eftir til þess að skila bílnum hennar.

lengi getur vont versnað!

Öfgar

Þetta tal og ógn um hryðjuverk er farið að ganga all verulega út í öfgar. Samkvæmt frétt mbl.is þá var japansku ferðamaður sem hafði skrifað suicide bomb í vasadagbókina sína og svo óheppilega vildi til að hann var í flugvél og sessunautur hans sá þetta orð. Þetta varð til þess að flugvélinni var snúið við. Öfgar! ojá

Er að fá nett upp í háls af verslunarmannahelgartali...... þetta er að verða að öðrum uppákomum sem allir eru með svo miklar væntingar til og allir eiga að skemmta sér svo vel samanber gamlárskvöld...og svo oft þegar upp er staðið mestu vonbrigði ever! Þetta er búið að vera í fréttum seinustu 3 kvöld og alltaf það sama og sömu myndir. Kannski er ég bara að vera gömul og bitur hahaha!

En ekkert er betra en friends til að koma smá brosi framan í mann..... æfir vöðvana í andlitinu og eins gott að enginn annar sér....

Linda kaldhæðna

Ha ha

Í fréttum áðan kom fram að seinni tónleikar Pink mundu falla niður þar sem þeir skerast á við 50 cents þann 11. ágúst... voðalega eru tónleikahaldarar seinir að fatta. Svo er líka búið að færa tónleika 50 cents úr Egilshöll í Laugardalshöllina..... kemur ekkert á óvart segi ég bara!

Vinnan hjá símanum byrjar 9. ágúst og fyrsta  kvöldið mitt átti að vera 10. ágúst... er mikið að spá í að breyta. Byrjar ekkert sérstaklega vel hjá mér þá.... hmm..... veit ekki hvað skal gera!

tónleikar eða vinna

Betri dagur

Jæja aðeins betri dagur í dag! Er líka að fara í ferðalag um helgina, fer um hádegi á morgun og kem sennilegast tilbaka á mánudaginn. Er farin að hlakka til og komin fiðringur í magann og allt.

Er að fara á stað sem mig hefur núna í dáldið tíma langað að fara aftur á en ekki komist og svo skoðað vonandi nýjan sem ég hef ekki séð áður.

Á leið í fríið....

Pirringur
 
Er pirruð og svaf ekki vel í nótt. Bakstungur fara greinilega ekki vel í mann!
 
Er enn sár og veit ekki hversu mikið ég ætti að segja hér, langar að segja helling en held það sé ekki ráðlegt. Mest pirrandi er að aðilinn sem á hlut í máli skilur ekki afstöðu mína og ég er ekki sátt við gjörðir þessa aðila sem að mér finnst hefur áhrif á síðan aðra vini. Hef ekki í mér að faca þau alveg strax enda ég líka niðurdregin og erfitt fyrir mig að fela það og vil ekki að það hafi áhrif á þau. Sumum gæti fundist þetta hið mesta kjaftæði en fyrir mér er það ekki, má vera að ég sé að gera úlfalda úr mýflugu en finnst það ekki.
 
Merkilegt þegar ég verð reið, sár eða annað við suma vini þá þurfa þeir alltaf að gera lítið úr því, ég sé að gera eitthvað mikið úr einhverju sem er engu. En þetta eru mínar tilfinningar og þær eru mikilvægar. Oft á tíðum langar mig til þess að láta eitthvað stórt og ljótt flakka en tel mig nú yfirleitt geta haldið mörgum hlutunum inni svo ég sjái ekki eftir þeim þótt vissulega geti ég orðið orðljót.
 
Spurning um hvort ég þurfi ekki að fara að líta í eigin barm og athuga hvort það sé ekki eitthvað hjá mér þar sem mér finnst sumir sífellt vera að traðka á mér.
 
Þurfti að koma þessu frá mér og hér er það komið. Er eflaust óskiljanlegt og mér er líka alveg sama, sumir sem gætu skilið þetta og aðrir ekki.
 
:(

Hnífur í bakið
 
Finnst ég hafa fengið hníf í bakið! Er brjáluð og sár!

Grill
 
Grillpartýið í vinnunni var bara brill.
 
Þetta var mjög svo alþjóðlegt, fyrir utan Íslendingana þá voru þarna 2 danir, frakkar, þjóðverjar, Hollendingar, frá Kanada, Austurríki og Breti.... hef á tilfinningunni að ég sé að gleyma einhverjum. Allavega við sátum úti á farfuglaheimilinu til klukkan tvö og það var svo gott veður, en um tvö leytið ákvað næturvörðurinn að reka okkur inn því gestirnir þyrftu að sofa... vona að komi ekki mjög miklar kvartanir um hávaða.
 
Var mjög merkilegt kvöld því bretinn var mjög sætur strákur og skemmtilegur... ekki oft sem maður hittir sætan Breta ;-)  og svo var hann líka landfræðingur!Danirnir voru þrælskemmtilegir líka og frakkinn spilaði á gítar og söng einhverja franska slagara.
 
Við heldum síðan niður í bæ á prikið og 22 og dönsuðum..... og ég var ekki komin heim fyrr en um sex leytið í morgun eftir að hafa skutlað nokkrum heim og aftur á farfuglaheimilið.
 
Þetta var snilld!
 
:-)

Föstudagsfiðringur
 
Grill í kvöld í vinnunni... erum að plana að gera eitthvað eftir á.
 
Tvær einkennisklæddar löggur hérna fyrir utan :) flugrútan lenti í smá árekstri þegar hún var að fara héðan. Bíll sem keyrði inn í hliðina.
 
Hef ekkert fengið að sjá handboltaliðið hlaupa hérna framhjá aftur.
 
Langar út í góða veðrið!
 
Nei sko löggan notar bara pick nick borðið úti til að tala saman.... líka svo gott veður.
 
ef ég hætti að blaðra hér og held áfram að vinna þá kemst ég út fyrr... hey sæt lögga.... ungar löggur sýnist mér!
 
Linda blaðrari

Pirr

10, 9, 8, 7..... er pirruð... óskemmtilegt símtal áðan... gæti urrað!

Eftir að hafa hangið ótemmilega mikið á hlemmi í gær eftir vinnu þar sem ég held því fram að ég var að félagsskapur fyrir systur mína þá drullaðist ég í 11/11 til þess að kaupa eitthvað að borða og halda heim.
Það er skemmst frá því að segja að eftir því sem lengra leið á strætóferðina þá var ég orðinn þess fullviss að ég mundi æla... var farin að líða verr og verr.
Kom heim og henti mér upp í rúm - gerði einhverja tilraun til þess að kasta upp en hafði sennilegast ekkert efni í það. Spennandi saga!

Restin af kvöldinu lá ég síðan upp í rúmi með hausverkinn minn sem ég vaknaði svo með í morgun en er sem betur fer farinn núna.

Í dag ætla ég að njóta dagsins og kvöldsins betur.

Linda öll að hressast!

Hausverkur

Er komin með hausverk..... er ekki sátt!

Linda hausverkur

Minningar

Lög tengjast alveg ótrúlega mikið minningum hjá mér, var að hlusta á 4 none blondes og lagið sem var verið að spila var mjög mikið spilað sumarið ´93 og í minningunni er þetta bara einna skemmtilegasta sumar.

Það eru oft á tíðum annað hvort tímabil eða sumur sem ég get tengt við hin og þessi lög. Sem betur fer er þetta oftast skemmtilegar minningar og leiðinlegar minningar ekki tengdar lögum heldur einhverju allt öðru ;-)

syngja svo...

Blogg til þess að blogga

Veit eiginlega ekki um hvað ég á að blogga núna!

Fór í útileigu um helgina, fékk að skjálfa ofan í svefnpoka eina nótt, reyndar skalf ekki það mikið en tókst ekki að vera hlýtt fyrr en undir morgun.

Fengum fregnir um fjölgun í stórfjölskyldunni :-) ein af systrum mömmu að vera amma!

Farin að hlakka alveg afskaplega til að fara í sumarbústað í viku í september. Dreymir um dýrðardaga. Verð reyndar að banna heimsóknir til mín þar sem þetta á að vera vinna fyrir mig en hugsa að ég reyni nú kannski að fá fólk nokkur kvöld í heimsókn í mat og jafnvel pottaferð!

Linda svanga

Ótrúlegt

Sólin lét sjá sig og bókanir líka!

Búið að vera rólegt undanfarna daga og svo í dag þá náttlega kom meira inn en undanfarna daga! Er þetta ekki alveg týpískt.

Fer í bíó í kvöld á spiderman jeeeiii :-)

Svo er verið að athuga með fjölskylduútileigu um helgina. Það er að segja mamma og systur hennar fara í útileigu og við frænkurnar þrjár erum að skoða málið og fara jafnvel bara á morgun. Ég kemst minnsta kosti ekki fyrr því ég þarf að kíkja í vinnuna á morgun.

Merkilegt hvað getur samt orðið kalt inni þrátt fyrir sólina úti.

sól sól skín á mig...

Próflaus bílstjóri

Þá er það loksins komið í fréttum um bílstjórann sem lenti í árekstrinum á mánudgainn og bendi ég á færslu hér að neðan frá mánudeginum. Í fréttum stöðvar 2 í kvöld kom um þennan bílstjóra sem lenti í árekstri og ég var farþegi í vagninum í nota bene seinni árekstrinum. Þetta var annar árekstur hans um morguninn og klukkan einungis um níu.
Ég frétti um þetta á mánudeginum og svo á þriðjudeginum að hann hefði verið próflaus en kunni ekki við að setja þetta hér inn fyrr en nú þar sem þetta er búið að koma fram í fréttum!

Alveg ótrúlegt!

Linda í aksjóninu

Jákvæðis blogg fyrir Skottu

Var einn vinnufélagi sem var að kvarta yfir því að bloggið mitt væri búið að vera svo neikvætt!

Bara benda á að fyrir tveimur póstum síðan sagði ég mjög góðar fréttir frá vinkonu minni! :-)

*Allavega það sem er jákvætt í dag er að ég hitti vinkonur mínar í kvöld... alltaf jákvætt að hitta þær!
*Var á vakt á Placebo í gær með ágætisfólki og hitti stelpu sem var með mér í HÍ og vorum við töluvert saman og hún sagði mér stórmerkilegar fréttir og óska ég henni innilega til hamingju með allt saman :-)

*Svaf ekki í allt gærkveldi!

*Mun hitta tvo góða vini annað kvöld í ísferð og hugsanlega vonandi í bíó!

Ansans klikkaði á að skrifa að Árni átti afmæli 6. júlí og óska ég honum hins besta.

Nóg af jákvæðni í dag!

Linda með jákvæðis blogg

Hress

Ég er með aldeilis hress þessa dagana eða þannig!

Eftir vinnu á mánudag og í gær þá hélt ég heim, fékk mér að borða og svo hef ég ætlað mér að horfa á sjónvarpið en hef sofnað við það bæði kvöldin og það um átta leytið eða fyrir átta. Sef svo af mér megnið af kvöldinu, vakna um ellefu og horfi á sjónvarpið smá áður en ég fer aftur að sofa. Þvílíkt fjör.

Í kvöld er það hinsvegar vakt á Placebo, saumaklúbbur á morgun og föstudaginn sennilegast ísferð! Enginn svefn þau kvöld!

sofa og sofa enn meira

Metallicku Tónleikarnir

Ég hef reyndar mest lítið að segja um þessa tónleika. Þetta gekk mun betur fyrir sig en ég bjóst við. Hélt að það mundi einhvern veginn allt fara í klúður þar sem við vorum á nýjum stað.

Þeir spiluðu líka lengur en upphaflega var gert ráð fyrir tónleikagestum ábyggilega til mikillar ánægju en ekki laust við að ég var farin að líta á klukkuna ansi oft enda orðin langur dagur og maður orðin þreyttur og svangur!

Fer að verða svoldið varhugavert því maður var alltaf að segja við tónleikagesti sem komu til manns nánast örmagna að verða að passa sig að drekka nóg vatn því mest af þessu öllu saman var bara vatnsskortur vegna hita og þrengsla. Síðan áttaði ég mig á því fyrr um kvöldið að ég sjálf hafði ekki fengið mér neitt að drekka í dágóðan tíma. Má ekki gleyma sjálfum sér!

Var komin heim mjög seint af tónleikunum í gær eða ekki um hálf tvö leytið... og ákvað að taka strætó í seinna lagi. Nema hvað haldið þið ekki að fimman hafi bara "lent" í árekstri á Gullteignum. Það þurfti ekkert nema lagni til þess að það hafi tekist hjá þessum bilstjóra.
Get ekki annað sagt en þetta hafi verið stórfurðulegt, hélt á timabili að hann hafi gert þetta viljandi svo hann þyrfti A) ekki að fara hringinn eða fara heim b) væri undir áhrifum áfengis eða lyfja.

Málið er að strætóbilstjórinn keyrði inn Gullteiginn og keyrir frekar hægt síðan einhverja hluta vegna fer hann á öfugan vegarhelming og það er bíl á móti sem keyrir framhjá honum sem sagt á öfugum vegarhelmingi og gaurinn er á mjög hægum gangi nema svo keyrir hann á kyrrstæðan bíl á öfugum vegarhelming sem var í stæði!

Það þarf bara lagni til að gera þetta! Ég er ekki enn að skilja þetta!

Linda sem skilur ekki altt

Spennandi fréttir

Fékk stórskemmtilegt símtal áðan með spennandi fréttum. Fréttir sem maður bjóst ekki við að heyra nærri því strax.

Guðmunda og Stebbi eru orðnir foreldrar :-) til hamingju með það! Þau eru semsagt að fara að ættleiða lítinn strák frá Kolumbíu sem er níu mánaða gamall.
Alveg meiriháttar fréttir, þau voru nýbúin að segja mér að þetta gæti orðið fyrr en ráð var gert fyrir. Upphaflega átti það að vera fyrsta lagi um áramótin, svo fengu þau vitneskju um það að þetta gæti bara orðið í haust. Nema nú seinustu fréttir eru að þau væntanlega geta farið út að ná í litla kútinn í ágúst!

Úfff ég er bara spennt og rosalega ánægð fyrir þeirra hönd.

Til hamingju til hamingju...

Hjóla

Fór út að hjóla í "hádeginu" með Steffi sem reyndar skokkaði, mjög fínt að hafa hjólaleigu hérna fyrir utan :-)

Hugsa að ég fari bara oftar út með Steffi þegar hún er að skokka og hjóli með!

Fjóla amma á afmæli í dag!

Merkilegt hvað ég stundum get velt mér upp úr peningaáhyggjum sem síðan kemur í ljós að ég þarf ekki að hafa þessar rosalegu áhyggjur sem ég hafði. Virðist alltaf reddast einhvern veginn.... er samt orðin betri en ég var!

Er svöng veit ekki hvað ég á að fá mér að borða! Langar í eitthvað gott!

Linda svanga

Handboltaliðið

Újee stundum er vinnan bara á besta stað í bænum ;-), sjáum íslenska tilvonandi landsliðið í handbolta skokka hérna framhjá. Ekki slæmt það!

Var hjá ömmu gömlu bara í allt gærkvöld....

Linda með lýsingarnar úr dalnum

Afmæli

Samkvæmt áreiðalegum heimildum á amma Rósa afmæli í dag og er 83 ára kellan! Enn í fínu formi.

Er að hugsa um að kíkja til hennar með blóm!

Ég meina hvað getur maður gefið annað þar sem hún á nánast allt... ég meina henni vantar ekki neitt þannig lagað séð!

Talar nánast alltaf um það kellan þegar ég kem í heimsókn (sem er sjaldan) og þá sérstaklega ef hún tekur fram fínu glösin að ég eigi nú að fá þessi glös eftir að hún er öll þar sem foreldrar mínir gáfu henni nú glösin einhvern tímann fyrir langa löngu síðan. Kæmi mér ekkert á óvart að hún væri búin að merkja allt, hver á að fá hvað eftir hennar daga!

Er búin að sjá það að stundum hreinlega borgars sig bara ekkert að vera almennilegur kemur oft í bakið á manni!

hún á afmæli í dag....

Kómískt

Langar alveg rosalega að skrifa um eitt mál sem er í gangi en get það ekki.

Það pirraði mig alveg rosalega í morgun og dagurinn leit út fyrir að verða alveg hræðilegur en er farið að finnast þetta mjög kómískt núna. :-)

Linda getur ekki orðum bundist!

Er þetta satt?

Er í nettu sjokki hérna og trúi ekki því sem ég var að lesa. Systir mín benti á blogg hjá íslenskri stelpu sem býr í útlöndum og er nýbyrjuð að vinna hjá escort þjónustu en sem veitir mun meira en escort. Þetta er bara vændisþjónusta!

Þetta hlýtur að vera bara persóna sem er með gott hugmyndarflug og að skrifa.... ég trúi ekki að þetta sé raunveruleg manneskja með þessa vinnu!

Ég er í þvílíkri afneitun!

Linda vantrúaða

DVD myndir

Kristjón bróðir á afmæli í dag og er alveg 10 ára!

Fór í afmæli til hans í dag, það fyndna við þetta allt saman er að mennirnir í afmælinu sátu allir úti sem ég svo sem spáði ekki mikið í þar til ég heyrði að það var ástæða fyrir því. Það var nefnilega ein lítil frænka mín um 9 mánaða sem bara grenjaði ef hún sá þá þannig að þeir flúðu út og hún grenjaði ekki.

Tók 21 grams og Confession of a dangerous mind og var að horfa á það og pirr pirr pirr... mental note til mín ekki taka DVD myndir sérstaklega frá Skalla! Diskarnir eru skemmdir.....og sérstaklega pirruð eftir að ég horfði á confession of a dangerous mind því ég missti bara af heilum 15 mínútum... seinustu 15 mínutum.......garrrggg!

Linda pirr

Slöpp

Jamm það verður bara að viðurkennast hér með að ég er eiginlega frekar slöpp... farin að spá í hvort þetta tengist kosningum! Finnst ég all oft eitthvað slöpp þegar ég þarf að mæta á þessa kosningastaði og kjósa.

Seinustu alþingiskosningar og svo einhverjar bæjarstjórnarkosningar að mig minnir þegar ég bjó í Kópavoginum. Svo í dag!

Er í vinnunni og er ekki alveg að meika þetta :( langar heim og skríða upp í rúm!

Vildi þó óska að þegar ég kæmi heim væri allt hreint og fínt.... en það gerist víst ekki nema ég geri eitthvað.

Jæja reyna að halda áfram að vinna!

Linda ekki hin hressasta

Leiðist

Mér hundleiðist......... er komin með nóg af hori og stifluðu nefi :( er sloj og þreytt og nenni ekki að gera neitt.

Bjóst við að ég mundi bara sofa af mér kvöldið en það er heldur ekki að gerast!

Ekkert skemmtilegt í sjónvarpinu og nenni ekki einu sinni út í vídeoleigu að taka spólu né að taka upp bók.
Nenni ekki að þrífa svínastíuna sem ég bý í né setja í þvottavél.

Kveikti á tölvunni til að fá samskipti við annað fólk, fá nasaþef af öðrum..... já rafrausið er til marga hluta nytsamleg!

Er maður sick eða hvað!

Búin að sitja fyrir framan tölvuna í vinnunni um 10-11 klst á dag seinustu daga og svo kem ég heim og kveiki á tölvunni.

What to do what to do!

Linda leiða

Haustveður

Hvað er málið með haustveðrið sem er úti núna!

Rosalega sætur strákur frammi í afgreiðslu núna.... ætlaði ekki að tíma að fara inn aftur.

Haha fékk hringingun áðan frá Portugal, eftir stutt spjall spurði náunginn mig hvort ég væri ekki að fagna sigri þeirra.
Bjargaði mér með því að segja að ég horfði ekki á fótbolta sem er alveg rétt, couldn´t care less!

:-)

Tónleikar

Já fór aftur á tónleikana í gær!

Í gær var söngvarinn hins vegar í svörtum fötum og berfættur meðan hann var í hvítum fötum og berfættur á fyrri tónleikunum!

Það er getur nú verið ágætlega gaman á tónleikum og skemmtilegt að sjá að það er í flestum tilfellum alltaf sama fólkið í gæslu, sömu brunaeftirlitsmennirnir eru á staðnum og svo við :-)

þetta var hinsvegar í fyrsta skipti sem ég sé lögguna inn í höllinni, sáum ein fjögur stykki. Yfirleitt situr löggan bara út í bíl ef hún er þarna á annað borð. En í þetta skipti voru þeir inni og þegar smoke on the water lagið kom þá kom aðeins hreyfing á þá og þeir fóru upp í sal! Bara gaman að því. Eins með brunaeftirlitsmennina, þeir stóðu uppi alveg hellengi einnig!

Stundum hreinlega finnst mér að það ætti að raða eftir hæð á svona tónleikum þannig að þeir minnstu séu fremstir o.s.frv. Væri það ekki frábært!

Fannst nefnilega mjög mikið um það á báðum tónleikunum að fólk var að koma með börnin sín, og sá þau svo greyin vera að reyna að rýna upp á svið en tímabil sem þau hættu bara að reyna og horfðu á bakið nú eða rassinn á næsta manni.

Linda kvefaða

Deep Purple tónleikarnir

Er í smá nafnasamkeppni við Halla um hvor er á undan að blogga um tónleikana og nefna þekktu andlitin sem við sáum!

Þeir sem ég sá og man eftir..... Jakob Frímann Magnússon, Haukur Hólm, Kalli Bjarna, Addi Fannar í skítamórall, Einar Bárða, Sigurjón Kjartansson, Jóa Fel, Fjölnir tattú, Rúnar Júl og Pétur Kristjáns (sem söng krókinn með sálinni), Halli benti mér á ritstjóra Séð og Heyrt, Óli Palli á Rás 2.

Ég er alveg ábyggilega að gleyma einhverjum... hef það sterklega á tilfinningunni!

En tel mig hafa unnið keppnina! :-)

Annars voru þessir tónleikar frábærir og góð stemming í höllinni.

Get ekki ákveðið mig hvort ég eigi að fara aftur á morgun eða ekki.

Linda sem vann keppnina

Persónuleikapróf


Persónuleikapróf
Þú hefur hlotið 37 stig

Persónuleiki þess sem fær á milli 31-40 stig:
Annað fólk skynjar þig sem varkára, hagsýna vitsmunaveru. Þú þykir snjöll, hæfileikarík en hógvær persóna. Ekki manneskja sem eignast vini of auðveldlega en ert mjög trygg vinum þínum og ætlast til sama trygglyndis til baka. Þeir sem kynnast þér virkilega vel átta sig á því að það þarf býsna mikið til að glata trausti þínu, en ef það gerist tekur það langan tíma að gróa og gerist jafnvel aldrei.


Við systur erum greinilega ekki mikið líkar

hehe