Í dag

Dagurinn í dag

Öxaràrfoss

Post it

Varahlutur

Varahluti hefur ábyggilega aldrei verið eins flott innpakkaður, afmælisgjöf til bróður míns sem var tvítugur í gær og vildi varahluti í bíl í afmælisgjöf.

Hann fékk því varahlut í afmælisgjöf, óháð hvort hann gæti nýtt hann ;) en gaf honum reyndar líka aðra afmælisgjöf.

Króatía

Skellti mér til Króatíu á dögunum, tilefnið var 3rd European Ranger training seminar.

Ferðalagið byrjaði nú ekki alltof vel þar sem fluginu mínu var aflýst á föstudeginum 9. maí þegar ég átti flug vegna verkfalls flugmanna. Þegar ég hringdi í Icelandair deginum á undan eða á fimmtudeginum og var að spyrja um möguleikana fyrir mig þar sem ég átti nú tengiflug á laugardeginum 10.maí frá London til Pula í Króatíu þá stakk þjónustufulltrúinn upp á að ég færi út á völl og reyndi að ná seinni part vélinni til London þann sama dag. Vélin var reyndar full en væri alltaf möguleiki á að fá sæti, þannig að ég hoppaði úr vinnunni á hádegi sólarhring á undan áætlun, fór heim og pakkaði á innan við klukkutíma og náði flugrútunni.

Þetta hafðist allt saman en þá var eftir að finna gistingu í London og hostelið sem ég á átti bókað kvöldið eftir var fullt, en eftir hálftíma í síma þá fann ég gistingu á öðru hosteli.

En tímínn í Króatíu var frábær, kynntist að vanda fullt af skemmtilegum landvörðum allsstaðar úr Evrópu þótt aðalaðdráttaraflið var Ástralinn hann Chris, það er bara eitthvað við Ástrali :) hann sló í gegn hjá okkur öllum.

Eftir ráðstefnu héldu nánast allir Íslendingarnir í þjóðgarðinn Plitvice ásamt Bretunum og tveimur Finnum. Upplifiði í fyrsta skipti að vera á bílaleigubíl en ég fékk far með tveimur af Íslendingunum og á leið okkar til Zagreb stoppuðum við í einum bæ þar sem við hlupum á undan stöðumælaverði til þess að fá ekki sekt!

Var reyndar mjög saklaust þar sem við tókum ekki eftir að það þurfti að borga í stöðumæli og vorum búin að ganga aðeins um bæinn þegar við tókum eftir stöðumælaverði sem var að sekta, eftir þetta pældum við í því hvort það hafi nú kannski verið mælir þar sem við lögðum. Þannig að við héldum tilbaka nema eitthvað var stöðumælavörðurinn líka fljótur í förum en við rétt náðum í bílinn og gátum keyrt í burtu. Bölvaðir útlendingar sem borga ekki í bílastæði.

En já þarf kannski að fara að ferðast meira í Evrópu í stað þess að fara alltaf svona langt!
 Nú fer ég líka að þekkja svo marga landverði í Evrópu!

Arggg....

Einhverra hluta vegna get ég ekki lengur sent myndir úr símanum mínum á bloggið mitt.

Spurning hvort ég þurfi að uppfæra símann minn!

38

Bústaðurinn

Ísar

Frelsinu fegin

Göngustígur

Þúfa

Yndislegt veður

Á Múlafjalli, sést þarna í Botnsúlur.

Á leið á Múlafjall

Sögulegt

Keypti mér mitt fyrsta sjónvarp í gær!

Fallegur morgun

Myndarskapur

Eldaði lasagna í kvöldmat. Er svo búin að setja í 2 box sem fara í frysti. Svo er afgangurinn í hádeginu á morgun.

Eitt fjall á mánuði

Ákvað að taka þátt í verkefninu hjá Ferðafélaginu - Eitt fjall á mánuði - léttara.

Fyrsta gangan var 11. janúar en hinsvegar fór ég ekki þá því ég var ekki alveg búin að ákveða mig hvort ég myndi taka þátt og hvort ég hefði tök á því.

Í dag var hinsvegar fyrsta gangan mín, önnur ganga verkefnisins, og var gengið á Blákoll í Svínahrauni. Þegar við hittumst fyrir utan hús FÍ í morgun var hið besta veður - logn og bara flott veður. Hinsvegar breyttist það þegar komið var í Litlu Kaffistofuna - rok. En við heldum af stað - 65 manns og einn hættulegasti parturinn var að fara yfir Suðurlandsveginn.

Gangan var hinsvegar frábær og náðum að vera í logni og smá vari þegar við borðuðum nestið okkar en seinasti parturinn upp á toppinn var hvasst - mjög hvasst. Þegar á toppinn var komið var varla stætt. Náði þó að taka nokkrar myndir og fararstjórinn að segja okkur hitt og þetta. Svo var haldið tilbaka.

En mikið hrikalega var hressandi og gaman að bæði að ganga svona að vetrartíma þrátt fyrir að sé erfiðara og gaman að takast á við veðrið. Eina skiptið sem mér var kalt var þegar ég settist í snjóinn til að borða nestið.

En það verður hinsvegar að viðurkennast að ég er búin að vera frekar dösuð eftir að ég kom heim. Hlakka þó heilmikið til næstu ferðar eftir mánuð :-)

Hressandi

2013

Þá er komið að gera upp 2013 þótt fyrr hefði verið :)

En já árið byrjaði svo sannarlega vel eða í Guatemala og byrjaði því á að vera á nýjum stað og gera eitthvað nýtt sem er stefnan hjá mér að gera á hverju ári - það er að segja eitthvað nýtt. Hvort sem það er staður sem ég fer á eða eitthvað annað.

Fyrstu fjórir mánuðir ársins voru í útlöndum á nýjum stöðum að upplifa fullt af nýjum hlutum.

Ný lönd 2013
**Guatemala
*Belis
*El Salvador
*Honduras
*Nicaragua
*Costa Rica
*Panama
*Kanada

**Guatemala var kannski ekki alveg nýtt land 2013 þar sem ég kom þangað í desember 2012 en hinsvegar nýtt að upplifa áramót þar ásamt því að ég ferðaðist síðan um landið en hafði gert lítið af því í desember :)

Þetta var því líka mögnuð byrjun á árínu en upplifði það líka að verða ofboðslega þreytt á því að ferðast. Þannig að fyrir vikið stoppaði ég lengi í Panama borg til þess að bæði átta mig á hvað ég vildi gera og hvert ég ætti að fara. Ákvörðun svo tekin eftir 18 daga í Panama borg að halda til Kanada.

Því miður fór ég í engar göngur á árinu 2013 og því engar nýjar gönguleiðir gengnar - tel ekki með útivistarsvæðið fyrir ofan Egilsstaði með.

En fór á nokkra nýja staði innanlands líka sem ég hafði ekki komið á áður - allt í sömu ferð, ja nema einn.

Nýjir staðir innanlands
*Laugarvalladalur
*Sænautasel
*Skessukatlar
**Kverkfjöll og nágrenni

**Var að rugla smá með gönguleiðir en gekk upp Virkisfell við Sigurðarskála í Kverkfjöllum, gekk frá jökli og inn að skála. Ég hafði komið áður í Kverkfjöll fyrir löngu síðan en ekkert stoppað en í haust bauðst mér tækifæri til þess að vera eina helgi - seinustu helgina sem var opið í Kverkfjöllum og var að ganga frá. Það var magnað.

Einnig prófaði ég örnámskeið í salsa í nóvember sem var stórskemmtilegt.

Þannig að nú er bara að finna nýja staði, gönguleiðir og nýja hluti til að gera árið 2014

Göngutúr