Páskadagur

Jæja páskadagur bara runinn upp.

Er að reyna að koma mér í gírinn að læra smá áður en ég fer í skírn og páskaboðið.

Fyrir ári síðan eða á páskadag í fyrra þá fór ég í hellaferð, skreið í gegnum myrk og þröng göng, sá glowworms, var blaut en skemmti mér konunglega.

Fékk þó ekkert páskaegg - ja allavega ekki fyrr en í maí

Þegar mamma hringdi í mig (á páskadag í fyrra)þá var hún á leið í páskaboðið en ég var að horfa á sjónvarpið og fljótlega á leið í rúmið því minn dagur var að kveldi kominn. Já það var svona að vera hinumegin á hnettinum.

Ef við miðum hinsvegar við dagsetninguna þá var páskadagur í fyrra mun seinna á ferðinni og 8. apríl var ég enn í Ástralíu og sennilegast í Byron Bay að prófa brimbretti.

en já gleðilega páska

omg

Var að skoða drög að verndaráætlun fyrir þjóðgarðinn Snæfellsjökul en veit eiginlega ekki mitt rjúkandi ráð.

Kortið mitt sem ég gerði fyrir bs ritgerðina mína er þar og vitnað til mín sem heimild.

oh my god!

Flugferð

Mér var boðið í kvöldflug í gær - ekki hægt að neita slíku boði :)

Enda var meiriháttar að sóla í kringum Reykjavík og nágrenni í háloftunum. Tók myndavélina með en hversu týpískt er það að batterýið sé búið akkúrat þá. Reyndar skipti það ekki svo miklu máli því vélin tekur ekki skemmtilegar myndir af ljósashowinu í Reykjavík (eða ljósmyndarinn). Veit ekki enn alveg hvort ég hafi ekki fundið eða veit ekki um rétta fídusinn eða hvort hún geti bara ekki tekið slíkar myndir.

Spurning að kannski bara blikka pabba næst og fá myndavélina hans lánaða....hmm..... já býst alveg við því að verði einhvern tíman næst :)

En takk fyrir mig.



Vélin sem við flugum í


Séð úr háloftunum

Hallærislegt

Ég á tvo verkfærakassa, einn lítinn og annan stóran en þrátt fyrir það þá finn ég ekki tommustokkinn sem ég á :(

Það er hallærislegt!

###

Annars er það að frétta af móðunni að hún er horfin af stofuglugganum og er orðin eins og hún var þannig að ég get ýtt þeim vanda aðeins á undan mér :)

###

Gott að eiga kalkaða mömmu, fór fyrir nokkru að skipta peysu sem ég fékk í afmælisgjöf og fékk önnur föt í staðinn en vantaði aðeins upp á og mamma sagðist ætla að borga það í stað þess að gefa mér páskaegg. Jæja var svo að tala við kellu í gær þá sagði hún að ég yrði að nálgast páskaeggið mitt. Ég minnti hana á að hún hefði ekki ætlað að gefa mér en þar sem ég er nú barnið hennar þá fæ ég víst eitt alveg eins og bræður mínir :)

Skilað

Jæja var að skila ritgerðinni - hefst þá handi við næstu. Nenni reyndar ekki að byrja núna heldur bara þegar ég vakna í fyrramáli. Stefnan á að skila því á föstudaginn og hefst þá næsti kafli.... já getum talið svona áfram ;)

en er reyndar ekkert voða sátt við það sem ég var að senda frá mér.... :(

arg

Er í erfiðleikum með að skrifa eina ritgerð - eitthvað sem ég á svo að vera löngu búin með. Finnst efnið bara eitthvað svo leiðinlegt en bara sjálfri mér að kenna því ég valdi efnið sjálf. Það er líka of seint núna að skipta um að mér finnst.....

bleh.... er að mygla úr leiðindum... en þarf að klára....

klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára

ekki búin enn.....

Semsagt

Var að horfa á upptöku af mér síðan í janúar þar sem ég var í einu námskeiði þar sem við áttum að halda smá ræðu.

Var ekki eins slæmt og ég bjóst við :) en ég bjóst reyndar við mjög slæmu. Notaði orðið semsagt allt allt allt of mikið. Komst líka að því að ég tala líka smá með höndunum, hélt ég gerði ekkert slíkt.

###

Komin í paskafrí frá skólanum eða frá mætingu. jeii :)

Nágrannar

Cool - var að sjá í nágrönnum (þáttunum) atriðið sem var tekið upp í "ramsey" street þegar ég var þar :) og svo peti

###

Annars er ég með stórskemmtilegan hausverk - má ekki hreyfa mig og þá finn ég til. Þannig að er best þegar ég hreyfi mig ekki sem er ekki alveg nógu gott þar sem ég er að fara að vinna

Var líka svona hress í gærkvöldi að ég var sofnuð um níuleytið!

Dúllan hún systurdóttir mín er 2 ára í dag!

Tíminn þýtur alveg áfram, missti af fyrsta afmælinu hennar þar sem ég var ekki á landinu, núna kem ég of seint í afmælið þar sem ég verð upptekin í vinnu.

Til hamingju með afmælið Embla María mín :)

Móða

Veit einhver hvað rúða kostar og innsetning?

Held ég komist ekki lengur upp með að skipta um rúðu/gler í stofuglugganum. Móðan er komin um allan gluggann :( - var bara neðst til að byrja með þegar ég keypti.

###

Held ég sé haldin sjálfspíningarhvöt. Jamm skráði mig í fag sem eru svo ekki mín deild en kennari minn benti mér á þetta útfrá því sem mig langar til þess að skrifa um í mastersverkefninu mínu. Finnst það allra fyndnast ef ég skyldi síðan útskrifast úr viðkomandi deild.

###

Af enn öðru þá var mamma að hringja og tilkynna mér að ég hefði gefið henni bestu afmælisgjöf ever :) ekki slæmt hrós - og yrði erfitt fyrir mig að toppa næsta ár. Hún átti reyndar afmæli í október en er að "nota" gjöfina núna þar sem hún er á tónleikum með Cliff Richard.

Annríki

Það er sko óhætt að segja að það er engin lognmolla í náminu.

Ég er skráð í fimm fög núna og skilaverkefnin eru ansi mörg.

Námskeið 1 - þá eru 3 hópaverkefni og 3 einstaklingsverkefni og heimapróf
Námskeið 2 - þar eru 3 minni einstaklingsverkefni og eitt risastórt en ekkert lokapróf
Námskeið 3 - þar eru 3 einstaklingsverkefni og eitt "stórt" hópaverkefni sem gildir ekkert hátt og svo lokapróf
Námskeið 4 - þar hafa bara verið umræðuhópar í tíma og svo eitt skilaverkefni og svo próf
Námskeið 5 - þar hafa verið verkefnatímar og skilum við verkefnum af okkur þar og svo er lokapróf.

Svo reyndar er ég búin með eitt námskeið þar sem voru eitthvað um verkefni en aðallega var tímasóknin mikil svona á einu bretti.

Andlitið datt reyndar af okkur áðan þegar kennarinn okkar var að segja frá heimaprófinu að hún takmarkaði yfirleitt svörin við spurningu við 20 bls - svo hló hún bara og sagði að það væri 5 bls sem hún takmarkaði við eina spurningu og þá náttúrulega hljómaði 5 bls mjög vel miða við 20 bls :)

Verst við þetta allt saman að ég ætlaði að vinna í tveimur stóru ritgerðum um páskana en svo bættist eitt verkefni þar við.....

Ferðin

Ferðin var góð og svo gott að brjóta upp það munstur og komast út úr daglegu rútínu.

Í hnotskurn:
Vont veður, gott veður, bátsferð, hausverkur, fyrirlestur, hreindýr, æla, stormur, kárahnjúkar, Akureyri, þreyta.

Sáum alveg heilan helling af hreindýrum, marga hópa á leið frá Höfn í Hornafirði og til Akureyrar.


Fórum í bátsferð um höfnina á Höfn og aðeins út fyrir og já ég var ekki sjóveik :) - reyndar eftir þennan dag fékk ég þennan gífurlega vonda hausverk og var svo ælandi um nóttina :( - fékk sterkar verkjatöflur daginn eftir sem björguðu mér alveg.

Fórum á upplýsingamiðstöð landsvirkjunar, fórum í stöðvarhúsið þar sem vægast sagt var mjög vont loft inni, og fórum upp á Kárahnjúka. Verð að segja að ég fékk ekki nógu mikið út úr Kárahnjúkum - rétt sáum glimpsa í stífluna sjálfa og það fyrir mistök því við vorum næstum búin að keyra yfir hana. Keyrðum lengra en við áttum að gera.

Á Akureyri heimsóttum við auðlindadeildina sem er kennd við Háskóla Akureyrar. Var mjög fróðlegt að heyra hvernig námið er hjá þeim. Þeirra nám er mun tæknilegra heldur en hjá okkur þeirra er líka reyndar grunnstigið. Þannig að þau væru ábyggilega vel stödd ef þau færu svo í mastersnámið við HÍ.

Fórum í vísindaferð á Akureyri í bruggverksmiðjuna og borðuðum á greifanum. Eitthvað var úthaldið lítið hjá okkur nemunum og héldum ekki upp heiðri háskólanema með djammi. Því snemma var farið að sofa á föstudagskvöldi á Akureyri (fyrir utan 2 sem héldu uppi heiðrinum).

Héldum svo heim á leið á laugardagsmorgun og lentum í leiðindaveðri - horfðum á mynd á leiðinni og tókst sem betur fer að draga hugan minn frá akstrinum.

Annars er ég búin að setja inn myndir frá ferðinni

Hringferð

Hringferð lokið.

Góð ferð og skrifa meira seinna um hana en að spurningu dagsins!

Ég fór hringinn í kringum landið án þess að koma við á Egilsstöðum. Hvorki bíldekk né fætur stigu inn á Egilsstaði.

Hvernig tókst okkur það?

Getur þú svarað því.... kommentaðu :)

Afmælisbarnið

Ég óska mér til hamingju með afmælið!

:)

Framtíðarlandið

Endilega kynntu þér það sem framtíðarlandið hefur fram að færa og skrifaðu svo undir sáttmálann :)

http://framtidarlandid.is/

Hvet þig eindregið til þess að skrifa undir.


###

Fyrir um ári síðan þá hálfpartin lofaði ég mér að ég skyldi alltaf vera úti í útlöndum (ef ég gæti) á afmælisdeginum mínum. Jæja nú er að bráðum að fara renna upp sá dagur og það fyrsta sem ég geri er að svíkja þetta hálfpartna loforð mitt en samt ekki.

Í stað þess að fara til útlanda þá legg ég af stað í ferðalag á afmælisdaginn minn og fæ að hossa í rútu til Hafnar í Hornafirði og fer síðan bara hringinn. Verst er að á leiðinni er sennilegast bara einhver sjoppumatur.

Moral of the story - ef þú hafðir ætlað að heilsa upp á mig á afmælisdaginn þá verð ég ekki heima en ég tek við símtölum og sms-um :) á afmælisdaginn.

Peningar

Peningar eru eitt af öflum heimsins!

Peningar ráða alveg ótrúlega miklu og við stjórnumst mikið af þeim.

Mér finnst það hinsvegar alveg sorglegt ef við ætlum að láta umhverfið líða fyrir hversu mikið við látum peningana stjórna.

Það er nokkuð ljóst að peningar kaupa ekki hreint loft, ósnorta náttúru, ómengað umhverfi.

Ég veit það að mig langar ekki til þess að búa í menguðu landi og borg eins og Mexikó borg er í Mexíkó eða Shanghai í Kína.

Ég vil hafa hreint loft, hreint vatn og fallega og ósnorta náttúru og það er hreinlega ekki hægt að meta það til fjárs. Hef það á tilfinningunni að fólk muni ekki átta sig á hvað það hafði fyrr en það er farið en það er um að gera að fólk opni augun og átti sig á því sem það hefur núna áður en það er of seint.

Peningar kaupa ekki hamingjuna.

Peningar kaupa því síður hreint loft og ómengað.

Sumir hafa talað um það að það sé svo hagkvæmt á heimsvísu að hafa álver á Íslandi því það fer svo hrein orka í álverið. Ég mundi kannski kaupa þessi rök ef þessi sömu aðilar bæru líka virðingu fyrir því að varðveita ramsar sáttmálan um varðveislu votlendissvæða á Íslandi því þau eru mikilvæg á heimsvísu - því margir vilja bara gera út af við þau. Þannig að þetta eru einfaldlega hentileikaröksemd.

Peningar kaupa heldur ekki ímynd lands né orðspor.

jú jú peningar eru mikilvægir og nauðsynlegir í því þjóðfélagi og heimi sem við lifum í í dag.

En stoppum aðeins og hugsum - hvernig landi vil ég búa í, hvernig vil ég hafa hlutina í kringum mig. Hverju vil ég anda að mér?

Hvað vilt þú?

Fiskveiðar

Horfið á hádegisviðtal stöðvar 2 í dag (þriðjudag) þar sem framkvæmdarstjóri frá Bakkafirði var mættur.

Verð bara að segja það að þetta var svoldið skondið.

Hann var alltaf að tala um það að fræðimennirnir í háskólanum í Reykjavík væru bara í einhverjum fræðaheimi og ekkert í tengslum við raunveruleikann. Nefndi að vísindamenn vissu ekkert um fiskana í sjónum, ekkert frekar heldur en hann eða allir hinir.

Hann staglaðist aftur og aftur á fræðimönnunum sem vissu ekkert í sinn haus, jú get tekið undir það að oft á tíðum er sumt betra á pappír og virka ekki þegar er yfirfært yfir í raunveruleikann.

En svo nefndi hann að það væri búið að sanna það af vísindamönnum að fiskistofnar væru staðbundnir þ.e.a.s. að fiskurinn í Vestmannaeyjum væri ekki sami stofn og á norðausturlandi. Þarna tók hann orð vísindamanna sem hentuðu honum þegar ekki hentar honum að taka tillit til þess að þeir viti eitthvað um annars stærð stofna eða ætti að vera takmörkun á fiskveiðum.

Besta kerfið sem hann kom upp með í sambandi við fiskveiðar var það að einfaldlega að láta sjómenn vera í friði. Leyfa þeim að hafa sína hentisemi - verð bara að viðurkenna að ég sé ekki alveg hvernig það á að virka..... það bara hlýtur að þurfa vera einhver stjórn.

Eina skynsamlega sem mér fannst hann koma með var sú að skipta miðunum eftir landsvæði og mismunandi kvótar eftir svæðum.

jæja búin að rasa út smá.... eða þangað til næst

Marsmadness

Eignaðist frænda í dag :) - Til hamingju Dagný, Geir og Berglind Ósk.

Það er sko ekki annað hægt að segja en mars er brjálaður hvað varðar afmæli - taldi að það eru að minnsta kosti 15 manns bæði vinar og ættingar sem eiga afmæli í mars. Þrátt fyrir að hafa sagt Dagnýju að mars væri fullbókaður og hún gæti farið yfir í apríl þá lét litli kútur sér greinilega ekkert segjast.

En Aldís vinkona á líka afmæli í dag - til hamingju með daginn.

Stuð

Enn heldur stuðið áfram hjá mér.

Sit í tölvustofu niðri í skóla með ipodinn minn í eyrunum eða heyrnartólin úr ipodnum í eyrunum (svona ef einhvernum hefði langað að snúa út úr).

Er rólegt og gott hérna :)

Var ég búin að segja að ég elska ipodinn minn!

###

já alveg rétt annars er ég búin að segja upp vinnunni minni og sækja um aðra.

Góðar stundir

Fjör

Hörkustuð hjá mér.

Fagna því að ég var að skila verkefni :) og þá er bara að fara að vinna að næstu þremur. Einu sem á að skila í vikunni sem er að koma og tvö í þar næstu viku. Vona að ég sé ekki að gleyma neinu.

jæja en ég er farin að sofa svo ég geti vaknað einhvern tíman á morgun og byrjað á hinum verkefnunum.

hasta la vista

Afmælisgjöf

Mágur minn á afmæli í dag og ef mér reiknast rétt þá er það stórt afmæli.

25 ára kallinn - já 25 ára er stórt þegar þú hefur ekki náð hærri aldri (muhahah - er svo fyndin).

En afmælisgjöfin mín til hans verður sú að tilkynna það að hann Atli eigi afmæli og er langbesti mágur minn :)

Til hamingju með afmælið Atli og vonandi knúsaði fjölskyldan þín þig í morgun.

Pólítík

hmm.... hef nú ekki talið mig neitt sérstaklega pólitiska en....

Það er víst að koma nýtt framboð sem er með meginstefnu á umhverfismál. Er mikið að spá í hvort það taki þá ekki eitthvað fylgji frá Vinstri grænum sem eru með sterka umhverfisstefnu.... væri ekki nær að sameina kraftana sína.

Maður hefði kannski haldið það en svo er náttúrulega annað mál að nýji flokkurinn er víst meira í miðju og til hægri heldur en vinstri grænir.

Skiptir kannski oggulitlu máli!

En að öðru leyti fagna ég að þetta málefni sé að koma mun meira í umræðuna og skipta máli. Að vísu hefur alltaf verið talað um umhverfisnefn en ekki náttúruvernd!

Nei

Virðist vera ættgengur andskoti að geta ekki sagt nei. Pabbi er svona, föðursystir og systir.

Kemur sér ansi illa núna að hafa ekki getað sagt nei.

Annars er mér meiri vandi á höndum heldur en þetta nei en óhjákvæmilega tengist það þessu röfli því yfir mér vofir óhemju mörg verkefni.

nei nei nei nei nei

Kuldaskræfa

Svona eins og flestir sem þekkja mig vita að ég er algjör kuldaskræfa eða mér er alltaf kalt.

Í kuldanum núna sem er úti þá er ég klædd í ullarfötin mín, náttúrulega buxur og svo lopapeysu en þetta fékk mig til þess að hugsa að hvernig í ósköpunum ég yrði þá að vera klædd ef ég færi á fjöll?

Held ég sé bara best geymd í Ástralíu með öllum snákunum, hákörlunum og krókódílunum!

Vesen

Arrggg - ljósapera fór hjá mér um daginn og í dag ætlaði ég að skipta um peru. Sem ég og gerði.

Það virkar ekki - ekkert ljós kom :(

Hringdi í pabba

setti aðra peru í en ekkert ljós kom.

Þoli ekki svona vesen sem ég get ekki leyst sjálf, þannig að pabbi ætlar að vera svo góður að kíkja á þetta á næstunni.

Námslán

Lengi ætlað mér að skrifa um þetta fyrirbæri sem námslánin eru en ekki annað hægt að segja en þau eru ótrúleg.

Grunnframfærsla sem hægt er að fá hjá Lánasjóði íslenskra námsmanna ef maður er á leigumarkaði eða býr í eigin íbúð er 87.400

Ég er í eigin íbúð og það verður að segjast að ég get ekki lifað á þessum pening - ég mundi einungis eiga nokkra þúsundkalla eftir þegar greiðsluþjónustan er búin að taka sitt. Ég íhugaði að hætta með tryggingarnar en ákvað að slíkt ætti ég ekki að gera þar sem það mundi kosta mig meira EF eitthvað skyldi gerast fyrir íbúðina mína.

Ég sótti um námslán þegar ég byrjaði í náminu og er ekki að fá full námslán því ég var greinilega svona tekjuhá á seinasta ári (2006) þrátt fyrir að hafa aðeins unnið sex mánuði á því ári.

Það besta sem mér finnst hinsvegar í þessu er að ég er líka að borga niður námslánin sem ég tók í BS náminu. Þannig að ég er bæði að borga tilbaka ásamt því að ég fæ námslán í vor.

Jú jú það er hægt að sækja um niðurfellingu á að borga tilbaka námslánin ef maður byrjar á ný í námi EN þar sem ég var ekki í námi á haustönn þá er það ekki hægt. Verð nefnilega sýna fram á námsárangur á haustönn og það að ég sé í námi til þess að hægt sé að fella niður borgun á þessu ári.

Sorry en mér finnst þetta alveg bara ótrúlega bjánalegt - gerir manni alveg óherfilega erfitt fyrir að byrja á ný í námi og vera í námi.

Þetta er því alveg ótrúlegt fyrirbæri þessi námslán.

Elda

Ég er farin að elda mun meira heldur en ég gerði áður fyrr sem er bara jákvætt og gott. En ég er farin að sjá einn stóran mínus við þessa eldamennsku dag eftir dag.

#&#% uppvaskið.

Keisari

Já já - ég er barasta búin að horfa á fæðingu litla frænda míns - eða þegar hann var tekin með keisara og ég gat horft á það.

Alveg hreint ótrúlegt.

###

Vakti lengi frameftir nóttu í nótt - komst að því að fréttablaðið kemur til mín klukkan 3.00 og gat því flett fréttablaðinu áður en ég fór að sofa.

Já já

Tæknin

Tæknin er undur og dásamleg oft á tíðum.

Er búin að sjá myndir af litla frænda mínum sem fæddis í Guatemala fyrir rúmum sólarhring síðan :). Einnig að tala við pabbann á msn sem er í þessum skrifuðum orðum að setja myndir á síðu barnsins.

Hlakka til að sjá fleiri myndir

update:
Litli frændinn er komin með heimasíðu og nafn. Búin að linka á hann Hallbjörn Victor og sjá fleiri myndir. Bíð nú eftir að videó komi inn af fæðingunni - þ.e.a.s. ef ég þori að horfa á hana ;)

Ýmislegt

Rupali mín á afmæli í dag - er 12 ára gömul snót.

Eignaðist víst frænda í gær út í Guatemala, Pétur frændi minn fékk víst ekki að vera viðstaddur fæðinguna. En til hamingju Pétur og Karina :) með nýja fjölskyldumeðlimin.

Fékk blóm :)

Blóm

Mig langar í blóm.

Ekki pottablóm heldur afskorin blóm.

Þau ykkar sem hafa hugsað mér að gefa mér blóm þá kem ég ekki heim fyrr en seint á morgun.

Blöskrar

Ég viðurkenni það að ég versla ekki við ódýrustu matvöruverslun borgarinnar svona að jafnaði - fer í búðina sem er mér næst.

En mér blöskrar verð á tannþráð.

499 krónur.

halló hvað er það?

Heimakær

Úff ég er orðin alltof heimakær - svona þegar ég læsi mig ekki úti ;)

Mér bauðst að fara á tvo staði í kvöld og var ég búin að ákvaða að fara á annan staðinn og orðin ágætlega spennt. Ég hinsvegar beilaði á báðum :(

Er líka að týna röddinni þannig að ágæt að taka því rólega í kvöld.

###

Farin að koma mér sífellt á óvart - í Perlunni var 4ja rétta máltíð og ég borðaði allt, var sjávarréttasúpa sem ég borðaði en reyndar skildi ég eftir fiskibitana en smakkað nokkra þeirra. Síðan var eitthvað paté sem ég smakkaði líka.

Veit ekki hvað er að gerast með mig hérna....

Er að spá í hvort ég hafi skilið eitthvað eftir af mér í ferðalaginu eða er þetta bara aldurinn!

Perlan

Jæja búin að skella sér í Perluna að borða.

Mæli þó með að fólk komi í hlýjum fötum - og það var ekki einungis mér sem var kalt.

Fyndnasta atvikið þegar ein skellti sér undir blásarann á klósettinu til þess að hlýja sér.

En já maturinn var alveg góður líka og stór plús að þurfa ekki að borga fyrir hann heldur.

Söknuður

Ég er uppfull af söknuði núna!

Geri voða lítið annað en hugsa tilbaka, hugsa þegar ég var nákvæmlega að láta draum rætast.

Já mig langar tilbaka til Ástralíu og Nýja Sjálands.

Þægindin við að geta hoppað bara í létt föt og thongs (bandaskó). Ok var reyndar ekki mikið í thongs í Nýja Sjálandi.

Þægindin við að gera nákvæmlega það sem mér datt í hug þann daginn :)

Gleðin við að sjá og upplifa eitthvað nýtt.

Sjá fegurðina í umhverfinu.

Já ég skal fara aftur!

Merkilegt

Ég ætlaði mér nú ekkert að fjalla um Önnu Nicole Smith en stóðst ekki mátið þar sem ég var að lesa á mbl.is að það væri þriðji maðurinn kominn fram sem segist vera faðir dóttur hennar.

Hún var því bara nokkuð heppin.

Í mörgum tilfellum keppast nefnilega menn að því að neita að vera barnsfaðirinn sbr. Eddy Murphy og eitt spice kryddið. En þarna hafði Ann Nicole Smith tvo og svo var sá þriðji að bætast við.

Sveitaferð

Skellti mér í "sveitina" á mánudagskvöldið. Svei mér þá en ég held að ég sé að eldast, komum nefnilega heldur seint úr "sveitinni" og held að ég sé enn að líða fyrir það að hafa farið seint að sofa á mánudaginn.

###

Annars þarf ég mjög á hagfræðingi að halda - svona að minnsta kosti fram á vorið!

Athugun

Eftir mjög svo óvísindalega athugun hef ég komist að niðurstöðu.

Þegar kalt er í veðri þá eru mjög margir sem koma í strætó með húfu. Líka spurning hvort húfu notkun landsmanna hafi ekki aukist.

Í nærri fullum strætó um daginn voru 13 manns sem ég gat talið í fljótheitum með heyrnartól í eyrum - í flestum tilvikum að ég held ipod.

Tónlistarhlustun landsmanna hefur aukist til muna eftir tilkomu ipod.

Deiliskipulag

Rakst á þetta skemmtilega deiliskipulag á vefnum bakkafjordur.is og fékk hana "lánaða" þaðan til þess að sýna á blogginum mínu :)

Félagslíf

Félagslífið er farið að líða fyrir vegna vinnunar!

Ekki það að félagslífið hafi verið eitthvað mikið blómstrandi hahahaha

En annað skiptið í röð sem ég hef ekki komist að hitta samnemendur mína útaf vinnunni sem mér þykir mjög miður. Væri alveg til í að prófa hitta þau svona utan skóla.

En vonandi verður það næst - það er að segja ef þau fara ekki að hætta að láta mig vita hvar og hvenær þau hittast því ég mæti aldrei ;)

Bíó

Einhverja hluta vegna fer ég orðið sárasjaldan í bíó.

Það er ekki alveg nógu gott þar sem mér þykir mjög gaman í bíó - reyndar kosturinn við það að fara sjaldan núna er sá að þetta er svo rosalega dýrt.

Fór áðan í bíó, sá Little children - góð mynd og öðruvísi.

Merkilegt finnst mér samt hvað það er rosalega oft að barnaníðingar í bíómyndum sé sýnd sem sama stereotýpan og alltaf er hann frekar ófríður maður.

Veit reyndar um undantekningu á þessu í myndinni The Woodsman þar sem Kevin Bacon leikur barnaníðinginn.

###

Sá framlenginguna á leiknum milli Íslendinga og Dana. Svoldið sárt tap en mikið rosalega fann ég eitthvað til með greyið leikmanninum sem tekið var viðtal við eftir leikinn. Svei mér þá ef hann var ekki við það að bresta í grát.

Sjónvarp

Langar að hafa aðgang að rúv plús og skjár1 plús - aðalega samt á mánudagskvöldum :)

Hef ekki úthald né er það sniðugt að fara vaka frameftir á öðrum dögum til þess að ná einhverjum sjónvarpsþáttum. Er líka bara gott að ljúka þessu af á einu kvöldi.

En annars er batnandi manni best að lifa - er búin að vera ágætlega afkastamikil dagur þótt hann hafi nú farið aðeins öðruvísi en ég áætlaði og ekki alveg nógu afkastamikil eins og ég vildi en hey ég verð nú aðeins að gefa sjálfri mér kredit hérna :)

Á flug

Lent.

Búin að fara í fyrsta flug ársins - skrapp til Sauðárkróks og tilbaka í gær.

###

Seinasti dagurinn í dag af 2 vikna geðveikinni - hlakka mikið til þegar dagurinn í dag er búin.

###

Fór upp á Barnaspítala Hringsins í gær - litli kúturinn minn með súrefnisslöngu í nefið sitt. Æ þau eru svo lítil fyrir en verða enn minni þegar þau liggja og geta ekkert gert litlu greyin. En hann kemst vonandi heim í dag.

Nesti

Ég er búin að vera dugleg og taka með mér nesti.

Er hinsvegar búin að komast að ókostum þess að taka með sér nesti þegar maður er ekki á einum stað. Fyrir utan það hvað getur stundum verið leiðinlegt að borða nestið - sennilegast þó vegna ófrumlegaheita þá er stærsti ókosturinn sá að maður þarf að burðast með þetta með sér. Er þar af leiðandi með aukapoka með mér þar sem nestisboxið mitt er í. Þetta væri svo sem í lagi ef maður færi bara á vinnustaðinn kæmi inn og gæti sett í ísskáp þar til maður borðar nestið sitt. En þar sem það er ekki að gerast og mjög oft á þvælingi milli bygginga þá fylgjir alltaf þessi aukapoki með nestinu með mér.

En jákvæðu hliðarnar að þetta sparar pening!

###

Þurfti í fyrradag að halda smá fyrirlestur sem er í sjálfu sér ekkert merkilegt en í restina hjá mér þá sá ég einhvern aftast alveg skælbrosandi og nokkur önnur sem voru svolitið kímin. Þetta setti mig algjörlega úr sambandi - ég hætti alveg að hugsa um það sem ég sagði og fór að pæla í því hvort ég hefði gert eitthvað eða hvort væri eitthvað bara svona fyndið við mig. Sem mér fannst að sjálfsögðu ekki.

Í gær komst ég svo að því hvað hefði verið svona fyndið - en það var garnagaul í einum þarna aftast sem vakti þessa kátínu hjá samnemendum mínum. Fékk því staðfest að maður ætti bara ekkert að líta upp og horfa yfir hópinn þrátt fyrir að leiðbeinandinn segir annað ;)

###

Hlakkar alveg gífurlega til í næstu viku.
Það mun nefnilega falla niður um meira en 50% það sem ég þarf að mæta þannig að loksins getur maður kannski komist í að læra. En eru um 2 vikur sem þarf að vinna um.

Verkefni

Jæja búin að skila fyrsta verkefninu í mastersnáminu mínu.

Það versta við það að mér finnst það ekki nógu gott :( oh well en ég verð víst að lifa við það og gera betur næst. En mikið rosalega hlakkar mig til þegar næsta vika er búin.

Þá getur maður kannski farið að lesa eitthvað og gert eitthvað af viti en þá er maður bara komin 2 vikur eftir á.

En að jákvæðari nótunum þá fékk ég góðar fréttir í dag og samgleðst þeim sem eiga hlut í máli :)

Múr í Kína

Það er liðið ár síðan ég ældi á Kínamúrinn!

ÁR!

Ég óska mér til hamingju með ársafmælið.

Óneitanlega er mér mikið hugsað til þess hvað ég var að gera á sama tíma fyrir ári síðan. Hugurinn leitar sífellt tilbaka og líka hvenær ég fari næst - takið eftir ekki hvort heldur hvenær :)

Í dag er ég hinsvegar að vinna í verkefni sem skila á í fyrramáli.

Breyttir tímar!

###

Er enn að pæla í þessu útliti mínu á þessum blogger - finnst hann ekki nógu mikið ég - hvað svo sem ég er. Kannski það venjist bara alveg eins og hitt útlitið gerði.

Rúm

Í heilt ár þá hef ég sofið í rúmi sem er 90 cm.

Er komin með eiginlega nóg af því, var alveg mjög fínt þegar ég var á ferðalaginu en þegar ég er komin heim til mín þá langar mig í stærra rúm.

En það verður víst aðeins að bíða, sennilegast fram á sumarið.

Held ég geti heldur ekki kennt "rúminu" sem ég er með núna um þreyttuna. Það er eitthvað allt annað.

Arizona dream

Vá það eru að verða 15 ár síðan ég sá þessa mynd fyrst. Féll fyrir tónlistinni í myndinni þá enda á ég geisladisk með tónlist úr myndinni og er sá diskur enn í uppáhaldi.

Myndin er alveg jafn furðuleg og þegar ég sá hana fyrst.

Johnny Depp er líka alltaf æðislegur alveg eins og þegar ég sá hann fyrst!

:)

Jæja

Búin að breyta aftur um útlit (hitt var grátt og öðruvísi).

Hvað segið þið um þetta? - vil samt breyta meira í þessu en geymi það til síðari tíma.

Það er víst hringt reglulega í mig til þess að fylgjast með mér ;)

Álit

Jæja nú þarf ég á álit ykkar að halda!

Hvernig finnst ykkur þetta útlit eða kannski skipta um lit? Eða finnst ykkur að ég ætti að hafa svipað útlit og ég gerði á prufunni http://www.prufa3.blogspot.com/

Jæja - gerið allt brjálað í komment kerfinu

Yfirsitjari

Er svona rosa góður yfirsitjari að ég er bara í tölvunni að breyta útlitinu á blogginu mínu :)

Plataði pabba um passwordið í því skyni að ég þyrfti að tjekka á tölvupóstinum mínum!

Nýtt útlit

Jæja er að reyna koma nýju útliti í gegn.

Hvernig líst ykkur á?

hahaha getið ekki sagt mér það því mér tekst ekki að koma komment kerfinu inn en hluta af því að komment kerfið sem ég notaði er eitthvað stórbreytt.

oh well.... langar samt að vita hvað ykkur finnst!

Lifandi

Ég lifði af fyrstu vikuna :) sem er í sjálfu sér ekki mikið afrek því það á bara eftir að verða mikið meira að gera.

Næstu 2 vikur verða bara rugl

Valkvíði

já já - ég talaði hérna um að væri við hæfi að byrja á einhverju nýju á nýju ári og svona.

Hinsvegar þarf ég að breyta um útlitið hérna á bloggernum og er ekki mjög hrifin af því. Aðallega vegna þess að mér finnst útlitin sem þeir bjóða í templatinu ekki eitthvað sem ég er hrifin af. Ekki það að útlitið sem ég er með sé eitthvað rosalega flott en þá er þetta svo búið að festa sig í sessi hjá mér.

Ég þarf að breyta um útlitið svo ég fái t.d. gömlu færslurnar mínar inn aftur.....

oh....ætli ég breyti ekki um á næstu dögum!

sennilegast.........

Ár

Það er nánast bara ógnvekjandi hvað tíminn líður hratt.

Í dag er ár síðan ég hélt á vit ævintýrana, fyrir ári síðan var ég á farfuglaheimili í London og átti flug daginn eftir til Kína.

Það er eitthvað frábært við það að hefja eitthvað og prófa eitthvað nýtt þegar nýtt ár byrjar :) verst að geta ekki gert þetta á hverju ári að fara í nokkra mánaða ferðalag. En ef ég mundi gera það á hverju ári þá væri ég varla að gera eitthvað nýtt á hverju ári - jú nema kannski fara til nýrra landa.

Það er því við hæfi að byrja árið á nýjum verkefnum :)

Hef reyndar líka verið að hugsa um að hvernig er hægt að toppa árið 2006 hjá mér því allt gekk upp sem ég ætlaði mér það árið - minnsta kosti planið sem ég var með þar til í september. En er ekki heldur með neinn kvíðhuga fyrir þessu ári. Verður bara öðruvísi - allt allt öðruvísi.

Breytingar

Allt frá því að ég kom heim úr ferðalaginu mínu í vor hef ég verið að pæla í því hvort þetta hafi breytt mér eitthvað. Hvort eitthvað væri öðruvísi við mig áður en ég fór.

Eftir miklar pælingar þá hef ég komist að þeirri niðurstöðu að ferðalagið hafi breytt mér mikið, hinsvegar er ég nokkuð viss um að fólkið í kringum mig hafi ekki orðið neitt áþreifanlega vör við breytingar , tja ekki nema þessi kg sem bættust á :( .

Eftir að hafa komist að þessari niðurstöðu um að ég hafi breyst þá fór ég nú að pæla í því hvað hafði breyst við mig og fannst erfitt að finna eitthvað sérstakt til þess að benda á því mér fannst ég ekki geta bent á neitt - var meiri tilfinning heldur en annað.

Fyrir ekki svo löngu síðan datt ég niður á lausnina og fann réttu setninguna sem mér finnst lýsa þessu öllu og gerir svo mikið. Sú breyting sem hefur mest verið hjá mér er sú:

Ég hef trú á sjálfri mér.

Jólasveininn

Jólasveininn frá Finnlandi kom í heimsókn til mín í dag.

En þar sem ég var ekki heima þá skildi hann eftir miða til mín og miðinn benti mér á stað sem ég ætti að athuga í fyrramáli ef ég færi snemma að sofa.

Forvitnin rak mig áfram og ég kíkti en ég er það stabil að ég mun ekki opna það sem hann færði mér fyrr en í fyrramáli.

Greinilega mikið að gera hjá jólasveininum þar sem hann kom með þetta svona fyrirfram til mín og hefur ákveðið að treysta mér til þess að fara snemma að sofa.

Held ég verði alveg traustsins verð þar sem ég er drulluþreytt!

Það hefst

Allt hefst þetta nú fyrir rest.

Búið að kaupa allar jólagjafir og pakka þeim inn.

Meira segja búið að keyra og afhenda nokkrar, í raun bara einn staður fyrir utan staðurinn sem ég verð á jólunum.

Skrifa og senda jólakortin.

Eftir að þrífa, fara í Bónus og jafnvel setja upp jólaskraut. Er enn að melta það með mér hvort ég eigi að fara í þrifin núna eða geyma það þangað til annað kvöld nú eða þorláksmessukvöld.

Var meira segja svo dugleg að senda útlendum vinum mínum rafrænt kort.

Orðlaus

Mar getur ekki sagt annað en bara jáhá yfir því sem er að gerast á landinu.

Hressandi

Ekkert er jafn hressandi og 16 klukkustunda vinnutörn.

Sérstaklega þegar koma 9 tímar sem maður átti bara alls ekki von á.

Hressandi

Bakað

Enn held ég áfram að koma sjálfri mér á óvart.

Í dag bakaði ég nefnilega smákökur - ætar í þokkabót.

Er síðan að hugsa um hvort ég eigi að baka smákökur fyrir mig hérna heima!

Hvar er Linda!

###

Fór á James Bond - er alveg sátt við myndina og nýja bondarann.

Hann er sætur á köflum og hina stundina ekki!

Sætur að það sést ekki ;)

###

Ég er farin að ná því að Ástralía sé hinumegin á hnettinum.

Svo langt er það í burtu að enginn hefur heyrt minnst á ástralska höfundinn Judy Nunn :( Síðasta vonin mín um að bækurnar væru kannski til í London var að renna út í sandinn.

Þá er bara að gera aðra tilraun með amazon og vonast til að séu til þar.

Jólastúss

Er enn að velta fyrir mér hvort ég eigi að setja upp jólaskraut eða ekki. Finnst það eitthvað svo óþarfa fyrirhöfn því ég verð iðulega brjáluð á þessu og hlakka til að koma því óní kassa þegar þetta allt er yfirstaðið.

Eina ástæðan sem ég er að hugsa um að setja upp seríu er að vera ekki eina liðleskjan í húsinu. Meira segja gamla konan við hliðina er búin að setja upp seríur.

Lítil heimur

Þetta er alveg með einsdæmum lítil heimur stundum. Hef verið að lesa blogg hjá kunningja vina minna. Um daginn rakst ég þar á komment hjá þessum kunningja þeirra og var þar á ferð prestur sem ég var í fermingarfræðslunni hjá. Þessi prestur var líka með blogg en hann og kona hans kenndu mér líka á sínum tíma.

Já þessi heimur er skemmtilega lítil stundum.

###

Ef það eru einhverjir sem vilja fá sendan tölvupóst þegar ný færsla birtist hjá mér á bloggernum geta látið mig vita. Annað hvort í komment (með netfanginu) eða sent mér tölvupóst. Var nefnilega að uppgötva um daginn að þetta virkar :)

Tilkynning

Mér er sú ánægja að tilkynna það að pönnukökunum mínum var gerð bestu skil í dag.

Minnsta kosti enginn sem hrækti þeim út úr sér og sumir fengu sér tvisvar ef ekki oftar.

Ég veit nú samt ekki hvort kúnstin í að gera hinsvegar fallegar og þunnar pönnukökur komi einhverntíman hjá mér.

Stormur

Stormur úti við.

Ég er inni í hlýjunni - eitthvað voða notalegt að vera hérna inni og heyra í rokinu úti við. Fer annað slagið úti í glugga og fylgjast með trjánum í kring.

Útsýnið kannski ekki með mesta móti héðan úr íbúðinni minni :)

Það sem vantar áþreifanlega mest er góð bók og eitthvað að narta í.

Hef verið á leiðinni í bókasafnið í meira en viku en framtaksemin greinilega að gera útaf við mig.

###

Búin að skipta yfir í blogger beta - get ekki republishað, vonandi bara eitthvað tímabundið því ég get heldur ekki haft gömlu færslurnar. Ég hreinlega bara dey ef ég kemst ekki í færslunar frá því í ferðalaginu mínu.

Er ekkert komin í jólaskap og held ég sé hreinlega ekkert á leiðinni í neitt jólaskap þess heldur. Þess fyrir utan þá held ég segi þetta á hverju ári.

Finnst reyndar mjög stutt síðan seinustu jól voru og skil bara ekkert í því hvert árið hefur farið. Ekkert smá fljótt búið að líða.

Í dag

Í dag komst ég að því að það er mikil galdur í því að gera pönnukökur.

Sérstaklega ef þú vilt hafa þær fínar.

Því náði ég hinsvegar ekki.

###

Í dag hefði Ágúst frændi líka átt afmæli!

Græða

Er alltaf að græða!

Núna er stöð 2 órugluð. Verð að horfa

Hlýt að vera græða fullt af pening á því :)

Plötuð

Held ég hafi verið plötuð upp úr skónum í dag!

Var í allan dag að þrífa hjá systur minni.

Til þess að gabba mig nú enn meira og gera þetta meira raunverulegra þá gefa þau börnunum eitthvað ullabjakk þar sem þau verða öll rauð eins og vampírur og gleypa sjálf síðan inn einhverjar töflur.

Já mikið lagt á sig til þess að plata systurina (mig) í jólahreingerningarnar.

:)

###

Annars verð ég bara að segja hvað ég á sæta systurdóttur. Mamma hennar gaf henni ís í dag (mátti kannski ekki segja það ;)) en allavega vildi Embla fá tvo - og annar þeirra var til þess að gefa mér.

oh svo sætt!

Krans

Fyrsta skipti sem ég eignast krans - mamma bjó hann til handa mér.

Er samt í smá vandræðum núna - á hvaða kerti kveiki ég fyrst?

Sjónvarp

Sjónvarpstækið mitt er á móti þáttinum So you think you can dance.

Hvernig veit ég það gæti svo sem einhver spurt sig!

Jú því þegar ég horfi á þennan þátt þá slökkvir sjónvarpið á sér aftur og aftur. Hefði svo sem getað einangrað við það að sjónvarpið væri kannski með mánudagsveikina en nei þar sem ég var að horfa á þennan þátt í gær þá byrjaði sjónvarpið að slökkva á sér.

Það fyndna er að þegar þátturinn var búin og ég fór að horfa á the family man þá var það til friðs.

Hvers vegna sjónvarpstækið hefur eitthvað á móti þáttunum so you think you can dance hef ég ekki hugmynd um.

Kærasta

Í kvöld var mér tjáð af litla bróður mínum að hann ætti kærustu!

Það er svo sem ekkert sem ætti að koma á óvart....

nema hann er 5 ára og hún 4 ára.

Hann kann líka að leggja saman og var bara nokkuð góður í því.

Hann tjáði mér líka að hann vissi hvað stelpur væri með margar kinnar.

Ég var hissa og spurði hvort strákar og stelpur væru ekki með jafnmargar kinnar!

Neibbs sagði hann og benti mér á staðina þar sem stelpur væri með kinnar.

Hann benti á kinnarnar í andlitinu, rasskinnarnar en ég hef bara aldrei heyrt að píkan væri kallaðar kinnar áður og er enn að velta því fyrir mér hvort þetta sé komið frá einhverjum krökkum í leikskólanum eða frá eldri bræðrum hans.

Eða hafið þið kannski heyrt það áður - stelpur með tveimur fleiri kinnar heldur en strákar?

Ógeðisdrykkur

Í dag tókst mér að búa til ógeðsidrykk!

Það var ekki ætlunin :(

Snjór

Fékk tilfinninguna á að ég væri lítil krakki þegar ég vaknaði í morgun. Svo mikil snjór úti og varð svo hissa :)

Ég náttúrulega sé bara í garðinn minn og innkeyrsluna. Snjórinn nær mér að minnsta kosti upp í kálfa. Farin að efast um að ég geti skilað bílnum sem ég er á því veit ekki hvort ég komist út úr innkeyrslunni........

snjór snjór snjór

Kalt

Hugurinn leitar óheyrilega mikið til Ástralíu í svona veðri.

###

Mér finnst ég sé sólbrennd á fótunum en þetta gerir kuldinn. Búin að vera líka óvenjumikið úti í þessum kulda og það án föðurlandsins!

Snú

Ákvað að taka tvö spor til hægri, eitt til vinstri og snúa mér í hring!

Svartsýni

Datt niður í eitthvað ægilegt svarsýniskast í morgun.

Aðalástæðuna að ég varð svona svartsýn er sú að ég svaf ekki vel í nótt, fannst ég reyndar ekkert hafa sofið en það getur varla verið. Því þá væri ég mun þreyttari ;)

En í morgun fannst mér ekkert gæti gengið upp sem ég ætla mér að gera og vissi ekki hvort ég ætti að stíga í hægri, vinstri fót eða snúa mér í hring.

Það örlar enn á því að ég hef ekki hugmynd um hvernig ég eigi að snúa mér í mínum málum.

oh well - það er kannski bara að fara að sofa og mér dettur einhver snilldarlausn í hug.

Vantar

Vantar sárlega góða bók til þess að lesa.

Bók sem ég get ekki lagt frá mér.

Mig langar að lesa bækurnar hennar Judy Nunn, spurning um að skella sér bara til Ástralíu og ná sér í nokkur stykki :)

oh I wish!

Þjóðarsálin

Jæja - ég get ekki orða bundist.

Fór á Þjóðarsálina í kvöld, var jafnvel betri heldur en þegar ég fór á forsýninguna. Fannst ég ná hlutunum betur en hefur kannski hjálpað líka til að ég var búin að tala við einn leikarann um verkið. Sá að var búið að gera nokkrar breytingar. Var reyndar ekki alveg sátt við að minnsta kosti eina.

Var samt ekki alveg tilbúin að fara heim eftir sýningu - dró nefnilega sem flesta úr stórfjölskyldunni með mér og hefði verið alveg til í að setjast niður og ræða sýninguna :)

Fyrsta atriðið eftir hlé gaf mér jafn mikla gæsahúð og þegar ég sá það í fyrsta skipti.

Hvað er að?

halló halló halló

Stöldrum aðeins við, hvaða rugl er þetta að ætla að fara að hafa grænan kallinn að grænni konu.

Hverju skiptir þetta!

Hefur aldrei böggað mig og þess fyrir utan hvernig á að hafa konuna í pilsi/kjól hvaða staðalkjaftaðaímynd er það?

Vitið þið ekki að konur eru líka menn!

Elda

Held það sé mér ofviða að elda tvö kvöld í röð.

Þar sem ég eldaði kvöldmat í gær þá er ég ekki að nenna því núna.

Hvað á maður þá að borða?

Brak í beinum

Hljóð sem mér finnst virkilega óþolandi er brak í beinum!

Ég er stranglega búin að banna bræðrum mínum að gera þetta þegar ég er nálægt. Þeir virðast þó gleyma því ansi oft :(

En hvað gerir maður þegar maður er staddur á fundi eða námskeiði og einhver gerir þetta. Ekki er hægt að banna þeim þetta? Ég get sjaldnast stokkið fram til þess að flýja hljóðið?

Hvað getur maður gert?

###

Jæja búin að taka persónuleikaprófið og þá er bara að bíða og bíða

Hvalveiðar

Jamm Kárahnjúkavirkjun búin að falla í skuggann af hvalveiðum!

Ég er ekki á móti hvalveiðum og skil svo sem vel að margir hverjir vilja fara að veiða hval og ekki láta aðra stjórna hvort við veiðum hval eða ekki.

En hægan hægan - stöldrum aðeins við og skoðum aðeins málið.

Í ljósi þess að ferðaþjónustan er önnur stærsta atvinnugrein Íslendinga og margir koma hingað til þess að fara í hvalaskoðun þarf þá ekki aðeins að hugsa um það. Hvalaskoðunarfyrirtækin eru að fá alveg rosalega marga til sín á hverju ári, þannig að það er alltaf möguleikinn fyrir hendi að þau missi eitthvað af túristunum.

Plúsinn við þetta er að hvalaveiðirnar eru núna er að hvalaskoðunarferðir enda yfirleitt í október og byrja ekki aftur fyrr en í apríl.

Hitt aftur á móti sem mér finnst líka mjög slæmt og hafði ekki hugsað út í áður er það að Ísland er að sjálfsögðu hluti af alþjóðasamfélaginu og sem hluti af því hefur það að sjálfsögðu ábyrgð að vera á sömu síðu. Ef einhverjir ætla að hallmæla því þá getum við bent á til dæmis Norður-Kóreu. Þeir eru að hafna tilmælum alþjóðasamfélagsins að losa sig við kjarnorkuna, má hugsanlega líka segja um Írak.

Ísland er að fara í sama flokk að hundsa aðrar þjóðir og gera eins og okkur hentar bara. Hvernig lítum við þá út ef kemur að öðrum málum sem geta jafnvel ógnað öryggi - jafnvel þótt sé kannski langsótt en þá geta aðrar þjóðir litið þannig á málið.

Svo það þriðja er að langreyðan er á alþjóðlegum lista yfir dýr sem eru í útrýmingarhættu - það þarf bara að taka tillit til þess.

Ekki alveg láta stoltið stjórna sér!

Til hamingju með afmælið pabbi!

Leigjandinn

Það var greinilega ekki svo slæm hugmynd að leigja íbúðina mína út :) - ég er allavega ríkari fyrir vikið.

Já pönnunum fjölgaði inn í skáp hjá mér ásamt nokkrum áhöldum í skúffurnar. Einnig eignaðist ég ljós ásamt mottu. Svo var líka skilið eftir freyðivín inn í ísskáp svo ég gæti skálað við vini míni fyrir heimkomu minni.

Það er munur að hafa svona leigjanda og skilaði íbúðinni minni líka svona fínni.

*Ég lét leigjandan minn vita af hlutunum sem hún skildi eftir en sagði að ef ég vildi þá ekki þá skyldi ég bara fleygja þeim.

###

Ekki hélst ég lengi netlaus - hélt út í um viku áður en ég hringdi og pantaði netið. Gjörsamlega háð greinilega. Líka voðalega óþægilegt að vera netlaus heima hjá sér og fara heim til mömmu á netið eða "snikja" hjá öðrum að fara á netið hjá þeim.

###

Þrjóska

Spurning hvort stúlkan eða sjónvarpstækið sé þrjóskari!

Um daginn þá var sjónvarpið svo skemmtilegt að slökkva alltaf á sér á stuttu millibili en þar sem stúlkan var að horfa á eitthvað mjög svo skemmtilegt þá gafst hún ekki upp og fór bara að sofa eins og margir hefðu gert.

Nei hún reyndi að tala sjónvarpið til og þrjóskaðist við að kveikja á því aftur og aftur og aftur og aftur og aftur og aftur...... eða þar til tókst að klára að horfa á það sem í sjónvarpinu var.

Að fara í þrjóskukeppni við sjónvarpstæki sem að sjálfsögðu hefur engan vilja er bara rugl og spurning hvenær stúlkukindin verður lögð inn ;)

Hjól

By the way - á einhver hjól sem hann/hún/það getur lánað mér í smá tíma?

Ég er svo mikil auli að það nær engri átt. Er komin með þvottavélina mína og í gær ætlaði ég svo sannarlega að fara að þvo. Setti inn í þvottavélina og stillti hana og kveikti á henni.

En ekkert gerðist :( - fór þá að vesenast í krananum til þess að athuga hvort það væri rennsli í honum. Eftir dálitlan tíma gafst ég upp. Fór til mömmu með þvottinn minn og þvoði. Í dag var önnur tilraun, setti í þvottavélina en ekkert gerðist. Hringdi því í pabba og hann spurði eitthvað um þvottavélina.

Í stuttu máli sagt - pabbi kom með verkfærasettið sitt til þess eins að komast að því að slangan í þvottavélina var snúin. Hann lagaði slönguna og vélin af stað.

Hversu mikið aulaháttur getur þetta verið á mér?

Þannig að það er komin hlutur á jólagjafalista. Verkfæratösku og ekki væri verra að fá einhver verkfæri og smá vit með til þess að aulaháttur fari.

Systursonur

Það svona merkilegast sem er búið að gerast er að ég er búin að eignast systurson :) - systir mín skellti sér upp á spítala á þriðjudaginn og bara kom honum í heiminn svona einn, tveir og þrír.


Merkilegt hvað allt þarf líka að gerast í einu - þegar ég loksins er eitthvað að gera hjá mér þá bara hleðst allt upp.

###

Heima er best!
Ég er flutt heim og þvílík ánægð og mikið rosalega er það gott. Þegar ég fékk íbúðina mína fyrir viku síðan lá við að ég valhoppaði alla leið :) - hefði aldrei getað trúað því hvað var gott að koma heim. Er búin að prófa Grafarvoginn, smáíbúðarhverfið, Breiðholtið og Hafnarfjörðinn og mitt hverfi er bara best.

Annars held ég að ég kunni ekki lengur á Reykjavík :( - hef núna gengið nokkrum sinnum í og úr vinnu og ég er barasta ekki að fatta gönguljósin.

Myrkur og ljós

Fór í gærkveldi upp í Grafarholtið með Guðmundu til að fylgjast með myrkvuninni. Þvílíkur fjöldi fólks sem var samankomin þar til þess að fylgjast með og þvílík umferð. En þetta voru vonbrigði :( - var flott að sjá þegar var slökkt á hverfunum en það var alltof mikil lýsing og ekki það mikil munur. Meira segja sáum alveg þónokkuð mikið af ljósum á Akranesi líka.

Oh well vonandi að gangi bara betur næst :)

###

Mikið var nú gott að sofa í mínu "rúmi" í nótt.

Það virðist allt við það að fara að falla í fastar skorður hér, er við það að fá íbúðina mína (held ég), byrja að vinna og fara í daglega rútinu.

Er með plön - ef það dettur upp fyrir þá er það annað plan. Nú ef það tekst síðan ekki þá er bara að finna upp á nýjum plönum.

###

Árið 2005 var algjör barnasprengja í kringum mig - lítur út fyrir að sé að koma seinni barnasprengjan. Var að frétta af fleira fólki í kringum mig sem eiga von á barni :) - Til hamingju öll sömul.

yfir og út

Urr

Ég fór ekki í gönguna í gær, þess í stað þá:

varð ég reið, fúl og pirruð

keyrði hring í hverfinu

hringdi út og suður

hringdi í lögregluna

ræsti út annan bróðurinn

hundurinn fann á sér að eitthvað var að

svo nú er það straff

Klemma

Er í smá klemmu.

Ómar Ragnarsson stendur fyrir göngu í kvöld sem eflaust hefur farið framhjá fáum. En hann er með aðrar hugmyndir um hvernig á að sjá álverinu á Reyðarfirði fyrir orku. Hef reyndar ekki kynnt mér þær hugmyndir og veit ekki um hvað þær snúast.

Mig langar í gönguna í kvöld og er að spá í að fara en ég er á hinsvegar ekkert fylgjandi álverinu eitthvað frekar heldur en Kárahnjúkavirkjun!

###

Mikið var erfitt að skilja hundinn eftir "heima" í dag. Hann horfði þvílíkt vorkunaraugum á mig þegar ég fór :(

Helgin

Helgin bara liðin og ég gerði ekki rassgat.

Kannski að undirbúa mig áður en ég byrja að vinna því þá verður ekki eins mikið um frítíma ;) ef þetta skyldi kallast frítimi.

Er frekar fúl yfir því hvað ég nota tíman minn illa :( - uss svo heldur maður stundum að maður mundi gera mikið meira ef maður ætti bíl, fara meira og annað. Bílinn er hér fyrir utan og hef ekki hreyft hann síðan á fimmtudag - well ok fór út í búð í gærkveldi.

Er farin að hlakka til að fara í íbúðina mína aftur!

###

Held að Barcelona borg sé að verða ein af mínum uppáhalds, well það eru þá nokkrar margar sem eru mínar uppáhalds s.s. London, Barcelona, Prag, Sidney, Queenstown.

Systurdóttirin

Fékk að passa systurdótturina smá í dag.

Var með Safír (hundinn) líka, við vorum úti við og þegar ég sagði hundinum að setjast þá settist Embla líka. Ekkert smá krúttlegt og fyndið.

Flott hús í Barcelóna

Stúlkan komin með vinnu!

Barcelona

Ferðin sem engin okkar hélt að yrði farin var farin!

*typpakarl
*"morðrannsókn"
*skemmtigarður
*vatnsrennibrautir
*veikindi
*Gaig
*svikarar
*heitt og gott

Þetta var fátt eitt sem við upplifðum í Barcelóna og var maður farin að bíða spenntur eftir hvað kæmi næst :)

*typpakarlinn var spes svo ekki sé meira sagt.
Þegar við vorum að ganga frá veitingastaðnum á föstudagskvöldið þá mættum við typpakarlinum. Hann var klæddur í stuttermaskyrtu og stuttbuxum nema það "skemmtilega" við stuttbuxurnar eru að þær voru hnepptar og rennilásinn frá og engar nærbuxur. Þannig að sást í sprellann á honum, var reyndar kannski frekar erfitt að greina hann þar sem hann var svo lítil. Tók því varla fyrir karlinn að hafa opið. Nema hvað ég og Guðmunda sáum líka typpakarlinn daginn eftir og í björtu og nákvæmlega eins klæddan og eftir að við vorum búnar að ganga framhjá honum þá sneri hann við.

*"morðrannsókn"
Þarna reyndar vitum við ekki með vissu hvað gerðist heldur hljóp ímyndunaraflið alveg með okkur. Aldís og Sólrún voru ekki á sömu hæð og við á hótelinu og þegar þær komu niður eitt kvöldið þá sögðu þær okkur frá því í herberginu ská á móti þeim væri lögreglan og væri að taka sennilegast sönnunargögn í poka. Rúmfötin voru tekin og sett í svona glæran poka með rennilás, flöskur og annað sett í poka líka og svo voru þeir með eitthvað duft. Við vorum að reyna að gera okkur í hugarlund hvað hafði gerst þarna.

*skemmti og vatnsrennibrautagarður.
við breytumst í litla krakka á sunnudeginum enda þær sem eiga börn barnlausar. Fórum í Port Aventura og skemmtum okkur líka svona vel. Fórum fyrst í vatnsgarðinn þar sem við prófuðum allar vatnsrennibrautirnar, ein brautin var reyndar þvílík ógeðsleg að við lögðum ekki í hana aftur enda var líka spurning hvort við myndum lifa hana af þegar í við vorum í henni.
Stelpurnar töpuðu sér síðan í rússibönunum meðan gamla konan ég sat og horfði á. Legg ekki í að fara í rússibana þar sem ég hef á undanförnum árum bara liðið illa og ælt eftir á og langaði ekkert til þess að líða þannig. Við vorum reyndar það vitlausar líka að geyma vatnsbrautirnar þangað til seinast í stað þess að fara strax í þær og þorna yfir daginn. Þess í stað vorum við blautar og kaldar í rútunni á leiðinni tilbaka til Barcelona.

*veikindi - ein úr hópnum varð veik, ekki mikið meira um það að segja en einn dagur eyðilagðist hjá henni og hafði náttúrulega áhrif á ferðina. Gleymdist að setja það í reglurnar hjá okkur áður en við færum út en það verður gert áður en við förum næst :)

*svikarar - ég og Guðmunda urðum vitni að svikum. Sáum nokkra karla saman sem voru veðja á hvort þeir gætu fundið "kúluna" (erfitt að útskýra þetta), vorum handvissar á að þarna væri um annaðhvort vasaþjófa að ræða eða einhverskonar svikara og settumst því niður til þess að fylgjast með þeim. Þetta hugboð reyndist alveg rétt hjá okkur og mikið rosalega voru þeir fljótir að láta sig hverfa. Það skal tekið fram að við urðum ekki fyrir barðinu á þeim.

*Gaig - er rosa fínn veitingastaður í Barcelona. Upphaflega áttum við pantað borð þar á laugardagskvöldinu en vegna veikinda ákváðum við að fresta því fram á síðasta kvöldið okkar. Þegar við gengum þarna inn þá leið mér smá eins og ég væri í dress up leik og hefði fengið föt móður minnar lánuð og væri að leika fullorðna manneskju. Átti ekki heima þarna.... en þjónarnir létu mann aldrei finna fyrir neinu. Fengum hvern svona apetizer á eftir öðrum, forrétt og aðalrétt. Sumir pöntuðu sér hrátt nautakjöt! Þvílíkt flottur matur og flott þjónusta, það kom sér vínþjónn, sér sem tók niður pantanir og ef maður kláraði ekki af diskinum kom maður sem spurði hvort ekki væri allt í lagi með matinn. Það sem toppaði síðan kvöldið var að kokkurinn kom og tók hring í salnum og gekk á öll borðin. Við vorum nefnilega mikið búin að spá í hvort það væri sami kokkur sem væri að elda og sá sem við sáum á heimasíðunni :) Eitt það besta var líka að þrátt fyrir að verið væri að reykja á borðinu við hliðina á okkar þá fundum við aldrei neitt fyrir því.

Já ferðin heppnaðist þvílíkt vel en Ásdísar og Bellu var sárt saknað!

Brjóstahaldarar

Hvenær ætli brjóstahaldarar með spöng/vírum verði talin ógn við flugöryggi? Það kemur kannski að því að maður verði beðin um að fara út brjóstahaldaranum!

Ég meina getur maður ekki notað það sem vopn, rétt eins og naglaklippur, naglaþjöl, prjóna og heklunálir?

###

Þykir smá miður að missa af heimkomu Magna til Íslands, verður ábyggilega eitthvað fjölmiðlafár yfir því.
Sendi annars pabba sms í nótt því ég var sannfærð um að Dilana ynni þetta og vildi hafa það skjalfest hinsvegar sendi pabbi sms á móti og sagði að Lukas ynni. Hann hringdi svo í mig til þess að monta sig ;)

###

Til hamingju Ellen, Atli, Embla María og ófæddur - ég er rosa spennt!

Flashback

Horfði á Krókaleiðir í Kína á skjá einum. Fékk algert Flashback og var nánast allan tíman, þarna var ég, þarna var ég.

Var ekkert smá gaman að sjá sömu slóðir og ég var á :) - Já Ellen mín þú verður bara að segja við Atla að hann verði að þola okkur svona ;)

Reyndi að pína elsta litla bróðir á að horfa með en tókst ekki alveg. Næst yngsti litli bróðir horfði hinsvegar með og var alltaf að spurja gerðir þú svona eða borðaðir þú svona..... :)

Allavega gaman að þessu.

###

Barcelona á morgun, raunveruleikinn að kikka inn og er að gera mér grein fyrir að ég er að fara á morgun. Jeiiii

###

Umsókn skilað inn í dag!

2 dagar

Einungis tveir dagar í Barcelona :) - finnst það eitthvað mjög svo óraunverulegt. Var sagt við mig í gær góða ferð ef ég skyldi ekki sjá viðkomandi áður en ég færi. Fattaði ekki strax hvað hann átti við.

###

Sú sjöunda og jafnframt sú síðasta er 30 í dag - þannig að við náum allar að verða orðnar þrítugar áður en við förum út.
Til hamingju með afmælið Sólrún mín :)

Pétur Ágúst bróðir átti líka afmæli í gær og Pétur frændi einnig. Til hamingju með afmælin strákar mínir.

###

Hef annars voða lítið að segja.........

Tapað

Ég tapaði í gær fyrir kókinu :( - ekki voða sátt.

Kenni hausverknum um þetta allt saman að ég var svona veik fyrir. Var ekki kókhausverkur einungis. Að minnsta kosti held ég ekki.

10

Aðeins 10 dagar í Barcelona!

###

Bauð bróður mínum í bíó í gær, mig langaði nefnilega að sjá Libertine með Johnny Depp. Á fyrstu mínutunni kom hjá mér "shit ég hef farið með bróður minn á klámmynd" sem í raun reyndist nokkuð rétt. Var minnsta kosti mikið um kynlíf og talað um kynlíf í myndinni enda dó skáldið úr sárasótt.

Myndin var spes en bróðir minn bíður þess ekki bætur að systir hans hafi farið með hann á klámmynd!

Draumur

Lítur út fyrir að leigjandinn minn sé bara algjör draumur í dós.

Svona fyrir utan það að hafa borgað tvöfalda leiguna núna - reyndar fyrir mistök sem ég lét hana svo vita um til þess að hún gæti leiðrétt. Þá ákvað hún upp á sitt einsdæmi að hækka leiguna :) hún er nefnilega með svo mikið samviskubit yfir því að vera í íbúðinni minni þar sem ég er komin heim þrátt fyrir að það var ég sem bauð henni þetta.