áframhaldandi sjónvarpsdrama

Sitja ekki allir með öndina í hálsinum og bíða sjónvarpsfregna :)

Í gær hafði ég plan - planið var að horfa á desperate housewives - eða sem mest af því. Þannig að þegar ég kom heim úr vinnu kveikti ég ekki á sjónvarpinu heldur fann mér eitthvað annað að gera - já nei það var ekki að læra ;)

En rétt áður en þátturinn byrjaði var kveikt á þessum imbakassa, ég náði að horfa á þáttinn og vel það. Horfði meira segja á Önnu Phil þannig að dönskukennsla kvöldsins var engin að þessu sinni.

Rétt um eitt ofbauð mér svo sjónvarpsglápið að ég slökkti og fór að sofa þannig að sjónvarpstækið hafði ábyggilega eitthvað frétt að því að ég ætlaði að láta það gossa og ákvað að hegða sér, en það er hinsvegar ekki það sama upp á teningnum í dag - allt bara svart!

En já vantar enn þann sterka og bíl til þess að koma sjónvarpinu í burtu - ekki stendur á boðum um sjónvarpstæki :) sem ég þakka kærlega fyrir. Spurning um að þau fari í prufu hahaha

En já þessi færsla var aðallega til þess að blogga á þessum degi :)

Svart sjónvarp

Kosturinn við að hafa svart sjónvarp - það er að segja ekki hægt að horfa á skjáinn heldur bara hlusta er sá:

Fer snemma að sofa - en snemma sofa þýðir ekki endilega betri og meiri gæðarsvefn, því oft undanfarið hef ég bæði vaknað oft upp á nóttunni og dreymt alveg hrikalega mikið. Í nótt vaknaði ég síðan klukkan 4 og gat ekki sofnað aftur!

Get lært eða æft mig í dönskunni, með því að hlusta bara á sjónvarpið og sjá engan texta kemst ég að því hvað ég í raun og veru skil mikið í dönskunni þegar danskir þættir eru í sjónvarpinu. Þetta ætti að geta gengið líka með hin tungumálin.

Gæti nýtt mögulegan sjónvarpstíma í eitthvað annað en þar sem ég er yfirleitt þreytt þegar sjónvarpstíminn minn er þá fer ég bara snemma að sofa....

Gefst upp

Já nú er ég endanlega búin að gefast upp á sjónvarpstækinu, hundpirruð á að hlusta bara á það - vil sjá einhverja mynd líka ;)

Sjónvarpstækið er minn félagsskapur hérna heima hjá mér og sérstaklega þó matarpartner, mundi ábyggilega veslast upp ef ég þyrfti að borða alveg alein það er að segja án sjónvarpsins.

Myndin hefur haldist svona um hálftíma kannski minna og stundum aðeins meira þegar ég er nýbúin að kveikja á því og svo kemur bara svartur skjár.

Þannig að nú auglýsi ég eftir einhverjum sterkum og sem er á bíl sem getur tekið sjónvarpstækið og farið með það í Sorpu fyrir mig!

Einnig hef ég verið að hugsa hvort væri möguleiki á að einhver ætti aukatæki sem væri ekki í notkun og tímdi að lána mér það fram í júní :)

Í gær

Í gær gekk ég út á flugvöll, var að hugsa um að skella mér eitthvert en hefði bara getað endað úti á landi, í Færeyjum eða jafnvel Grænlandi.

Of kalt

Þess í stað tók ég bara bílinn af bróður mínum. En mér greinilega hefndist fyrir það því bílinn varð stopp í Garðabæ.

Seinna fékk ég far, endaði heima en ekki á Neskaupsstað!

sem var mjög gott :)

Táknmálstúlkur

Í 100 manna faginu sem ég er í (kúrsi) þá er táknmálstúlkur þar til þess að þýða fyrir einn nemandann. Í fyrsta tímanum voru þær tvær svo hefur verið bara einn táknmálstúlkur þangað til í gær þegar þær voru aftur orðna tvær.

Allavega hef ég afskaplega gaman af að fylgjast með - passa mig þó að gleyma mér ekki og fylgjast með tímanum líka ;) en hef þó komist í raun um að hlýtur að vera afskaplega erfitt að túlka, í raun líka hverskonar túlkur sem viðkomandi er, hvort sem það er táknmálstúlkur eða tungumálatúlku. Þó kannski ívið auðveldara með tungumálatúlk því viðkomandi heyrir. En það sem ég ætlaði að segja að hvernig á að túlka þegar t.d. kennarinn er að spauga? Hef reyndar séð hjá þeim táknmálstúlkunum sem ég geri ráð fyrir að gefur til kynna að kennarinn sé að grínast eða segja með gamansömum tón.

Var þó ansi hugsa yfir hvernig táknmálstúlkarnir túlkuðu í gær því við horfðum á stutt video sem var með ensku tali og engum texta, hvorki enskum né íslenskum. Hvort ætli þær hafi túlkað á ensku eða íslensku? Ég er nefnilega nokkuð sannfærð um að þær þýddu ekki hvert orð heldur bara svona "mikilvægasta".

En já held þetta sé mjög krefjandi starf að vera táknmálstúlkur.

Ekkert stuð

Er í engu stuði til þess að sitja í tímum í dag - og til þess að bæta oná það þá er þetta lengsti dagurinn þar sem ég er í tímum.

Ennfremur er ég svöng en langar ekki í neitt að borða sem er ekki sniðugt. Hádegismaturinn samansendur af boost drykk og prinspólo :(

Nú er það svart

Ég er enn að reyna að ákveða mig hvort ég eigi að mæta í tíma á morgun - en var reyndar í sama tíma seinasta laugardag og verður núna. Kennarinn ætlar semsagt að hafa aftur aukatíma um sama efni....

Get bara ekki ákveðið mig - held ég ætti ekki að mæta því hef nóg annað að gera en á sama tíma er ég hrædd um að missa af einhverju ;)

ohhhhhh

###

Jæja hef víst svart sjónvarpskvöld í kvöld - heyrið að Borgarholtsskóli vann áðan á móti MK. Gamli skóli minn á móti skóla systur minnar.... bleh

Jæja

Í kvöld var hlustað á desperate housewives!

Neeiiiiiiii

Desperate houswifes fer að byrja og ég er bara með svartan skjá!

snökt snökt

Vil ekki bara hlusta á desperate housewifes - vil sjá þáttinn líka.

Háma

Það er svo gott að hafa matsölu með heitum mat í hádeginu á háskólasvæðinu, í stað þess að vera að borða endalaust brauð og skyr.

Fagna ég því Hámu mjög svo því maturinn er heldur ekki dýr :) en mikið afskaplega finnst mér þetta fráhrindandi nafn.

Svo selja þeir líka Boost - sem er gott!

Mögnuð mynd

Laugardagskvöldið var heldur rólegra en það seinasta - verður þó að segjast að var mun blóðugra.

Yups skellti mér á Sweeney Todd í gær og þvílíkt mögnuð mynd, svo flott og að sjálfsögðu skemmir Johnny Depp ekki fyrir enda magnaður leikar þar á ferð.

En mikið hrikalega var langt síðan ég fór í bíó seinast - svo langt að ég man ekki myndina sem ég sá fyrir Sweeney Todd.

###

Að öðru þá held ég að sjónvarpið sé endanlega að gefast upp. Hugsa að það sé ekki langt í það að ég hói í einhvern sterkan með bíl til þess að fjarlægja það. Er ekki séns að ég lofti því og varla að ég geti haldið á því með öðrum.

En sjónvarpið er farið að haga sér þannig að fyrir utan að slökkva á sér í tíma og ótíma þá hefur komið bara svartur skjár, sést engin mynd en heyri það sem fram fer.

já það er komin tími til þess að kveðja það....

Partý

21.00
Finn smá brunalykt og undra mig hvað þetta er.

Um miðnætti
Heyrist afmælissöngur

Milli 01.00-02.00
Er hrópað/öskrað/sungið
vodka, vodka, vodka og
gott ef heyrðist ekki æla, æla, æla líka.

um 02.30
Hávær og ömurleg tónlist.
Vonast til þess að fólk drífi sig í bæinn.

3.00
Öll von úti um að fólk fari í bæinn, tónlist áfram en aðeins skárri og ekki alveg eins hávær.

03.30
Orðin frekar framlág og langar að fara að sofa.

4.00
Nei virðist allt að komast í ró....

4.30
Loksins að sofa

Já ég var í partý í gærkvöldi án þess að vera boðið, fékk samt engar veitingar ef einhverjar voru :(

Já var í partý án þess að vera þar - lá í rúminu mínu og var að vonast til þess að geta sofnað. Sem betur fer var stöð 2 órugluð þannig að ég slapp við að horfa á leiðindar póker þátt.

Þreytt!

Já

Bílinn

Í morgun á leið minni út á strætóstoppistöð þá kom smá saknaðartilfinning til jeppans hjá pabba - bílinn sem ég hafði í 2 mánuði.

Nei - það var ekki af því að mér fannst ómögulegt að taka strætó, eða þurfti að ganga í ökkladjúpum (eða aðeins meir) snjó að stoppistöðinni.

Heldur vegna þess að það var ágætis snjór í innkeyrslunni og hefði verið gaman að öslast þar í gegn á jeppanum. En sýndist samt fólksbílarnir fara ágætlega þó þar út hjá okkur.

Finnst einmitt mjög gaman að finna hvernig 4 hjóladrifið virkar. Var mjög oft þannig á jeppanum að ég var við það að finna að ég væri að festa mig á bílastæði eða var í erfiðleikum. Setti svo 4hjóladrifið á og ekkert mál.

Það er gaman

Bollur

Á morgun er víst bolludagur og mig langar afskaplega mikið í bollur núna - langar sjaldnast í svona rjómabollur með súkkulaði og mér hefur verið alveg sama þótt ég fái ekki slíkt á bolludag. En núna langar mig afskaplega mikið í bollur.

Mig langar líka í uppstúf og grænar baunir og svona næstum því í hangjikjöt. Svona næstum því frá jóladag hefur mig langað í uppstúf og grænar baunir. Hef greinilega ekki borðað nóg þá - svo sannarlega ekki nægilega mikið að það dugi fram á næstu jól.

Kannski þetta stafi allt af því hvað ég má og má ekki borða!

Kalt

Fyrsti strætódagurinn í dag og það var vibbalega kalt.

Bílinn fór í dag eftir 2ja mánaða dvöl hjá mér - hann kom sér einstaklega vel í desembermánuði í prófum, verkefnavinnu og jólum. Eftir jólin var ég alltaf á leiðinni að skila blessaða bílnum en eitthvað dróst það alltaf á langinn.

En núna er ég semsagt laus undan "oki" bílsins og er aftur orðin strætófarþegi sem er ekki svo slæmt ef maður þyrfti ekki að bíða eftir honum :) og það í þessum þvílíka kulda.

Takk fyrir afnotin og lánið á honum bræður - ég sendi svo reikning fyrir bensínnotkuninni því að sjálfsögðu var ég líka í "vinnu" við að liðka bílinn (hahahaha)

###
Að veðrinu

Ég hef einsett mér láta hið íslenska veður ekki pirra mig því það er voða lítið hægt að breyta því - ekki nema þá hvernig skapið er varðandi veðrið. Þannig að ef það er rigning þá er bara rigning, ef það er rok þá er rok.

En

Ég þoli illa kulda - þoli ekki að verða kalt. Gjörsamlega fer alveg með mig en þó það sem er skárra við kuldann heldur en hitann er að það er yfirleitt auðveldara að klæða af sér kulda eða á einhvern hátt reyna að hlýja sér, það er yfirleitt verra að reyna að kæla sig niður ef maður er í mjög heitu loftslagi.

en já viskudómar í boði Lindu :)

Námið mitt

Í einu faginu sem ég sit þá verða um 7 kennarar sem koma að því námskeiði og meðal annars fjöldi allur af hagfræðingum.

Um daginn vorum við með fyrsta hagfræðinginn nema ég sat hjá honum í kúrs fyrir ári síðan en held ég hafi loks séð ljósið.

Það er að segja að hann var að tala um ákveðið málefni og ég var alltaf tiltölulega ósammála honum - ekki það að ég sé eitthvað sammála honum núna en ég held ég fatti hvað hann meinar meðan ég lít ekki þannig á málið.

Útskýring:
Hagfræðingurinn var að taka sem dæmi að fyrirtæki kannski einhver verksmiðja noti á sem rennur þar hjá, hvort sem það er til þess að taka vatn, framleiða rafmagn eða losa úrgangsefni í ána. Ef engir annar er að nota ána þá er ekkert umhverfisvandamál.

Þannig að loksins fattaði ég hvað hann er að meina (að ég held)- það kemur einungis upp vandamál ef einhverjir tveir ólíkir hópar ætla að nota sömu auðlindina. Segjum að einhverjir aðrir vilja nota þessa sömu á til þess að stunda river rafting þá er það kannski ekki hægt því of lítið er af rennsli í ánni því verksmiðjan er að taka það til sín eða áin er of menguð til þess að river rafting sé óhætt. Þannig að þá þurfa þessir tveir að komast að samkomulagi hvernig hlutum skal háttað, annað hvort mundi verksmiðjan þá borga "skaðabætur" til hópsins sem vil fara í river rafting eða eitthvað annað.

Hinsvegar mundu margir aðrir líta á sem umhverfisvandamál því ef úrgangur sem er að menga ána þá líður lífríkið/vistkerfið fyrir það sem getur orðið alvarlegt vandamál. Einnig ef lítið rennsli er í ánni miða við eðlilegt er o.s.frv.

Ekki skrýtið að stundum skilur fólk ekki hvert annað þar sem ólík sjónarhorn á vandamál eru til staðar.

Stressuð

Það verður að viðurkennast að ég er pínku stressuð í dag.

Stressið fylgjir ákveðnu sem ég þarf að skila á föstudaginn og vegna misskilnings og misvísandi upplýsinga er ég á seinustu stund með allt og hafði nógan tíman fyrir. Þannig að ég er ekki sátt og hundfúl líka út í sjálfan mig - því hluti er líka mér að kenna.

En var að snúast í þessu í allan dag og hafði því engan tíma til þess að læra :( en þetta er eitthvað sem mig virkilega langar til og nýjustu hugmyndir hjá mér þá þarf ég þetta líka til þess að geta gert mastersverkefnið mitt.

jæja er stuttur og smá neikvæður póstur í dag - reyni að hafa jákvæðan næst ;)

Hausverkur

Fékk hausverk á miðvikudaginn :(

Í tíma á miðvikudeginum fann ég að hausverkurinn var á sveimi og "beið" eftir því að koma á fullum þunga. En ég kemst í gegnum tímann sem var mjög langur og síðan að bíða eftir kennaranum mínum sem ég ætlaði að hitta til þess að ræða við hana.

En þegar það var búið og ég gekk út í bíll kom hausverkurinn að fullum þunga en ég hélt áfram með það sem var planað hjá mér og eftir það fór ég til mömmu því ég vissi að ég þurfti að borða (og bróðir minn átti að vera búin að elda).

Kom þangað og leið eiginlega hræðilega og hafði síðan ekki lyst á matnum-nartaði í kannski 3-4 bita. En ákvað að fara þá heim enda páfagaukarnir alveg hræðilega hávaðasamir og bræðurnir stundum engu skárri ;)

En á leiðinni nánar tiltekið á Sæbrautinni kom fyrsta gusan, ekki hentugur staður til þess að stoppa og hvað þá að geta hlaupið úr bílnum. Kunni nú heldur ekki alveg við það svona sitjandi í bílstjórasætinu. Sá fyrir mér að vegfaranendur mundu hringja á lögguna sem mundi koma og taka mig vegna ölvunar undir stýri (sem að sjálfsögðu var ekki málið). En fljótlega eftir fyrstu gusuna kom sú seinni og þá var ég stopp á rauðu ljósi og sú þriðja þegar ég var að taka af stað.

Ég er greinilega að prufa mig áfram í skemmtilegum stöðum til þess að æla á, Kínamúrinn búinn, fjallaferð í Rúmeníu búin og svo var eftir náttúrulega að æla yfir sig allan undir stýri. Kýs ég það allra ógeðslegasta viðburð af þessum og klárlega vona ég að þetta sé sá ógeðslegast viðburður sem ég mun lenda í á þessu ári og þeim næstu.

Sorry pabbi að hafa ælt í bílinn þinn :( en hann slapp nokkuð vel þar sem allt fór á mig :)

Þoli ekki þennan hausverk!

Draumar

Er búin að komast að því að ég fíla ekki drauma - eða að dreyma þegar maður er sofandi. Dagdraumar eru miklu betri enda ræður maður þeim sjálfur.

En ef manni dreymir um nóttina þá er ég svo þreytt þegar ég vakna og er ekki útsofin. Dreymdi nefnilega í nótt en fór samt sem áður tiltölulega snemma að sofa en líka seint í nótt þá vakna ég smá upp og veit af mér það sem eftir lifði nætur. Minnsta kosti heyði ég þegar blessaði blaðberinn kom með fréttablaðið og held ábyggilega að hann hafi komið um 4 eða 5.

En allavega dreymdi mig í nótt um hryðjuverk og það er svo bein tenging frá því sem ég var að horfa á í sjónvarpinu fyrr um kvöldið. Nóttina áður dreymdi mig líka og þá um snáka og slöngur og það einnig var í sjónvarpinu rétt áður en ég sofnaði á laugardagskvöldinu.

En allavega er dauðþreytt núna!

Montblogg

Já verð að monta mig aðeins - er nefnilega enginn hér sem ég get montað mig við og því "verð" ég að nota netið.

Í einum kúrsi sem ég er í þá þurfum við að svara krossaspurningum eftir hvern kafla sem kennarinn opnar á einhverjum ákveðnum tímapunkti og hefur opið ákveðinn tíma, í þessu tilfelli um sex daga fyrir 4 kafla. Allavega ég byrjaði á fyrsta kafla einhvern tímann í vikunni og gekk ekki vel, notaði heldur ekkert bókina og ákvað að prófa hvernig mér gengi án þess að fletta upp. Kafli 2 gekk heldur betur en ekki nógu vel, kafli 3 aðeins betur og var sáttari. Kafli 4 er ég hæst ánægð með en fékk 9,15 og verð því að reyna að halda því sem eftir er :)

Vegalengdir

Merkilegt hvernig vegalengdir eru stundum.

Til dæmis þá er vegalengdin Reykjavík-Njarðvík mun lengri heldur en Njarðvík-Reykjavík og það væri næstum því hægt að hafa þau rök fyrir dreifbýlistúttunum að vegna þess ættu þau frekar að koma til Reykjavíkur í heimsókn heldur en öfugt.

Ef það væri ekki fyrir þá staðreynd að dreifbýlistútturnar þurfa víst líka að fara aftur heim til sín og því þurfa þau þá að keyra löngu leiðina Reykjavík-Njarðvík. Sem gerir það að verkum að það er jafn langt fyrir okkur að fara á milli.

2 ár

Ótrúlegt hvað tíminn líður - í dag eru 2 ár síðan ég lenti og stóð á kínverskri grund. Jamm komin heil 2 ár síðan ég fór í reisuna mína.

Svo eru líka önnur tímamót 1. febrúar en þá eru 3 ár síðan ég fékk íbúðina mína afhenda og ef ég hefði búið í henni allan tímann þá væri það met hjá mér varðandi búsetu á sama stað. En þar sem eru 9 mánuðir af þessum 3 árum sem ég bjó ekki í íbúðinni minni þá get ég eiginlega ekki sagt það enn sem komið er.
###

Annars er ég þessa dagana að ákveða hvaða námskeið ég ætla í, lítur út fyrir að mánudagar verði pain hjá mér varðandi mætingu í skólann, er í einu námskeiði síðan þar sem eru 100 manns eða svo, erum í hinu nýja Háskólatorgi og það sem mér finnst alveg hreint met er að það eru engar innstungur, eru kannski um þrjár. En eru tveir skjávarpar þannig að skiptir ekki máli hvor megin í stofunni maður situr.

en já thats it...

Matarboð

Hélt "smá" matarboð í gær en byrjunin á því gekk ekki vel þar sem ég brenndi chilli pipar og hvítlauk í pottinum.

En þrátt fyrir byrjunarerfiðleika og mats án chilli pipars þá bragðaðist maturinn alveg ágætlega.

En það voru samt líka aðrir hlutir sem voru öðruvísi við þetta matarboð, til dæmis að einn matargestana þurfti skyndilega að fara til London þannig að sá mætti ekki sem kom svo í ljós að var mjög gott (ekki því hann vantaði) heldur var maturinn ekki nógur - hahaha þrátt fyrir að það sem ég var að elda átti að vera nóg fyrir 4.

Það sem var líka sérstakt að einn af matargestunum kom um 1,5 klst of seint þannig að eftir að hafa beðið í smá tíma ákváð ég og þessi eini matargestur að byrja, tókum okkur svo pásu og fengum okkur ábót þegar seinni matargestur kom (kannski skýring á því að maturinn kláraðist upp til agna ;) ).

Það þriðja sem gerði síðan útslagið að öðruvísi matarboði er að seini matargesturinn sofnaði í sófanum hjá mér :) - ákvað ekkert að vera að vekja aðilann og vonaðist bara að mundi sofa út alla nóttina og fór síðan inn að sofa. En matargesturinn vaknaði síðan um tvö leytið og hélt af stað heim á leið.

Því miður varð ég síðan hinsvegar andvaka eftir það og er því þreytt fyrsta skóladaginn og sleppti fyrsta tímanum sem ég ætlaði að mæta í. Mér til mikillar vonbrigða komst ég siðan að því að ég hefði getað sofið lengur því næsti tími var ekki.

En já þannig fór um fyrsta matarboð 2008 hjá mér.

Oh my god

Er enn í losti hérna....

Var nefnilega að fá einkunn úr hagfræði faginu sem ég var í, kostnaðar og nytjagreiningu.

Er ekki alveg að ná þessu enn..... ég náði, ég náði og var ekki heldur með lægstu einkunnina - var 0,5 frá meðaleinkunn.

Ég náði

oh my god

Nýtt ár

Það barasta skollið á nýtt ár!

Spennandi að sjá hvernig árið verður hjá mér :)

En það sem mér hefur tekist á þessu nýja ári "so far"

- eyðilagt peysu í þvotti (hún hljóp)
- klárað að horfa á þriðju seríu á Grey´s Anatomy
- verið á náttfötum til 21.30, klæddi mig til þess eins að hátta mig stuttu síðar
- borðað óhollustu
- þrifð
- og komin með Heima með Sigur rós
- og er enn að bíða eftir einkunnum.......

Fíkill

Á þriðjum jólum datt ég allhressilega í það.

Gjörsamlega kolféll og var að á annan sólarhring.

Á laugardaginn fór ég svo austur til þess að reyna ná mér svolítið, lá í bústað hjá mömmu með hausverk og þreytt vegna lélegs matarræðis og lítin svefn.

Eftir að ég kom tilbaka hef ég reynt að sýna stillingu og tekið því rólega. Passað mig á að borða og sofa nóg.

já ég horfði á fyrstu tvær seríurnar í Grey´s Anatomi á einum og hálfum sólarhring - það eru um 37 þættir sem allir eru um 40 mínútur.

Ég er gjörsamlega kolfalinn fyrir þessum þáttum og hef enn nokkra til þess að horfá á - er að verða hálfnuð með 3 seríu.
###

Að öðru - jólin voru góð að öðru leyti. Ég kláraði jólabókina á jóladegi en er heldur óhress með þýðinguna, er mikið að spá hvort ég eigi að hafa samband við útgefanda til þess að kvarta. Finnst þetta ansi mikil lítilsvirðing fyrir lesendur bókarinnar að hafa ekki lagt meiri metnaði í hana.

Á minnsta kosti einum stað kom setning sem ég er ekki enn búin að skilja en það sem mér finnst verst er að þýðandinn var alltaf að rugla saman nöfnum. Þegar átti að vera talað um Kathy var Kelly nefnd og á einum stað þegar ég hélt að væri að kynna til sögunnar nýja persónu þá komst maður stuttu síðar að því að hann hafði bara ruglað nafni aftur... Ég varð verulega pirruð á þessu og eyðilagði mjög mikið lesturinn fyrir mér :(

###

En já svona á seinasta degi ársins á maður þá ekki að vera jákvæður en það er svo sem gott að pústa út aðeins líka :)

En já hafið það gott um áramótin - ég fer til pabba í kalkún og vona að systkinabörnin mín komi þangað lika svo ég geti knúsað þau aðeins meira á árinu sem er að líða.

Gleðileg jól

Bestu óskir um gleðileg jól og farsælt komandi ár!

Jólafrí

Merkilegt finnst eins og ég þurfi að gera eitthvað og núna er eitthvað ekki eins gaman að gera ekki neitt :)

Er búin að pakka öllu inn, skrifa á jólakort, þrífa og kaupa inn "mat" - þannig að ég er búin að öllu nema að koma pökkunum frá mér já og ákveða í hverju ég á að vera á morgun - væri best bara að vera í náttbuxunum og flíspeysunni hahaha

En lætur mig ekki í friði að ég þurfi að gera eitthvað.....hmm.....

kannski maður leggji sig bara - eftir allt þá vaknaði ég klukkan átta í morgun!

Jólaþrif

Þá eru þrifin búin og búin að setja upp jólaskrautið :)

Eftir er jólakortaskrif og pakka inn gjöfum.

Veit að ég er allt alltof sein með þessi jólakort en oh well... þau komast til skila á endanum.

Rusl

Sit hérna í ruslinu eða öllu heldur ligg og nenni ekki að gera neitt.

Megna ekki að gera neitt, allt lærdómsdraslið út um allt og nenni ekki að taka það til.

Enda líka hafði það af að fara í jólagjafaleiðangur í dag og klára allt nema ömmu og er bara þreytt!!!


En það kemur dagur eftir þennan dag og svo dagur eftir þann dag og hægt að laga til og þrífa þá...

verst með jólakortin

BÚIN

Koma og skeina......

Er búin í prófum........... jaaabbbiiiidaabbbaaadúúúú....

Ætlaði svo að fara beina leið eftir próf og kaupa seinustu jólagjafirnar því nenni því sko alls ekki um helgina.... en nei brunað heim og ætla að leggja mig....

já það er góð hugmynd!

Jólafrí jóla jóla jólafrí :)

12,5 klukkustundir

Mikið rosalega hlakka ég til eftir 12,5 klukkustundir.

Já því þá verð ég komin í jólafrí og fæ frí í 2 vikur. Enginn smá munaður þar.

Er reyndar ekki búin að vera dugleg að lesa í dag - skil þetta ekki og skil ekki skuggaverð, get ómögulega skilið það.

Skil ekki afvöxtunarstuðull en skil betur discount rating sem á víst (held ég) að vera sami hluturinn.

Veit hvað sunk cost er og Net present value, social surplus, consumer surplus og producer surplus en er ekki viss hvernig reikna það út þótt ég viti hvað það er.

en já þá er bara að taka þetta próf í nefið..... já eða þannig.

Próflestur

Próflesturinn er ekki búin að vera með besta móti í dag og aðeins 50% árangur af takmarkinu sem ég setti mér er búin.

Er búin að vera með hangandi haus og mjög þreytt og engin orka.

Ætlaði að reyna að læra eitthvað núna en held sé betra að fara að sofa og reyna eiga betri dag á morgun.

Var meira segja svo rugluð í dag að ég ætlaði í Skipholtið en tókst að fara í Ármúlann í staðinn. Má segja að ég hafi villst.... usss

Rugl

Algjört rugl í gangi!

Fór "snemma" að sofa í gær eða kringum miðnætti og vaknaði síðan stuttu síðar og var andvaka.

Það er náttúrulega bara tómt rugl.

En gerir það að verkum að ég er að deyja úr þreytu núna og ætlaði svo að vera útsofin!

urrr....

Fjörfiskur

Er búin að vera með fjörfisk í hægra auga síðan um helgina.

Það er svoldíð böggandi!

Held að líkaminn sé algjörlega að gefast upp á mér.

Yessssss

Það hafðist - var að skila ritgerðinni inn.

Þá er "bara" eftir að lesa undir eitt próf og mæta svo í prófið.

En fyrst á dagskrá er svefn.

Óþolandi

Skrapp í búð áðan því ég þurfti að kaupa jólagjöf sem ég þarf síðan að senda norður. Nema eftir búðaferðina þá fattaði ég að ég hefði gleymt ábyggilega helmingnum af því sem ég ætlaði að kaupa.

Hvernig er þetta hægt?

Ég þarf greinilega að gera lista í hvert sinn sem ég fer út í búð til þess að komast heim með að minnsta kosti 80% af því sem ég þarf. Spurning hvort þetta sé líka kannski eitthvað tengt verkefnavinnunni og prófunum.

Núna langar mig svo í eitthvað að narta - eitt af því sem ég ætlaði að kaupa í búðinni en ekki sjens að ég nenni út til þess að kaupa eitthvað....

bleh... er svo ekki að nenna þessari ritgerð....

Sögur

Skutlaðist til mömmu í kvöldmat.

Þar voru mér sagðar sögur , pointið í enda sögunnar var þannig: Verður að passa að lesa ekki yfir þig því fólk getur verið mjög lengi að jafna sig eftir það ef það á annað borð tekst.

Mitt svar við því...

hvernig í ósköpunum get ég lesið yfir mig þegar ég næ ekki einu sinni að lesa allt efnið fyrir mig!

hahaha

###
En tókst að gera glósur úr þessum #$%&%% kafla og því verð ég núna að snara fram einni ritgerð eða svo á no time (helst í nótt) og fara að lesa undir þetta próf. En upphafleg áætlun gerði ráð fyrir vikutíma í undirbúning fyrir þetta próf sem er ekki að gerast.

Af hverju tekur allt lengri tíma en maður heldur að það taki?

Er ég bara svona léleg í að áætla kannski eða bara lengji að öllu - lengur en flestir?

Dauði og djöfull

Hvernig datt mér í hug að fara í áfanga í hagfræðideildinni?

ok mér datt það svo sem ekki í hug en hvernig datt mér þá í hug að halda áfram!

Við sem sátum áfangan ákváðum að skipta köflum á milli okkar og gera glósur upp úr honum. En núna er ég búin að sitja í allan dag að reyna að gera þetta helv.... og dett alltaf í það þýða bara þennan kafla.

Plús það þá er ég að eyða ógnartíma í þetta og þessi kafli er ekki einn af mikilvægustu og stór efast að kemur eitthvað úr honum þar sem kennarinn hafði engan tíma til þess að fara yfir hann.... urr

og það kemur á móti að flestir mundu þá kannski bara sleppa því að lesa hann og lesa glósurnar úr honum í staðinn.

ansans vitleysa er þetta!

Próflokadjamm

Þrátt fyrir annir í prófum og verkefnum þá sækir maður nú eitthvað í félagslífið.

Allavega í gær var haldið míni jólaboð í umhverfis og auðlindafræðinni þar sem nemendur og kennarar hittust.

Var afskaplega stutt en alveg notalegt og einn kennari minn benti mér á að hringja sem fyrst í einn aðila vegna hugsanlega lokaverkefni hjá mér....

en síðan var próflokapartý um kvöldið hjá okkur nemendum - þrátt fyrir að margir séu ekki búnir og þar á meðal ég :(

ákvað samt að kíkja í smá stund - sem var alveg fínt!

Eitt sem mér finnst stór furðulegt en undanfarið bæði í skólanum og svo í gærkveldi þá hef ég verið spurð að því hvort ég sé Íslendingur.

Mér finnst þetta afskaplega eðlileg spurning þegar ég er í útlöndum og fólk spyr hvaðan ég sé... en hérna heima á Íslandi - finnst það eitthvað svo undarlegt því finnst eitthvað svo sjálfsagt að fólk viti að ég sé Íslendingur, tala nú ekki um þegar maður talar íslenskulegu enskuna sína - þessi með harða framburðinum :)

Yes

Búin að skila ritgerðinni - er reyndar ekki fullkomin sátt við hana en er það sjaldanst.

En þegar ég var búin að prenta ritgerðina út og hefta þá tók ég eftir að á forsíðunni var ég með eitt enskt orð en annars er þessi ritgerð á íslensku. Fannst það frekar skondið en lagaði forsíðu og prentaði hana aftur út...

Í dag þegar ég var líka komin í Öskju þá setti ég heyrnatólin í eyrun eins og vanalega. Það var ekki fyrr en löngu seinna að ég fattaði að ég hafði ekki kveikt á ipodnum og var því ekki að hlusta á tónlist.

já er utan við mig og þreytt líka.

En nú er það ein ritgerð í viðbót sem á víst að skila á morgun og svo eitt próf.

bleh...

Þreytt

Þar kom að því að ég uppgötvaði ókosti að hafa bíl - jamm svona tryllitæki þurfa víst bensín.


Annars er ég þreytt þreytt þreytt og langar mest að skríða undir sængina mína og sofa.

En það er ekki í boði þar sem ég stóð ekki við það sem ég lofaði í gær. Var búin að ákveða að heim skyldi ég ekki fara fyrr en ritgerð væri búin. og ég sveik það. Klukkan tvö í nótt var ég búin að fá nóg og ákvað að fara heim.

Þannig að nú er bara að rispa þessu af og skila í hádeginu!

Yes I can do it...

Nema óveðrið stoppi mig!

Yfirsetukonur

Prófið í morgun gekk alveg þokkalega. Lenti reyndar í vondu sæti, var alltof framarlega. Ég vil nefnilega helst hafa yfirsýn yfir stofuna og ALLS EKKI vera svona nálægt þessum konum sem sitja yfir prófunum.

Stórmerkilegast fannst mér þegar yfirsetukona benti stráknum sem náði sér í "nestið" sitt sem var twix að fara fram til þess að opna pakkninguna því það kæmi svo mikil hávaði af því. En fyrir þann tíma hafði hún haft opið fram þar sem hellings af nemendum sátu og voru að læra með tilheyrandi skvaldri ásamt hávaðanum í ræstingarliðinu sem er greinilega alltaf á fullu á fimmtudagsmorgnum í odda þannig að hávaðinn var töluverður meðan hún var eitthvað á spjallinu við hina yfirsetukonuna.

Þannig að strákurinn úr lögfræðideildinni sem sat ská á móti mér var heldur spaugilegur þegar hann setti upp heyrnartólin - já svona eins og verkamenn nota sem vinna í miklum hávaða.

Þegar um klukkutími var liðinn af prófinu birtist inn í stofunni "strákur" og fyrsta sem ég hugsaði - djíi hvernig meikar einhver að koma klukkutíma of seint í próf.....

En nei nei þá var þetta bara einn kennari úr lögfræðideildinni - hahaha

Einbeitingarleysi

Er búin að tapa öllu því sem heitir einbeiting - ef ég hafði einhvern tíman slíkt.

Get með engu einbeitt mér að lesefninu sem ég þarf að lesa og er að fara í próf á morgun!

Bleh - les nokkrar setningar og svo eftir smástund farin að hugsa um eitthvað allt annað, eða kíkja á tölvuna nú eða blogga.

Hræðilegt.

Er líka þreytt en finnst verra með einbeitingarleysið.

Bömmer

Úrið mitt stopp og ég er að fara í próf á fimmtudaginn!

Ekki má hafa símann til þess að fylgjast með tímanum og því verður maður bara að vona að sé klukka í stofunni sem ég verð í. Man ekki hvort kellurnar segja þegar er eftir klukkutími af prófinu eða álíka.

Finnst líka gott að reyna skipuleggja mig eftir tímanum. Að ég hafi ekki meira en hálftíma á þessa spurningu o.s.frv.

En jæja... ég ætla nefnilega ekki að gefa mér tíma til þess að fara til úrsmiðs og athuga með batterýið :)
###

Er að rembast við að lesa undir próf.

Ritgerð á hold á meðan.... en tókst að skrifa "slatta" í nótt. Gat nefnilega ekki sofnað og stað þess að liggja andvaka var tölvan tekin fram og tíminn nýttur. Sofnaði líka vel eftir það ;)

en já fá sér kvöldmat eða halda áfram að lesa....

Ljúft

Oh hvað það væri ljúft ef einhver kæmi með mat til mín niðri í skóla.

Blessuðu kaffistofurnar loka um hálf fjögur þannig að mat þarf maður því að redda sér annarsstaðar.

En ég verð víst bara að láta mig dreyma..... um þessa þjónustu.

Verð síðan þá bara að svelta eða redda mér kvöldmat einhversstaðar.

Lög

Jæja þá er að fara lesa lög....

Gamanið stoppar aldrei ;)

Er orðin rangeyg af þreyttu af að horfa á tölvuskjá....

Hnútur

Jæja það kom að því.

Nú er að fæðast stór og mikil kvíðahnútur í maganum á mér.

Aðallega vegna ritgerðar sem ég er að vinna í núna - veit ekkert hvað ég á að gera, held ég hafi misskilið frá upphafi og er í tómu tjóni.

En mun samt henda einhverju á blað....

Alþingisumræður

Jæja búin að þrælast í gegnum umræður - og er á lífi!

Sumt var alveg skemmtilegt að lesa og áhugavert að hafa akkúrat komið sömu spurningar þar og ég hef verið að pæla í.

Verst fannst mér þó að hafa ekki alveg fengið svarið sem ég var að leita eftir sem ég vissi þó fyrir.

En er komin með 16 bls í word af þessum umræðum....pffff

Then

Orð tileinkuð systur minni :)

Jæja - held ég sé svona nokkuð búin með eina ritgerð og er að byrja á þeirri næstu. Það gengur en gengur alltof hægt - þyrfti nefnilega að fara að lesa undir próf.

En akkúrat núna er ég að reyna að lesa mér til um umræður á Alþingi - já jafn spennandi og það hljómar.

Ef ég blogga ekki fljótlega þá er ég sennilegast dáin úr leiðindum!

###

En annars átti ég indælan tíma með systurdóttur minni í gær, þurfti reyndar einu sinni að byrsta mig aðeins við hana því hún var alltaf að drekka baðvatnið en það var með freyðibaði og varð hún eitthvað súr greyið. Þegar ég spurði hana hvort hún væri í fýlu út í mig þá sneri hún sér aðeins undan til þess að hugsa málið og hefur síðan komist að þeirri niðurstöðu að það tæki því ekki :)

Pössunin var hinsvegar ekki alveg að kostnaðarlausu fyrir systur mína því hún var fengin til þess að lesa yfir ritgerðina mína þar sem orðið then kom víst alloft fyrir.

Hvað get ég sagt - tek oft ástfóstur við eitthvað orð svona án þess að vita það.

En fyndnasta kommentið sem systirin sagði um ritgerðina var að hún "lyktaði" svoldið af vinstri grænum. (Man reyndar ekki hvort hún sagði lyktaði en allavega var svona touch af) - en það fannst mér frekar skondið.

Séð

Nú sá ég við ipodnum.

Battery að klárast en tók með hleðslutækið.

Sá við þessu öllu saman!

En kannski spurja nokkrir sig að því hvur fjandanum er hún að gera með ipodinn og vesenið á því úr því að hún sé með tölvuna sína með sér á annað borð.

Jú svarið við því að er ekki búin að henda inn itunes á nýju tölvuna og því ekki með tónlistina í tölvunni.

Svona in case you were wondering ;)

En það verður semsagt gert í jólafríinu.

Vann

Haldið ekki að ég hafi unnið Harry Potter bók í jóladagatali Glitnis.

Gerðist líka akkúrat fyrir 8 árum síðan að ég vann fyrstu bókina um hann Harry Potter sem varð til þess að ég kynntist honum og þeim félögum.

Þá þarf ég bara að eignast síðan hinar 5 svo ég eigi allt safnið.

En já komin aftur upp í skóla - á frekar erfitt með að koma mér hingað snemma :( en stundum er gott að fara heim því þá koma inn nýir vinklar eða viðbætur sem manni hafði ekki dottið í hug.

Góðar stundir!

hahaha

hmm.... sumir greinilega búnir að eyða alltof miklum tíma hérna í Öskju.

Hvernig veit ég það?

jú þegar manneskjan búin að taka dótið sitt saman og klæðir sig í fer síðan en snýr tilbaka því fattaði það að hún þyrfti víst skóna sína líka.

nei var ekki ég.

Ég sit sem fastast!

Stuð

Stuð á föstudagskvöldi í Öskju.

já já

Spurning hvenær diskóljósin byrja.

Blóta því smá að ég drekki ekki áfengi - gengi kannski betur með skrifin á ritgerðinni eftir einhverja sopa ;)

###

Svona til þess að dreifa huganum aðeins þá er ég búin að skrifa fréttabréf til stelpnanna - ekki veitir af þar sem ein býr í útlöndumn og tvær eru dreifbýlistúttur.

já ritgerð....

Athyglisbrestur

Ég hef athygli í svona 2 mínútur en þá lít ég upp úr því sem ég er að gera og skoða hvort sé eitthvað annað spennandi!

Óþolandi.

Annars poppaði afturhlerinn á bílnum upp í nótt þegar ég var að keyra heim. Mjög gaman á Miklubrautinni, var nú þónokkur umferð miða við að klukkan var að verða eitt. hmm.... spurning hvort pabbi fari að rukka bílinn eftir að hafa lesið þetta ;) hehe

Hitti nágrannakrakkana í bænum í gærkveldi eftir að ég var búin að vinna. Einn af strákunum sagði mér að þau hefðu verið á pítunni en þegar hann fann maur eða einhverja pöddu í sinni pítu þá hafi hann misst lysinta. ojjj bara!

En já þá er að lesa aðeins meira og svo skrifa....

er með ipod fullhlaðinn þannig að hann ætti að duga langt fram á nótt.

ónei

Batteryið á ipodnum var að klárast!

Spurningum um að koma sér heim þá....

eða kannski hlusta á bylgjuna í smá tíma.......

Vesen á mér

Er að bölva mér í sand og ösku hérna.

Er alltaf svo hryllilega lengi og sein að koma mér að verki. Var að komast á smá skrið með verkefni í dag þegar ég þurfti að fara að vinna - týpískt.

Svo er ég svo ekki að koma mér að verki núna - eftir vinnu.

Langar mest bara að halla mér upp í rúm. En það er ekki boði enda sit ég í Öskju að reyna að gera eitthvað af viti.

Held að heimilið mitt verð bara bannað fram að 21. des

Loksins

Loksins eru fyrirlestrar búnir og við tekur verkefnavinna/ritgerðavinna og próflestur. Að sjálfsögðu lauk fyrirlestrum í hagfræði og heimspekideild í síðustu viku en raunvísinda og verkfræðideildin í þessari viku. En já áfram með smjörið víst....

###

Er svo glöð að ég skuli ekki lengur vera með verki.

Allan þriðjudaginn var ég heima hjá mér með bévítans verki í síðunni - mjög undarlegt miða við ef ég hef eitthvað tognað eða snúið mig. Var ábyggilega svipað og einhver mundi koma reglulega og snúa hníf í sári.

Sófaborð

Vantar einhverjum sófaborð?

Ef svo er þá vantar mig að losna við þetta sófaborð.


Ef einhverjum langar í þetta borð þá er hægt að hafa samband við mig.

Gegnum kommentin eða lbh3 (hja) hi.is - þarf þá bara að sækja borðið til mín.

Leynilíf

Ég á mér ekki leynilíf eftir allt saman - jú nema það sem ég vil halda frá ykkur ;)

En þau ykkar sem þjáðust mikið yfir óútskýrðum launum á reikningnum mínum en þá er ég komin með skýringu. Ekki að ég fatti þá skýringu því kemur að sé einhver persónuuppbót frá tveimur vinnustöðum sem ég var að vinna á þessu ári.

Já það þarf kannski að bæta mér það upp að ég skuli vera ég.

En góðu fréttirnar eru þær að þetta er minn peningur eftir allt saman og er því ríkari en ég bjóst við. Alltaf gott að fá svona auka í desember!

###

Að öðru eins og venjulega - er að skemmta mér í Öskju. Sit og á að vera að læra. Stal mér ágætis sæti frá einum samnemenda (hún hefur sitt sæti buhhuu) en allavega erum að minnsta kosti 3 hérna. Stefni á að vera hérna þangað til ég hryn niður.

Líka svo þægilegt að geta síðan bara keyrt heim!

Er alveg að fíla að vera á jeppanum hans pabba alveg þangað til stærri jepparnir taka fram úr mér......

Ný pera

Já þá er það orðið ljóst að ég get ekki skipt um ljósaperur heima hjá mér en get vel sett saman eitt stykki sófaborð og svo fullt af stólum.

Útiljósið fór hjá mér um daginn og eftir að hafa fengið lánaðan stiga hjá nágrönnunum þá byrjaði ég að bisast við þetta en gat með engu móti náð kúplinum af.

Hringdi því í pabba!

Sem kom og ekkert mál en ég var með ranga peru til þess að setja í ljósið því var farið á stúfana eftir peru nema hvað ég keypti of langar.

Fór því aftur í dag til þess að athuga með peru sem gekk og voru þær settar á réttan stað og tókst að setja kúpulinn á sinn stað.

En að öðru - fékk fyrirfram jólagjöf í gær sem ég gat síðan ekki látið vera í kassanum og setti því upp eitt stykki sófaborð.

Fór síðan til mömmu í mat og eftir það voru stólar settir saman hjá henni. Því er mér illt í hendinni í dag.
###
Notaði mér síðan það að vera á bílnum hans pabba því dýnan sem er búin að vera fyrir utan hjá mér í hartnær 2 mánuði var tekin og farin með á Sorpu. Þrátt fyrir góða hugmynd hjá Guðmundu að binda snæri í hana og taka með mér í strætó þá ákvað ég að nota bílinn í það. En dýnan var búin að bíða eftir því að vera sótt í þessa 2 mánuði nota bene.
###
Að enn öðru en ég er með einhver óútskýrð laun á reikningnum hjá mér, fékk útborgað í gær og var ekki alveg sátt því það var minna en ég var búin að reikna út en svo þegar ég athugaði reikninginn minn í dag þá eru launin mín komin inn en þá veit ég ekki hvaðan hitt kom.

Ég á mér kannski leynilíf, svo leynilegt að ég veit ekki einu sinni um það og fæ laun fyrir!

hmmm...... þarf að skoða þetta mál!

Þrif

Búin að þrífa íbúðina. Þannig að velkomin í heimsókn :)

En helst bara í kvöld og endilega komið með eitthvað að borða handa mér í leiðinni.

Er svöng og nenni ekki út í búð - kalt úti og rok!

Mér er líka kalt!

Neihei

Vitið þið hvað - er verið að setja upp jólatré upp hérna í Öskju.

jahérna hér....

Ipodinn

Hræðilegt - ég gleymdi að hlaða ipodinn minn í gær. Fattaði það þegar ég var að bíða eftir strætó.

Er næstum því eyðilögð og sit því hérna í skólanum að hlusta á úvarpið í staðinn. Frekar vil ég ipodinn minn, hann er nefnilega ekki með þessum leiðindar auglýsingum né óþarfa tali inn á milli laga.

Gengur annars ekkert að einbeita mér.... það er líka hræðilegt.

En hitti gott fólk í kvöld - það er ekki hræðilegt.

Bara yndislegt!

Fjölgun

Já nóvember hefur heldur betur verið mánuður fjölgunar.

Var enn eitt krílið að koma í heiminn í dag. Í þetta skipti lítil frænka úti í Boston og mikið er internetið dásamleg uppfinning því ég er strax búin að sjá barnið en hún fæddist á hádegi.

Strákur og stelpa bættust einnig við í vinahópinn í þessum mánuði, kom strákur í Danmörku og stelpa hérna á Íslandi og komu þau með viku millibili.

Þá er reyndar ein eftir í nóvember sem ég þekki - samnemandi en spurning hvort hún nái nóvember.

Innilega til hamingju með fjölgunina í fjölskylduna, öll sömul :)

Týpískt

Hversu týpískt er það að þegar ég ætla að gefa mér tíma í að svara kennslukönnuninni þá kemst ég ekki inn á ugluna!

Hversu týpískt er það líka að þegar allt er á haus heima hjá manni, drasl og skítur að þá fær maður heimsókn. Af hverju kemur fólk aldrei í heimsókn þegar maður er nýbúin að þrífa?

Hugmyndir

Áfram held ég að lesa fyrir verkefni sem ég á að gera en meðan fæðast hugmyndir hvað ég get sett í ritgerð í allt öðru fagi og sem ég er ekki að vinna að núna en þyrfti að gera á morgun og fram á miðvikudag en þá er fyrirlestur hjá mér um þá ritgerð.

en verð að geta einbeitt mér að verkefni dagsins......

###
saxast á nestið mitt!

Bjartsýn

Er alltaf svo bjartsýn þessa dagana ;) - stefndi nefnilega á að klára tvö verkefni í dag en er búin að vera að núna í nokkra klukkutíma en virðist ekkert þokast áfram :(

Þannig að hvorug þessa verkefna munu klárast í dag - svona ef ég lít raunsætt á málið. Má kenna kannski einhverju einbeitningleysi um. Er ekki alveg að nenna þessum verkefnum sem ég er og er því alltaf að hugsa um eitthvað annað en þetta annað er lærdómstengt líka bara aðrar ritgerðir og önnur verkefni.

Er líka svo frekar kalt hérna þannig að sit með húfuna mína og á tímabili var ég með úlpuna yfir mér.

Voðalega lítið gengur á nestið mitt ;) en er þó farin að finna fyrir smá svengd þannig að kvöldmatur verðir sennilegast snæddur fljótlega (hluti af nestinu mínu).

You can do it!

Ha Ha

"Að mati stofnunarinnar er æskilegt að leggja göngu- og hjólastíg um nesið til þess að fólk geti notið þar óspilltar náttúru"

hmm..... er ekki smá þversögn í þessu - um leið og þú setur göngu og hjólastíg þá er náttúran ekki alveg óspillt!

Læra

Jæja komin niður í skóla til þess að læralæralæralæralæralæra.

Tók hellings af nesti með mér og verður því ekki farið heim fyrr en það er búið og ég orðin svöng aftur.

Því er spurning hvort um kappsát verði hér eða lærdómur ;)

###
Átti viðtal við kennara minn um daginn sem sagði að næsta önn liti rosa vel út fyrir mig - eru kannski að fá gestakennara sem er sérfræðingur í þjóðgörðum. Vona ekkert smá að sá kennari komi svo var eitthvað meira spennandi í boði.

Hún spurði mig meðal annars að því hvernig mér gengi í einu ákveðnu fagi og þegar ég sagði við hana að ég hefði komist að því um daginn að þegar kennarinn kenndi á íslensku (en ekki ensku eins og vanalega) þá fattaði ég að ég skildi það ekkert frekar. Henni fannst það frekar fyndið og spurði hvort hún mætti segja umræddum kennara þetta hehehe

Var alls ekki að setja út á kennarann heldur það að efnið er ekki alveg mitt ;)

en já.... ég kom víst hingað til þess að læra en ekki að rausa....

Skólamálin mín

Þar fauk annar regnskógur!

En virðist vera aftur komin með "eldmóðinn" eða áhugann.

Hann hvarf eitthvað um skeið og fannst mér sem ég væri ekki í rétta náminu. Ef eftir tvo skemmtilega og áhugaverða fyrirlestra í dag þá fann ég áhugan aftur.

Svo spillir ekki fyrir að er að rembast við ritgerð sem ég hef áhuga á :)og finnst spennandi - Vatnajökulsþjóðgarður er það heillin!

Greinilegat að voru hlutir sem höfðuðu ekki eins til mín eða eitthvað annað sem dró mig niður.

Best að reyna að halda í þetta!

Systursonurinn

Litli sæti systursonurinn er 3 nóttina sína á barnaspítalanum í nótt. En vonandi verður þeim mæðginum sleppt út og heim á morgun. Færði litlu systur eitthvað að borða í dag og hékk síðan með henni og gekk um ganga spítalans í dag. Voru langar göngur fram og tilbaka, í þeim tilgangi að svæfa þann stutta sem var þrjóskari en ég veit ekki hvað.

En er enn að hneyksluð á kennara systur minnar. En hún skrifaði kennurum sínum tölvupóst í dag til þess að láta vita að hún kæmist ekki í tíma og annað þar sem hún væri með son sinn á barnaspítalanum og hefði verið með síðan um helgina. Því ekki komist í tölvu strax.

Nema hvað hún fékk svar frá einum kennaranum sínum á þá leið að í fyrsta lagi væri nú hægt að komast í tölvur, væri bæði í unglingaherberginu og foreldraherberginu þannig að væri nú ekki mikil afsökun.

Þvílíkt fífl segi ég og skrifa, að honum skuli detta í hug að svara svona. Hann veit nákvæmlega ekkert hvað er í gangi hvort að sonur hennar væri lífshættulega veikur, slasaður eða annað. Þessi tölvupóstur hefði verið nóg til þess að brjóta manneskju niður eftir hræðilegar raunir. Er heldur kannski ekki alveg fyrsta hugsun hjá manneskju með veikt barn, já skólinn gengur fyrir þess fyrir utan komst hún voða lítið frá barninu þar sem hann vildi mest láta halda á sér og svaf lítið.

Trúi bara ekki enn að nokkur maður skuli svara svona og vera svona ótilitssamur.
###

En jæja búin að tappa af og þá er að fara að læra en skellti mér niður í skóla eftir vinnu til þess að læra þar sem ég stal líka bílnum af litlu systur. Ég meina ekki er hún að nota hann föst upp á spítala ;)

jamm er svo næs!

Afgangar

Seinasta sunnudag fór ég í mat til mömmu, hún sendi mig síðan heim með afgangana því henni fannst það of gott í hundinn.

Þannig að afgangar fara annaðhvort í mig eða hundinn!

Er ekkert skárri en hundsgrey.............

Skróp

Ákvað að skrópa í einn tíma í dag, vildi frekar vera vinna í verkefnum heldur en að sitja í "tilgangslausum" tíma. En þrátt fyrir það hafði ég samviskubit yfir því að mæta ekki - eða svona alveg þangað til ég spurði eina sem fór hvernig hafði verið í tíma.

Varð svo fyrir vonbrigðum í dag varðandi tölvupóst, áleit sem það mundi bjarga lærdómnum og um leið geðheilsunni. Þarf að finna einhverja sniðuga lausn og það strax.

Sit reyndar í þjóðarbókhlöðunni núna og það er ekki sniðug lausn, fann bara hvað augnlokin eru þung um leið og ég settist niður.

Að smá uppörvandi en algjörlega gagnlausum upplýsingum þá hef ég mjög gaman af því hvernig einn ítalskur samnemandi minn talar enskuna sína.

En hann talar enskuna eins og Ítalar tala ítölsku - hratt og í einu flæði.

Þannig að þegar maður hlustar á hann tala þá þarf maður að hafa sig allan við að skilja og vita hvar eitt orð byrjar og næsta tekur við.

En það er bara gaman af honum :)

Hópmynd

Gjörsamlega búin að tapa mér í Rúmeníu - hér er hópmynd af landvörðum úr Evrópu. Þeir sem voru á ráðstefnunni í Rúmeníu.


Fékk líka drög að ráðstefnu fyrir landverði í Ungverjalandi næsta haust... oh hvað ég væri til í að fara! Svo er það Bólivía 2009. Já ég er dottin í ráðstefnur og landverði :)

Hausverkur

Fór að sofa með hausverk seinustu nótt, í morgun þegar ég vaknaði (aðeins á undan áætlun) þá var ég enn með hausverkinn. Ákvað því að taka verkjatöflu og sofa í klukkutíma í viðbót.

Þegar ég vaknaði aftur um klukkutíma seinna var hausverkurinn á bak og burt og alveg þangað til ég kom heim í kvöld um hálf tíu.

Nokkuð góð virkni á verkjatöflu :)

Annars finnst mér slæmt að taka alltaf verkjatöflur við hausverk og geri það ekki alltaf bara nú má ég ekki við því og hef ekki tíma í hausverk eða annað.

Bíó

Nú er svo komið að ég man ekki hvenær ég fór seinast í bíó.

Sakna þess ógurlega að hafa ekki farið í bíó.

Svo merkilegt sem það er þá gef ég mér ekki tíma til þess að fara en hinsvegar hef ég oft nægan tíma til þess að hangsa og gera ekki neitt.

Reyndar þá fer sá tími ekki í dagbókina sem hangs og gera ekki neitt því sá tími kemur oftast af sjálfum sér en þar sem ég þarf að "gefa" mér tíma til þess að leyfa mér að fara í bíó þá er erfiðara að setja það niður.

Klikkað!

Já

En svo er líka svo dýrt í bíó og því þarf að velja myndirnar af sérstakri kostgæfni og oft á tíðum eru bara ekki spes myndir í boði. En þar fyrir utan þá er ég reyndar búin að missa af mörgum góðum (held ég), ætlaði mér til dæmis alltaf að fara á kvikmyndahátíðina en hún bara rann framhjá - ok gerði heiðarlega tilraun til þess að fara á eina mynd en þá var uppselt :( en það var Sigur rós - Heima. Kom reyndar síðan í sýningu viku eftir en gaf mér ekki tímann til þess að fara.

Auli!

Já

Dósaupptakari

Eflaust ætti ég ekki að vera ljóstra upp vankunáttu minni og eingöngu tala um eigið ágæti. En svoleiðis blogg eru leiðinlegt til lengdar enda alltaf gaman að hlæja af hrakfarasögum annarra - já svo lengi sem sá sami hafi húmor fyrir því að sjálfsögðu ;)

En allavega dósaupptakarinn hefur angrað mig núna í töluverðan tíma. Málið er það að eftir að leigjandinn minn var hérna þá "hvarf" dósaupptakarinn minn sem ég átti og líkaði vel við og nýr dósaupptakari komin í staðinn.

Ég hef átt í stríði við þennan nýja dósaupptakara því hann einfaldlega opnaði ekki dósirnar og ég þurfti nánast að brjótast inn í blessuðu dósirnar. Að sjálfsögðu gleymdi ég alltaf hrakförunum þangað til kom að því næst að opna dós og því gleymdi ég alltaf að kaupa nýjan dósaupptakara. Ég var stundum komin að því að fara upp til nágrannans til að spurja um hvort ég gæti fengið lánaðan dósaupptakara.

En nýlega uppgötvaði ég hinsvegar trixið við að nota þennan blessaða dósaupptakar eftir að hafa reynt á allavegu að opna dósir með honum.

Við erum að tala um heilt ár hérna sem tók mig að fatta hvernig átti að nota dósaupptakarann.

Er ég þunn eða hvað?

Regnskógar

Regnskógar heimsins eru að týna tölunni vegna mín eftir útprentun á hinum ýmsum greinum.

Er líka að klára prentkvótann minn!

###

Ég er svöng!!

Utan við mig

Var að fatta það að ég setti í þvottavél í morgun og hef ekki enn tekið þvottinn úr henni og er ekkert að fara að gera það strax því ég er enn niðri í skóla.

já já gott að vera svona fattlaus og upptekin.

Er að skemmta mér yfir því að finna greinar og lesa yfir. Flest allt hagfræðilegt....en finn aldrei akkúrat það sem ég er að leita eftir.

Örg

Er afskaplega pirruð á Word 2007, veit ekki hvað ég eyddi miklum tíma í það að reyna að gera efnisyfirlit sem ekki tókst... svo að setja rétt númer á bls en tókst ekki og því varð inngangur á bls 2 en átti að vera bls 1

Þannig að ritgerð var send án efnisyfirlits og með inngang á bls 2 :( - svo er ég niðri í skóla núna í word 2003 (held ég), tók skjalið og ákvað að athuga hvort ég gæti nú ekki sett inn efnisyfirlit og breytt þannig að inngangur er á bls 1 - jú ekkert mál...

urr hvað ég er fúl út í word 2007.

Er líka sein með öll skil og það er ekki gaman.

Til þess að toppa daginn eða hádegið hjá mér þá varð ég að hlaupa til þess að verða ekki of sein í strætó því #%&?# vagnarnir ganga á hálftíma fresti akkúrat þegar ég þarf á því að halda að sé styttra milli ferða.


urrr

Dreyma

Er að láta mig dreyma þessa dagana - svo sem ekkert nýtt!

En er að láta mig dreyma um að fara út, er komin með flugu í hausinn að fara út milli jóla og nýárs.

Hingað til hef ég verið að velta fyrir mér hvert þangað til það laust í hugann hvert ég gæti farið en held það sé ekki sniðugt því viðkomandi getur ábyggilega ekki tekið á móti mér á þessum tíma. Fyrir utan það að ætti ekkert að vera að fara.

en alltaf hægt að láta sig dreyma!

Matur

Óþolandi að þurfa alltaf að hugsa um þennan mat, hugsa um hvað maður eigi að borða og hvað eigi að vera í matinn. Sjaldnast tek ég út úr frystinum sem gerir það að verkum að þegar ég kem heim á daginn og veit fyrir víst að ég verð heima að þá er orðið of seint að taka úr þessum blessaða frysti því það nær ekki að þiðna á tilsettum tíma.

Þegar ég hinsvegar er það forsjál að taka úr frystinum þá bregst það ekki að eitthvað kemur upp á og ég er ekki heima það kvöldið og því elda ég ekki.

Núna er ég því í klemmu, ekkert í ísskápnum, matur í frystinum og ég að velta fyrirmér hvort ég eigi að ganga út í búð og kaupa eitthvað.

Hvað skal gera?

Frá Rúmeníu

Var að fá sendar myndir frá Mihai í Rúmeníu síðan landverðir voru þar.

Varð að setja þessa mynd af íslenska hópnum + Florin, vantar að vísu 2 landverði en óafvitandi sýnist mér að við höfum raðað okkur upp eftir hæð :) - fyrir utan Florin.

Flutningar

Ég var að hjálpa vinum í dag að flytja í sveitina, í tilefni þess fór ég í sveitafötin - lopapeysuna. En þess má geta að hún var í raun brúðkaupsföt í sumar.

En allavega íhugaði það að hlekkja mig við dyrnar hjá þeim í mótmælaskyni við að þau væru að flytja í sveitina en ákvað svo að hjálpa í staðinn.

Held við höfum verið hátt 3 klst að fylla RISA stóra flutningabílinn en samt tókst ekki að taka alveg allt dótið. En svo bara um klukktíma að tæma hann.

people - er sko ekki hægt að kvarta yfir drasli hjá mér ef/þegar ég flyt næst :)

Svo var ég bara föst í sveitinni í dálítin tíma, prófaði að fara Bónus í sveitinni líka, svoldíð sveitó fólk en fittaði inn í lopapeysunni minni með húfuna hahahaha yeah right!

En held svei mér þá að þau eigi bara eftir að raða inn í skápa og jafnvel endurraða í eldhússkápa.

Svo er ég bara fyrst í pottinn þegar hann kemur hjá þeim og já í sturtu líka ;)

Urr

Þegar ég var komin úr strætó í kvöld og á leið heim til mín þá laust það í huga mér að ég hefði gleymt að læsa niðri í vinnu!

Gat ómögulega munað hvort ég hafi læst eða ekki.

Hringdi í pabba til þess að athuga hvort hann væri að vinna - en hann vinnur nálægt mér en svo var ekki.... ákvað þá að prófa að hringja til mömmu til þess að athuga hvort bróðir minn væri kannski á rúntinum. Drengurinn svaraði akkúrat símanum og var á leið á rúntinn.

Plataði hann því að rúnta með mér niðureftir - en reyndar var það síðan frænka hans sem keyrði mér niðureftir.


Að sjálfsögðu var læst!

En eftir alla þessa fyrirhöfn hefði ég nú viljað að væri ólæst en er samt fegin að svo var ekki.

Vonandi fer þetta ekki að þróast upp í þráhyggju hjá mér en átti við þennan vanda að stríða í allt sumar varðandi gestastofuna. Mundi aldrei hvort ég hafi læst á eftir mér en "leyfði" mér þó aldrei að snúa við og athuga því ég vissi innst inni að ég hefði læst.
###
Í dag var mastersnemum í náminu mínu boðið í móttöku, þar sem við hittum námsstjórnina og að sjálfsögðu samnemendur. Var mjög fínt og gott að sjá þá sem eru í stjórninni sem ég hafði ekki séð áður. Er reyndar alltof ódugleg að fara að fólki og byrja að tala við og talaði því einungis við einn kennarann úr námsstjórninni enda þekki ég hann.

Ný tölva

Stúlkan komin með nýja tölvu - um sólarhringi eftir að sú gamla gafst upp var hún komin með nýja.

Enda ekki hægt að vera tölvulaus í námi, bara gengur ekki upp. Nýja tölvan er með litlum skjá, 12" og það þarf að venjast því. En ég tók fram yfir að hafa litla og létta tölvu sem auðveldara væri að ferðast með og ekki mikil fyrirferð í.

Er að venjast litlu sætu tölvunni minni og hlakkaði þessi ósköp til að komast heim til hennar í kvöld :)

Tölvan dáin

Tölvan mín er dáin - dó í hádeginu í gær.

Fékk síðan skrifað upp dánarvottorð kl.21.10 í gærkvöldi.

Var smá sorgmædd í gær en vissi svo sem að mundi eflaust koma að þessu, hún hefur eflaust kannski ekki verið sátt við að vera straujuð á föstudagskvöldið, enda hefur hún verið mér góð í 4 ár og án nokkurra stærri vandamála.

Er líka með öll gögnin mín þannig að ég tapaði engu af tölvunni minni sem betur fer annars væri ég í þónokkuð meira uppnámi.

En tímabært að halda áfram og er farin að skoða aðrar tölvur en þá er bara að ákveða kaupin!

#vona að tölva hafi verið rétt notuð því ég man aldrei hvort maður segir talva eða tölva#

Fegin

Nú er ég fegin að búa ekki í vesturbænum!

En ætli rottufaraldur sé ekki hér líka - vonandi fara þær samt ekki að koma upp um klósettið hjá mér.

###

Já alveg rétt - er að hugsa um að ná mér í Ástralskan námuverkamann ;)

Verðmæti

Value is in the eye of the beholder.

Hljómaði eitthvað betur á ensku.

Allavega var að skila verkefni í Seminar þar sem við áttum að taka afstöðu til þess hvort verðleggja ætti náttúruna og koma með rök fyrir því.

Það merkilega við þetta allt saman (að mér finnst) að ég hafði að ég held ákveðna skoðun á þessu máli en eftir því sem maður lærir meira því óvissari verð ég. En það er heldur ekki flest svart eða hvítt í þessum heimi....

Hugsa að afstaða mín í dag sé beggja blands, jú vissulega ætti að verðleggja sumt en annað ekki en þá kemur sú klemma upp - hvað á að verðleggja og hvað ekki.

Til að mynda finnst mér fráleitt að fyrirtæki geti sett mengandi úrgang frítt út í andrúmsloftið, vatnið eða hvað sem það er. Finnst ekki að samfélagið ætti að borga fyrir mengunina heldur sá sem mengar.

En þar sem verðmætamat fólks er mismunandi getur verið mjög erfitt að setja verðmiða á náttúruna enda meira en bara fólkið sem þarf að taka tillit til heldur líka vistkerfisins. Eins vill það oft gleymast sú þjónusta sem við höfum af umhverfinu og tökum sem sjálfsögðum hlut.

###
Var í tíma í gær og tók mig smá tíma að fatta að kennarinn væri að tala á íslensku, mér til mikillar skelfingar þá rann upp fyrir mér að ég skildi ekki meira þótt hann talaði íslenskuna heldur en enskuna.

Var síðan í dæmatíma áðan (í sömu námsgrein) þar sem aftur var talað íslensku þar sem enskumælandi fólkið var ekki á staðnum en þar var hellings af ensku slettum. Því eru svo mörg orð sem maður veit ekki alveg hvað er á íslensku né heldur kennarinn ;)

En jæja þá er að snúa sér að gera kókosbollunammið..... EIA verður að bíða aðeins.

Í ruglinu

Sveitaloftið á greinilega miklu betur við mig - minnsta kosti svefnlega séð, nema það sé vinnan þar sem hefur svona góð áhrif á mig að ég fari í flestum tilfellum snemma að sofa.

Það er ekki hægt að segja það sama núna - fer alltof seint að sofa sem þýðir að ég er komin í "ruglið". Fer seint að sofa og því þreytt á daginn og hef ekki fulla orku.

Er svo mikið betra þegar maður fer snemma að sofa og með reglu á svefinum. Já svona eins og litlu börnin.
###

Tölvan mín er að fara í allsherjar yfirhalningu - keypti flakkara í gær og er að henda öllu dótinu mínu yfir á hann.

Verður spennandi að sjá hvort hún taki við sér

###
Ætla að óska brúðhjónum - sem voru að ganga í hjónaband í dag innilega til hamingju og svo að sjálfsögðu vinunum sem eiga brúðkaupsafmæli í dag - að ég held 6 ára brúðkaupsafmæli - getur það verið?

En allavega innilega til hamingju öll fjögur :)

Ansans

Ég braut klósettsetuna - borgar sig ekki að þrífa :(

Mig langar í klósettsetu ef einhverjum langar að gefa mér :)

###
Aftur var ég úti á föstudagskvöldi og hélt lengur út í þetta skipti. Með þessu áframhaldi þá verð ég úti alla nóttina og fram á morgun þegar veturinn er úti.

Gekk aftur heim og byrjaði þetta litla að rigna þegar ég var svona hálfnuð og mikið var rigning eitthvað köld.

Er annars að láta mig dreyma þessa dagana um ákveðið plan. Plan sem nær til ársins 2009 - jamm hrikalegt alveg hreint.

Spurning hvort eitthvað verður af þessu þar sem mikið af þessu snýst um peninga. Ætla ekki að upplýsa á blogginu hvað þetta er fyrr en eitthvað af þessu er komið á hreint en er alveg velkomið að kíkja á mig og/eða heyra í mér og athuga málið.

En læt mig dreyma á meðan!

17-25

Það er fólk svona á aldri við ykkur.

17-25 ára


hahahhahahaha

Lífstíll

Las í dag í mogganum um 3 einstaklinga sem eiga ekki bíl og það sé hluti af þeirra lífstíl.

Ég á ekki bíl.

En hef ekki talið það sé einhver ákveðin lífstíll hjá mér sem það er náttúrulega samt hluti af því.

Ég á ekki bíl vegna þess

*hef ekki efni á að reka hann eins og staðan er í dag
*ef ég hefði efni á því mundi ég ekki tíma því :)
*vil eyða mínum pening í annað en bíl eins og til dæmis að ferðast

þetta eru helstu ástæðurnar fyrir því að ég á ekki bíl, ekki það að ég sé svo umhverfisvæn - tel það bara vera bónus (surplus), því ef mér er boðið far þá oft stekk ég á það eða ef mér býðst að fá lánaðan bíl eins og var í sumar. Þykir það alveg ótrúlega gott oft á tíðum.

Tala nú ekki um ef ég ætla í Bónus þá fæ ég lánaðan bíl til þess að þurfa ekki að burðast með pokana í strætó.

Stóri mínusinn samt við að eiga ekki bíl er að komast ekki út úr Reykjavík, geta ekki ferðast um landið. Og nei vil sko ekki ferðast með rútu um landið - það er bara til að komast á milli staða A og B - ekkert hægt að fara út fyrir það.

Snillingur

Ég var með systurdóttur mína um helgina - eða frá laugardegi til sunnudags.

Var hreint frábært að hafa hana hjá mér í sólarhring og þessi stelpa er algjör snillingur (að sjálfsögðu :)).

Skelltum okkur í sund og dáðist alveg hrikalega að henni þar - var nefnilega ekkert vatnshrædd eða neitt. Einnig gat ég ekki betur séð en að hún kunni smá að synda og stelpan ekki nema 2 ára, var meira svona hundavað en komst áfram.

Á sunnudagsmorguninn skelltum við okkur í sunnudagsskólann sem hún er vön að gera. En fórum í kirkjuna nálægt mér, eitthvað eirðarleysi greip þá stuttu og fórum við eftir hálftíma. Eftir það var bróðir hennar sóttur og svo haldið heim til foreldranna en eitthvað var Embla mín ekki sátt og vildi fara heim til Lindu frænku - voða sætt :)

Snillingurinn ég keypti kassa af íspinnum áður en systurdóttirin kom - gleymdi hinsvegar síðan að gefa henni ís :( fattaði það þegar ég var að svæfa hana að ég ætti ís í frystinum en var búin að gleyma því aftur morguninn eftir... algjör!

En vonandi verður þó ekki eins langt þangað til næst að hún gistir hjá mér og þau systkini bæði.

snillingar þurfa líka að sofa!

Áhugavert kvöld

Átti alveg áhugavert kvöld í gærkvöldi og óvænt :)

Var uppi í skóla til níu ásamt hópi af öðrum þar sem við vorum að reyna að leysa verkefni - en ég gafst upp klukkan níu enda líka orðin sársvöng þar sem ég var búin að vera þarna frá um fjögur.

Þegar ég fór sá ég sms frá GLP um að hún og aðrar landverjur færu á Ölstofuna og hvort ég mundi ekki koma. Því hoppaði ég úr strætó á Lækjargötu og fékk mér að borða, á meðan reyndi ég að hafa samband við þær dömur hvort væru komnar á ölstofuna - en kemst síðan að því að þær voru á Domo að borða.

Þannig að þegar ég er búin með minn Nonnabita fer ég á Domo þar sem hópur af umhverfisfræðingum er með þeim stöllum. Ég ílengist þar svona miða við að ég ætlaði bara að kíkja á þær. Fæ að smakka á aðalréttinum og fékk svo eftirrétt því tvær úr hópnum voru farnar áður en að honum kom.

Eftir að allir voru búnir að borða var haldið á ölstofuna og leiðinni þangað var ég "yfirheyrð" af pabba "þekkts" einstaklings af hverju ég hefði nú verið valið námið sem ég valdi.

En var alltaf á leiðinni að taka næsta strætó heim en kom af því að þeir hættu að ganga þannig að ég gekk heim í rignunni.

En var áhugavert og óvænt kvöld
###

Já og ég er komin með vinnu :) jeii - tvö kvöld í viku sem er fínt.

Umhverfisþing

Það er algjör sofandaháttur á mér... veit ekki hvar ég hef verið.

En það fer fram umhverfisþing í dag og á morgun, mig langar á þetta en var bara að komast að þessu núna að þetta umhverfisþing er :( þannig að ég er of sein.

Eru líka akkúrat að fjalla um það sem ég hef áhuga á. bleh... jæja verð víst þá bara að reyna pumpa út upplýsingum frá þeim sem ég veit að fóru þarna.

Skólamálin mín

Er ægilega hamingjusöm þessa dagana.

Er í hópavinnu með nokkrum og eigum við að finna grein/greinar um ákveðið málefni og hafa svo stuttan fyrirlestur um það.

Það sem gerir mig svo hamingjusama er að ein úr hópnum fann grein eftir höfund sem við ætlum að nota og þessi höfundur talar svona næstum því frá mínu hjarta.

Er svo ánægð að hafa fundið þennan prófessor og er með upplýsingar um miklu fleiri greinar eftir hana.

Þetta gæti jafnvel verið stór aðstoð fyrir mig í sambandi við hvernig eða um hvað mastersritgerðin mín verður :)

húrra fyrir því!

Töðugjöld, appelsínugulur og skírn

Fór á töðugjöld hjá UST á föstudagskvöldið.

En töðugjöld eru semsagt hálfgerð uppskeruhátið landvarða, það er að segja landverðir sem voru að vinna á friðlýstum svæðum í sumar hittast og "gera" upp sumarið.

Alltaf gaman að hitta landverði og hitta hitt starfsfólkið að sjálfsögðu.

Þegar við vorum úti í Búdapest þá kom appelsínuglur svoldíð sterkt inn hjá okkur íslensku landvörðunum en það byrjaði allt á því þegar við 5 landverjur vorum að leita okkur að veitingastað á laugardagskvöldi í Búdapest og búin að rölta smá um þá fékk ég nóg og sagði að við ættum að fara á veitingastaðinn með appelsínugulu stólana. Eftir það var ekki aftur snúið. GLP hélt áfram með appelsínugula þemað, keypti sér boli, töskur og skó sem voru appelsínugulir.

Nema það sló öllu út á föstudaginn á töðugjöldum þegar GLP sagði mér að hún hefði verið að mála stikur, þær yrðu aðeins öðru vísi heldur en þessar venjulegu því þær áttu að nota til þess að merkja mörk þjóðgarðsins. Þegar ég spurði hvaða litur það væri kom svarið.

Appelsíngulur!
###
Var í skírn í dag heima hjá Ellen systur og Atla en það var verið að skíra systurson minn :). Það var nú svoldið gaman að honum Arnari Má (systursonurinn) því hann næstum því talaði í kapp við prestinn. Eitthvað fyrir athöfn var hann eitthvað ergilegur en svo í athöfninni þá varð hann eitt sólskinsbros og blaðraði í kapp við prestinn.

Hitakerfi
Ég held ég sé komin með virkt hitakerfi í mér.

Yfirleitt er ég kuldaskræfa með meiru og alltaf kalt en seinustu daga hef ég upplifað í skólanum að mér er heitt. Gerði meira segja tilraun á þessu um daginn. Ég er nefnilega yfirleitt alltaf í flíspeysu (enda kuldaskræfa) en ákvað að prófa að fara í "þunna" peysu í skólann. Og ekki enn orðið kalt.

Skil bara ekki hvað er að gerast.

Svo til þess að toppa allt saman þá var ég heima hjá mömmu um daginn í mat og mér er alltaf kalt þar en nei, leið bara ágætlega og það undarlega var að mömmu var kalt.

Týpískt að ég hafi jinxað þetta núna!

###

Munur þegar ég elda að þarf ekki að gera elda næstu kvöld á eftir.

Eldaði á mánudagskvöldið sem dugði fyrir næstu 2 kvöld eftir það.