jaherna her

Nú er það slæmt.

Verulega slæmt.

Kann ekki að prenta út word skjal......

Útlitið á word skjalinu er svoleiðis allt öðruvísi en þetta sem ég er búin að venjast og ég bara get ekki fundið hvar ég ýti á print.

Hjálp!!!

The Thin Green Line - Heimildarmynd um störf landvarða

Fimmtudaginn 13. september kl. 20 stendur Landvarðafélag Íslands fyrir sýningu á heimildarmyndinni „The Thin Green Line“ sem fjallar um störf landvarða víðsvegar um heiminn. Sýningin fer fram í Norræna húsinu og verður höfundur myndarinnar viðstaddur og svarar spurningum að lokinni sýningu.
Ástralski landvörðurinn Sean Willmore seldi bílinn, veðsetti húsið og ferðaðist til 19 landa í 6 heimsálfum með það að markmiði að festa á filmu fólkið sem oft og tíðum leggur líf sitt í hættu við að vernda umhverfi og dýralíf á mörgum af fallegustu stöðum heimsins.

Myndin sýnir marga af fegurstu stöðum veraldar í nýju ljósi. Í stað hefðbundinna náttúrulífsmynda af villtum dýrum og stórbrotinni náttúru með sólarlagið í bakgrunni sjáum við raunveruleikann sem landverðir á þessu stöðum takast á við dags daglega. Myndin veitir innsýn í það mikla og fórnfúsa starf sem fjöldi fólks leggur á sig til að vernda náttúruna svo við getum öll notið hennar.

Þó svo að markmið landvarða um allan heim sé það sama, að vernda náttúruna, geta aðferðirnar til þess verið æði misjafnar háð aðstæðum á hverju svæði. Á meðan vopnaðir landverðir í Afríku kljást við uppreisnarmenn, veiðiþjófa og villidýr starfa kollegar þeirra í Chile í skugga eldgosa, snjóflóða og annarra náttúruhamfara. Sumstaðar í Evrópu er það hinsvegar helst slæm umgengni ferðamanna sem veldur landvörðunum áhyggjum. Sean Willmore komst oft í hann krappann á ferðum sínum og þakkar fyrir að vera á lífi í dag en myndin er tileinkuð landvörðum sem fórna lífi sínu við skyldustörf.

Myndin verður sýnd í Norræna húsinu fimmtudaginn 13. september kl. 20:00. Húsið verður opnað kl. 19:00, miðaverð kr. 500. Allur ágóði af sýningunni rennur beint í sjóð sem styrkir landverði sem hafa slasast við skyldustörf sem og fjölskyldur þeirra sem hafa látið lífið í starfi.

Sjáumst!

Sveitaferð

Skellti mér í sveitaferð í morgun - alla leið út á Reykjanesið í Reykjanesbæ.

Jamm fékk boð að skoða tilvonandi hús vina.

Það verður bara að segjast að ég er búin að bjóða sjálfri mér í sturtu hjá þeim - hahaha sturtuhausinn er bara geðveikur en þarf svo sem ekkert að vera wierd að ég bjóði mér í sturtu þar sem ég gæti haft það fyrir afsökun að fara í heita pottinn líka :)

Meina segir sig sjálft - sturta fyrir og eftir pottinn.

Rúmið mitt

Búin að klúðra rúminu mínu :(

Fór í bílskúrinn hjá pabba í dag og klárað að pússa þetta blessaða rúm og byrjaði svo á að bæsa það.

Alveg hrikalega ljótt.

Sendi svo pabba sms um að ég væri búin að klúðra hlutunum - hann kom þá hlaupandi út í skúr mér að óvörum því ég hélt að hann væri ekki heima. Allavega kallinn sagði mér bara að fara aðra umferð sem ég og gerði en verð sennilegast að fara 1-2 í viðbót.

Rúmið er full dökkt og dekkra en ég vildi hafa það oh well.

Það sem ég lærði af þessu er að næst mun ég ekki segja já við að fá bleikt rúm aftur. Það sem það er bæði leiðinlegt að pússa og ég hef bara engan tíma fyrir það.

###
Vika þangað til ég fer til Búdapest og svo til Rúmeníu jeeiii

Samnemendur mínir ætluðu að hittast í kvöld á tónleikum niður í skóla, núna sé ég mjög eftir því að hafa ekki drifið mig - svona getur maður verið bölvaður asni.

Skóli og annað

Skólinn byrjaður á fullum krafti. Tekst að fara í allar byggingar háskólasvæðisins á þessari önn. Reyndar lítur út fyrir að okkur verði hent úr Lögbergi þar sem það er aðeins ætlað lögfræðinemum. hahaha

pfff.... hef síðan verið í vandræðum með að ákveða hvort ég eigi að taka vinnu sem mér bauðst því vinnan er nefnilega í Garðabæ en er að hugsa um að slá til.

Styttist óðum í Rúmeníu hjá mér - hitti landvarðagellur á mánudaginn þar sem við vorum að fara yfir málin en landvarðargæjinn komst ekki á fundinn. Er samt með hnút í maganum yfir þessri viku sem ég missi af í skólanum.

Var svo sniðug í gær að fara til pabba að pússa rúmið mitt - fór nefnilega á þeim tíma þannig að ég bauð mér í kvöldmat.... en já var að pússa líka.

Mikið ofboðslega er það leiðinlegt og er ekki að mastera þennan juðara, held það sé jafn þreytandi að reyna stjórna honum eins og pússa bara sjálfur :) en er allt að koma er bara smá pússerí eftir því pabbi tók víst á þessu líka og svo er bara að bæsa rúmið og koma því heim og saman.

jæja bullið búið í bili...

Árshátið

Árshátið saumaklúbbsins var í gær - og heppnaðist bara alveg ágætlega.

Byrjað á fordrykk heima hjá mér þar sem sumir komu bara í þann mund sem við lögðum af stað á Eyrarbakka.

Pabbi var það góður að lána mér bílinn (sem reyndar Bjarni ók síðan) en allavega við vorum þá öll saman í bíl en leiðin lá út úr bænum. Er nefnilega ekki nægjanleg fjölbreytni í veitingahúsum í Reykjavík hahahha

En allavega fórum á Rauða Húsið á Eyrarbakka.

Var voðalega notaleg stemming og maturinn fínn - reyndar var kjötið mitt full rautt miða við það sem mér líkar.

Eftirrétturrinn var þrusugóður.

Mér brá hinsvegar í brún þegar heim var komið því það var kveikt á kerti inni í stofu og það var farið yfir allt áður en við fórum út úr húsi.

Myndir komnar í myndaalbúmið mitt :) - stelpur ekki hafa áhyggjur, albúmið er læst og setti ekki inn "vondar" myndir.

En hlakka til árshátíðar að ári....

Komin heim

Jæja komin heim eftir sumarvinnuna þetta árið.

Voru blendnar tilfinningar þegar ég fór af Snæfellsnesinu í gær, búið að vera frábært sumar og ekki spillti veðrið fyrir.

Skólinn tekinn við hér heima og fór í tíma í morgun - ekki byrjaði það vel því strætóinn sem ég ætlaði að taka kom 12 mínútum of seint þannig að ég mætti of seint í tíma.

Aðeins um 2 vikur í Rúmeníuför - hlakka til. En úff að missa úr skólanum.....

Stykkishólmur

Skelltum okkur í hólminn í gær eftir vinnu. Tilgangurinn var að heimsækja hana Þórunni og fá að sjá húsið sem hún býr í :) - en skelltum okkur í sund áður. Nota ferðina sko...

Vorum búin að plana að borða á Narfeyrarstofu en Þórunn bauð okkur í mat og úr varð alveg rosalega góð kvöldstund - húsið sem hún býr í er líka æði og góður andi þar inni.

Vorum svo vær að hún losnaði ekki við okkur fyrr en að verða eitt um nóttina og við því ekki komin heim á Gufuskála fyrr en að verða tvö.

Ekki laust við það að maður sé smá sybbin í dag!

Djúpalónssandur

Í sumar höfum við landverðir orðið vör við að fólk sé að fá sér sundsprett á Djúpalónssandi og einnig heyrt af því.

Nú seinast var það hópur af fólki sem kom á Djúpalónssand á sunnudaginn - ég sá þau með handklæði og sundfatnað. Ég náði tali af einum manni og spurði hvort hann ætlaði að fara að synda.

Fékk jákvætt svar frá honum og bað hann vinsamlegast um að fara ekki því þetta væri hættulegur staður þar sem væri sterkur straumur og ekki sniðugt að fara að synda þarna.

Því miður hlustaði hann eða hópurinn ekki á mig og fór samt.

Enn sem komið er hefur ekki orðið neitt slys - sem betur fer.

En eitt sem ég skil ekki er að hvar fær fólk þessar upplýsingar - að sniðugt sé að fara að synda í sjónum á Djúpalónssandi?

Þjóðgarðurinn Snæfellsjökull

Hingað til hef ég alveg borið traust til rútubilstjóra, bæði að þeir kunni að keyra og viti nú eitthvað um landið þar sem þeir eru nú svoldið á ferðinni.

Hins vegar rútubílstjórinn sem keyrði mig í bæinn fyrir viku síðan gerði það að verkum að ég missti andlitið (er enn að leita).

Hann vissi ekki um þjóðgarðinn - og hann var að keyra þar í gegn. Hann sem fór með túrista í gegnum þjóðgarðinn og stoppaði meðal annars á Djúpalónssandi.

Ég átti ekki til aukatekið orð.

Kristjón bróðir fór um daginn í fermingarferðalag í Vatnaskóg þar sem hann þrætti við prestinn um að það væri þjóðgarður á Snæfellsnesi.

Presturinn hélt nú ekki - væri sko enginn þjóðgarður á Snæfellsnesi. En Kristjón gaf sig ekki og var nú alveg viss þar sem systir hans væri nú að vinna í þjóðgarðinum!

Voðalega er fólk með á nótunum - þjóðgarðurinn er nú reyndar ungur, bara sex ára en halló!

Svo mynd af flotta steinvegginum sem sjálfboðaliðarnir gerðu.

Hákon getur stundum verið svoldið hættulegur og þurfum að setja hann í búr!

Neeee hann er öðlingsdrengur

Rebbi litli og Hákon, var seinasta daginn sem við heilsuðum upp á hann áður en hann fékk frelsið.

IKEA

Alveg er ég búin að fá nóg af viðskiptum við IKEA - eða reyna að eiga viðskipti við þá. Fór í vikunni því ég hafði hugsað mér að kaupa sófaborð sem mér leist vel á. Þegar komið var niður á lager þá sá ég ekki umrætt borð og spyr lagermennina um það. Þeir fletta upp í tölvu og segja mér að sé von á nýrri sendingu eftir 12 vikur.

Alveg dæmalaust - þegar ég ætla að fara að kaupa eitthvað í þessari verslun er það sem ég ætla mér að kaupa aldrei til og alltaf þarf ég að bíða.

Held ég hafi ekki þolinmæði í 12 vikur.

Heyrði líka frá öðrum viðskiptavini að hann hafi líka verið dálitið pirraður vegna þess að það sem hann ætlaði sér að kaupa var heldur ekki til.

###
Annars er ég komin aftur á fagra Snæfellsnesið eftir frí í bænum. Styttist nú samt í annan endan á þessari veru minni hér - rétt vika eftir.

Varð eitthvað svo fegin í gærkveldi að vera ekki hér í september. Fannst nefnilega eitthvað svo drungalegt á Gufuskálum þegar ég gekk út í þvottahús.

Svo er skólinn bara að fara byrja aftur......

Aumingji

Ég er hræðilegur aumingji!

Kom á gestastofuna í morgun og þegar ég var að opna þá tók ég eftir fugli sem lá á stéttinni. Hélt hann væri dauður og ákvað að setja hann aðeins í burtu þegar ég væri búin að gera það sem ég þurfti.

Meðan ég var að vesenast tók ég eftir því að fuglinn var lifandi, og reyndi ólmur að fljúga eða komast í burtu en var að öllum líkindum vængbrotin.

Ekkert hægt að gera fyrir fuglinn og ég get ekki hugsað mér það að taka lífið hans.

Í staðinn er hann búin að þjást greyið.

Flaug síðan annar fugl hérna inn í morgun - mariuerla, og kom alla leið inn á skrifstofu. Tókst nú að veiða þann fugl og koma honum út.

###
Erum með rebba litla í okkar umsjón, er óttalega sætur og skemmtilegt að fylgjast með honum.

Hér sést hann kíkja út


Hlýtur að vera í lagi að fara út...

Snæfellsjökull

Mynd tekin 27. maí af Snæfellsjökli


Og mynd tekin 13. ágúst af Snæfellsjökli


Vísindamenn hafa talað um að allir jöklir hverfi á næstu 200 árum hér á Íslandi. Snæfellsjökull verður ábyggilega einn sá fyrsti sem hverfur!

Laugardagskvöld

Hvað gerir stelpan svo á laugardagskvöldi?

Jú kemur "heim" um hálf átta um kvöldið og þá eru sjálfboðaliðarnir að grilla fisk- bæði íslenskir og enskir. Bjóða landvörðum í mat.

Ekki amalegt.

Skelfur svo úr kulda um kvöldið þar sem setið er úti til að verða tíu.

Skutlar svo íslensku sjálfboðaliðunum á Hellissand þar sem þeir gleymdu að þau væru á bíl....oppsss

Lætur svo ensku sjálfboðaliðana fara illa með sig í uno og black jack.

Föstudagskvöld

Hvað gerir stelpan á föstudagskvöldi, ein heima og í brakandi blíðu.

Skutlar sér á Ólafsvík, kaupir sér ís og tekur DVD mynd. Fer síðan í herbergið sitt með tölvuna og glápir á The devil wears prada.

oh my god - allt fullt á Gufuskálum, af hundum. Er æfing fyrir leitarhunda og voru þeir með "samsöng" í gær (og víst kvöldið áður). Um miðnætti byrjaði gól og ýlfur og tóku þeir allir undir enda flestir hundarnir í bílunum. Byrjaði svo aftur í morgun um sex.

Ég þakka fyrir að eiga ipod á svona stundum.

###
Svo má sjá hér sjálfboðaliðana byrja á að hlaða vegginn.

Útlendingar

Útlendingar geta verið fyndnir og stórskrýtnir.

Eitt það sem skemmtir mér einna mest þegar ég er á gestastofunni eru þegar Þjóðverjar fara úr sínum skóm og í skinnskóna sem þeir halda að séu inniskór og ganga á þeim um alla gestastofu.


Fyrir þá sem ekki vita þá erum við með skinnskóna svo fólk geti prófað að ganga á skinnskóm í hrauninu - en það er hraunstígur fyrir utan hjá okkur.

Rúmenía

Rúmenía - hér kem ég!

Já búin að panta flug til Búdapest í Ungverjalandi og það er víst búið að panta hostel þar. Eina sem á eftir að ganga frá er lest frá Búdapest til Deva í Rúmeníu.

Er búin að vera mjög tvístígandi hvort ég eigi að fara eða ekki.

En lítur ekki út fyrir að ég muni stoppa neitt í Kaupmannahöfn :( - flugið frá Búdapest og til Kaupmannahafnar var alltof snemma þannig að ég mun ekki ná því.

Styttist í að veru minni hér á Snæfellsnesi ljúki - á reyndar eftir að fara í eitt frí og svo aftur á Snæfellsnesið og svo heim.

Fólk ekki eins og ég

Já er enn hissa þegar ég kemst að því að fólk er ekki eins og ég :)

Sem dæmi eru þessu blessuðu klósett. En ég virðist alltaf vera jafnhissa á því þegar þeim er ekki lokað. Það er að segja lokið ekki sett niður.

Nú hafa ábyggilega flestir heyrt mýtuna um það að konur tuði í karlmönnum að loka aldrei klósettunum - en sennilegast er það að setja ekki setuna niður því iðulega þegar ég kíki á kvennaklósettin á gestastofunni nú eða á Djúpalónssandi þá eru lokið uppi og því hafa kvenmennirnir ekki lokað klósettinu. Það finnst mér mjög skrýtið. Ég hefði tekið því ef þetta væru karlmenn sem umræðir útaf þessari mýtu... en þetta eru kvenmenn.

###
Er í einhverri krísu með að kaupa flugfar, get ekki ákveðið mig með hvenær ég fer út og hvenær heim þótt ég sé búin að ákveða það.

Er nefnilega á leið til Rúmeníu í september. Ætlaði mér að eiga helgi í Búdapest með nokkrum landvörðum áður en við höldum til Rúmeníu á námskeið. Fer tilbaka á undan hinum þar sem ég get ekki misst úr skóla í 2 vikur - eða finnst það of mikið. Var alltaf að spá í að eiga síðan líka helgi í Búdapest eftir námskeiðið en er núna að hugsa um að heilsa upp á Ásdísi og Anders í Kaupmannahöfn.... þarf bara að vita hvort þau séu heima við :)

###
Keyrði í fyrsta skipti með kerru aftan í bílnum í gær, keyrslan sjálf gekk alveg ágætlega en er afleit í að bakka :( - er ekki hress með það. Tókst nokkrum sinnum að bakka en kom oftar fyrir að Paul tók við og bakkaði. Var nefnilega með sjálfboðaliðum í gær að vinna. Vinna við að taka grjót sem á að nota til að búa til vegg.

Já,nei

hmm....hef mjög oft fylgt þeirri reglu að hafi maður ekkert að segja eigi maður að þegja.

Því ætti ég ekki að vera að skrifa hér...

Náði að klára Harry Potter bókina á komudaginn minn hér á Snæfellsnesið. Vaknaði fimm um morguninn og byrjaði að lesa, las svo í rútunni og átti einungis eftir nokkrar blaðsíður þegar ég kom á Snæfellsnesið sem ég kláraði í hádegismatnum mínum.

Verð að fara lesa allar bækurnar aftur.... :)

Er að skríða saman - þegar ég talaði um að ég væri stirð þá fóru hlutirnir bara hríðversnandi. Gat ekki lyft höndunum upp yfir höfuð - ekki það að ég þurfi þess eitthvað dagsdaglega að lyfta höndum upp yfir höfuð...

jú vitleysa í mér - þegar maður fer í og úr bolum þá yfirleitt þarf að lyfta höndum... en hvað um það. Verra fannst mér að ég átti í erfiðleikum með að fara í og úr buxum. Líka að fara í og úr heita pottinum um seinustu helgi.

Tímarnir breytast og mennirnr með... eða ég. Orðin líka svo gömul að ég er eiginlega bara fegin því að vera að vinna um verslunarmannahelgina. Hér áður fyrr þurfti ég þess all oft að vinna þessar helgar og var frekar spæld. Fyndið að hugsa til þess að það eru 13 ár síðan ég fór á þjóðhátíð í Eyjum. Mér sem finnst svo stutt síðan :) en litli elsti bróðir minn er þar núna - árinu eldri heldur en ég fór þangað.

Stirð

Skil ekkert í þessu hvað ég er eitthvað stirð bæði hendur og fætur. Búið að vera að gera grín að mér í dag að ég sé enn eftir mig eftir að hafa haldið ræðuna í brúðkaupinu á laugardaginn.

Búin að vera bera á lakkleysir á rúmgafla á rúm sem ég er að fá.... ekkert smá leiðinlegt. Svo á eftir að pússa það og lakka, spurning hvort ég setji einhvern lit á.

Fer aftur á Snæfellsnesið á morgun, verð að viðurkenna að ég væri alveg til í að fá smá lengra frí - til þess að gera ekki neitt og klára Harry Potter.

Brúðkaupið

Gulli frændi og Þórdís giftu sig í gær - í minkahúsi í Hrútarfirðinum. Allt saman var mjög flott og úr varð heljarinnar partý fram á morgun. Ég er nú ekki mikið kjólafan en Þórdís brúður var í geðveikum kjól.
Svo sæt

Fyrir mig var svoldið sérstakt því bæði mamma og pabbi voru í brúðkaupinu - ekki það að þau hafi ekki verið í veislum saman en þá bara þegar það tengist mér (ferming, stúdent og útskrift úr HÍ :)) og einnig voru því systkini sitthvoru megin. Til þess að flækja málin líka enn meira þá voru systkini bróður míns einnig viðstödd - já eða hluti af þeim.
systir mín, bróðir minn og ég en þau eru ekki þó systkini.

Ég hélt smá ræðu í brúðkaupinu, get ekki sagt að ég hafi verið stolt af því þar sem ég titraði svo mikið meðan á því stóð að ég var farin að hafa áhyggjur af því að lappirnir mundu ekki halda mér uppi meðan á þessu stæði. Foreldrar mínir vissu ekki af þessu að ég ætlaði að gera þetta og systir mín sagði að svipurinn á þeim hefði verið óborganlegur. Enda ég líka kannski ólíklegasta manneskjan til þess að fara upp og halda ræðu. Eins og sannaðist því ég titraði ekkert smá. Er samt fegin að hafa látið verða af þessu því Gulli frændi var mjög ánægður :)


Myndir úr brúðkaupinu eru komnar á myndasíðuna mína - sama password og venjulega.

Nakin

Ég var fyrir því óláni að slíta hálsfestina á hálsmeninu mínu á mánudagskvöldið. Er frekar súr yfir því þar sem ég er búin að vera með þetta hálsmen yfir 20 ár - jamm

Það hefur einu sinni áður gerst að hálsmenið slitnaði en það var þegar ég var 12 ára og eftir slagsmál við strákana í sveitinni.

Allavega núna tek ég mjög eftir því að það vanti eitthvað - áður fannst mér ég aldrei finna fyrir því að ég væri með hálsmen en án þess finnst mér eins og ég sé nakin.

En þessu verður reddað (vonandi) þegar ég kem í bæinn en ég fer í frí á morgun.... oh ég hlakka svo til!

Símtal

Það kemur fyrir að hringt er í gemsann minn og viðkomandi er að hringja í rangt númer.

Finnst það reyndar koma alltof oft fyrir en stundum getur það farið alveg hryllilega í taugarnar á mér. Sennilegast eftir því í hvaða skapi ég er í.

Áðan var hringt og spurt eftir einhverjum manni - að sjálfsögðu svaraði ég að hann væri ekki í þessu númeri.

Þá var spurt af viðkomandi hvaða númer þetta væri - og að mér finnst með frekjulegri rödd.

Ég svaraði honum að sjálfsögðu og sagði að þetta væri númerið sem hann hefði hringt í :)

Verkamannabrúnka

Yndisleg helgi að baki.

Vinkonurnar létu sjá sig um helgina, reyndar mismikið og mislengi en þær komu ásamt fjölskyldum. Meira segja Danafarinn lét sjá sig með Dananum. Mitt hlutverk fyrir helgina var að sjá um veðrið og sem tókst svona ljómandi vel.

Eftir helgina er ég þess vísari að ég er með verkamannabrúnku að sögn einnar vinkonu og er að verða ljóshærð - í það minnsta hefur hárið á mér lýst eða er sólbrunnið.

Borðuðum góðan mat um helgina, fórum í leiki og held ég bara að allir hafi verið tiltölulega sáttir og fannst Snæfellsnesið fallegt.

En annars var ég með báðar göngurnar um helgina. Fékk 23 á laugardeginum, hef aldrei farið með svona marga en gekk held ég bara ágætlega. En á sunnudeginum var ég með minni hóp aðeins 6.

Úr göngunni á laugardaginn

Strandganga

Fyrsta strandgangan var í gær og tókst líka svona ljómandi vel og góð þátttaka :) ég var að mestu í að túlka. Komu nefnilega þrír útlendingar og ég gerði tilraun til þess að túlka. En að túlka eða reyna að finna hvað bóluþang, beltisþari, klettadoppa og þangdoppa er á ensku er hinsvegar ekki alveg mitt. Gekk aðeins betur í að túlka sögurnar.

Svona er mitt útsýni í göngunum - sé alltaf í bakið á hópnum :)


Lífið í pollunum


Kjalfar



Smakkaði líka þara í gær og GLP tók hellings af myndum af því tilefni...

Vika

Vika þangað til ég fer í frí - farin að hlakka smá til enda farin að sakna íbúðarinnar minnar eins fáranlegt og það hljómar.

Þórunn og Hákon komin í frí og ég á eftir að gráta mig í svefn útaf söknuði ;)

Enn er sól þrátt fyrir að ég keypti sólarvörn um daginn.

Illa komið fyrir mér - þurfti nál og tvinna í gær þar sem saumspretta var á buxunum mínum þannig að ég heimsótti sérfræðinginn sem endaði á því að hún skellti buxunum í saumavélina.

Sólarofnæmi

Sólarofnæmið er að taka yfir í andlitinu á mér.

En þá er ég svo sem í stíl við lubbann sem hárið á mér er :) spurning hvort stelpurnar fái áfall þegar þær koma hingað um helgina.

Annars áttum við stórgóðan mánudag - en annars eru flestir dagar stórgóðir þessi var bara einstaklega góður.

Var þetta glampandi sól og fína veður og þegar við vorum búin að tína mesta ruslið úr Malarrifsfjöru borðuðum við nestið okkar þar með hafið og jökulinn sem útsýnið okkar. Pössuðum okkur svo að enda vinnudaginn sunnan megin þannig að leið okkar lá á Fjöruhúsið eftir vinnu til þess að fá okkur kvöldmat. Sátum þar í sólinni í eina fjóra tíma eða þangað til þau fóru að loka. Ljúft líf....

En annars bara minnast á fyrstu strandgönguna sem byrjar á fimmtudaginn.
Krossavík-Þórðarklettur
Fimmtudaginn 12. júlí kl. 19

Í göngunni verður leiðsögnin með áherslu á fjörulífið og söguna en leiðsögumenn verða þau Sæmundur Kristjánsson og Erla Björk Örnólfsdóttir. Gangan tekur um 3-4 klst. Mæting við áningarborð í Krossavík við gamla íshúsið. Ekkert gjald.

Mosi

Í minni barnslegu trú hélt ég að það væri búið að stimpla inn í þjóðarvitund Íslendinga að mosi er viðkvæmur og er mjög lengi að vaxa. Því ætti ekki að rífa upp mosa, ganga mjög varlega þegar maður er að ganga á mosa og bara alls ekki að keyra á mosa.

En þetta virðist ekki vera.

Ég lærði þetta mjög ung en hjá hverjum eða hvar man ég ekki.

###

Var að keyra um daginn (svo sem ekki nýtt) niður í Hólavog þegar ég fyrir tilviljun rak augun í fugl með 3 unga - þeir voru svo samlitir veginum að erfitt var að koma auga á þá þannig að sjálfsögðu stoppaði ég til þess að keyra nú ekki yfir ungana og fylgdis með þeim í smá tíma. Ég fór reyndar svo út úr bílnum í tilraun til þess að taka myndir af þeim. Fuglinn sem ég tel vera sandlóu var fljót að gefa ungunum sínum skipun um að fara í eina átt svo hljóp hún í áttina til mín og lék það síðan að vera særð. Það var svo sætt og fyndið að sjá þetta og lék sandlóan þetta bara mjög vel og var mjög sannfærandi.

Ég ætla bara að vona að tekist hafi að sameina fjölskylduna aftur.

###

Ég er komin með sólarofnæmið aftur :( - og skítt að vera með það á handleggjunum. Finnst það öllu verra að vera komin með það í andlitið. En hef heldur ekki verið að nota sólarvörn.

Fjöruhúsið

Við erum soddans lúxus landverðir hér að við getum af og til skroppið á kaffihús.

Í veðurblíðunni í gær og fyrradag skruppum við Þórunn á Fjöruhúsið eftir vinnu - ekki amalegt að sitja úti og njóta umhverfisins meðan maður er að borða.

En svo verður maður líka að vera duglegur að fara á nýja kaffihúsið á Rifi sem heitir Gamla Rif.

Já já maður sleppir ekki menningunni þótt maður sé úti í sveit ;)

Á toppnum

Komst á toppinn!


Tók hlutverk mitt mjög alvarlega og var seinust á toppinn á Snæfellsjökli á jónsmessunni en svo sem alveg eins og ég bjóst við. Á bara þessa einu mynd af mér á toppnum ásamt Hákoni en hann var ábyggilega búin að vera þar í klukkutíma áður en ég kom á toppinn. Vorum með talstöðvar með okkur og eina gagnið sem var af þeim þegar athugað hvar ég væri og til þess að hvetja mig upp ;)

Guðrún Lára tók video af mér þegar ég var að komast á toppinn - var að sjálfsögðu spurð af því hvernig væri að vera komin á toppinn - eina sem mér datt í hug að svara að ég nennti ekki að labba niður aftur!

En mikið búið að vera að gera, skyndihjálparnámskeið og vorum einhverja 4 tíma með fuglafræðingum um daginn sem var mjög skemmtilegt. Skoðuðum sjófuglana ásamt kríunni en þeir voru að skoða vörpin hjá þeim.

Dagskrá landvarða hefst um helgina og fyrsta ganga mín er á miðvikudaginn.

Skrönglast

Jæja - ég stefni upp á Snæfellsjökul í kvöld.

Ef einhver stefnir á að fara með og er hræddur um að vera síðastur þá þarf sá ekki að hafa neinar áhyggjur því ég mun taka það að mér að vera síðust.

Fórnfús

Já

Jónsmessunæturganga

Á Jónsmessunótt verður ganga á Snæfellsjökul á vegum þjóðgarðsins. Gengið verður frá Jökulhálsi og hefst gangan kl. 21 (ATH breyttur tími frá áður auglýstri dagskrá) laugardaginn 23. júní. Leiðsögumaður verður Snævarr Guðmundsson fjallaleiðsögumaður og ljósmyndari.

Gengin verður fremur auðveld leið og tekur ferðin í heild um 4-6 klst. Góður útbúnaður er nauðsynlegur, góðir vatnsheldir gönguskór, hlý gönguföt (alls ekki gallabuxur!) og nesti. Mjög gott er að vera með göngulegghlífar og göngustafi. Mæting er við snjóröndina á Jökulhálsi uppfrá Arnarstapa. Skráning og nánari upplýsingar í símum 436 6860, 436 6888 og 822 4009 eða á netfanginu snaefellsjokull@ust.is

ATH Ekki verður farið á Jökulinn nema aðstæður verði góðar svo fólki er bent á að hafa samband samdægurs eða daginn áður til að kanna stöðuna.

Dugleg

Finnst ég hafa verið rosa dugleg í fríinu mínu.

Búin að mála og koma hillunum upp aftur - reyndar þarf að laga neðstu hilluna en það gerist næst þegar ég kem í frí.

Búin að ákveða húsgögnin sem ég ætla að kaupa mér

Búin að hitta fólk og hund.

Búin að fara í langan og góðan göngutúr.

Á reyndar eftir að gera leiðinlegan hlut eins og finna mér sundbol og strigaskó.

###

Í einu af þessum fólkshitting flugu nokkuð áhugaverð og skemmtileg komment. Ég fór nefnilega að tala um orðræðu.

Kom því upp að ekki væru um feitar konur að ræða heldur konur með fituheilkenni. Besta setning kvöldsins var hinsvegar manneskjan sem sagði: "Ég held ég sé komin með anorexíu því ég sé feita konu þegar ég lít í spegilinn"

Því að sjálfsögðu þó að um háalvarlegt mál sé um að ræða eins og anorexíu þá verður maður nú líka geta haft húmor fyrir hlutum.

Mála

Aftur byrjuð að mála.

Í þetta skipti er það gangurinn. Búin með eina umferð á loftið og á reyndar eftir að kaupa málninguna á vegginn.

Íbúðin mín er ekki stór en samt tekst þessum gangi að hafa 6 dyrakamra.

Bara fjör

Í bænum

Jæja komin í bæinn í smá frí!

Þurfum víst annað slagið að fá svoleiðis - er samt farin að sakna pínku sveitarinnar og ég sem kom bara í dag.

Var þrátt fyrir það mjög ljúft að koma í íbúðina mína en þegar ég gekk svo út í búð í dag þar sem ísskápurinn minn er galtómur (erfitt að halda "heimili" á tveimur stöðum) þá fannst mér ekkert voða ljúft að ganga í steypunni innan um bílana og húsin!

Ekki ferska sveitaloftið!

Var líka mun skemmtilegra að hlaupa eftir rollum í gær í hrauninu heldur en ganga þessa vegalengd út í búð.

Jamm fór í smalamennsku í gær - reka rollur úr friðlandinu á Búðum. Var fyrst með girðingamanninum á sexhjóli þar sem við vorum að sækja ýmislegt rusl og ég hafði séð rollur innan girðingar þá fórum við í smalamennskuna eftir að við vorum búin að ná í ruslið.

Annars held ég að ég sé hætt að vera dekurbarnið hjá mömmu þar sem mér tókst ekki að bjóða mér í mat til hennar í kvöld.

Úti

Mér var hleypt út af gestastofunni í dag!

Þess í stað fékk ég að þræla ;) - tókum niður vörðu í dag, tilraun til að bjarga henni undan verktökunum sem eru að gera veginn. Hver steinn var merktur og myndaður og svo þurfti að bera þetta allt saman upp smá brekku og setja á pallinn á bílnum og flytja svo í geymslu. Voru um 105 steinar - og fimm steinar/hellur enn á staðnum þar sem var aðeins of þungt fyrir mig að bera. Verðum að leyfa Hákoni að bera smá ;)

Ekki nóg með að ég sé landvörður heldur er ég orðin ljósmyndafyrirsæta líka.... held það sé samt ekki í kjarasamningum.

Tekur á

Það tekur á að keyra í gegnum þjóðgarðinn.

Verið er að vinna í og undirbúa að malbika Útnesveg sem er akkúrat vegurinn sem liggur í gegnum þjóðgarðinn. Efnið sem þeir nota í veginn er tekið úr þjóðgarðinum og finnst svo sárt að sjá stórar vinnuvélar vera að taka hóla og moka úr þeim og mala grjót og svo koma stórir haugar af möluðu grjóti við veginn. Og ég keyri þarna framhjá tvisvar á dag.

Það er líka hluti þess að vegurinn er slæmur fyrir jökul og fólk þarf að sjá til þess að varadekkið sé með og sé í lagi ;)

Gestastofan

Er núna 5 daginn minn í röð á gestastofunni og á 3 eftir. Ástæðan fyrir því að ég er svona lengi er sú að Hákon er í fríi og ekki komin annar landvörður á svæðið.

Gestastofan hjá okkur er rosa flott :) - ég varð mjög hrifin af henni þegar ég sá hana fyrst í fyrra og svo er nánast annar hver gestur sem kemur hingað sem hrósar gestastofunni. Eitt það skemmtilegast við hana er að það er hægt að prufa ýmislegt og finnst mér skemmtilegast þegar fólk prufar. Til dæmis eru skinnskór hér sem hægt er að prufa að ganga í hrauni og mér finnst bara alltof sjaldan sem fólk prufar þá svo eru líka aflraunasteinar sem krakkar og fullorðnir geta prófað að lyfta ásamt fleiru. Bara drífa sig og sjá gestastofuna :)

###
Meira af dagskránni en það er mikið að gerast um næstu helgi en ég reyndar missi af því öllu þar sem ég verð farin í frí. En hér kemur það
Er rebbi heima?
Heimsókn að refagreni
Laugardaginn 16. júní kl. 14 – Farið verður að refagreni í ábúð. Staðsetning nánar auglýst síðar.
Lestu blóm?
Dagur villtra blóma
Sunnudagurinn 17. júní er samnorrænn dagur villtra blóma og verður af því tilefni haldin plöntugreiningarkeppni í léttum dúr við Rauðhól. Keppnin er fyrir unga sem aldna og hefst kl. 16. Plöntuhandbækur leyfðar. 2-3 klst.

###
Jónsmessunæturganga á Snæfellsjökul 23. júní
Á Jónsmessunótt verður ganga á Snæfellsjökul. Gengið verður frá Jökulhálsi og hefst gangan kl. 23 laugardaginn 23. júní. Hafið með ykkur nesti og hlý föt. 4-6 klst.
Helgiganga undir Jökli 6.-7. júlí Tveggja daga helgiganga Þjóðgarðsins Snæfellsjökuls og Ingjaldshólskirkju. Fyrri daginn er gengið frá Saxhóli um Prestahraun eftir farbæn við Saxhól kl. 19:30 og lýkur göngunni um 2:30 við Ingjaldshólskirkju með klukknahringingu og stuttri helgistund. Seinni gangan hefst við Einarslón kl. 16 og lýkur við Hellnakirkju með næturmessu um kl. 22:30. Leiðsögumenn verða Dr. Pétur Pétursson og Sæmundur Kristjánsson.

Það sem ég er spenntust fyrir því mér hefur alltaf langað til þess að ganga alla ströndina eru þessar göngur (reyndar getur verið að dagsetning á seinustu göngu breytist):
Ströndin eins og hún leggur sig!Í sumar verður hafin ganga eftir endilangri strönd þjóðgarðsins með fróðu leiðsögufólki. Þrír áfangar verða gengnir í sumar og áformað að klára ströndina næsta sumar.
Fimmtudaginn 12. júlí kl. 19
Krossavík – Þórðarklettur. Fjörulíf og saga. 3-4 klst. Leiðsögumenn verða Sæmundur Kristjánsson og Erla Björk Örnólfsdóttir.
Fimmtudaginn 26. júlí kl. 19
Hólahólar – Djúpalónssandur. Náttúra og vermennska. 3-4 klst. Leiðsögumaður verður Sæmundur Kristjánsson.
Laugardaginn 18. ágúst kl. 11
Skálasnagi – Beruvík. Fuglar og saga. 5-6 klst. Leiðsögumaður verður Sæmundur Kristjánsson.

###
Ljósmyndasýning á Djúpalónssandi í sumar
Gunnar Ólafur Sigmarsson opnar sýningu á náttúruljósmyndum af Snæfellsnesi á Djúpalónssandi föstudaginn 25. maí kl. 18. Sýningin stendur fram eftir sumri.
Ljósmyndasýning í Malarrifsvita
Hollvinasamtök Þórðar frá Dagverðará standa fyrir ljósmyndasýningu í Malarrifsvita í sumar. Sýningin verður opnuð 30. júní og stendur til 5. ágúst. Opið verður laugardaga og sunnudaga milli 10 og 16.
Hlaupið undir Jökli 11. ágúst
Hlaupið undir Jökli verður haldið í fyrsta skipti þann 11. ágúst. Boðið verður upp á 4 vegalengdir, Amlóða 2,5 km, Hálfdrætting 5 km, Hálfsterkan 21,1 km (hálft maraþon) og Fullsterkan (heilt maraþon) 42,2 km.

Dagskrá

Föst dagskrá hjá okkur í Þjóðgarðinum Snæfellsjökli byrjar 30. júní til 15. ágúst.

GAMAN SAMAN - kl. 11 – 12 laugardaga
BARNA- OG FJÖLSKYLDUSTUND við tjaldsvæðið á Arnarstapa.
Landverðir taka á móti börnum alla laugardaga kl. 11 við tjaldsvæðið á Arnarstapa og rannsaka með þeim náttúruna, segja sögur, fara í leiki og margt fleira skemmtilegt. Barnastundir eru miðaðar við börn 6-12 ára. Foreldrum er velkomið að taka þátt með börnum sínum. 1 klst.
GÖNGUFERÐIR MEÐ LEIÐSÖGN
FÓLKIÐ OG NÁTTÚRAN - Sunnudagar kl. 14, Búðir – Frambúðir.
Gestir hitta landverði við Búðakirkju kl. 14. Auðveld ganga í gegnum blómaskrúð og hraunmyndanir að Frambúðum þar sem minjar eru um útgerð fyrri tíma. Þeir sem vilja geta fengið tilsögn um göngu að Búðakletti. 1-2 klst.
ÆVINTÝRI SJÁVARINS - Miðvikudagar kl. 14, Djúpalónssandur.
Gestir hitta landverði við bílastæðið á Djúpalónssandi. Gengið um Djúpalónssand og nágrenni og fjörulífið skoðað. 1-2 klst.
LÍFIÐ Í BJARGINU - Laugardagar kl. 14, Svalþúfa – Lóndrangar.
Landverðir taka á móti gestum hjá bílastæðinu við Svalþúfu. Rölt er fram á Þúfubjarg þar sem Kolbeinn og kölski kváðust á forðum. Í bjarginu er mikið fuglalíf og stundum lætur tófan sjá sig á þessum slóðum. Gengið að Lóndröngum en þar eru minjar um vermennsku fyrri tíma. 1 klst.

Diesel

Fékk sérsendingu af diesel frá Hellissandi í gær þannig að ég varð ekki olíulaus á "heimleið" í gær. Bossinn minn fékk sér bíltúr til mín með diesel olíu. Reyndar var "bensín"ljósið á nánast alla leið - bílinn hefur ábyggilega hrissast svo mikið á leiðinni að ljósið fór ;)

Nú er það ljótt

Skipti um bíl í morgun og tók jeppann þar sem hann var fullur af dóti sem átti að fara á gestastofu. Þegar ég var að nálgast afleggjaran að Djúpalónssandi tók ég eftir því að bensínsljósið kviknaði.

Það eru bensíndælur/diesel á Arnarstapa en einhver vandræði með dælurnar og ég hef ekki hugmynd um hvort bílinn nái að fara yfir á Hellissand þegar ég er búin á gestastofunni en það eru um 35 km á milli.

###
hmm... var eitthvað ekki nógu sátt í gær og ákvað að skrifa tölvupóst til vinar til þess að losna við þetta. Fékk svar í morgun :) gott að fá svona uppörvandi póst.

Veðrið

Í morgun var hvasst, rigning og þoka. Eftir hádegi milli 13-14 þá létti aðeins til og kom sólin og var bara hið fínasta veður. Nema maður sá þokuna upp við Snæfellsjökul. Núna er aftur komin þoka á Hellnum.

Hinsvegar er bara sól og blíða á Hellissandi skv símtali sem ég fékk áðan....

Súlukast

Var stödd í Skarðsvíkinni á sunnudaginn og sá súlukast, en þá stinga súlurnar sér í sjóinn eftir æti. Var rosalega flott að sjá þetta, var með myndavélina en náði ekki nógu góðum myndum - þarf betri myndavél og linsu í það :) en hér má sjá tilraun til myndatöku.

Á sunnudeginum gekk ég einnig í Beruvík og á leiðinni tók ég þessar myndir en þessi ský sátu yfir Öndverðarneshólunum og Hellissandi.


Fyrr um morgunin fórum ég og Hákon í Hellnafjöru að tína upp afklippur sem einhver hefur hent í sjóinn :(

En annars er ég orðin ein í kotinu, Hákon farin í frí. Var reyndar gert grín af mér í morgun þar sem ég sat á kaffistofunni áður en Hákon og Guðbjörg fóru í bæinn og var með nafnspjaldið hans Hákons í barminum í staðinn fyrir mitt - hélt að þetta væri mitt :)

Fleira

Jú það er meira búið að gerast heldur en að springa dekk hjá mér.

Á þriðjudagsmorgun tókum við Hákon á móti hópi krakka úr grunnskóla Snæfellsbæjar - held þetta hafi verið krakkar í 1-4 bekk. Komum í 3 hópum til okkar og hver hópur var um 30-35 krakkar. Sem betur fer voru 4 kennarar/leiðbeinendur með hverjum hóp. En þetta tókst vel hjá okkur :) - vorum með hópana um 30 mínútur og fórum með þá í tvo leiki. Fyrst áttu þau að finna fimm hluti sem eiga heima í fjörunni og fimm hluti sem ekki eiga heima í fjörunni og var þeim skipt upp í hópa. Einn strákur í hóp sem átti að finna fimm hluti sem ekki eiga heima í fjörunni varð frekar fúll og sagði að þau væru bara að vinna hahaha - fannst það frekar fyndið. Næsti leikur var vistkerfisleikurinn, tókst ekki vel með fyrsta hópinn (aðeins of ung sá hópur)en gekk vel í næstu tvo hópa sérstaklega í annarri umferð. Besta við það að kennurunum fannst þessi leikur góður og einn af þeim sagði að augu margra hafði opnast þarna :)


Náttúran


Eitt af föstum verkum hjá okkur er ruslatínsla, en í Skarðsvík er því miður gengið alveg rosalega illa um og nokkuð ljóst að þetta virðist vera helsti djammstaðurinn miða við brotnar flöskur og bjórdósir sem tínt er upp þar, bílastæðið við Írskrabrunn er síðan staður með öðrum hætti en þar tíndi ég upp þónokkra smokka og var það gert einnig í fyrrasumar.

Þó ánægjulegt að vita að fólk setur öryggið á oddinn!

Skipta um dekk

Já það sprakk hjá mér - og það fyrsta daginn minn úti við. Sem betur fer var þetta í lok dagsins.

En

Þegar ég tók eftir því að það var sprungið hjá mér (gerðist ekki með hvelli) þá var fyrsta hugsun sú að það eina sem kæmi í veg fyrir að ég gæti þetta væri að ég gæti ekki losað rærnar. Því þær eru oft svo hertar að ekki er lifandi leið að ná þeim af. Byrjaði að sjálfsögðu að finna varadekkið og tjakkinn og svo var hafist handa.

Ekkert mál - rærnar næstum því fljúga af, allavega það tókst og var rosa ánægð. Því næst tekk ég tjakkinn og er svo ekki að fatta hvernig hann virkar. Leitaði meira segja af handbókinni í bílnum til þess að athuga hvort standi eitthvað þar um tjakkinn en er ekki. Hmm.... frekar hálvitalegt að fatta ekki hvernig þessi tjakkur er að virka... eftir smá klór í hausnum ákvað ég að hringja í pabba, bara svona til þess að láta hann vita hversu mikil auli ég er ;) - og með kannski von um að allir tjakkar séu eins og hann gæti gefið mér smá hint hvernig hann ætti að virka... en ljósið kom þegar ég var að tala við hann og opnaðist fyrir mér hvernig þetta væri allt saman.

Kveð þá kallinn eftir smá spjall og byrja á að tjakka upp bílinn og ríf dekkið undan. Ekkert mál
Því næst er að koma hinu dekkinu undir en þarf að tjakka bílinn upp meira svo dekkið passi... byrja á því að tjakk en oppsss.... tjakkurinn grefst bara í mölina og fer niður... þannig að bílinn lækkar. Reyni aftur en bara það sama gerist. Hætti því aðgerðum því ég er að missa bílinn niður og ekki gott að hann lendi á öxulinum. Hringi því næst í Hákon á gestastofuna til þess að fá einhverjar hugmyndir um hvað ég get gert...hann stingur upp á spýtum til að setja undir en ekki nokkuð slíkt í nágrenninu. Dettur þá í hug að hringja í staðahaldarann á Gufuskálum þar sem ég er nú bara í næsta nágrenni (ástæðan fyrir gsm símasambandi)og athuga hvort hann getur bjargað mér með spýtur. Staðahaldarinn kemur á vettvang með þessar fínu spýtur - þrátt fyrir að ég hafi verið að trufla hann (var að steypa) og klárar að skipta um dekk fyrir mig.

Jamm kláraði þetta ekki ein :( en þar sem vegurinn fyrir jökul er hræðilegur (verið að undirbúa fyrir malbikun) þá á ábyggilega eftir að koma nokkrum sinnum fyrir í viðbót, sagði við kallinn á dekkjaverkstæðinu að við ættum örugglega eftir að koma oftar í sumar.

Þannig að ég hvet ykkur fólk ef þið komið á Snæfellsnesið í þjóðgarðinn að hafa varadekkið í lagi og keyra varlega.

Músarungi

Kom við á Djúpalónssandi áður en ég fór á gestastofuna í morgun, kíkti á myndasýninguna sem er búið að setja upp þar. Á leið minni niður Nautastíginn á Djúpalónssandi rakst ég á mús. Eða ég sá eitthvað hlaupa niður brekkuna og ákvað að kíkja hvað þetta var þar sem ég var nokkuð viss um að þetta hefði ekki verið fugl. Sá ekkert í fyrstu en svo kom í ljós þetta pínulitla músargrey - nokkuð viss um að þetta hafi verið músarungi því hann var svo lítil og eitthvað svo villtur. Vissi ekkert hvað hann átti af sér að gera. Að lokum eftir að hafa hlaupið nokkra hringi hljóp hann niður Nautastíginn á undan mér, stoppaði að lokum og fór að snyrta sig og var tilvalið myndaefni fyrir mig :)


Eitt andartak flaug mér í hug að girða buxurnar oní sokkana - en hvaðan kemur þetta að maður haldi að mýs taki sig til og hlaupi upp undir buxnaskálmar? Ég meina veit einhver að þetta hafi gerst fyrir einhvern sem viðkomandi þekkir eða er þetta ein af flökkusögunum? Reyndar er ég ekki bara með þetta að girða buxur oní sokka fyrir mýs heldur líka snáka en þegar allt kom til alls úti í Ástralíu voru engir sokkar til þess að girða buxur né skálmar til þess að girða oní sokkana :)
Mús á hlaupum


Hér má svo sjá eina mynd af myndasýningunni á Djúpalónssandi.

Í dag

Snæfellsjökull er fallegur og tignarlegur. Myndin er tekin frá Hellnum.



Svona leit allt út í gærmorgun á leið minni til gestastofunar á Hellnum - tekið í Þjóðgarðinum.

Snæfellsnesið

Jæja komin á Snæfellsnesið. Tók heldur kuldalega á móti mér...snjóföl í fjöllunum í kring og skítakuldi. Ekki gott fyrir kuldaskræfuna mig :) en samt sem áður alveg meiriháttar að vera komin hingað. Fékk smá tilfinningu í gær að ég væri komin heim. Var svo gífurlega myndarleg að ég eldaði fyrir okkur Hákon í gær og honum var að orði þegar hann kom heim af gestastofunni að það var eins og ég hafi aldrei farið hahahaha.

Mikið að gerast um helgina, er hátið sem kallast Vor undir Jökli í kuldanum. Er sandkastalakeppni á Skarðsvík akkúrat núna, Malarrifsviti verður svo opin eftir hádegi og eitthvað fleira að gerast í Snæfellsbæ. Svo var mér tjáð að við erum að fara taka móti 100 börnum takk fyrir á þriðjudagsmorgun en þau sem betur fer koma í hollum.

Mikið af spennandi göngum í sumar, Sólstöðugangan verður upp á Snæfellsjökul takk fyrir. Síðan sú ganga sem mér þykir mest spennandi og vona að ég geti farið í eru göngur meðfram ströndinni. En skilst að verði farið í 2-3 göngur í sumar sem taka um 3-4 klukkustundir og meðfram ströndinni allri. Hef nefnilega alltaf langað til þess að ganga alla ströndina hér. Svo að sjálfsögðu hefðbundnu göngur landvarða sem byrja í lok júni :) Svo aðal fréttin er að við fáum nýjan jeppa :) - jeii

Margt í boði

Það er svo margt í boði sem mig langar til þess að gera. Til dæmis er einhverskonar landvörslunámskeið í Rúmeníu í haust sem ég væri alveg til í að fara á.... námskeið á mastersstigi í Shanghai í Kína einnig í haust en reyndar ekkert í faginu sem ég er að læra..

Svo er eitthvað annað námskeið hér á Íslandi í júlí sem ég væri alveg til í að fara á en er að öllum líkindum að vinna....

svo margt í boði að ég geri sennilegast ekki neitt ;) nema vinna í sumar og svo skóli aftur í haust.

###
Saumaklúbburinn var alveg ljómandi, fámennt og því svoldíð mikið í afgang nema af "eftirréttinum" ;) - eitthvað erum við að lagast og erum lengur frameftir heldur en áður.

###
Bókin mín frá Bretlandinu kemur ekkert :( - er frekar svekkt og langar að kaupa bækur eftir þennan sama höfund (sem ég fékk ekki) en þori því ekki þar sem gekk ekkert núna. Er ferlega fúl.... spurning hvort ég ætti bara að láta verða af því að panta frá Ástralíu og fá bækurnar um jólin hahaha

###
Barnasprengjur í kringum mig heldur áfram :) - eru tvær vinkonur núna búmm og eiga báðar að eiga í nóvember

Tapas

Fór á Tapas í kvöld með bráðum fyrrverandi vinnufélögum. mmmmmm svo gott - stefni svo á að fara þangað aftur og langar að prófa svo margt þarna... eins og túnfiski vafið inn í beikon og fleira. Eflaust margir sem eru hissa á því hehehe
Gaman að heyra að þær vildu fá mig aftur næsta haust :) en allt verður að koma í ljós, ætla að reyna að vera í minni vinnu næsta vetur með skólanum.

###

Verð að minnast á nágranna mína enn og aftur - dýrka þá og held ég gæti ekki selt íbúðina mína bara vegna þeirra :) mundi ekki tíma að flytja í von og óvon um næstu nágranna.

3 dagar

Þrír dagar þangað til ég fer vestur :)

En þangað til eru það 2 vaktir, út að borða og saumaklúbbur...

Hákon tók herbergið mitt :( þannig að ég fæ næst besta herbergið á Gufuskálum. Já röðin fer bara eftir því hvernig við komum og hvaða herbergi við tökum :) samt þó fegin að ég er landvörður nr. 2 að koma þannig að ég þarf ekki að kúldrast í herberginu sem Hákon var í fyrra :)

skólamál

Veit ekki alveg hvort ég er ánægð eða ekki.

Náði faginu sem ég var búin að stimpla í vetur að ég væri fallin í - ekki glæsieinkunn sem gerir það að ég veit ekki hvort ég sé ánægð en er samt mjög ánægð að hafa náð þrátt fyrir að ég hafi haldið annað.

Sófi

Fékk sófann í dag :) - jeii þá er stofan komin í orden verst er að svefnherbergið er í rúst.

Barnaþrælkun


Koma sófanum saman


svo bara búið og hvílt sig eftir á og Safír dauðþreyttur!

Yes

Málningarvinnan búin :) - kláraðist reyndar milli þrjú og fjögur í dag. Var að setja upp gardínurnar áðan og myndir á vegginn.

Agalega ánægð með þetta allt saman og liturinn kemur bara mjög vel út :) Bíð bara eftir að fá sófann í hús - vonandi og verð að fá hann á morgun.

Núna klæjar mig í puttana að taka ganginn líka en ætla að bíða með það þangað til í ég kem í frí í júní...

Málningarvinna

Málningarvinnan er hafin.......

Losnaði við sófann klukkan tíu í kvöld og hófst þá handa við að taka rest niður í stofunni og svo að undirbúa fyrir málningavinnuna - reyndar kláraði ég tapið en náði þó að setja meðfram loftinu og rúlla eina umferð á loftið.

hrikalega er það erfitt :( - og held að þetta sé frekar illa gert hjá mér en sé það betur í birtunni í fyrramáli.

Held síðan að ég hafi verið lengur að þrífa rúlluna og bakkann heldur en að rúlla yfir loftið.

En já það tókst að velja málningu og kaupa hana í dag - hentugt að fara með pabba því ég fékk afslátt :) pabbi ákvað að koma með þar sem dóttir hans var blank í framan þegar hann var að lýsa leiðinni í málningarbúðina.

Ákvað að kaupa málninguna sem hann faðir minn kaupir alltaf og jafnvel þótt hún sé kannski aðeins í dýrari kantinum. Það sem mér fannst síðan mesti plúsinn við hana er að hún er umhverfisvæn :) hún er merkt með Blóminu þannig að bara win win staða.

jæja farin að sofa fyrir átökin á morgun.

Loksins

Loksins verð ég í fríi :) - en það verður sko ekkert afslappelsi heldur ætlar stúlkan að mála.

Jamm sófanum verður hent út á morgun vonandi (aka pabbi/Atli tekur hann), en annars er ég búin að fjarlægja mest úr stofunni.

Eina vandamálið er það að ég er ekki búin að velja litinn og er að fara kaupa málningu á morgun!

hmmm..... bið kannski bara sölumennina í málningabúðinni velja :)

Hættulegt

Eitt próf eftir og er aðeins farin að slappa af :( sem er ekki gott því þetta próf sem eftir er þá er ég í "hættu".

En verð næstu nætur að lesa undir það próf.

###

Fékk góðan glaðning í dag :)alltaf gaman að fá meira en maður býst við jeii

Sótti svo bækurnar mínar þannig að bíða eftir mér tvær bækur þar til að ég er búin í prófum. Er samt svekkt að bókin frá Bretlandi er ekki enn komin....buuhhuuu er nefnilega spenntust yfir henni.

Sorglegt

Búin að vera að sitja í morgun og gær að blóta þessari ritgerð sem ég er að gera. Gengur ekkert.

En las síðan bloggið hennar Ástu Lovísu og er búin að vera með tárin í augunum. Þessi stelpa kom í kastljósið í haust en hún greindist með krabbamein í lifrinni, þessi stelpa er jafngömul mér og á 3 börn. Hún var að fá úrskurðað að hún ætti einungis eftir nokkra mánuði ólifaða.

Búin að vera að fylgjast með blogginu hennar síðan hún kom í kastljósið og skein alltaf í gegn jákvæðnin og það að hún ætlaði sér að sigrast á þessu. En svo virðist sem krabbinn ætlar að hafa betur núna :(

orka

*Kláraði próf og ritgerð í gær.
*Fór í ræktina í gærkveldi

Í morgun hélt svo dugnaðurinn áfram en íbúðin var þrifin hátt og lágt - well kannski ekki það hátt. Sængurfatnaði drifið í þvottavélina og svo...

bara þreytt og langar mest að skríða upp í rúm en

þarf að skrifa ritgerð og fara á starfsmannafund og vinna...

Þrif

það er sko ekki bundið bara við kvenpeninginn að vera upptekin af þrifum í próftíma. Þegar ég kom heim í gær sá ég nágrannastrákinn vera pússa felgurnar á bílnum sínum. Að sjálfsögðu spurði ég hann hvort hann væri búin í prófum.

Fékk hið staðlaða svar sem kemur frá nánast öllum nemum sem eru í prófum. - nei en er hinsvegar til í að gera allt annað en að lesa undir próf.

Hvað er þetta við próftímann sem gerir mann svo duglegan í öllu öðru sem er annars ekki vanalegt?

Ótrúlegt

Tókst að rimpa þessar 100 bls af sem voru reyndar um 115 bls en hver er svo sem að telja :)

Látum liggja milli hluta hinsvegar hvort skilningurinn hafi fylgt með!

En þá er það að fara yfir gömul próf og sjá hvort ég geti svarað einhverjum spurningum, hefði reyndar viljað hafa allan daginn í það.

en fyrst þá er það annað.

Próflestur

Jæja próflestur helst áfram.

Vantaði 15 bls upp á takmarkið í gær þannig að það eru 100 bls í dag í hraðlestri.

Oh þyrfti svo að hafa lengri sólarhring og meiri orku og minni svefn...

en ekki er á allt kosið.

Sá látni

Mér er spurn en hvernig geta látnir menn skotið af byssu?

Samkvæmt frétt mbl.is virðist þetta vera hægt. Þar kemur fram að þegar lögreglan mætti á staðinn hleypti sá látni af einu skoti en var látinn þegar lögreglan komst inn.

Jahérna hér - nú hefur mogginn skotið mér ref fyrir rass!

hmmm... eða hljómar það ekki svona?

Snillingur

Ég bara má til að monta mig aðeins.

Ég var að elda snilldarrétt og það í fyrsta skipti. Gerði tilraun með risotto, var búin að skoða uppskrift í vinnunni fyrir einhverjum dögum. Svo var í innlit/útlit um daginn verið að elda.

Þannig að í dag ákvað ég að reyna og það tókst svona snilldarvel :)

Eina sem var kannski mínusinn við þetta er að ég gerði bara allt allt of mikið. Hefðu getað 3-4 manns borðað þetta.

Þannig að ég get borðað þetta á morgun á sunnudag og jafnvel mánudag!

Jeii :(

Athyglisbrestur

Svei mér þá ..

Held ég sé farin að þjást af athyglisbresti svona á seinni árum!

Bækur

Bækurnar mínar komnar frá Ameríkunni - þarf bara að nálgast þær :)

Bólar ekkert á bókunum frá Englandinu....

hmmm... er að hugsa um að gera fleiri tilraunir til þess að koma bækur frá Englandinu... er svo freistandi þar sem pundið hefur lækkað bara allverulega... og virðist komnar fleiri bækur frá þeim höfundi sem mig langar að lesa og er bara ófáanlegur eða bækurnar alveg rándýrar.

en fyrst er það víst prófin....

á að vera hugsa um þau..

Vonleysi

Er að læra fyrir próf þegar mér kom í hug vonleysi.

Því það sem maður lærir í dag er það nýjasta nýtt og það sem var áður er svona næstum því bara fáranlegt "drasl". Þessir og hinir hafa ekki hugsað um þetta og hitt og bara umhugað um einn hóp eða annan.

Það fyrirkomulag sem er í dag er svo mikið betra....og svo framvegis.

En er þá ekki nokkuð ljóst að eftir einhvern ákveðin tíma að það sem við lærum í dag er svo fáranlegt í augum þeirra sem læra seinna meir. Hugmyndirnar úreltar og fyrirkomulagið virkar ekki.

Það gerir það að verkum að er eiginlega nokkuð vonlaust að læra í dag það sem er best þegar vitað er að eftir ekki svo langan tíma kemur eitthvað betra.

En sú staðreynd er sú að það sem var áður var talið besta fyrirkomulag þá - stórlega efast um að fólk væri nú að gera slæma hluti af því bara. Tilgangurinn til þess að læra í dag og um það sem var er að falla ekki í sömu gryfju nú nema það sem var þá var svona anskoti gott að við föttum það ekki strax - ekki fyrr en seinna.

Enda er allt hringrás!

Samanber frumbygginn sem sagði að þú ert landið og landið ert þú!

það er í dag

og

var líka einu sinni.

Nei ég er bara jákvæð :)

Hmmm.....

Enginn gefið sig fram.... :( og eftir sit ég með forvitnina.

Ekki fallega gert svona í próftíma - þarf að einbeita mér að ritgerðum og prófum ;)

oh well....come out come out where ever you are!

###
Er svo ekki að halda mér við efnið!

Hvað er hægt að gera?

SMS

Astralia er hinumegin á hnettinum....Farðu i bad...Tad er gott...


Gefðu þig fram!

Geðveikt

Búin að koma bs ritgerðinni minni á pdf form :) alltaf búin að vera pæla í því hvernig ég gæti gert það. Finnst betra að geyma á því formatti.

Annars er bara geðveiki í verkefnum og öðru....

Skil

Búin að skila - jeii :)

Bauð mér í mat til mömmu í tilefni af því.

Þurfti að komast smá út - eða frá því að vera heima eða í vinnunni.

Var ekkert við ráðið og ákveðið málningardagar eða dagur fyrir stofuna hjá mér. Þannig að nú er það bara fast - ég sem ætlaði bara að dunda mér við þetta og vera ekki að trufla aðra með málningarvinnunni minni.

Þarf því að fara að ákveða lit :) - sem er svo sem næstum því eiginlega ákveðið.

Íslenskur veruleiki

Eru íslenskar auglýsingar að verða góðar og áhrifaríkar, jafnvel farið að verða gaman að horfa á þær?

Man nefnilega að þegar ég var stödd á Englandinu góða að vinna á hótelinu þá gafst mér afskaplega mikil tími á kvöldin að horfa á sjónvarpið og auglýsingar. Og ég hafði yfirleitt alltaf mjög gaman að auglýsingunum.

En já að íslenskum auglýsingum þá finnst mér auglýsingin um íslenskan veruleika mjög góð og flott hjá þeim að nota svona uppsetningu eins og hefur verið í raunveruleikaþáttunum sem tröllríða sjónvarpsheiminum.

Ekki spillir heldur fyrir flotta röddin hans Sigursteins Mássonar.

Hin auglýsingin sem er rosalega sláandi er anorexíu auglýsingin. Mig langar iðulega að gráta með stelpunni þegar ég sé þessa auglýsingu.

Svo hef ég áður minnst á auglýsinguna frá umferðarstofu um áfengi og akstur.

En já aftur að prófinu.....

Vaknað

Og það varð úr að ég vaknaði snemma í morgun og varð aktúal eitthvað úr verki :) jeii.

En samt alveg óþolandi þar sem ég er komin af stað og gæti haldið áfram þá þarf ég að hendast í vinnuna.

Á svo ábyggilega erfitt með að setjast aftur niður þegar heim er komið en það verður að gerast - er u.þ.b. hálfnuð núna.

Planið sem ég gerði mér er svo ekki að virka. Einungis sólarhringur með spurningu... uss og ætlaði að skila í dag en verður í fyrsta lagi á morgun.

Pirringur

Smá pirringur í gangi....og get ekki losnað við hann.

Er síðan að reyna að gera upp við mig hvort ég eigi að vaka frameftir og klára eina spurningu í prófinu eða sofa smá vakna eldsnemma og gera eitthvað áður en ég fer í vinnuna!

Erfitt að velja á milli.

Skynsemin segir mér að vaka því ekki víst að verði mikið úr helmingnum af morgninum sem ég hef úr að ráða á morgun.

Blöndun

Í einu fagi sem ég tók í vetur þá var kennarinn alloft að tala um blöndun borgar en eitt point sem hún tók nokkrum sinnum sem dæmi var strætó. Með blöndun borgar að þá kemur spennan hver kemur í strætó og hver sest við hliðina á mér.

Jæja - minn samgöngumáti er mest með strætó þar sem ég á ekki bíl en þetta er svo sannarlega ekki mín upplifun á að fara í strætó. Bíð ekki spennt á morgnana hverjir koma upp í.

Tala nú ekki um ef maður færi alltaf á sama tíma í strætó þá er þetta alltaf sama fólkið sem kemur með :) - maður veit hverjir koma inn hvar og hvar margir hverjir fara út. T.d. asísku stelpurnar tvær sem koma inn á næstu stoppistöð á eftir mér og fara út á laugaveginum fyrir ofan dekkjaverkstæðið. Pólsku stelpurnar tvær sem koma inn á laugarnesveginum og fara út á lækjartorgi. Dökkhærði strákurinn sem fer alltaf út hjá þjóðarbókhlöðunni.

Síðan er það hinn punkturinn - hver sest hjá manni. Iðulega vonast ég eftir því að engin setjist hjá mér og ég hafi sætin tvö alveg fyrir mig.

Kannski er ég bara hinn óvenjulegi strætófarþegi - en ég held ekki.

Heimapróf

Jamm heimapróf í fullum gangi.

Gengur þó full hægt finnst mér.

Verst þykir mér þó að þurfa að fara að vinna á eftir og um helgina.

###

hmm.... af öðru þá er ekkert annað - hef ekki séð aðra rottu þrátt fyrir að vera alltaf að skima í kringum mig. Kannski þess vegna sem ég sé hana ekki.

Verkefnavandi/tölvuvandi

Gat alveg hoppað hæð mína af kátinu í dag eða EKKI.

Var í tíma í dag - verkefnatíma í tölvuverinu og komst að því mér til mikillar ánægju að verkefni sem ég eyddi að minnsta kosti 2-3 klst í seinustu viku eða upplýsingar úr því sem ég gerði var bara horfið. Jeii - rosa ánægð. Þarf fyrst núna að leita í líklegustu tölvum í tölvuverinu (þá sem ég var að nota á þeim tíma)og ef upplýsingar finnast ekki.... well þá sé ég fram á eitt enn sem bætist við allt hitt.

gæti röflað mikið meira um þessa tíma - því það er búið að vera ekkert nema vesen á gögnum, tölvubúnaði og forritum.

En jæja - á maður ekki að snúa sér að heimaprófinu.

Jibbí

Það er mér mikil ánægja að segja að ég er byrjuð á að skrifa og nærri komin ein blaðsíða á um tíu mínútum.

En nei það er ekki prófið - skyndilega varð allt annað svo mikið áhugaverðara svona eins og gengur og gerist.

###

Áhugavert - sat inni í kaffistofu Öskju áðan og var litið út um gluggan nú eða gluggana :) sé ég ekki gamla konu (geri ráð fyrir því að hún hafi verið gömul og kona) á vippinn og vappinn þarna út um allt í vatnsmýrinni, fór útaf göngustíg og lítur út fyrir að vera tína egg. Gæsir eiga þarna land og er með varpland..... hmm... held þetta sé nú bara ekki leyfilegt. Tók líka eftir því að fleiri voru farnir að fygljast með henni. Meira segja einhverjir 3 menn fóru út en gerðu reyndar síðan ekkert í málunum.

Annað áhugavert er líka að í tölvuverinu er einhver að kjafta á fullu og reikna með að sé á skype því hún er með heyrnatól. Ekki mjög spennandi að fylgjast með private samtali.....

Man núna punktinn sem ég ætlaði að skrifa með seinustu færslu en það var pirringurinn í morgun.
Kom í skólann í morgun og þurfti að fara í tölvuverið til þess að prenta út glærur fyrir kynninguna sem hópurinn minn var með... nema fjandans próf í gangi í tölvuverinu og í nánast öllum tölvuverum á háskólasvæðinu og ekki möguleiki á að komast inn til þess að prenta. Varð enn meiri pirringur því þetta var líka svona á mánudaginn og þá þurfti ég akkúrat líka að prenta út fyrir kynningu sem ég var með þann daginn og við erum að tala um að tölvuverið var lokað frá 9-12. Það sem er síðan mest pirrandi er að þetta var ekkert auglýst. Finnst alveg sjálfsagt að sé send út tilkynning um að yrði próf í eftirfarandi tölvustofum og því hafi maður ekki aðgang að þeim og gerir viðeigandi ráðstafanir.

urrr... hvað illa er að þessu staðið.

En já best að halda áfram að skrifa smá annarsstaðar og síðan drífa sig í vinnuna...

Jæja

Er komin með heimapróf í hendurnar...... mjálm!

Núna hugsa ég bara shit shit shit...... Ætti að vera að hugsa um heimaprófið, og ritgerðinar eða skrifa þær í stað þess að hugsa um þær.

Það var einhver punktur með þessari blogg færslu en sá punktur er týndur...

Annars ekkert að frétta af rottumálum.

Rugl

Að maður hafi komist inn í mastersnám eins vitlaus og maður er!

Nei þetta er ekki niðurrifspóstur.

En allavega - brjálað að gera í skólanum á að vera á fullu en stúlkan á fullu að vinna líka. Sá þetta svo sem fyrir en spyr mig þessa dagana því í fjandanum ég hafi ekki tekið mér frí úr vinnu.

Núna er að sjálfsögðu alltof lítil fyrirvari.

Þessi helv.... samviskusemi..........

Hef ekki úthald í miklar vökur og þarf að vera hress næstu daga til þess að klára af heimapróf ásamt vinnu!

Já rugl og vitleysa!

Rottufréttir

já já meira að frétta af rottumálum.

Hitti nágrannan í þvottahúsinu og var að segja henni frá rottunni. Þá var víst nágranninn við hliðina á okkar húsi á rottuveiðum hjá húsinu á móti á mánudagskvöldið. Tókst að drepa rottuna.

Þannig að núna verður hringt í meindýravarnir Reykjavíkurborgar.

Paranoja

Er að ná alveg nýjum hæðum.

Hvert skipti sem ég fer fram á gang og í þvottahúsið fer ég að líta eftir rottu.

Þetta er bara ekkert gaman!

Ég bara höndla ekki rottur - frekar vil ég mýs.

Grátið

Ég gæti grátið :(

Já græt yfir bókum sem ég mun ekki eignast. Fékk póst í dag frá amazon.co.uk sem tilkynnti mér það að önnur bókin af tveim eftir Judy Nunn væri ekki til þannig að ég fæ bara eina bók eftir hana til mín. Það er fúlt.

Ákvað að prófa næsta skref og panta bara bækurnar beint frá Ástralíu, eru ódýrari þar og líka meira úrval af titlum eftir þennan höfund..... nema hvað það er ógeðslega dýrt að láta senda sér bækurnar og þá meina ég dýrt.

Ein bókabúðin sendir bara með DHL - og kostar 60 ástralska dali að senda 1 kg sem er 1-2 bækur og það eru um 3000 kr íslenskar krónur meðan bókin kostar um þúsundkall. Önnur bókabúð rukkar 50 ástralsa dollara fyrir eina bók og svo 15 dollara á bók eftir það....

er svo svekkt... var farin að hlakka til að lesa bækurnar í sumar.

Þá er bara spurning um að fara hella sér í það að plana næstu ferð til Ástralíu til þess að ná sér í bækur.

Já af því að flugfarið er náttúrulega svo mikið ódýrara!

muahahhaha

Rotta

Sá rottu í dag!

Var að fara í strætó í morgun og fer milli húsins við hliðina á og bílskúrsins þar nema á undan mér sá ég eitthvað hreyfast, í fyrstu hélt ég að þetta væri bara rusl að fjúka á undan en svo passaði það ekki. Hélt síðan að þetta væri fugl að hoppa þarna á undan mér.... en svo sá ég skottið.... þannig að þetta gat ekki verið fugl. Og þetta var of stórt til þess að vera mús þannig að þetta getur ekki verið annað en rotta.

Svo er maður svo ruglaður.... ég bjóst við að rottan biði mín handa hornsins, mundi stökkva á mig og bíta... yeah right!

En hvernig er það - ætli maður geti hringt í meindýravarnir borgarinnar til þess að tilkynna? Ég meina er eitthvað gert úr því að ég sá hana utandyra.

Damn...

Ignorance is a bliss

Vonbrigði

Buuhuuu....

Ég ætlaði mér að kaupa bækur á amazon.com og senda til frænku minnar en finnst það bara full dýrar :( þær sem mér langar mest í....

ok athugaði á amazon.co.uk og voru þær aðeins ódýrari, minnsta kosti tvær af þeim þremur sem mig langaði í, ákvað að kaupa þær. Það mest svekkjandi er að sendingarkostnaðurinn er um helmingi dýrari heldur en bækurnar sjálfar.

oh well....

Traffík

Það er engin smá traffík í bænum. Ég átti erindi þangað og við sátum bara föst í bílalest.

Ég man bara ekki eftir öðru eins.

En alveg rosalegt að sjá brenndu húsin!

Áhugavert

Það var kynning á verkefnum nemenda í morgun í einu fagi.

Fjallað var um fyrirhugaða íbúðabyggð í Örfisey en nemandinn hafði átt í samtali við jarðfræðing og í samtalinu kom í ljós að töluverð aukning varð á hitamyndum sjósins eftir að lagning skólpkerfisins fór út í sjó. Þannig að skólpið fer í umhverfis Örfisey og svo í vondum veðrum þá svettist sjórinn yfir sjóvarnagarðinn....

jammí mig langar að búa þar.... einmitt.

Úff

Fór að tala við mann út í bæ í sambandi við verkefni.

Gott og vel.

Eftir samtalið bað hann um hvort ég gæti ekki sent sér verkefnið þegar ég væri búin með það.

Ekki gott og vel.

Er svo ekki að fíla það eitthvað en maður getur ekki sagt nei þegar aðilinn gaf sér tíma til þess að tala við mig.

Týndar buxur

Í dag var ég alveg sannfærð um það að ég væri búin að týna buxunum mínum.

Skildi hinsvegar engan vegin hvar ég hefði getað týnt þeim þar sem ég er nú ekki vön að tína af mér spjarirnar hér og þar, að minnsta kosti þeir dagar liðnir*

Ég var búin að leita inn í skáp þar sem þær eru vanalega geymdar og leita þar sem þær eru ekki vanalega geymdar. Athugaði óhreina þvottinn og hauginn þar sem hin fötin eru sem eru hvorki skítug né hrein. Fann ekkert.

Á endanum fann ég þær á snaga - snaga þar sem ég "á" eða ætti að hengja upp fötin mín í stað þess að henda þeim í hrúguna.

Þetta segir mér að það borgar sig ekki að hafa skipulag á hlutunum því maður bara týnir þeim ;)

*Af gefnu tilefni vil ég taka það fram að þeir dagar eru liðnir sem ég tók af mér spjarirnar hér og þar vegna sturtu- og baðleysis, þegar ég fékk að fara í sturtu hjá vinum og ættingjum :)

Auglýsingar

Finnst auglýsingin frá umferðarstofu og vínbúðunum eiginlega bara mjög góð. Kemur góðum punktum til skila.

Ég fyrir mitt leyti fékk svona smá sjokk þegar ég sá þær fyrst. Tannlæknirinn með hvítvínsglasið við hlið sér þegar hann (hún í þessu tilviki) er að sinna sjúklingi. Flugumferðarstjóri í flugturninum að fá sér einn bjór meðan hann er að stýra flugumferðinni o.s.frv.

Ég mundi ekki vilja sjá svona og hvað þá heldur að vera í umferðinni með ökumönnum undir áhrifum.

Í fréttunum í kvöld var sagt frá átaki umhverfissviðs Reykjavíkurborgar - náði ekki öllu því sem þeir ætla í og þarf að kynna mér betur en það sem ég heyrði hljómaði spennandi. :)

Sukk og svínerí

Merkilegt hvað sukk og svínerí kallar á meira sukk og svínerí.

###

Jæja er komin með tvö ný lönd sem er bara möst fyrir mig að fara til - og þau eru ekki langt í burtu. Bara frekar nálægt.

Skotland og Írland er það heillin. Jamm er komin með svona tilfinningu fyrir þeim að ég verð að fara til þeirra.

Þó ekki væri bara nema fyrir hreiminn - kikna alveg í hnjáliðunum við að heyra í skoskum og írskum hreim.

Laglegt verð þá bara skríðandi út um allt þar (haha lame húmor)

###

Jæja Pétur bróðir búin að fermast og tvibbarnir einnig. Öllu skellt saman bara.

Er gífurlega montin - Pétur bróðir valdi sömu ritningargrein og ég hafði á sínum tíma :)

Páskaboð

"stundum eru dauð hjón lík"

Sjö tíma skírnar og páskaboð er á enda. Ekki laust við að ég sé svoldið þreytt - svoldíð mikið þreytt.

Eftir skírnina og að hin fjölskyldan var farin þá hófst hið hefðbundna páskaboð með félagsvistinni. Eitthvað var ég ryðguð í henni þar sem ég sat fimm sinnum á sama borði í byrjun. Kenni um að hafa misst af boðinu í fyrra.

Síðan að sjálfsögðu fengum við öll páskaegg og málsháttirnir lesnir upp. Bróðir minn var agalega fyndin og laug að málshátturinn sinn væri sá sem ég skrifaði hérna uppi.....

En já barnið fékk það fallega nafn Alex Þór

Þá er bara maraþon ferming á morgun.

Páskadagur

Jæja páskadagur bara runinn upp.

Er að reyna að koma mér í gírinn að læra smá áður en ég fer í skírn og páskaboðið.

Fyrir ári síðan eða á páskadag í fyrra þá fór ég í hellaferð, skreið í gegnum myrk og þröng göng, sá glowworms, var blaut en skemmti mér konunglega.

Fékk þó ekkert páskaegg - ja allavega ekki fyrr en í maí

Þegar mamma hringdi í mig (á páskadag í fyrra)þá var hún á leið í páskaboðið en ég var að horfa á sjónvarpið og fljótlega á leið í rúmið því minn dagur var að kveldi kominn. Já það var svona að vera hinumegin á hnettinum.

Ef við miðum hinsvegar við dagsetninguna þá var páskadagur í fyrra mun seinna á ferðinni og 8. apríl var ég enn í Ástralíu og sennilegast í Byron Bay að prófa brimbretti.

en já gleðilega páska

omg

Var að skoða drög að verndaráætlun fyrir þjóðgarðinn Snæfellsjökul en veit eiginlega ekki mitt rjúkandi ráð.

Kortið mitt sem ég gerði fyrir bs ritgerðina mína er þar og vitnað til mín sem heimild.

oh my god!

Flugferð

Mér var boðið í kvöldflug í gær - ekki hægt að neita slíku boði :)

Enda var meiriháttar að sóla í kringum Reykjavík og nágrenni í háloftunum. Tók myndavélina með en hversu týpískt er það að batterýið sé búið akkúrat þá. Reyndar skipti það ekki svo miklu máli því vélin tekur ekki skemmtilegar myndir af ljósashowinu í Reykjavík (eða ljósmyndarinn). Veit ekki enn alveg hvort ég hafi ekki fundið eða veit ekki um rétta fídusinn eða hvort hún geti bara ekki tekið slíkar myndir.

Spurning að kannski bara blikka pabba næst og fá myndavélina hans lánaða....hmm..... já býst alveg við því að verði einhvern tíman næst :)

En takk fyrir mig.



Vélin sem við flugum í


Séð úr háloftunum

Hallærislegt

Ég á tvo verkfærakassa, einn lítinn og annan stóran en þrátt fyrir það þá finn ég ekki tommustokkinn sem ég á :(

Það er hallærislegt!

###

Annars er það að frétta af móðunni að hún er horfin af stofuglugganum og er orðin eins og hún var þannig að ég get ýtt þeim vanda aðeins á undan mér :)

###

Gott að eiga kalkaða mömmu, fór fyrir nokkru að skipta peysu sem ég fékk í afmælisgjöf og fékk önnur föt í staðinn en vantaði aðeins upp á og mamma sagðist ætla að borga það í stað þess að gefa mér páskaegg. Jæja var svo að tala við kellu í gær þá sagði hún að ég yrði að nálgast páskaeggið mitt. Ég minnti hana á að hún hefði ekki ætlað að gefa mér en þar sem ég er nú barnið hennar þá fæ ég víst eitt alveg eins og bræður mínir :)

Skilað

Jæja var að skila ritgerðinni - hefst þá handi við næstu. Nenni reyndar ekki að byrja núna heldur bara þegar ég vakna í fyrramáli. Stefnan á að skila því á föstudaginn og hefst þá næsti kafli.... já getum talið svona áfram ;)

en er reyndar ekkert voða sátt við það sem ég var að senda frá mér.... :(

arg

Er í erfiðleikum með að skrifa eina ritgerð - eitthvað sem ég á svo að vera löngu búin með. Finnst efnið bara eitthvað svo leiðinlegt en bara sjálfri mér að kenna því ég valdi efnið sjálf. Það er líka of seint núna að skipta um að mér finnst.....

bleh.... er að mygla úr leiðindum... en þarf að klára....

klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára klára

ekki búin enn.....

Semsagt

Var að horfa á upptöku af mér síðan í janúar þar sem ég var í einu námskeiði þar sem við áttum að halda smá ræðu.

Var ekki eins slæmt og ég bjóst við :) en ég bjóst reyndar við mjög slæmu. Notaði orðið semsagt allt allt allt of mikið. Komst líka að því að ég tala líka smá með höndunum, hélt ég gerði ekkert slíkt.

###

Komin í paskafrí frá skólanum eða frá mætingu. jeii :)

Nágrannar

Cool - var að sjá í nágrönnum (þáttunum) atriðið sem var tekið upp í "ramsey" street þegar ég var þar :) og svo peti

###

Annars er ég með stórskemmtilegan hausverk - má ekki hreyfa mig og þá finn ég til. Þannig að er best þegar ég hreyfi mig ekki sem er ekki alveg nógu gott þar sem ég er að fara að vinna

Var líka svona hress í gærkvöldi að ég var sofnuð um níuleytið!