Leiðist


avoidant


Which Personality Disorder Do You Have?
brought to you by Quizilla

endemis vitleysa

Saumaklúbbur

Það var afturhvarf til fortíðar í saumaklúbbnum í kvöld, tekin voru upp myndaalbúmin mín og skoðaðar myndir frá því að við vorum í 9.bekk en þá kynntumst við stelpurnar eða ég og Sigga komum í bekkinn. Það komu upp all mörg skemmtileg komment um útlit og annað slíkt. Ég fékk til dæmis kommentið að ég væri baby face á einhverri mynd, einhver fékk það komment um sig að hún hefði nú skánað all mikið og svo framvegis. Niðurstaðan var sú að sumir ættu að láta klippa sig meðan aðrir ættu að safna hári og allar að léttast um 10 kg eða svo. Þess fyrir utan voru rifjuð upp það sem margar hverjar höfðu gert af sér og kom líka sumt í ljós sem ekki hafði verið uppljóstrað áður. Spurningin var síðan hvort við ættum að halda áfram að taka myndir því hvernig þetta yrði eftir 10 ár hvort við mundum halda áfram að segja nú við vorum ekkert svo slæmar þarna eða hvort við gætum lítið á myndirnar og sagt já ég lít mikið betur út í dag!

fortíð, nútíð og framtíð

Öryrkjar

Sivar var aðeins á undan mér að benda á umræðurnar hans Árna með öryrkja en skrifin hans eru alveg brill. Vissulega hefur engin valið sér það hlutskipti að vera öryrki eins og hann Árni benti réttilega á en því miður er alltaf til fólk sem misnotar kerfið og fyrir það líða allir hinir og gerir hinum erfiðara fyrir í baráttu sinni. Ég er alls ekki að afsaka neinn nema sjálfan mig núna með því að benda á fólkið sem misnotar kerfið.

Alias var bara nokkuð góður og endaði gífurlega spennandi. Mikið er ég annars fegin því að þessi gaur þarna sem hún stelpa var heit fyrir er horfin úr þáttunum. Fannst hann ekkert skemmtilegur og líka alveg óþolandi að skyndilega þegar hann birtist þá bara getur hún ekki neitt og hann kemur henni til bjargar, sveiattan!

Sem betur fer gerðist ekki neinir aðrir hörmungar í dag eftir að ég skrifaði seinustu færslu og fékk meira segja alveg ágæt símtal sem vonandi leiðir til vinnu :-) ætla ekki að segja of mikið og held ég hafi nú þegar sagt of mikið. Vonandi mun það ekki hafa áhrif....... slæmt karma eða eitthvað. Ég er farin að horfa á Practice!

sjónvarpssjúklingur

Hörmungar dagur

Þessi dagur er sennilegast einn af þeim dögum sem ég hefði hreinlega ekkert átt að fara úr rúminu. Ég fór að vinna í morgun við að keyra út DV til blaðbera, nema hvað ég fékk bíllykla í hendurnar á bílnum sem ég átti að vera á. Ég fór að sækja hann til þess að færa hann nær, nema hvað að ég ætlaði aldrei að fatta hvernig átti að koma blessaða bílnum í bakkgír, ég ýtti niður og til hliðar alveg eins ég gerði þegar ég var þarna seinast en ekkert gekk. Alltaf fór helv........ bílinn áfram í stað þess að bakka. Þangað til mér datt í hug að það væri nú sumir bílar þar sem þurfti að toga gírstöngina upp og til hliðar og blessaði bílinn bakkaði. Þá sem sagt þurfti ég að fara út á bensínstöð til þess að taka bensín á bílin, en mælirinn sýndi að hann hefði um 1/4 af bensín eftir sem ætti að duga rúntinn. Ég kem á bensínstöðina og byrja á því að fara að losa bensínlokið af....... en viti menn það er bara pikkfast. Sama hvað ég reyndi og hamaðis þá tókst það ekki, þannig að ég hringdi í þann sem hefur umsjón með þessu til þess að láta vita að þetta væri nú ekki alveg að takast hjá mér. Þannig að hann segir mér bara að koma tilbaka. Ég sest inn í bílinn og ætla að starta, en lykillinn neitar alfarið að hreyfast, þá finn ég að stýrið hefur lika læst, þannig að ég byrja að reyna að hreyfa stýrið til þess að losa það og svissa eins og maður á að gera þegar þetta gerist. En ekkert gerist, mér er ekki að takast að ræsa bílinn. Þá bara gat ég ekki ekki hugsað mér að hringja aftur eins og auli í aftur í manninn til þess að segja honum nú hvað væri að þannig að auðvita hringdi ég í pabba til þess að leita ráða. Náttúrulega það eina sem hann gat sagt mér væri að reyna að hreyfa stýrið fram og tilbaka og reyna að svissa. Hann var meira segja svo elskulegur að bjóðast til að koma til þess að hjálpa mér, en mér fannst það nú alveg ómöglegt að láta hann koma þegar ég ætti nú að hringja í þann sem sæji um þetta. Ég beit á jaxlinn og hringdi aftur í þann sem hefur umsjón með þessu og sagði honum það sem væri að í þetta skipti og hann ákvað að senda mann mér til hjálpar. Þannig að ég fékk þarna bjargvætt til þess að hjálpa mér úr vandræðunum, hann reyndar gat ekkert frekar en ég losað bensínlokið af og tókst heldur ekki í fyrstu að starta bílnum, enda hafði lykillinn eitthvað bognað við hamaganginn við bensínlokuna. Ok loksins tókst mér að fara í rúntinn minn með blöðin og gekk alveg ágætlega nema þar sem allt var búið að ganga á afturfótunum þá svona var ég nokkuð viss um að eitthvað meira ætti eftir að fara úrskeiðis. Viti menn ég hafði svo rétt fyrir mér því í Vesturberginu varð ég bensínlaus............
Það sem ég varð pirruð og svekkt plús það að ég vara að fara af bílastæði og út á götu akkúrat þegar bílinn drap á sér þannig að ég var á miðri götunni og bílar gátu eiginlega ekki komist framhjá mér hvorugu megin. Sem betur fer voru þarna tvær skólastelpur sem voru á gangi og ég gat platað þær að ýta bílnum þannig að ég fór þó bara fyrir öðru megin og hringdi svo til þess að láta vita. Þá kom annar bjargvættur með bensín á brúsa og þá hófst lika barátta við að opna bensínlokið en hún var hörð og hélt ég á tímabili að strákurinn ætlaði að gefast upp fyrir bensínlokinu. En ég held að hann hafi ekki viljað stríðni í mánuð frá vinnufélögun þannig að hann vann baráttuna sem betur fer og tókst að koma smá bensín ofan í bílinn og keyra hann á næstu bensínstöð þar sem ég rétti bensínkallinum lykilinn til þess að hann mundi hefja baráttuna við ljóta bensínlokið. Bensín komst á bílinn og ég gat hafið rúntinn minn á nýjan leik en því miður var ég í seinna lagi.

Jákvæðu punktarnir eru þó að ekkert slys var hvorki á mér, bílnum né öðru fólki. Einnig það að ég var fljótari þrátt fyrir bensínleysi með rúntinn núna heldur en seinasta mánudag, því ég lagði af stað 25 mín seinna heldur en seinast og þegar ég lagði aftur við prentsmiðjuna þá var hún 20 mín yfir tvö en seinast kom ég tvö. Þannig að þrátt fyrir tafir og það að ég kláraði að þessu sinni rúntinn fyrir utan einn stað þá gekk þetta betur :-)

En óheppnin heldur áfram því ég ætlaði að fara í klippingu í dag en svo hringir frændi minn til að segja mér að konan hans sé veik þannig að ég kemst ekki í dag, en vonandi fer dagurinn batnandi.
Ég fékk reyndar líka mjög sætt vefkort í dag frá vini og tímasetningin var frábær eftir þennan leiðindaga. Takk Árni :)

lengi getur vont versnað!

Afmæli

Bella vinkona á afmæli í dag :-), Til hamingju með afmælið Bella mín, vonandi nýtur þú afmælidagsins í botn. En ég er að fara til hennar í kvöld í afmæli, hlakka til að hitta stelpurnar. Svo á vinur hans Jens líka afmæli í dag og óska ég honum einnig til hamingju en efast þó um að hann sjái þetta.

Er andlaus, en líður þá aðeins betur í dag heldur en í gær!

batnandi manni er best að lifa

Teljari

Alveg hrein snilld að hafa teljara á síðunni sinni, það sem mér finnst kannski einna skemmtilegast er að þegar fólk hefur verið að leita að einhverju í leitarvef og lendir á minni síðu. Það nýjasta er að einhver var að leita af loftmynd og fékk upp mína síðu :) kannski eftir allar kvartanirnar um fagið loftmyndatúlkun er ekkert skrýtið að manneskjan fékk mína síðu hehehe.

Í gær átti ég von á tryggingasölumanni en hann hringdi rétt fyrir eitt og afboðaði komu sína eftir að hafa spjallað smá við mig. Greinilega ekkert litist á mig ;-) en reyndar ætlaði hann að hringja í mig í næsta mánuði til þess að athuga hvernig staðan væri hjá mér þá því hann vill víst ekki hitta mig oft, hann bara veit ekki af hverju hann er að missa! Kannski ég sé bara að eignast símavin yrði reyndar kannski ekki slæmt því hann hefur ekki slæma rödd.
Það er reyndar eitt gott sem hann kom til leiðar en ég hafði það af að aðeins að þrífa hjá mér, vildi ekki alveg að einhver ókunnugur mundi þurfa að horfa upp á þetta.

Meðan ég man það er verið að safna undirskriftum gegn Kárahnjúkavirkjun. Slóðin er http://halendi.this.is. Endilega kíkið þar inn og skráið ykkur gegn Kárahnjúkavirkjun.

Takið þátt!

Skoðanir

Á baksíðu Fréttablaðsins birtast oft skemmtilegir pistlar og birtist einn slíkur síðastliðinn mánudag. Þar skrifaði Þráinn Bertelsson um skoðanir og það að nútíminn væri orðinn svo flókinn að erfitt gæti verið að mynda sér skoðanir sjálfur. Því gæti verið bara hentugt að fara á endurskoðendaskrifstofu til þess að fá góðar skoðanir og vel rökstuddar. Hvet alla til þess að lesa þetta :) bráðskemmtileg alveg. Ég var reyndar búin að skrifa meira um þetta en vegna klaufaskapar í mér þá hvarf það og ég nenni ekki að skrifa aftur :( geri það kannski seinna.

Jahérna hér

Aldrei hefði mér dottið þetta í hug :)


What's your Inner European?
brought to you by Quizilla


life is full of surprises!

Færeyjar

Ég á litla frænku sem býr í Færeyjum og hún er komin með sína eigin heimasíðu. Komnar líka nýjar myndir af henni en það er komin snjór í Færeyjum.
Ég er komin með hausverk :( sem er ekki gott!

Afleiðingar

Ég verð víst að taka afleiðingum gjörða minna í gær, en ég er komin með þessa rosalegu strengi í neðri hluta líkamans. Rassinn er sérstaklega slæmur og býst ég við að þetta fari versnandi. Strax farin að vorkenna mér að þurfa að ganga í vinnuna, þarf ábyggilega að leggja af stað fyrr en vanalega. Röddin er þó komin í lag og ætti ég að geta talað við fólk án þess að hósta lungu og lifur í eyrað á þeim. í gær fór ég samt að spá aðeins í hvað sumir eru rosalega óheppnir með raddir, ég get nefnilega orðið mjög hrifin af röddum, sérstaklega karlmannsröddum. Það kom fyrir í gömlu vinnunni minni að maður talaði við einhvern sem var með þessa rosalegu fallegu rödd að manni langaði bara alls ekki til þess að hætta að tala við hann. En ástæða þess að ég er að blaðra um þetta núna er að ég skipti yfir á skjá einn þegar bráðavaktin var búin í gær og þar var kona sem var alveg einstaklega óheppin með rödd og þótti mér það heldur leitt því lítið er hægt að gera viði því.

Á morgun er ég að fara í sumarbústað og þykir mér það mjög góð tilhugsun að fara út úr bænum og vera í góðum félagsskap um helgina :-)

over and out

Líkamsrækt

Hafði það loksins af að fara í Sporthúsið að æfa með henni Siggu, þrátt fyrir smá erfiðleika þá var þetta hin ágætasta æfing. Sjúkrabílinn kom að vísu en ekki vegna mín heldur einhvern annars sem lá á bekk fyrir framan þegar við komum út úr búningsklefanum. Þannig að það er spennandi að fara í sporthúsið maður veit aldrei hvað gerist. Annars voru tækin nokkuð flott og fékk maður góðar leiðbeiningar við hvert tæki, kemur meira að segja broskall ef maður gerir vel :-) Dugnaður á öðrum sviðum hefur að vísu ekki látið sjá sig.

gott í bili

Týnd

Ég auglýsi eftir kvenmanni á 27.aldursári, ekki svo hávaxnri, með lubba á hausnum, fáeinum kílóum yfir kjörþyngd, gengur oftast með gleraugu nú á dögum. Finnandi vinsamlegast hafið samband við mig því hún virðist týnd og tröllum gefin.

Skrýtið

Ég hef verið að pæla í bloggunum mínum undanfarið og það sem ég skrifa hérna á netið. Það er eins og mér finnst auðveldara að skrifa um og segja hvað ég hafi verið að gera dagsdaglega heldur en að skrifa skoðanir mínar (þegar ég hef þær ;-) hérna inn. Ég veit að margir vinir mínir lesa síðuna og hugsa að það séu aðallega þeir sem ég þekki sem les þær en það er alltaf sá möguleiki að það séu einhverjir sem lenda hérna inni sem ég þekki hvorki haus né sporð á. Með því þá að skrifa skoðanir mínir á málum þá er eins og ég gefi meiri höggstað á mér sem ég hef ekki verið tilbúin til þess að gera og því var ég í miklum vafa hvort ég ætti að skrifa um virkjunina eða ekki og mínar skoðanir á þeim málum. Mér finnst eins og ég upplýsi meira um mína persónu með því að segja skoðanir mínar heldur en frá daglegu lífi mínu, kannski hef ég rangt fyrir mér veit ekki.

hvað heldur þú?

Tímamót

Í dag gerðist merkilegur hlutur, ég horfði á hluta af Silfri Egils án þess að skipta um stöð. Ég horfði og hlustaði á fyrstu gestina hans þegar var verið að ræða um álverið og Kárahnjúkavirkjun.Mér fannst konurnar sem voru þarna í þættinum nokkuð góðar en þessi maður ekki eins, kannski var það vegna þess að ég er á máli kvennana tveggja frekar heldur en mannsins, gæti verið. Annars fannst mér nokkuð merkilegt að það voru þarna konurnar tvær voru þarna til þess að tala máli náttúruverndarsinna og vilja vernda náttúrunni fyrir eyðileggingunni en maðurinn var að tala máli virkjunnar og álvers. Þetta er í raun í samræmi við skoðunarkannanir sem hafa birst að undanförnu en þar kemur fram að konur eru frekar á móti virkjunninni meðan karlarnir eru frekar með henni. Enda hefur alltaf verið talað um það að þeir sem hafa verið mótfallnir virkjun séu ekki með nein rök heldur bara tóma tilfinningavellu........... sem að sjálfsögðu er ekki rétt. Ég skil ekki af hverju ráðamenn þjóðarinnar vilja gera sömu mistök og önnur lönd og því í ósköpunum vilja þeir fara út í frumvinnslubúskap þegar flestar þjóðir heims að minnsta kosti hinn vestræni er komin yfir það stig og farin yfir á þjónustustigið. Sjáum til dæmis Danmörk ekki hefur landið mikið af auðlindum úr að spila og hefur því byggt upp þjónustu sem sinn helsta atvinnugrein og ég held örugglega að ég sé ekki að ljúga þegar ég segi að það sé um 50% af allri atvinnu í Danmörk. Það einna mest sem ég sé eftir er að hafa ekki mætt í mótmæli og þess í stað verið heima og mótmælt þar sem enginn getur séð mig. Annars langaði mig rosalega á borgarafundinn sem var í Borgarleikhúsinu en tók vinnuna fram yfir :(

Ekki virkja.......ekki byggja álver

Af hverju?

Ég hefði haldið að eftir því sem maður eldist og „þroskast“ þá ætti maður að læra af mistökum sínum og gerir ekki sömu mistök aftur. Nei það gerir hún ég ekki, ekki það að þetta séu einhver rosaleg mistök þetta er bara tóm vitleysa í mér. Í mörg ár og ég veit það með nokkurri vissu að aðrir gera þetta líka, á kvöldin þegar ég er komin upp í rúm þá hef ég lofað sjálfri mér því að taka mig á í hinu og þessu. Til dæmis að verða duglegri við að læra, vera duglegri við að fara í ræktina eða bara yfir höfuð að fara þangað sem sagt taka mig á en svo á morgni hins nýja dags þar sem allt á að vera breytt þá fellur allt í sama gamla farið. Ég þarf því engin nýjarsheit til þess að brjóta því ég brýt mín heit á hverjum morgni. Mætti segja að það sé lán í óláni að ég sé að brjóta gegn mér en ekki einhverjum öðrum.

Batnandi manni er best að lifa...... eða hvað!

Íbúð

Skoðað íbúð í dag, staðsetning á henni er mjög góð og ekki verra að ég þekki fólk í húsinu þar sem tveir bræður mínir búa þar. Því miður þá finnst mér hún bara allt of lítil fyrir mig og dýr fyrir þetta litla pláss. Það var þarna eitt herbergi um 16 fermetra sem ég yrði að nota bæði sem svefnherbergi og stofu, svo er pínku lítið eldhús og ég er ekki viss um að eldhúsborðið mitt komist þar inn ásamt því að ekki er nægilegt skápapláss til þess að koma eldhúsdótinu fyrir. Klósett er síðan fram á gangi og sturtuaðstaða í þvottahúsinu. Þessi herlegheit á að kosta 40.000 á mánuði. Bara allt of dýrt og ekki mjög spennandi.

veit ekki

Aftur

Ég er aftur komin með ljótan hósta og er hás eins og ég veit ekki hvað. Ætti í sjálfu sér ekkert að vera í vinnunni í kvöld, næstum því alveg viss um að ég er að hræða þá sem ég hringi í. Minnsta kosti er ég ekki að heilla þá/þær/þau upp úr skónum með minni heillandi rödd. En ákvað að mæta samt sem áður sérstaklega í ljósi þess að þetta verkefni er að klárast og næsta verkefni er ekki tilbúið þannig að það gæti verið eitthvert stopp því verr og miður. Þeir sem vita um íbúð og vinnu handa mér mega alveg láta mig vita :)

veit ekki

MSI

Í Chicago fór ég á safn sem heitir Museum of science and Industry, þetta var mjög skemmtilegt safn því það var hægt að fikta mjög mikið í hinum ýmsum hlutum. Eitt það helsta sem stóð upp úr var kafbátaferðin en ég skoðaði kafbát þjóðverja úr seinni heimsstyrjöldinni, hann var svo lítil og mikið minni en ég hafði ímyndað mér. Mig minnir að ég hafi eitthvað skrifað um þetta þegar ég var í Chicago. Annað sem mér fannst líka alveg brillíant var að í einum hluta safnsins þar sem var fjallað um vísindi þá komu nokkur gullkorn. Þar voru skrifuð orð á spjald sem sagði það sem vísindamenn segðu og hvað þeir raunverulega meintu. Ég skrifaði nokrar setningar niður því mér fannst þær frábærara. Sérstaklega í ljósi þess að ég er að berjast við að skrifa lokaritgerðina mína. Hérna kemur þetta:

When scientist write: It has long been know that............, they really mean: I haven´t bothered to look up the original reference.
When scientist write: It is suggested that...., It is belived that......, It may be that......, they really mean: I think
When scientist write: It is generally belived that........, they really mean: A couple of other guys think so too.

Það kemur meira seinna um Chicago ferðina hef bara treinað allt of lengi að skrifa niður þessar frábæru setningar :-) ásamt skemmtilegum punktum um Chicago.

over and out

Hneyksluð

Ég les reglulega bloggið Siggabeib sem mér þykir mjög skemmtilegt að lesa (annars væri ég væntanlega ekki að lesa það) nema hún var að segja frá atviki sem henti hana hjá skósmiði og ég á bara ekki til orð yfir viðskiptaháttunum hjá honum. Hvet alla til þess að lesa þetta hjá henni en það nefnist Pælingar 1. Í stuttu máli þá var hún að fara með skó til skósmiðs og var ekki ánægð með þjónustuna. Þegar hún kom til skósmiðsins aftur til að sækja skóna þá bað hún um afslátt vegna þess að þetta hafði dregist á langinn hjá þeim. En nei skósmiðurinn hendir í henni útprentun um það sem hún hafði skrifað á netið og neitar henni um afslátt. Þetta er það versta sem hann gat gert. Samkvæmt því sem ég hef lært um markaðsfræði og annað álíka að þegar viðskiptavinur er óánægður þá segir hann mun fleirum frá því heldur en ef hann er ánægður. Það hefði verið best fyrir skósmiðinn að vera almennilegur og gefa afslátt, þá hefði hann að öllum líkindum haldið í viðskiptavin sem hefði síðan sagt fleirum frá góða viðmótinu sem hún fengi. En með þessu sem hann gerði þá tapaði hann þrátt fyirr að hafa getað fengið einhverja útrás með því að vera leiðinlegur, en það máttu bara ekki gera í viðskiptum því þá tapar þú.

dugar í bili

Sterkara kynið!

Mjög margir tala um sterkara kynið og fer eftir því við hvern maður talar hvort það séu kk eða kvk sem er talið sterkara kynið. Ég held barasta að ég trúi ekki á slíkt, enda fer það líka við hvað er miðað. Jú mjög margir karlmenn eru sterkari en ég og kröftugri en gerir það þá endilega að sterkara kyninu því ef eitthvað mundi koma upp á þá gætu þeir bara brotnað niður. Einnig tel ég mig því næst full viss þess að konur hafi hærri sársaukaþröskuld heldur en karlmenn, þar sem margar hverjar þurfa að þola mikinn sársauka mánaðarlega, misjafnlega mikið. Síðan kemur að vandræðum eða erfiðleikum í lífinu og hvernig fólk yfirstígur þá, oft er þá talað að einstaklingar séu sterkir og þar er ekki hægt að miða eitthvað við kynin hvort þeirra sé hæfara eða sterkara til þess að takast á við ákveðna hluti. Þar kemur persónuleiki hvers og eins inn að mínu áliti.
Ég veit eiginlega ekki alveg af hverju eða tilgangurinn með þessari færslu var en í nótt var ég andvaka þannig að þá fór ég að hugsa um hvað ég gæti skrifað hérna inn, kannski var það út af því að ákveðinn aðili sagði mér fyrir nokkrum árum að ég væri sterk en mér finnst það enga veginn núna.

Erótískt nudd!
Var að lesa atvinnuauglýsingar í Fréttablaðinu í dag og þar var verið að auglýsa eftir starfsmanni á erótíska nuddstofu og íbúð gæti fylgt með, ég er svoldíð græn í svona hlutum því t.d. vissi ég ekki að til væru erótískar nuddstofur hér á Íslandi. Síðan er ég bara næstum því viss um að þetta er bara vændi. Ég held að það hafi verið að auglýsa eftir vændiskonu og þetta stuðaði mig smá.
Þar sem þetta stuðaði mig er það þá merki þess að ég sé gömul. ekki nógu víðsýn, gamaldags eða hvað?

Áhyggjufull

Framkvæmdarleysi

Ég hrjáist af framkvæmdarleysi. Ég veit ekkert hvað ég á að gera við sjálfan mig............. vildi stundum að ég sveiflaðist ekki svona upp og niður og væri alltaf í jafnvægi. Ég er frekar leið í dag og pirruð út í sjálfan mig fyrir að láta daginn bara líða án þess að koma neinu í verk. Ég vaknaði þó klukkan níu í morgun þannig að það er að takast að snúa sólarhringnum við. Einkennilegast er að á kvöldin þá langar mig ekki til þess að fara að sofa og vaki fram eftir við að gera ekki neitt og á erfitt með að sofna svo á morgnana langar mig ekki til þess að vakna og vildi óska þess að ég gæti sofið lengur. En býst við að þetta líði hjá og ef til vill verður dagurinn á morgun betri. Mjög líklega þar sem ég mun hitta stelpurnar í kvöld og það bætir sálartetrið.

með von um bjartari tíma......

Hringdróttingssaga


What Lord of the Rings Male and Mood Do You Desire?
brought to you by Quizilla


Loksins loksins fór ég á Two Towers seinasta laugardag í lúxus salnum. Myndin var frábær og finnst frekar langt þangað til næsta kemur. Eftir bíóið var Hringdróttinsspilið spilað sem var mjög skemmtilegt. Reyndar tapaði hópurinn en það gengur bara betur næst :)

Þangað til næst

Hefðir

Eins og ég hef einhvern tíman skrifað hér áður þá er ég hrifin af hefðum og hef mjög gaman af því. Þegar ég hugsa til gamlárskvöld og ef maður hugsar smá út í það þá finnst mér nokkuð merkilegt að flest allir landsmenn sitji yfir sjónvarpinu þetta seinasta kvöld ársins. Eins og það sé ekki nóg glápt á sjónvarpið. En ætli það sé samt ekki við hæfi á seinasta kvöldi ársins að líta yfir farin veg og hvað hafi gerst á árinu en þá einmit kemur sjónvarpið til hjálpar. Þar eru rifjaðir upp atburðir líðandi árs svo ég tali nú ekki um skaupið sem gerir grín að þessu öllu saman. Það fer kannski minna fyrir persónulegum atburðum í lífi hvers og eins, það gerir það eflaust allir upp við sjálfan sig og eru ekki að bera það á borð fyrir aðra.

Ég ætla lítið sem ekkert að segja um Ingibjörgu Sólrúnu enda er ég ekki mikið politísk manneskja en ég er hins vegar nokkuð sammála honum Sivar en hann skrifaði stutta færslu um þetta.

Svo að lokum vildi ég óska öllum gleðilegt nýtt ár og megi nýja árið verða heilladrjúgt.

Gleðilegt nýtt ár

Stutt

Þetta verður stutt en ég var búin að lofa að linka á pabba, reyndar mun hann ekki breyta síðunni sinni alveg strax. Nema kannski get ég sannfært hann um að byrja að blogga. Aldrei að vita :-)

búið og gert

Gleðileg jól

Vildi óska öllum gleðilegra jóla og farsældar á komandi ári.

Eitthvað virðist ekki vera að virka. Búin að taka ákvörðun um ákveðið málefni. Veldur mér ekki kæti en gæti bjargað geðheilsunni frá einhverju óskemmtilegu!

Gleymdist

Gleymdi að minnast á eitt, það var bara einn sem svaraði í sambandi við pabba þannig að ég ætla að fara að ráðum hans. Pabbi þú færð því frest fram á jólunum til þess að laga síðuna og mun ég linka á hana um jólin.
Ég er komin í jólafrí frá vinnunni sem er mjög gott og þarf ekki að fara fyrr en um 6.janúar og ég fékk líka jólapakka frá vinnunni :-) gaman gaman þannig að ég fæ að minnsta kosti 2 pakka.

over and out

Hræðilegt

Heyrði í fréttum um daginn að háskólanemi hafi verið rændur í trjágöngunum hérna á háskólasvæðinu klukkan níu um morgun. Mér finnst þetta hræðilegt því ég vel þessa leið oftast þegar ég er að koma heim úr bænum á kvöldin og næturnar (ekki að það gerist oft). Því ég tel þessa leið aðeins öruggari heldur en að ganga Njarðargötuna og hjá Decode því þar er bæði léleg lýsing og engin hús nálægt. Hjá háskólanum er þó aðeins meiri birta og íbúðarhús ekki svo langt í burtu. Ég ætti þá kannski bara að læsa mig inni eða sjá til þess að ég sé á bíl tilþ ess að sleppa að ganga þessa leið.

Gekk líka hræðilega í seinasta prófinu mínu og langar alveg hræðilega í jólafrí en sé ekki fram á neitt jólafrí hjá mér en ég get kennt sjálfri mér um það.

Verð að segja frá skondnu atviki sem henti vinnufélaga minn um daginn, en hún var að kaupa sér hangikjötslæri með beini víst um daginn en hún ákvað síðan að fara í ákveðna búð hérna í bænum til að biðja þau um að skera lærið í tvennt þar sem það kæmist ekki í pottinn. Gott og vel það er gert og hún fer heim til sin með sitt hangikjöt en þegar hún opnar og fer að skoða þá hefur manneskjan skorið hangjikjötið í sneiðar en ekki í tvennt. Frekar fyndin saga en hræðilegt, spurning hvernig hún eldar þetta.

Búin að tala fullt um neikvæða hluti þannig að ég ætla að segja eitthvað jákvætt. Ég vann miða á tónleikana hjá Coldplay þannig að ég var á tónleikunum í gær. Var mjög fínt og þrusu stemming. Bara aulinn ég þekkti fá af þessum lögum og að sjálfsögðu sá ekki neitt. En maður er kominn þangað til þess að hlusta á tónlistina er það ekki! Gerðist líka svoldið fyndið, söngvarinn í einu laginu gerðist falskur í upphafi lagsins þannig að allir sprungu úr hlátri, síðan byrjaði hann aftur en átti í smá vandræðum því hann hló svo mikið en lét það ekki stoppa sig.

Ef einhverju langar í bæinn á þorláksmessukvöldi með mér má sá aðili alveg láta í sér heyra :)

skrifa skrifa skrifa

Væl

Ég er ábyggilega fallin í prófinu sem ég var í, gekk hræðilega eins og ég var bjartsýn þegar ég fór inn. Kom þarna reiknisdæmi sem ég hafði ekki hugmynd um hvernig ætti að reikna og það var 15%, ég man eftir því að hafa séð það í kennslubókinni og hugsað með mér að við höfum ekkert reiknað svona dæmi og hún kemur ekki með þetta hefur ekki gert það áður. I was dead wrong :( oh mig langar til þess að grenja........... Svo gekk mér hræðilega að túlka þessar loftmyndir sem við fengum. Fengum eina svart hvíta loftmynd sem við gátum haft í 35 mínútur og þar áttum við að greina ein 13 svæði og mér reiknast til að við höfum haft þá um 2,6 mínútu til þess að skoða hvert svæði fyrir sig sem er bara allt of lítið. Einnig fengum við síðan innrauða loftmynd sem við fengum að hafa í 7 mínútur og ekki gekk það betur. Svo er það bara þannig með mig að ég fæ aldrei fullt hús fyrir spurningu get aldrei svarað henni fullkomlega. Jæja þetta kemur allt í ljós.

Náunginn sem situr við hliðina á mér er líka að blogga, fyndið hvað ég er stundum feimin eitthvað við þetta. Finnst hálfhallærislegt að sitja hérna hlið við hlið að blogga. En oh well thats me.

Afsakið allar enskusletturnar sem komu hér í þessari færslu!

fallin.......

Próf!

Nálgast óðfluga í fyrsta prófið mitt þessa önnina, en próf í loftmyndatúlkun er í fyrramáli. Að sjálfsögðu er ég ekki búin að læra nóg vel né nógu mikið fyrir þetta próf. Var áðan að leysa smá hluta af gömlum prófum og þá aðallega reiknisdæmum. Fúlt að hafa reiknisdæmi sérstaklega þegar ég er ekkert búin að vera leggja áherslu á það og þurfa að muna jöfnur fyrir hitt og þetta eins og hvaða hraði er best að hafa á myndavél ef linsan er þetta breið o.s.frv. Ég sé fram á að vera lesa fram á nótt ef ég get. Er alveg búin að sjá það að ég er búin að tapa þessum próflestrarþrótti frá því á menntaskólaárunum. En þá gat ég sko lesið fram á nótt og sofið síðan 2 klukkutíma eða svo til þess að halda áfram að lesa. Í dag er þetta horfið, mig langar í flestum tilfellum að fara að sofa snemma og á erfitt með að vakna. Veit ekki hvort þetta sé aldurinn eða hvort ég sé ekki eins stressuð og í menntaskóla eða kannski eitthvað annað. Einhverjar tillögur? Þá er frjálst að skrifa þær í kommenið hér að neðan.

Pabbi!
Jæja ég fer bráðum að standa við hótun mína við hann pabba. En þannig er mál með vexti að við systurnar grínuðumst í honum á afmælinu (reyndar fékk hann þessa afmælisgjöf aðeins í seinna lagi) en við bjuggum til heimasíðu handa honum og nú er ég búin að afhenda honum heimasíðuna sem hann getur breytt að vild en hefur ekki enn gert. Þannig að pabbi þú verður að fara að gera eitthvað í heimasíðunni þinni því bráðlega fer ég að linka á hana eins og ég lofaði að ég mundi gera :-)

Reyndar hef ég verið smá treg við að linka á heimasíðuna hans því þar sýnir hvað ég var rosalega hugmyndasnauð þegar ég var að skrifa textann inn á hann. En hún var með góðum huga gerð og veit að pabba finnst gaman að svona gríni. Er það ekki annars!

Hvað ætti ég að gefa kallinum marga daga þangað til ég linka á hann. Einhverjar hugmyndir?

Tjáðu þig

VÁ!

Var að koma af mögnuðum tónleikum!

VÁVÁ, veit hreint ekki hvað ég á að segja. Sigur Rós var hreint út sagt frábær, sé sko ekki eftir því að hafa farið á þessa tónleika. Maður verður dolfallinn á tónleikum með þeim. Ég var pínku hrædd um að sætin okkar væru ekki nógu góð en við sátum á fyrsta bekk en það var frábært. Ég gat séð alla tónlistarmennina og fylgst vel með þeim. Fannst Jónsi alveg þjást rosalega þegar hann var að syngja, virðist taka alveg rosalega mikið á enda ekkert skrýtið heldur. Er enn í sæluvímu, reyndar svoldíð hungruð og þyrfti að fara að lesa en tónleikarnari slógu svo sannarlega á kvíðahnútinn :-)

Vond stelpa!
Upphitunin var ekki eins góð, var mikið að pæla af hverju þeir voru að hafa þennan náunga. Datt í hug að sálfræðin væri í því að láta áhorfendum leiðast alveg rosalega þannig að þeir (Sigur Rós) yrðu rosalegir sem þeir voru náttúrulega. Þetta hefur þá kannski virkað. En æj greyið náunginn, hann var bara ekki að virka. En mér finnst alveg hræðilegt að vera að segja svona ljótt um einhvern þannig að það jákvæði í endan er að hann var í flottum gallabuxum!

Strákarnir í Sigur Rós eru frábærir tónlistarmenn!

Magnað......

Hnútur í maganum!

Ég er með stóran hnút í maganum......... vona bara að Sigur rósar tónleikarnir slái aðeins á hann og félagsskapur góðra vina.

stress

Árni

Kíkið á Árna en hann var að koma með góðan punkt um fréttamanninn sem neitaði að taka viðtal við Jeremy klámmyndastjörnuna, aðallega það að hún var víst að fá einhverja viðurkenningu. Svo reyndar er hann þarna smá á hálum ís með því að virtist vera að setja út á kvenkynið........... hmmm...... Árni að passa sig núna hehehhe

Tónleikar

Fór á Nick Cave tónleikana í gær, ég get bara ekki orðum bundist en maðurinn er stórreykingamaður. Held að hann hafi nánast kveikst sér í sígarettu eftir hverju lagi. Þetta voru mjög fínir tónleikar en reyndar margt sem var að fara í pirrurnar á mér því miður. En Nick Cave var þó ekkert að fara í pirrurnar, stórskemmtilegt að fylgjast með honum og fiðluleikaranum. Það var stórskrýtinn náungi. Hann sneri baki við áhorfendur allan tímann og fór hamförum í tónlistarflutningi. Svo þegar hann var ekki að spila þá beygði hann sig í hnjánum og var eins og einn stór bolti á sviðinu. En það sem var að fara í pirrurnar á mér er að fólk var svo mikið að tala saman og tónlistin var ekkert að yfirgnæva það t.d. var þarna ein stelpa sem þurfti að deila þeirri skoðun sinni með okkur hinum að henni þætti allir svo alvarlegir og hvort þetta væru ekki tónleikar. Ég segi bara jú þetta voru tónleikar og við vorum þarna til að hlusta á Nick Cave en ekki hana urrrr......... einnig heyrðist út um allan sal bjórflöskur vera að detta. En þetta eyðilagði þó ekki tónleikana sama hvað þau reyndu hehehe
En kæruleysið heldur áfram hjá mér því ég er að fara á Sigur rósar tónleika á morgun, og hlakka ég mikið til þeirra. Á ekki von á því að fólk þar fari svona í pirrurnar á mér og fari að tala saman. Allavega vona ég það ekki.
Ég kemst ekkert áfram í lærdómnum, ég held ég virki bara líka í nokkra klukkutíma á dag og það er ekki snemma á morgnana né seint á kvöldin.

Sigur Rós

Laufabrauðsgerð

Það er komin hefð hjá mömmu og systrum hennar að hittast heima hjá mömmu í byrjun desember og gera laufabrauð. En þessi dagur var einmitt í gær, reyndar hef ég ekki komist undanfarin ár því að sjálfsögðu hef ég verið í prófum og því ekki gefið mér tíma. Hins vegar þá endar laufabrauðsgerðinni með því að borða saman og þær systur koma yfirleitt allar með einn rétt. Þá koma líka oft þeir sem hafa ekki tekið þátt í skurði yfir daginn eins og t.d. ég. Ég fór í gær og fékk mér gómsætan mat......... var mjög gott en reyndar var óvenju fátt núna og hef ég að ég held aldrei verið svona fámennt. Var víst mikið um veikindi. Allavega þá finnst mér mjög gaman af svona hefðum sem skapast. Ætli ég sé bara ekki gamaldags eftir allt saman :)

að vera eða vera ekki.......

Saumaklúbbur

Ég er ekkert voða hress, almennur leiði að gera vart við sig ásamt því að kvefið hefur ágerst. Hef þó eitt til að hlakka til en það er saumaklúbbur í kvöld. Gengur voða lítið með þessa ritgerð er stressuð en samt eitthvað voða kærulaus. Veit ekki hvað hefur gerst með mig þessa önn............

hvað.......

Sjálfsvorkun

Sjálfsvorkun er ekki af hinu góða, en búin að vera full sjálfsvorkunnar í allan dag, samt sem áður ekkert alvarlegum. Nema þegar ég er í svona ástandi þá á ég það til að vera voða „góð“ við sjálfan mig sem er þegar á botninn er hvolft ekkert voðalega gott. Ég er komin í kókið og nammið því ég á svo bágt..........ég held að ég fari stundum bara í sjálfsvorkun til þess að hafa afsökun til þess að fá kók og nammi.

kók&nammi&kók&nammi

Ég um mig frá mér til mín!

Var rétt áðan að taka ákvörðum um að fara ekki í vinnu í kvöld, er frekar slöpp, er kalt með mjög slæman hósta og seldi upp í morgun með hóstanum og fleiri skemmtileg heit. Finnst samt erfitt að sleppa vinnu því ég er ekki veik þannig að ég er alveg rúmliggjandi en taldi samt best að fara ekki. Á líka eftir að vinna heilmikið fyrir ritgerð sem ég þarf að fara að skila, vona bara að ég nái því.
Loksins búin að fara á James Bond myndina Die another day og var hann tekinn fram yfir Alias í gær. Þannig að nú er mér rórra og ég ætti að geta farið að snúa mér að mínu daglega amstri. Annars hafði ég mjög gaman af myndinni og að sjálfsögðu kemur Íslendingurinn fram í manni þegar minnst er á Ísland í henni. Fór samt pínku í pirrurnar sumt sem ekki átti við rök að styðjast en fannst frekar fyndið þegar tveir náungar sem ábyggilega áttu að vera Íslenskir töluðu þýsku.

Ég var búin að fjalla fyrr um að ég hefði gert óskalista á amazon.com en þar á lista er spil sem heitir the settlers og er borðspil, ég held ég hafi einu sinni eða tvisvar spilað þetta spil og fannst það stórskemmtilegt (að sjálfsögðu!) en ég er búin að rekast á það í bókatíðindum og búið er að setja það yfir á íslensku. Þannig að ég er ekki viss hvort ég ætti að koma þetta íslenska eða á ensku. Getið þið hjálpað mér? Gæti svo sem beðið um þetta í jólagjöf en þetta er bara svo dýrt, kostar um sex þúsund kall.

Jæja þá er það komið og snerist þessi færsla öll um mig, reyndar eins og flestar færlsunar gera. Hey einhvers staðar verð ég að fá útrás!

sem búin er að sjá James Bond

Hás

Röddin er ekki alveg upp á sitt besta núna og það er ekki alveg heppilegast í vinnunni minni. Samt sem áður gengur alveg ágætlega. Kannski segir fólk bara já svo það þurfi ekki að tala við mig meira ;-) eða það vorkennir mér svo rosalega með þessa rödd. Ótrúlegt hvað þetta getur verið misjafnt.

langar enn á James Bond

Týpískt

Ég er komin með eitthvað í hálsinn þannig að ég á ábyggilega eftir að vera hóstandi núna næstu daga. Þetta er alveg týpískt að þetta gerist í kringum prófin hjá mér. Ég man eiginlega ekki eftir próftímabilum í menntaskóla og grunnskóla öðruvísi en þannig að í prófunum sjálfum var ég hóstandi það mikið að mér var farið að líða illa yfir því og sannfærð um það að ég væri að trufla alla aðra þarna inni og ef einhver mundi falla gæti hann sakast við mig þar sem ég truflaði einbeitninguna í stofunni. Lítur út fyrir að þetta verði svona hjá mér fyrir þessi próf.
Mamma er búin að baka snúða og ég er komin með tvo poka af nýbökuðum kanelsnúðum. Þetta er að ég held það sem mamma bakar yfirleitt bara fyrir mig að sjálfsögðu fá hinir í fjölskyldunni líka snúða en þar sem þetta er uppáhaldið hjá mér þá er þetta fyrir mig, ekki satt!

Annars tókst mér að afreka það að þrífa hjá mér um helgina og var ekki vanþörf á, merkilegt hvað alls konar drasl getur safnast saman sem maður veit ekki hvað á að gera við en getur einhvern veginn ekki hent. Kannski vantar mér bara fleiri hirlsur til að safna drasli í, hver veit.

ein sem langar á James Bond

Kúba

Var í tíma í þróunarlöndum þar sem mikið var talað um Kúbu einnig voru sýndar slides myndir þaðan. Mikið rosalega langar mig til Kúbu, svo svekkt að við fórum ekki vorið 2001 eins og til stóð í námsferð. Mig langar til Kúbu, Kúbu, Kúbu!

Kúba

Loftmyndatúlkun lokið

Þá hef ég þá ánægjulegu fréttir að færa að verkefninu í loftmyndatúlkun er hér með lokið. Einungis á eftir að fá einn hópmeðlim til að skrifa undir og binda ritgerðina svo inn og skila henni í fyrramáli. Prentun hófst tíu mínútur yfir miðnætti og biðum við í von og óvon með að eitthvað hræðilegt mundi gerast svo við þetta mundi nú ekki takast. En prentunin gekk eins og í sögu sem betur fer. Þær voru síðan að yfirgefa mig fyrir stuttu. Má nefna sem dæmi hvað við vorum hugfangnar af þessu verkefni að tvær af stelpunum gleymdu að sækja kallana sína í vinnuna í dag og þeir náðu síðan ekki í þær því önnur var með slökkt á hringingunni á símanum sínum og hin gleymdi símanum út í bíl. Þannig að kallarnir þurftu gjöra svo vel að redda sér. En þessu er lokið en þá tekur bara annað við.

Góða nótt!

Loftmyndatúlkun

Lesendur síðunnar eru ábyggilega alveg komin með nóg hvað ég skrifa mikið um þetta námskeið en ég er líka komin með nóg. Enn erum við að vesenast í þessari ritgerð og mikið stuð búið að vera heima hjá mér síðustu daga. Íbúðin er næstum öll undirlögð af þessu verkefni. En þessu er senn að ljúka (vonandi).
Ég hef ekki haft mikinn tíma til að skrifa hérna inn seinustu daga og í raun ekki núna því mun ég bæta fyrir það seinna.

hafið það gott!

Sigur Rós

Búin að kaupa miða á Sigur rósar tónleika 12.desember. Verð á fyrsta bekk spurning hvort maður fær hálsríg. Hlakka til en annars er ég mjög þreytt!

seinna

Símreikningur

Mér til mikillar gleði þá lækkaði símreikningurinn minn þennnan mánuðinn til muna miða við seinasta mánuð :) spurning hvort ég ætti að fara bara út svona annað slagið hehe að vísu í þessu tilfelli þá hefur eyðslan bara færst til ;-) er að greiða þá visa kortið eftir Bandaríkjaförina í stað símreiknings. Allavega ég er samt ánægð yfir þessum breytingum þannig að verð bara að halda áfram á þessari braut. Árni var líka einhvern tímann að tala um að ég ætti að skrifa ferðasögu um Chicago ferðina en ég hugsa að ég geri það ekki heldur tíni til svona athyglisverða punkta sem voru í ferðinni. Svona þegar ég nenni og gef mér tíma til.

lækka lækka

Teljari

Um daginn fór ég að skoða á teljaranum hve margir hefðu komið og slíkt, það sem kom mér á óvart er að einhver var að leita að samförum á einhverju leitarvef sem ég man ekki hver er en ég fór að hugsa því í ansk... ég kom þá upp og lá við að ég hafi farið hjá mér við þessar upplýsingar því ekki mundi ég eftir að hafa neitt slíkt á minni síðu. En síðan kom sannleikurinn í ljós, því fyrr í haust talaði ég um rofnar samfarir og þá að sjálfsögðu kom síðan mín upp. Mér finnst þetta frekar fyndið. Þannig að nú ætti aftur að koma upp úr því að ég er enn og aftur búin að skrifa um samfarir.

Sérðu ljósið!

Nýr bloggari

Það er komin nýr gamall bloggari í hópinn. Jens er byrjaður að blogga aftur :-) þannig að linkurinn hér til hliðar er orðinn virkur en hann bloggar undir nafninu Sivar. Hlakka til að lesa röflið hans Jens

velkominn

Subway

Fór á subway í hádeginu seinasta þriðjudag með Siggu, sem er svo sem ekki frásögu færandi. Fyrir utan það að mér líkar ekkert sérstaklega vel við subway. En ég og Sigga hittum þarna stelpu sem var með okkur í grunnskóla og Sigga byrjar að tala við hana á fullu, og þegar við erum búnar að kaupa matinn okkar og á leiðinni upp segir Sigga við hana að hún geti komið upp og sest hjá okkur. Nú þegar við erum sestar niður það er að segja ég og Sigga þá spyr Sigga mig hver þetta sé........ hahaha hún vissi að hún kannaðist við hana ætti að þekkja hana en bara mundi ekki hvaðan. Frekar fyndið og týpísk Sigga. Talar á fullu við einhvern og hefur síðan ekki hugmynd um hver þetta er. Þá er eins gott að hafa mig með ;-)

Annars er ég komin með ógeð á þessu loftmyndatúlkunarverkefni. Við vorum í allan gærdag heima hjá mér að vinna í þessu verkefni og enn er hellingur eftir :-( barasta ekkert gaman. Fyrir utan allt hitt sem situr á hakanum.

leið...

Auli dagsins!

Ég ætla að útnefna aula dagsins, en það er engin annar en ég sjálf. Jamm ég er auli dagsins, ekki það að ég ætli að fara að hafa einhverja niðurrifsstarfsemi um mig því það er engum manni hollt en ég get bara ekki orðum bundist yfir aula háttnum mínum :( Þannig er mál með vexti (er ég ekki klár í orðatiltiltækjum) að ég fór upp í tæknigarð í dag til að vinna að verkefni í loftmyndatúlkun en við erum að hnita inn á kort. Ég opnaði forritið sem við notum og finn að ég hélt skjölin og myndina sem við erum að vinna með. Vissi að seinast voru stelpurnar lengur en ég að hnita inn og var því hissa hvað þær voru búnar með lítið miðað við tímann sem þær voru að gera þetta. Allt í lagi ég byrja og er náttúrulega í vandræðum með hitt og þetta og er óviss með viss atriði. Svo hringir í mig stelpa úr hópnum og spyr hvernig gengur og ég segi henni frá því að það gangi nú bara ekki nógu vel. Þannig að hún kemur og skoðar og er einnig hissa hvað lítið er búið að hnita inn. Þannig að hún fer að skoða skjölin aðeins betur og finnur hið rétta skjal og þar er sem betur fer búið að hnita helling inn. En það gerir mína vinnu að engu því ég var ekki að gera þetta á rétt skjal og því er ég vel komin að titlinum Auli dagsins.

Annars var helgin fín fyrir utan hvað kom litlu í verk í sambandi við lærdóm. En hún var fín á þann veginn að ég fékk kvöldmat alla dagana (fös-, laug- og sunnudag) og þurfti ekkert að hafa fyrir þeim sjálf sem er alveg frábært. Fékk að borða hjá náttúruvernd á föstudaginn, borðaði kvöldmat hjá pabba og Lindu á laugardagskvöldið og svo buðu Guðmunda og Stebbi mér í mat á sunnudagskvöldið. Svo spiluðum við viltu vinna milljón eftir mat og það var ekki ég sem vann milljónina en hins vegar var ég heldur ekki með minnsta peninginn að leik loknum :) sem mér þykir náttúrulega stór plús.

brostu

Töðugjöld

Var á töðugjöldum hjá Náttúruvernd ríkisins, en það er semsagt hálfgerð uppskeruhátið eftir sumarið. Þarna eru samankomnir landverðir og þjóðgarðsverðir sem segja frá starfinu á sínum svæði þetta sumarið. Þetta var mjög skemmtilegt, ekki síst að heyra hvað Guðbjörg þjóðgarsvörður í þjóðgarðinum Snæfellsjökli var ánægð með landverðina sem hún hafði í sumar :) en ég var einmitt ein af þeim. Það var líka svo góð mæting hjá þessu svæði en við mættum öll. Svo fengum við líka pizzu, (bjór) og kók, gott að þurfa ekki að hugsa fyrir kvöldmat. Fórum síðan nokkrir landverðir á kaffihús reyndar voru landverðir sem voru í Herðubreiðalindum í meirihluta þannig að talað var meira um þeirra svæði heldur en annarra heheehe. Þetta var mjög fínt og skemmtilegt að hitta aftur liðið sem ég var að vinna með í sumar. Þá er bara að bíða eftir innflutningspartý sem var búið að lofa okkur.

bíó
Það er að fara að koma heill hellingur af myndum sem mig langar að fara á, veit ekki alveg hvað ég á að gera, bæði er þetta svo dýrt og ég barasta ætti alls ekki að hafa tíma til þess að fara í bíó. Einnig vantar mig einhvern til þess að fara með mér á Tom Hanks myndina Road to per...... eitthvað. Þoli nefnilega ekki að fara ein í bíó, finnst það frekar mikið leiðinlegt og einmanalegt.

lalalala

Frægt fólk!

Fór út í Nóatún í JL húsinu áður en ég fór í vinnuna, ekkert nema frægt fólk sem kemur þangað virðist vera. Þegar ég var að ganga að kassanum sá ég Jón Ársæl fréttamann á stöð 2 við kassann, hefði átt að athuga hvað hann var að kaupa hehehe síðan þegar ég var að bíða eftir því að röðin kæmi að mér hver heldur að hafi gengið þarna inn annar heldur en Davíð Oddsson sjálfur forsætisráðherra.
Merkilegt? NOT!

c'est la vie

Montin!

Hann Árni var með spurningu á heimasíðunni sinni og ég er rosa montin vegna þess að ég vann :) reyndar ekki margir sem tóku þátt en ég hafði rétt fyrir mér. Á tímabili var ég samt farin að efast um að þetta væri rétt eftir samtal við ákveðinn aðila en........ ég VANN!
Bara spurning um hvenær ég fæ ísinn sem mér var lofað ;-)

Ég virtist hafa verið nokkuð heppin með háskólapóstinn minn því það voru víst margir sem voru að fá yfir 100 og eitthvað pósta í gær vegna vírusar í póstkerfinu eða eitthvað álíka en ég fékk einungis 9 en þeir vildu ekki eyðast út fyrr en seint og síðameir. Reyndar eru nokkur vandræði núna með webmailið því það er svo slow og svo hef ég grun um það að það hafi ekki sent alveg alla þá pósta sem ég var að senda. Sem þýðir að ég þarf að senda þá aftur :( sem er ekki nógu gott. Annars er ég að fara að vinna núna á eftir, ekki mjög spennandi og hef í raun allt of mikið að gera til þess að vera að fara að vinna. En svona er þetta togast á í manni að eiga nú fyrir reikningunum og skólinn. Reyndar segir það sig sjálft að ég verð náttúrulega að sinna skólanum meira því ef ég næ ekki einhverju þá lendi ég í vandræðum með LÍN sem þýðir að þá er maður komin í vítahring. Mig langar ekki til þess! En í vinnuna fer ég.

Áfram gakk

Misskilningur

Ég er alger sauður! Ég mætti í umræðutíma í morgun í Þróunarlöndum því ég var sannfærð um það að hann yrði. Sem betur fer var ég ekki alveg ein um þá skoðun en þa voru samt ansi fáir mættir og enginn kennari. Þetta leiddi þó eitt gott af sér að ég kláraði loksins verkefnið sem ég átti að gera. Merkilegt hvað mér finnst alltaf eitthvað svo erfitt að byrja að skrifa þegar ég er að gera ritgerðir og annað.

sauður!

Amazon

ónei, ég var að gera óskalista á amazon, reyndar eru bara tveir hlutir inn á honum og annar reyndar frekar dýr. Enn að velta því fyrir mér hvort ég ætti að kaupa þá.

Fékk að borða í vinnunni sem var mjög gott, reyndar stalst ég í að fá mér smá gos með matnum sem er ekki nógu gott! Það munar ekkert smá um að geta hjólað í vinnuna, það er svo mikið betra. Verst er þegar hálka er og snjór því þá fer ég ekki á hjólinu.

Birgir valdi KFC í hádeginu sem var alveg ágætt, langt síðan ég hef komið þangað. Kom á óvart að ég sá konu ábyggilega yfir 40 að afgreiða en yfirleitt hafa þetta nú verið ungar stelpur. Þýðir það að unga fólkið er búið að koma sér í skóla útaf ástandinu í landinu og eldri konur fá ekkert annað og enda á skyndibitastöðum eða er þetta eitthvað annað?
Annars virtist Birgir ágætlega sáttur við afmælisgjöfina mína en ég gaf honum bókina Dating for Dummies en það var bara smá skot á hann, en hann hafði gaman af og gat hlegið eitthvað af þessari bók.

puff

Dugleg

Ég er búin að vera alveg ágætlega dugleg í nammibindindinu núna í þessari viku. Reyndar kom einn svindldagur í gær þar sem það var saumaklúbbur en þá er allt í lagi að fá sér það sem er á boðstólnum eða það finnst mér. Enda er þessi svindldagur bara einu sinni í mánuði. Að sjálfsögðu var mjög gaman í saumaklúbbnum í gær, alltaf gaman að hitta stelpurnar. Ég er hins vegar búin að komast að því að ég er unglingurinn í hópnum og vinkonur mínar eru að eldast ;-) flest allar að taka pillur við hinu og þessu........... sussum svei. Segir bara hversu ung ég er, hugsa að ég sé ekkert á sama aldri og þær. Er ég í afneitun? Kannski.....

Afmæli
Hann Birgir á afmæli í dag! Til hamingju með afmælið Birgir, vonandi nýtur þú dagsins og hádegismatarins. Við erum að fara í afmælishádegisverð saman, hann fær að velja staðinn. Vona samt að það verði ekki Mcdonalds, ótrúlegt hvað hann er hrifinn af þessum stað. Búin að komast að því að Mcdonalds er mikið betri í útlöndum heldur en hér heima. Ekki veit ég þó hvers vegna. Reyndar er betra gosið hérna heldur en úti :)

hann á afmæli í dag, hann á afmæli í dag........

Uppgefin

Búin að vera í allan dag að fara yfir verkefni hjá nemendum í verkefnatímanum og er því frekar uppgefin og komin með leið á tölvunni. Reyndar ekkert getað farið þennan hefðbundna blogghring. Það er alveg rosalegur tími sem er að fara í yfirferð á verkefnum. Vorum að fara yfir einstaklingsverkefni og þetta eru hátt í sextíu manns ef ekki meira. Talandi um að maður sé orðinn heiladauður.

Hins vegar afrekaði ég það í gær að þrífa sameignina og skila henni af mér. Horfði reyndar á Judging Amy fyrst.

skildu eftir skilaboð

Höfuðverkur

Rétt til getið ég er með hausverk, sem er ekki skemmtilegt þegar maður er í vinnunni og þarf að glápa á tölvuskjá og vera í símanum. Ekki gott fyrir hausverkinn. Svo þegar ég kem heim bíður mín ekkert skemmtilegt verk því ég þarf að þrífa sameignina.
Stór möguleiki að ég missi af Judging Amy þar sem ég þarf að þrífa en reyni þá bara að vera fljótari. Þetta er heldur ekkert svo mikið.
Sá Marilyn Manson í Jay Leno í gær, mikið rosalega er þessi maður óhuggulegur, gæti ábyggilega verið hið vænsta grey enda held ég að það hafi ekki verið gott fyrir orðspor hans að vera í Jay Leno þætti hehehe en allavega fatta ekki þetta útlit en honum tekst þó að vekja athygli sem er eflaust erfitt að fá þarna í Hollywood þannig að honum hefur tekist áætlunarverkið sitt.

Öllum líka frjálst að koma að sækja mig i vinnuna og skutla mér heim :)
Langar heim!

Þrif!

Ótrúlegt en satt þá þreif ég heima hjá mér í gær þannig að fólki er óhætt að kíkja í heimsókn núna næstu daga meðan hreint er ;-), á líka sameigninga þessa viku þannig að ómöglegt að hafa sameignina hreina en allt skítugt hjá mér. Gerði tvær tilraunir til þess að fara í Krísuvík um helgina til þess að fara í vettvangsferð sem ég missti af þegar ég var í Chicago, en ég er svoddans auli þannig að mér varð lítið úr verki :-( reyndar held ég að betra hefði verið hefðum við farið tvær eða álika. Gat þó notað aðeins GPS tækið sem ég var með til þess að taka staðsetningar á nokkrum stöðum og núna er alveg áhugi á því að eignast slíkt tæki. Veit þó alveg ekki til hvers en kannski er það bara svona trend sem tilvonandi landfræðingur og sem landvörður verður að eignast. Verður maður þá ekki að eignast slíkt tæki hehehe. Held reyndar að þau séu frekar dýr þannig að það mun bíða í lengri lengri tíma.
Það var svona hálf partinn skorað á mig að skrifa ferðasöguna til Chicago hérna inn en ég veit ekki hvort ég geri það alveg. Sett kannski frekar það sem kom mér á óvart og hvað mér líkaði ekki og þess háttar heldur en eiginlega ferðasögu því ég var búin að skrifa eitthvað um það sem ég gerði úti.

Afmæli!
Óskar hennar Bellu á þrítugsafmæli í dag og vil ég óska honum innilega til hamingju með daginn :) en saumaklúbburinn var í afmæli hjá honum á laugardagskvöldið!

með allt á hreinu.....

Vinna

Er núna í vinnunni, merkilegt að yfirleitt þá svo nenni ég svo ekki í vinnuna þá er þetta allt í lagi þegar ég er loksins komin! Var líka einstaklega heppin að Birgir keyrði mig í vinnuna í kvöld þannig að ég slapp við að ganga hingað þarf því bara að ganga heim. Það er líka skárra því þá er ég að fara heim en ekki í vinnu ;-) Takk Birgir fyrir farið.

Annars var hann að fá annað ljósmyndaraverkefni en hann er að fara að taka tískuljósmyndir fyrir tímaritið Mood!

Hvað hef ég meira að segja, var lengi í odda í tölvunni á samt enn eftir að koma einhverju niður á blað! Skrýtið verkefni! Ætla samt fyrst að horfa á sex in the city þegar ég kem heim.
Ég er búin að vera í vandræðum með nammidagana eftir að ég kom heim frá Chicago, því það virðist vera að allir dagar séu nammidagar, ekki gott. Verð að fara að taka mig á í þessum málum. Þegar ég gekk heim í gær úr vinnunni kom ég við í 10-11 og missti pínku stjórn á mér við innkaupin. Ekkert alvarlega en var samt að kaupa smá óþarfa eins og jarðaber, keypti kók og doritos flögur.

að missa stjórn...

Æði

Mundi eftir einu, það eru sumir farnir að nota comment kerfið og skrifa komment vildi bara segja að mér finnst það æði, það gerir mig mjög hamingjusama og hver segir að það sé erfitt að gera mig hamingjusama þegar þarf svona litla hluti :-) endilega skrifið komment og í gestabókina því þá verð ég svo ánægð.

Ánægð

??

Jæja, er í tölvuverinu hérna í odda og á að fara að gera verkefni, skoða netnotkun í þróunarlandi. Er ekki alveg að nenna að gera það og því búin að hanga smá í tölvunni. Er orðin svöng en ætla ekki að gefast upp. Fer héðan ekki fyrr en ég hef lokið verkefninu.
Við erum komin í nýtt/gamalt verkefni í vinnunni aftur, verkefni sem við vorum áður í og það er svo mikið betra og það eru fleiri sem segja já :-) og það er svo gott!
Það lítur út fyrir að þetta blogg verði bara bull því einhverra hluta vegna dettur mér ekkert í hug að segja þó svo að ég vissi heilmikið hvað ég átti að skrifa í gær.

svöng!

Snillingur!

Ég er snillingur, í gær tókst mér að stimpla pin númerið mitt í gsm símanum þrisvar sinnum rangt inn :( og þurfti því á puk númerinu að halda. Ég er bráðum búin að hafa gsm síma í 5 ár og þetta hefur aldrei gerst áður. Ég lokaðist allt í einu með pin númerið mitt og núna man ég það ekki lengur. Komin líka með nýtt pin númer. Mér finnst 5 ár langur tími og fyndið að hugsa til þess að ég ætlaði sko aldrei að fá mér gsm síma, þeir væru algerlega óþarfi (svo sem ekkert nauðsynlegir), ég ætti því að vera búin að læra núna að tala varlega og aldrei að segja aldrei því yfirleitt kemur það í hausinn á manni aftur.

Ég keypti mér Sigur rósar diskinn í gær og er hann bara nokkuð góður, alveg hægt að hlusta á hann!

Núna er ég líka búin að eignast mína fyrstu regnhlíf, fór áðan í bankann til að sækja nýja debetkortið mitt og visa kortið sem bæði eru barasta nokkuð flott. En þegar ég náði í vísa kortið mitt þá sagði þjónustufulltrúinn að regnhlíf fylgdi með þegar fólk endurnýjaði kortið. Ég er svo sem ekkert ósátt þó ég hafi kannski lítið með regnhlíf að gera. En eins og ég sagði aldrei að segja aldrei.

Mæli með Sigur Rós

Afmæli!

Mamma á afmæli í dag og vil ég nota tækifærið og óska henni innilega til hamingju með afmælið. Njóttu dagsins.

Hún á afmæli í dag, hún á afmæli í dag.....

Löt!

Búin að vera löt sem er ekki nógu gott! Fer ekki í vinnuna sem er alveg ágætt, reyndar þó ekki vegna leti. Heldur erum við orðin svo mörg þarna að það er ekki pláss fyrir mig í kvöld og ég er barasta hálf fegin. Fer reyndar heldur ekki á morgun en það er önnur ástæða fyrir því. Mamma á afmæli á morgun og að mér skilst ætlar hún að bjóða okkur eitthvert út að borða og að sjálfsögðu læt ég það ekki framhjá mér fara ;-) Þannig að ég fer ekkert að vinna fyrr en á miðvikudaginn. Ætti líka að fara að labba niður í bæ til að kaupa nýja diskinn með Sigur rós en nenni því heldur ekki enda líka kalt. Langar mest að fara heim og hreiðra um mig í rúminu svona í tilefni af því að ég fer ekki í vinnuna en ætla ekki að gera það. Fara heim og læra er stefnan.

Mennt er máttur!

Niðurdrepandi!

Er í vinnunni núna og það er frekar fúlt, gengur ekkert hjá mér. Fólkið sem ég hringi í svara annaðhvort ekki eða segir nei. Er bara ekkert að fíla þetta. Einnig er ég orðin alveg þvílíkt svöng þar sem ég tók ekkert nesti með mér í vinnuna. Sem betur fer er þetta seinasta kvöldið í þessu verkefni og við förum síðan í annað skárra verkefni í næstu viku.

svöng

Leti!

Held það sé krónisk leti eða bara dapurleiki sem er að hrjá mig þessa dagana. Það var mjög gaman að vera úti í Chicago, Tinna og Óli tóku líka einstaklega vel á móti okkur, takk fyrir það :) Ég held ég sé líka pinku döpur yfir því að vera komin heim í hversdagsleikan og halda áfram þar sem frá var horfið. Að fara út var mjög gott og smá tilbreyting í lífið. Svona núna kem ég heim er mikið ein eftir að hafa verið í góðum félagsskap úti og það er ekki svo gaman. Annars gat ég eytt alveg ágætis pening úti og eyddi að mestu í sjálfan mig. Sem er bara ágætt, gat líka keypt eiginlega allar jólagjafirnar úti sem er mjög gott þannig að þetta leiðinda stress fyrir jólin mun ekki vera að hrjá mig. Enda er ég líka búin í prófum 18 des og þá er bara að finna sér vinnu. Einhvern veginn held ég að desember sé ekki góður tími til þess að leita sér að vinnu en um að gera að vera bjartsýn ekki satt!
Ég er líka búin að komast að því að manneskja sem á að vera með nammidaga á laugardögum að það er ekki sniðugt að eiga nammi uppi í skáp, það er bara alls ekki sniðugt.

Það lítur út fyrir að minnsta kosti Óli lesi síðuna mína og vil ég því þrýsta hér með á hann og þau skötuhjú að byrja að blogga, hann var búin að segjast ætla að koma sér upp síðu í kveðjupartýinu sínu í sumar og hér með skora ég á hann að byrja að blogga og láta mig vita um síðuna svo ég get nú fylgst með hvað þau eru að bardúsa.

Óli og Tinna sýndu okkur lika háskólasvæðið og er ekki laust við að mig langi pínku út að læra, veit reyndar ekki alveg hvert en býst samt ekki við að það verði alveg strax. Leist vel á háskólaumhverfið þarna úti.

Dugar í bili

Komin heim!

Er bara ekki í stuði til að skrifa, ætti líka að vera að læra á fullu, skrifa seinna.

Enn a lifi

Eg er enn a lifi her i Chicago og buin ad skemmta mer alveg fullt og vist lika buin ad eyda einhverjum peningum!
Eg er nuna i einu af bokasafni University of Chicago med dagpassa, vildi endilega komast i tolvu til ad geta sent pabba baedi sms og tolvupost til thess ad oska honum til hamingju med afmaelid thar sem hann a vist afmaeli i dag.
Til hamingju med afmaelid pabbi!
Oli er farin til Baltimore a radstefnu thannig ad Tinna situr uppi ein med okkur thessa dagana. A laugardagskvoldid forum vid i John Hancock bygginguna sem er um 100 haedir og satum thar og nutum utsynisins asamt thvi ad drekka einhverja drykki. Thad var rosalegt.
Einnig er eg buin ad fara i thyskan kafbat sidan ur seinni heimsstyrjoldinni og thad var ansi gaman. Einnig er eg buin ad sja Red Dragon sem var alveg agaet og svo i gaer forum vid i staersta bioid i Chicago sem var agaetlega stort en med litlum solum og forum a alveg hraedilega mynd. Va hvad hun var leleg, myndin var Ballistic med Antoni Banderast og Lucy Liu. Hugsa ad hun komi ekki i bioin heima enda med fadaemum leleg.

see ya soon

Chicago

Eg er í Chicago jíbbí. Ferðin gekk vel hérna út fyrir utan það að við fengum ekki töskurnar með okkur heim en þeim var skilað til okkar daginn eftir um hádegi. Núna er ég bara að hangsa í tölvunni hjá Óla og Tinnu meðan þau eru að elda. Búið að vera mjög fínt. Reyndar fann ég fyrir mikli þreyttu í gær og er það mjög líklega vegna tímamismunarins. Held samt að við séum aðeins að koma til. Það er búið að vera mjög fínt veður. Í gær var mjög heitt og gátum við gengið um á stuttermabolnum og reyndar í dag líka.
Alveg búin að sjá að þetta er mikil lærdómsferð fyrir mig! Á leiðinni í flugvélinni þegar ég horfði niður og sá landið var ég alltaf að spá í sambandi við loftmyndatúlkun hvernig landið er notað og gróðurinn niðri og þéttbýlismyndun og þess háttar. Alltaf að spá í þetta. Búin að vera í bókabúðum í dag og var ég þá að skoða bækur sem gætu nýst mér í náminu og svona.
Hleyp hratt yfir sögu enda ekki hérna í Bandaríkjunum til þess að hanga á netinu hehehe

over and out

Alias

Horfði á þennan þátt í gærkvöldi og er ferlega svekkt. Það var ekki sýnt það sem var í töskunni og ég mun ekki sjá næsta þátt þar sem ég verð í Bandaríkjunum, spurning hvort maður ætti að sleppa ferðinni! hmmm............ NOT
Ég held ég viti hvernig ég get komið mér í mjúkinn hjá hópnum mínum í loftmyndatúlkun eftir að ég kem heim, kaupi bara fullt af nammi og býð þeim upp á þegar við erum að vinna verkefnið. Haldið þið þá ekki að ég verði vinsælust!

Ég held að aðal ástæðan fyrir því að ég hef verið svona dugleg að skrifa undanfarið er til þess að geta talið niður í Chicago :) en svo náttúrulega veit ég ekki hvort ég mun geta skrifað eitthvað úti, kemur bara í ljós. Gæti samt alveg trúað því að Jens og Óli reyni að spila einhvern tölvuleik og þá kemst ég ef til vill í tölvu. En þetta kemur allt saman í ljós.

1 dagur i Chicago

Nammi!

Mig langar geðveikt í nammi núna og sjálfstjórnin er með minnsta móti, hef reyndar ekki fengið mér ennþá en mig langar............ tengist örugglega þessu mánaðarlega!

Ég þarf að biðja Guðmundu afsökunar því að sjálfsögðu er hún ekki enginn en hún var sú eina sem skrifaði mér í sambandi við vini :) Ég er komin með smá hnút í magann yfir því að vera að fara út vegna skólans. Það er allt að verða brjálað þar núna það er að segja brjálað að gera og ég slæ bara öllu upp í kæruleysi og fer. Næsta mánudag er t.d. vettvangsferð í loftmyndatúlkun sem maður verður eiginlega að mæta í því verkefnið sem við gerum í sambandi við það gildir 30% en ég sting bara hópinn minn af, vonda Linda. Reyndar ætla ég nú að reyna að fara í feltið þegar ég kem heim en kennarinn minn sagði við mig að það væri gott ef einhver úr hópnum kæmi með mér þannig að greyið stelpurnar!

2 dagar í Chicago

Styttist!

Mér finnst ég vera farin að heyra sírenuvæl mjög oft undanfarið og er það ekki sérlega skemmtilegt. Ég tók spóluna My big fat greek wedding í gær, þetta var alveg ágætis mynd en fannst samt sem áður einkennast smá af Muriel wedding en sú mynd er þrælgóð. Helgin er engan veginn búin að fara eins og ég ætlaði mér en það er víst reyndin með allar síðustu helgar að ég hef ekki gert það sem ég hef ætlað mér.
Árni er farin að skrifa aftur á heimasíðuna sína sem er mjög gott :)

Það hefur enginn skrifað eða kommentað út á það sem ég spurði um daginn, hvað gerir vin að vini :( og þykir mér það mjög leitt.

3 dagar í Chicago

Seinheppin

Í gær fór ég í vísindaferð og þegar ég var á leiðinni upp í skóla í sandölunum mínum þá þurfti teygjan á einum skónum endilega að slitna :( þannig að þegar ég var komin upp í jarðfræðihús þá var ég svo heppin að eins stelpa var með nál og tvinna í veskinu sínu þannig að ég fór að sauma skóinn, en til að vera alveg vissar um að þetta mundi nú örugglega haldast þá heftuðum við skóinn einnig nokkrum sinnum.
Vísindaferðin var svoldið óvenjuleg þar sem við vorum á rúntinum í rútu um Reykjavík. Krökkunum var færður bjór þegar við komum upp í Breiðholt en ekki var boðið upp á gos
:( Í þessari vísindaferð og á innan við klukkutíma þá ókum vð framhjá þremur árekstrum sem allir voru óvenjulegir. Sá fyrsti var hjá Sprenigsandi en þar var bíl á hliðinn hjá ljósunum og skil ég ekekrt í því hvernig það gat gerst. Sá næsti var í brekkunni þegar maður keyrir upp í efra Breiðholt framhjá Staldrinu og þar. Hjá ljósunum upp í brekkunni en þar var jeppi sem hafði sennilegast farið á öfugan vegarhelming og lent í veghandriðinu sem er þar og var næstum því farinn fram af. Þriðji áreksturinn var á Sæbrautinni en sýndist mér einnig að bíl hafði farið á hliðina á miðri Sæbraut.
Þessi mjög svo óvenjulega vísindaferð var einungis um klukkutíma löng þannig að við vorum komin niður í bæ um sexleytið öll alveg hræðilega svöng. Þannig að við skunduðum á Pizza 67 til þess að fá okkur að borða enda allt of snemma að fara á Astró. Hins vegar vorum við komin á Astró um sjöleytið og var staðurinn svo til fullur um átta leytið. Margar vísindaferðir greinilega þennan föstudag. Þarna var samankomin verkfræðin og einnig held ég að læknisfræðin hafi verið þarna ásamt okkur. Svoldið fyndið að fylgjast með fólkinu úr hinum ýmsum deildum, finnst við klæða okkur á svo sitthvoran mátta :) maður gæti nánast greint út hverjir eru í hvaða deild allt út frá klæðaburði. Annars á venjulegum degi í Odda þá getur maður séð viðskiptafræðinema út frá öðrum nemum.

Ég og minn félagsskapur rölti síðan yfir á Gaukinn til að athuga hvað kostaði inn en ákváðum að fara ekki inn, þá ákvað ég að halda annað og var næsti viðkomustaður minn Breiðholtið þar sem ég kíkti til pabba að spila. Vægast sagt gekk ekkert of vel, búin að sjá það líka að ég er slow á bjölluna!

4 dagar í Chicago

ha ha ha!

Ég bara verð að deila þessum með ykkur. Ég fór inn á teljara.is til þess að skoða hvaða lén hafa heimsótt síðuna og svona. Nema það var eitt svoldið forvitnilegt og mér finnst voða fyndið. En það hefur einhver verið að leita að Björk á leitarvef sem heitir overture nema leitarorðið sem hann/hún slær inn er björk síðasta ég og kemur þá síðan mín upp ásamt einhverju fleirum. Mér finnst þetta voða sniðugt og fyndið!
Mér er líka alveg sama þótt ykkur finnist það ekkert fyndið :)

Ótrúleg!

Ég er ótrúleg, var að muna eftir enn einu sem ég hef ætlað að skrifa um en það er Rauði krossinn. Á morgun er átakið gengið til góðst og undanfarið hafa verið auglýsingar í sjónvarpinu þar sem þetta er auglýst. Mér finnst þessar auglýsingar alveg brilliant og það er mikið af andstæðum pólum sem er sett fram þarna. Þessar auglýsingar finnst mér lýsa Rauða krossinum á mjög góðan hátt.
Ég var 18 ára þegar ég byrjaði sem sjálfboðaliði í Rauða krossinum en hefði eflaust byrjað fyrr ef ég hefði vitað af þessu fyrr. Náttúrulega hafði maður heyrt Rauði krossinn hér og þar í hjálparstörfum en ekki af vinnu sem þeir eru með hér heima. Rauði krossinn er nefnilega með góðan boðskap sem höfðar alveg rosalega til mín, reyndar hefur það gerst núna að ég er eiginlega dottin úr félagsskapnum fyrr allöngu síðan en ég veit eiginlega ekki hvernig ég á að fara að því að tengjast honum aftur því þetta er eitthvað sem ég vil ekki missa. Mannúðin er í hávegum höfð hjá Rauða krossinum og það er helsta sem höfðar til mín og einnig það að það skiptir ekki máli hverjum er hjálpað það er að segja hvaða litur er á hörundinu, hverjar trúar o.s.frv.

Gleymdist!

Þetta var frekar þunn færsla sem er hér að neðan. En í gærkvöldi þegar ég kom heim þá var svo mikið í gangi í hausnum á mér að ég átti erfitt með að festa svefn. Var búin að hugsa fullt sem ég gæti skrifað hér en svo þegar ég loksins skrifa þá að sjálfsögðu er það dottið út og ég er of löt til þess að vanda mig og skrifa heillegri texta. En allavega þá gleymdi ég að segja það að það er líka heilmargt sem maður lærir um í saumaklúbbum eins og það að hundar geta verið á prozack og kettir með anorexíu!

enn 5 dagar í Chicago

Saumaklúbbur

Í gærkvöldi var saumaklúbbur í vinahópnum, jafnvel þótt mér er stór illa við þetta orð og finnst það úrelt fyrirbæri að vissu leyti þá er þetta stórkostlegt að hafa fyrirbæri eins og saumaklúbbur er. Það er frábært að hitta vinkonur sínar í góðu tómi og rabba saman, geta talað um allt milli himins og jarðar. Manni líður í flestum tilfellum svo vel eftir á og er ánægður. Stelpur þið eruð æði!

Þá er það komið á hreint!

Var áðan í umræðutíma í þróunarlöndum sem var mjög áhugaverður en við vorum að fjalla um ákveðna bók þar sem er gagnrýnt hugtakið þróun og hvernig það hefur verið í gegnum tíðina. Ég á reyndar eftir að skrifa smá greinagerð um þessa bók og aldrei að vita nema ég muni segja eitthvað meira frá því.

5 dagar í Chicago

Fimmtudagsblogg

Saumaklúbbur i kvöld sem þýðir það að ég fer ekki að vinna :) jíbbíii
Reyndar er heilmikið sem mig langar til þess að gera í kvöld t.d. er einhver fundur um Fólk, fjöll og þjóðgarða í Kópavoginum. Hjörleifur Guttormsson verður meðal annara þarna og fjallar um þjóðgarða í Afríku, Ómar Ragnarsson um þjóðgarða í Bandaríkjunum. Damn mig langar svo.............. Einnig er einhver visa forsýning í kvöld tveir fyrir einn á myndina Insomnia í kvöld sem mig langar líka á.
En það verður saumaklúbburinn sem verður ofan á, hef líka afsökun fyrir því að borða einhver góðgæti sem annars væri bara á laugardögum ;) en mikið rosalega langaði mig í nammi í gær, en ég fékk mér ekki og heldur ekki gos. Þvílíkur dugnaður.

Landfræðingar!
Ég hef verið að spá því nú hef ég rekist á 3 kennara í landafræðinni sem hafa verið á hjóli sem að sjálfsögðu er hollt og gott ásamt því að vera umhverfisvænt. Ég er stundum á hjóli og hjóla til dæmis alltaf í vinnuna ætli það geri mig þá að góðum landfræðingi!

6 dagar í Chicago

Íslensk veðrátta!

Týpísk íslensk veðrátta núna úti að mínu mati. Rigning og rok. Ekki uppáhaldið mitt! Þoli það ekki.
Annars vaknaði ég hálf sjö í morgun til þess að fara að telja bíla. Var í 4 klukkustundir rétt hjá Háskólanum að telja bíla. Gaman hjá mér svona í morgunsárið og hvað gerir maður ekki til þess að vinna sér inn pening!
Verst að dugnaðurinn hélt ekki áfram eftir að ég kom heim því ég lagði mig, en þetta var sennilegast ágætis æfing að sitja i 4 tíma á rassinum án þess að standa upp áður en ég fer út. En það er bara vika þangað til ég fer. jíbbíiii

vika í Chicago

Til minningar Ágústar frænda!

bögg

Einhverra hluta vegna kemur ekkert þegar ég fer inn á systrabloggið, er ekki að skilja af hverju ekki. Búin að vera að reyna að skoða hvað er að en sé ekkert. Ef einhver hefur einhverjar góðar hugmyndir varðandi það er öll aðstoð vel þegin.

bögg bögg bögg

Leiðist

Sjónvarpið er búið alltof snemma og mig langar ekki til þess að fara að sofa! Spurning hvort ég fari og horfi á stöð 2 ruglaða. Vissi að ég hefði átt að fara áðan út í vídeoleigu til þess að taka spólu. En svona er að vera vitur eftir á.

Varúð!
Ég ætla bara að vara ykkur við þessu someonelikesyou.com en þetta er ekkert smá hallærislegt og frekar fyndið. Eftir að hafa reynt að grafast fyrir um það hverjum líkaði nú svona vel við mig þá prófaði ég allar mögulegar aðferðir og skráði meðal annars mig þarna inn líka. Svo áðan þegar ég var að kíkja á háskólamailinn minn þá er ég komin með póst sem segir að ég hafi match og geti nú fengið að sjá hver þetta er (grunaði nú að þetta væri nú bara ég sem væri með match við sjálfan mig!). Allavega ég fór þá inn til þess að sjá aðilann en nei nei þá þarf ég að kaupa eitthvað til þess að fá e-mail sem lætur mig vita hver mitt match er en ætli ég fatti það ekki ef ég fæ sama póstinn á hotmailinu. Ég bara kemst reyndar ekki inn í hotmailið mitt eins og er þannig að ég verð að vera þolinmóð.
Þannig að enn og aftur vil ég biðja ykkur afsökunar á því að hafa skrifað ykkar netfang þangað inn, vona bara að það komi ekki of mikill ruslpóstur út frá þessu. Ef svo er fáið þið leyfi til þess að dangla í mig!

Er pínku pirruð á þessum blogger því færslunar hér fyrir neðan eru með svona hallandi skrift jafnvel þótt ég hafi ekki sett það á og virðist ekki geta lagað þetta!

Ég verð aðeins að monta mig hérna en ég hef verið voða dugleg í kók og nammibindindinu eða það að hafa bara nammidaga á laugardögum. Þið megið alveg hrósa mér og mér finnst ég meira segja finna smá mun á mér. Að minnsta kosti eru sumar buxur ekki eins þröngar utan á mér og þær voru, nema þetta sé allt bara óskhyggja í mér ;) meira segja þegar nammidagar hafa verið þá hef ég ekki haft mikla lyst á namminu og hefur það át minnkað mikið. En kókdrykkjan kannski ekki alveg yfir helgina. Minnsta kosti er ég voða stolt af mér og er þetta líka allt liður í sparnaðarátaki. Ímyndið ykkur hvað fer alltaf mikill peningur í nammi! Það getur stundum verið alveg ferlegt!

Ég er farin að hafa áhyggjur af Árna því ekkert hefur heyrst í honum lengi, hvorki í síma, netpósti né heimasíðunni sinni, meira segja hefur öll skrifin hans dottið út þar og er bara ekki neitt á forsíðunni. Aðeins styttra síðan Arndís lét í sér heyra.

Góða nótt!

Svindl

Ég náðist að gabbast :( fékk e-mail í dag á háskólapóstinn minn þar sem var sagt someone likes you. Ég er náttúrulega voða ánægð með það en svo fer ég á síðuna til þess að komast að því hverjum líki nú við mig. Þá þarf ég að fylla út ýmsar upplýsingar og síðan koma vísbendingarnar en til þess að fá vísbendingar þarf ég fyrst að geta hver þetta hefur verið og setja nafn og netföng til þess að fá næstu vísbendingu. Þannig heldur þetta áfram og aldrei komst ég að því hver þetta var :( þótt mig kannski hafi systur mína pínku grunaða þá held ég að hún hafi ekki haft netfangið mitt hérna í háskólanum. Allavega þá gat ég aldrei fyllt út sama netfangið aftur og aftur né haft fölsk netföng þannig að hinu ýmsir aðilar hafa einnig fengið póst frá someonelikesyou.com og biðst ég afsökunar á því en þið vitið þá að öllum líkindum að þetta var frá mér :)
En sá sem sendi mér þetta, vinsamlegast gefðu þig fram, óþægilegt að vita ekki hver gerði þetta. Vísbendingarnar sem ég fékk er að aðilinn (svo lengi sem upplýsingarnar eru réttar) er á milli 17-21 árs á fiska sem gæludýr, er með dark blonde hair. Ef hann/hún mundi vinna fullt af peningum mundi hann/hún kaupa leikföng. Draumastefnumót væri að mig minnir kvöldverður og bíó og svo seinasta að draumagetaaway væri að fara á skíði.

Gefðu þig fram!

Vinur

Núna langar mig smá að fá álit ykkar. Hvað er það sem gerir vin að vini?
Þið getið annaðhvort svarað mér í skilaboðunum hér að neðan, skrifað í gestabókina eða sent mér e-mail

Traustur vinur getur gert kraftaverk!

Netsambandið komið

Gumma frænda tókst það en netsambandið er komið aftur á í götunni :) að minnsta kosti hjá mér og það er fyrir öllu. Hitti Gumma frænda hérna fyrir utan í dag að draga einhverjar snúrur og svona en hann sagðist reyna að vera að koma þessu aftur á þegar ég spurði hann hvort hann stæði fyrir því að ég væri sambandslaus!
Ekki það að ég hefði náttúrlega getað skrifað eitthvað í skólanum bara nennti því ekki. Það er eitthvað við það að skrifa á netið hérna heima og hafa sjónvarpið í gangi og svona.
Þvílík rigning í gær, þegar ég hjólaði heim úr vinnunni var ég alveg holdvot og buxurnar mínar bíða skaða af.

Annars er skemmtilegt hvað hún systir mín er farin að tjá sig á netinu.

Judging Amy er að fara að byrja þannig að ég hætti í bili og svo kemur líka survivor en ég gat ekki horft á það í gær.

hasta la vista

þrjú ár! :~(

Vefur mánaðarins

Árni er komið með nýtt inn á heimasíðuna og er með vef mánaðarins. Og vitið þið hvað. Mjálmið hans Vargs er vefur mánaðarins hjá honum *blush*
Annars var ég að vinna í gær og fer að vinna í kvöld og fyrsti verkefnatíminn í minni umsjá er núna á eftir. Hnútur kominn í magann og alles. Annars var ég að segja upp áskriftinni að morgunblaðinu. Verð að fara að gera sparnaðaráætlanir, símreikningurinn er líka allt allt of hár, þarf þvílíkt að minnka hann. Þannig ef ég hringi ekkert í ykkur þá er það ekki vegna þess að ég vil ekkert við ykkur tala heldur sparnaðaráætlun. Hey ég hef líka netið bara verst að það svarar enginn á móti þar en svona er lífið. Fær víst ekki nærri því allt sem maður vill.

koma svo og spara

Which Season are you?

What revolution are You?
Made by altern_active

Eytt

klikkaði smá

Rofnar samfarir

Einn ónefndur aðili sagði við mig að honum hefði þótt mjög gaman af blogginu mínu þessum um rofnar samfarir og nefndi hvort klámmyndir gætu átt þátt í því að þetta sé svona algengt. Ég held ekki, fólk tekur bara of mikið sensinn og held ég að það sé fólk í yngra kantinum sem stundar þetta meira, unga fólkið sem þorir ekki að kaupa getnaðarvarnir eða einhverja hluta vegna getur ekki keypt það og heldur að í staðinn sé alveg öruggt að stunda rofnar samfarir. En þetta er að sjálfsögðu bara hugleiðingar mínar um af hverju og hvaða aldurshópur þetta sé.

hvað heldur þú?

Sex in the city

Ég hef mjög gaman af þáttunum Sex in the city eða Beðmál í borginni eins og það kallast á íslenskunni. Þykir mér hinsvegar stórfurðulegt hvað aðalsögupersónan Carrie er alltaf í hræðilega ljótum fötum. Undantekningarlaust finnst mér fötin hennar hræðileg ekki það að ég sé endilega það mikil smekk manneskja á föt en fyrr má nú fyrr vera. Ég man eftir einhverjum svona viðtalsþátt við Söruh Jessicu Parker þar sem var talað um þáttinn og hún sagðist vilja eiga fataskáp Carrie í þáttunum............. ojjjjjjjjjj hvað er hún að hugsa!
En oh well það er greinilega ekki mitt að skilja!

Vinna

Jamm ég var loksins að vinna í gær eftir um 2 vikna bið ef ekki lengri. Ekki það að ég hafi verið æst í að fara að vinna heldur þarf maður víst á peningum að halda og ekki síst núna. En eftir vinnu þá gekk ég heim og þvílíkt dýrindisveður, það var ekkert smá heitt og milt veður.

ekkert meir

Fleiri afmæli

Sólrún vinkona á afmæli í dag. Til hamingju með afmælið Sólrún mín og vonandi áttu góðan dag!

Annars er það að frétta að ég var áðan í tíma sem heitir Þróunarlönd nema þar var ég að komast að því að helstu getnaðarvarnir sem fólk í þróunarlöndunum notar er ófrjósemisaðgerðir það er minnsta kosti svona einna algengast en svo enn merkilegra var það að fólk í vestræna heiminum notar rofnar samfarir, hversu upplýst er það? Reyndar var pillan og rofnar samfarir jafnar á notkun en samt!!!

Fór í bíó í gær á K19, það sem fór í pirrurnar á mér að þetta áttu allt að vera Rússar en töluðu ensku. Grrrrr........... Það var frekar skrýtið að sjá Ingvar Sigurðsson þarna í myndinni og sást bara töluvert af honum þótt hann hafi ekki nú sagt mikið. En ég ætla ekki að segja of mikið fyrir þá sem enn hafa ekki séð myndina. En þetta er alltílæ mynd.

og hvað svo...

Nýtt

Systrabloggið er komið, mun setja link hérna á síðuna inn á systrabloggið. Ellen systir virðist vera tilbúin í the public life hahaha er bara að grínast. En gæti orðið áhugavert eða bara hundleiðinlegt þar sem við tölum um hluti sem koma okkur við.

stay tuned

Afmæli

Pétur Ágúst bróðir á 9 ára afmæli í dag, til hamingju Pétur minn einnig á Pétur frændi afmæli í dag og er hann 19 ára að mig minnir. Til hamingju Pétur. Vona að þið báðir eigið góðan dag!

Ég sé að talan á teljaranum hleypur alveg upp, veit ég ekki alveg hvað er að valda því. Annars eru augun mín betri, fór til læknis og fékk einhverja augndropa við þessu.

Brúðkaup
Ég var í brúðkaupi hjá Sólrúnu vinkonu minni og Bjarna á laugardaginn var. Þau fengu alveg frábært veður og þetta var yndislegur dagur og ég vona að þau séu ánægð með hann. Ég get rétt ímyndað mér hvernig brúðgumanum líður þegar hann er að bíða eftir brúðinni í kirkjunni því þegar ég var að bíða fann ég fyrir vaxandi hnút og fiðring í maganum eftir að hún mundi ganga inn kirkjugólfið og ef mér skildi líða svona hvernig ætli brúðgumanum líði? Ég hef ekki reynslu sjálf í þessu þannig að ég get með engu móti sett mig í spor brúðinnar sem gengur inn kirkjugólfið. Annars var ég ekki smá ánægð því presturinn talaði um að gott væri að eiga góða vini því í þessu tilfelli hafi þau kynnst í gegnum vini og að sjálfsögðu tók ég það til mín. Málið er að Birgir er vinur hans Bjarna og ég er vinkona hennar Sólrúnar og má segja að þau kynntust í gegnum okkur :)
Kvöldið var líka mjög fínt og góður matur og skemmtiatriði. Við vinkonurnar vorum svo góðar að við vorum búnar að semja nýjan texta við lagið og þá stundi Mundi og koma þeim upp á brúðhjónin og held ég bara að það hafi tekist nokkuð vel. Diskótekið ok var að spila og var ekki góð tónlist fyrr en Ásdís fór aðeins að skipta sér af og athuga hvaða geisladiska maðurinn átti. Þá loksins var hægt að fara út á dansgólfið og dansa. Ég lifði kvöldið af þrátt fyrir að hafa verið í háum hælum, hærri en ég er í vanalega þar sem strigaskór er uppáhalds skófatnaður minn. En þegar ég kom heim um kvöldið og fór úr skónum þá var eins og gólfið væri mjög bylgjótt og það var stórfurðulegt að ganga.

Sjónvarpsgláp

Það kom að því að mér hefnist fyrir allt þetta sjónvarpsgláp, enda fer ég ekki að sofa á kvöldin fyrr en öll dagskrá er búin og stundum á öllum stöðvum jafnvel þótt ég hafi ekki afruglara. En allavega þá virðist ég vera komin með einhverja augnsýkingu :( ég er öll rauð og bólgin á öðru auganu og svo þessi mikli gröftur. Ég var bara heppin að hafa getað opnað augun í morgun. Vaknaði ábyggilega tvisvar í nótt til þess að þurrka úr augunum. Smekklegt ha!

Annars er ekkert að frétta af mér og ég er ekki búin að koma neinu af stað og virðist best í því að gera ekki neitt þessa dagana og heldur ekki mikil löngun til þess að gera eitthvað annað.

1 dagur í brúðkaup hjá Sólrúnu og Bjarna

Andvaka

Í nótt var ég andvaka og vissi ekkert hvað ég átti af mér að gera. Reyndar datt mér í hug að taka upp skólabók til þess að lesa og var eiginlega nokkuð viss um að þá mundi ég detta út af strax en hins vegar langaði mér ekki til þess. Hins vegar sá ég þessa videospólu sem var merkt systur minni og ákvað að kíkja á hana og sjá hvað væri á henni. Þar voru fréttir af skjá einum síðan 16.júni 2000 en hún hafði tekið það upp fyrir mig því í fréttatímanum kom lítil „frétt“ um Buslara sem voru að leggja af stað til Danmerkur. Það var frekar skemmtilegt að horfa á þetta aftur og einnig að sjá hvað var í fréttum á þessum degi. Þá var mikið verið að spá í rigningu sem átti að vera á 17.júní í Reykjavík en eins og sumir muna kannski etir en þá reið stór jarðskjálfti yfir og skyggði hann á allt rigningartal á 17.júní eða það get ég að minnsta kosti ímyndað mér, ég var náttúrulega í Danmörku þegar þessi ósköp dundu yfir. Eftir fréttirnar kom síðan kindergardencop sem er alveg ágætis mynd en sem betur fer sofnaði ég yfir henni.

Vil líka óska Jens til hamingju með nýju vinnuna!
þreytt

Öskjuhlíðin

Á mánudaginn var ég í litun og þegar ég var búin þá komst ég að því að ég var tiltölulega nýbúin að missa af strætó og þar sem var svo gott veður ákvað ég að ganga heim. En ég var stödd hjá Bústaðarkirkjunni. Þetta var mjög notaleg ganga þótt ég hafi kannski verið dáltið lengi á leiðinni en meðal annars þá gekk ég Öskjuhlíðina á leiðinni heim. Þetta er þvílíkur staður og ekkert smá slæmt þetta leiðinlega álit sem Öskjuhlíðin hefur á sér ekki endilega að fólk haldi þetta frekar bara að það fyrsta svona yfirleitt sé neikvætt þegar minnst er á Öskjuhlíðina og með djók í huga. Þegar ég kom þangað þá var þvílíkt magn af fuglum, þeir voru bókstaflega allsstaðar held alveg örugglega að þetta hafi verið þrestir þarna út um allt. Einnig sá ég tvær kanínur að spóka sig um þarna, eins og þetta eru nú falleg dýr þá eru þetta svo mikið skaðræðisskepnur.

Annars er ég að búa til systrablogg núna og veit ekki hvort það nær fyrir augum „almennings“ það fer eftir systur minni hvað hún er tilbúin í og hvort hún muni nú eitthvað skrifa. Ellen mín núna er semsagt komin áskorun á þig :)

Svo er það að frétta að ég kikknaði á fjallgöngunni með honum Árna á laugardaginn, smá eftirsjá að hafa ekki reynt en það er svona. Upphaflega átti kannski að vera fundur með kennara einum á laugardeginum en hann varð síðan á sunnudeginum. Já ég er ekki búin að segja frá því en ég verð aðstoðarkennari í einu námskeiði í vetur sem heitir Ferðamálafræði, smá kvíði fyrir það en vona að þetta reddist bara allt saman. Hryllilegt að hugsa til þess að þurfa að fara yfir verkefni og gefa einkunnir! Kennarinn sem kennir þetta námskeið er á Akureyri þannig að aðgangur að honum verður mjög takmarkaður.

Það styttist óðum í brúðkaupið hjá Sólrúnu og Bjarna en það er á laugardaginn, reyndar er því búið að seinka um hálftíma því það átti að vera annað brúðkaup hálftíma á undan þeim og það er svoldíð tæpt. En það verður ábyggilega gaman og við vinkonurnar búnar að plana hitt og þetta.

3 dagar í brúðkaup hjá Sólrúnu og Bjarna