Veður!

Hvað er málið með veðrið!

Merkilegt hvað hægt er að velta sér upp úr veðrinu og hvað það hefur mikið áhrif á mann, bæði andlega og hvað maður áorkar og gerir eftir því hvernig veðrið er.

Farið að minnka vinnan í vinnunni og merkilegt nokk þá verður minna um afköst hjá mér...........

alveg dæmigert

Frétt frá Grænlandi

Sorgleg frétt frá Grænlandi getið þið lesið um hér.
Það er ekki svo ýkja langt síðan ég var á Austur Grænlandi en ég var reyndar í Kulusukk en ekki í Tiniteqilaag þar sem þessi atburður gerðis að sýslumaðurinn var skotinn til bana.

:-(

Soddans asni

Jamm ég get verið soddans asni, ég var að verða hálf fúl yfir því að engin kommentaði neitt. Hélt bara að enginn elskaði mig! Já það er samsem merki þarna á milli hehehe
En ég hef komist að öðru það er einhverjum þarna úti sem þykir vænt um mig! jíibíi.
En aðallega það að kommenta kerfið sýnir ekki á bloggernum að það sé búið að kommenta eitthvað en ég prófaði að skoða og það voru skilaboð til mín :-) Þannig að ég hef ástæðu til þess að brosa aftur.
Ég er reyndar að spá í hvort ég ætti ekki að skipta þessu komment kerfi út því ég fór inn á yaccs til þess að reyna að laga þetta en þá bara fann ég ekki þar sem það er hægt. Allavega þetta bull er held ég að fara að verða óskiljanlegt!

Svo ég svari Guðmundu þá var borðfélagi minn á Krús Thai lítill 2 ára snáði :-), hann var eitthvað að sniglast þarna í kring og svo tók hann sig bara til og settist hjá mér. Foreldrunum fannst þetta voða sniðugt og sagði að hann hefði nú ekki gert þetta áður. Þetta segir nú bara um aðdráttarafl mitt..... eða er það ekki!

Linda að plana

Helgin

Helgin var bara mjög fín, ánægjuleg og ekki síst áhugaverð!

Ég byrjaði á að fara í paintball strax eftir vinnu á föstudaginn! Það er alveg yndislegt að vera að gera hitt og þetta og þurfa ekki að borga fyrir það.
En paintball var brilliant. Þegar við komum á staðinn þá var okkur sagt að við myndum keppa á móti hermönnum á vellinum en eins vantrúuð og ég er þá sagði ég bara yeah right! Nema hvað inn skunduðu 5 kanar af vellinum, hef reyndar ekki hugmynd um hvort þeir voru allir hermenn eða hvort þetta væru ekki bara flugvirkjar :-) en eftir tvo leiki þar sem við unnum báða þá var okkur sagt að einn af þeim væri að þjálfa fyrir navy seals, hann var líka eini sem lifið af leik nr 2 hjá þeim :)
Þetta var lika kannski pínku ósanngjarnt þar sem þeir voru 5 en við fyrst 8 og síðan 10 en þá reyndar fór starfsmaður sem var með okkur yfir til þeirra.
Eftir það fór aðeins að halla á okkur en leikar enduðu 5-4 fyrir okkur!!!
Við fengum svo góðan grillmat og vorum þarna í góðu yfirlæti.

Ég fékk einnig næturgesti sem dveljast enn hjá mér :-) og íbúðin er í samræmi við það. Verður smá breyting á högum manns þegar allt í einu eru 4 auka manns í stað þess að það sé bara ég, þar af 2 börn, en það er alltaf gaman að fá gesti.
Ég og gestirnir mínir fóru síðan í bæinn á laugardagskvöldið þar sem fyrsti viðkomustaður var NASA út af millers kvöldinu en eitthvað leist okkur ekki vel á það þannig að við fórum yfir á Dubliners vegna góðrar minninga síðan seinast.
Allavega þetta reyndist hið áhugaverðasta kvöld svo ekki sé meira sagt og líka ágætis skemmtun, nefnilega í þessu litla herbergi sem við dvöldumst í voru líka tveir menn sem við fylgdumst með þarna um kvöldið. Ég og Heiðdís vorum líka búin að finna út að þarna væri ágætis mannkostur á ferð því hann reyndi að bjarga pilsi hjá einni konu þar sem rennilás hafði eyðilagðst og gat bullað endalaust í einhverjum mjög drukknum einstaklingi. Enda líka þegar við vorum á förum þá þökkuðum við fyrir góða skemmtun og spurðum þá að nafni.

Sunnudagurinn var síðan mjög mjög þreyttur........ og vorum við síðan svo skemmtileg öll þrjú að við sváfum yfir Nilo og stich en stelpurnar litlu gátu nú eitthvað horft á það.

Það fína lika við að fá næturgesti að nú er ég búin að fá kvöldmat alveg 4 kvöld í röð og man varla hvenær það gerðist síðast.

Njóttu dagsins!

Grænland

Fór loksins til Grænlands í gær, brilliant er alveg til í að fara aftur en reyndar kannski ekki til Kulusukk. Búin að fara þangað að skoða, lærði margt um Grænlendinga. Hlustaði á Grænlenskan söng um Gæs og Hrafn sem felldu hugi saman.
Ferðin byrjaði líka ansi vel því á flugvellinum sá ég þennan rosalega sæta strák sem ég er nokkuð viss um að er starfsmaður Hótel Kulusukk því ég sá hann síðan fara á jeppa merktan hótelinu...... kannski maður ætti bara að gista á hótel Kulusukk :-). Verst með allt ruslið :-( það er greinilega ekki komin sterk umhverfisvitund til Kulusukk því á leiðinni var ekkert nema tómar bjór- og kókdósir en bjórdósir þó í meirihluta.

Linda reynslunni ríkari og með meiri vitneskju heldur en daginn á undan gærdeginum

Moment of truth!

Á ég eða á ég ekki......... það er spurningin hvort ég læt verða af stóru orðunum......hmmm.....
Ég er samt búin að láta ansi marga vita það var góð strategia svo ég mundi nú ekki hætta við en núna er ég tvístígandi yfir þessu öllu saman en er núna búin að finna fargjald sem er tiltölulega á sanngjörnu verði (að mér finnst) svo kemur náttúrulega alltaf spurningin hvort maður finni eitthvað ódýrara......

Er Linda skræfa eftir allt saman?

Borðfélagi!

Ég eignaðist nýjan borðfélaga í gær en ég efast þó um að við eigum eftir að hittast á reglulegum basis eða hvað þá að hittast aftur. Aðallega þó að sökum ungs aldurs borðfélaga míns :-)

viltu vita meira!

Að sjálfsögðu!



You are Trinity, from "The Matrix."
Strong, beautiful- you epitomize the ultimate
heroine.


What Matrix Persona Are You?
brought to you by Quizilla


or not

Vinna!

Sú sorglega staðreynd er komin í ljós en líf mitt er vinna og vinna er mitt líf....... er ég ekki skáldleg. Ég ætti kannski að segja upp íbúðinni og fá bara að liggja í einu rúmi hérna á farfuglaheimilinu..... er hvort sem er nógu mikið hérna fyrir :-) en þetta minnkar í vetur og þá verður kannski bara ágætt að geta haft sitt pleisi fyrir sig.
Búin að vera ein hérna í bókunum síðan á mánudaginn, en það hefur alveg gengið ágætlega þótti reyndar voða sorglegt að missa af góðviðrisdeginum í gær.
En stefnan er tekin á Grænland á mánudaginn að skoða Grænlenska grund í 4 tíma eða svo :-) bara krossleggja fingurnar og vona að ég komist með.

Draumóramanneskjan Linda

Vonbrigði

Ég var búin að hugsa mér að skrifa um Harry Potter bókina númer 5 hérna á síðunni en hún olli mér pínku vonbrigðum en eftir nánari umhugsun þá hef ég ákveðið að sleppa því.
Ég bíð hins vegar eftir bók númer 6 :-)

Linda í ferðahug

Quiz

Ég er komin í þennan gírinn að taka þessi quiz........algjör sukker hehe


EARTH is your chinese symbol!


What Chinese Symbol Are You?
brought to you by Quizilla

Mánudagur!

Það er einhver leiðindar mánudagur í mér :( ef það er hægt þá.
Dagurinn byrjaði svo sem allt í lagi þrátt yfir smá erfiðleika að vakna en svo hefur dagurinn einvhvern veginn legið bara niður á við......... því verr og miður.
Það virtist sama hversu mörgum e-mailum ég svaraði í dag þá komu bara fleiri en það er loksins vonandi að komast aðeins áfram núna en ég er enn í vinnunni. Mig langar mest til þess að fara heim og undir sæng og breiða hana yfir mig alla.
Annars ætla ég að vera algjör hetja í vinnunni í næstu viku og vera ein í 4 daga í bókunum........ Steffi ætlar nefnilega að skreppa til Þýskalands. Svo þeir sem vilja hitta mig er ráðlegt að reyna það í þessari viku hehe því ég verð ábyggilega ekki viðlátin í næstu og svo dauð eftir hana...........
Jamm jákvæðnin og bjartsýnin að gera út af við mig núna.

brostu framan í heiminn og heimurinn brosir við þér :-)

Hnútur í maganum

Ónei.......BBC sjónvarpsstöðin gerði hálftíma þátt um Reykjavík fyrir stuttu síðan sem þeir sýndu síðan 16. júní, nema hvað þar var Farfuglaheimilið í Reykjavík kynnt sem aðalgistingin í bænum og þar af leiðandi voru þeir að taka hér upp. Síðan var ég að heyra að ég hafði sést :(
Ég vissi það að ég hefði átt að loka mig inn á skrifstofu bak við hurð meðan þeir voru hér........ grrr.... En eitthvað er það sem er að trekkja að hér því það er mjög mikið bókað...... muhahahaha
Maður verður nú aðeins að hefja sjálfan sig upp.......... en er með hnút í maganum yfir að fara að horfa á þetta.

Linda í tremmu

Afmæli!

Hann Árni vinur minn á afmæli í dag! Til hamingju með afmælið :-) vonandi nýtur þú dagsins í botn...... er ekki líka að fara að koma að ísferð? Hvernig er það?

Annars var ekkert smá gott að eiga frí í gær og ég gerði ekkert að viti þannig lagað annað en að lesa...... en ég var bara heima allan gærdaginn og las Harry Potter, tók mér hlé um kvöldið til þess að horfa á sjónvarpið. Hefði í raun ekki átt að gera það því þá væri ég kannski búin með bókina núna. Vildi óska þess að ég hefði ekki þurft að fara í vinnuna núna........ hefði getað bara haldið áfram að liggja heima og lesa.

Linda sem er alveg að verða búin með fönisregluna

Vinna!

Ég er enn í vinnunni en er á leið heim loksins!

En ég á frí á morgun en kem þess í stað á sunnudaginn til þess að Steffi geti átt frí.

þreytt

Hvað er málið

Ég er alltaf að laga þetta blogg núna því það sífellt hendir út íslensku stöfunum í hausnum og fleira..... er bara ekki að skilja hvað er að gerast með bloggerinn, svo er vinnuumhverfið aftur breytt...... spurning hvort það fari eftir tölvu sem það ætti ekki að vera. Því í vinnunni í morgun þá fékk ég gamla vinnuumhverfið en svo í hinni vinnunni núna kemur sama nýja útlitið og kom í gær þegar ég var akkúrat hér líka.
Ég er bara engan veginn að nenna þessu.................. mig langar í eitthvað skemmtilegt í líf mitt núna eitthvað smá annað en vinnu! En samt sem áður þá hef ég alveg verið að gera ýmislegt, flaug í fyrsta skipti með Stebba um daginn til Akureyrar, Guðmunda og vinnufélagi hans voru líka í vélinni. Ég mæli heldur ekki með því að vera á fastandi maga áður en maður flýgur því þegar við komum norður þá leið mér ekkert allt of vel í maganum! En á leið heim þá var maginn fullur og fann ekkert fyrir fluginu........ nema það er ekki þægilegt að sofa í svona litlum rellum...... þarf einhvern stað til þess að leggja hausinn á og þorði ekki fyrir mitt litla líf að hræða vinnufélaga hans Stebba með því að skella hausnum á öxlina ;-)
Við reyndum að komast til Grímseyjar en það tókst ekki að þessu sinni en það verður vonandi gerð önnur tilraun sem skilar okkur á leiðarenda.

hva er með Grænland og Grímsey!

Al-shurprais! You shudd speaq ARABIC `as al-
lankhu'adj.


What language are you supposed to speak?
brought to you by Quizilla

yeah right

Where is my Mind?

You're smart, shy, and often nonsensical. You have dreams of being famous, and you're quirky enough that you just might pull them off. Some would call you a genius, others would call you insane, but in reality you're pretty well-adjusted. Take a vacation once in a while- it'll help take your mind off of your troubles.

Which Pixies song are you?

Loksins!

Jæja loksins lítur bloggið mitt út eins og áður og ég virðist við fyrst sýn vera búin að laga allt nema að geta publishað gömlu skrifin.

Annars kom Adam bróðir í helgarleyfi úr sveitinni um helgina, það var nú alveg ágæt að sjá strákgreyið........ hann er að vaxa upp úr öllu valdi en að sjálfsögðu verður hann aldrei stærri en ég ;-) en það fyndna við það að eftir þennan smá tíma í sveitinni fyrir austan þá er hann komin með hreim, farin að tala með áherslum.... ekki alltaf en það komu þarna orð. Það er bara í fínu lagi enda talar fólk fyrir norðan og sumsstaðar af Austurlandinu miklu flottar heldur en þessir Reykvíkingar sem nenna ekki að tala og allt er svo linmælt.

Ég er líka ekkert smá fegin að útlitið á blogginum þ.e.a.s. vinnuumhverfið er komið aftur í sama horf og áður.

Linda þreytta!

Breyta bæta laga

Er að reyna að laga hérna á blogginu mínu en er ekki enn búin að takast að gera allt sem ég vil, teljarinn allt í einu týndur :( en nafnið mitt komið í lag.... púfff........ og ég á að vera að vinna!

Mig langar að halda áfram að lesa Harry Potter........ er ekkert komin áfram í henni því miður.......

Hvernig væri nú ef hann Árni mundi koma upp heimasíðunni sinni aftur í sumarfríinu sínu!

hmm...... hvað á ég að gera nú!

Nýtt útlit

Neibb það er ekki nýtt útlit á mér heldur vinnuumhverfið í bloggernum og svona í fyrstu þá er ég ekki mikið að fíla það, en maður venst svo sem öllu.

hana nú

Áminnig

Muna að fara í íþróttabrjóstahaldara áður en farið er á hestbak!

Annars lítur út fyrir að ég fari til Grænlands......verð bara að vera á standby með það. Getur dottið inn svona einn, tveir og þrír..... jíibíi :-) Reyndar enn sem komið er kannski bara dagsferð en.......erum að vinna í kannski einni nótt eða svo.

Hef alltaf ætlað mér að skrifa um VikAkra ferðina en hef ekki enn komist í það en bendi á frétt hjá sniglunum um þetta hér
Annars er ég voða stolt af mér í sambandi við það því ég hjólaði á reiðhjóli fyrsta hluta ferðarinnar sem var frá miðbæ Akranes til Ferstiklu um 33km leið....... en ég fékk lík að kenna á því um nóttina þvílíkar harðsperrur í fótunum.... en svo batnaði þær tiltölulega fljótt á sunnudeginum.
Krakkarnir stóðu sig með einsdæmum vel og sumir voru svoldið þrjóskir og ætluðu sér sko að klára þetta þrátt fyrir þreyttu og annað vildu þau ekki hvíld.
Sniglarnir sem komu með voru frábærir....og margir hverjur með þvílík flott hjól........ reyndar enn sár yfir því að hafa ekki verið boðinn einn rúntur eða svo ;-) en c´est la vie eins og sagt er.
Komust líka að því að það er jafn há bilanatíðini á rafskutlum og mótorhjólum því eitt mótorhjólið þurfti að setja upp í sendibílinn sem við höfðum með í för og geymdi rafskutlurnar.
En í lok helgar þá var maður bara tiltölulega sáttur!

Linda á leið til Grænlands

Ár fatlaðra

Sjáið einnig bloggið hjá Árna og Jens um VíkAkra ferð Buslara. Þar er nánari útlisting.

Tilkynning!

Ár fatlaðra......




BUSL, unglingastarf Sjálfsbjargar mun standa fyrir tveggja daga maraþonferð unglinga á rafdrifnum farartækjum frá Akranesi til Reykjavíkur um næstu helgi. Tilgangurinn er að safna fyrir ferð hreyfihamlaðra unglinga til Svíþjóðar á næsta ári, þar sem ætlunin er að hitta aðra krakka í svipaðri aðstöðu.

Lagt verður af stað frá Akranesi laugardaginn 14. júní kl. 10. Áætluð koma til Reykjavíkur á Olísstöðina í álfheimur er kl. 16:30 á sunnudag. Þangað er fólki boðið að mæta og verða samferða unglingunum og bifhjólasamtökunum Sniglunum í nokkurskonar skrúðgöngu að Sjálfsbjargarhúsinu, hátúni 12.Um er að ræða eins konar boðakstur rafdrifinna! hjólastóla sem um 15 hreyfihamlaðir unglingar munu taka þátt í auk sjálfboðaliða Rauða krossins, sem verða þeim til aðstoðar.

Félagar í ungmennahreyfingu Rauða krossins í Reykjavík og Ný-ung Sjálfsbjargar hafa unnið með fötluðum ungmennum í Sjálfsbjörgu í sjálfboðavinnu í sex ár. Starfið hefur það markmið að efla félagslegt sjálfstæði hreyfihamlaðra krakka með því að taka þátt í margvíslegri starfsemi – svo sem köfun, þotuskíðaferðum, útreiðartúrum, bíósýningum, vélsleðaferðum og öðru álíka.

Þeir sem vilja taka þátt í söfnuninni geta hringt í söfnunarsímann 908-2003 og þá verða dregnar 700 krónur af símreikningi.

Með maraþoninu vilja Rauði krossinn og Sjálfsbjörg einnig minna á að 2003 er ár fatlaðra.

Vei!

Íslensku stafirnir eru komnir inn nema í nafninu mínu :( svo er dagsetningin líka komin á íslensku en það er samt ekki alveg nógu íslenskt þar sem mánuðurinn er á undan og ég veit ekki hvort hægt sé að breyta því.
Þarf að skoða þetta betur. Það er líka nýtt útlit á bloggernum..... í vinnuumhverfinu þannig að ég þarf að venjast því líka.

Hey ég fékk mína fyrstu gjöf í vinnunni í gær! jíbbí.... og það var sem betur fer ekki áfengi og ekki kaffi, ég fékk veski. Þetta var ekkert smá sætt. Það var kona sem spurði eftir mér, beið þarna fyrir framan feimin og kynnti sig en ég náði nafninu ekki alveg 100% :( því miður en hún gaf mér þetta veski og í því var miði með nafninu hennar þannig að þá mundi ég eftir henni. En það fyndna er að fyrst þegar ég var að bóka hana þá var ég alveg viss á því að þetta væri bara eitthvað rugl og hún mundi aldrei koma og svo var líka þvílkt vesen......... en svo var hún svo sæt að gefa mér þetta.
Finnst þetta samt skrýtið því ég held að Íslendingum mundi aldrei detta í hug að gefa einhverjum starfsmanni á hóteli, gistiheimilum eða álíka gjafir fyrir að vinna sína vinnu! En sem betur fer eru ekki allir eins ;-)
Því miður samt eftir að konan hafði gefið mér þetta þá rauk hún bara í burtu...... gaf sér ekkert tækifæri til að tala við hana eða neitt.

Linda sem er að vinna of mikið

Ansans

islensku stafirnir hafa dotti? ut :( hef ekki tíma til thess ad spa i thvi nuna. Reyni ad p?la ? ?essu br??lega og ?a? m? alveg koma me? snilldar r??leggingar.

Sein

Var núna að taka próf um hvaða afstöðu ég tæki til flokkanna og já kosningum er löngu lokið, ætla að prufa að athuga hvort þetta birtist.

Niðurstaða:
Stuðningur þinn við stefnu flokkanna er eftirfarandi:

Afstaða
1. 50% Frjálslyndi flokkurinn
2. 42% Vinstri Grænir
3. 42% Samfylkingin
4. 33% Sjálfstæðisflokkurinn
5. 25% Framsókn


Framsóknarflokkur (xb).
Sjálfstæðisflokkur (xd).
Frjálslyndi flokkurinn (xf).
Samfylking (xs).
Vinstri grænir (xu).

Sem betur fer var Sjálfstæðisflokkurinn ekki þarna efst á blaði, fékk fyrst sjokk því ég hélt það væri hann.

Linda sjálfstæð kona en styður þó ekki sjálfstæðisflokkinn

Þetta og annað!

Hafði ekki hugmynd um hvernig fyrirsögn ég ætti að hafa. En fyrir ekki svo löngu síðan skrifaði ég á bloggið að það hafði maður sem ég hafði verið að svara í tengslum við vinnuna og bókað, hann nefndi að ef allir á Íslandi væru eins yndislegir og ég þá yrði ferðin hans yndisleg. Allavega þessi maður er komin og farin nema hvað þegar hann kom þá spurði hann eftir mér, en eitthvað leist stelpunni í móttökunni ekki á hann þannig að hún sagði honum án þess að athuga að ég væri ekki komin í vinnuna. Henni fannst hann nefnilega láta það í ljós að tölvupóstarnir sem fóru okkar á milli hefðu verið svo spes. Þegar hún kom til mín og sagði mér frá honum þá var ég heldur ekki yfir mig spennt að hitta hann þannig að seinna þennan sama dag þá spurði hann aftur eftir mér og hún sagði þá að ég væri í fríi. Allavega svo kom helgi og ég mætti á mánudagsmorgun í vinnu og enn spurði maðurinn eftir mér þannig að ég ákvað að hitta hann sem var allt í lagi, fannst þetta hálf skondið allt saman. Svo þegar maður fór þá kvaddi hann mig líka og tjáði mér að hann ætlaði að koma aftur um veturinn og fór að spurja mig um það. Sagan er ekki búin hér því ég var að fá tölvupóst frá honum aftur þar sem hann var að þakka fyrir sig sem er alls ekki óvenjulegt að fólk gerir eftir að það kemur heim. Nema það óvenjulega við þennan tölvupóst er að hann sendi mynd af sér á baki íslenska hestinum! Jamm sumir eru furðulegir en aðrir........ spurning hvort ég prenti hana ekki bara út og hengi upp á vegg hérna í skrifstofunni hehehe

bla bla

Danska

Hverjum hefði dottið það í hug að það sé kallað á mig bæði fram í afgreiðslu eða í símann þegar vantar einhvern með dönskukunnáttu, eða vantar einhver sem talar "góða" dönsku. Annað hvort segir það mikið um mig eða þær hehehe.

Hef ekki meira tíma núna......

7 ár

Í dag eru 7 ár síðan í útskrifaðist úr Menntaskóla, ekki það að það sé ýkja merkilegur atburður eða eitthvað sem ætti að halda upp á. Ég bara tók eftir dagsetningunni og mundi eftir þessu. En það verða bráðum 10 ár..... það er svakalegt.

Annars á miðvikudaginn fór ég í River Rafting, boðsferð sem var mjög skemmtileg. Við jeppuðumst aðeins fyrst og fórum þúsund vatna leiðina eins og bílstjórarnir kölluðu það og gerðum ekkert nema fara yfir þessa sprænu hvað eftir annað. Bílinn lak, þ.e.a.s. það kom vatn að ofan inn í hann þannig að ég þurfti náttúrulega aðeins að blotna. Við fórum síðan í sex bátum niður Hvítá og jíbbíi guidinn í okkar bát var bara svoldið sætur. Verst að ég fattaði það ekki fyrr en eftir á þegar við vorum komin úr ánni...... ;-) sem betur fer datt ég ekki út í.... langaði ekki til þess að vera kalt, og það var bara ein sem datt út í hjá okkur (í bátnum okkar) fyrir utan þá þrjá eða fjóra sem hoppuðu út í. Sú sem datt út í reyndar hrinti mér út í alveg í lokinn en það var svo grunnt að ég lenti á hjánum eins og asni en slasaðist ekkert. Var bara kalt.

Eftir það var grill, bjór, rauðvín og hvítvín......... jamm ég var pirruð af hverju í ósköpunum er ekki hugsað fyrir fólk sem kannski vill ekki drekka, drekkur ekki eða eru óvirkir alkar!!!!! Grrrr....... ég spurðist fyrir hvort það væri ekki til eitthvað annað að drekka og mér var sagt að maðurinn sem sæi um veisluþjónustuna/matinn væri að redda því og síðan kom á borðið sódavatn....... ég var alveg himinlifandi sérstaklega þar sem ég drekk ekki heldur sódavatn þannig að ég fór inn í eldhús og fékk könnu að vatni. Þetta var hin ágætasta ferð en var samt svoldið löng. Því við vorum sóttar í vinnuna klukkan eitt og ég kom í ártúnið um hálf tólf og var orðin mikið mikið þreytt.

En það er best að fara að halda áfram að vinna!

Lengi lifi vinnandi manneskja eða eitthvað....

Er á leið í River rafting..............

Að grípa gæsina

Að grípa gæsina þegar hún gefst. Stundum þarf ég að vera duglegri að grípa hana en held þó að ég sé alveg ágæt í því svona.... annars hef ég ekki hugmynd um það. Bauðst reyndar kosta boð í dag að fljúga til Akureyrar á morgun en því miður kemst ég ekki með þar sem ég er að vinna, þarna hefði ég samt smá átt að slá öllu upp í kæruleysi og fá frí í vinnunni og bara skella mér en þar sem ég er svo samviskusöm og það er mikið að gera þá eiginlega gat ég það ekki. Er líka á leiðinni norður á laugardaginn svo ég afþakkaði þetta góða boð. Vona bara að mér bjóðist það síðar ;-)

Ellen systir hefur verið voða dugleg að skrifa blogg undanfarið enda var hún líka í prófum, gaman að sjá hvort þessi dugnaður heldur áfram :), Jens er lika búin að vera ágætlega duglegur að skrifa en Árni mætti aðeins bæta úr :) en annars hef ég ekki efni á að skjóta á aðra með að skrifa lítið enda sjaldnast sem ég get gefið mér tíma nú orðið.

Samgöngur í þessari borg eru alveg merkilegar sérstaklega þessar í árbæjarhverfinu. Það er kannski stefnan að hafa alla í Árbæ heilsuhraust sem er í sjálfu sér ekki slæmt út af fyrir sig. En á laugardagskvöldið þá þurfti ég að koma mér úr árbæ og í Breiðholtið nema ég fer að athuga með samgöngur á milli og viti menn ég er fljótari að ganga þangað sem ég var að fara sem ég og gerði heldur en að bíða eftir vagninum sem fer úr Ártúni yfir í Breiðholtið. Fólkið í árbænum er ekki hátt skrifað hjá strætó. En svona aðeins að jákvæðari nótum um strætó þá náttúrulega vinnur pabbi þarna :) og svo eru líka nokkrir bílstjórar á leið 5 sem eru frábærir. Það er alltaf sagt góðan daginn og brosað og þvílíkur munur. Var reyndar líka mjög ánægð um daginn þar sem strætó beið eftir mér :) og bílstjórinn með bros á vör. Málið er að ég var að ganga yfir götuna hjá hótel Esju til að taka fimmuna en strætó keyrir þá framhjá og inn á stoppistöðina til að hleypa fólki út en svo dokar hann við og bíður eftir mér. Að sjálfsögðu er ég alveg viss í minni sök að hann tók eftir mér þarna að ganga yfir götuna og ákvað að doka við eftir mér.

pffff

Kosningarsamkunda

Ég var samankomin með nokkrum vinum á laugardagskvöldið til þess að fylgjast með kosningunum og spila. Verð bara að segja að það er ekki voðalega gaman að vera ein sú sem kaus öðruvísi en allir hinir á staðnum. Þá að sjálfsögðu er ég ekki að meina að ég sjái eftir því sem ég kaus (sem ég geri ekki) né að ég hafi viljað kjósa öðruvísi það bara að gleðin var ekki sú sama og maður naut sín ekki. En þess fyrir utan þá var spilið mikið skemmtilegra heldur en kosningarsjónvarpið, þessi hljómsveit hundur í óskilum var ekki að gera sig.

Fyrst þegar ég byrjaði í vinnunni hjá símanum í úthringingunum þá passaði ég mig alltaf að kynna mig vel og hvaðan ég væri að hringja ef að það væri kvenmaður eða barn sem svaraði og ég þurfti að spyrja eftir karlmanni. Þetta var til þess að konurnar færu nú ekki að gruna mann sinn um græsku eða ég yllli nú hjónaerjum. Hins vegar núna þá náttúrulega í flestum tilfellum kynni ég mig og segi hvaðan ég er að hringja, en það er vegna kurteisis sakir. Ef konu greyin treysta ekki manninum sínum eða hann er bara ekki traustsins verður þá er það bara ekki mitt mál.

Linda með viðhorfsbreytingu!

Kjaftæði

Ein af forsendum þess að álverið á Reyðarfirði á að reisa er til þess að auka atvinnumöguleika á Austurlandi, nú er verið að auglýsa eftir fólki til að vinna við Kárahnjúkavirkjun. Vinnumiðlunin sem er að ráða fólk er í Reykjavík, því í ans.... er ekki vinnumiðlun á Austurlandi að sjá um þetta? Var ekki verið að tala um það að auka atvinnumöguleika og er þetta þá ekki tilvalið verkefni þar?
Atvinnumiðlun á Austurlandi ætti alfarið að sjá um þetta og ef þeir eru ekki í stakkbúnir þá gætu þeir verið í samvinnu við einhverja aðra.
grrr............... ég þoli ekki svona kjaftæði...... Ég veit ég er ekki voða málefnaleg núna (ef ég er það einhvern tímann) og er ekki að útskýra þetta nógu vel en ástæðan er sú að ég hef ekki mikinn tíma og er að flýta mér. Langaði að koma þessu frá mér.

þangað til næst

Bækur

Það er víst dagur bókarinnar í dag. Ég rak upp þessi stóru augu í dag þegar ég fór í strætó, það héngu nefnilega kiljur aftan á sætisbökunum í strætó, illa farið með bækur en samt nokkuð sniðugt. Þarna gefst farþegum strætó að glugga í hinar ýmsu bækur, því miður fyrir mig þá settist ég í sæti þar sem Bridget Jones bókin var og þar sem ég er búin að lesa hana þá langaði mig ekkert að glugga í hana.
Talandi um bækur þá beið mín pakki þegar ég kom heim í gærkveldi, þrjár bækur en þetta var Bridget Jones framhaldið, Galdrar eftir Vilborgu Davíðsdóttur og Eitruð epli eftir Gerði Kristný (held ég) en ég hlakka mest til þess að lesa eitruð epli.... Veit eiginlega ekki hvað er að koma yfir mig ég er búin að kaupa mér mikið af bókum undanfarið sem safnast bara upp því ég hef ekki haft tíma til þess að lesa þær. Ég hef þá eitthvað að gera ef ég finn ekki vinnu í haust ;)

Linda bókaormur

Pirruð

Í dag er ég búin að vera pirruð og er enn :( eitthvað sem ekki hefur gengið upp og svo bara þegar maður er þannig stemmdur þá fara svo margir hlutir í taugarnar á mér. En ég ætla að reyna að skrifa mig út úr pirringnum þannig að þetta á ekki að vera leiðindarblogg.
Um daginn var tónlistarstríð heima hjá mér (sennilegast bara af minni hálfu) en það lýsir sér þannig að ég var í sakleysi mínu að hlusta á Sigur rós meðan ég var að dunda mér við eitthvað sem ég man ekki lengur hvað er. Allavega eftir smá stund tek ég eftir að strákarnir sem búa í húsinu eru farnir að spila lika einhverja tónlist og er hún í hærra lagi. Þeir eða hann spiluðu meðal annars Ný dönsk og svo einhver rokk lög þannig að þegar kom svona pásur inn á milli hjá sigur rós þá heyrðist alveg þessi þvílika tónlist. Ég ákvað því að skipta um tónlist hjá mér vegna þess að það er ekki hægt að hlusta á sigur rós með eitthvað annað undir lika. Þannig að Bob Marley var fyrir valinu sem var svo sem ágæt. En það var sennilegast bara ég í þessu tónlistarstríði því þeir hafa ábyggilega ekki heyrt í tónlistinni minni.

Páskarnir voru alveg ágætir hjá mér, finnst reyndar frekar fyndið að ég keypti mér páskaegg nr. 3 því ég bjóst ekki við að fá páskaegg frá neinum og það er ómöglegt að hafa páska án þess að fá málshátt en svo endaði ég uppi með þrjú egg. Mamma gaf mér eitt og einnig pabbi og Linda, en ég gaf þá eggið sem ég hafði keypt handa mér enda er enn eitt og hálft páskaegg eftir heima.Takk fyrir eggin :) Einn málshátturinn sem ég fékk hljómar svona: Ef allir eru jafnir er enginn mestur er ekki mikill sannleikur í þessu?

„If everybody in Iceland are as nice as you my trip will be wonderful“. Þetta er setning sem kom til mín í tölvupósti í dag, annars var ég að minnast á þetta við eina sem vinnur með mér og hún sagði að það væru líka nokkrir sem kæmu með gjafir þannig að ég bíð spennt eftir sumrinu hvort ferðamennirnir koma ekki færandi hendi.

Linda sem bíður sumarsins

Mikið að gera

Það hefur verið mikið að gera að undanförnu og ég ekki gefið mér tíma til þess að skrifa hér inn, sem dæmi um það hvað ég var utan við mig um daginn þá var ég að fara að taka upp strætókortið mitt en tók lyklana í staðinn og stóð svo smá stund með þá áður en ég fattaði hvað ég hafi gert.

Annars eru ánægjulegar fréttir því Ellen systir er aftur farin að skrifa blogg. Núna er ég eitthvað voða andlaus en er þó búin að vera hugsa um margt sem ég get skrifað hér inn en bara nenni ekki að gera núna. Enda bara að bíða eftir strætó til þess að geta flutt mig til á vinnustað.

Sá leikritið hjá Halaleikhópnum um daginn og það var mjög gott stykki, kom líka á óvart að sjá fólkið sem maður þekkir taka allt í einu upp míkrafóninn og syngja. Árni söng til dæmis ein þrjú lög einn, svo söng Halli einnig en hann er fyrrverandi Buslari og orðinn reyndar leiðbeinandi þar núna en hann syngur þrusuvel strákurinn. Verð reyndar að viðurkenna að ég saknaði BUSL smá þegar ég var þarna að horfa á leiksýninguna en það voru nokkrir Buslarar sem tóku þátt í sýningunni og voru að vinna í kring um hana.

þangað til næst

Á vitlausum tíma

Það leit út fyrir að þetta yrði skrýtin dagur þegar ég vaknaði í morgun. Mér fannst ekkert eins og vanalega og það var að rugla mig í ríminu og ég var handviss um að ég væri eitthvað að ruglast. Þurfti því að lita nokkrum sinnum á klukkuna til að sannfæra sjálfa mig um að ég væri nú ekki að ruglast á tíma né hafði sofið yfir mig.
En málið er að þegar ég vaknaði þá fannst mér bjartara úti heldur en vanalega þannig að ég hélt ég hefði vaknað of seint. Nema þegar ég kem út þá er líka óvenju mikil umferð miða við alla hina dagana, það er meira segja fólk úti við og ég sé yfirleitt engan. Þegar ég kem í strætóskýlið þá er reyndar sama kona og venjulega þar þannig að ég sannfærðist um að ég væri kannski ekki það rugluð eftir allt saman. Í þokkabót þá var meiri umferð en vanalega.

Árni ég þarf þá kannski bara þessa sálfræðimeðfer eftir allt saman.

Linda ruglaða

Skattskýrsla

Jæja þá er maður búin að skila skattskýrslunni, fór niður í skóla til að komast á netið og kláraði þessa skattskýrslu, er ekki enn búin að koma netinu í gang heima. Eitthvað vesen með módemið.

Gekk alveg ágætlega að passa í gær, sofnaði að vísu í sófanum og dreymdi nokkrum sinnum að pabbi og Linda væru komin heim og svo þegar ég rankaði við mér fór ég að pæla í því hvort þau væru komin heim. Þar sem strákarnir voru heldur ekkert óþekkir þá dreymdi mig það bara í staðinn. Dreymdi að einn þeirra væri að stelast til að horfa á sjónvarpið og á bannaða mynd.... þokkalegt það!

Þoli að vísu ekki þegar mig dreymir svona og er síðan ekki viss hvort þetta hafi gerst eða ekki. Hef líka dreymt undanfarið að það sé verið að senda mér sms og er síðan ekki viss hvort það hafi verið eða ekki. Þarf þá náttúrulega að tjekka á símanum til þess að athuga hvort smsið sé þarna eða ekki.

Linda að fara yfirum

bla bla

Stolist á netið, ég er hérna að passa heima hjá pabba og meðan Númi er að reyna að sofna þá er ég að stelast á netið. Þá veistu það pabbi :)

Annars var sungin fyrir mig afmælissöngurinn í vinnunni á föstudaginn, það var ein sem komst að því að ég átti afmæli á deginum áður og kallaði á aðra og þær tóku sig til og sungu fyrir mig :) var frekar vandræðalegt hehe

Mér var boðið út að borða í tilefni af afmælinu mínu og fór ég á Hereford steikhúsið sem var alveg fínt. Var svo södd að ég hafði síðan ekki lyst á því sem ég hafði útbúið ef fólk kíkti í heimsókn til mín. Sem betur fer þó var smá afgangur eftir af kjúklingasalatinu sem ég útbjó og gat ég tekið það með í vinnuna. mmmmm hvað það var gott. Mig langar bara endalaust meira í það.

Fékk síðan keramikskálina sem ég málaði á fimmtudaginn, og hún var alls ekki svo hræðileg. Get alveg sýnt hana og hún þarf ekki að dúsa upp í skáp. En allavega held ég að Númi sé sofnaður eða við það að sofna þannig að ég er farin að athuga hvað hinir strákarnir eru að gera af sér.

Linda barnapía með meiru

Afmælisdagur

Þá er afmælisdagurinn runninn upp og um fimm mínútur í fæðingardaginn minn. Dagurinn byrjaði ekki vel og á ég þá við atburði síðastliðnar nætur. Ég vaknaði reyndar um fimm í morgun og komst þá að því að stríðið væri hafið. Dagurinn byrjaði svo á því að ég fylgdist með fréttunum sem hófust um sjö í morgun.

En af skemmtilegri málefnum þá er ég búin að fá rafrænt afmæliskort og símhringingu til að óska mér til hamingju með daginn :) takk fyrir það :)

Linda sem er búin að færast upp stigann

Talið niður!

Bush telur niður stundirnar í stríð við Írak, ég ætla hins vegar að telja niður í eitthvað skemmtilegra eða telja niður í afmælið mitt. Núna er semsagt 38 klst í fæðingartímann minn.

Linda sem á bráðum afmæli

Númi 2 ára

Yngsta systkinið mitt (að minnsta kosti enn sem komið er) er 2 ára í dag. Til hamingju með afmælið Númi Steinn, pabbi kannski les þetta fyrir þig þannig að skilaboðin komist til skila. Afmælinu hans Núma er reyndar frestað þangað til næstu helgi.

svöng

Enginn listamaður hér

Það býr sko enginn leyndur listamaður í mér, annars var þetta nú alveg ágætt að mála keramikið. En allt of erfitt var að ákveða hvað ég ætti að fá mér, hvernig lit og svo framvegis. Stelpurnar reyndust hinu ágætistu ráðgjafar.

Annars á Númi Steinn afmæli á laugardaginn og Stebbi afmæli á sunnudaginn þannig að þeir fá fyrirfram hamingjuóskir. Til hamingju strákar.

Sá í dag á netinu að flugfar til Akureyrar á 999 kr en ég missti af því annars hefði ég svo stokkið til Akureyrar.

Linda ekki listamaður

Afmæli og pirringur

Happy birthday Mor!

Hvaða endemis rugl er þetta, ég var að reyna að senda e-mail á hotmailinu mínu og þar kom að ég hefði sent hámark pósta á seinustu 24 klst. Hvaða rugl er þetta að takmarka sendingar á póstum sem maður sendir.... ég á bara ekki til orð yfir þessu og er frekar pirruð.

Annars er ég að fara í keramik fyrir alla á laugarveginum með stelpunum í kvöld, ætli leyndi listamaðurinn brjótist fram í mér!

Linda pirraða

Sundbolaleit lokið!

Er ekkert smá fegin því að vera búin að finna sundbol, þannig að ég ætti ekki að þurfa að ganga í gegnum þetta aftur fyrr en eftir nokkur ár. En ég er til í sund bara hafið samband :-)

Það er enn eitt afmælið í dag en lítil frændi minn hann Arnar Gauti er 4 ára í dag. Til hamingju með afmælið Arnar Gauti minn.
Annars er fyndið hvernig nöfn þróast og hvað maður kallar fólk. Til dæmis heitum við systkinin pabba megin öll tveimur nöfnum samt finnst mér ég meira vera vör við að bæði nöfnin eru notuð hjá bræðrum mínum bæði þegar verið er að tala um þá eða tala við þá, en ekki eins hjá okkur systrum. Það er í raun bara ein manneskja sem hefur yfirleitt alltaf kallað mig Lindu Björk og það er mamma hans Arnars Gauta. Bræður mínir tveir hjá mömmu heita líka tveimur nöfnum en þar er t.d. yfirleitt bara annað nafnið notað.

Ég þarf að beita mig þvílíkum viljakrafti til þess að fara í vinnuna á kvöldin, ég er svo ekki að nenna að mæta. Þegar ég er búin með mína átta tíma hjá BÍF þá langar mig helst bara að fara heim en það hefur sjaldnast gerst þessar 3 vikur og 3 daga sem ég hef unnið þar. Ég ætla mér nú samt að vera bara 2 kvöld í viku hjá símanum finnst það bara yfirdrifið nóg. Svo fer líka að koma að því að ég þarf að vera eitthvað lengur á hinum staðnum.

Brostu framan í lífið og þá mun lífið brosa framan í þig

Afmæli

Aldís vinkona á afmæli í dag! Til hamingju með afmælið Aldís mín.
Annars er ótrúlega margir sem eiga afmæli í mars, enda kannski ekki skrýtið þar sem þetta er besti mánuðurinn :) jamm ég á líka afmæli í mars og það styttist óðum í það. Veit reyndar ekkert hvað ég að gera eða hvort ég eigi að gera eitthvað yfir höfuð.

Hún á afmæli í dag, hún á afmæli í dag......

ha ha

Ég var að lesa færsluna mína yfir aftur og það kemur út eins og ég hafi farið í bíó með stórstjörnunum en auðvita skartaði myndin þessum stjörnum. Það var Guðmunda hins vegar sem var bíófélagi minn og hún er ábyggilega ekkert verri heldur en Nicole Kidman og þær stöllur. Jafnvel betri..... því við fengum að minnsta kosti frið til þess að horfa á myndina!

Linda grínisti af líf og sál

Sundbolaleit

Ég sem hélt alltaf að brjóstahaldarar væru með því verra sem maður gæti mátað í mátunarklefum, en ég er búin að komast að annari niðurstöðu. Það er hræðilegt að vera að leita sér að sundbol og þurfa máta þá. Frekar óþægilegt að standa hálfnakinn inn í mátunarklefa í einhverri búð þar sem maður gæti fengið hvern sem er inn á sig. Ekki alveg my thing. Ég kann mjög vel við minn gamla bara þar sem hann er að fara að eyðast upp og ég er ekki mikið fyrir að flagga því sem ég hef þá neyðist ég til þess að leita mér að nýjum. Það er ekki gaman, ég fór á fimmtudaginn og laugardaginn að leita að sundbol og er ekki búin að finna neinn, veit ekki hvort ég sé svona rosalega skrýtin eða kröfuhörð því sundbolurinn má ekki vera svona og hinsseginn.

Annars fór ég á the hour með Nicole Kidman, Julianne Moore og Meril Streep á laugardaginn, var reyndar svo sniðug að ég ákvað að fara til Guðmundu um sjöleytið til að sækja hana þannig að ég bauð mér í mat. Mjög hentugt. En myndin var góð og núna verð ég að prófa að lesa eitthvað eftir Virginiu Wolf........ það er bara must ásamt öllu hinum bókunum sem bíða eftir mér.

Á fimmtudagskvöldið var ég að passa yngsta systkinið mitt hann Núma Stein sem NB verður 2 ára núna 15. mars en ég semsagt komst að því að hann er algjör fantur, hann var alltaf eitthvað að pikka í mann og það ekkert laust. Hann er algjör grallari, kannski ekkert skrýtið heldur að hann sé fantur í ljósi þess að hann á fimm bræður og þar af þrjá sem eru 9 ára og einn 11 ára. Greyið litla hann á sér ekki viðreisnar von. Við systur höfum náttúrulega ekkert nema góð áhrif á hann :-D

Linda litla ljós

Dett út af

Þvílík leiðindi núna er ég svo þreytt þegar ég kem heim á kvöldin að ég dett út af fljótlega eftir að ég kem heim. Var staðráðin í því í gær að horfa á survivor þar sem ég sé ekki fram á að ég muni sjá hann næsta laugardag. En þegar Jay Leno var með sinn fyrsta viðmælenda þá datt ég gjörsamlega út, rankaði aðeins við mér þegar sjónvarpið var búið og komst að því mér til ama að ég hafði misst af survivor. En þetta verður kannski til batnaðar bráðum þar sem ég stefni á að minnka símavinnuna niður í 2 kvöld og hafa frí á mánudagskvöldum þegar survivor er.

Nýja vinnan er alveg ágæt, lenti reyndar smá vandræðum í gær þar sem það var hálfpartinn enginn hérna sem ég gat leitað ráða til við ýmis mál og þurfti að svara í simann og kom þá ekki einmitt hópapöntun sem ég var ekki viss hvernig ætti að afgreiða. Gerði það hins vegar samt og komst að því mér til mikillar gleði að ég hafði ekki gert neitt af mér í þeim málum.

Það er ekki enn búið að gera við sturtuna :( en ég lét vita af þessu á laugardaginn en á eftir þá að tala aftur við þau. Jæja er að hugsa um að yfirgefa vinnuna og fara að kíkja á ljósmyndasýninguna í kringlunni en Birgir er með ljósmyndir þar til sýnis.

saumaklúbbur í kvöld :-)

Arg

Háskólinn tapaði skattkortinu mínu :( og nú þarf ég að sækja um nýtt. Fúlt, hundfúlt. Annars er ég fegin hvað hægt er að gera mikið með tölvu. Fór á netið til þess að sækja um eyðiblað fyrir skattkortið og sendi síðan í faxi. Eins þegar ég skipti um lögheimil þá sótti ég eyðublaðið á netinu og sendi í faxi. Þvílíkur munur í stað þess að fara á staðinn sem tekur tíma.

Komin í helgarfrí :) jíbbí

over and out

Kvart og kvein!

Það er ýmist í ökkla eða eyra hjá mér........ er það ekki annars eitthvað orðatiltæki?

Strætómálin hafa ekki gengið neitt vel, eftir að hafa tekið rangan strætó á mánudaginn þá passaði ég mig náttúrulega vel á að taka nú réttan strætó. Þegar ég kom að hótel Esju þar sem ég hafði áætlað að fara úr til þess að ná í 5 þá sé ég að fimman er að renna í hlað á strætóstoppistöðinni þannig að ég blóta í sand og ösku að þurfa að ganga þaðan og í laugardalinn, ég byrja að ganga en sé að fimman er enn á stoppistöðinni þannig að ég tölti mér yfir götuna og tek fimmuna. Það hafði einhver séður farþegi úr tólfunni beðið um að strætó biði eftir sér þannig að ég náði í strætó í þetta skiptið. Miðvikudagsmorguninn gekk þetta ekki svona vel, því þá sá ég fimmuna á ljósunum þegar ég brunaði framhjá í leið 11 og fór þar af leiðandi niður á Hlemm til þess að taka næsta strætó.
Í morgun var ég svo á bílnum hennar mömmu þannig að ég þurfti ekki að pirra mig á strætó, vísu þurfti að koma við í Hafnarfirðinum til þess að ná í hana :)

Týpískt að ég kvarti yfir því sem ég var að kvarta yfir að gerðist ekki fyrir einhverjum dögum. Ég held ég hafi einhvern tímann talað um það að ég vildi að ég sofnaði yfir sjónvarpinu það væri svo þægilegt því ég var í einhverri afneitun með að fara að sofa. Núna hins vegar dett ég út yfir sjónvarpinu um leið og er ekki ánægð. Sérstaklega þar sem ég missti af endursýningunni á Survivor á þriðjudaginn. Málið er semsagt það að núna er ég að vakna í vinnu á morgnana og vinn mína 8 klst nema eftir vinnuna hjá BÍF þá fer í vinnuna hjá símanum og er þar til hálftíu á kvöldin. Nema þar sem ég er flutt lengst út í rassgat þá er ég náttúrulega mikið lengur heim. Þannig að í staðinn fyrir að vera komin heim um tíuleytið er ég komin heim tuttugu mínútum seinna. Þá leggst ég upp í rúm til að horfa á sjónvarpið en þar sem ég er svo þreytt þá dett ég útaf tiltölulega fljótlega.
Núna tekst mér þar af leiðandi að kvarta yfir því sem ég kvartaði yfir um daginn að gerðist ekki. Svona getur maður verið í mótsögn við sjálfan sig.

Svona úr því að ég er byrjuð að kvarta þá held ég bara áfram..... en sturtan eða blöndurtækin á nýja staðnum er eitthvað biluð því sturtan er svo heit að ég get ekki verið í henni. Þannig að ég er komin með tækni á morgnana þegar ég fer í sturtu. Semsagt ég stíg inn um leið og ég kveiki á sturtunni og þá er hún köld. Þá reyni ég nú eitthvað að bleyta í mér og þvo á mér hárið. Svo meðan sturtan er að hitna þá nota ég tækifærið til að þvo sápuna úr hausnum en allt verður þetta að taka stuttan tíma því sturtan er svo rosalega fljót að hitna og verður HEIT.

En til að enda þetta nú aðeins á jákvæðum nótum þá held ég að þetta sé eiginlega í fyrsta skipti sem ég er ekki í vaktavinnu og er að vinna 8-16 eða 9-17 reyndar er ég alltaf 8.30-16.30 :) og so far er það bara mjög gott og gaman að reyna það og hafa frí um helgar. Reyndar skilst mér að það eigi eftir að breytast því þegar það fer að aukast að gera þá hleypur maður ekkert úr vinnunni eftir 8 klst heldur reynir að klára að ganga frá málunum sem maður er með.

hasta la vista

Á lífi!

Ég er á lífi......... 2. vinnuvikan í nýju vinnunni minni er byrjuð og so far er þetta bara fínt. Mikið að læra en það kemur smátt og smátt. Er núna í hinni vinnunni minni þannig að þetta er orðin pínku langur dagur. Ég flutti líka um helgina, fékk góðan mannskap í að flytja þannig að þetta tók enga stund. Meira segja var farið að taka upp úr kössum og raða í hillur og setja saman hillur og fleira þegar ég fór að ná í pizzur handa fólkinu :). Síðan voru mamma og Erla svo röskvar að þær fóru nánast hamförum í að raða og skipuleggja hjá mér en ég sagði þó stopp á sumum stöðum. Myndir komnar á veggina og svona, bara mjög fínt. Takk fyrir hjálpina :) Svo þreif ég líka á Eggertsgötunni á sunnudeginum með góðra manna og kvenna hjálp. Gott að eiga góða að :-) Versta við þetta allt saman er að ég er búin að missa þessa frábæru tengingu við netið og ekki með neina á nýja staðnum. Á reyndar eftir að taka ákvörðun um hvað ég geri með internetsaðgang.

Annars byrjað morgunin ekkert voða vel því fyrir það fyrsta þá svaf ég ekki vel í nótt og svo í morgun þegar ég var í fyrsta skipti að taka strætó frá nýja staðnum og í vinnuna þá þurfti ég náttúrulega að taka rangan strætó, tók 110 í stað 11 en fannst þetta vera 11 því strætó var að koma þegar ég var að ganga að biðskýlinu þannig að ég hljóp til þess að missa ekki af honum og sá þar af leiðandi ekki núllið fyrir aftan 11 :( ég er ekkert smá seinheppin en þetta gerði svo sem ekkert til í sjálfu sér því ég skilaði mér á endanum í vinnuna. En á morgun skal ég vanda mig betur og taka rétta vagninn :)

seinheppin

Bjargvættur!

Ekki amalegt það að klukkan er ekki orðin tvö og ég búin að aðstoða tvo vini sem hringdu og báðu um aðstoð :-) alltaf gaman að geta aðstoðað vini sama hversu ómerkilegt það er, mun væntanlega svo hlaupa undir bagga með öðrum vini í kvöld með því að vinna fyrir hann. En reyndar mun ég þá fá borgað fyrir þann greiða þannig að þetta er kannski meira svona greiði á móti greiða. Ekki það að mér hafi fundist eitthvað ómerkilegt það sem ég gerði fyrir þær!

Annars er sturtan að gera mig geðveika þessa dagana, vatnið er svo óstöðugt þessa dagana og skiptist á heitu og köldu þó mest að kemur kalt vatn skyndilega. Finnst þetta frekar skrýtið því fyrst þegar ég flutti inn þá var ég ekki neitt vör við þetta en finnst þetta að vera að aukast. En þarf víst ekki að hafa mikið lengur áhyggjur yfir þessu þar sem styttist óðum í að ég flytji........ og yfirgefi þessa frábæru tengingu sem verður mikil söknuður. Kannski mun ég samt ekki finna það mikið fyrir því þar sem ég verð náttúrulega að vinna allan daginn.

You can fool all the people some of the time, and some of the people all the time, but you cannot fool all the people all the time. - Abraham Lincoln

Valentínusardagur

Er þessi dagur hættur að tröllríða öllu hérna? Ég hef sem betur fer ekki orðið mikið vör við auglýsingar og annað fyrir þennan dag kannski vegna þess að ég hlusta ekki roslalega mikið á útvarp hef reyndar tekið eftir þessum valentínusarkortum á einhverjum bensínstöðvum. Þessi dagur fer afskaplega mikið í taugarnar á mér, nei það er ekki að því að ég geti ekki unnt einhverjum öðrum að vera ástfangin heldur að þetta æði er að koma frá Bandaríkjunum og reyna að troðast inn í íslenskan veruleika sem mér finnst bara alls ekki eiga heima hér. Við höfum bóndadag og konudag og ef elskendur vilja gefa hvort öðru einhverja gjöf þá eiga þau ekki að þurfa að hafa einhvern sérstakan elskendadag til þess. Hvað kemur næst hjá okkur? Förum við kannski og höfum Martin Luther King dag eða Kólumbusardag.

íslenskt já takk

jabbídabbídú

Mín er bara komin með vinnu! Ég er ekkert smá fegin og þvílíkt þungu fargi af mér létt. Þetta er að vísu bara tímabundið starf en þarf ekki að fara að hafa áhyggjur af því fyrr en í haust. Þetta er líka hjá vinnuveitenda sem metur mín fyrri störf og nám. En ástæða þess að ég nefni það er að ég fór í annað atvinnuviðtal á dögunum í sambandi við starf á gestamóttöku og þar var verið að ræða um störfin sem ég hef unnið og það að ég sé að klára ferðamálafræðina í háskólanum. Síðan spyr maðurinn mig hvort ég hafi áhuga á herbergisþrifum! Já, einmitt þess vegna var ég nú þrjú ár í háskólanum og sækja um starf í gestamóttöku til þess að fara nú í herbergisþrifin. Ég var ekki sátt þegar ég kom úr þessu viðtali en get með glöðu gleði sagt NEI TAKK ef það verður hringt í mig og mér boðið starfið. Nú gæti eflaust einhverjum þótt ég vera að tala niðrandi um þá sem eru í herbergisþrifum en það er ekki málið. Ég hef verið í herbergisþrifum, var að vinna svoleiðis vinnu í Englandi ásamt því að ég var eitt sinn að vinna á gistiheimili í Reykjavík og það var alveg þrælskemmtilegt en þar sá maður nánast um allt. Sá um herbergisþrifin að taka á móti gestunum, innrita þá og kveðja. Ásamt því að sjá um morgunmatinn og svona. Reyndi á mann því maður var bara einn á vakt. Einnig sáum við um að þvo síðan rúmfötin.

Nú eru tvö mál farin frá og það þriðja bara eftir sem er alfarið undir mér komið.

Lífið er lotterí

Sníkjudýr

Ég er orðin eitt allsherjar sníkjudýr hjá Blóðbankanum :( því verr og miður. Ég hef núna gert tvær tilraunir til þess að gefa blóð þar þannig að alls hef ég farið þrisvar sinnum í Blóðbankann en fyrsta skiptið er ekki tekið blóð þar sem fyrst þarf að rannsaka hvort maður sé nú hæfur til þess. En allavega þessi tvö skipti sem ég hef gert tilraun til þess að gefa blóð þá hefur það ekki tekist. Í fyrra skiptið sem var í sumar þá var ég aðeins undir mörkunum að geta gefið blóð þannig að hjúkrunarfræðingurinn sendi mig heim með járntöflur til þess að laga þetta svo ég gæti nú gefið blóð. Í dag var síðan önnur tilraun mín og var ég reyndar óundirbúin undir það þar sem ég fór með Siggu vinkonu, en þar sem ég hafði ekki borðað um daginn þá vildi hjúkrunarfræðingurinn nú ekki einu sinni athuga hvort ég væri með nóg blóð. En ég fékk hins vegar að borða þess í stað, hugsa að hún hefði bara átt að senda mig að borða og láta mig svo koma aftur fram og þá hefði ég nú kannski bara geta gefið eftir allt saman. En alla vega eftir þessi þrjú skipti sem ég hef komið þangað þá hef ég borðað þarna tvisvar en aldrei getað gefið og þess vegna finnst mér ég nú algjört sníkjudýr sem ég er bara alls kostar ekki sátt við. Ég ætla nú að fara að bryðja þessar járntöflur og takast á við afleiðingar þess.
Annars var ég voða ánægð með það sem hjúkrunarfræðingurinn spurði mig áður en hún komst að þessu með matinn, því hún spurði mig samviskuspurningar og ég fór náttúrulega í þvílíka vörn og hélt að hún ætlaði nú að spyrja mig að einhverri vandræðalegri spurningu en svo spurði hún þessrar fyndnu spurningar. Hún spurði hvort ég næði 50 kg....... ég hélt ég yrði ekki eldri........ en tók þessu bara sem hrósi þar sem ég er náttúrulega yfir :-)

gefa blóð

Mér líkar liturinn!

Já mér leiðist núna á sunnudagskvöldi, ekkert spes i sjónvarpinu, tími ekki að taka spólu og er þess í stað á netinu að taka einhver próf, minnsta kosti get brosað af þeim og leyft öðrum að hlæja af þessu rugli. Einhverra hluta vegna sest ég heldur ekki niður til þess að lesa bók. Öllum er líka frjálst að tjá sig í kommentin eða rita í gestabókina :)




Blues are some of the most loving, nurturing and
supportive personalities. They live from their
heart and emotions. Their purpose for being on
the planet is to give love, to teach love and
to learn that they are loved. Their priorities
are love, relationships, and spirituality.


What Is Your True Aura Colour?
brought to you by Quizilla

Bear


What Is Your Animal Personality?
brought to you by Quizilla


kannski ekki svo vitlaust ;-)

cuddle and a kiss on the forehead - you like to be
close to your special someone and feel warm,
comfortable, and needed


What Sign of Affection Are You?
brought to you by Quizilla

Leiðist


avoidant


Which Personality Disorder Do You Have?
brought to you by Quizilla

endemis vitleysa

Saumaklúbbur

Það var afturhvarf til fortíðar í saumaklúbbnum í kvöld, tekin voru upp myndaalbúmin mín og skoðaðar myndir frá því að við vorum í 9.bekk en þá kynntumst við stelpurnar eða ég og Sigga komum í bekkinn. Það komu upp all mörg skemmtileg komment um útlit og annað slíkt. Ég fékk til dæmis kommentið að ég væri baby face á einhverri mynd, einhver fékk það komment um sig að hún hefði nú skánað all mikið og svo framvegis. Niðurstaðan var sú að sumir ættu að láta klippa sig meðan aðrir ættu að safna hári og allar að léttast um 10 kg eða svo. Þess fyrir utan voru rifjuð upp það sem margar hverjar höfðu gert af sér og kom líka sumt í ljós sem ekki hafði verið uppljóstrað áður. Spurningin var síðan hvort við ættum að halda áfram að taka myndir því hvernig þetta yrði eftir 10 ár hvort við mundum halda áfram að segja nú við vorum ekkert svo slæmar þarna eða hvort við gætum lítið á myndirnar og sagt já ég lít mikið betur út í dag!

fortíð, nútíð og framtíð

Öryrkjar

Sivar var aðeins á undan mér að benda á umræðurnar hans Árna með öryrkja en skrifin hans eru alveg brill. Vissulega hefur engin valið sér það hlutskipti að vera öryrki eins og hann Árni benti réttilega á en því miður er alltaf til fólk sem misnotar kerfið og fyrir það líða allir hinir og gerir hinum erfiðara fyrir í baráttu sinni. Ég er alls ekki að afsaka neinn nema sjálfan mig núna með því að benda á fólkið sem misnotar kerfið.

Alias var bara nokkuð góður og endaði gífurlega spennandi. Mikið er ég annars fegin því að þessi gaur þarna sem hún stelpa var heit fyrir er horfin úr þáttunum. Fannst hann ekkert skemmtilegur og líka alveg óþolandi að skyndilega þegar hann birtist þá bara getur hún ekki neitt og hann kemur henni til bjargar, sveiattan!

Sem betur fer gerðist ekki neinir aðrir hörmungar í dag eftir að ég skrifaði seinustu færslu og fékk meira segja alveg ágæt símtal sem vonandi leiðir til vinnu :-) ætla ekki að segja of mikið og held ég hafi nú þegar sagt of mikið. Vonandi mun það ekki hafa áhrif....... slæmt karma eða eitthvað. Ég er farin að horfa á Practice!

sjónvarpssjúklingur

Hörmungar dagur

Þessi dagur er sennilegast einn af þeim dögum sem ég hefði hreinlega ekkert átt að fara úr rúminu. Ég fór að vinna í morgun við að keyra út DV til blaðbera, nema hvað ég fékk bíllykla í hendurnar á bílnum sem ég átti að vera á. Ég fór að sækja hann til þess að færa hann nær, nema hvað að ég ætlaði aldrei að fatta hvernig átti að koma blessaða bílnum í bakkgír, ég ýtti niður og til hliðar alveg eins ég gerði þegar ég var þarna seinast en ekkert gekk. Alltaf fór helv........ bílinn áfram í stað þess að bakka. Þangað til mér datt í hug að það væri nú sumir bílar þar sem þurfti að toga gírstöngina upp og til hliðar og blessaði bílinn bakkaði. Þá sem sagt þurfti ég að fara út á bensínstöð til þess að taka bensín á bílin, en mælirinn sýndi að hann hefði um 1/4 af bensín eftir sem ætti að duga rúntinn. Ég kem á bensínstöðina og byrja á því að fara að losa bensínlokið af....... en viti menn það er bara pikkfast. Sama hvað ég reyndi og hamaðis þá tókst það ekki, þannig að ég hringdi í þann sem hefur umsjón með þessu til þess að láta vita að þetta væri nú ekki alveg að takast hjá mér. Þannig að hann segir mér bara að koma tilbaka. Ég sest inn í bílinn og ætla að starta, en lykillinn neitar alfarið að hreyfast, þá finn ég að stýrið hefur lika læst, þannig að ég byrja að reyna að hreyfa stýrið til þess að losa það og svissa eins og maður á að gera þegar þetta gerist. En ekkert gerist, mér er ekki að takast að ræsa bílinn. Þá bara gat ég ekki ekki hugsað mér að hringja aftur eins og auli í aftur í manninn til þess að segja honum nú hvað væri að þannig að auðvita hringdi ég í pabba til þess að leita ráða. Náttúrulega það eina sem hann gat sagt mér væri að reyna að hreyfa stýrið fram og tilbaka og reyna að svissa. Hann var meira segja svo elskulegur að bjóðast til að koma til þess að hjálpa mér, en mér fannst það nú alveg ómöglegt að láta hann koma þegar ég ætti nú að hringja í þann sem sæji um þetta. Ég beit á jaxlinn og hringdi aftur í þann sem hefur umsjón með þessu og sagði honum það sem væri að í þetta skipti og hann ákvað að senda mann mér til hjálpar. Þannig að ég fékk þarna bjargvætt til þess að hjálpa mér úr vandræðunum, hann reyndar gat ekkert frekar en ég losað bensínlokið af og tókst heldur ekki í fyrstu að starta bílnum, enda hafði lykillinn eitthvað bognað við hamaganginn við bensínlokuna. Ok loksins tókst mér að fara í rúntinn minn með blöðin og gekk alveg ágætlega nema þar sem allt var búið að ganga á afturfótunum þá svona var ég nokkuð viss um að eitthvað meira ætti eftir að fara úrskeiðis. Viti menn ég hafði svo rétt fyrir mér því í Vesturberginu varð ég bensínlaus............
Það sem ég varð pirruð og svekkt plús það að ég vara að fara af bílastæði og út á götu akkúrat þegar bílinn drap á sér þannig að ég var á miðri götunni og bílar gátu eiginlega ekki komist framhjá mér hvorugu megin. Sem betur fer voru þarna tvær skólastelpur sem voru á gangi og ég gat platað þær að ýta bílnum þannig að ég fór þó bara fyrir öðru megin og hringdi svo til þess að láta vita. Þá kom annar bjargvættur með bensín á brúsa og þá hófst lika barátta við að opna bensínlokið en hún var hörð og hélt ég á tímabili að strákurinn ætlaði að gefast upp fyrir bensínlokinu. En ég held að hann hafi ekki viljað stríðni í mánuð frá vinnufélögun þannig að hann vann baráttuna sem betur fer og tókst að koma smá bensín ofan í bílinn og keyra hann á næstu bensínstöð þar sem ég rétti bensínkallinum lykilinn til þess að hann mundi hefja baráttuna við ljóta bensínlokið. Bensín komst á bílinn og ég gat hafið rúntinn minn á nýjan leik en því miður var ég í seinna lagi.

Jákvæðu punktarnir eru þó að ekkert slys var hvorki á mér, bílnum né öðru fólki. Einnig það að ég var fljótari þrátt fyrir bensínleysi með rúntinn núna heldur en seinasta mánudag, því ég lagði af stað 25 mín seinna heldur en seinast og þegar ég lagði aftur við prentsmiðjuna þá var hún 20 mín yfir tvö en seinast kom ég tvö. Þannig að þrátt fyrir tafir og það að ég kláraði að þessu sinni rúntinn fyrir utan einn stað þá gekk þetta betur :-)

En óheppnin heldur áfram því ég ætlaði að fara í klippingu í dag en svo hringir frændi minn til að segja mér að konan hans sé veik þannig að ég kemst ekki í dag, en vonandi fer dagurinn batnandi.
Ég fékk reyndar líka mjög sætt vefkort í dag frá vini og tímasetningin var frábær eftir þennan leiðindaga. Takk Árni :)

lengi getur vont versnað!

Afmæli

Bella vinkona á afmæli í dag :-), Til hamingju með afmælið Bella mín, vonandi nýtur þú afmælidagsins í botn. En ég er að fara til hennar í kvöld í afmæli, hlakka til að hitta stelpurnar. Svo á vinur hans Jens líka afmæli í dag og óska ég honum einnig til hamingju en efast þó um að hann sjái þetta.

Er andlaus, en líður þá aðeins betur í dag heldur en í gær!

batnandi manni er best að lifa

Teljari

Alveg hrein snilld að hafa teljara á síðunni sinni, það sem mér finnst kannski einna skemmtilegast er að þegar fólk hefur verið að leita að einhverju í leitarvef og lendir á minni síðu. Það nýjasta er að einhver var að leita af loftmynd og fékk upp mína síðu :) kannski eftir allar kvartanirnar um fagið loftmyndatúlkun er ekkert skrýtið að manneskjan fékk mína síðu hehehe.

Í gær átti ég von á tryggingasölumanni en hann hringdi rétt fyrir eitt og afboðaði komu sína eftir að hafa spjallað smá við mig. Greinilega ekkert litist á mig ;-) en reyndar ætlaði hann að hringja í mig í næsta mánuði til þess að athuga hvernig staðan væri hjá mér þá því hann vill víst ekki hitta mig oft, hann bara veit ekki af hverju hann er að missa! Kannski ég sé bara að eignast símavin yrði reyndar kannski ekki slæmt því hann hefur ekki slæma rödd.
Það er reyndar eitt gott sem hann kom til leiðar en ég hafði það af að aðeins að þrífa hjá mér, vildi ekki alveg að einhver ókunnugur mundi þurfa að horfa upp á þetta.

Meðan ég man það er verið að safna undirskriftum gegn Kárahnjúkavirkjun. Slóðin er http://halendi.this.is. Endilega kíkið þar inn og skráið ykkur gegn Kárahnjúkavirkjun.

Takið þátt!

Skoðanir

Á baksíðu Fréttablaðsins birtast oft skemmtilegir pistlar og birtist einn slíkur síðastliðinn mánudag. Þar skrifaði Þráinn Bertelsson um skoðanir og það að nútíminn væri orðinn svo flókinn að erfitt gæti verið að mynda sér skoðanir sjálfur. Því gæti verið bara hentugt að fara á endurskoðendaskrifstofu til þess að fá góðar skoðanir og vel rökstuddar. Hvet alla til þess að lesa þetta :) bráðskemmtileg alveg. Ég var reyndar búin að skrifa meira um þetta en vegna klaufaskapar í mér þá hvarf það og ég nenni ekki að skrifa aftur :( geri það kannski seinna.

Jahérna hér

Aldrei hefði mér dottið þetta í hug :)


What's your Inner European?
brought to you by Quizilla


life is full of surprises!

Færeyjar

Ég á litla frænku sem býr í Færeyjum og hún er komin með sína eigin heimasíðu. Komnar líka nýjar myndir af henni en það er komin snjór í Færeyjum.
Ég er komin með hausverk :( sem er ekki gott!

Afleiðingar

Ég verð víst að taka afleiðingum gjörða minna í gær, en ég er komin með þessa rosalegu strengi í neðri hluta líkamans. Rassinn er sérstaklega slæmur og býst ég við að þetta fari versnandi. Strax farin að vorkenna mér að þurfa að ganga í vinnuna, þarf ábyggilega að leggja af stað fyrr en vanalega. Röddin er þó komin í lag og ætti ég að geta talað við fólk án þess að hósta lungu og lifur í eyrað á þeim. í gær fór ég samt að spá aðeins í hvað sumir eru rosalega óheppnir með raddir, ég get nefnilega orðið mjög hrifin af röddum, sérstaklega karlmannsröddum. Það kom fyrir í gömlu vinnunni minni að maður talaði við einhvern sem var með þessa rosalegu fallegu rödd að manni langaði bara alls ekki til þess að hætta að tala við hann. En ástæða þess að ég er að blaðra um þetta núna er að ég skipti yfir á skjá einn þegar bráðavaktin var búin í gær og þar var kona sem var alveg einstaklega óheppin með rödd og þótti mér það heldur leitt því lítið er hægt að gera viði því.

Á morgun er ég að fara í sumarbústað og þykir mér það mjög góð tilhugsun að fara út úr bænum og vera í góðum félagsskap um helgina :-)

over and out

Líkamsrækt

Hafði það loksins af að fara í Sporthúsið að æfa með henni Siggu, þrátt fyrir smá erfiðleika þá var þetta hin ágætasta æfing. Sjúkrabílinn kom að vísu en ekki vegna mín heldur einhvern annars sem lá á bekk fyrir framan þegar við komum út úr búningsklefanum. Þannig að það er spennandi að fara í sporthúsið maður veit aldrei hvað gerist. Annars voru tækin nokkuð flott og fékk maður góðar leiðbeiningar við hvert tæki, kemur meira að segja broskall ef maður gerir vel :-) Dugnaður á öðrum sviðum hefur að vísu ekki látið sjá sig.

gott í bili

Týnd

Ég auglýsi eftir kvenmanni á 27.aldursári, ekki svo hávaxnri, með lubba á hausnum, fáeinum kílóum yfir kjörþyngd, gengur oftast með gleraugu nú á dögum. Finnandi vinsamlegast hafið samband við mig því hún virðist týnd og tröllum gefin.

Skrýtið

Ég hef verið að pæla í bloggunum mínum undanfarið og það sem ég skrifa hérna á netið. Það er eins og mér finnst auðveldara að skrifa um og segja hvað ég hafi verið að gera dagsdaglega heldur en að skrifa skoðanir mínar (þegar ég hef þær ;-) hérna inn. Ég veit að margir vinir mínir lesa síðuna og hugsa að það séu aðallega þeir sem ég þekki sem les þær en það er alltaf sá möguleiki að það séu einhverjir sem lenda hérna inni sem ég þekki hvorki haus né sporð á. Með því þá að skrifa skoðanir mínir á málum þá er eins og ég gefi meiri höggstað á mér sem ég hef ekki verið tilbúin til þess að gera og því var ég í miklum vafa hvort ég ætti að skrifa um virkjunina eða ekki og mínar skoðanir á þeim málum. Mér finnst eins og ég upplýsi meira um mína persónu með því að segja skoðanir mínar heldur en frá daglegu lífi mínu, kannski hef ég rangt fyrir mér veit ekki.

hvað heldur þú?

Tímamót

Í dag gerðist merkilegur hlutur, ég horfði á hluta af Silfri Egils án þess að skipta um stöð. Ég horfði og hlustaði á fyrstu gestina hans þegar var verið að ræða um álverið og Kárahnjúkavirkjun.Mér fannst konurnar sem voru þarna í þættinum nokkuð góðar en þessi maður ekki eins, kannski var það vegna þess að ég er á máli kvennana tveggja frekar heldur en mannsins, gæti verið. Annars fannst mér nokkuð merkilegt að það voru þarna konurnar tvær voru þarna til þess að tala máli náttúruverndarsinna og vilja vernda náttúrunni fyrir eyðileggingunni en maðurinn var að tala máli virkjunnar og álvers. Þetta er í raun í samræmi við skoðunarkannanir sem hafa birst að undanförnu en þar kemur fram að konur eru frekar á móti virkjunninni meðan karlarnir eru frekar með henni. Enda hefur alltaf verið talað um það að þeir sem hafa verið mótfallnir virkjun séu ekki með nein rök heldur bara tóma tilfinningavellu........... sem að sjálfsögðu er ekki rétt. Ég skil ekki af hverju ráðamenn þjóðarinnar vilja gera sömu mistök og önnur lönd og því í ósköpunum vilja þeir fara út í frumvinnslubúskap þegar flestar þjóðir heims að minnsta kosti hinn vestræni er komin yfir það stig og farin yfir á þjónustustigið. Sjáum til dæmis Danmörk ekki hefur landið mikið af auðlindum úr að spila og hefur því byggt upp þjónustu sem sinn helsta atvinnugrein og ég held örugglega að ég sé ekki að ljúga þegar ég segi að það sé um 50% af allri atvinnu í Danmörk. Það einna mest sem ég sé eftir er að hafa ekki mætt í mótmæli og þess í stað verið heima og mótmælt þar sem enginn getur séð mig. Annars langaði mig rosalega á borgarafundinn sem var í Borgarleikhúsinu en tók vinnuna fram yfir :(

Ekki virkja.......ekki byggja álver

Af hverju?

Ég hefði haldið að eftir því sem maður eldist og „þroskast“ þá ætti maður að læra af mistökum sínum og gerir ekki sömu mistök aftur. Nei það gerir hún ég ekki, ekki það að þetta séu einhver rosaleg mistök þetta er bara tóm vitleysa í mér. Í mörg ár og ég veit það með nokkurri vissu að aðrir gera þetta líka, á kvöldin þegar ég er komin upp í rúm þá hef ég lofað sjálfri mér því að taka mig á í hinu og þessu. Til dæmis að verða duglegri við að læra, vera duglegri við að fara í ræktina eða bara yfir höfuð að fara þangað sem sagt taka mig á en svo á morgni hins nýja dags þar sem allt á að vera breytt þá fellur allt í sama gamla farið. Ég þarf því engin nýjarsheit til þess að brjóta því ég brýt mín heit á hverjum morgni. Mætti segja að það sé lán í óláni að ég sé að brjóta gegn mér en ekki einhverjum öðrum.

Batnandi manni er best að lifa...... eða hvað!

Íbúð

Skoðað íbúð í dag, staðsetning á henni er mjög góð og ekki verra að ég þekki fólk í húsinu þar sem tveir bræður mínir búa þar. Því miður þá finnst mér hún bara allt of lítil fyrir mig og dýr fyrir þetta litla pláss. Það var þarna eitt herbergi um 16 fermetra sem ég yrði að nota bæði sem svefnherbergi og stofu, svo er pínku lítið eldhús og ég er ekki viss um að eldhúsborðið mitt komist þar inn ásamt því að ekki er nægilegt skápapláss til þess að koma eldhúsdótinu fyrir. Klósett er síðan fram á gangi og sturtuaðstaða í þvottahúsinu. Þessi herlegheit á að kosta 40.000 á mánuði. Bara allt of dýrt og ekki mjög spennandi.

veit ekki

Aftur

Ég er aftur komin með ljótan hósta og er hás eins og ég veit ekki hvað. Ætti í sjálfu sér ekkert að vera í vinnunni í kvöld, næstum því alveg viss um að ég er að hræða þá sem ég hringi í. Minnsta kosti er ég ekki að heilla þá/þær/þau upp úr skónum með minni heillandi rödd. En ákvað að mæta samt sem áður sérstaklega í ljósi þess að þetta verkefni er að klárast og næsta verkefni er ekki tilbúið þannig að það gæti verið eitthvert stopp því verr og miður. Þeir sem vita um íbúð og vinnu handa mér mega alveg láta mig vita :)

veit ekki

MSI

Í Chicago fór ég á safn sem heitir Museum of science and Industry, þetta var mjög skemmtilegt safn því það var hægt að fikta mjög mikið í hinum ýmsum hlutum. Eitt það helsta sem stóð upp úr var kafbátaferðin en ég skoðaði kafbát þjóðverja úr seinni heimsstyrjöldinni, hann var svo lítil og mikið minni en ég hafði ímyndað mér. Mig minnir að ég hafi eitthvað skrifað um þetta þegar ég var í Chicago. Annað sem mér fannst líka alveg brillíant var að í einum hluta safnsins þar sem var fjallað um vísindi þá komu nokkur gullkorn. Þar voru skrifuð orð á spjald sem sagði það sem vísindamenn segðu og hvað þeir raunverulega meintu. Ég skrifaði nokrar setningar niður því mér fannst þær frábærara. Sérstaklega í ljósi þess að ég er að berjast við að skrifa lokaritgerðina mína. Hérna kemur þetta:

When scientist write: It has long been know that............, they really mean: I haven´t bothered to look up the original reference.
When scientist write: It is suggested that...., It is belived that......, It may be that......, they really mean: I think
When scientist write: It is generally belived that........, they really mean: A couple of other guys think so too.

Það kemur meira seinna um Chicago ferðina hef bara treinað allt of lengi að skrifa niður þessar frábæru setningar :-) ásamt skemmtilegum punktum um Chicago.

over and out

Hneyksluð

Ég les reglulega bloggið Siggabeib sem mér þykir mjög skemmtilegt að lesa (annars væri ég væntanlega ekki að lesa það) nema hún var að segja frá atviki sem henti hana hjá skósmiði og ég á bara ekki til orð yfir viðskiptaháttunum hjá honum. Hvet alla til þess að lesa þetta hjá henni en það nefnist Pælingar 1. Í stuttu máli þá var hún að fara með skó til skósmiðs og var ekki ánægð með þjónustuna. Þegar hún kom til skósmiðsins aftur til að sækja skóna þá bað hún um afslátt vegna þess að þetta hafði dregist á langinn hjá þeim. En nei skósmiðurinn hendir í henni útprentun um það sem hún hafði skrifað á netið og neitar henni um afslátt. Þetta er það versta sem hann gat gert. Samkvæmt því sem ég hef lært um markaðsfræði og annað álíka að þegar viðskiptavinur er óánægður þá segir hann mun fleirum frá því heldur en ef hann er ánægður. Það hefði verið best fyrir skósmiðinn að vera almennilegur og gefa afslátt, þá hefði hann að öllum líkindum haldið í viðskiptavin sem hefði síðan sagt fleirum frá góða viðmótinu sem hún fengi. En með þessu sem hann gerði þá tapaði hann þrátt fyirr að hafa getað fengið einhverja útrás með því að vera leiðinlegur, en það máttu bara ekki gera í viðskiptum því þá tapar þú.

dugar í bili

Sterkara kynið!

Mjög margir tala um sterkara kynið og fer eftir því við hvern maður talar hvort það séu kk eða kvk sem er talið sterkara kynið. Ég held barasta að ég trúi ekki á slíkt, enda fer það líka við hvað er miðað. Jú mjög margir karlmenn eru sterkari en ég og kröftugri en gerir það þá endilega að sterkara kyninu því ef eitthvað mundi koma upp á þá gætu þeir bara brotnað niður. Einnig tel ég mig því næst full viss þess að konur hafi hærri sársaukaþröskuld heldur en karlmenn, þar sem margar hverjar þurfa að þola mikinn sársauka mánaðarlega, misjafnlega mikið. Síðan kemur að vandræðum eða erfiðleikum í lífinu og hvernig fólk yfirstígur þá, oft er þá talað að einstaklingar séu sterkir og þar er ekki hægt að miða eitthvað við kynin hvort þeirra sé hæfara eða sterkara til þess að takast á við ákveðna hluti. Þar kemur persónuleiki hvers og eins inn að mínu áliti.
Ég veit eiginlega ekki alveg af hverju eða tilgangurinn með þessari færslu var en í nótt var ég andvaka þannig að þá fór ég að hugsa um hvað ég gæti skrifað hérna inn, kannski var það út af því að ákveðinn aðili sagði mér fyrir nokkrum árum að ég væri sterk en mér finnst það enga veginn núna.

Erótískt nudd!
Var að lesa atvinnuauglýsingar í Fréttablaðinu í dag og þar var verið að auglýsa eftir starfsmanni á erótíska nuddstofu og íbúð gæti fylgt með, ég er svoldíð græn í svona hlutum því t.d. vissi ég ekki að til væru erótískar nuddstofur hér á Íslandi. Síðan er ég bara næstum því viss um að þetta er bara vændi. Ég held að það hafi verið að auglýsa eftir vændiskonu og þetta stuðaði mig smá.
Þar sem þetta stuðaði mig er það þá merki þess að ég sé gömul. ekki nógu víðsýn, gamaldags eða hvað?

Áhyggjufull

Framkvæmdarleysi

Ég hrjáist af framkvæmdarleysi. Ég veit ekkert hvað ég á að gera við sjálfan mig............. vildi stundum að ég sveiflaðist ekki svona upp og niður og væri alltaf í jafnvægi. Ég er frekar leið í dag og pirruð út í sjálfan mig fyrir að láta daginn bara líða án þess að koma neinu í verk. Ég vaknaði þó klukkan níu í morgun þannig að það er að takast að snúa sólarhringnum við. Einkennilegast er að á kvöldin þá langar mig ekki til þess að fara að sofa og vaki fram eftir við að gera ekki neitt og á erfitt með að sofna svo á morgnana langar mig ekki til þess að vakna og vildi óska þess að ég gæti sofið lengur. En býst við að þetta líði hjá og ef til vill verður dagurinn á morgun betri. Mjög líklega þar sem ég mun hitta stelpurnar í kvöld og það bætir sálartetrið.

með von um bjartari tíma......

Hringdróttingssaga


What Lord of the Rings Male and Mood Do You Desire?
brought to you by Quizilla


Loksins loksins fór ég á Two Towers seinasta laugardag í lúxus salnum. Myndin var frábær og finnst frekar langt þangað til næsta kemur. Eftir bíóið var Hringdróttinsspilið spilað sem var mjög skemmtilegt. Reyndar tapaði hópurinn en það gengur bara betur næst :)

Þangað til næst

Hefðir

Eins og ég hef einhvern tíman skrifað hér áður þá er ég hrifin af hefðum og hef mjög gaman af því. Þegar ég hugsa til gamlárskvöld og ef maður hugsar smá út í það þá finnst mér nokkuð merkilegt að flest allir landsmenn sitji yfir sjónvarpinu þetta seinasta kvöld ársins. Eins og það sé ekki nóg glápt á sjónvarpið. En ætli það sé samt ekki við hæfi á seinasta kvöldi ársins að líta yfir farin veg og hvað hafi gerst á árinu en þá einmit kemur sjónvarpið til hjálpar. Þar eru rifjaðir upp atburðir líðandi árs svo ég tali nú ekki um skaupið sem gerir grín að þessu öllu saman. Það fer kannski minna fyrir persónulegum atburðum í lífi hvers og eins, það gerir það eflaust allir upp við sjálfan sig og eru ekki að bera það á borð fyrir aðra.

Ég ætla lítið sem ekkert að segja um Ingibjörgu Sólrúnu enda er ég ekki mikið politísk manneskja en ég er hins vegar nokkuð sammála honum Sivar en hann skrifaði stutta færslu um þetta.

Svo að lokum vildi ég óska öllum gleðilegt nýtt ár og megi nýja árið verða heilladrjúgt.

Gleðilegt nýtt ár

Stutt

Þetta verður stutt en ég var búin að lofa að linka á pabba, reyndar mun hann ekki breyta síðunni sinni alveg strax. Nema kannski get ég sannfært hann um að byrja að blogga. Aldrei að vita :-)

búið og gert

Gleðileg jól

Vildi óska öllum gleðilegra jóla og farsældar á komandi ári.

Eitthvað virðist ekki vera að virka. Búin að taka ákvörðun um ákveðið málefni. Veldur mér ekki kæti en gæti bjargað geðheilsunni frá einhverju óskemmtilegu!

Gleymdist

Gleymdi að minnast á eitt, það var bara einn sem svaraði í sambandi við pabba þannig að ég ætla að fara að ráðum hans. Pabbi þú færð því frest fram á jólunum til þess að laga síðuna og mun ég linka á hana um jólin.
Ég er komin í jólafrí frá vinnunni sem er mjög gott og þarf ekki að fara fyrr en um 6.janúar og ég fékk líka jólapakka frá vinnunni :-) gaman gaman þannig að ég fæ að minnsta kosti 2 pakka.

over and out

Hræðilegt

Heyrði í fréttum um daginn að háskólanemi hafi verið rændur í trjágöngunum hérna á háskólasvæðinu klukkan níu um morgun. Mér finnst þetta hræðilegt því ég vel þessa leið oftast þegar ég er að koma heim úr bænum á kvöldin og næturnar (ekki að það gerist oft). Því ég tel þessa leið aðeins öruggari heldur en að ganga Njarðargötuna og hjá Decode því þar er bæði léleg lýsing og engin hús nálægt. Hjá háskólanum er þó aðeins meiri birta og íbúðarhús ekki svo langt í burtu. Ég ætti þá kannski bara að læsa mig inni eða sjá til þess að ég sé á bíl tilþ ess að sleppa að ganga þessa leið.

Gekk líka hræðilega í seinasta prófinu mínu og langar alveg hræðilega í jólafrí en sé ekki fram á neitt jólafrí hjá mér en ég get kennt sjálfri mér um það.

Verð að segja frá skondnu atviki sem henti vinnufélaga minn um daginn, en hún var að kaupa sér hangikjötslæri með beini víst um daginn en hún ákvað síðan að fara í ákveðna búð hérna í bænum til að biðja þau um að skera lærið í tvennt þar sem það kæmist ekki í pottinn. Gott og vel það er gert og hún fer heim til sin með sitt hangikjöt en þegar hún opnar og fer að skoða þá hefur manneskjan skorið hangjikjötið í sneiðar en ekki í tvennt. Frekar fyndin saga en hræðilegt, spurning hvernig hún eldar þetta.

Búin að tala fullt um neikvæða hluti þannig að ég ætla að segja eitthvað jákvætt. Ég vann miða á tónleikana hjá Coldplay þannig að ég var á tónleikunum í gær. Var mjög fínt og þrusu stemming. Bara aulinn ég þekkti fá af þessum lögum og að sjálfsögðu sá ekki neitt. En maður er kominn þangað til þess að hlusta á tónlistina er það ekki! Gerðist líka svoldið fyndið, söngvarinn í einu laginu gerðist falskur í upphafi lagsins þannig að allir sprungu úr hlátri, síðan byrjaði hann aftur en átti í smá vandræðum því hann hló svo mikið en lét það ekki stoppa sig.

Ef einhverju langar í bæinn á þorláksmessukvöldi með mér má sá aðili alveg láta í sér heyra :)

skrifa skrifa skrifa

Væl

Ég er ábyggilega fallin í prófinu sem ég var í, gekk hræðilega eins og ég var bjartsýn þegar ég fór inn. Kom þarna reiknisdæmi sem ég hafði ekki hugmynd um hvernig ætti að reikna og það var 15%, ég man eftir því að hafa séð það í kennslubókinni og hugsað með mér að við höfum ekkert reiknað svona dæmi og hún kemur ekki með þetta hefur ekki gert það áður. I was dead wrong :( oh mig langar til þess að grenja........... Svo gekk mér hræðilega að túlka þessar loftmyndir sem við fengum. Fengum eina svart hvíta loftmynd sem við gátum haft í 35 mínútur og þar áttum við að greina ein 13 svæði og mér reiknast til að við höfum haft þá um 2,6 mínútu til þess að skoða hvert svæði fyrir sig sem er bara allt of lítið. Einnig fengum við síðan innrauða loftmynd sem við fengum að hafa í 7 mínútur og ekki gekk það betur. Svo er það bara þannig með mig að ég fæ aldrei fullt hús fyrir spurningu get aldrei svarað henni fullkomlega. Jæja þetta kemur allt í ljós.

Náunginn sem situr við hliðina á mér er líka að blogga, fyndið hvað ég er stundum feimin eitthvað við þetta. Finnst hálfhallærislegt að sitja hérna hlið við hlið að blogga. En oh well thats me.

Afsakið allar enskusletturnar sem komu hér í þessari færslu!

fallin.......

Próf!

Nálgast óðfluga í fyrsta prófið mitt þessa önnina, en próf í loftmyndatúlkun er í fyrramáli. Að sjálfsögðu er ég ekki búin að læra nóg vel né nógu mikið fyrir þetta próf. Var áðan að leysa smá hluta af gömlum prófum og þá aðallega reiknisdæmum. Fúlt að hafa reiknisdæmi sérstaklega þegar ég er ekkert búin að vera leggja áherslu á það og þurfa að muna jöfnur fyrir hitt og þetta eins og hvaða hraði er best að hafa á myndavél ef linsan er þetta breið o.s.frv. Ég sé fram á að vera lesa fram á nótt ef ég get. Er alveg búin að sjá það að ég er búin að tapa þessum próflestrarþrótti frá því á menntaskólaárunum. En þá gat ég sko lesið fram á nótt og sofið síðan 2 klukkutíma eða svo til þess að halda áfram að lesa. Í dag er þetta horfið, mig langar í flestum tilfellum að fara að sofa snemma og á erfitt með að vakna. Veit ekki hvort þetta sé aldurinn eða hvort ég sé ekki eins stressuð og í menntaskóla eða kannski eitthvað annað. Einhverjar tillögur? Þá er frjálst að skrifa þær í kommenið hér að neðan.

Pabbi!
Jæja ég fer bráðum að standa við hótun mína við hann pabba. En þannig er mál með vexti að við systurnar grínuðumst í honum á afmælinu (reyndar fékk hann þessa afmælisgjöf aðeins í seinna lagi) en við bjuggum til heimasíðu handa honum og nú er ég búin að afhenda honum heimasíðuna sem hann getur breytt að vild en hefur ekki enn gert. Þannig að pabbi þú verður að fara að gera eitthvað í heimasíðunni þinni því bráðlega fer ég að linka á hana eins og ég lofaði að ég mundi gera :-)

Reyndar hef ég verið smá treg við að linka á heimasíðuna hans því þar sýnir hvað ég var rosalega hugmyndasnauð þegar ég var að skrifa textann inn á hann. En hún var með góðum huga gerð og veit að pabba finnst gaman að svona gríni. Er það ekki annars!

Hvað ætti ég að gefa kallinum marga daga þangað til ég linka á hann. Einhverjar hugmyndir?

Tjáðu þig

VÁ!

Var að koma af mögnuðum tónleikum!

VÁVÁ, veit hreint ekki hvað ég á að segja. Sigur Rós var hreint út sagt frábær, sé sko ekki eftir því að hafa farið á þessa tónleika. Maður verður dolfallinn á tónleikum með þeim. Ég var pínku hrædd um að sætin okkar væru ekki nógu góð en við sátum á fyrsta bekk en það var frábært. Ég gat séð alla tónlistarmennina og fylgst vel með þeim. Fannst Jónsi alveg þjást rosalega þegar hann var að syngja, virðist taka alveg rosalega mikið á enda ekkert skrýtið heldur. Er enn í sæluvímu, reyndar svoldíð hungruð og þyrfti að fara að lesa en tónleikarnari slógu svo sannarlega á kvíðahnútinn :-)

Vond stelpa!
Upphitunin var ekki eins góð, var mikið að pæla af hverju þeir voru að hafa þennan náunga. Datt í hug að sálfræðin væri í því að láta áhorfendum leiðast alveg rosalega þannig að þeir (Sigur Rós) yrðu rosalegir sem þeir voru náttúrulega. Þetta hefur þá kannski virkað. En æj greyið náunginn, hann var bara ekki að virka. En mér finnst alveg hræðilegt að vera að segja svona ljótt um einhvern þannig að það jákvæði í endan er að hann var í flottum gallabuxum!

Strákarnir í Sigur Rós eru frábærir tónlistarmenn!

Magnað......

Hnútur í maganum!

Ég er með stóran hnút í maganum......... vona bara að Sigur rósar tónleikarnir slái aðeins á hann og félagsskapur góðra vina.

stress

Árni

Kíkið á Árna en hann var að koma með góðan punkt um fréttamanninn sem neitaði að taka viðtal við Jeremy klámmyndastjörnuna, aðallega það að hún var víst að fá einhverja viðurkenningu. Svo reyndar er hann þarna smá á hálum ís með því að virtist vera að setja út á kvenkynið........... hmmm...... Árni að passa sig núna hehehhe

Tónleikar

Fór á Nick Cave tónleikana í gær, ég get bara ekki orðum bundist en maðurinn er stórreykingamaður. Held að hann hafi nánast kveikst sér í sígarettu eftir hverju lagi. Þetta voru mjög fínir tónleikar en reyndar margt sem var að fara í pirrurnar á mér því miður. En Nick Cave var þó ekkert að fara í pirrurnar, stórskemmtilegt að fylgjast með honum og fiðluleikaranum. Það var stórskrýtinn náungi. Hann sneri baki við áhorfendur allan tímann og fór hamförum í tónlistarflutningi. Svo þegar hann var ekki að spila þá beygði hann sig í hnjánum og var eins og einn stór bolti á sviðinu. En það sem var að fara í pirrurnar á mér er að fólk var svo mikið að tala saman og tónlistin var ekkert að yfirgnæva það t.d. var þarna ein stelpa sem þurfti að deila þeirri skoðun sinni með okkur hinum að henni þætti allir svo alvarlegir og hvort þetta væru ekki tónleikar. Ég segi bara jú þetta voru tónleikar og við vorum þarna til að hlusta á Nick Cave en ekki hana urrrr......... einnig heyrðist út um allan sal bjórflöskur vera að detta. En þetta eyðilagði þó ekki tónleikana sama hvað þau reyndu hehehe
En kæruleysið heldur áfram hjá mér því ég er að fara á Sigur rósar tónleika á morgun, og hlakka ég mikið til þeirra. Á ekki von á því að fólk þar fari svona í pirrurnar á mér og fari að tala saman. Allavega vona ég það ekki.
Ég kemst ekkert áfram í lærdómnum, ég held ég virki bara líka í nokkra klukkutíma á dag og það er ekki snemma á morgnana né seint á kvöldin.

Sigur Rós

Laufabrauðsgerð

Það er komin hefð hjá mömmu og systrum hennar að hittast heima hjá mömmu í byrjun desember og gera laufabrauð. En þessi dagur var einmitt í gær, reyndar hef ég ekki komist undanfarin ár því að sjálfsögðu hef ég verið í prófum og því ekki gefið mér tíma. Hins vegar þá endar laufabrauðsgerðinni með því að borða saman og þær systur koma yfirleitt allar með einn rétt. Þá koma líka oft þeir sem hafa ekki tekið þátt í skurði yfir daginn eins og t.d. ég. Ég fór í gær og fékk mér gómsætan mat......... var mjög gott en reyndar var óvenju fátt núna og hef ég að ég held aldrei verið svona fámennt. Var víst mikið um veikindi. Allavega þá finnst mér mjög gaman af svona hefðum sem skapast. Ætli ég sé bara ekki gamaldags eftir allt saman :)

að vera eða vera ekki.......

Saumaklúbbur

Ég er ekkert voða hress, almennur leiði að gera vart við sig ásamt því að kvefið hefur ágerst. Hef þó eitt til að hlakka til en það er saumaklúbbur í kvöld. Gengur voða lítið með þessa ritgerð er stressuð en samt eitthvað voða kærulaus. Veit ekki hvað hefur gerst með mig þessa önn............

hvað.......

Sjálfsvorkun

Sjálfsvorkun er ekki af hinu góða, en búin að vera full sjálfsvorkunnar í allan dag, samt sem áður ekkert alvarlegum. Nema þegar ég er í svona ástandi þá á ég það til að vera voða „góð“ við sjálfan mig sem er þegar á botninn er hvolft ekkert voðalega gott. Ég er komin í kókið og nammið því ég á svo bágt..........ég held að ég fari stundum bara í sjálfsvorkun til þess að hafa afsökun til þess að fá kók og nammi.

kók&nammi&kók&nammi

Ég um mig frá mér til mín!

Var rétt áðan að taka ákvörðum um að fara ekki í vinnu í kvöld, er frekar slöpp, er kalt með mjög slæman hósta og seldi upp í morgun með hóstanum og fleiri skemmtileg heit. Finnst samt erfitt að sleppa vinnu því ég er ekki veik þannig að ég er alveg rúmliggjandi en taldi samt best að fara ekki. Á líka eftir að vinna heilmikið fyrir ritgerð sem ég þarf að fara að skila, vona bara að ég nái því.
Loksins búin að fara á James Bond myndina Die another day og var hann tekinn fram yfir Alias í gær. Þannig að nú er mér rórra og ég ætti að geta farið að snúa mér að mínu daglega amstri. Annars hafði ég mjög gaman af myndinni og að sjálfsögðu kemur Íslendingurinn fram í manni þegar minnst er á Ísland í henni. Fór samt pínku í pirrurnar sumt sem ekki átti við rök að styðjast en fannst frekar fyndið þegar tveir náungar sem ábyggilega áttu að vera Íslenskir töluðu þýsku.

Ég var búin að fjalla fyrr um að ég hefði gert óskalista á amazon.com en þar á lista er spil sem heitir the settlers og er borðspil, ég held ég hafi einu sinni eða tvisvar spilað þetta spil og fannst það stórskemmtilegt (að sjálfsögðu!) en ég er búin að rekast á það í bókatíðindum og búið er að setja það yfir á íslensku. Þannig að ég er ekki viss hvort ég ætti að koma þetta íslenska eða á ensku. Getið þið hjálpað mér? Gæti svo sem beðið um þetta í jólagjöf en þetta er bara svo dýrt, kostar um sex þúsund kall.

Jæja þá er það komið og snerist þessi færsla öll um mig, reyndar eins og flestar færlsunar gera. Hey einhvers staðar verð ég að fá útrás!

sem búin er að sjá James Bond

Hás

Röddin er ekki alveg upp á sitt besta núna og það er ekki alveg heppilegast í vinnunni minni. Samt sem áður gengur alveg ágætlega. Kannski segir fólk bara já svo það þurfi ekki að tala við mig meira ;-) eða það vorkennir mér svo rosalega með þessa rödd. Ótrúlegt hvað þetta getur verið misjafnt.

langar enn á James Bond

Týpískt

Ég er komin með eitthvað í hálsinn þannig að ég á ábyggilega eftir að vera hóstandi núna næstu daga. Þetta er alveg týpískt að þetta gerist í kringum prófin hjá mér. Ég man eiginlega ekki eftir próftímabilum í menntaskóla og grunnskóla öðruvísi en þannig að í prófunum sjálfum var ég hóstandi það mikið að mér var farið að líða illa yfir því og sannfærð um það að ég væri að trufla alla aðra þarna inni og ef einhver mundi falla gæti hann sakast við mig þar sem ég truflaði einbeitninguna í stofunni. Lítur út fyrir að þetta verði svona hjá mér fyrir þessi próf.
Mamma er búin að baka snúða og ég er komin með tvo poka af nýbökuðum kanelsnúðum. Þetta er að ég held það sem mamma bakar yfirleitt bara fyrir mig að sjálfsögðu fá hinir í fjölskyldunni líka snúða en þar sem þetta er uppáhaldið hjá mér þá er þetta fyrir mig, ekki satt!

Annars tókst mér að afreka það að þrífa hjá mér um helgina og var ekki vanþörf á, merkilegt hvað alls konar drasl getur safnast saman sem maður veit ekki hvað á að gera við en getur einhvern veginn ekki hent. Kannski vantar mér bara fleiri hirlsur til að safna drasli í, hver veit.

ein sem langar á James Bond