Þroskuð

Ekki eins þroskuð og ég hélt ég væri :)

17

I act like I'm 17.
This test was brought to you by Melissa - No, really.... Take it here.

og ég sem hélt það væri bara útlitið sem væri blekkjandi hjá mér.

öllum getur skjátlast :-)

Afmæli

Ellen systir á afmæli í dag. Af öllum þessum systkinafjölda sem við eigum þá hefur hún þann heiður að vera eina systir mín og sú sem er næst mér í aldri :) en til hamingju með afmælið Ellen mín. Vona að þú njótir dagsins. Hvað langar þér annars í afmælisgjöf?

Það er alveg hrikalegt en ég hef ekki kveikt á tölvunni í tvo daga, hugsið ykkur. Ég sem yfirleitt alltaf kíki að minnsta kosti einu sinni á dag á tölvupóstinn minn og stundum oftar.
Frekar leiðinlegt að hafa ekki einu sinni frí frá þessum leikskóla á laugardegi, reyndar voru það ekki leikskólakrakkar sem vöktu mig í morgun heldur var eitthvað verið að gera á leikskólanum þar sem hávært vinnutæki var við störf og spangólandi bæjarstarfsmenn. Ekki vinsælt.

Ég og Jens erum búin að taka út grillið en við grilluðum á þriðjudaginn í góða veðrinu og svo aftur á miðvikudeginum, á þriðjudeginum plötuðum við pabba með okkur í smá bíltúr til þess að sækja hjólið mitt en ég er búin að vera á leiðinni í heilt ár að ná í það en loksins varð eitthvað úr því. Í leiðinni fengum við lánað hjólið hans Birgis fyrir Jens svo hann gæti hjólað í vinnuna. Hann hefur reyndar komið mér mjög á óvart og hjólað :) En mikið er samt gott að hafa hjól til dæmis er ég fljótari út í búð núna á hjólinu heldur en labbandi. Tek bara bakpokann með til þess að geyma vörurnar í þegar ég hjóla tilbaka.

laugardagur til lukku

Frábært veður

Ef það hefur farið framhjá einhverjum þá var frábært veður í dag og þvílík synd að vera inni að vinna :( núna blótar maður því svona hálfpartinn að vera að vinna. En hins vegar var ég á smá flakki í dag, var að útrétta smá fyrir vinnuna þannig að það var fínt fyrir utan það hvað var ógeðslega heitt í bílnum.

sól sól skín á mig

Biðin endalausa

Hér með skora ég á Árna að fara að rita eitthvað á síðuna sína. Ég er orðin mjög óþolinmóð. Árni farðu að taka þessi mál föstum tökum :)
Einnig skora ég á Jens að fara að klára heimasíðuna sína og koma henni á netið en ég held að þetta verði alveg rosalega flott heimasíða hjá honum loksins þegar hún kemst fyrir almennings sjónir. Svo í lokin þá vil ég minnast á það að ég held að blogger henti líka honum Birgir vel :) og hann ætti að koma sér upp einum slíkum.

Áskorunum er lokið í bili

Allt svo gott

Eftir að hafa lesið textann um brúðkaupið þá er frekar fyndið því allt tókst svo mjög vel og var mjög gott. Mjög góður orðaforði hjá mér :)

batnandi manni er best að lifa

Helgin

Þá er þessi helgi liðin. Þar sem Jens fékk útborgað á föstudaginn þá hélt hann upp á það með því að eyða peningum :) hann semsagt var að verðlauna sjálfan sig fyrir mánuðinn með því að fara í Nexus og kaupa teiknimyndasögu, roleplay bók og einhver tímarit. Hann lánaði mér lika pening svo ég gæti „verðlaunað“ mig. Ég átti reynar innleggsnótu í Mál og menningu síðan árið 2000 (maður þarf að vanda valið vel) og eyddi ég henni í íslenska fuglavísinn. En bókin eins og nafnið segir til um er um íslenska fugla en ég þarf væntanlega eitthvað að vita um þá áður en ég fer að vinna sem landvörður.

Á laugardagsmorgunin vorum við svo dugleg að vakna klukkan hálf níu en við vorum búin að fá tilkynningu um að það ætti að vera vorhreingerning í húsinu og ákváðum að gera okkar hlut. Þegar við komum fyrir framan íbúðina sem átti að hittast þá voru þau þegar byrjuð. Reyndar vorum við ekki mörg eða aðeins sex og það eru um 22 íbúðir í húsin ef ég hef talið rétt. Mismunandi hvort það eru par-, einstaklingsíbúðir eða tvíbýli. Þannig að þetta var einstaklega léleg mæting. Það var búið að segja okkur að þetta væri frá níu um morguninn til þrjú um daginn. Ég lenti í því skemmtilega að smúla veggina og hurðirnar og fyrir vikið var ég rennandi blaut. Hins vegar þá vorum við ekki lengi að þessu þótt við værum aðeins sex. Því öllu var lokið um hálf ellefu leytið nema við höfum gleymt einhverju.

Eftir smá hvíld eftir þrifin þá var komin tími til að klæða sig upp því við vorum á leið í brúkaup hjá Bellu og Óskari. Þetta var mjög fallegt brúðkaup og reyndar kom svoldið fyndið fyrir í kirkjunni þar sem gestir og brúðurin hlógu því brúðgumanum tókst ekki að setja hringin á hana Bellu svo hún tók bara málið í sínar hendur og hjálpaði til. Eftir kirkju var síðan haldið í veisluna sem tókst vel til og Sigga vinkona stóð sig vel sem veislustjóri. Bella söng líka lag til Óskars sem var mjög gott. Við vinkonurnar vorum líka búnar að ákveða að hafa brúðkaupsleik þar sem spurt er út í hlutverkið innan hjónabandsins og það tókst einnig mjög vel. Sagan sem Aldís og Sólrún voru búnar að búa til var mjög góð.

Þar sem allt þetta brúðkaupsstand var búið frekar snemma þá ákváðum við Jens að skella okkur í bíó og sáum Residental Evil, sem var bara ágætis afþreying samt spurning hvort þetta hafi verið afþreying þar sem við vorum á nálum allan tímann. Ég er farin að þola svona spennu mjög illa og er alltaf mjög „tense“ en það fyndna er að Jens er ekkert betri.

Sunnudagurinn fór síðan í ekki neitt. Við reyndar ákváðum að nota bílinn meðan við höfðum hann enn og skelltum okkur í bónus og loksins þurfti ég ekki að fara ein. Eftir það keyrði ég Jens upp í Breiðholt þar sem hann fór að spila og ég fór til ömmu gömlu í heimsókn.

svo er bara að halda áfram að vinna

Táningur

Nú vil ég spyrja lesendur hvort þeir hafi heyrt orðið táningur og geta sagt hvað það þýðir. Einnig hvort þeim finnist að táningur og unglingur sé það sama. Endilega svarið mér annað hvort með því að senda tölvupóst eða skilja eftir skilaboð í gestabókinni. Mjög mikilvægt að fá einhver svör.

Annars var ég að fá mitt fyrsta private í gestabókina :) mjög spennandi og loksins eitthvað sem ég get lesið. Lítur út fyrir að ég sé sennilegast að fá meiri vinnu, fór í atvinnuviðtal í dag og sá sem ég talað við var mjög jákvæður en þetta er einungis hlutavinna, ekki mjög spennandi en....... vil ekki segja meira fyrr en það er komið á hreint.

1 dagur í brúðkaup hjá Bellu og Óskari

Þreytt

Ekki laust við að maður sér þreyttur eftir vinnudaginn enda kannski ekkert sniðugasti tíminn sem ég fór að sofa í gærkveldi. Allavega við vorum svo dugleg að skella okkur í sund í Suðurbæjarlauginní í Hafnarfirði áður en við fórum í mat til mömmu. Ég fékk þær fréttir í gærkveldi að Númi Steinn litli litli bróðir sé byrjaður að ganga og gerðist sá viðburður um helgina. Reyndar frekar fyndið að sjá hann ganga en æfingin skapar meistarann.

Ég er líka búin að komast að því að það er ekkert sniðugt fyrir okkur að hafa bíl því þá verðum við svo löt og nennum ekki að elda. Þannig að það er farið „auðveldustu“ en jafnframt dýrari leiðina í að nærast. Jamm þú hefur eflaust giskað rétt, við förum á næsta skyndibitastað. Seinasti vinnudagurinn hans Jens á morgun og þá kannski verður hægt að elda aftur.

2 dagar i brúðkaup hjá Bellu og Óskari

Vinnulýður

Það lítur út fyrir það að ég sé barasta komin með vinnu en að vísu með þeim fyrirvara að ef ekkert sé að gera þá sé ég send heim. Það er sko betra en ekkert og finnst mjög gott að þurfa ekki að „lifa“ á Jens í júnímánuði.

Annars hlakka ég bara mjög mikið til júlímánaðar. Ég er enn að bíða eftir seinustu einkunn minni og það eru komnar 3 vikur síðan prófið var........ grr........ þoli þetta ekki.

3 dagar í brúðkaup hjá Bellu og Óskari

Gemsar

Horfðum á þessa mynd í gærkveldi og mikið rosalega er ég fegin því að við fórum ekki á þessa mynd í bíó. Mér finnst þetta frekar þunnur þréttandi, ég var eiginlega að bíða allan tímann að myndin mundi hefjast. Það voru þarna alveg áhugaverðar persónur og Jens var alveg sannfærður að það hefði verið hægt að gera meira úr myndinni. Annars vil ég bara segja það að Jens er stundum alveg rosalegur tuðari. Hann tuðaði þvílíkt um vekjaraklukkuna í gær.

Alvöru survivor þáttur í gær, bara lýsa ánægju minni yfir því að geta horft á alvöru survivor þátt og er alveg ágætlega sátt við gang mála þar. Finnst reyndar Sean að verða skemmtilegri núna en hann var fyrst. Skemmtilegur húmor sem hann kemur stundum með.

Vil líka benda á að niðurtalning er hafin í brúðkaup Bellu og Óskars.

4 dagar í brúðkaup hjá Bellu og Óskari

Vantar meira kjöt á beinin

Ég er ekki að tala um mig heldur greinina mína en það virðist vera samdóma álit þeirra sem hafa lesið. Þannig að þá er bara að reyna að bæta einhverju djúsí við, er þaggi? pfff....... upphefst þá kapphlaupið mikla.

enn 5 dagar í brúðkaup hjá Bellu og Óskari

Hnútur í maganum

Jamm ég er með hnút í maganum. Nú gætur einhverjir spurt sig nú hvers vegna þar sem prófin eru búin, sumarið svo að segja komið og ekkert ætti að blasa við nema tóm hamingja. En nei, ég var að skrifa grein og er bara með hnút í maganum yfir henni. Hef ekki áður skrifað svona þvílíkt og líður bara hreint ekki vel yfir því. Búin að vera að senda greinina til nokkra aðila til þess að lesa yfir og kommenta á hana. Verð bara að bíta á jaxlinn og harka þetta af mér.

Annars var Sigur rós og Hrafna Galdur frábær á föstudagskvöldið. Magnað að hlusta á þetta, hefði reyndar viljað sjá betur en tónlistin var náttúrulega fyrir öllu. Samt fyndið að kallinn sem sat fyrir aftan okkur hrópaði eftir að tónleikarnir voru búnir aftur frá byrjun. Ég hefði alveg viljað fá smá meira. Þetta er líka búin að vera einstaklega dýr helgi hjá okkur Jens, aðallega þó hjá Jens þar sem hann borgaði svona fyrir flest allt þessa helgi sökum blankheita og vinnuleysis hjá mér.

5 dagar í brúðkaup hjá Bellu og Óskari

Adam á afmæli í dag!

Litli stóri bróðir minn á afmæli í dag, jamm hann Adam bróðir er 14 ára í dag. En hann er þess heiðurs aðnjótandi að vera elsti litli bróðir minn :) Til hamingju með afmæli Adam minn.

Helgin að verða lokið og búið að vera mikið að gera um helgina. Var að vinna á föstudag og laugardag. Síðan í dag er ég búin að vera á skyndihjálparnámskeiði í allan dag. Það byrjaði reyndar ekki vel því þegar ég kom um níuleytið þá beið allt fólkið fyrir utan því við vorum læst úti. Þegar var búið að hringja nokkur símtöl og redda manni til þess að opna fyrir okkur þá byrjuðum við námskeiðið bara úti á plani. Það var mjög fínt þar sem veðrið var frábært. Reyndar pínku svekkt yfir því að eyða heilum góðum sunnudegi inni á námskeiði. Reyndar er alltaf gott að rifja upp skyndihjálpina en......... á meðan var Jens í sundi og svona.

skrifa skrifa skrifa......

Þúsund þakkir

Það borgaði sig að auglýsa eftir aðstoð við að laga vinstri dálkinn hér á síðunni. Fékk sendan tölvupóst þar sem mér var bent á síðu þar sem ég fékk upplýsingar til þess að láta íslensku stafina koma. Þakka ég sá sem sendi mér upplýsingarnar alveg kærlega fyrir. Kann ekki við að nefna aðilann hér þar sem ég veit ekki hvernig sá aðili mundi taka því :)

í skýjunum

Sigur rós

Ég og Jens erum að fara á tónleikana með Sigur rós á morgun, Hrafna galdur. Hlakka ég mikið til. Mér finnst þetta alveg stór góð hljómsveit, við fórum á tónleika með þeim þegar stúdentaráð að ég held bauð háskólanemum á tónleika með þeim á 80 krónur. Vá fyrir utan tónlistina þá var þetta líka svo flott og eitthvað svo dulmagnað. Ég hét mér því að reyna að komast á næstu tónleika sem þeir mundu hafa. Ég var meira segja orðin svo örvæntingafull um tíma að ég var farin að leita á netinu eftir tónleikum sem þeir voru að halda víðsvegar um heiminn. Ég hefði sko alveg verið til í að fara eitthvert út á tónleika með þeim. Ekki það að mér langar náttúrulega alltaf eitthvert út :)

Helgin
Virðist vera alveg þéttskipuð hjá mér. Fer á tónleikana á föstudaginn, svo á laugardaginn var Sigga að bjóða okkur stelpunum heim til sín í kökur þar sem systir hennar er að útskrifast. Einnig er systir hans Jens búin að bjóða okkur í partý um kvöldið svona Eurovision/kosningapartý. Það er samt spurning hvort við förum í það því getur verið að Jens fari í ferðalag með buslurum þar sem sárvantar leiðbeinendur. Ég kemst því miður ekki með þar sem ég þarf að mæta á skyndihjálparnámskeið á sunnudaginn frá 9-17 takk fyrir hjá Náttúruvernd ríkisins.

skyndihjálp...

Afmæli

Næstum því búin að gleyma að óska Gulla frænda til hamingju með afmælið :) Til hamingju Gulli með árin 32.

Star Wars

Ég fór á Star Wars í gærkvöldi með Jens og vini hans og hafði bara mjög gaman af. Ég ætla eiginlega ekkert meir að tala um myndina svo ég skemmi ekki fyrir einhverjum sem eiga eftir að sjá hana. En ég verð þó að tala um kjólana og fötin sem senator Amidala eða Padmé var í, þvílíkir ævintýrakjólar. Ég fór að hugsa um aftur þegar ég sá star wars myndirnar og fötin sem princess Leia var í voru þvílíkt flottir. Ekki það að ég sé mikil kjólakona en þetta var svo ævintýralegt :)

Bloggerinn er að gera mig gráhærða ef ég sé ekki orðin það fyrir. Núna fyrst kemur færslan sem ég setti í gær þótt ég hafi póstað henni í gær og svo eru stafirnir farnir allir í rugl aftur. Eins og þetta var flott.

Njótið dagsins

Eitthvað meira en litið undarlegt er á seyði hérna. Núna eru stafirnir allir komnir í rugl aftur, ég vissi að ég hefði átt að láta þetta alveg vera. Svo kemur ekki bloggið sem ég var að skrifa rétt áðan.

Sjáum hvað gerist núna.

Auglýsing

Auglýsi hér með eftir einhverjum sem getur farið með mig út að ganga. Ég er í engu formi og hugsa að ég þurfi að vera í einhverju áður en ég byrja að vinna sem landvörður. Ég fór í smá göngutúr áðan um bæinn og er næstum því dauð eftir þann göngutúrinn. En ég er líka búin að komast að því að heppnin fylgir mér ekki í dag. Allavega ég fór í bæinn til þess að ná í skattkortið hans Jens niður á skrifstofur Landspitalans. Þegar því var lokið þá ákvað ég að prófa að kíkja á ömmu gömlu þar sem ég var svo nálægt við heimili hennar. Nei nei hún var þá ekki heima, ábyggilega einhversstaðar úti að spila. Þannig að ég ákvað að labba niður í Eymundsson til þess að kíkja á fuglabækur og komst að þvi að nákvæmlega sömu bækur eru til í Mál og menningu. Ég á nefnilega innleggsnótu í Mál og menningu og því ákvað ég að ganga þangað til þess að kaupa mér íslenska fuglavísinn. Þegar ég kom í Mál og menningu þá var bókin ekki til :( einstök heppni. Á laugardaginn var ég í Mál og menningu og þá var bara ein bók í hillunni en ég ákvað að bíða aðeins með að kaupa bókina því mig minnti að það væri líka til önnur fuglabók sem væri betri en ég hugsa að ég hafi haft rangt fyrir mér. Allavega eftir þetta þá ákvað ég að ganga upp á Hlemm til þess að athuga hvort pabbi eða litla systir væri að vinna. En nei nei gat ekki séð að hvorugt hafi verið að vinna. Þannig að ég hélt þá aftur niður laugaveginn og ákvað að sækja skattkortið mitt. Mér til mikillar yndisánægju þá var starfsmannadeildin lokuð þegar ég kom á staðinn. Þannig að ég fæ að fara aftur í göngutúr niður í bæ.

Linda formlausa

Undarlegt á seyði

Stafirnir eru komnir í lag á vinstri hlið síðunnar minnar og ég gerði ekki neitt, þetta er eitthvað undarlegt........ hvað er að gerast? Ekki það að ég sé ekki ánægð en þetta er hið undarlegasta mál.

Linda stórgáttuð

Litla systir

Haldið að það sé nú, litla systir farin að rífa kjaft við mig í gestabókinni minni og segir síðan að henni finnist fyndið að stóra systir sín sé farin að blogga, hva er ég of gömul ertu að segja það? Nei annars er hún nú vænsta skinn og var ábyggilega pínku sár að ég lét hana ekki vita, annars hélt ég að hún væri yfirleitt ekki mikið á netinu að minnsta kosti er ég aldrei að fá tölvupóst frá henni.

Svo held ég barasta að ég sé að falla í húsmóðurhlutverkið aftur :( því verr og miður. Reyndar þarf ég lika að gerast rithöfundur en ég er alveg búin að sjá það að ég mundi ekki hafa agan í það að gerast rithöfundur ef ég ætlaði að vinna heima.

ekki hanga í tölvunni

Vargur fyrstur með fréttirnar

Afmælisgjafirnar eru farnar að streyma inn í hús. Arndís og Árni voru í mat hjá okkur og færðu Jens þennan dýrindis konfektkassa, stundum mundi ég vilja að ég borðaði konfekt svo mikið súkkulaði :). Einnig kom mamma við með afmælisgjöf til Jens.

Hvað varð um Boston Public? Enginn Boston Public þáttur og var heldur ekki seinasta þriðjudag, hvað er að gerast! Núna er eitthvað sem ég hef ekki hugmynd um hvað er, en er ekki Beðmál í borginni á eftir??

Linda sjónvarpssjúklingurinn

Hjálp

Það hafa margir kíkt á síðuna mína í dag :) fjöldi heimsókna rokið upp úr öllu valdi en enn hefur enginn þorað að skrifa í gestabókina mína :( því miður. Allavega þá þarfnast ég smá hjálpar hér. Því eins og sést þá á vinstri dálkurinn erfitt með að skilja eða sýna íslenska stafi og þeir sem hafa einhverja hugmynd um hvernig má laga þetta þá er öll aðstoð vel þegin og netfangið mitt er eins og sjá má hér til vinstri vargur@hotmail.com.

jæja ég ætla að reyna að fara að gera eitthvað af viti :)

hafið það gott í dag

Hugrekki

Ákvað að vera hugrökk og láta fleiri vita af síðunni minni. Spurning hvernig fólk tekur þessu :) oh well. Láta á þetta reyna. Ef þú ert að kíkja á síðuna mína endilega skrifaðu í gestabókina mína en hún heitir talaðu við Varg með pínku skrítnum stöfum :)

bíta á jaxlinn

Andlaus og vitlaus

Á einhvern frábæran hátt tókst mér að eyða út færslunni sem ég var að skrifa, þar sem ég sagði einmitt að ég nennti ekki að skrifa. En þar sem ég vil ekki valda lesendum mínum vonbriðgðum þá........ muhahaa!
Helgin var mjög fin, mest lítið gert og mikið borðað. Eðalhelgi, það var meira segja slegið upp stuttu harmonikkuballi á laugardagskvöldið en það varði stutt vegna „tæknilegra“ örðuleika :)
Á afmælisdaginn hans Jens þá vildi hann mest lítið gera eftir að við komum heim. Langaði ekki í neinn fínan mat enda líka búin að vera borða grillmat alla helgina þannig að honum langaði í eitthvað létt þannig að subway varð fyrir valinu og bragðarefur í forrét og eftirrétt. Svo langaði honum til að spila. Surprise surprise. Þannig að hann bauð strákunum hingað heim og þeir voru að spila. Ég hinsvegar glápti á survivor sem ég varð þvílíkt fyrir vonbrigðum með þennan þátt. En þetta var svona upprifjunarþáttur hvað er búið að gerast og þannig. Engin spenna ekkert gaman. Svo var ég að lesa og dotta yfir sjónvarpinu það sem eftir var kvöldsins.

vona að þetta takist núna

Jens á afmæli

Til hamingju með afmælið Jens minn :) jamm hann er 25 ára strákurinn í dag. Við erum búin að vera í sumarbústað um helgina.

hann á afmæli í dag....... hann á afmæli í dag..........

klikk
Síðasta færsla ætlaði að koma tvisvar fram, vonandi hef ég komið í veg fyrir það með því að bulla meir hérna :)

klikk klikk

spurning

Spurning hvort ég verði nógu hugrökk og láti fleiri vita af veifleiðaradagbókinni minni. Enn sem komið er vita ekki mjög margir af henni. Ætti kannski að láta ættingja og fleiri vini vita af henni eða ekki. Er ekki viss. Erfið ákvörðun. Á líka eftir að laga hana því vinstri dálkurinn er í tómu klúðri og á eftir að laga hann. Ef ég bara kynni...... kannski ég bíði aðeins með að láta fleiri vita af henni.

huglausa Linda

Húsmóðurhlutverkinu hent til hliðar

Já lesandi góður þú last rétt, húsmóðurhlutverkinu hefur verið hent til hliðar en spurning hvort það sé ekki bara mjög tímabundið. Málið er að á fimmtudaginn hringdi ég til manns frænku minnar en hann er eigandi bókbands hér í bæ (um að gera að nota samböndin) til að spurja hann um vinnu. Ég var að vinna hjá honum fyrir öll jól þegar ég var í framhaldsskóla. Hann reyndar gat ekki lofað mér neinu en honum vantaði agalega mikið manneskju akkúrat núna. Þannig að ég var að vinna á fimmtudaginn og föstudaginn hjá honum spurning bara hvort ég fari á þriðjudaginn. En allavega þá er ég enn í atvinnuleyt fyrir júnímánuð.

pizzugerð
Þrátt fyrir að húsmóðurhlutverkinu hafi verið hent til hliðar var ég samt sem áður svo myndarlega að ég gerði pizzu handa okku í kvöldmatinn í gærkveldi. En ég er agalega montin þessa dagana að geta gert það. Ég hef nefnilega aldrei haft neina trú á mér í bakstri og heldur ekki áhugan til þess þannig að mér finnst þetta reyndar rosalegt sport að geta gert þetta :)

Minni á að Jens á afmæli á mánudaginn, hann verður 25 ára strákurinn :)

Fimmtudagurinn
Birgir hringdi í mig á fimmtudaginn þegar ég var á leiðinni heim úr vinnunni sem er svo sem ekki frásögu færandi en málið er að hann var eitthvað rosalega leyndardómsfullur. Hann sagði mér að hann ætlaði að koma í heimsókn til mín og sýna mér eitthvað. Reyndar sagði hann einnig að ég ætti að koma út þegar hann kæmi. Ég reyndar pældi ekki mikið í því, datt reyndar í hug að hann væri kannski á einhverjum nýjum bíl og einnig datt mér í hug að hann hefði látið breyta bílnum en fannst það ótrúlegt þar sem hann er á móti slíkum breytingum. Allavega hann kom og ég fór út, og það sem hann sýndi mér (reyndar tók ég strax eftir því og hann þurfti ekki að benda mér á það) var breyting á bílnum en reyndar mér hafði ekki dottið þetta í hug. Reyndar þótt hann hafi lengi lengi vel talað um að honum langaði í þetta á bílinn sinn. Ertu orðin spenn/ur að vita hvað þetta er?
Hann fékk sér topplúgu á Löduna sína, mér finnst það geðveikt fyndið. Það reyndar kemur vel út og kemur sér ábyggilega vel í sumar þar sem að bíllinn er alltaf svo heitur, nefnilega þetta er lada og ekki með góða loftkælingu ;)
Svo va Birgir líka svo góður að hann bauð mér með í bíó á forsýningu Ali G þar sem hann hafði unnið miðana á undirtónum :) þetta var ágætismynd en ég hefði aldrei farið á hana í bíó og borgað 800 kr til að sjá hana. Til hamingju með topplúguna á bílnum Birgir.

Jens verður 25 á mánudaginn

Gleymdist

Ég er búin að setja upp gestabók sem heitir tjáðu þig við Varg en íslensku stafirnir koma ekki fram, þarf reyndar aðeins að breyta henni finnst hún ekki nægilega flott.

tjáðu þig

Frábært veður

Í gær var frábært veður og mér sýnist það vera líka í dag. Ég meira segja fór út úr húsi í gær en eyddi reyndar deginum í því að fara í bónus til að kaupa inn og svona. Það er ekki gaman að fara einn í Bónus alveg búin að fatta það. Reyndar held ég að Jóhannes í Bónus hafi sjáflur verið á svæðinu þegar ég var þar.
Ég er svo dugleg að ég er ekki búin að snúa sólarhringnum við enda fer ég líka alltaf með Jens að sofa á kvöldin þar sem hann þarf að vakna snemma til vinnu, ætli það sé ekki bara ágæt því ég hef ekkert að gera á nóttunni.

mig vantar vinnu......

Símhringing
ha ha ha!
Fékk simhringingu í gær þar sem ég var spurðu um bloggerinn, hvort ný uppfærsla væri ekki á leiðinni :) Meðan ég var að tala í símann þá uppfærði ég bloggerinn minn þar sem ég var búin að skrifa textann en lenti í vandræðum í gær með að setja hann inn. En þá var ég skömmuð fyrir það að segja hver hafði verið rekin út í survivor. Hér með biðst ég innilegrar afsökunar á þessu og næst skal ég hafa viðvörun. En allavega var gaman að símtalinu :)

Njótið dagsins

Bs ritgerðin

Stór ákvörðun hefur verið tekin, en ég ætla að fresta ritgerðinni minni og því mun ég væntanlega ekki útskrifast fyrr en í október ef allt gengur að óskum. Þetta var rosalega erfið ákvörðun en það tókst á endanum og ég er alveg ágætlega sátt við þetta.

Húsmóðurhlutverkið
Sagan af húsmóður í vesturbænum heldur áfram.
Ég tók mig til og byrjaði að þrífa hérna á mánudaginn og þvílíkt og annað eins. Merkilegt hvað alltaf er mikið drasl út um allt og skítugt eftir að maður er búin í prófum en sökum þess að ég fór í Blóðbankan á mánudaginn með henni Siggu þá kláraði ég ekki að þrífa. En ég var mjög dugleg þó þegar ég kom heim úr Blóðbankanum því ég eldaði í fyrsta skipti fisk (ekki hlæja að mér). Mitt áhugasvið liggur ekki á matseldinni þannig að þá er kannski ekki skrýtið að ég hafi ekki eldað fisk. Enda er fiskur víst orðinn svo dýr núna.
En allavega þá kláraði ég að þrífa á þriðjudeginum þannig að nú get ég boðið mömmu og strákunum í mat í kvöld án þess að skammast mín neitt mikið yfir rusli. En alveg ótrúlegt hvað manni líður oft vel yfir því að vera búin að þrífa þá er svo gott að vera heima :) jafnvel þótt ég hafi verið með einhvern leiðindahausverk í gær.

skúra, skrúbba.....

Ég held ég ætti að hætta að fikta í síðunni núna, virkar ekki það sem ég er að reyna að gera. Búin að týna blogger takkanum og alles.

Survivor

Loksins var gert eitthvað af viti í þessum þætti og hann John kosinn út, það er ótrúlegt hvernig og hverjir hafa alltaf verið kosnir út í þessum þáttum hingað til. Þessi leikur sem þau fóru líka í þar sem vinningurinn var friðhelgin var líka nokkuð magnaður og opnaði augun hjá nokkrum.

Gæsun
Það tókst mjög vel til að gæsa Bellu. Stuttu eftir að ég var búin í prófinu mínu þá fór ég út á Reykjavíkurflugvöll því við vorum búnar að ákveða að hittast þar, en stelpurnar þá voru búnar að ræna Bellu úr vinnunni fara með hana í Mecca Spa í nudd og pottinn. Eftir að því lauk þá héldu þær í Heiðmörk í ratleik þar sem Bella átti að leysa hinar ýmsu þrautir. Í verðlaun fékk hún síðan skot þannig að þær allar voru svona léttar á því þegar þær loks komu út á flugvöll. Út á flugvelli var ég búin að tala við mann þar til að biðja hann um að kalla Bellu upp og gæsahópinn þegar þær kæmu. Hann tók vel í það og því þegar þær komu þá var Bella kölluð upp ásamt okkur og sagt að við værum að fara í útsýnisflug til Grænlands. Þegar við komum síðan að upplýsingaborðinu var Bellu afhent umslag. En þar var miði sem stóð á að þetta væri bara djók og hún átti að fara upp í bíl aftur. Þannig að út í bíl héldum við.

Þá var kominn tími til að skipta um bílstjóra, Linda sambýliskona hans pabba hafði verið að keyra þær út um allt fyrr um daginn en við fengum bílinn hans pabba lánaðan svo við gætum allar verið saman í bíl. Þannig að við héldum upp í Breiðholt til að skila Lindu og ég tók síðan við akstrinum. En þá héldum við áleiðis út úr bænum, fyrsta stopp var Litla Kaffistofan þar sem við skildum Bellu eina eftir í sma tíma svo hún gæti nú skrifað niður hugleiðingar sínar og pælt í því hvað hún væri nú að fara að gera :) en hún átti að rita niður hvar hún sæi sig eftir 30 ár.
Síðan ókum við sem leið lá og reyndum að rugla Bellu smá í ríminu og plata hana upp úr skónum með því að fara nokkra hringi í hringtorginu við Hveragerði og fara til Selfoss og snúa svo aftur við. En við enduðum síðan í sumarbústaði í Vaðnesi en Sigga og Aldís höfðu farið þangað kvöldið áður til þess að skreyta með blöðrum og búa um og hafa þetta huggulegt sem var mjög svo notarlegt.
Eftir að við komum í sumarbústaðinn þá var byrjað að huga að grillinu og pottinum. Við fengum líka þennan æðislega mat, grillpinna með kjöti og grænmeti á en kjötið var búið að liggja í mareneringu í þrjá daga. Þetta var þvílíkt lostæti. Eftir matinn voru allir tiltölulega þreyttir en við höfðum það þó af að skella okkur í pottinn þar sem við höfðum það mjög gott og fengum kampavín til þess að skála fyrir Bellu. Þegar við vorum komnar upp úr pottinum þá breyttist þetta eiginlega í náttfatapartý og var þetta bara mjög kósý, var ekki mikið um drykkju enda flestar þreyttar eftir hamagang dagsins.

sunnudagurinn
Ótrúlegt en við vorum vaknaðar klukkan hálftíu á sunnudagsmorgun og um tíuleytið voru flestar stelpurnar að fá sér afgang af matnum síðan kvöldið áður. Þannig að morgunmaturinn saman stóð af kjóti og sósu. Síðan þegar við vorum búnar að liggja á meltunni í smá stund þá var skellt sér aftur í pottinn og deginum bara tekið rólega með hvítvín í hönd sem var mjög fínt. Það var mjög góð tilfinning að geta bara slappað af og ekki gert neitt og ekki hafa samviskubit yfir því að eiga að vera að læra.
Þegar við vorum búnar að ganga frá og lagðar af stað í áttina heim þá komum við fyrst við á pizza 67 í Hveragerði þar sem við fengum okkur smá næringu og síðan stuttur göngutúr í Eden. Síðan tók við keyrslan heim og öllum skilað aftur til síns heima :)
Þetta var mjög góð helgi og lukkaðist mjög vel.

Gæsapartý!

Loksins get ég upplýst hvað ég er að fara að gera eftir prófið sem ég var að ljúka. En við erum að fara að gæsa Bellu vinkonu, þvílíkur spenningur í gangi. Segi meira frá því síðar :)
Þarf að rjúka

Ég er farin og hef gaman af

Frábært veður!

Gæti ekki verið betra veður en fyrir það sem gerist í dag. Frábært!

illa drukkin...... inn í skógi......hvar er tjaldið...... vonandi skemtir þú þér vel!

Leti

Ég er ekki að lesa og ætti svo að vera að lesa. Þessar stefnur, straumar og allir þessir kallar sem þurfa að muna einungis um 3 konur eða svo. Ég sem meira segja „sendi“ Jens að spila, ekki það að hann þurfi yfirleitt mikla hvatningu við. Veit ekki hvað ég að gera við mig. Kannski er þetta eitthvað svona dult dæmi að ekki ná að fara yfir allt efnið því einhverja afsökun verð ég að hafa fyrir því að fá ekki betri einkunn........ eða hvað!

varist gæsaflug......

Vorblíða í próflestri

Ég verð nú bara að segja það að mér finnst ekki hafa verið þessi bongó blíða undanfarna daga sem ég hef verið að lesa undir próf. Það finnst mér nefnilega yfirleitt alltaf einkenna próflestur að veðrið úti hefur verið alveg þvílíkt gott en ég hef ekki fundið fyrir því. Það eina sem hefur virkilega pirrað mig stundum undanfarna daga í próflestri eru krakkarnir á leikskólanum. Ótrúlegt að þau öskri bara til þess eins að öskra. Stundum eru fóstrurnar ekkert betri og eru að öskra líka. Það er sko ekkert sældarlíf að búa við hliðina á leikskóla.

Jens var himinlifandi yfir Star Wars í gær, tjáði mér það að hann mundi sko koma með mér þegar ég færi að sjá hana, þá hef ég að minnsta kosti bíófélaga :) vona bara að hann bjóði mér.

halda áfram að lesa.......

Ein ég sit heima

Jamm ég sit ein heima og ætti að vera að lesa undir próf núna en er í smá pásu núna sem kannski er búin að standa full lengi yfir. Allavega þá er Jens að fara á Star Wars forsýningu í kvöld....... buuhuu og ég sit heima og les undir próf. Haldið að það sé nú. Reyndar er þetta svona feðgadæmi, Jens er að fara með pabba sínum og bróður í bíó.

Lesturinn hefur gengið aðeins betur í dag heldur en í gær, reyndar ekki enn búin með lágmark lesskammtinn en ég ætla að hafa þetta. Virðist þó vera að ég verð að lesa eitthvað langt fram á kvöld. Prófið er síðan 11.maí og er síðasta prófið mitt jíibbíi allavega þangað til í desember ;) En ég hlakka til laugardagsins og liggur þar fleira á bakvið heldur en próflok ;)

lesa lesa lesa

Einbeitningaskortur

Ég þjáðist af miklum einbeitningaskorti í gær sem gerði það að verkum að ég las afskaplega lítið og það sem ég las man ég ekki svo vel eftir. Ég kannski tók mig ekki sterkum tökum í sambandi við lærdóminn en hugurinn var hinsvegar á fullu en í allt öðrum málefnum. Ég var mikið að hugsa um hvað ég ætti að gera í sambandi við Bs verkefnið mitt en er bæði og komin á niðurstöðu sem ég geri en það er samt alltof erfitt að taka afgerandi afstöðu. Ef ég ákveð að fresta Bs ritgerðinni minni þá upplifi ég það pínku eins og ég hafi gefist upp og mér líkar það engan veginn. En ef ég held áfram með ritgerðina og stefni á að klára hana þannig að ég muni útskrifast í júní þá er ég samt sem áður hrædd um að þetta verði ekki alveg nógu vandað verk og framsetning á kortinu verði ekki alveg jafn góð og skemmtileg eins og það gæti verið. Það segir sig sjálft hvað ég eigi að gera en....... það er svo erfitt!
Eða þá að ég er að gera þetta svona erfitt fyrir sjálfri mér.

Í önnur mál þá var ég að skoða heimasíðuna hans Árna en hann er búin að setja upp nýja könnun og hún er snilld, hvet þig til þess að fara og kjósa um það hvort hann eigi að byrja að blogga eða ekki.

að vera eða vera ekki

Taktu þátt í spurningakönnun, ég var að reyna að setja þetta hérna til hliðar en íslensku stafirnir eru í einhverju fokki :( og ég nenni ekki að reyna að finna út úr því núna enda ætti ég líka að fara að hunskast til þess að lesa eitthvað.

taktu þátt

Mjálm

Hvernig fílar þú mjálmið mitt? Frábært! Ágætis afþreying Veit ekki mætti vera skemmtilegra hundleiðinlegt Current Results

Erfið ákvörðun!

Núna stend ég frammi fyrir erfiðri ákvörðun í sambandi við Bs ritgerðina mína. Annarsvegar að fara á fullt að skrifa þegar ég er búin í prófum og skila henni þannig að ég nái að útskrifast í júní eða þá að bíða með það þangað til í haust og hafa vettvangsvinnuna veglegri og vinna að henni í sumar. Skynsemin að hluta til segir mér að bíða með hana og vinna að henni í sumar enda vil ég líka gera þessa ritgerð góða en svo er líka annað að ef ég klára ekki núna þá eigi þetta eftir að dragast og lendi í vandræðum með LÍN og svona....... hefur þú einhverja ráðleggingu handa mér? Allar uppástungur vel þegnar :)

Gærdagurinn
Setti mér takmark í gær hvað ég ætlaði að lesa mikið og það tókst áður en Jens kom heim :) annars er ég farin að fíla mig eins og húsmóðir þessa dagana og það er ekki góð tilfinning. (NB! Ég hef ekkert á móti húsmæðrum) Af hverju? Jú vegna þess að Jens er farinn að vinna núna og vinnur langan vinnudag og þess vegna hefur það núna síðustu daga ég ein sem hef tekið ákvörðun um hvað eigi að hafa í kvöldmat og verið byrjuð að elda þegar hann kemur úr vinnunni. Svo fór ég líka ein út í Bónus um daginn og þvílíkur hryllingur.
En eftir kvöldmat í gær var ég líka þrældugleg en reyndar ekki við lesturinn. Vinur hans Jens var að flytja og ég ákvað að fara yfir og hjálpa þeim þar sem ég var búin að ná takmarki mínu með lesturinn ákvað ég að „verðlauna“ sjálfa mig með því að fara aðeins út og hreyfa mig. Það var heldur betur hreyfing í lagi því þau bjuggu á þriðju hæð og þurfti því að ganga upp og niður þessar blessuðu tröppur. En ég býst við að ég hafi bara haft gott af þessu öllu saman.

veit ekki mitt rjúkandi ráð........

Áskorun!

Ég var að skoða heimasíðuna hans Árna aftur en greinilegt er að hann er ekki mikið að lesa undir próf......... kemst upp um þig kallinn minn. Því núna þá er svona hreyfimynd á það er að segja þar sem hann er að telja niður í dagana þar sem Jens á afmæli það hreyfist fram og tilbaka. Kallast það þá ekki hreyfimynd?
Allavega hér með ætla ég að skora á Árna að byrja svona vefleiðara bara fara inn á blogger.com og start new account :)

Ekki hefur miklu verið áorkað í dag og er helst til um leti að kenna eins og svo oft áður. Var reyndar þreytt þegar ég kom heim úr prófinu í dag þannig að ég kíkti i rúmið í smá stund en svo hef ég verið að prenta út glærur sem voru í námskeiðinu í vetur og svona skipuleggja. Ég er reyndar held ég ekki eins slæm og Sigga vinkona við skipulagninguna hehehe því hún virðist stundum taka meiri tíma í að skipuleggja námsefnið og glósur heldur en að lesa fyrir prófin. Smá skot á þig Sigga mín ;)

bara drífa þetta af.......

Tvö búin, eitt eftir + ritgerð!

Var að klára enn eitt prófið og vil sem minnst um það segjar. Reyndar finnst mér líka oft að segja hvernig mér gekk í prófum sérstaklega þar sem ritgerðaspurningar eru því mér gengur yfirleitt ekki vel í þeim :(
Allavega þá er eitt próf eftir, ætla samt að taka pínku ponsu hvíld því ég er svo þreytt núna og byrja svo á fullum krafti.

Skoðaði heimasíðuna hans Árna í gær og sá að hann var að telja niður í afmælið hans Jens :) en hann er að verða 25 ára.

Og áfram heldur svo....

Helgin

Fullt að gera um helgina og lá við að ég hefði ekki tíma til þess að lesa undir próf. Á föstudagskvöldið ákváðum ég og Jens að skella okkur í bíó á Spiderman sem var mjög góð
NB! Jens fannst hún bara ekki geta verið betri.

Á laugardeginum þá var verið að opna ljósmyndasýningu á vegum Fókus klúbbsins en hann Birgir er í klúbbnum og er með þrjár myndir á sýningunni. Þannig að ég fór þangað á opnunina sem mér var boðið á :) var mjög fínt og margar mjög góðar myndir þarna. Ekki skemmdi heldur fyrir að veitingar voru í boði. Mamma bauð síðan mér og Jens í mat á laugardagskvöldinu sem ég reyndar eldaði og var bara mjög fínt þó ég segi sjálf frá. Eftir matinn og meltunina þá fórum við í partý til Siggu sem var að halda upp á afmælið sitt sem var 29. apríl en partýið var haldið hjá henni Aldísi. Reyndar stoppuðum við ekki mjög lengi þar sem ég átti að vera heima og lesa undir próf. Leiðindartími til þess að eiga afmæli á ;-) en þessi fær maður víst ekki ráðið.

Á sunnudeginum vaknaði ég sem betur fer fyrir hádegi til þess að lesa og gekk ágætlega. Mamma hringdi svo til þess að bjóða okkur í vöfflur og rukka okkur um bílinn en ég var búin að vera á honum alla helgina. Eftir vöfflur var síðan haldið heim á leið til þess að halda lestri áfram sem hefur gengið svona upp og ofan.

Núna er ég í pásu sem reyndar hefur staðið kannski full lengi, en eins og vanalega þegar ég er á netinu þá kíki ég á nagportalið eftir að hafa skoðað póstinn minn til þess að sjá hvort einhverjir hafa vefleiðarar hafa skrifað eitthvað skemmtilegt. Svo skemmtilega vildi til að ég las vefleiðarann sem heitir Valur. Þar voru nýkomnar myndir inn hjá honum sem ég ákvað að kikja á og rakst ég þar á myndir af Ellen systur og Atla kærasta hennar í partýi.
Lítill heimur.

Afmælisóskir!
Dagný Ósk dóttir hennar Sólrúnar vinkonu og Bjarna unnusta hennar var 1 árs í gær. Til hamingju með afmælið Dagný (of lítil til að lesa en...) og til hamingju með dóttur ykkar :).

Lestur heldur áfram

Heiðdís á afmæli í dag

Hún Heiðdís vinkona á afmæli í dag.
Til hamingju með afmælið Heiðdís mín og vonandi áttu góðan dag.

partý partý partý!

Og þá veit ég það!

Eftir sex ár þá hugsanlega veit ég hvað var að hrjá mig þegar ég svona skyndilega lamaðist öðrum megin í andlitinu í maí 1996. Fór til heimilislæknisins sem gat ekkert gert og vissi ekkert en sendi mig upp á bráðamóttöku þar sem margir læknar vildu skoða mig og sjá en höfðu ekki hugmynd um neitt og sendu mig heim. Loksins frétti háls-, nef og eyrnalæknir um mig í gegnum vinnufélaga pabba og vildi endilega að ég færi í súrefniskútinn upp á Borgarspítala. En þessi súrefniskútur er m.a. notaður fyrir kafara sem fá kafaraveikina. En samkvæmt vefleiðara sem ég var að lesa, en bróðir hennar að því virðist var að fá sama sjúkdóm og ég fékk, þá heitir hann Bell´s Palsay.
Það er þó ágætt að læknar viti hvað þetta er í dag. Þetta var fremur óþægilegt og lét ég ekki sjá mig utandyra í nokkra daga. Var nýbyrjuð að vinna á nýju Gistiheimili og við vorum að taka það í gegn þegar ég lamaðist í andlitinu. Ég fékk þá frí þangað til ég skánaði. En ég var komin viku síðar til vinnu en það tók alvega heilan mánuð að verða betri, meðan þá var tal mitt skrýtið, var pínku þvoglumælt. Ég skammaðist mín frekar mikið þegar ég var að reyna að tala við gesti gistiheimilisins. Reyndar þá var ég á næturvöktum fyrst um sinn sem var fínt.

Linda allta að læra eitthvað nýtt!

Eitt búið!

Þá er mitt fyrsta próf vorsins lokið, ætla ekkert að kommenta á það hvernig mér gekk hins vegar fengum við verkefnin í hendurnar sem við höfum unnið í vetur og það var bara súper. Reyndar er kortið inn í því sem ég ætla að nota í Bs ritgerðinni minni og það er öðruvísi en ég bjóst við. Já ég veit ég gerði það og ætti að vita hvernig það er en hins vegar að sjá það á prentuðu formi en ekki í tölvuskjá er allt allt öðruvísi.
Nú eru tvö próf eftir og ritgerð............ ég hlakka svo sannarlega ekki til næstu viku.

og þá er bara að herða upp hugann og halda áfram

1.maí

Ég fór að ég held fyrsta skipti í dag í 1.maí kaffi. Ég hef ekki farið í kröfugöngu á fyrsta maí og yfirhöfuð þá bara man ég ekki hvað ég hef verið að gera á fyrsta maí, jú í fyrra var ég að lesa undir próf eins og ég átti að vera að gera í dag. En hvað gera ekki blankir og svangir háskólanemar til þess að fá sér að borða :) Jens var reyndar hræðilega hneykslaður á mér að hafa aldrei farið í kröfugöngu, reyndar fór hann ekki núna heldur fórum við einungis í kaffið hjá BSRB. Ég var reyndar mjög tvístígandi hvort ég ætti að fara. En ég sló til og fór með Jens og viti menn við stóðum þvílíkt út úr, ekki bara það að ég kom þarna eins og sauður í jogging buxunum og flís peysu (maður þarf ekki að dressa sig upp fyrir próflestur) meðan allir hinir voru svona frekar fín þá gat ég ekki séð nokkurn þarna á okkar aldri. Það var eldra fólk og svo börn sem voru á svæðinu og stungum við svo sannarlega í stúfa við alla hina. Það sem var á boðstólnum var ekki svo slæmt og gátum við seðjað okkar sárasta hungur þarna. Svona til þess að vera ekki alslæm þá mun ég líka vera í BSRB í sumar þar sem ég verð landvörður.

Sigurrós

Við vorum að ákveða í dag að skella okkur á tónleikana með þeim sem eru 24.maí á Listahátiðinni og nú er bara að vona að við fáum miða.
Ég ætla að reyna að halda próflestri áfram!

þreytt

Góðan daginn!

Árni var að senda mér póst til þess að spurja hvort hann mætti linka á síðuna mína :) þannig að ég ætla að linka á hann hér. En svo verð ég að fara að koma mér upp almennilegri link síðu og gera eitthvað af viti en ég ræðst ekki í það fyrr en eftir próf og rigerðarskrif.

Njótið dagsins

Survivor

Engin survivor í kvöld :( hræðilegt. Ég er ekki sátt. Þeir sögðu að þátturinn hafi ekki komist til landsins í tæka tíð. My ass

fúlt!

Hvað er þetta með veðrið!

Hvað gengur eiginlega að veðrinu? Ég bara spyr, það er ekkert gaman að fara kappklæddur með húfu og vettlinga niður í bæ í endann á apríl, já ég veit ég nota húfu og vettlinga. Þegar ég var í London í desember 1996 þá uppgötvaði ég húfuna :) en þvílíkt þarfaþing, það er svo mikið sem ein húfa gerir fyrir mann að það er ótrúlegt. Það fyndna er finnst mér með þetta allt saman að þegar ég var á Íslandi þá notaði ég yfirleitt aldrei húfu (getur líka eitthvað að hafa með aldurinn að gera) en allavega úti var svo kalt og sló að mér fannst Ísland út. Getur reyndar líka verið að þar sem ólíkt loftslag er að ræða að ég er ekki vön þessum kulda.

Survivor
Eftir seinasta survivor þátt þá var ég þvílikt svekkt yfir því að Gina hafi verið rekin út en hún var eiginlega uppáhaldið mitt :) reyndar fannst mér mjög sniðugt að ég las hjá nokkrum öðrum vefleiðurum að þeim hafi þótt leitt að sjá eftir henni líka og finnst ekkert skemmtilegt fólk eftir. Í survivor IV hefur mér fundist alveg furðulegt hvernig fólk hefur kosið ekki skilið það með nokkru móti. En svona er ég skil ekki allt og alla.

og hvað svo!

Sigga á afmæli í dag!

Til hamingju með daginn Sigga mín, vonandi nýtur þú hans í botn, jafnvel þótt það sé mánudagur og svona :)

Það var mikið :) virðist komið í lag núna :)

Eitthvað er ekki að virka!

Ég er aumkunarverð

Enn eitt prófið sem ég tók og sýnir hvaða karakter ég er í Moulin Rouge

You are Toulouse, a child of the bohemian revolution. You have a rich sense of humor and a sharp mind. You never pass up an opportunity to create mischief and rouse the bohemian spirit.

http://www.angelcage.org/toulouse.html

angelcage.org

haha!

Ég var að taka prófið My Inner Child, þvílík útreið sem ég fékk :)

Enfant Terrible
(Perverse Ignored Dysfunctional Child)

Your little inner child is l'Enfant Terrible (PIDC) --egotistical, malaligned, dark and pithy. Nothing in you makes any sense. It's like living inside an Emcee Escher drawing with DJ Salvador Dali on your inner wheels of steel.

If it's like that old fart Frued says, "where id was, there shall ego be," than your ego will soon be visiting Dysfunction Gulch by way of Isolation City, just past Pervert Palace. Strewn about the path along the way will be the carcasses of helpless relationships you've slaughtered.

There are two ways for you to grow up and stop acting like an ass:
1. grow up
2. stop acting like an ass

Other than all that stuff, he has fun at dance clubs, likes reading (yelling?) poetry and enjoys the taste of menthol cigarettes. Natch!

jæjæ!

Ekki gengur Jens vel að lesa undir próf því hann er búinn að vera núna 2 klst í tölvunni og svo er hann að slást við mig núna þegar ég er að skrifa þetta. Reyndar er ég ekki búin að vera betri því ég glápti á sjónvarpið meðan hann var í tölvunni og það var ábyggilega gagnlausari hlutur heldur en talvan. C'est la vie

opinberun!
Ég hef ekki notað dömubindi í heilt ár!

Það er vegna þess að ég uppgötvaði álfabikarinn :) og þvílíkur munur. Það er varla að maður finni fyrir því að vera á blæðingum lengur og ekkert vesen lengur. Nú í dag get ég ekki hugsað mér að fara að nota dömubindi aftur. Ruslið á baðherberginu ekki lengur yfirfullt af dömubindum á vissum tíma mánaðarins, engin lykt heldur og betra skap og hamingjusamari kærasti ;)

Týnt
Jens finnur ekki glósurnar sýnar, ég ætti kannski að fara að hjálpa honum að leita þar sem hann finnur yfirleitt aldrei nett! Núna verður hann örugglega ekki hrifin af því að ég skrifaði þetta. En ef einhver finnur þær hafið samband við Jens.

Góða nótt!

Fyndið!

Loksins þegar við erum komin með netsamband aftur þá er ég aftur orðin löt við að skrifa hérna. Annars er voða lítið að frétta, ég er ekki voðalega dugleg við skriftir og þyrfti að herða mig til muna í þeim efnum.
Framundan er bara þess vegna próflestur og skriftir, reyndar góðu fréttirnar eru að ég er sennilegast búin að gera kortið mitt í kortagerð en ég mun bæði nota það sem lokaverkefnið mitt og í Bs verkefnið mitt. Víiiii loksins eitthvað búið þar reyndar að ná í herforingaráðskortin af Snæfellsnesinu sem er 1:100000 til þess að bæta aðeins við kortið mitt en annars ætti þetta að vera búið.

Góða helgi

Sumarvinnan!

Ég er búin að fá sumarvinnu :) og var þetta önnur af tveimur sem mig langaði alveg rosalega mikið til þess að vinna við :) Reyndar er þetta bara vinna frá 1.júlí til 21.ágúst. Ég verð að vinna við landvörslu í sumar í þjóðgarðinum Snæfellsjökull þannig að landvörslu námskeiðið sem ég tók í haust er að borga sig upp :) en hins vegar ef þið vitið um vinnu sem ég get verið í í júní þá endilega hafið samband við mig :)

Hirðir þú dós áttu mitt hrós.

Húrra

Það er loksins komið netsamband aftur hingað heim :) jíbbi og ég get farið á netið hérna heima í stað þess að labba niðrí skóla. Enginn smá munur.
Reyndar hefur mér ekki tekist að láta klukkuna vera rétta en smá details miða við það að vera netlaus.

Neitun
Ég fékk nei svar frá Nýsköpunarsjóði, frekar hissa því mér fannst verkefnið mitt svo gott og átti sannarlega rétt á því að fá styrk :) en svona er það.

Landið virtu, ruslið hirtu!

Þetta virðist ekkert ætla að ganga :(

Virðist aldrei koma réttur tími, er að athuga þetta núna :)

What is YOUR Highschool label?

Ekki meir í bili...........

Enn eitt prófið!
Jamm maður verður húkt á þessum prófum enda líka þegar maður á að vera að gera eitthvað annað eins og að skrifa eitt stykki lokaverkefni í ferðamálafræði þá bara festist maður í einhverju öðru.


What do people say behind your back? Find out @ digitalcharisma

Gærkveldið!

Það var fínt í gærkvöldi, það kíktu nokkrir í heimsókn og sötruðu bjór ásamt því sem við spiluðum. Meðal annars spiluðum við spilið fimbulfamb sem er alveg stórskemmtilegt spil og svo þegar Tinna var búin að vinna þar þá fórum við í Trivial pursuit en náðist ekki að klára spilið sökum þreyttu margra spilara en þess má geta að þegar hætt var þá var ég með flestar kökurnar :) og var búin að hafa þær flestar allt spilið, ekki það að ég sé að monta mig. Nei nei nei

Njótið sunnudagsins

Enn eitt prófið!



Congrats, your celeb match is Elijah Wood! You like a guy who's sweet, sensitive, a real sweetie who's truly a dork at heart! He can be shy at times, but you'll be there to reassure him. This guy is perfect for a meaningful long term relationship. He may never be on the cover of 'seventeen' but his true beauty and talent will be remembered. He'll treat you like a true princess. You are one lucky gal!

Ótrúlegt!

Það er til eitthvað sem sem segir hvaða smokkur þú ert :) það sem fólk býr til og það sem ég tek þátt í. Allavega þá er ég þessi smokkur

What Condom Are You?

Partý Partý Partý!

Það var partý hjá landafræðinni í gær hjá henni Gunnþóru í Garðabænum. Það má eiginlega þakka fyrir það að við vorum í einbýlishúsi en ekki til dæmis á stúdentagörðunum. Þetta var mjög gaman og sá maður svona nokkrar nýjar hliðar á samnemendum sínum, hef ekkert verið of dugleg við að djamma með þeim né heldur farið á árshátiðir. Það hefur heldur ekki verið oft að ég held bekkjarpartý. Það var haldið síðan í bæinn eitthvað eftir tvö og að ég held stefndu flestir á Nasa en ég hélt heim og við Ingibjörg skiluðum bílnum hans Gunna heilum á höldnu á bílaplanið á Stúdentagörðunum.

Gangið hægt um gleðinnar dyr!

EKki klár á tölvu!

Allt í læ ég er ekkert rosalega klár á tölvu eða ætti ég kannski að segja bloggerinn hérna því í gær var ég að reyna að setja inn teljara sem og tókst. Það er að segja það var ekkert mál að setja hann inn bara að finna rétta staðinn fyrir teljarann. Nema hvað núna er ég ekkert sérlega sátt því ef maður gerir refresh þá telur hann alltaf nýjan. Ég hef líka mikið verið að pæla hvernig maður lætur linka og svona inn á en ekki gert neitt alvarlegt í því. Kannski einhver vilji vera svo hjálpsamur og gefa mér góð ráð við því :)

Málið
Á skjá einum er dagskráliður sem heitir Málið. Yfirleitt hef ég ekki verið að fylgjast með því eða horft á það en það hefur komið fyrir að ég hafi horft á það og þá alltaf yfirleitt horft á hann Hallgrím Helgason en ég verð bara að segja það að hann er frábær. Ekki bara það að það sem hann er að tala um er stórskemmtilegt heldur líka hvernig málflutningurinn hans er. Hann er hraður og beinskeittur. Þegar svo aðrir hafa verið í málinu þá hef ég bara ekki haft þolinmæðina í því að horfa á það því þeir grípa mann ekki svona eins og Hallgrímur Helgason og er því skipt um stöð hið snarasta.

Aktu ekki ótroðnar slóðir

Ekki sátt
Ég tók próf til að athuga hvaða karakter úr barnabókum ég væri og það kom í ljós að ég er Winnie the pooh og ég bara þoli ekki þessar sögur :( pffff týpískt

which children's storybook character are you?

this quiz was made by colleen

Helgin
Ég og Jens skelltum okkur til Akureyrar um helgina ásamt nokkrum vinum hans Jens. Þetta var fín helgi. Reyndar keyrðum við norður í ekkert alltof góðu veðri. Þegar við lögðum af stað á föstudagskvöldið þá var rigning og rok. Á Holtavörðuheiðinni var skafrenningur og ekkert alltof skemmtileg færð en það gekk vel að keyra og ég var um 4 tíma norður og ég var að keyra og það gekk alls ekki svo hægt eins og sumir í bílnum vildu meina grrrr...............
Ég hitti hana Heiðdísi að sjálfsögðu fyrir norðan og eyddi frábærum tíma með henni, Palla, Helenu Ýr og Karen Birtu ásamt köttunum sex :) þar af þremur kettlingum sem voru alveg ógurlega sætir og hefði ég alveg verið til í að stinga einum í vasan og taka með heim. En því miður er allt gæludýrahald bannað á Stúdentagörðunum og þar sem ég er svo löghlýðin þá náttúrulega geri ég ekkert svoleiðis.
Verst við helgina er hvað ég svaf illa aðfaranótt laugardagsins og var líka hálfslöpp vegna kvefs og hræðilegs hósta. Af þeim sökum yfirgáfum ég og Jens hinn svefnlitli Palla og Heiðdísi snemma á laugardagskvöldið til þess að fara „heim“ að sofa.
Á sunnudeginum þá grillaði hópurinn áður en við lögðum í hann en stefnt var að leggja af stað tímanlega til þess að ná í bíó fyrir sunnan kl:22 sem og tókst en spurning hvort það var þess virði, en við fórum að sjá myndina Blade 2.
Reyndar á sunnudeginum á leiðinni heim þá hringdi vinkona mín í mig þar sem við vorum að keyra frá Varmahlíð til þess að vara okkur við löggunni í Húnavatnssýslunni en þar hafði löggan tekið hana á 111 km hraða. Þannig að allan Langadalinn vorum við á varðbergi (n.b.við vorum á tveimur bílum og svo var vinkona mín á einum öðrum bíl svolítið á undan) en aldrei urðum við vör við lögguna sem hún var búin að vara okkur við. Þegar við vorum búin að keyra framhjá Blönduós þá vorum við svona hætt að hafa áhyggjur af þessari löggu. Bjössi og Elli voru undan okkur og rétt fyrir utan Blönduós þá keyrði löggan frá einhverjum afleggjara þannig að við lentum á eftir löggunni og hinir strákarnir voru með hana fyrir aftan sig. Mjög gaman og þannig þurftum við að keyra alla Húnavatnssýsluna :(

Hafið það gott

Svo skemmtilega vildi til að Jens tók líka þetta próf og fékk sömu niðurstöðu og ég.
Hann er Rowlf :)

Hvaða!

Ég tók prófið sem sýnir hvaða prúðuleikari ég er og þetta er niðurstaðan.

	You are Rowlf! You don't draw attention to yourself much, preferring to keep your cool and stay in the background.
Take the What Muppet Are You? Quiz!

C'est la vie!

Ágirnd vex með eyri hverjum

Þetta var málshátturinn minn þetta árið. Páskadagur var mjög fínn og skemmtilegt hvernig hefð er komin á hann. Stórfjölskyldan hittist að þessu sinni heima hjá Lilju frænku og var byrjað að borða um fjögur leytið. Eftir matinn, uppvask og smá áhorf á formúluna þá var tekið til við að spila félagsvist eins og hefur verið undanfarin ár. Að þessu sinni spiluðum við á fjórum borðum og því miður urðu nokkrir út undan vegna smá þrjósku lítils frænda :) annars hefði verið hægt að spila á fimm borðum. Keppt var til verðlauna, þegar spilið var hálfnað þá var gert smá pása á spilamennsku til þess að fá eftirmat sem var heimatilbúinn ís a la mama og jarðaber og heit marssósa umm........
En allavega þá vann hann Ásgeir félagsvistina, reyndar finnst mér eins og það hafði gerst áður. Eftir félagsvistina var ekki gefin nein grið og var farið í Actionary. Stofunn skipt í helming og svona 8-9 manns í hvoru liði. Það má segja það að liðið mitt hafi skarað fram úr með leiklistarhæfileika þar sem við komust langt fram úr hinu liðinu, en svo var þetta reyndar pínku tvísýnt um tíma þar sem við leyfðum hinum að komast pínku að þannig að þeim tókst að fara fram úr okkur en það dugði þeim ekki því við tókum okkur til og unnum spilið. Tvímælalaust hæfileikafólk í mínu liði en að sjálfsögðu líka í hinu liðinu þar sem við erum nú einu sinni öll skyld.

Reyndar með aðra hluti sem áttu að gerast um páskana eins og vera dugleg að læra þá hefður það ekki gengið eftir sem skyldi. Ég veit ekki hvað á að gera við mig. Er ekki par hrifin af mér núna og páskafríið að verða búið.

Svona er nú það!

Búin að eiga afmæli!

Mikið að gera um helgina hjá mér.
Á morgun fer ég á námskeið í Úttekt á aðgengi fyrir fatlaða sem verður haldið í Sjálfsbjörg. Svo á sunnudaginn þá fermist bróðir minn. Hann mun fermast í Áskirkju alveg eins og ég :) einnig mun hann fermast einn alveg eins og ég. Nema hvað munurinn er að hann fermist að vorinu en ég fermdist að hausti. Jamm ég fermdist 28.október 1990 hjá honum Árna Bergi alveg eins og Adam bróðir mun gera. Þá er bara um að gera að fylgjast með því hvort hann stendur sig á sunnudaginn. Það er reyndar fínt þegar svona fámennar fermingar eru því það er nefnilega hundleiðinlegt að hangsa í kirkjunni meðan það er verið að ferma einhverja 29 krakka sem þú þekkir hvorki haus né sporð á. Systir mín akkúrat fermdist með einhverjum 30 manns eða álíka.
Annars er ég að mygla úr leiðindum núna!

Góða helgi

Ég á afmæli á morgun :)

afmælisóskir

Þetta er fyrir Árna

Jamm ég veit að ég hef ekki bloggað í langan tíma, hef hins vegar hugsað um það :) en það dugar víst ekki til þess að setja neitt á netið. Núna er ég í GIS verklegum tíma, gengur ekkert alltof vel :( og heimasíðan um það er ekkert að virka. Er á leiðinni að blogga meira þegar betra tækifæri gefst. Hef alltaf ætlað að kommenta um það hvernig er að búa á stúdentagörðunum.

Þangað til næst

Vísindaferð!

Eftir tvö ár í Háskólanum þá fór ég í mína fyrstu vísindaferð á föstudagskvöldið. Ótrúlegt en satt. Vegagerðin var heimsótt og tóku þau vel á móti okkur, að vísu hef ég náttúrulega ekki samanburð við neitt en mér fannst móttökurnar góðar. Buðu þau okkur upp á bjór, blush og snittur. Sem betur fer var líka gos í boði fyrir mig og hina sem ekki vildu áfengið. Ég reyndar hélt ekki áfram að djamma með krökkunum því ég þurfti að fara að gera verkefni gaman gaman :-)

í gær hins vegar var ég líka dugleg því ég fór til mömmu og var að föndra með henni eða hún með mér og var árangurinn alveg hreint ágætur. Ég má líka til með að segja að ég er farin að huga að jólagjöfum og aldrei fyrr hef ég verið komin með svona fullt af hugmyndum hvað ég get gefið hinum og þessum og þá er bara að fara að versla. Þetta er bara mjög gott mál.

Lærdómurinn er hins vegar ekki í góðum málum, minnsta kosti mætti ég herða mig þar, eins og t.d. núna þar sem ég nenni ekki að læra en verð bara að grípa í rassinn á sjálfri mér og byrja.

Landið virtu, ruslið hirtu

sultubændur, sultuhjú,
1783

Þetta er vísa sem þið getið lært til þess að muna hvenær móðuharðindin voru hér á landi en hana lærði ég á landvarðanámskeiðinu. Það var seinasta kvöldið í kvöld á námskeiðinu það er bæði feginleiki og líka pínku eftirsjá því þarna var margt gott fólk komið saman og hópurinn var mjög svo fjölbreyttur. Kvöldið endaði á að hópar skiluðu af sér verkefnum og var mjög gaman að sjá á hvað hátt hóparnir skiluðu sínu og hugmyndirnar sem komu fram. Eftir að þessu lauk þá hélt meirihluti hópsins á Vegamót og fór á kostum. Það var mikið hlegið og hugmyndaflug var þarna mikið um hvernig starf landvarða gæti verið háttað :-) Einn úr hópnum er meira segja það framsýnn að hann kom með þá hugmynd að Ísland yrði einn stór Þjóðgarður og íbúar landsins landverðir. Heimasíða Landvarðafélags Íslands er flott og skemmtileg og hvet ég ykkur til þess að kíkja á hana.

Annars það sem ég ætlaði líka að nefna í gær er að ég fór á myndina the others með Nicole Kidman á sunnudagskvöldið og sú mynd er frábær, ég ætla ekki að segja neitt um hana annað en þetta því annars finnst mér ljóstra of miklu upp.

Vertu með virtu landið

Til hamingju með afmælið mamma :-)

Já mamma á afmæli í dag og hef ég reyndar ekkert heyrt í henni í dag. Ekki vegna þess að ég hef ekki reynt að hringja því svo sannarlega er ég búin að því. Hún er bara ekki heima, ætlaði í sumarbústað í Fnjóskárdal um helgina og ætlaði að koma heim í dag en er ekki enn komin og hef ekki heldur náð í gsm-símann hjá Bubba.
Seinasti dagur á námskeiðinu í landvörslu er á morgun og spurning hvort ég verði Landvörður eftir það en vonandi. Þetta er búinn að vera strembinn mánuður, en það er búið að vera mjög gaman á námskeiðinu og ég búin að læra margt en samt verð ég fegin þegar þessu lýkur. Þá vonandi get ég farið að einbeita mér að náminu enda veitir ekki af þar sem er um mánuður eftir af skólanum.

Var ég búin að segja að það er alveg rosalega gott að vera ekki að vinna með náminu þvílíkur lúxús :-)

Blindur er bóklaus maður

jáhá

Það er virkilega langt síðan ég skrifaði eitthvað hérna inn síðast. Hef reyndar ekki mikið að segja. Er dauðþreytt eftir daginn í dag en ég gekk upp á Mælifell í dag í grenjandi rigningu og varð hundlblaut. En hvers vegna gerði ég þetta? Jú vegna þess að ég er á námskeiði í landvörslu sem byrjaði núna 1 október og í dag var farin jarðfræðiferð. Það var svo sem ágæt en þar sem ég er búin með Jarðfræði 1A og 2A í Háskólanum þá er ég búin að fara í nokkrar jarðfræðiferðir í þessum námskeiðum og meðal annars um þetta svæði sem við fórum í dag (reyndar hef ég ekki gengið upp á Mælifell áður). Ég er ekki að segja að ég kunni þar af leiðandi allt eða vissi allt því alltaf gott að fá smá upprifjun en það er samt pínku leiðinlegt að vera alltaf á sömu slóðum. Það leiðinlegasta við þetta allt saman er að ég er svo hægfara að ég er alltaf lang síðust. Okey ég veit að einhver þarf að vera síðastur en af hverju ÉG!!! Nei svona grínlaust þá er ekki gaman að láta fólk bíða eftir sér og ég var komin með alveg rosalegan móral yfir þessu sérstaklega þar sem veðrið var ekkert til að hrópa húrra fyrir. Svo á miðvikudaginn erum við á leið í Skaftafell í námskeiðinu og við munum ganga mikið þar. Það er bara að bíta á jaxlinn, er einhver með góð ráð handa mér? Mér finnst rosalega gaman að labba svona um og það er rosalega góð tilfinning sem fylgjir því að vera komin upp á fjallstopp en ekki gaman þegar maður er að tefja allt hitt fólkið í kringum sig.
oh well ég þarf víst að lifa við þetta. Ég get víst ekki stækkað mig. En ég tel það fullvíst að ég sé mikið hægfara vegna hæðar minnar, flestir eru hávaxnari en ég og þar af leiðandi með stærri skref en ég og komast yfir meira svæði en ég í einu skrefi. Það hlýtur að hafa áhrif.
Ekkert nema tómar afsakanir hérna. Læt þetta duga í bili, ætti að fara að drulla mér til þess að læra en ég er ekki alveg að meika þetta allt saman.

Brostu við heiminum og heimurinn brosir við þér!

Skólinn byrjaður

Jæja skólinn er byrjaður og búin að fara í nokkra tíma, mun samt missa viku af skóla þar sem ég er að fara í námsferð á morgun. Þá mun ég halda á Snæfellsnesið með landa- og ferðafræðinemum. Ég er einnig hætt í vinnunni og skrýtið að hugsa til þess að þurfa ekkert að mæta þangað og eiga frí öll kvöld vikunnar og helgar :-) hvað gerir maður þá?? Einhverjar tillögur
Kannski og vonandi verður bara þess duglegri að læra enda er ég skráð í meira en vanalega.
Ég var búin að plana að kaupa bakpoka í sumar, var búin að dreyma um slíkan þónokkuð lengi en viti menn ég fann bakpoka sem mér líkaði við en svo þegar ég ætlaði að kaupa hann nota bene í júlí þá var hann búinn :( og svo þegar ég hringdi í dag til þess að athuga með hann þá er hann ekki enn til og var mér tjáð að hann væri líka uppseldur úti þar sem þau panta hann frá. Ég ætlaði að kaupa mér Vango bakpoka en ég ætla að bíða og sjá hvort þetta fari ekki að koma, fæ lánaðan bakpokann hans Jens á meðan í ferðina.

Ég er að brjálast yfir því að einkunnin mín úr jarðfræðiprófinu sé ekki enn komin, ég tók prófið 20. ágúst og við vorum 4 sem tókum prófið og engin einkunn enn..................... hvað á þetta að þýða, óþolandi þegar það eru margir kennarar að kenna sama námskeið þá er biðin alltaf svo löng eftir einkunnum. Svo var líka tölfræði prófið sem ég tók í vor kært og enn er ekkert komið í sambandi við það. Ég er ekki svo þolinmóð manneskja.

Þolinmæði þrautin vinnur

Takk fyrir lánið á lödunni Birgir :-)

knús

súper helgi!

Helgin var hreint út sagt frábær :)
Á föstudaginn þá var svona formlega seinasti vinnudagurinn minn en ég á aukanæturvakt núna og fékk sumarfrí um helgina til þess að fara í smá ferðalag með Jens og vinnufélögum hans. Eftir vinnu klukkan tíu á föstudagskvöldið þá kíkti ég í partý til Ásdísar vinkonu en hún átti einmitt 25 ára afmæli á föstudaginn Til hamingju með afmælið Ásdís mín og keyrði svo hluta af fólkinu niðri í bæ þegar ég fór heim á leið.

Vaknaði síðan snemma á laugardagsmorgninum til þess að fara í ferðina, við hittum ferðafélagana fyrir utan BUGL og heldum svo á stað til Sauðarkróks. Ég var á Lödunni hans Birgis en hann var svo elskulegur að lána mér fararskjótinn svo við kæmust nú með. Þegar við vorum komin á Krókinn þá beið okkur þvílíkt hlaðborð sem mamma hans Kristjáns hafði útbúið handa okkur (Kristján er vinnufélagi hans Jens). Þegar við vorum búin að kýla út á okkur magann var keyrt að Reykjum þar sem maður siglir út í Drangey en við ætluðum í siglingun út í Drangey og þurftum líka að bíða í dágóðan tíma eftir því. Það var ekki gott í sjóinn og ekki komust við upp í Drangey þar sem það var þoka á eyjunni og útsýnið hefði ekki orðið neitt en þess í stað þá sigldum við í kringum eyjuna. Á þessum tímapunkti var ég orðinn drullusjóveik og ég get sagt ykkur það að það var ekki eins gott að æla þessum dýrindismat eins og það var að borða hann. Það var ógeðslegt.
Þegar ég var búin að borga 2500 fyrir að æla eins og hann Bjarni orðaði svo skemmtilega en by the way þá var ég ekki sú eina sem var sjóveik, Guðlaug varð líka sjóveik og þeim Bjarna og Guðmundi varð eitthvað bumbult á að horfa á Guðlaugu æla. En allavega eftir sjóferðina var farið í Grettislaug sem er heit laug í fjörunni ekkert hús til þess að skipta um föt og því bara skipt um föt hjá bílunum og eins gott að vera ekkert feiminn ;-)
Það má segja að hann Guðmundur hafði haft rétt fyrir sér um Grettislaugina en hún var ekki alveg nógu heit en samt nógu heit til þess að manni langaði frekar að vera ofan í henni heldur en að fara upp úr og í kuldan, en með herkjum þá tókst okkur að stökkva upp úr og reyna að þurrka okkur á mettíma og klæða okkur og ég held ég að nánast öllum hafi verið sama þótt einhver hafi séð eitthvað enda ekkert sem maður hefur í raun ekki séð áður :-)

Á laugardagskvöldinu borðuðum við svo í Ólafshúsi og skelltum okkur svo á pöbb og svo unglingadiskótekið C´est la vie en tónlistin var ekki alveg nógu góð, en þeim tókst þá að spila eitt lag með Rammstein lagið Du hast og var Jens langflottastur en hann var að slamma.

Sunnudagurinn
Það var sko aðaldagurinn en þá ætluðum við í River Rafting í Vestari Jökulsá og það var í einu orði sagt Frábært.
Það voru þarna tveir guidar frá Nepal og einn Íslenskur og við vorum svo heppin að við fengum skemmtilegast guidinn :-)
Við vorum átta saman í hóp en ákváðum að skipta okkur 4 og 4 saman í báta en svo var líka einhver annar hópur þarna þannig að við fórum á þremur bátum.
Guidinn okkar var ávallt að skvetta vatni á hina bátana og fengum við gusur á okkur líka en ábyggilega ekki eins rosalegar og við gáfum hinum hehehe en eftir smá tíma á ánni þá var stoppað til þess að fá okkur kakó. En það var magnaðasti parturinn því það rann heitur lækur þar sem við stoppuðum og vatnið tekið þaðan og blandað í kakó, ótrúlegt!

Svo var haldið aftur af stað og næst stoppað þar sem hægt var að stökkva fram af kletti sem ég gerði ekki því gallinn minn var ekki alveg nógu góður þ.e.a.s. hálsmálið var ekki nógu þröngt þannig að vatn átti auðvelt með að komast að. Þegar stökkin voru búin var haldið áfram og þegar var komið á lygnan stað í ánni þá vildi fararstjórinn okkar fara í leik en sá leikur var þannig að við áttum öll að standa uppi á bátnum og halda í úlniðinn á hvort öðru og halla okkur út á við. Nema hvað að sjálfsögðu sleppti fararstjórinn takinu þannig að flestir duttu út í ána nema ég :-) sem gerði reyndar ekkert til því guidinn henti mér út í, og vá þvílíkt sjokk en það var gaman þótt ég var smá hrædd um þetta hálsmál og að ég yrði rennandi blaut. Það fyndnasta var að þegar Jens ætlað að koma að bjarga mér þ.e.a.s. grípa í mig og draga mig í áttina að bátnum og upp í þá datt hann út í hahaha, fyrst hélt ég nefnilega að guidinn hafði hrint honum líka en hann datt. Seinna fórum við svo í annan leik þar sem við sátum öll aftast og rugguðum okkur til, en fararstjórinn var að reyna að ofreisa bátinn þannig að allir mundu detta út í aftur en aðeins hluti af hópnum datt út í ána. Fararstjórinn okkar lét líka eina konu standa fremst uppi á bátnum og svo áttum við að róa, hann gerði þetta til þess að athuga jafnvægið en að sjálfsögðu endaði hún í áni. Hinir hóparnir voru farnir að spurja okkur hvað við værum alltaf að gera í ánni en við ættum að vera í bátnum.
Svo var komið að landi þar sem við heldum tilbaka. Þegar klætt sig var úr þurrbúningum komu hinu undarlegustu staðir í ljós sem voru blautir eins og t.d. í klofinu................ spurning hvort sumir hafi pissað í sig úr hræðslu þegar stokkið var af klettinum og svona hmm.......

Allavega þetta var frábær helgi svolitið dýr en það bjargast. Svo er það bara skólinn sem er að fara að byrja.

Þangað til næst

Afmæli

Hún á afmæli í dag hún á afmæli í dag...................... Til hamingju með afmælið Guðmunda mín :) Njóttu dagsins.

Gangið hægt um gleðinnar dyr

sumarpróf!

Það er ekkert skemmtilegt að lesa undir sumarpróf eða haustpróf hvaða nöfnum sem það kallast, sérstaklega ekki þegar er svona gott veður. Svo þegar prófið er búið þá þarf ég að byrja að undirbúa mig fyrir námsferðina sem ég fer í 30.ágúst. Þetta er námsferð ferða- og landafræðinema um Snæfellsnesið og verðu í viku.

Annað markvert er að hún Guðmunda verður 25 ára á morgun :) og er hún búin að boða í afmæli annað kvöld þar sem í boði verður sangria meðal annars og eitthvað óáfengt (sennilegast fyrir mig og Stebba).

Til hamingju með afmælið á morgun Guðmunda :)

njótið og lifið

GÆSA HVAÐ?

Í gær vorum við frænkurnar að gæsa frænku okkar nema sumar vildu endilega kalla það að steggja en það er gert við strákana. Nema hvað ég var búin að "redda" karlmanni sem átti að sækja hana á mótorhjóli nema hvað hann sveik okkur að minnsta kosti lét hann ekki sjá sig :( . Þá var reynt að hringja í vini og kunningja til að athuga hvort þeir gætu reddað okkur nema hvað hún María frænka fann einn indælisdreng sem bjargaði málunum. Hann fór og sótti hana Dagnýju gæs og keyrði með hana upp á Sandskeið. Þar tókum við á móti henni með kampavíni og skáluðum fyrir henni því næst sendum við hana i svifflug sem by the way hún fílaði í botn. Ég held að maðurinn sem fór með hana hafi eitthvað verið óhress með að hún hafi ekkert verið hrædd við snúningana sem hann tók. Hins vegar tókum við andköfin á jörðu niðri þegar við horfðum á öll ósköpin. Þegar þau lentu heil á húfi þá var haldið áfram og farið Bláfjallaleiðin til Hafnarfjarðar og þangað í Bláa Lónið þar sem við nutum lífsins og sólarinnar. Eftir þvottinn fengum við okkur í svanginn í Bláa Lóninu en þar höfum við ábyggilega gert allt starfsfólkið vitlaust því við vorum að panta matinn rétt fyrir tíu en eldhúsið lokar 22.00.

Þetta var velheppnaður dagur/kvöld jafnvel þótt hann hafi ekki byrjað vel en Fall er fararheill er einhversstaðar sagt. Reyndar var Fanney litla frænka svo hneyksluð á að Dagný hafi sest upp í bíl með ókunnugum strák, en hún verður titluð Dramadrottning þessa kvölds.

Svo verður bara skellt sér í brúðkaupið á laugardaginn.

Helgin!

Er búin að vera að vinna alla helgina og á meðan nýtti Jens sér að fara í sumarbústað til að spila alla helgina. Fór í afmæliskaffi í gærkvöldi en hann Eyþór Orri sonur Bellu vinkonu og Óskars varð 4 ára í gær :) Til hamingju Eyþór.
Fyndið að á hverju einasta sumri eða svo til hverju einasta sumri í endan á júlí þá tala allir um að sumrið sé að vera búið og það hefði nú liðið hratt. Ætti fólk ekki verið að farið að venjast því núna að sumrin líða hratt?
Vona að Jens komi heim í fyrra lagi svo við getum grillað eða gert eitthvað skemmtilegt.

Sunnudagurinn!

Var fínn, mætti í vinnu klukkan átta en eftir vinnu þá var búið að ákveða að skella sér í go-kart sem við og gerðum. Reyndar vorum seinn sökum þess að sumir áttu í erfiðleikum með að mæta á réttum tíma ;) en hófst að lokum. Go-kartið var mjög fínt jafnvel þótt sumir strákana tóku fram úr mér þó alls ekki allir og ég tók fram úr Siggu :) en þar sem go-kartið tók aðeins 10 mínútur og við keyrðum að minnsta kosti í 20 mínútur frá Reykjavík til Njarðvíkur þá ákváðum við að skella okkur í Bláa lónið sem var aldeilis fínt því veðrið var líka með besta móti. Eftir þessi herlegheit þá brunuðum við í bæinn og grilluðum öll saman heima hjá mér og Jens :) tvö grill fyrir 13 manns en það gekk.
Það var síðan talað um að fara næst í Paintball og hafa eitthvað svipað, spurning hvort það gangi jafn vel :)

Verð sótt í vinnuna og þá brunað í Þórsmörk

Helgin!

Ég vil byrja á því að óska ömmu minni til hamingju með afmælið en hún er áttræð í dag :) að vísu mun hún alveg örugglega ekki lesa þetta en........ svo hin amma mín á verður 75 ára núna á sunnudaginn 1.júlí. Fullt af stór afmælum en svo er ég svo vond að ég skelli mér í Þórsmörk.

Góða helgi

oppsss!

Gleymdi að blogga til þess að óska systur minni til hamingju með afmælið sem var 8 júní ............ awwww :( en betra er seint en aldrei, til hamingju með afmælið Ellen mín ;) afmælisgjöfin bíður heima eftir þér.
jamm og jæja.......

Lifið og njótið!

jæja

Þá er vinnan byrjuð á fullu, búin í prófum, flytja og fara í námsferð. Var líka í sumarfríi.
Veit einhver um skilrúm hvar hægt sé að fá þau?

pfffffffff...........

Þori varla að skrifa um þetta hérna því þetta er svo sárt, en já raunin er sú að við förum ekki til Kúbu :~(
Ekki enn búið að semja við kennara og fyrirséð að við förum ekki eitt né neitt!
Reyndar er það ekki alveg rétt því í staðinn fyrir að fara til Kúbu fer ég í aðra námsferð sem er námsferð um Suðurlandið þetta er jarðfræðiferð. Málið er að ég er að fá pínku pons leið á Suðurlandinu ekki misskilja mig hér því Suðurlandið er fínt en þetta er þriðja námsferðin mín um Suðurlandið en næsta haust fer ég í námsferð um Snæfellsnesið það verður tilbreyting.

Styttis óðum í prófin þ.e.a.s. ef þau verða. Fyrsta prófið mitt er 4 maí, var ég búin að segja að ég þoli ekki Jens (ekki taka þetta bókstaflega), hann fer aðeins í eitt próf og það er núna á laugardaginn og svo er það búið. Þannig að verkfallið hefur ekki einu sinni áhrifa á hann, en ok ég skal reyna að vera ánægð fyrir hans hönd :)

Fyrir þá sem eru í próflestri óska ég góðs gengis en við hina njótið lífsins!

Það tókst sem ég var að laga :)

Páskar!

Páskarnir á næsta leyti, komið páskafrí í skólanum. Þetta verkfall er bölvað og ömurlegt að skuli ekki búið að vera að semja, það lítur út fyrir að við förum ekki til Kúbu :( eins og ég var farin að hlakka til. Mig langar til Kúbu.............................................................
Þetta er ferlega svekkjandi og svo er það svo týpiskt að það verði samið og við komust ekki til Kúbu. Ekki misskilja mig, vissulega vil ég að samið verði áður en til verkfalls kemur en af því að maður getur ekki tekið áhættuna á að kaupa fargjaldið og allt það.
En það þýðir ekki að vera súr, mér var sagt að Kúbu yrði ábyggilega þarna enn og Kastró. Það er bara að vona það besta :)

Gleðilega Páska

Námsferð!

Kom heim um fimmleytið í dag úr námsferð. Reyndar er það ekki alveg rétt því ég er ekki enn farin heim. Fór beint í vinnuna eftir að við komum í bæinn/borgina. Er frekar þreytt, það er erfitt að vera í rútu allan daginn og heimsækja fyrirtæki. En ég vil koma hrósi á framfæri. Við heimsóttum nokkur fyritæki á Suðurlandi bæði í dag og í gær en mesta hrósið fá kúabóndahjónin á Brúnastöðum (veit ekki í hvaða hreppi) því bestu móttökurnar fengum við þar eða þar fengum við sanna íslenska gestrisni. Við komum þarna til að taka tal af bóndahjónunum bæði upp á hvernig búskapur gengur og fleira. Fyrir utan það hvað var gaman að koma í fjós aftur en einu sinni fannst mér fjósalykt svo góð þá tóku þau afskaplega vel á móti okkur og buðu okkur upp á ískalda sveitamjólk, heimabakaðar kleinur, samlokur og gos. Hvergi í allri ferðinni höfðum við fengið þvílíkar veitingar hvað þá yfir höfuð veitingar.
Svo mitt hrós fá hjónin á Brúnastöðum.

Lengi lifi sveitin!

Merkisdagur á morgun!

VÁ!

Þetta er farið að verða svona einu sinni í mánuði blogg hérna. Rétt næ febrúarmánuði ;)
En það sem ég vildi sagt hafa er að ég er á leið til Kúbu strax eftir próf :) í námsferð með land- og ferðafræðinemum. Planið er að vera 10 daga í námsferðinni en svo framlengi ég dvölina um nokkra daga með kærastanum mínum og fleirum. Mikill spenningur.

Hafið það gott

Nammihelgi!

jamm langt um liðið síðan það var ritað hér, en vildi bara segja að bloggið hjá kærastanum mínum er farið að virka aftur þannig að mögulega fer hann að tjá sig á netinu aftur :)
Vonum það besta og krosslegjum fingur.
Megið þið eiga góða og friðsamlega helgi.