Vibba veður

Hvernig datt mér í hug - eins skynsöm og ég er nú :) að fara út í sandölum í morgun. Ég hef fyrir löngu náttúrlega lært það að ég bý á Íslandi og á Íslandi er veðrið óútreiknanlegt.

Er rigning og rok en var sól og fínt í morgun.

Spurning er því hvort bílinn hafi þessi áhrif á mig eða hvort skynsemin sé farin.

Eitthvað held ég að tvær árstíðir hafi gleymst eða vorið og sumarið og haustið komið á með fullum þunga. Allavega var veðrið þannig í Reykjavík í gær og hér í dag.

Ekki nema vonda veðrið sé eitthvað að elta mig......

Sterk

Linda sterka

Var mikið búin að velta því fyrir mér hvernig ég ætti að koma sjónvarpinu ein inn og þegar ég rann í hlað og var búin að bera allt úr bílnum nema sjónvarpið ákvað ég að prófa.

Vit menn sjónvarpið er komið inn :) jeii þá loksins fer ég líka að geta séð alennilega á það og textann hehe

Annað hvort sjónin orðin svona slöpp eða hitt tv alltof lítið.

En búin að vera ansi strembin helgi, kláraði að pakka öllu niður í íbúðinni minni og þrífa, keyrði svo vestur og henti öllu inn þar.

Þannig að nú hef ég vikuna til að jafna mig í vinnunni.... ble verð sennilegast þvílíkt þreytt í vinnunni þessa vikuna. Þannig að mikið er ég fegin að séu aðeins 3 dagar fram að eins dags fríi :)

p.s. þessi póstur var fyrsti póstur frá nettengdum Gufuskálum

Útnári

Lítur út fyrir að ég sé bara á útnára landsins.

Í gærmorgun og svo aftur í hádeginu þá leiddist mér og vantaði Fréttablaðið til þess að lesa og gat varla beðið eftir að vinnudagurinn væri á enda til þess að koma við í sjoppunni til þess að ná í Fréttablaðið.

Ekkert Fréttablað!

Spurði hvort það væri ekki komið og var þá sagð að það kæmi ekki hingað á útnárann. Því hefði verið hætt 1. apríl.

sjæs... hvað gera menn þá? Fá sent úr bænum og les nokkra daga gömul? Eða kannski þegar maður fer í bæinn að ná í gömul blöð hjá ættingjum og vinum og fer að lesa viku og jafnvel mánaðargamlar fréttir?

Annars bara fínt hérna á nesinu en frekar kalt

hasa la vista

Verðlaun

Loksins fékk ég verðlaun í árlegu páskafélagsvistinni - reyndar skammaverðlaun en hey verðlaun!

Var hörð samkeppni milli mín og Geirs en ég hafði vinningin. Það var spilað á fimm borðum og mér tókst ekki einu sinni að fara á þau öll - átti eitt borð eftir.

Mér var reyndar gefin fyrstu verðlaunin líka þannig að nú sit ég uppi með tvö páskaegg, fyrstu verðlaun og skammarverðlaunin.

Jæja á eina nótt hérna heima við áður en ég gerist dreifbýlistútta!

Pakka niður

Er að reyna skipuleggja mig og fara pakka niður.

Eitthvað þvælist þetta fyrir mér, sérstaklega þar sem ég þarf að taka helling með mér og setja svo eitthvað í geymslu og svo skil ég eftir slatta.

Hvernig skipuleggur maður það?

Ég æði eiginlega úr einu í annað....

arggg.... hvað það er leiðinlegt að pakka niður!

Mistök

Mistök að setja í þvottavél svona rétt fyrir miðnætti, sérstaklega þar sem ég hætti við að þurrka af og ryksuga og geyma það þar til eftir vinnu (á mánudag).

Nú þarf ég að bíða eftir vélinni og sjónvarpsdagskráin búin, búin að senda áætlun af stað, súpan mallar í pottinum og ég er þreytt og langar til þess að fara að sofa.

Ný klósettseta er loksins komin á klósettið :)

Tíðindi

Það þykir tíðindi þegar mér er ekki kalt :)

Sit hérna niðri í skóla á stuttermabolnum og það eru bara stórtíðindi.

Fyrir utan að það er náttúrulega líka tíðindi að ég sé niðri í skóla ;) en var hérna líka í gær. Nú á sko að taka á því og ljúka verkefnum. Búin að ljúka einum af mínum hlut í einu þangað til annað kemur í ljós.

Nú þarf sko að klára annað.

Er sko busy sunnudagur - ansi busy.

Búin að fara í ræktina, gera eitt verkefni og fara að klára annað. Þegar heim er komið þarf að byrja á súpunni fyrir morgundaginn, laga til og þrífa.

já ansi busy sunnudagur

Einn koddi

Það er alveg vonlaust að vera með einn kodda.

Gafst upp um daginn að vera með koddann sem var rifinn, hefting var ekki að ganga upp og fiður út um allt. Tók mig því til og henti þeim kodda og eftir stendur ein vesæll koddi.

Er búin að gera tilraun til þess að kaupa kodda - ok fór að skoða kodda en leist ekki á neinn og var ekki alveg á því að kaupa kodda fyrir 6000 kr.

Hugsa að koddamálið fari í salt til haustins - safna bara í koddasjóð á meðan :)

By the way ég vil mjúkan fluffy kodda - ekki harðan sem ekkert er hægt að móta!

Ertu ekki að grínast í mér!

Er búin að vera með lag á heilanum í allan dag og það er búið að vera gera mig vitlausa.

Þetta var lag sem var í Eurovision og held að Ingó hafi sungið það - nema hvað í bílnum á leið í skólann áðan var ég algjörlega laus við lagið en kom það þá ekki í útvarpinu...

Meira líf

Lífið á heimilinu var aldeilis ekki búið eftir að ég veiddi silfurskottuna í ganginum í gær.

Þegar ég var um það bil að fara sofa þá missti ég símann minn í gólfið. Til þess að ná í hann aftur þurfti ég að færa náttborðið.

Nema hvað þegar ég færði það þá blasti við mér kónguló!

Jamm nema hún var heldur fljótari en ég og náði að koma sér undan - hvert hef ég ekki hugmynd um.

Orðið ansi mikið líf hérna fyrir minn smekk - er soddan rólegheitamanneskja ;)

Ekki hress

Jæja nú er ég ekki hress, bara næstum því furious.

Þegar ég kom heim í kvöld fann ég silfurskottu á ganginum.

Ekki ánægð.

Ég meina þær höfðu baðherbergið sem "sitt umráðasvæði" en nú eru þær farnar inn á mitt umráðasvæði. Þannig að núna er ég komin með 3 silfurskottur í þessari viku - ekki gerst áður þannig að spurning hvort sé eitthvað mikið um að vera núna!

Þótt þær eigi að vera meinlausar þá er ég núna að spá í eitrun!

Ég um mig frá mér til mín

Afmælisstelpa :)

Hláturskast

Það er eitthvað svo bjánalegt að fá hláturskast ein.

Á mánudagskvöldið var ég að horfa á Jay Leno og fékk þetta þvílíka hláturskast eftir að hafa horft á tvö brot hjá honum. Svo mikið að ég ætlaði ekki að geta hætt að hlæja, og svo hló ég enn meira yfir bjánanum mér að finnast það bjánalegt að fá hláturskast ein ;)

í ruglinu

Hvað rugl er það að brjóstahaldari kosti 10.000 kr, ég endurtek 10.000 kr!

Helvítis fokking fokk

Var líka í meiri rugli í gær, fór vestur á Snæfellsnesið og rétt áður en við komum að Grundarfirði þá fór ég að æla :( - ældi svo meira á Grundarfirði og svo á fundinum sem ég var á, þurfti alltaf reglulega að yfirgefa salinn.

Sjæs - ekki gaman.

Sem betur fer var heimferðin alveg ælulaus.

Algjört rugl!

Hugmyndir óskast

Ég er í vandræðum með hvað ég eigi að gera næsta föstudag.

Þannig að hér með óska ég eftir hugmyndum um hvað ég get gert :)

Týnt

Ég bý ekki í stórri íbúð en samt tekst hlutum að hverfa héðan.

Kannski kóngulærnar taki þessa hluti!

En allavega er búin að leita um allt að gataranum mínum - þegar maður er búin að eyða regnskógunum þá þarf maður náttúrulega að gata þá og koma fyrir í möppu ;)

en ansans gatari....

###

En annars átti ég bara mjög óvænt kvöld - það er að segja spontant. Alltaf skemmtilegt :)

Skil ekki

Síminn fór að taka gjald fyrir "leigu" á router/beini, það sem ég skil ekki er hvernig þeir geta það við "gamla" viðskiptavini.

Á sínum tíma gerði ég 12 mánaða bindandi samning við símann um adsl þjónustu og ef ég man rétt og skildi þetta rétt að með því að gera þennan binandi samning þá væri ég að fá routerinn og hann væri minn.

Þennan samning gerið ég haust 2006 og rann því út haust 2007 og því ætti routerinn að vera minn. Nú einu og hálfu ári seinna ákveða þeir að taka gjald fyrir leigu á einhverju sem er mitt. Hvernig er það hægt.

Ég skil það og mundi skilja ef þetta væru viðskiptavinir sem kæmu inn í dag í adsl viðskipti og væru að fá router eða þeir sem eru að fá nýjan router.

Bara skil ekki hvernig þeir geta gert þetta.

Sköpunargáfa

Ég er gjörsamlega gjörsneydd allri sköpunargáfu - ekki svo sem ný tíðindi hér á ferð fyrir mig. Verra fyrir verkefnið sem ég er að vinna í :)

Spurning um að brjótast úr skelinni og leyfa gyðjunni að koma fram (sköpunargyðujunni sko).

Aðstoðarmanneskja

Ég hef verið að hugsa að ef ég skyldi einhvern tímann vera það vel stödd að ég gæti ráðið einhverja manneskju til að aðstoða mig, við hvað það ætti að vera.

Ég er semsagt komin að niðurstöðu.

Ég mundi ráða einhvern sem mundi elda ofan í mig - þannig að ég þyrfti þess ekki og helst ekki heldur hvað ætti að vera í matinn. Mundi þá eiginlega bara elda ef ég fengi yfirþyrmandi þörf fyrir það sem ég efast um að myndi gerast :) Væri gott líka ef manneskjan mundi taka til hádegismat þá daga sem ég er heima eins og helgar og svona.

En já væri alveg til í að heyra hvernig manneskju þið munduð vilja - skiljið bara eftir í kommentum :)

Kalt

Eruð þið ekki að grínast með kuldann?

Hélt ég mundi ekki lifa gönguna af í morgun, hélt ég yrði bara frosinn einhversstaðar í Laugardalnum og mundi kannski "finnast" þegar þýða kæmi.

Heppni bara að var logn - meira segja ipodinn minn hélt ekki kuldann út en sem betur fer búin að þiðna núna, ipodinn sko.

lúði

Er algjör lúði

Varð veik í gær :( - seinnipartinn í vinnunni varð mér flökurt en hélt samt nánast vinnudaginn allan út. Náði líka að labba heim úr vinnunni áður en uppköstin byrjuðu en rétt náði.

Í morgun var ég síðan að reyna að ákveða hvort ég ætti að fara í vinnuna, fékk mér ristabrauð sem ég er ekki búin að skila og ákvað síðan að fara í vinnu. Nema ég var ekki komin langt þegar ég ákvað að væri kannski ekki alveg sniðugast að fara. Maginn ekki alveg komin í lag og ekki með neitt þrek. Það ásamt því að bílamengunin var alveg að fara með mig.

Gekk því aftur heim og lét vinnuna vita - algjör lúði semsagt

Bónorð

Fékk bónorð í gærkvöldi.

Varð eiginlega svoldið kjaftstopp og vissi ekki hvað ég átti að segja, ég meina hvernig hryggbrýtur maður 3 ára snáða?

En hann var líka ósköp sætur í gær og sagði mér hvað eftir annað að ég mætti eiga hann og hann var alveg með svar við því hvar rúmið hans og dótið ætti að vera.

En hugsa að hann hafi líka ásælts flugvélina mína - hún hefur alveg ótrúlegt aðráttarafl fyrir hann :)

Lok

Jæja seinasti dagur febrúarmánaðar og seinasti póstur febrúarmánaðar.

Líf heldur áfram að kvikna á baðherberginu - var að þrífa þar í dag þegar ég sá kónguló en lét hana eiga sig. Þegar ég fór síðan að ryksuga var þessi blessaða áttfætlingur horfin og hef ekki hugmynd um hvert.

En er annars að elda mexíkósúpu.... vona sko að hún muni bragðast unaðslega :)

Stelpumynd

Sá stelpumynd í gær í bíó.

Einstaklega amerisk mynd - sem kom svo sem ekkert á óvart en reyndar bjóst við að myndin yrði einhvern vegin fyndnari og skemmtilegri. Var alveg ágætis afþreying sko en... já

Myndin var líka rosalega mikið um stereotýpur og staðlanir á fólki (að mér fannst) og finnst alveg stórmerkilegt að virðist vera í ameriskrí menningu þessi rosa áhersla á hjónaband. Fólk er hreinlega ekki bara í lagi ef það giftist ekki það er að segja geta ekki bara búið með einstaklingnum.

Ég bara neita að trúa því að þetta sé út um allt í Bandaríkjunum það hlýtur að fyrirfinnast fólk sem "bara" býr saman og er ekki svona upptekið af því að verði að giftast.

Já sumir gætu túlkað að ég sé hreint og beint á móti hjónaböndum eða eitthvað annað og túlki það hver sem vill.

Ég neita bara því að allir séu steyptir í sama mót :)

Fyrst ég er á annað borð farin að tala um bandarískar bíómyndir þá ætla ég að nefna annað sem fer rosalega í taugarnar á mér eða mér finnsta alltaf jafn hallærislegt.

Hafið þið tekið eftir því í kvikmyndum og þáttum að þá er oft manneskja sem kemur til einhverrar og segist þurfa að tala við hana í einrúmi. Með því sama þá yfirgefa allir aðrir sem voru í herberginu staðinn? Af hverju fara ekki þessar tvær manneskju út - miklu einfaldara og að mér finnst kurteisara að þau víkji til hliðar hehe

Finnst þetta alltaf jafn stórmerkilegt.

###

En annars var ég á silfurskottuveiðum í nótt - komst að því að þær geta víst líka aðeins farið lóðrétt, minnsta kosti var þessi á veggnum. Tókst að ná í gleraugun og krukku til að veiða hana í áður en henni tókst að forða sér.

Agi

Auglýsi eftir aga og skipulagi.... :)

En já senn líður að lokum febrúarmánaðar og því daglegrar færslna.

Sem er gott í ljósi þess að ég hef ekkert um að skrifa núna :) allavega ekkert sem dettur í hug.

hasta la vista

Sauður

Held það sé alveg óhætt að segja að ég er algjör sauður :)

Var í kvöld að elda heima hjá systur minni, kom með panini brauð sem ég var mikið búin að hlakka til að borða með matnum.

En allt kom fyrir ekki og ég steingleymdi brauðinu. Mundi ekki eftir því fyrr en þegar búið var að ganga frá og allt eftir kvöldmatinn.

Þvílikur illi.

Leikhús

Fór óvænt í leikhús í kvöld.

Skemmtilegt þegar ísferð breytist í leikhúsferð svona í einu svipan.

Var shakespear leikrit þannig að textinn var torskilinn og þurfti að einbeita sér að textanum. Var fín sýning en ekki sú besta sem ég hef séð hjá Halanum. Verð þó reyndar að viðurkenna að ég man ekki hvaða sýningar ég hef séð þar... eitthvað er minninu að hraka.

En já félagsskapurinn var ekki af verri endanum :)

Hjólið

Búin að vera á hjólinu mínu undanfarna daga.

Mikið er það nú ljúft, er svo fljótari á milli staða og svona. Þarf samt virkilega að þrífa þetta blessaða hjól.

En annars gleðilegan bolludag.

og já er komin með matargest í mexíkósúpuna :) - fegin því þá hefði ég annars þurft að skrifa póst um hugsanlega ástæður þess að fólk vill ekki koma í mat :).

Langar

Yfirleitt þá langar manni svo mikið, svo mikið að ekki er hægt að gera það allt og því verður að forgangsraða. Nú eða hlutirnir einfaldlega að bíða útaf einum eða öðrum ástæðum.

Hinsvegar ætla ég að reyna að ráðast á þá hluti sem mig langar að gera núna og eru gerlegir og ekki mikið mál.

Mig langar nefnilega mikið í mexíkósúpuna nema sú súpa er betri í félagsskap. Er svona félagsskapsmatur. Ég meina eru allnokkrir réttir sem eru algjörlega félagsskapsmatur og annar sem mér dettur í hug er racklett. Ég meina það er ekkert gaman að hafa racklett ef maður er einn að dunda sér við að steikja kjötið sitt :)

En allavega áfram um mexikósúpuna - þar sem þetta er félagsskapsmatur þá þýðir það náttúrulega að fólk komi og borði með mér. En ég get ekki ákveðið eða veit ekki hverjum ég ætti að bjóða í mat. Þannig að ég ætla að bjóða fólki að bjóða sér í mat til mín. Þeim sem hafa áhuga á að fá mexíkósúpu. Kannski réttilega að taka það fram að ég hef hugsað mér að bjóða þeim sem ég þekki ;)

En allavega þeir sem hafa áhuga hafi sambandi, hvort sem er í gegnum kommentin, tölvupóst, síma, sms eða í persónu.

p.s. fyrstur kemur fyrstur fær :)

Póstkort

Skemmtilegar og óvæntar uppákomur eru alveg hreint meiriháttar. Svona eins og fá póstkort þegar maður á ekki von á því - jafnvel þótt viðkomandi er líka bara í sama landi :)

Finnst það yndislegt.

Hrifin af jákvæðum og góðum uppákomum, ekki eins hrifin að þeim leiðinlegu.

###

En annars skall hurð nærri hælum núna - var næstum því búin að gleyma að blogga. Eða ég mundi eftir þessu fyrr í kvöld og dag en ákvað að geyma aðeins og var því næstum búin að gleyma. En rétt náði :)

Rupali

Rupali mín á afmæli í dag - og ef ég hef reiknað rétt þá er hún 14 ára.

###

Er frekar óþægilegt að vera rassblautur - sérstaklega þegar það er í lengri tíma.

Það gerðist akkúrat fyrir mig í dag - fór nefnilega á hjólinu í morgun og áttaði mig ekki á að væri rigning og tók því ekki regnbuxurnar með. Þegar hjólið var svo búið að vera úti í smá tíma í hellirigningu þá varð ég að sjálfsögðu rassblaut þegar ég fór á hjólið.

Dagurinn

Áhugaverður dagurinn í dag.

Byrjaði líka með well.... sjokki.

Var í langferðabíl þar sem var verið að keyra upp brekku í mikilli hálku þegar hann komst ekki lengra, nema byrjaði að renna aftur á bak og bremsurnar ekki að gera neitt það er að segja þegar bílinn komst ekki lengra þá var stigið á bremsur sem dugði ekki og við byrjuðum að renna aftur á bak. Bílinn stjórnlaust og svo enduðum við þvert á veginum og nálægt því að fara útaf.

Rétt áður en við fórum upp brekkuna var mér á orði að mig langaði út og ganga þetta - aðallega því mér leist ekkert á þetta.

En allt fór þó vel sem betur fer :)

Dreifbýlistútta

Jæja - er búin að skrifa undir samning þess efnis að gerast dreifbýlistútta.

Reyndar verður það einungis hluta úr árinu, en enga að síður spennandi. Fer skrefinu eða skrefunum lengra en dreifbýlistútturnar vinkonur mínar því ég mun vera mun lengra í burtu en reyndar líka í styttri tíma ;)

En bara gaman að þessu.

Augnlæknir

Ég hef á tilfinningunni að sjónin mín hafi versnað. Hef hug á að láta staðfesta nú eða hrekja þessari tilfinningu minni með því að fara til augnlæknis sem segir mér hið sanna í málinu.

En þá kemur smá klípa, því ég ætla mér ekki að kaupa ný gler eða gleraugu alveg strax, ef ég skyldi vera komin með verri sjón. Þannig að ef ég fer til augnlæknis núna og ef hann staðfestir það að sjónin mín hafi versnað þá mun ég að öllum líkindum sjá bara mikið verra heldur en ég geri nú bara útaf vitneskjunni ;)

En þá geta sumir spurt sig af hverju ég fresta þá ekki heimsókninni til augnlæknisins sem er alveg gild spurning.... en bara vil fara fyrir mars :)

sem gerir það að verkum að ég þarf að fara að panta tíma og fara að sjá svo illa ;)

Já já

Ekki varð mikið úr skrifum í gær vegna vesenist með hausinn. Reyndar ekki með verstu hausverkum en því verri eða meiri uppköstin sem fylgdu.

Skemmtilegt

Ætlaði mér nefnilega að vera svo dugleg í gær að t.d. að snúa þessu við hjá mér að eiga erfitt með að sofna á sunnudögum, vakna svo á mánudögum alveg þvílíkt þreytt að það endist vikuna. Tókst svo sem að fara að snemma að sofa en vaknað annað slagið í nótt með hausverkinn og varð að sjálfsögðu þreytt í morgun.

En tókst að þrífa í gær áður en þetta helltist allt yfir. Hefði sennilegast verið sniðugast að fá mér að borða á undan - spurning hvort ég hefði þá sloppið við allt þetta vesen.

En já nóg um leiðindin í bili... meira seinna

hausverkur

skrifa seinna..........

Árstíðir

Í sumum af þessum könnunum sem eru til gamans gerðar þá kemur stundum spurning hvaða árstíð er uppáhalds.

Á alltaf í sömu vandræðunum með að svara, því á enga uppáhalds. Ég meina hver árstíð (sumar,vetur, vor og haust) hefur sinn sjarma. Ég meina það er gaman þegar vorið kemur og maður upplifir birtuna sem kemur og allt að vakna til lífsins. Sumarið þá er allt bjart og yfirleitt hlýrra veður. Á haustin þá er farið að dimma og gott að fá það eftir alla birtuna :) og tala nú ekki um alla litina sem koma. Veturnir geta verið heillandi sérstaklega þegar snjóar og hvítt og fallegt yfir öllu.

Þannig að ég get ekki valið á milli, veturnir eru kannski stundum helst til langir og svo náttúrulega er mér oft kalt en samt...

Jæja hver er ykkar uppáhalds árstíð og af hverju?

Lög

Þeim sem finnst erfitt að lesa lög á íslensku ættu að prófa að lesa lög á ensku, enn skemmtilegra :)

Það var það sem ég eyddi megnið af deginum í

###
Af baðherberginu mínu að frétta þá er allt með rólegum nótum þar. Hef ekki séð stóru feitu kóngulóna, né aðrar kóngulær eða silfurskottur.

Finnst svoldið kómískt að þegar ég er á leið inn á baðherbergið þá kveiki ég fyrst ljósið áður en ég stíg inn i herbergið og rannsaka gólfið vel og vandlega áður. Enda langar mig ekkert til þess að stíga á neitt kvikt.

Komið gott

Komið alveg gott af þessum kulda, má nú alveg fara að hlýna dáldið.

Væri ekki amalegt að vera þvælast í Suður Ameríku núna eða vera hjá litla frænda, stóra frænda og konunni hans í Guatemala. Spurning hvort maður væri að kvarta yfir hita þess í stað!

Nú er ég búin að vera líka "úti" eða ekki heima við 3 kvöld í röð og er bara alveg búin á því. Eitthvað þvílíkt þreytt en spurning hvort það tengist því að hafa verið að heiman er spurning.

Stóð mig þvílíkt í skonsugerð í gær eða EKKI, voru ekki að gera sig þessar skonsur en voru nú samt eitthvað étnar. Til þess að kórona allt saman þá var grjónagrauturinn heldur ekki upp á sitt besta.

Samtal

Átti mjög áhugavert samtal í gær.

En samtalið snerist um það hvað margir frá upphafi hafi dáið, hve stór jörðin er og hvað það væru þá margir fm af jörðinni sem mögulega enginn hafði dáið á miða við fjölda og stærð. Var mér tjáð það að væri sennilegast á stærð við fótboltavöll. Nema hvað líkurnar á því að eru mun stærri svæði hér á landi heldur en t.d. í austurlöndum sem er líklegt að enginn hafi dáið á.

Fannst þetta bara mjög áhugavert því oft er það þannig að maður vill ekki búa nærri kirkjugarði eða í íbúð sem maður veit að einhver hefur dáið í.

Voru góðar pælingar á göngu heim á leið.

Hmm....

Það verður að viðurkennast að núna er ég alveg blank, veit ekkert hvað ég á að rita hér. Undir venjulegum kringumstæðum þá hefði ég að sjálfsögðu sleppt því en þar sem ég ákvað að blogga á hverjum degi í febrúarmánuði þá ætla ég mér að standa við það. Allavega reyna.

Hefði kannski getað geymt það þangað til síðar en.. veit ekki hvort ég verð í netsambandi seinna í dag.

En einhverjar hugmyndir sem þið hafið um blogg sem ég get skrifað? :)

Létt og laggott

Var sko ekki búin að gleyma að skrifa á bloggið, það er að segja ekki í dag en núna þegar ég er loksins komin heim þá var það næstum því búin að gleyma þessu en augljóslega gerðist það ekki.

Þetta raus verður ekki um smjörið létt og laggott og ekki heldur í boði létt og laggotts :)

Heldur er þetta vaðið úr einu í annað.

Líst bara dæmalaust vel á kennara minn í þessu námskeiði sem ég er í, ákvað að tala aðeins við hann í dag um mastersverkefnið mitt og það hjálpaði mér eða held það allavega. Líka var svo almennilegur og bauð mér að hafa samband ef ég hefði fleiri spurningar :)

Svo er líka svo yndislegt að keyra bíl þar sem skyggnið ver mig fyrir sólargeislum og ég sé á götuna. Semsagt sat það hátt uppi að skyggnið náði alveg, yfirleitt er það þannig að sætin eru það lág og skyggnið það hátt uppi að það gagnast mér ekkert nema ef sólin er einstaklega hátt á lofti sem hún er ekki þessa dagana.
já hlæjið þið bara.........

læt þetta duga í bili

Umhverfisvænt

Ég reyni eftir megni að nota vörur sem eru umhverfisvænar, merktar t.d. með svaninum.

Verð þó að viðurkenna að ég er að gefast upp á einni vöru eða uppþvottaleginum sem er merktur svaninum. Hef verið að þrjóskast hingað til að nota þennan uppþvottalög og svo sem ekkert að því. Það er bara að það blokkerast alltaf fyrir opið á brúsanum þannig að brúsinn stíflast og vandræði að ná einhverju úr brúsanum.

ekki upplýsandi og skemmtilegt að vita :)

Kalt

Er kalt - sem kemur svo sem ekkert á óvart ;) nema nú er þreytan líka eitthvað að hellast yfir mig. En kannski kemur það bara til að ég er komin niður í skóla og er að fara að læra.

slökknaði á mér frekar snemma í gærkveldi en að sjálfsögðu þegar ég ætlaði mér að fara að sofa að þá tókst það ekki.

Fór á annan meistarafyrirlestur í gær, komst að því að best væri bara að reyna að útksrifast úr hagfræðideildinni. Komu margir á þennan fyrirlestur, prófdómari var síðan bara með auðveldar spurningar miða við þær sem komu úr salnum.

ansans.... mér er kalt

síminn minn

Er að verða klikkuð á gsm símanum mínum. Síminn sjálfur virkar alveg vel og batteriið er enn fínt. Það er stýripinninn sem er til vandræða þannig að ég á erfitt með að fletta upp í símaskránni, skoða sms eða opna eitthvað annað í símanum svona eins og að stilla vekjaraklukkuna. Frekar böggandi þar sem annars er í lagi með símann og tala nú ekki um batteriið.

Er því búin að vera skoða síma og símarnir sem mig langar í eru dýrir :( það er hinsvegar eitt sem ég var að spá í, símar sem eru með diktafón veit einhver hvort það sé eitthvað vit í því. Þarf nefnilega á diktafóni að halda og var því að spá hvort væri sniðugt að sameina það í síma en spurning er hvort diktafóninn sé eitthvað góður sem finnst í síma?

Meistarafyrirlestur

Var á mínum fyrsta meistarafyrirlestri og vörn áðan.

Núna er ég að leita allra leiða til þess að útskrifast úr hagfræðideild til þess að þurfa ekki að hafa fyrirlestur ;) eða svona nokkurn veginn.

Annars var prófdómari ekkert svo harður og fór allt mjög vinsamlega fram.

Er að spá í að fara líka á annan meistarafyrirlestur á morgun til þess að athuga hvort sá verði nokkuð tekin af lífi.

###
Annars fór ég í bíó í gær á Viltu vinna milljarð, var barasta ánægð með myndina, kom reyndar á óvart hvað voru margir í bíó og þetta snemma líka eða um sexleytið.

Afmæli

Lenti í óvæntri afmælisveislu hérna upp í skóla. Var sagt að væri afmæliskaffi í fundarherberginu og afmælisbarnið vissi ekkert af því.

Horfðum á kerti á kökunni brenna upp til agna því afmælisbarnið var upptekið og náði ekki í tæka tíð fyrir kertin. Þannig að kertavax var kroppað af kökunni ;)

En það skemmtilega var að rétt áður hafði ég sest hjá afmælisbarninu í hádeginu og borðað hádegismat með henni án þess að vita að hún ætti afmæli.

Strætó

Uppáhalds umræðuefnið ;)

En nú þarf ég að vera fljót að ákveða mig hvort ég taki næsta vagn sem er eftir um 15 mínútur eða hvort ég bíði þá klukkutíma eftir næsta.

Fúlt

Tilraun

Hef ákveðið að gera tilraun með að blogga alla daga febrúarmánaðar. Veit ég klikkaði á fyrsta degi febrúarmánaðar en það verður þá bætt upp með tveimur færslum einhverja aðra daga.

Bak við þetta er mjög skrýtin hugmyndafræði hjá mér að með auknum skrifum á blogginu mínu komi aukin afkastageta á öðrum sviðum :)

Febrúarmánuður var líka valin vegna þess að hann er með fæsta daga mánaðains.

Rann á rassinn

Lítur út fyrir að nýrri ríkisstjórn hafi tekist að komast á koppinn áður en mér tókst að útrýma skólaleiða.....

nei kannski ekki... skólaleiðinn er svo sem að hverfa en ekkert skipulag, áætlun eða aðgerðaráætlun hefur hinsvegar litið dagsins ljós.

En þarf þá bara rísa upp, dusta af rassinum og halda áfram þar sem frá var horfið.
Enda lítið val núna - hópaverkefnið komið af stað og þarf að skila rannsóknaráætlun þar á föstudag. Leist ágætlega á þennan hluta af hópnum sem ég hitti en ég mun sennilegast aldrei hitta tvær úr hópnum sérstaklega þar sem ein býr í Noregi.

Annars eru tímamót núna í mínu lífi. Eru að verða fjögur ár sem ég hef haft lögheimili mitt á sama stað en það er það lengsta tímabil hjá mér, hafði aldrei verið meir en 3 ár. En þrátt fyrir að þetta þá hef ég reyndar ekki enn búið á staðnum samfellt í fjögur ár og á eftir að brjóta það met mitt (3 ár) en virðist ætla vera eitthvað erfiðara að ná því.

Renna út á tíma

Er sennilegast að renna út á tíma hérna að gera áætlun, skipulag og aðgerðaráætlun. Það er að segja ef ég ætla að verða starfhæf áður en ný ríkisstjórn tekur við. Er samt eitthvað í áttina - á góða daga og slæma í afköstum.

Verst bara hvað ég er eitthvað lengi að lesa.

###

Meira af kóngulóm

Einn morguninn núna í vikunni gekk ég inn á baðherbergi (ekkert óvenjulegt við það), þar sá ég einhverja dökka þúst við vegginn sem ég var nokkuð viss um að hefði ekki verið þar í gær. Þannig að ég fór tilbaka inn í herbergi að ná í gleraugun (já sé illa :() og þegar ég kom tilbaka sá ég hvað þessi dökka þúst var.

Það var stór og feit kónguló - ekki sú sama og ég sá fyrir einhverjum dögum síðan. En ég ákvað að láta hana vera og hún hvarf, hvert veit ég ekki en er mjög forvitin að vita hvar þær halda til því engir eru kóngulóavefirnir í sjónmáli.

En í morgun þegar ég var inn í herbergi (ekki baðherberginu) þá skaust kónguló framhjá mér og þar sem hún var á hreyfingu þá vissi ég hvað þetta var svona gleraugnalaus og sú var fljót að fjúka. Er alveg nokkuð viss um að þetta var ekki stóra og feita sem ég sá í vikunni heldur hin. Er með þá kenningu að þessi stóra og feita hafi rekið þessa út úr baðherberginu.

En þær verða að vita sinn sess...

Eru ekki annars allir spenntir fyrir að koma í baðherbergið mitt? :)

Greining

Er búin að greina sjálfa mig.

Já ég er svo hæfileikarík :)

Er komin með skólaleiða, að minnsta kosti sat ég í tíma í dag og hreinlega nennti ekki einu sinni að hugsa til þess að þurfa að gera hópverkefni og einstaklingsverkefni. Hryllti hreinlega yfir þeirri hugsun.

En núna þarf að koma áætlun, svo skipulag og aðgerðaráætlun um að útrýma þessum skólaleiða og fara á fullt.

Takmarkið er að verða starfhæf áður en ný ríkisstjórn tekur við - held það verði ekki vandamál - sérstaklega ekki ef ekkert verður fyrr en í maí - sem er mjög ólíklegt.

En þarf að finna gleðina í skólanum á ný!

Deyfð

Deyfð yfir blogginu mínu og yfir mér...

Kem mér ekki að verki og hef ekki almennilega komist í gang núna í janúar, sem er ekki nógu gott því hef nóg að gera og markmið til þess að ná.

Veit ekki hvernig ég get sparkað í rassinn á mér og komið mér almennilega að verki. Á kannski einn góðan dag en síðan ekki daginn eftir. Ekki vantar góðu fyrirheitin á kvöldin að daginn eftir ætli ég mér að verða þvílíkt dugleg.

Á líka ónýtan kodda - er komið gat á hann og því fiður um allt - var að reyna bráðabirgða viðgerðir á honum með því að hefta gatið saman :) má alltaf vera bjartsýnn á að það virki :) svona eins og ríkisstjórnin hahaha

var hjá systkinabörnum mínum á föstudag fram á laugardag. Litli guttinn var að leika sér með hákarl og krókódíl (nei ekki lifandi dýr) og þegar ég kvartaði yfir því að þau væru að borða mig (dýrin sko) þá tók hann sig til og lét þau bara kyssa mig í staðinn :) góður strákur

Snákar

Undanfarið hefur mig dreymt snáka.

Í nótt var það ekki góður draumur - reyndar sjaldnast gott að dreyma snáka því ég er heilluð af þessum kvikindum en finnst þeir samt sem áður alveg hryllilegir og er voða gott að þeir búa annarsstaðar en á Íslandi.

En annars er ég í átaki með sængurveri mín. Ég á nefnilega svo mörg og nota aðeins brot af þeim sem ég á þannig að núna er ég markvisst að fara að nota þau öll. Þó ekki öll í einu ;)

Baðherbergið

Baðherbergið mitt er mjög vinsælt.....

af kóngulóm.

Var með tvær milli jóla og nýárs og var að fá eina nýja núna. Velti mikið fyrir mér hvaðan þær koma.

En þessi nýja er eitthvað feimnari því sá bara glitta í hana í gær og hef ekkert séð hana í dag.

Spennandi tímar

Nýtt ár

Fyrsti pistill á nýju ári.

Er búin að hugleiða hvort ég ætti að skrifa annáll fyrir 2008 en ákvað að gera það ekki :) en.........

2008 fyrir mér er
*mjög lærdómsríkt ár (vinnulega ásamt öðru)
*þar sem allar áætlanir og varaplön urðu að engu :) en samt allt í lagi því annað kom í staðinn
*litla systir gifti sig og var viðstödd óhefðbundins brúðkaups á Snæfellsjökli og svo hálf veik í því þriðja
*Fyrsta skipti sem ég og litla systir eru saman í skóla ;)
*2008 var líka árið sem ég fór ekkert til útlanda síðan 2001

2008 þá ætlaði ég mér að vera um helming af árinu erlendis eða í Ástralíu en þau plön breyttust allhressilega og þess í stað var ekkert farið út fyrir landsteinana og ég komst að því að ég hef nánast farið eitthvað til útlanda allt frá árinu 1995 með árið 2001 og núna 2008 til undantekningar.

Útlandaferðir
1995: London - Fyrsta skipti sem ég fór ein með vinkonu til útlanda
1996: Berlin (með skólanum), Majorka og svo til Englands í enskuskóla og vinna
1997: Kaupmannahöfn (dvaldi 3 vikur hjá Gulla frænda)
1998: Prag og svo til Hollands
1999: Sviþjóð (sumarbúðir á vegum rauða krossins)
2000: Danmörk (BUSL ferð) og Frakkland (Paris og Chamonix)
2001: Ekki neitt en átti að verða Kúba með HÍ í námsferð
2002: Chicago, USA
2003: Grænland (dagsferð til Kulusukk á vegum vinnunar), Kaupmannahöfn, Svíþjóð, London og Kúba (allt í sömu ferð, 1 mánuður í allt)
2004: Færeyjar (heimsækja Bjössa frænda)og Austurríki (skyndihjálparkeppni)
2005: Kaupmannahöfn til þess að keyra til Þýskalands í brúðkaup
2006: Ferðin mín mikla :) Kína, Malasía, Ástralía, Nýja Sjáland og New York (farið út í janúar og komið heim í maí) um haustið til Barcelona (vinkonuferð)
2007: Rúmenía (ráðstefna landvarða)
2008: Ekkert farið en átti að verða Ástralía ;)

Spurning hvort 2009 verður eitthvað ferðaár en er á óskalista að fara á ráðstefnu landvarða í Bólivíu :)

Gleðilegt nýtt ár!

Takk fyrir lestur og samveru á árinu sem er að líða!

Gangið hægt um gleðinnar dyr :)

Jólabókin

Kláraði jólabókina í gær.

Er enn að hneykslast á lélegum yfirlestri hjá útgefanda. Skrifaði tölvupóst áðan til þess að athuga hvort væri ekki örugglega lesið yfir bókina því í fyrra var þetta svona líka.

Ekki nóg með að sumar setningar væru skrýtnar og á sumum stöðum vantaði smáorð eins og að þá var líka stafsetningarvilla. Sófi var hvað eftir annað skrifað með tveimur ff eða sem sóffi. Rakst á þetta oftar en einu sinni.

Ég er ekki sú besta í íslensku, setningarfræði eða hvað þetta heitir nú allt saman þannig að þetta hlýtur að vera þá töluvert úr því að ég tek eftir þessu. Tek nefnilega oft ekki sjálf eftir þessu í ritgerðum eftir sjálfan mig ;)
###

Jólin eru búin að vera fín en hausinn er þó búin að vera stríða mér. Sem betur fer ekki þó það slæmt að ég hafi verið rúmföst en svona allt að því suma daga (jóladag) en samt alla daga einhverjir verkir sem ég er ekki ýkja hrifin af.

En bara nýtt ár í vændum - spennandi!

Bíó

Fór á myndina Australia í gær og var sko ekki fyrir vonbrigðum. Búin að bíða eftir myndinni síðan í sumar.

Fékk smá endurhvarfs til tíma míns í Ástralíu en fékk líka smá sögulegar staðreyndir sem mér finnst alltaf gaman bæði að lesa um og sjá í bíómyndum.

Myndin kom ágætlega til skila upplýsingum um frumbyggjana - Aborginales í Ástralíu, líka um hvernig er að vera hvorki svartur né hvítur.

Mér fannst myndin æði.

Ekki skemmdi heldur fyrir að horfa á flottan karlmann í rúma 3 klst ;)

Jólin

Mjálmið hans Vargs óskar lesendum sínum sem og öllum öðrum gleðilegra jóla og farsældar á komandi ári!



Jólakveðja
Linda Björk

Svaðilför

Lenti í hálfgerðum svaðilförum á leið heim úr vinnu í dag.

Þurfti að fóta mig í hálku ásamt því að vaða læki eða nánast árfarveg sem var farin að myndast.

Þetta gerði þó ekkert til því ég var vel búin - jaa reyndar ekki fyrir hálkunni en allri bleytunni.

Það sem gerði mig vonda var maðurinn sem fór yfir á rauðu ljósi og var ekkert að pæla í gangandi vegfarendum - mér. Í þokkabót var hann í símanum.

Fyrst hélt ég að hann væri svo lengi að stoppa og þegar hann var að verða komin þannig að hann var fyrir gönguleiðinni minni (ég var að ganga yfir á grænum kalli) þá varð ég smá foj og var að spá í hvort ég ætti að berja í hurðina hjá kallinum því ég hefði þurft að taka lykkju á leið mína.

En nei þá fer kallinn yfir og það er hárautt hjá honum og lítur ekki einu sinni í átt til mín til þess að athuga með gangandi fólk.

En já komst heil heim og nokkuð þurr bara - sokkar smá rakir en ekkert miða við lækina sem ég þurfti að vaða :)

Allt að koma

Kláraði jólagjafirnar á föstudaginn, búin að þrífa og setja jólaskraut á sinn stað.

Allt að smella.

Þannig að lítur út fyrir að ég geti átt náðuga daga framunda.

En kannski krota á nokkur jólakort og svo búin.

Loksins

Var að skila inn seinasta verkefninu inn fyrir þessa önn og því komin í "jólafrí".

Jeii.

Annars var gífurlega skemmtileg upplifun áðan upp í ártúni. Var á leið til systur minnar og þurfti að skipta um strætó. Vagnarnir áttu semsagt að passa akkúrat saman nema hvað þegar ég kem er enginn vagn. Þurfti að bíða í hálftíma eftir að vagninn kæmi nema á þessum hálftíma komu 4 vagnar nr. 15 og 2 vagnar nr. 18 ásamt því að vagninn sem ég kom með var kominn aftur.

já var orðið frekar spaugilegt með leið nr. 15 - sáum alltaf strætó koma og héldum að væri okkar vagn (vorum nokkur þarna) en alltaf var það 15

En já svo er að hespa af jólagjöfum á morgun, kíkja kannski í lokapartý hjá nemendafélaginu og svo þrífa og setja upp jólaskraut um helgina.

Í skólanum

í skólanum er gaman að vera.........

en öllu má nú ofgera ;)

Loksins keytpi ég kerti í aðventukransinn - ekki seinna vera svona þriðja í aðventu (keypti í gær sko) en svo kveikti ég ekkert á kertunum.

Spurning hvað gerist fjórðu í aðventu - hvort verði bara kveikt á þeim öllum í einu. Skapa bara nýja hefð!

en já ætli maður ætti að drullast til þess að gera eitthvað úr því að maður er að hangsa í skólanum....

Próf

Já er ekki alveg búin að skilja við prófið sem ég var í - í dag.

Er svo hissa á einni spurningu - er ekki að skilja tilganginn með henni og fannst hún ansi ósanngjörn.

Ég semsagt var í vistfræðiprófi þar sem kom ein 15% spurning um hver jafnan væri fyrir carrying capacity (þolmörk). Ég get ekki skilið þessa spurningu og hefði frekar skilið hefðum við þurft að reikna út úr jöfnunni eða útskýrt línuritið sem kom með hvað það þýddi en ekki hver jafnan er. Hætti að leggja jöfnur á minnið eftir að ég hætti í stærðfræði....

Ok þessi spurning hefði alveg mátt koma en þá gilda 3-5 % en ekki heil 15%.

Voru fjórir kennarar með þetta námskeið og spurningarnar komu í hlutfalli við kennsluna hjá þeim - en er svo hissa ef enginn hefur sett neitt út á þessa spurningu...

en já varð bara að koma þessu frá mér.

Tónleikar

Mikið rosalega langar mig á tónleikana með Emílíönu Torrini annað kvöld eða sunnudagskvöldið.

En það er uppselt á bæði kvöldin.

Sem er kannski gott því þá spara ég peninginn - er frekar dýrt á tónleikana.

###
En búin með prófin og núna er "aðeins" eftir eitt verkefni sem ég vonast til þess að ég klári um helgina.

En já svo er það þá vinna,kaupa jólagjafir, þrífa og setja jólaskraut á sinn stað.

Kvöldmatur

Maður verður greinilega að vera svolítið uppfinningasamur á það hvernig maður borðar kvöldmatinn. Ekki hvað heldur hvernig.

Málið er að ég er upp í skóla og fór á kaffistofu eina til þess að geta hitað upp kvöldmatinn minn. Nema til þess að geta borðað kvöldmatinn minn þá þurfti ég til þess áhöld.

Þessi áhöld voru ekki til staðar á kaffistofunni - greinilega gengið frá öllu þegar kellurnar fara.

Þannig að sem betur fer var pappamál til staðar og ég gat því notað hluta af því til þess að skófla upp í mig matnum mínum.

###
Úti er orðið veður vont.

Langar svo sannarlega ekki heim í þessu veðri - eða langar ekki út til þess að komast heim!

hvað gerir maður þá?

verður alla nóttina í skólanum!
- ekki heillandi heldur

Skilað

Búin að skila prófi!

Jamm - ekkert voða sátt og lá við að ég dræpi sjálfan mig úr leiðindum yfir því að vera svona fúl og pirruð.

En lokið.

Svo er bara að bíða og sjá ........

Pirruð

arrrrggggggggggggggggggggggggggggggggggggggggggggggggggggggggggggggg

Ég er svo nálægt þvi að taka tölvuna og fleyja henni í gólfið, jafnvel þótt hún eigi engan þátt í pirringi mínum.

Er þvílíkt pirruð á þessu próf og er ekki að finna það sem ég er að leita að.... búin að ganga þvílíkt illa að annað eins hefur nú bara ekki þekkst svei mér þá.

shit ég er fúl og pirruð!

En koma mér að verki um einn og hálfur tími eftir.................

Heima

Ég var að taka þá ákvörðun að vera heima í dag að læra.

Veit ekki hversu gáfuleg sú ákvörðun er í ljósi þess að mér finnst ég aldrei koma miklu í verk þegar ég er heima - lærdómslega séð.

En þar sem ég er að fara í heimapróf á morgun frá átta um morguninn til miðnættis þá er eins gott að venja sig við. Treysti því nefnilega ekki að ég fái nógan frið á morgun í skólanum til þess að gera prófið ;)

En kosturinn við það er að ég mun kannski elda þá eitthvað í kvöld en man ekki hvenær ég eldaði seinast (fyrir utan grjónagrautinn heima hjá litlu systur).

En já ætti maður að koma sér að verki!

Æst

Stundum verð ég svo æst eða frekar spennt yfir einhverju sem ég er að gera. Núna t.d. er ég byrjuð á öðru verkefni og það verkefni tengist að hluta til mastersverkefninu mínu. Er semsagt að finna og lesa greinar. Þegar ég held að ég sé komin á slóð sem mér finnst spennandi og er í rétta átt þá verð ég svo spennt og finnst alveg frábært að vera komin á þessa slóð.

Jafnvel þótt slóðin verður köld einhverju síðar.

En það er gott að maður hefur gaman og verður spenntur yfir því sem maður er að gera :)

Jæja jæja

Held ég sé búin með eitt stykki ritgerð hérna, og það á tíma sem mér finnst bara ansi gott.

Það sem er hinsvegar vont er að akkúrat núna þá finnst mér þetta arfa vond ritgerð og þvílíkt kjaftæði en svo koma líka tímar þar sem mér finnst hún bara allt í lagi.

Þannig að það má segja að ég hafi gjörsamlega enga hugmynd hvernig þessi ritgerð er.

En já þótt maður sé búin með eina ritgerð þá er víst að halda áfram, enn er eftir eitt verkefni og tvö próf.

Langlífi

Þessi frétt birtist á mbl.is í dag.


Elsta kona Noregs, Gunda Harangen, er látin 109 ára að aldri. Harangen sagði í viðtali, sem birtist árið 2006, að hún hefði lifað svona lengi vegna þess að hún drykki eitt glas af koníaki á hverjum degi og hefði ekki verið í tygjum við karlmenn.

Harangen, sem var elst sjö systkina, fæddist 28. desember 1898. Hún lést í svefni 25. nóvember, að sögn frænda hennar.

Ég var næstum því farin að svitna við tilhugsunin að verða svona - passar allt svo vel, elst sjö systkina (ég á sex systkini þannig að ég hlýt að vera elst af sjö) - eða alveg þangað til ég fattaði að ég drykki ekki koníak.

Er hólpin

Skipulag

Á eitthvað ógurlega erfitt með að skipuleggja ritgerð sem ég er eða á að vera að skrifa og skipuleggja mig við að skrifa.

Veð úr einu í annað, er alveg eitthvað komið á blað en fullt eftir og kemst ekki áfram.

Böggandi

Einbeitning

Eitthvað datt hún út núna - er svo ekki að nenna halda áfram að læra en þarf þess svo innilega. Hefði viljað klárað eitt stykki ritgerð núna um helgina en það er sko ekki að gerast sérstaklega þar sem ég er varla byrjuð að skrifa.

Er líka kalt og er að verða þreytt!

Góðu fréttirnar eru þó það að ég er komin með smá hugmynd að þessari ritgerð sem er stórt skref frá því á föstudag :)

svo skilst mér að sé fyrsti í aðventu og held mig vanti kerti í aðventukransinn minn en mun athuga það þegar ég kem heim.

En já lærdómur er það víst

síminn

Gleymdi símanum mínum heima - bögg

óþægilegt.

því í fjáranum er maður orðinn háður þessu tæki.

Hef bara gott af því að hafa hann heima.

Tónleikar

Svona er mar nú menningalegur að farið er á hverja tónleikana á fætur öðrum.

Í gær voru semsagt tónleikar hjá litla lang yngsta bróðir en hann er búin að vera í söngskóla.

Hann tók tvö lög, Bahama og Fjöllin hafa sofið - var þvílíkt flott hjá drengnum. Fannst líka svoldíð skondið að meðan hinir krakkarnir (voru ekki mörg) tóku svona aðeins barnalegri lög þá var hann bara í stuðinu.

Varð líka alveg þvílíkt mikill töffari þegar hann söng Fjöllin hafa sofið.

en já já - svo er bara lærdómur á næstunni!

Sigur rós

Frábærir tónleikar.

Alveg eins og búast mátti við.

Þeir spiluðu reyndar slatta af gömlu lögum en er ekkert ósátt. Alls ekki.

Fannst frábært þegar þeir báðu salinn um aðstoð við eitt lag og syngja með og svo í seinasta laginu að fólkið í stúkunni að standa upp og svo allir að klappa í takt við trommurnar.

Geggjað

Borgar sig

Stundum borgar sig að hanga upp í skóla og skrifa á bloggið.

Símtalið sem ég var að vonast eftir seinasta laugardag kom í dag - mamma var að hringja og bjóða mér í mat!

Jeii þannig að núna er búið að borga sig að hangsa upp í skóla. En nei ég var aldeilis ekki aðgerðarlaus.

Mér tókst að búa til kort - eða merkja inn á kort þá staði sem ég fór í ferðinni minni 2006. Aldeilis dugleg. Læri sko mikið á því.

En kortið er komið hérna hægra megin á síðuna - alveg neðst.

En næst þegar ég fer í ferð - þá get ég haft kort sem sýnir staðsetninguna nákvæmlega þegar ég er þar.

Hversu kúl er það.

Nenni ekki

Nenni svo engan vegin að vera hérna.

Langar mest heim og kúra undir sænginni minni. Er líka búin að vera svo lítið heima undanfarið.

Merkilega nokk að þrátt fyrir að vera lítið heima þá er íbúðin í rúst.

bleh

Sjokk

Kvöld eitt fyrir stuttu hitti ég nokkra samnemendur mína, nema ég varð fyrir smá sjokki.

Sjokkið stafaði af svartsýni sem ég heyrði hjá þeim vegna ástandsins í þjóðfélaginu.

Kannski er ég ekki eins svartsýn vegna þess að ég hef plan fram að næsta hausti og jafnvel lengur.

Líka kannski vegna þess að minn áhugi beinist að frekar þröngu sviði sem ég eygði svo sem ekki of mikla von á að fá vinnu við þar sem þetta er frekar "lítið" svið og erfitt að fá vinnu við og því við því búin að fá ekki vinnu við það fljótlega.

En já það er víst bara að halda ótrauður áfram og gera sitt besta.

Darn

Búin að hanga og hanga upp í skóla í þeirri von að móðir mín mundi hringja í mig og bjóða mér í mat.

Rétt í þessu var ég að muna að hún er víst að fara í leikhús og því engin von til þess að mér verði boðið í mat í kvöld.

Verð því bara að taka næsta strætó heim og hunskast til þess að elda sjálf.

Leiðinlegt

Mikið rosalega er erfitt að gera verkefni sem maður hefur lítinn sem engan áhuga á og finnst bara leiðinlegt.

Er svo ekki að fíla þennan áfanga!

Fyrir vikið er ég alveg hreint rosalega lengi að þessu og tef verkið þvílíkt.

Rithöfundar

Fór að spá í það um daginn hvaða rithöfunda ég hef mest gaman af og hverjir það væru.

Komst að því að flestir rithöfundarnir eru kvenkyns

Isabel Allende, Amy Tan, Judy Nunn, Fannie Flagg, J.K. Rowling og að sjálfsögðu má ekki gleyma Mary Higgins Clark og svo hef ég líka lesið bækur eftir Joy Fielding.

Er reyndar einn karlkynshöfundur sem ég hef kolfallið fyrir og það er Milan Kundera og Nick Hornby ekki svo slæmur :)

En já skemmtileg uppgötvun þetta.

James Bond

Fór á myndina með James Bond í gær - skemmti mér alveg ágætlega.

Held að þetta sé alveg tímamóta mynd.

Man ekki eftir að hafa séð James Bond áður í gallabuxum en það gæti svo sem verið rangt.

En var alveg að fíla lookið á honum í gallabuxum og flíspeysu :)

Ánægð

Loksins settist ég niður og fór í að vinna smá úr hugmyndum mínum um lokaverkefnið. Skrifaði reyndar niður eina hugdettuna fyrir nokkrum dögum síðan en hef ekki gefið mér tækifæri á að skoða það betur.

Núna er ég eiginlega bara ánægð með það og nokkuð ánægð með sjálfan mig. Ætla líka að leyfa mér að vera ánægð með sjálfan mig þangað til lokaverkefnishópurinn minn kommentar á þetta eða leiðbeinandinn.

Meðan - djös er ég ánægð með mig og líst svo þrusu vel á spurninguna. Alveg þangað til annað kemur í ljós.

Ég rokka!

Brák

Sá Brák seinasta laugardag í Landnámssetrinu í Borgarnesi.

Fannst það alveg frábært - líka miða við það að mig langaði meira að sjá Mr. Skallagrímsson en varð alls ekki fyrir vonbrigðum með Brák.

Brynhildur Guðjónsdóttir sem leikur í því er líka svo frábær og algjörlega tekur mann með sér í ferðalagið sitt.

Kvöldið var líka einkar ánægjulegt í góðum félagsskap :)

En stefni nú á að fara á Mr. Skallagrímsson eftir áramót ef það verður enn sýnt. Áhugasamir gefi sig fram við mig :) - ekki verra ef þeir ættu bíl til þess að flytja okkur á staðinn.
###

Bleh þarf að taka mig á í lærdóminum en núna er ég t.d. eitthvað svo þreytt :(

Agi

Já þarfnast aga.

Held ég muni ekki finna hann í Mið- og Suð-Ameríku. Einhvern veginn bara finnst mér þessi heimsálfa ekki hafa það orð á sér :)

Tilfinningin er sú að ég muni frekar finna aga í Asíu

Spurning um ný plön!

hmmm....... nah

Silfurskottur

Damn!

Var að greina það að ég er komin með silfurskottur inn á baðherbergið mitt.


Fann fyrir nokkrum viku eina slíka ráfandi - var ekki viss um hvaða kvikindi þetta væri en miða við lýsingu hélt ég að þetta væri ekki silfurskotta.

Enda alltaf þegar talað er um þær þá er það í fleirtölu þannig að bjóst við að þær væru alltaf nokkrar saman.

Svo er ekki.

Fann aðra á fimmtudaginn áður en ég fór í flug og svo aðra í dag :( - þessar tvær eru núna á baðherbergisgólfinu hjá mér með krukku yfir sig.

Og loksins mundi ég að googla silfurskottu og sá mynd sem staðfestir að kvikindið sé silfurskotta.

Damn

Árshátíð

Fer að líða að árshátið hjá vinahópnum.

Hjá fyrirtæki og öðrum er yfirleitt á svipuðum tíma. Nema það skemmtilega hjá okkur er að það er jú á haustin en samt mjög sveigjanlegt.

Það sem er farið eftir er ólétta og brjóstagjafir. Mjög skemmtilegt :)

###
Annars var helgin fín - sá í morgunblaðinu á fimmtudaginn að mér var boðið í mat þá um kvöldið en þar sem ég komst ekki vegna þess að ég var á Mývatni þá hélt faðir minn annað matarboð á laugardagskvöldið.

Allt til þess að ég komist - bíddu eða var það ekki til þess að ég kæmist í mat ;)

Ókeypis

Það besta í lífinu er ókeypis.

Er alveg að fíla þessar auglýsingar á skjá 1

Rétt í þessu voru tveir strákar að segja að sönn vinátta væri ókeypis og brosið líka og svo brostu þeir þessu rosalegu brosi.

Ef það fær mann ekki til þess að brosa þá veit ég ekki hvað.

###
Þarf að vakna á óguðlegum tíma á morgun (hmm er eitthvað guðlegt við tímann?) - plús það að taka strætó fyrir sjö.

Allt þetta til þess að komast í flug og það innanlands.

Klipping

Enn á ný er hárið á mér úr sér vaxið og farið að fara í taugarnar á mér.

En ég þori bara ekki að fara í klippingu - því seinustu skiptin sem ég hef farið þá hefur verðið verið hærra frá því að ég kom seinast.

Nógu dýrt fannst mér klipping þegar ég fór í sumar eða 4.100 kr. Erum bara að tala um klippingu!

Spurning er hvort ég eigi bara að vera eins og grýla um hausinn og safna þessu hári, eða fara í snoð hjá pabba...... hann á víst einhverjar græjur..

hmm.......

Slátur

Fór í slátur til mömmu áðan. Merkilegt að hún tók slátur núna og bauð síðan allri stórfjölskyldunni eða svona nánast í mat.

Fannst reyndar eilítið undarlegt að drykkirnir með matnum var kók, sódavatn, vatn og bjór. Það passar bara engan veginn við þannig að ég fékk mér mjólk.

En já er síðan er líf og fjör hér heima hjá mér og greinilega aldrei að vita við hverjum maður getur átt von á.

Allavega fór í þvottahúsið og þar sem blasti við mér var nágranni á nærbrókunum og kærastan með handklæði utan um sig.

Held þau hafi verið að leita að fötum á sig....það er að segja hreinum fötum sem voru á snúrunni :)

já já spennandi líf... sérstaklega spennandi lífið hjá mér ef þetta er það sem kryddar upp.......

hahhaa

Þreyta

Sit hérna á háskólatorgi og er að rembast eins og rjúpa við staurinn að læra.

Gengur ekkert - afrakstur er einungis nokkrar blaðsíður, ekki einu sinni kafli.

hugsa að ég fari heim.....betur geymd þar en gera ekki neitt hér.

En var að pæla þegar ég skrifaði um rjúpuna... hvaðan kemur þetta? Rembast eins og rjúpan við staurinn.

Er þetta líka rétt notkun?

Mér er spurn

Merkilegt

Ætla ekki að tala um hversu pirruð ég var í dag vegna eins námskeiðs og hvernig mér tókst að auka pirringinn enn meira.

Neibbs ég ætla að tala um táknmálstúlka.

Finnst alveg stórmerkilegt að í fréttunum á Rúv undanfarna daga hafa verið táknmálstúlkar. Finnst að þetta ætti að vera alltaf.

Svona eins og mér finnst alltaf hálfkárlegt að þegar fréttir hafa verið um heyrnaskerta að þá hafa oft verið texti með en eingöngu við þær fréttir en ekki restina af fréttatímum. Hef alltaf fundist það mjög hallærislegt.

En vonandi verður þetta byrjun á því að verði ávallt táknmálstúlkur í fréttum.

Hlátur

Alltaf gott að hlæja, sérstaklega á þessum tíma þar sem endalaust niðurdrepandi fréttir koma.

En allavega þið ykkar sem viljið hlæja smá endilega kíkið á þetta blogg http://blog.sigurjon.com/?p=2237#comments - lesið og hlæjið, lesið líka kommentin sérstaklega þetta nr. 12 :)

Njótið og hlæjið

Horfur

Horfur á næstunni:

Lítur út fyrir að ég fari jafnvel að ferðast á næstunni - eða á nýju ári eftir ritgerðaskrif.

hmm....já

Ráðgáta

Það er mér hulin ráðgáta hversvegna það eru tvenn skópör fyrir framan lesstofu og tölvustofuna hérna á Háskólatorginu.

Var eitt par af kvennmannskóm sem er núna reyndar farið og eitt par af karlmannskóm (miða við stærð að dæma).

Mjög svo forvitnilegt.

En annars er eitthvað leiðindar hljóð hérna á lesstofunni - það hvín í einhverju.
###

Annars sá ég í andlitið á fólkinu sem býr suður með sjó, þau björguðu matarheilsunni en fórum á þann heilsusamlega stað bæjarins bestu. Það gerði það að verkum að ég gat setið lengur hérna við á Háskólatorginu að lesa.

já já

Gosh

Aldrei hefði ég trúað þessu upp á mig.

En ég er niðri í skóla að læra - nema plönin mín fyrir daginn í dag var að læra þar til að ég færi á eina mynd á kvikmyndahátðinni. Sú mynd byrjar 19.30

En þar sem mér gekk ágætlega að lesa ákvað ég að halda áfram og sleppa því myndinni. Það eina sem er að reka mig heim núna er hungrið.

Er að verða frekar svöng!

úti á þekju

jæja er ekkert sniðugt hvað ég er eitthvað gleymin núna. Var búin að steingleyma því að systursonur minn á afmæli á morgun og hefði það ekki verið fyrir að systir mín bauð mér í afmælið á morgun þá hefði ég sennilegast steingleymt þessu.

Gleymdi líka öðru afmæli - afmæli hjá litlum vin en mundi samt þó eftir því fyrir helgi :) Til hamingju með afmælið Ísak Esteban

Einu afmæli gleymdi ég ekki á sem var á mánudaginn og gat send afmælisóskir í tölvupósti..

Reyndar er búið að vera þjaka mig undanfarna daga einhverju sem ég hef verið að gleyma og skýringin semsagt að koma í ljós núna.