Snjór

Það snjóaði í fjöllin í nótt.

Hér má sjá smá sýnishorn frá morgninum og reyndar eina sem ég var að smella af núna áðan.

Miðdegisverður

Enn er ég ákaflega lunkin við það að bjóða mér í mat á þessum og hinum stöðum.

Mér til varnar að þessu sinni er að ekki grunaði mig að ég mundi lenda í lambalæri og öðrum fínheitum um þrjúleytið að degi til þótt ég mundi kíkja í heimsókn.

En algjör snilld - þurfti því ekki kvöldmat og leiðin heim þá var ég södd og sæl - alla þessar 3 klst :)

Föstudagskvöldinu var eytt í æfingar á myndavélina mína og jókst skilningur til muna. Núna er því bara að halda þessu við og læra meira :) - vona þó að myndafélaginn sé ekki orðinn veikur eftir þetta útstáelsi.

Myndir teknar voru um 181 - og komst ég einnig að því að mig sárvantar þrífót. Algjör nauðsyn.

En já er aftur komin í sveitina og viðtekur klósettþríf, eftirlit og skrifstofuvinna - skemmtileg fjölbreytni :)

Lærdómur

Alltaf er maður að læra og komast að einhverju.

Seinustu helgi lærði ég það til dæmis að ég eigi að draga út svefnsófann heima hjá mér í stað þess að reyna að sofa í "sófanum" bara - eftir að hafa vaknað í hvert skipti til þess að snúa mér við þá ákvað ég klukkan fjögur um nótt að draga út svefnsófann. Eftir það gat ég snúið mér að vild.

Ég þyrfti að komast á annað ljósmyndanámskeið - eða að myndavélin eigi að gera eins og hún á að gera. En sennilegast bara vanþekking mín ;)

Lærði svo líka eilitið um Jungle Speed frá alþjóðlegum hópi núna. Frakkar og Ítalar gátu kennt mér ýmislegt sem held að hafi ekki verið notað þegar ég hef spilað þetta spil áður. Fékk sem betur fer að vera stikkfrí frá mistökunum - þ.e.a.s. að þurfa ekki að drekka vodka þegar ég gerði mistök en þau urðu svo sem ekki mörg.

Flug

Fékk póst í dag þar sem mér var sagt að búið væri að aflýsa fluginu frá London til Rvk/Keflavík :(

Þetta þýðir auka nótt í London - ætlaði mér að fara beint úr fluginu frá Bólivíu til Íslands... en neibbs, verður ekkert að því.

Hef svo sem ekkert á móti auka nótt en held ég verði bara of þreytt eftir flugið til þess að geta notið London og þess utan er gisting svo skrambi dýr þarna.

Hef hugleitt að eyða bara nóttinni á flugvellinum, gæti geymt farangurinn minn í geymslu í London og farið svo á flugvöllinn um kvöldið og verði þar nóttina....... en nenni því ekki.

Langar ekki alveg að vera meðvitundarlaus þegar ég kem heim aftur ;)

Tilkynning og spurning

Búin að setja inn helling af myndum í myndaalbúmið mitt.
Júlí, ágúst, september ásamt ferðinni á Vestfirði (reyndar mest "vinnumyndir" þar).

En hef heyrt hjá nokkrum að þau hafi ekki getað kommentað í kommentkerfið eða lent í erfiðleikum.
Er búin að vera að skoða allt hjá blogger og sé ekkert blokkerað eða neitt.

En eru fleiri að lenda í þessu - mega alveg láta mig vita svo ég viti af því, annað hvort með því að gera tilraun og setja í kommentkerfið eða senda mér tölvupóst. Svo að sjálfsögðu má alltaf hringja í mig :)

Góða helgi

Gestastofa

Búin að taka nokkrar vaktir á gestastofunni undanfarið og ávallt þegar ferðalangar koma þangað inn stari ég þvílikt á myndavélarnar þeirra og reyni að sjá hvaða tegund af myndavélum þau eru með.

Held að flestir séu með Nikon, hef einungis séð eina með olympus vél, mjög gamla og var ábyggilega filmuvél :)

En það sem mér finnst alveg frábært við vélina mína er að þegar ég tek sjálfsmyndir þá kemur umhverfið með það er að segja ég fylli ekki upp myndefnið hehe heldur kemur umhverfið með inn í.... það er frábært þannig að ég ætti að geta tekið fullt af sjálfsmyndum úti í Bolivíu og umhverfinu - jíbbíi

Talandi um Bolivíu þá er ég loksins búin að bóka flug.

Var í Reykjavík í gær og fór í íbúðina mína og faðmaði hana að mér.
Mikið rosalega var gott að koma þar inn :) - gekk svo um Laugardalinn og fékk mér að borða á Kaffi Flóru.

Yndislegt!

Fleiri myndir

Fleiri myndir úr nýju vélinni

 

  

 

Þetta og hitt

Fór í bæinn (Rvk) um daginn og fékk að gista hjá systur minni.
Svona voru móttökurnar sem ég fékk :)

Þennan dag sem ég fór suður þá var brjálað veður eða mjög hvasst.

Svo hvasst að rúða brotnaði á gestastofunni og bíll fauk útaf.

  

 

Myndavél

Keypti mér flotta myndavél á þriðjudaginn :) - mjög lukkuleg með hana. Búin að prófa að taka sjálfsmynd og ég er með opin augu - þannig að hlýtur að vera hin fínasta vél.

Hérna er fyrsta myndin úr henni!














Mjög óspennandi mynd :)


Í dag eftir vinnu þá lá ég í sófanum hálf dottandi þegar ég heyrði eitthvað hljóð, opnaði augun og leit framm í eldhús (úr sófanum) - sá ég þá ekki eitthvað skjótast úr matarkörfunni og inn í geymslu.

Beið ég átektar og sá síðan mús koma og klifra upp í grindina - í matinn hans Hákons. Ég spratt úr sófanum, upp í herbergi....... að sækja myndavélina :)

Settist svo aftur í sófann og beið, tilbúin til þess að skjóta.

Ekki birtist músin aftur.

Þegar Hákon kom heim fórum við að ræða aðgerðina mús úr húsi. En fórum einmitt í eina slíka aðgerð á seinasta ári.

Vandamálið enn og aftur að við vorum ekki með neitt stígvél - eins og allir vita er það nauðsynlegt í músaveiðum. Við nenntum ekki strax í aðgerðina og borðuðum því fyrst, við frágang eftir matinn fór Hákon inn í geymslu og tók eftir músinni í einum af "endurvinnslu" kassanum. Kassinn því tekinn og settur út.

Músin frjáls og á lífi - ólíkt því sem var á seinasta ári.

Músin í kassanum.














Svo hljóp músin út í haga... á þvílíkum hraða

Jökullinn

Söfn

Í sumar hef ég farið á þónokkur söfn og bættist enn eitt safnið við þegar ég fór til Ísafjarðar um daginn. En við komum við á Eiríksstöðum.

Verð að segja ða það var alveg brilliant og mikið sem ég dáðist að "safnafólkinu" - það tekur á móti fólki og segir frá. Virðist ekki vera neinar ákveðnar tímasetningar heldur kemur fólk inn og þau byrja að segja frá og svo kemur næsti og þau byrja aftur...

Er ábyggilega þvílíkt álag - þau voru líka svo flott þar sem þau voru í vikingafötum :)

###

Er búin að vera að skoða flug til Bolivíu... mikið svakalega er það dýrt!

Svo langaði mig líka að "koma við" í Guatemala áður en ég færi á ráðstefnuna en það kostar svo mikið auka að ég veit ekki barasta ekki hvað ég á að gera.

En annars er sennilegast að fæðast plan um hvað ég geri eftir ráðstefnu en vil samt hafa það opið ef eitthvað óvænt kæmi nú hendurnar... eitthvað spennandi :) eins og þjóðgarðsheimsókn eða eitthvað!

En Amazon heillar....

Hellissandur-Rvk-Hellissandur-Ísafjörður-Hellissandur

Öll þessi leið á aðeins þremur dögum: Hellissandur-Rvk-Hellissandur-Ísafjörður-Hellissandur

Eða í raun tveimur og hálfum dögum.

Já var þreytt þegar helgin kom loks í seinustu viku.

Mánudagskvöld eru vinsæl til að halda grillveislu og búin að skella mér aftur í sjóinn.

Átti undarlegt samtal í búðinni í gær - eða í fyrstu var maður sem ruglaði á mér og einhverjum öðrum. Skil ekki hvernig - ég er einstök :)

hahaha

en já lífið er ljúft, búin að vera í klósettmálum og smá útiveru í vinnunni.

Sjósund

Ég er í tískunni.

Ótrúlegt en satt!

Ég og tveir aðrir strand/landverðir skelltum okkur í sjóinn um kvöldmatarleytið.

Var ekki mikið um sund þar sem var líka svo mikið um öldur og því meira um busl í öldunum.

Gríðarlega hressandi og kom mér á óvart að hafa skellt mér - kuldaskræfan mikla.

Hákon var búin að nefna þetta við mig nokkrum sinnum hvort við ættum nú ekki að fara í Skarðsvík og í sjóinn - sagði alltaf bara jájá. Handviss um að yrði ekkert af þessu eða ég mundi guggna.

En eru til meira segja myndir af þessu á facebook.

Og nei þær munu ekki koma á bloggið :)

Bíll

Langar í bíl eða allavega smá löngun farin að gera vart við sig að langa í bil.

Kom allt eftir seinustu helgi í ferðinni á strandirnar.

Fer samt í salt og þarf að skoða möguleikann hvort sé kannski bara hentugra að leigja bíl nokkra daga á ári í stað þess að eiga bíl allt árið :)

Strandirnar

Var að koma "heim" úr góðri ferð á Strandirnar í góðum félagsskap :)

Fór loks á galdrasafnið á Ströndum, kíkti á Kotbýli Kuklarans þar sem ég ætlaði varla að þora inn. Svo hrædd um að eitthvað mundi bregða mér þar... Sögusafnið í síldarverksmiðjuna í Djúpavík var hreint út sagt frábær, frábær tímasetning hjá mér í Krossneslaugina og ljúft að vera þar - dauðlangar aftur þangað og þá að kvöldi til og jafnvel heiðríkt :)

Vegurinn í Ófeigsfjörð áhugaverður með meiru, mikil þoka og svo steinn í veginum á heimleið.

Hefði ég þorað að stoppa þá hefði ég tekið mynd af steininum sem var á veginum en þar sem ég var svo hrædd um að fleiri kæmu ákvað ég að forða mér hið fyrsta frá steinar hrynja svæðinu og hringja í lögguna til þess að láta vita :) - Þurfti reyndar fyrst að stoppa og kíkja í kort til þess að átta mig á hvar steinninn væri ;)

En sjáið bara myndir - munu koma fleiri myndir í albúmið.

Áltafjörður ber nafn með réttu














Kotbýli kuklarans














Steinn í veginum - við Kaldbakshorn hafði hrunið úr hlíðinni og á veginn














Veiðileysa














Djúpavík














Skítugur bíll


















Ljósmyndasýning














Ein í Krossaneslauginni með þetta flotta útsýni














Vegurinn í Ófeigsfjörð

Sumar og sól

Algjör snilld að vera með sólgleraugu þegar maður er úti að lesa :)

Ekki eins gott í tölvuvinnu ;)

En svona lítur hreiðrið mitt út sem ég bjó mér til í dag, jamm er að reyna að læra pínku ponsu onsu... gengur hægt.













Svona er svo útsýnið mitt - ekki amalegt :)

Myndir

Vil bara benda á að það eru komnar nýjar myndir í myndaalbúmið mitt.

Reykjavíkurferð

Verri sjón, ný gleraugu, sama manneskja.

Þurfti að gera mér ferð til Reykjavíkur til þess að fara til augnlæknis, sjónin hefur versnað um 0,5 sem mér finnst mikið en ekki augnlækninum.

Fann síðan ný gleraugu í gleraugnabúð í firðinum í Hafnarfirði - verð bara að segja að það er súper góð þjónusta þar og er líka að fá sólgleraugu jeii.

Er líka mjög ánægð með nýju gleraugun, smá breyting frá þeim gömlu.

Í gærkveldi þegar ég var að keyra "heim" þá var líka þetta flotta veður


Svo á ég nýja vettlinga - alveg hrikalega töff :)

Helgin

Var frekar viðburðarrík og mikið að gera.

Pabbi, systirin og hele familien komu um helgina.














Á föstudaginn var aðeins kíkt á Ólafsvíkurvöku og hlustað á Hjálma, á laugardaginn var ég nærri búin að drepa þau á útiveru ;) - gerði þau minnsta kosti dauðþreytt en samt sem áður ekki nógu þreytt því spilað var actionary af miklu kappi um kvöldið og það til þrjú að nóttu.

Á sunnudeginum fengu þau smá afslöppunardag þó ég hefði nú viljað drífa þau meira út ;)















pabbi að "hrekkja" kríurnar

Vettlingar

Ég er að fara að fá vettlinga.

ligga ligga lá ;-)

Svona líta þeir út

Strandganga

Yndislegur dagur í gær - alveg meiriháttar.

Veðrið var alveg frábært - stórkostlegt gönguveður. Hefði sólin verið líka þá hefði verið alltof heitt.

Gengum í gegnum alveg frábært landslag, hraun og meira hraun. Er alveg mitt ákjósanlegt gönguland það er að segja ekki upp á móti ;)





















Var hundur með í för sem lærði að drekka af stút í ferðinni.



















Eftir góðan dag þá grilluðum við og skelltum okkur svo á tónleika.
Ákvað var á staðnum (tónleikastaðnum) að hafa fyrri partinn bara úti. Sátum við því úti við kl. níu um kvöld í þvílíkri blíðu að hlusta á ljúfa tóna.

Ég svoleiðis kolféll fyrir hljómsveitinni Árstíðum.

Á heimleið var líka svo fallegt veður og sáum vel yfir til vestfjarða og sólin við það að setjast. Sjaldnast sem ég sé líka sjóinn svona spegilsléttan hérna.

Alveg yndislegur dagur og kvöld.

Merkilegt líka að eftir að ég kom hérna vestur þá hef ég farið á þrjá tónleika og keypt mér þrjá geisladiska. Þegar ég er fyrir sunnan fer ég nú ekki svona mikið á tónleika ;)

Spennandi gönguferð

Á morgun er strandganga á vegum þjóðgarðsins.

Er þvílíkt spennt fyrir þessari ferð og hlakka til.

Leið sem ég hef ekki farið og lengi langað að ganga :)

Er frá Skálasnaga að Beruvík :)

Allir velkomnir.

251

251 fóru á toppinn á Snæfellsjökli í nótt.

Því miður var ég ekki ein af þeim :( - megnaði ekki meir en um 1000 m hæð og orkan þá farin.

En allt gekk vel og fengum geggjað veður.

Í dag dauðsé ég eftir að hafa ekki komist alla leið en var skynsamlegast að snúa við. Afrekaði það hinsvegar að æla líka á Snæfellsjökul.

Alveg hræðilegt þar sem maður á ekki að skilja neitt eftir, verð að muna eftir poka næst ;) eða muna að taka hann upp...

Fékk að vita úr talstöðinni þegar hópurinn var komin á toppinn - en þau komust um hálf tvö eða tuttugu mínutur yfir eitt. Lögðu svo af stað aftur rétt um tvöleytið niður.

Það fyndna var að þegar ég átti ekki langt eftir að bílastæðinu þar sem rúturnar voru þá var mér litið aftur og sá alla strolluna á leið niður eina brekku. Þannig að ég mátti næstum því hafa mig alla við að ná á bílastæðið á undan þeim ;) - þau voru reyndar að koma á mjög mismunani tíma niður.

Á leið minni niður mætti ég líka þremur konum á uppleið - einhverjum sem hafði lagt af stað eitthvað á eftir okkur vegna einhverja fatavandræða og fleira. Bjargaði "lífi" þeirra með því að gefa þeim súkkulaði mitt þar sem orkan hjá þeim var ekki mikil.

En mynd af hópnum í byrjun, svona áður en ég var stungin af ;)





















Komst ekki nær toppnum en þetta :(

Jökulganga

Á leið upp á jökul.......

Hreggnasi

Loksins loksins lét ég verða af því að ganga upp á Hreggnasa :)

jeii - frábært útsýni þaðan - eða svona þegar þokuslæðingur var ekki að flækjast fyrir.

Á toppninum hitti ég fjóra hrafna.














Útsýni frá Hreggnasa - Rif og Búrfell sést þarna.














Rauðhóll - flottur.














Annars eru fleiri myndir í myndaalbúminu mínu :)

Komst líka að því mér til skelfingar að þónokkuð er af túristum er á einum af mínum uppáhaldsstöðum. Kenni um betri veg að staðnum - spurning um að fara í skemmdarverk til þess að losna við fólkið hahaha ;)

Landvörður

Landvörður var eitthvað seinn í kvöld og við farnar að hafa áhyggjur og kölluðum út þyrluna til að leita.































Nei ekki alveg - hún er víst hérna sem hluti af námskeiði. Að æfa ungliðina

Helgin

Annasöm helgi að baki.

Á föstudagskvöldið var skellt sér á tónleika með ljótu hálvitunum, algjörlega magnað og voru líka eiginlega bara með uppistand :)

Laugardaginn var ég svo á gestastofunni þar sem kom alveg heill hellngur af fólki og ég var vægast sagt dauðþreytt eftir daginn.

Í dag skellti ég mér svo í blómaskoðun með Hákoni, létu reyndar ekki margir sjá sig en gangan var góð.

###
Lítur út fyrir að ég þurfi að gera mér ferð í bæinn til þess að fara til augnlæknis, farið að pirra mig á þessu hvað mér finnst ég sjá illa.

Veðrið í morgun

Já já svo kemur önnur veðurmynd.
Norðanmegin

Veðrið í morgun

Norðanmegin















Sunnanmegin

Þrýstingur

Ég hef lengi ætlað mér eða stefnt að því að kaupa "fansí" myndavél, langar í góða og einfalda myndavél sem getur súmað vel inn :)

Litla systir mín átti afmæli á mánudag, varð 25 ára, nema ég var með í gjöf frá pabba og co og gáfum við henni gjafabréf á ljósmyndanámskeið. Í umræðum um hvað væri nú sniðugast að gefa henni þá sagði ég við pabba að ég hefði alltaf ætlað mér að draga þau með mér á námskeið þegar ég væri búin að fá mér góða vél.

Nema hvað þegar systir mín fékk svo gjöfin þá að sjálfsögðu spurði hún pabba hvenær þau ættu að drífa sig - hún greyið fékk svarið að það yrði ekki fyrr en í ágúst eða í haust þegar stóra systir hennar væri búin að kaupa sér vél.

Þannig að nú "neyðist" ég til þess að kaupa mér vél svo systir mín geti notað gjafabréfið sitt.

Einhverjar uppástungur - þigg alveg allar ráðleggingar :)

Skrýtið

Þriðji landvörður kom í dag.

Eftir að þau voru búin í hádegismat þá fóru þau út að vinna, var frekar skrýtið að sitja eftir. Lá við að ég spyrði hvort ég mætti bara ekki koma með ;)

Þess í stað fór ég í smá göngutúr, sá tvö fiðrildi sem ég man bara ekki til að hafa séð áður hér.














En svona var/er nú fallegt veður í dag.

Satt eða logið

Gæti sagt ykkur frá því hvernig ég kveikti í íbúðinni, bjargað manni frá hættu, hlaupið 10 km fyrir vinnu hvern morgun.

En þá væri ég nú bara að ljúga ;)

Þess í stað fór ég á fína tónleika hjá trúbatrixum á miðvikudagskvöldið og bara búin að vera að vinna.

Er þreytt og fegin að það sé komin helgi.

Myndir

Nýjar myndir í myndaalbúminu mínu ef einhver hefur áhuga :)

Flott veður

Jökullinn í öllu sínu veldi.

Mynd tekin bara núna rétt áðan :)

Aulaháttur

Ætlaði mér að hjóla í morgun í vinnuna en fann ekki lykilinn að hjólinu.

Mundi síðan að lykilinn að hjólinu væri í vinnunni.

Gáfuð!

Meistarafyrirlestrar

Í næstu viku eru nokkrir meistarafyrirlestrar sem samnemendur mínir eru með.

Damn hvað ég þyrfti að vera í bænum - langar þvílíkt á þessa fyrirlestra...

Orðatiltæki

Margir staðir, landshlutar eiga sitt orðatiltæki.

Þegar ég borga með korti hér fyrir vestan þá hef ég heyrt frá afgreiðslufólkinu tekuru afrit.

Tók mig smá tíma að fatta hvað var verið að meina þegar ég varð spurð að þessu fyrst og fannst þetta mjög skrýtið að segja þetta - en eru ekki allir samt.
###

Er ferlega flott veður núna - ætti að drulla mér út en er að leka niður úr þreytu. Búin að vera heldur mikil atgangur núna undanfarna daga.

Vona bara að verði svona flott veður á morgun og ég get farið í einhverja skemmtilega göngu :)

Annars hugar

Hugsa að ég sé alveg úti að aka þegar ég fer með gleraugun í sturtu og fatta ekki neitt!

Eða hvað?

Hjólað í vinnuna

Loksins hjólaði ég í vinnuna - enda líka nýlega komin með hjólið hingað vestur.

En í morgun var þetta ansi erfitt enda með vindinn á móti mér og var ég alveg búin á því og var farin að efast um að ég gæti eitthvað unnið. Heimleiðin var mun betri því ég flaug næstum því áfram og var helmingi fljótari.

Þetta er reyndar bara um 3 km leiðin en finnst vera eitthvað lengra.

En allt hafðist þetta nú þannig að ég er komin með einhverja kílómetra í hjólað í vinnuna átakinu.

Ljósmyndafyrirsæta

Óafvitandi er ég orðin að ljósmyndafyrirsætu ásamt samstarfsmanni mínum (landverði) en það er annar samstarfsmaður (landvörður) sem tók þessa mynd og hefur hana meira segja á desktopinum á tölvunni sinni. En hún er semsagt búin að setja þessa mynd inn á ársskýrslu hjá Green Globe, í glærufyrirlestra og eitthvað annað.

Það skemmtilega við þessa mynd er að það sést ekki hver ég er ;) - en allavega sést í bakið á mér og samstarfsmanni mínum þar sem við erum að horfa út á hafið.

Skemmtileg mynd með flottum litum í :)

Hún er meira segja búin að prenta út myndina og ætlar að hengja hana upp í herberginu sínu - svoldið fyndið því við ljósmyndarafyrirsæturnar erum í sitthvoru herberginu við hliðina á henni.

Fær greinilega ekki nóg af okkur ;)

Synd

Þvílík blíða, hiti og fallegt veður í dag.

og ég inni - að þrífa.

Algjör synd....

Það var sko tekið á þrifunum og ekki laust við að maður sé svoldið lúin og áfram á morgun.

En svoldið skemmtilegt að í gær var tekið á móti 5 tonnum af sveitastjórum :)

Augað

Engin linsa fannst í auganu.

Lækninum fannst þetta mjög spennandi - minnsta kosti sagði hann það rétt áður en hann skoðaði augað.

Mér fannst það bara kríppí að fara láta skoða augað mitt.

Kosturinn við þetta er að nú veit ég hvar heilsugæslan er í Ólafsvík ;)

Búið að vera frekar hvasst hérna og lekur inn um glugga, næstum allt á floti þegar ég kom heim í dag.

Fjör

Ónæði

Ókosturinn við staðinn þar sem ég er búsett er að ef ég hef ekki kyrfilega læst þá á ég von á því að fullt af ókunnugu fólki æði inn til mín.

Er ekki svo félagslynd ;)

Merkilega nokk þá virðist fólkið sem kemur hingað um helgar ekki geta með nokkru móti munað eða vitað í hvaða íbúð það er. Það er nokkrum sinnum yfir helgi tekið í hurðahúninn hjá mér - en aldrei bankað.

Þannig að ef það væri ekki læst þá kæmi allt þetta fólk bara inn á gafl hjá mér.

Ákvað að fara í sund í Stykkishólmi í dag - sem reyndist síðan ekki vera mjög góð ákvörðun en "slys" gera víst ekki boð á undan sér.

Allavega ég náði ekki annarri linsu úr auganu á mér eftir sundið og núna er ég þræl aum í auganu, linsan (að ég held) enn þar og ég komin með fallegan lepp. Þvílíkt óþægilegt.

Slapp við lögguna í Grundarfirði að þessu skipti - enda á löglegum hraða og undir allan tímann. Mætti henni meira segja rétt hjá staðnum þar sem hún tók mig um daginn. Síðan fyrir utan Rif þá var lögreglan að hraðamæla, hef aldrei séð hana áður hraðamæla hér um slóðir. En þurfti ekki að hafa áhyggjur enda undir hámarkshraða :)

helv... augað

Breytingar

Fyrir glögga lesendur þá geta þeir séð að komið er nýtt útlit á bloggið mitt.

Hef lengið langað að breyta útlitinu en ekki fundið það sem ég hef leitað að og í raun ekki enn.... var það "skásta" sem ég sá.

Veit hvernig útlit ég vil fá en hef ekki fundið það og kann ekki að gera það sjálf :(

En megið alveg kommenta á útlitið :) - er enn að fínpússa... ekki alveg ánægð hvernig komment koma út og svona...

Læst inni

Svei mér þá ef það er ekki að koma þetta trend að fólk læsi mig inni.

Var læst inni í vinnunni í morgun - nema það slæma við það að þegar ég loks hreyfði mig þá fór allt kerfið í gang. Þvílíkur hávaði.

Veit ekki hvort ég eigi að þora til Bolivíu ef einhver tekur upp á því að læsa mig þar inni líka....

En annars vil ég ekki annan dag eins og í dag... allt á afturfótum þar sem tölva fór ekki í gang, viðvörunarkerfið af stað, enginn sem svaraði símanum þegar ég hringdi og í þokkabót snjóaði.

Já kemur nýr dagur á morgun :)

Hjólað í vinnuna

Átakið hjólað í vinnuna hófst víst í dag.

Ég er með í því átaki ásamt minni deild.

Sniðugt.

Sérstaklega þar sem ég er á nesinu og hjólið í bænum.

En

Stendur til bóta þar sem ég er á leið í bæinn á mánudag og hjólinu verður því kippt með tilbaka :)

Sjávarréttapasta

Kvöldmaturinn minn var sjávarréttapasta - hver hefði getað trúað því á mig?

Ekki ég ;)

En annars var þetta pasta bara með túnfisk.

Ég kemst ekki enn yfir það hvað jökulinn getur verið fallegur - sérstaklega í ljósaskiptum - hann dáleiðir mann alveg hreint. Í gærkvöldi var engin ský í kringum hann og oh boy... var svo gott útsýni meðan ég tannburstaði.

En já búin að skrá mig á alþjóðaráðstefnu landvarða í Bolivíu - jííhaa

Ákvörðun

Jæja - nú er að hrökkva eða stökkva.

Lítur út fyrir að ég þurfi að fara taka ákvörðun um hvort ég skelli mér á alþjóðaráðstefnu landvarða í Bólivíu...

Hallast mikið á því að fara.... ansi mikið....

Beint í æð

Fallegur er hann...


Myndgæðin eru reyndar ekki nógu góð og því ekki alveg að ná því sem ég sé út um gluggann hjá mér :)

Viðburðarríkur dagur

Held að sé óhætt að segja að þetta hafi verið ansi viðburðarríkur dagur í dag - einum of.

Merkilegt finnst mér líka hvað ég fékk mikinn fyrirvara á símamanni sem kom til þess að setja upp adsl sjónvarpi hjá mér. En hann hringdi akkúrat þegar ég var að leggja af stað í Hvalfirðinn og þá bara að lenda næstum því fyrir utan.

Ótrúlegt alveg hreint - ég komst því ekki en staðahaldari hleypti honum inn - þannig að nú er ég komin með fullt af stöðvum. Sem er gott vont. Var reyndar að vonast bara til þess að fá þetta eftir helgina.... en oh well það verður þá bara að vera agi.... hahahaha

En já dagurinn endaði hinsvegar ekki vel :( - þar sem löggan stöðvaði mig, heldur dýrt gaman þar...hmmm... reyndar ekkert gaman!

Fíla náttúruna

Bara snilld!

Hitt og þetta

Farin að hallast á það að ég sé búin að þróa með mér einhverskonar ofnæmi, en gegn hverju veit ég ekki ennþá.

Búin að klæja rosalega mikið í hendurnar, nánast viðþolslaus, svo var ég góð í nokkra daga og þetta er komið aftur, kláði og ekki frá því að séu einhver útbrot líka. Fúlt.

Meiri aulinn sem maður getur stundum verið - var bara að fatta í gær eða fyrradag tvíræðnina í auglýsingum frá Byko með viðhaldið. döhhh

Annar aulaskapur hjá mér er að ég veigra mér þvílíkt við verkefnið sem ég þarf að gera. Er margsinnis búin að setjast niður og ætla að byrja. Búin að fara yfir spurningarnar og sjá að sumar eru svo sem ekkert mál en maus (svona eins og kennarinn var búin að segja) en einhverra hluta vegna á ég erfitt með að byrja.

Hálfnað verk þá hafið er ;)

Merkilegt

Eitt finnst mér sérstaklega merkilegt við þessar kosningar.

Í norðausturkjördæmi þar sem mikið hefur borið á hugsanlegum álversframkvæmdum á Bakka, framkvæmdum á Kárahnjúkum og svo olíuleitin á Dreka að þar eru Vinstri Grænir stærstir!

Finnst þetta stórmerkilegt - þýðir þetta að fólkið sem þarna býr er ekki allt svo hrifið af t.d. framkvæmdum á Bakka?

spurning

Kosningadagur

Jamm þá er hann runninn upp.

Hef á einhverjum bloggum lesið það að ef þessi eða hinn flokkurinn næði völdum að þá mundi viðkomandi flytja úr landi.

Þvílíkt drama og rugl hugsaði ég yfirleitt.

En

Ég hugsa að ef Ástþór Magnússon mundi fá yfirburða kosningu að þá mundi ég alvarlega íhuga það að gera allt sem í mínu valdi til þess að flytja út.

###

Er núna "heima" að reyna að fara að læra - nú þarf að taka þetta með trukki. Þarf ekki að hafa áhyggjur af því að kjósa því það var afgreitt seinustu helgi :)

sé svoldið eftir því að hafa ekki dröslast á myndina Draumalandið seinustu helgi en veit ekki hvenær ég mun koma í bæinn næst og skella mér í bíó.

Bæ bæ sumar, halló vetur

Já já bara komin stórhríð.

Fljótt skiptast veður í lofti, svo sannarlega.

Fínt veður í dag og gat alveg farið á peysunni út í þvottahús án þess að skjálfa úr kulda og svo núna bara stórhríð.

Sjónvarpið datt út í þokkabót - veit reyndar ekkert hvort veðrið hafði eitthvað um það að segja :) en komið inn núna þannig að ég ætti að geta horft á aðþrengdar eiginkonur.

Gleðilegt sumar

Mikið hrikalega er gott að eiga frídag.

Jafnvel þótt frídagurinn fari í að þvo, koma mér betur fyrir eða ganga frá því dóti sem ég á eftir að ganga frá og einnig að reyna koma lærdómi þarna inn í.

En allt á mínum hraða :)

Fór á skemmtilegan fund í gær sem boðsgestur. En á fundinn kom leynigestur og þessi gestur tók okkur í danskennslu í 5 rhytmum (hvernig svo sem það er skrifað). Fyndið hvernig hópurinn þróaðist - feimni fyrst við að danska og fannst fyndið og í restina ófeimnari og höfðu gaman af :)

Eitrað

Í gær var eitrað fyrir silfurskottunum í íbúðinni minni.

Er ég vond?

Tja...

Bíð spennt eftir fréttum hvort þær séu á víð og dreif núna.

###
hvað er með þetta veður á þessu skeri sem við búum á?
Þori varla út en neyðist víst til þess þar sem ég tók ekki hádegismatinn með mér

Vibba veður

Hvernig datt mér í hug - eins skynsöm og ég er nú :) að fara út í sandölum í morgun. Ég hef fyrir löngu náttúrlega lært það að ég bý á Íslandi og á Íslandi er veðrið óútreiknanlegt.

Er rigning og rok en var sól og fínt í morgun.

Spurning er því hvort bílinn hafi þessi áhrif á mig eða hvort skynsemin sé farin.

Eitthvað held ég að tvær árstíðir hafi gleymst eða vorið og sumarið og haustið komið á með fullum þunga. Allavega var veðrið þannig í Reykjavík í gær og hér í dag.

Ekki nema vonda veðrið sé eitthvað að elta mig......

Sterk

Linda sterka

Var mikið búin að velta því fyrir mér hvernig ég ætti að koma sjónvarpinu ein inn og þegar ég rann í hlað og var búin að bera allt úr bílnum nema sjónvarpið ákvað ég að prófa.

Vit menn sjónvarpið er komið inn :) jeii þá loksins fer ég líka að geta séð alennilega á það og textann hehe

Annað hvort sjónin orðin svona slöpp eða hitt tv alltof lítið.

En búin að vera ansi strembin helgi, kláraði að pakka öllu niður í íbúðinni minni og þrífa, keyrði svo vestur og henti öllu inn þar.

Þannig að nú hef ég vikuna til að jafna mig í vinnunni.... ble verð sennilegast þvílíkt þreytt í vinnunni þessa vikuna. Þannig að mikið er ég fegin að séu aðeins 3 dagar fram að eins dags fríi :)

p.s. þessi póstur var fyrsti póstur frá nettengdum Gufuskálum

Útnári

Lítur út fyrir að ég sé bara á útnára landsins.

Í gærmorgun og svo aftur í hádeginu þá leiddist mér og vantaði Fréttablaðið til þess að lesa og gat varla beðið eftir að vinnudagurinn væri á enda til þess að koma við í sjoppunni til þess að ná í Fréttablaðið.

Ekkert Fréttablað!

Spurði hvort það væri ekki komið og var þá sagð að það kæmi ekki hingað á útnárann. Því hefði verið hætt 1. apríl.

sjæs... hvað gera menn þá? Fá sent úr bænum og les nokkra daga gömul? Eða kannski þegar maður fer í bæinn að ná í gömul blöð hjá ættingjum og vinum og fer að lesa viku og jafnvel mánaðargamlar fréttir?

Annars bara fínt hérna á nesinu en frekar kalt

hasa la vista

Verðlaun

Loksins fékk ég verðlaun í árlegu páskafélagsvistinni - reyndar skammaverðlaun en hey verðlaun!

Var hörð samkeppni milli mín og Geirs en ég hafði vinningin. Það var spilað á fimm borðum og mér tókst ekki einu sinni að fara á þau öll - átti eitt borð eftir.

Mér var reyndar gefin fyrstu verðlaunin líka þannig að nú sit ég uppi með tvö páskaegg, fyrstu verðlaun og skammarverðlaunin.

Jæja á eina nótt hérna heima við áður en ég gerist dreifbýlistútta!

Pakka niður

Er að reyna skipuleggja mig og fara pakka niður.

Eitthvað þvælist þetta fyrir mér, sérstaklega þar sem ég þarf að taka helling með mér og setja svo eitthvað í geymslu og svo skil ég eftir slatta.

Hvernig skipuleggur maður það?

Ég æði eiginlega úr einu í annað....

arggg.... hvað það er leiðinlegt að pakka niður!

Mistök

Mistök að setja í þvottavél svona rétt fyrir miðnætti, sérstaklega þar sem ég hætti við að þurrka af og ryksuga og geyma það þar til eftir vinnu (á mánudag).

Nú þarf ég að bíða eftir vélinni og sjónvarpsdagskráin búin, búin að senda áætlun af stað, súpan mallar í pottinum og ég er þreytt og langar til þess að fara að sofa.

Ný klósettseta er loksins komin á klósettið :)

Tíðindi

Það þykir tíðindi þegar mér er ekki kalt :)

Sit hérna niðri í skóla á stuttermabolnum og það eru bara stórtíðindi.

Fyrir utan að það er náttúrulega líka tíðindi að ég sé niðri í skóla ;) en var hérna líka í gær. Nú á sko að taka á því og ljúka verkefnum. Búin að ljúka einum af mínum hlut í einu þangað til annað kemur í ljós.

Nú þarf sko að klára annað.

Er sko busy sunnudagur - ansi busy.

Búin að fara í ræktina, gera eitt verkefni og fara að klára annað. Þegar heim er komið þarf að byrja á súpunni fyrir morgundaginn, laga til og þrífa.

já ansi busy sunnudagur

Einn koddi

Það er alveg vonlaust að vera með einn kodda.

Gafst upp um daginn að vera með koddann sem var rifinn, hefting var ekki að ganga upp og fiður út um allt. Tók mig því til og henti þeim kodda og eftir stendur ein vesæll koddi.

Er búin að gera tilraun til þess að kaupa kodda - ok fór að skoða kodda en leist ekki á neinn og var ekki alveg á því að kaupa kodda fyrir 6000 kr.

Hugsa að koddamálið fari í salt til haustins - safna bara í koddasjóð á meðan :)

By the way ég vil mjúkan fluffy kodda - ekki harðan sem ekkert er hægt að móta!