Minnisleysi

Ég held ég þjáist af einhverju minnisleysi - er margoft búin að skrifa dagsetninguna í dag 12. maí en er alltaf að spurja mig að henni aftur og aftur. Virðist ekki geta munað þetta.

Er enn í vinnunni :( - skrapp reyndar í dag í einn og hálfan tíma því ég þurfti að komast í búð. En er samt enn í vinnu nr. 1... veiii.

Linda þreytta

Gjöf

Jeeiii var að fá gjöf í vinnunni - fékk frá manni sem ég var að bóka. Rauðvínsflaska frá House of Common. Nú þarf ég bara að fara að bjóða í mat. Ég er minnsta kosti komið með vínið með matnum.

Fer að nálgast í skírnina hjá systurdóttir minni - ekki laust við að maður sé orðin spenntur á að heyra nafnið.

og hvað á barnið að heita

Dansk-íslenskt búdda brúðkaup

Ég var í þessu dansk íslenska búdda brúðkaupi í gær og skemmti mér mjög vel.
Eins og gefur að skilja þar sem þetta var búdda brúðkaup þá var athöfnin með öðruvísi sniði. Að vissu leyti fannst mér þetta vera mun persónulegra.

Eftir að búddistarnir og brúðhjónin voru búin að "kyrja" í smá stund kom smá ávarp frá einni í búddanu og síðan fóru brúðhjónin með sín heit. Mér finnst eitthvað virkilega fallegt við að heyra þau segja sjálf að þau ætli að elska hvort annað - eins og þau eru en ekki eins og þau vilja að hvort annað sé o.s.frv og heyra þetta frá þeim en ekki bara já eins og er í kirkjubrúðkaupi. Næstum því klökknaði.... jah ok ég klökknaði og það er bara fyrsta skipti hjá mér í brúðkaupi.
Versta er að það var búið að biðja okkur um í athöfninni að taka ekki myndir af altarinu þegar það væri opið þannig að ég þorði ekki að taka neinar myndir en langaði rosalega til þess.

Maturinn var virkilega ljúffengur, borðfélagarnir góðir enda ekki við öðru að búast þegar um vini mína er að ræða ;). Kom margt mjög skemmtilegt frá dönunum og dönsku hefðunum. Versta er að þegar svaramaður brúðgumans kom upp þá skildi ég ekki nógu mikið og heldur ekki þegar móðirin kom. Síðan var líka bara dansað af sér tærnar með DJ Páli Óskari - fannst reyndar svoldið skondið þegar hann spilaði líka lag með sjálfum sér. Við vinahópurinn stóð sig með prýði þar sem við vorum seinust til þess að fara.

Af öðrum fréttum er að loksins er búin að bætast við strákur í barnaskarann sem er að fæðast á þessu ári. Vinkona mín akkúrat fór upp á fæðingardeild í stað þess að mæta í brúðkaup og kom stráksi í nótt - óskum þeim til hamingju :)
Síðan frétti ég líka í dag af einni sem rekur farfuglaheimili (sem ég á í samskiptum við) að hún eignaðist stelpu 4. maí - óska henni líka til hamingju en efast um að hún lesi þetta mikið.

Er enn í vinnunni - er ekkert voða hress með það.... en vil frekar vera lengur í kvöld heldur en lengi á morgun.

helgi - yeah right

svona í enda vinnudags

You scored as Loner. Loner 56% Goth 44% Geek 31% Ghetto gangsta 25% Stoner 25% Punk/Rebel 25% Drama nerd 19% Prep/Jock/Cheerleader 13% What's Your High School Stereotype? created with QuizFarm.com

svo fer ég í brúðkaup

óræðin aldur

Gerði tilraun til þess að fara í búð til þess að finna eitthvað fyrir brúðkaupið það er að segja á mig en ekki fyrir brúðhjónin. Endaði á því að ég hringdi í fataskápinn hjá mömmu og fæ sennilegast líka lánað hjá bróður mínum. Eins gott að hann sé ekki heima. Veit ekki hversu hrifin hann yrði af að lána systur sinni föt af sér ;)

sjæs

Skírnavottur

Seinustu helgi bað litla systir mig um að vera skírnavottur hjá litlu skottunni. Ég var mjög upp með mér að hún hafi beðið mig um þetta - reyndar bað ég hana um að hugsa sig um þar sem barnið fengi að öllum líkindum ekki trúarlegt uppeldi af minni hendi.

Skírnavottar eru eflaust ekki það sem áður var ef það hefur einhvern tíman verið sinnt þessum skyldum sem eiga að vera. Þegar ég hugsa til þess þá veit ég ekki einu sinni hverjir eru mínir skírnavottar.

Þegar ég verð búin að fletta og lesa í bókinni trúarbrögð heimsins þá mun sá fróðleikur fara í litlu þegar hún hefur þroskan til ;)

Af öðru þá heyrði ég frábæra setningu í kvöld.
I'm turkish you are english - lets do a french kiss

1994

Hvað varst þú að gera árið 1994? Mannstu það.

Árið 1994 þá var ég t.d.
*í sumarvinnunni minni á BSÍ - að afgreiða róna og annan lýð.
*Þetta var árið sem ég fór í fyrsta og eina skiptið sem ég hef farið á þjóðhátíð í eyjum,
*fór á sveitaball,
*flutti úr Hafnarfirði til Reykjavíkur.
*Skipti úr Flensborg yfir í MK
*Sá sýninguna Hárið
*var keyrt aftan á bílinn hans pabba (sem ég ók)
*fóru 2 vinkonur mínar út sem au pair

Það er svoldið erfitt að rifja upp en ástæðan er sú að ég sá Hotel Rwuanda í gær sem fjallaði um þjóðarmorðið sem átti sér stað 1994. Eftir myndina fór ég að hugleiða hvað ég hafi verið að gera því mér finnst þetta hafa farið framhjá mér. En sennilegast er það bara rétt sem kom fram að einn fréttamaður hafi sagt eftir að hafa náð myndum af hrottalegum morðum á tútsí mönnum. Fólk mun bara horfa á fréttirnar hugsa með sér að þetta er hræðilegt og halda áfram að borða matinn sinn. Ég hef að öllum líkindum gert það sama - hræðileg tilhugsun.

Þoli ekki mánudaga

Alveg búin að sjá það að ég þoli ekki mánudaga í vinnunni - alltof mikið að gera og sé ekki fram úr neinu. Sem gerir það að verkum að ég er pirruð. Langar heim.

Samt sem áður var ég í vinnunni til hálf átta á föstudaginn og mætti aftur á laugardaginn og sé ekki fram úr að komast eitt né neitt alveg á næstunni.

Langar að urra á einhvern.....

urrr

Greining

Greining komin í hús - jamm læknirinn sagði að ég væri með öll einkenni þess að hafa mígreni. Vildi heyra eitthvað allt annað. Sko aldrei ánægð með lækna ;) - annað hvort segja þeir manni ekki neitt eða eitthvað sem þú vilt ekki heyra.

Var farin að draga þá ályktun á að læknirinn drægist alveg rosalega að mér þar sem hann þurfti að segja mér bæði frá tengdamömmu sinni og konu ;) en held það þó varla.

Einhvera hluta vegna er mér mjög illa við þennan stimpil að vera komin með mígreni.

migreningur

Afneitun

Spurning hvort ég sé í afneitun eða ekki. Verð kannski að fara að horfast í augu við hlutina og kanna möguleikan hvort ég sé með mígreni.
Allaveg held ég að það sé ekki eðlilegt að ég fái hausverk og æli einnig - hefur komið alltof oft fyrir. Langt síðan seinast en gerðist í gærkveldi.
Var líka hálftíma í morgun að ákveða hvort ég ætti að fara í vinnuna eða ekki. Tók nefnilega verkjatöflu en virðist ekki hafa nein áhrif en ákvað að drulla mér í vinnuna. Er eitthvað svo hálf lame að fara ekki í vinnu vegna þess að maður er með hausverk.

Hef reyndar heyrt að maður eigi að vera mjög viðkvæmur fyrir birtu þegar maður hefur mígreni en finnst ég ekki hafa orðið vör við það.

ú ætti ég að fara út í nánari lýsingu á uppköstum gærkvöldsins!!

bleh

Afrek helgarinnar

Laugardaginn lá ég í rúminu allan daginn og horfið á beðmál í borginni en afrekaði að sækja pizzuna mína þegar ég var yfirkomin af hungri og ekkert í ísskápnum frekar en vanalega. Horfið svo á söngkeppni framhaldsskólana - held barasta að besta manneskjan hafi unnið. Er nú ekki með neitt tóneyra eða neinn sérfræðingur í söngi en oh my god. Margir þarna sem voru að syngja hefðu frekar mátt sleppa því. Hef ekki heyrt áður í svona hræðilegum söngvurum. Og hvað var með hárið á sumum stelpunum?? sjæs

Í dag hélt ég áfram að horfa á Beðmál í borginni, hentist þó í strætó niður í bæ og ætlaði að afreka það að fara í bíó á Hotel Rwanda en var uppselt. Gekk þá laugarveginn og kíkti í skífuna þar sem ég afrekaði að kaupa nýja diskinn hans Nick Caves. Ætlaði að fara síðan og fá mér eitthvað að borða og gekk um til þess að fá hugrekki til þess að setjast ein niður einhversstaðar. En missti kjarkinn því þangað sem mér langaði að fara var of mikið af fólki að mig langaði ekki að sitja ein einhversstaðar innan um fullt af fólki. Langaði heldur ekki að fara á staðina sem mér finnst þægilegt að vera ein. Hélt því heim á leið - vonsvikin yfir að hafa ekki tekist að fara í bíó þegar ég loksins drullaðist úr húsi og heldur ekki að fá mér eitthvað gott að borða. Það sem ég ætla að afreka núna um helgina er að klára Beðmál í borginni svo systir mín geti fengið þættina sína aftur.

Afrek helgarinnar er því að klára Beðmál í borginni og of mikil gosdrykkja

sagt með kaldhæðnistón...

Föstudagur

Það gerist æ oftar að þegar ég vakna á fimmtudögum að mig langi til þess að sé föstudagur. Það hefur nú eiginlega bara gerst á hverjum fimmtudegi undarfarnar vikur.
Ég held ég vilji fá bara 4 daga vinnuviku - það dugar.

Storkurinn er farin að banka upp á hjá mér :) allavega þá missti ég af símtali um daginn og þegar ég tjékkaði á númerinu þá var það storkurinn. Fannst það pínku kómiskt.

einn dagur í viðbót

Ljósapera

Ég er voða fegin og ánægð en mér tókst að skipta um ljósaperu heima um helgina. Já nei ekki fara að halda að ég hafi ekki gert það áður og haldi að ég gæti það ekki. Jú vissulega hélt ég að ég gæti það ekki en vegna þess að þetta væri of hátt uppi fyrir mig og ég mundi ekki ná. En sem betur fer dugði að standa uppi á stól og teygja sig smá. Jeii - var farin að sjá fyrir mér útkall hjá hávöxnum mönnum eða konum til þess að koma og skipta um ljósaperu hjá mér ;)

ljósaperuskiptari

Normal

Kemur ekki á óvart ;)

You Are 55% Normal (Somewhat Normal)

While some of your behavior is quite normal... Other things you do are downright strange You've got a little of your freak going on But you mostly keep your weirdness to yourself

How Normal Are You?

Linda venjulega

Fjarstýring

Keypti loksins batterý í fjarstýringuna á dvd spilaranum - þvílíkur munur. Ekki það að ég geti ekki staðið upp eða skriðið í áttina að spilaranum til þess að ýta á play og þess háttar. Heldur vegna þess að það er hægt að gera svo mikið mikið meira með fjarstýringunni því það eru ekki allir þessir takkar á spilaranum sjálfum. Get hoppað yfir þættina sem ég var búin að sjá en ég er þessa dagana að horfa á sex in the city.

Finnst gaman að þessum þáttum en ekki svo gaman að ég vakni upp á nóttunni til þesss að horfa á þá eins og ég gerði í nótt :( - vaknaði upp og gat ekki sofnað. Ákvað að horfa aðeins á sex in the city og horfði á tvo þætti áður en ég náði að sofna aftur.

Er að fara til tannlæknis á eftir í áframhaldandi rótarfyllingu :( - ætla að skríða síðan heim og glápa meira á sex in the city....

sjæs

Gæsun

Jamm við vinkonurnar vorum að gæsa eina í viðbót - ferlegt þessi vinahópur annað hvort eru þær harðgiftar eða einhleypar... engin millivegur hérna. Suss

Allavega gæsun tókst vel og einnig að plata gæsina upp úr skónum - held hún sé samt enn smá sár yfir því að kærastinn plataði hana upp úr skónum en eitthvað þurfti að gera til þess að koma í veg fyrir aukavakt. Sendum hana á rúlluskauta í kanínubúning í jólasnjókomu í Fossvogsdalnum. Sungum fyrir hana í grænni lautu en með lag í breytum búing.

Í grænni lautu
þar geymi ég manninn
sem þér var gefinn og
hvar er hann nú?

og þar fann hún ýmislegt þegar hún bankaði á hendurnar á okkur. Fórum og lærðum kántrídans sem var nú bara þónokkuð erfitt - hélt ég væri nú aðeins betri að dansa en þetta, síðan var nesti úti á bílastæði. Héldum síðan austur fyrir fjall í mjög rúmgóðan sumarbústað. Var mjög notalegt og kósy - líka þar sem gæsin fer að flytjast búferlum til Danmerkur eftir um 2 mánuði eða svo.

Jæja held ég sakni bara litla bangsans míns (systurdóttur minnar), er að prófa nýja nicknamið á hana. Verð að fara fljótlega í heimsókn og sjá hana aftur.

bleh

systurdóttir

Jamm frekjan ég er strax búin að sjá litlu systurdóttir mína. Fanns hún oggupínku lítil en þar sem hún var rétt 2 klst gömul þegar ég og afinn (pabbi minn) mættum á svæðið þá var ekki búið að mæla hana en hún mældist 54 cm og 16 merkur sem er bara frekar stórt :). Er ánægð með að hafa fengið að eyða þarna smá tíma með nýbökuðu foreldrunum og systurdóttir.

Búin að komast að þvi að mér finnst móðursystir rosalega kellingalegt orð og ég er SVOOOOO langt frá því að vera kelling hehe. Góður vinur minn var alveg sammála mér með orðið en fannst ég enn bara vera barnung þannig að allt í góðu ;) Þannig að hér eftir verður þetta bara systurdóttir en ég ekki móðursystir.

Linda á systurdóttur

Móðursystir

Biðin á enda :) jeii og ég orðin móðursystir - litla systir og kærastinn hennar eignuðust litla stelpu 11.52 í dag.

Til hamingju Ellen og Atli.

Til hamingju...

Systrabönd

Ég er að reyna að halda því fram að það voru systrabönd sem vöktu mig í gær um hálf eitt - var löngu sofnuð en einhverra hluta vaknaði ég. Ákvað að kíkja á símann minn bæði til þess að tjekka á klukkunni og athuga hvort einhver hafi sent mér einhver skilaboð.

Viti menn á símanum var sms - varð pínku spennt. Nema hvað þetta var frá systur minni sem hafði sent þau um 10 mínutum áður til þess að segja mér að hún væri komin upp á deild og væri bara að bíða. Ég er búin að vera að bíða líka síðan :) var mér varan á mér í alla nótt og vaknaði meira segja í morgun fyrir sjö. En enn engin sms eða símhringing enn komin til þess að segja mér fréttir.

Vona að hún eigi í dag!

Hey systraböndin eru kannski bara að styrkjast með árunum ;)

verðandi móðursystir

Jæja

Kemur biturleikinn í ljós hérna - gaman að sjá hversu mikið mín er saknað í netheimnum!

Búin að fá útrás fyrir þessu - er annars í örgu skapi. Er búin að vera að vasast í skattaskýrslunni minni og gengur ekki rass! Að eiga eitthvað skapar bara vesen :(

Að öðru skemmtilegu þá er dagurinn í dag sem ég átti að verða móðursystir en ekkert komið í heiminn svo ég viti. Var svo klár í morgun þegar systir mín var ekki á msninu að senda sms til þess að spurja af hverju hún væri ekki þar :) vildi ekki drepa hana úr leiðindum yfir enn einu sms eða símtali sem væri að athuga hvort eitthvað væri að gerast hjá henni ;). Verð að hrósa mér gífurlega fyrir hugmyndaflugið því auðvita var ég að forvitnast.

Ég veit henni þykir þessar spurningar leiðinlega enda í fermingunni í gær fékk ég þá var ég að fá nett nóg fyrir hennar hönd yfir sömu spurningunum sem komu eða kannski var ég bara svona fúl yfir athyglinni sem hún fékk hehehe
En verð að gera henni grein fyrir einu - þetta er rosalega erfið bið fyrir hönd ættingja. Því maður er náttúrulega ekki beintengdur og er ekki alveg fyrstu í röðinni til þess að fá að vita hvað er að gerast og því hrynja inn eflaust símhringingar og annað til hennar. Spurning um bara að senda pabba sms annað slagið þar sem hann verður ábyggilega með þeim fyrstu sem vita að hún er á leið upp eftir. Þegar vinkonur eru ófrískar þá er þetta einhvern veginn afslappaðra. Greinilega munur á að hafa systur.... jæja búin að blaðra nóg um þetta enda bara blaður um ekki neitt í rauninni.

Þess fyrir utan þá var Haukur Atli bróðir að fermast í gær - þar var ég vonda systirin og fór ekki í altarisgönguna með honum eins og öll hin systkinin. Hef ekki gert það frá því ég fermdist - held það tengist því að ég verði að trúa á það sem ég er að gera og er ekki viss um að ég geri það. Þannig að ég sleppi því. Er líka farin að þegja þunnu hljóði í kirkjunni. Fer ekki með trúarjátninguna eða neitt. Hugsa að sumt af því hafi ég lært af ákveðnum manni sem þagði þegar kom að ákveðnum hluti í trúarjátningunni því það trúði hann ekki á.

Af afmælum þá er heilmikið búið að vera í þeirri deild. Dagný frænka á afmæli í dag, Eydis Agla litla frænka var 3 ára í gær - Erla frænka átti afmæli 24. mars og ég sjálf 20. mars.
Þar upplifið ég gjafalausan afmælisdag og hef að ég held bara aldrei gert það áður. Var búin að fá helling af fyrirfram afmælisgjöfum :) en fyrsta skipti sem ég fékk ekki pakka til þess að opna.

Kemst heldur ekki hjá því að röfla um vinnuna því ég er orðin alveg rosalega þreytt á því að geta ekki unnið bara 8 tímana mína og gengið út. Ekki að sé slæmt að fá yfirvinnu en er frekar þreytt á því að finnast slæmt að ganga út því ég nenni ekki að vera þar lengur en finnast þurfa þess.

Gott að hafa mikið að gera en of mikið að gera er ekki gott.

Jæja mjálmið er búið í bili

mjá mjá

Ótrúleg

Jamm fyrir þá sem vita það ekki þá er ég ótrúleg. Ég held svei mér þá að ég sé búin að toppa sjálfan mig og missa alla trú á hæfileikum mínum til þess að vera skipuleg. Kannski er það bara minnið sem er farið að gefa sig.
Ég var búin að týna yfirlitsseðlinum fyrir launum seinasta árs til þess að geta fyllt út skattskýrsluna - eftir heljarinnar leit fann ég þá sem betur fer. Þurfti um daginn að gera þrjár tilraunir til þess að finna aðrar mjög svo mikilvægar kvittanir. Get ekki alltaf falið mig á bak við að ég hafi verið að flytja ;) kannski er það bara aldurinn að færast yfir.

Get kannski falið mig á bak við vinnuna að þurfa svo mikið að muna þar..... eða bara sagt hreint út ég er gjörsamlega vonlaus. Þarf að fá mér skipulagshaldara og reyndar einhvern sem gerir skattskýrsluna mína. Er einhver sem getur hjálpað mér því núna er orðið ögn flóknara heldur en að setja inn bara launin því í fyrsta skipti á ég eign. Eða er reyndar bara með í láni hahahaha!

Jæja - tek litla bróður í leikhús á morgun - vona að leikritið verði gott.

jamm

pfff...

Þakka fyrir að pabbi er á stórum bíl því ef hann hefði verið á litlum þá hefði sennilegast ekki þurft að spurja að leikslokum - held það sé frekar óskemmtilegt að fá strætó beint framan á sig. En pabbi er heill á húfi sem er fyrir mestu en bílinn ekki.
Verð bara að viðurkennast að ég hrökk smá úr gír þegar ég frétti þetta.

Verð að knúsa kallinn næst þegar ég sé hann....

......

Leiðinlegt...

Er í leiðinlegu verkefni.....I´m dead bored svo ég sletti aðeins.
Hlakka til að komast heim - hlakka ekki til morgundagsins.

Til hamingju með afmælið Stefán!

Jæja rúmur klukkutími þangað til ég er búin....

yfir og út

Helgin

Byrjaði helgina í góðum félagsskap strákanna minna.

Var svakalega upptekin á laugardaginn við að fara í veislur og aðra viðburði. Byrjaði á að fara í brunch til Aldísar vinkonu í tilefni afmælis deginum áður, síðan var haldi í skírn þar sem hún Berglind Ósk fékk nafnið sitt. Eftir það var komið við hjá pabba og rétt svo rekið nefið inn gjafalaus því það var haldið upp á afmæli hans Núma Steins litla litla litla litla litla bróðurs sem á einmitt afmæli í dag. Til hamingju með afmælið Númi. Hélt síðan aftur til Aldísar þar sem ég tók mig til fyrir árshátið símans þar sem ég eyddi kvöldinu og svona eitthvað af nóttunni. Var bara mjög góður dagur þrátt fyrir þeyting.

Sunnudagurinn fór í rólegheit og fatamátun þar sem ég kíkti til mömmu sem er nýkomin frá Boston með helling af fötum fyrir mig :) og lokaði síðan helginni með bíóferð með henni Guðmundu minni.

Fín helgi enda virðist erfið vika framundan - minnsta kosti leit dagurinn út fyrir það í dag.

jamm og jæja

Linda Highway Confusion Lane 3 Lake Love 19 Bewilderment Avenue 54 Paintown 102 Fame City 230 Please Drive Carefully

Username:

Where are you on the highway of life?

From Go-Quiz.com

Svo þetta nafn:

vargur Highway Contentment Meadows 6 Mt. Happiness 17 Tower of Commitment 41 Bankruptcity 128 Valley of Depression 351 Please Drive Carefully

Username:

Where are you on the highway of life?

From Go-Quiz.com

Hasar

Hasar og læti í vinnunni - er svoldið eftir mig eftir þetta.

Skrifstofufólkið fram í eldhúsi að smyrja samlokur - tókst að redda málum á 15 mínutum eða svo. Kokkaneminn sagði "it´s nice to see the office people in the kitchen working"

Skrifstofublók fyrtist við og sagði hvað heldur þú að við séum að gera á skrifstofunni...... smá misskilningur hahaha.

Kemur í ljós hvað skristofufólkið gerir...... það skrifar blogg.

pufff..... vonandi verðum við ekki meira settar í að smyrja samlokur ;)

Linda smurbrauðsdama

Hola

Er með holu - kvíði smá fyrir að fara til tannsa. Hef ekki kviðið fyrir árum saman ;) veit ekki hvort kvíðin er meira fyrir sársauka eða reikningnum. Kannski bara bæði.

og svo spýta....

Kveðjur

Finnst oft erfitt að kveðja fólk í síma sérstaklega þegar ég þekki það ekki of vel eða þekki það ekki neitt. Virðist oft ekki vita hvernig á að bera sig að og hvernig kveðjan eigi að vera. Getur leitt til vandræðalegra mómenta. Spurning um að babbla bara áfram þá hahahaha. Jamm ég er svo fyndin. Með algjöran aulahúmor í dag.

Oh well langaði bara að koma því á framfæri.

sjubbilalala

Útskrift

Jæja þá er maður loksins búin að þessu þótt fyrr hefði verið. Laugardagurinn var fínn og kvöldið betra. Fór að borða á Argentínu með vinum, foreldrum og litlu sys og viðhengi ;) Þetta var bara mjög notalegt en hefði átt að fara ögn fyrr heim - þvílík þreyta sem var í gangi. Maður þarf greinilega heldur ekki að drekka til þess að vera alveg ónýtur daginn eftir.

Eitthvað kom minnið mitt í umræðurnar á laugardagskvöldið og stelpurnar að tala um að ég væri upplýsingabanki hvað varðar hvað var gert, hvenær (nb! hvað þær gerðu af sér)o.s.frv. Ég er hinsvegar að komast að því að eitthvað urðu nöfn á læknum undanskilið því þeir greyin virðast ekki komast inn - t.d. þurfti ég að hafa samband við augnlækninn um daginn og spurði eina vinkonu sem hefur sama lækninn um nafnið á honum. Svo í dag þurfti ég að hafa samband við tannlæknirinn minn en gat ómögulega munað nafnið á honum þannig að ég hringdi í frænku mína sem benti mér á hann til þess að fá nafnið. Ég man alveg hvar þeir eru staðsettir en virðist bara alls ekki getað munað nöfnin. Sama er um lækninn á slysó sem hefur séð um puttann á mér. Ætli þetta sé eitthvað sálrænt hjá mér? Hmmm.....

Jæja er þreytt - sé fram á langa viku og vinna mikið. Er virkilega farin að langa í afslöppun.

adios

Í sjokki

Er í pínku sjokki - var að ganga upp tröppurnar í vinnunni þegar ég heyrði skrans og þegar ég leit við sá ég bíl keyra á mann eða reyndar sá það ekki vel fyrr en maðurinn lenti á götunni að ég áttaði mig á því að bílinn hefði keyrt á mann.

Maðurinn gat reyndar staðið upp og sagðist vera í lagi en var komin með kúlu á hausinn og var smá blóðugur. Fór síðan með hjúkrunarfræðingi inn á dvalarheimilið sem hann er á...

Miða við hvernig mér líður þá get ég ekki ímyndað mér hvernig stráknum líður sem var á bílnum eða gamla manninum.

pfff...

Lyklar

Já mér tókst að læsa mig úti í gær - fattaði stuttu eftir að ég var komin út að lyklarnir voru inni. Sem betur fer var pabbi með lykil og reikna með að láta hann bara hafa þennan aukalykil ef ske kynni að ég mundi læsa mig aftur úti. Svo hentugt þar sem hann vinnur rétt hjá - er í vaktarvinnu og ansi oft á ferðinni :)eða það finnst mér. Fannst reyndar svoldið kómiskt því á föstudagskvöldið þá hringdi hjá mér bjallan og fyrir utan stóð ungur drengur sem ég tel fyrir víst að sé nágranninn og bað mig um að hleypa sér í gegn þar sem hann var læstur úti. Ég hugsaði með mér oh boy... verður þetta semsagt svona hér.... kannski launi líku likt og hringji hjá þeim þegar ég er læst úti og hef lykil faldan í þvottahúsinu..... alveg spurning.

Mikið að gera í vinnunni - finnst orðið verulega slæmt ef ég vakna upp á nóttunni og fyrsta sem kemur í hugann er vinnan og ég sé ekki að sinna henni eins og ég vildi það er að segja hef ekki nógan tíma. Hugsa málið og ef heldur svona áfram þá þarf ég að tala við bossinn veit verður svo sem ekkert gert en hann veit þá af þessu.

Hey er svoldið upp með mér - pabbi hringdi í mig í dag til þess að spurja um ritgerðina og finnst það mjög ánægjulegt að einhver sýni ritgerðinni minni áhuga hvort sem eitthvað meira verður úr eða ekki.

Meira dramað í kringum einn putta - jamm puttinn sem klemmdist. Tók upp á því að fá ofnæmi fyrir plástrinum sem ég var með og hélt spelkunni - þannig að spelkan fauk af í nokkra daga og puttinn búin að vera hreint ógeðslegur vægast sagt en virðist vera að koma til og bólgan að minnka.

puttalingur

Bókahillur

Hey var ekki búin að segja frá fínu bókahillunum mínum :) er komin með þessar fínu hillur sem pabbi setti upp og ég hjálpaði við á sunnudagskvöldið - er mjög ánægð með þær og núna get ég sett barna og unglingabækurnar sem ég á upp í hillur en undanfarin ár hefur þetta bara verið geymt ofan í kössum og nýrri bækur uppi við.

jeiii

Linda og bókahillurnar

Klæjar

Mig klæjar óhemjumikið í löngutöngina þessa dagana :( er búin reyndar núna að taka spelkuna af mér því mig klæjaði svo mikið en get ekki sett aftur á því ég gleymdi grisjunni og "plástrinum" í vinnu 1 í dag :(

Er komin með nýja eldavél og nýjan ísskáp í nýju íbúðina mína - rosa flott og bæði sama merkið.
Mamma gaf mér ísskáp í jóla,afmælis og innflutningsgjöf og svo var pabbi og co að gefa mér eldavél í gær í útskriftargjöf..... held þau séu að fara algjörlega yfir um.
Fæ því ekki rauðu eldavélina og mamma getur hætt að hafa áhyggjur yfir litavalinu í eldhúsinu en hún hafði ægilegar áhyggjur ;) hehe (varð að koma með smá skot á þau því ég veit þau lesa þetta bæði). En þakka annars kærlega fyrir mig... og ég veit mun bjóða í mat....

Farin að telja niður mínuturnar þangað til ég kemst heim!!!!

Var að tala við frænku mína á msn - amma skilur ekkert í þessum samskiptamáta hjá okkur enda ekkert skrýtið.
Finnst þetta alveg rosaþægilegt þótt margir bölva en finnst þetta vera góð leið til þess að hafa samskipti við skyldmenni sín sem maður mundi kannski ekki annars hafa.

over and out

Sátt

Er mjög sátt liggur bara við að springa úr hamingju. Náði lágmarkinu sem ég var að setja mér :) jeiiii

Þá er bara að koma og fagna með mér 26. febrúar.

jeii jeii jibbii jeii

Fyrsta barn ársins

Það er loksins komið að því að fyrsta barnið af þessum barnshafandi sem hafa og eru í kringum mig er loksins komið í heiminn. Þannig að ég býð litlu frænku velkomna í heiminn - Dagný og Geir búin að fjölga mannkyninu - til hamingju :)

Af öðru þá held ég sé algjörlega búin að gera útaf við mömmu og pabba - þau eru búin að vera frábær með að hjálpa mér seinustu daga - að öðrum ólöstuðum :)

Er búin að hafa sófaskipti við litlu systur hehe - hún var að lána mér sófa og ég henti út hinum sófunum tveimur sem ég er búin að hafa seinustu 7 ár eða svo... var síðan að heyra í pabba og hann að aka öðrum sófanum til hennar. Finnst það svoldið fyndið.

Hef sofið vel í nýju íbúðinni sem lofar góðu og íbúðin lofar alveg ágætu, nágrannar líka og hverfið.

Held ég vilji samt ekki fá annan svona janúar og febrúarmánuð - þar sem er brjálað að gera og finnst ég vera að svíkjast undan öllu.

oh well

ónýt

Jæja ég er orðin ónýt - er með eitthvað þvílíkt tak eða tognuð á annari hliðinni - er farið að verða slæmt :(

Þurfti alltaf að vakna í nótt til þess að snúa mér en allt nema að vera á vinstri hliðinni var ómögulegt.

er enn verið að mála.

þreytt!!!

p.s.

Flutningurinn skotgekk því ég var með svo gott lið að hjálpa annars hefði þetta ekki gengið svona vel fyrir sig.

Þannig að ég þakka kærlega fyrir alla hjálpina!

Flutt

Já er flutt - flutningurinn í gær skotgekk. Var aðeins farið á tvær ferðir á bílnum hans pabba og svo stationinum hans Bubba. Fékk lykla klukkan hálf fimm - stuttu seinna kom svo pabbi með fyrstu ferðina og rétt fyrir sjö var ég búin að þrífa í Heiðarásnum og afhenda lykla.

Svaf svo fyrstu nóttina í vinnunni ;-) jamm hentugt og ætli ég verði ekki næstu einu til tvær nætur í viðbót. Var samt mjög áhugavert þegar ég var að fara í gær og á farfuglaheimilið og fór að spá í hvar tannbursti minn og bursti og fleira sem ég þurfti með væri. Hafði ekki hugmynd um það.
Kemur ábyggilega margt á óvart þegar ég fer að taka upp úr kössum og svona :-)

Þá er bara að hefjast handa við að mála!

málari með meiru

Tímamót

Í dag eru ákveðin tímamót í lífi mínu og á morgun á miðnætti hefur líf mitt tekið breytingum!

Já því í dag skilaði ég inn b.s. ritgerðinni minni - loksins. Mér finnst þetta mikið afrek fyrir mig því þetta hefur verið löng fæðing (lengri en hjá fíl).

Á morgun er aðrar breytingar því á morgun mun ég flytja inn í MÍNA íbúð. Já krakkar mínir ég er búin að fjárfesta í íbúð. En flestir vita þetta svo sem :-)

Á morgun mun líf mitt því hafa tekið stakkabreytingum. Hef ekki lengur ritgerð hangandi yfir hausnum og mun útskrifast úr HÍ (vonandi 7,9,13) og mun hafa eignast mína fyrstu íbúð og er því ekki lengur á leigumarkaðinum.

Ég get þá vonandi farið að taka skref í rétta átt - í átt að draumnum mínum!

shit shit shit

Andvaka

Vaknaði klukkan þrjú í nótt - gat ekki sofnað. Horfði á eina mynd á stöð 2 í nótt og þegar var ljóst að um hálf sex að ég gæti ekkert sofnað ákvað ég að mæta snemma í vinnuna. Var því mætt um hálf átta - hefði getað farið fyrr hefði strætó byrjað að ganga fyrr. Oh well - á ábyggilega eftir að vera mjög skemmtileg í dag.

Þarf líka að þeysast um allan bæ í dag!

þreytt þreytt þreytt

Veit nú ekki...

Tekið frá heimasíðu Skottu!

Mmm, I am Lemon Flavoured. I am bitter and twisted. Expect from me acerbic humour and sharp commentary. While I may seem nasty at first, I'm actually quite good company if I like you, so long as you don't mind a bit of cutting to the chase. What Flavour Are You?

Veik

Vá finnst alveg vera að læðast inn á mig einhver veikindi! Skrýtin tilfinning en ég ætla að berjast á móti þessu - hef engan tíma!

get ekki get ekki

Snilld

Margt snilldarlegt búið að gerast seinustu daga.

Fór til Péturs frænda í gær sem hjálpaði mér við kortið mitt, mér líst vel á það og vona bara að gagnrýnandinn segi það sama. Var snilldarlegt hjá mér að fara til Péturs því þar fékk ég að borða hjá Erlu frænku, mamma hringdi reyndar á meðan og var sagt að ég hefði verið vælandi fyrir utan um mat ;-)

Saumaklúbburinn var á fimmtudaginn þar sem við fengum racklett - var snilld líka. Stoppaði mjög stutt þar sem ég skellti mér á námskeið um menningarheim Araba, Guðmunda vinkona var snilld og gaf mér þetta námskeið fyrir þessa 3 áfanga á næstunni hjá mér. Eins gott að standast þá alla hehehe.

jæja ætla svo snilldarlega að skella mér í næsta verkefni og gera það snilldarlega!

Linda snilld

p.s. þeir sem ekki tóku eftir því var snilld þema dagsins!

Blogg fyrir litlu systur

Jamm er að blogga fyrir litlu systur - hún skipaði mér að taka 15 mín pásu í vinnunni og skrifa blogg. Hlýddi því reyndar ekki en er að blogga núna- þannig að þetta er tileinkað henni. Hefði reyndar átt að spurja um efni ;-)

Gær setti ég met í vinnunni - var 13 og hálfan tíma að vinna. Hef að ég held ekki verið svona lengi þar áður. Þegar ég fór rétt fyrir tíu þá þurfti ég endilega að missa af vagninum mínum á suðurlandsbraut - var pínku pirruð en tók þessu ótrúlega létt, fékk í staðinn bara smá hreyfingu.

Fann loksins einhvern til þess að hjálpa mér við kortið mitt sem á að vera í ritgerðinni jeii :) bara vona að það gangi allt upp og komi ágætlega út.

Hlakka til saumaklúbbsins á morgun - fékk að vita um kræsingarnar sem eru á boðstólnum!

Er hugsa um að prófa nýjung á síðunni en það þýðir þá að þú lesandi góður þarft að vera virkur. Nýjungin er sú að þú getur ráðið um hvað ég blogga eða kemur með málefni eða titil og ég blogga síðan um það!
Hvernig líst ykkur á það? Sniðugt? Mögulega ef þið takið þátt :)

á morgun á morgun....

Puttasaga

Get haldið áfram sögunni um puttan en held að fæstir hafi áhuga á því þannig að því verður sleppt. Segjum bara að ég vona að spelkan dugi.

Var í bíó á Finding Neverland falleg mynd, mjög falleg að ég táraðist og þurfti síðan að gera lítið úr mér fyrir það. Gerði svartan blett á kvöldið!

Klæjar í puttann með spelkunni - gæti tekið af til þess að klóra en nenni því ekki....

klór klór...

hahahaha

Var næstum því búin að skrifa Dear K Killer í stað K Miller

Búin að vinna yfir mig!!! hmm.... hugsanlega.... eitthvað sem ég var ekki undirbúin fyrir í janúar - kemur alltaf með vorinu!

jæja hef ekki tíma svo ég þurfi ekki að vera hérna til níu í kvökd líka.

Harðsnúna Linda eða vinna!

Single life

Dagar mínir sem einhleypings eru senn á enda.

Já orðið er komið út, Brad Pitt er að skilja við Jennifer Aniston. Þannig að ekki líður að löngu þar til drengurinn er minn eða haldið þið ;-)

Fannst reyndar svoldið skondið að þegar ég tilkynnti vinum mínum þetta í gær þá var manni vinkonu minnar það á orði hvort við gætum ekki fengið flug 2 fyrir einn út þar sem hann var á höttum eftir Jennifer.

spurning hvort ætti heldur að bíða eftir Johnny Depp eða kannski maður skilar þá bara Brad þegar Johnny er á lausu. Já já alltaf að plana.....

single life senn á enda....

hlakka svo til

Hlakka ógurlega til að flytja.... get ekki beðið eftir því að vera með sérinngang því þá þarf ég ekki að vera vitni að samtali sem var frammi áðan. Sem endaði á því að hann spurði hvernig rassinn á honum kæmi út í buxunum og hún svaraði að hann væri afskaplega sætur.
Kannsi er ég bara kaldhæðin og afbryðissöm úr því að ég fíla ekki að hlusta á svona. Að minnsta kosti finnst mér mjög gott að flytja og vonandi að þurfa ekki að upplifa það að heyra samtöl sem eru frammi en finnast það vera inn í íbúðinni hjá sér.

Annars er ég afskaplega löt sem er ekki gott...langt frá því.

spurning um að taka þátt í latabæ

Spelka

Er með rosa spelku á löngutöng hægri handar - er frekar ljót, stór og hugsa ég gagnslaus. Jamm það réttist ekkert úr puttanum eftir að hann klemmdist og sinin er sennilegast farin í sundur að sögn læknis á árbænum. Ég fer hinsvegar á endurkomudeild á þriðjudaginn - læknirinn vildi frekar að þeir mundu sjá um þetta þar sem ég hef heldur engan heimilislækni. Þannig að ég fæ að fara í frekari læknisheimsókn - jeiijeii.

Það var gerð nánast dauðaleit að fingurspelku áðan upp í heilsugæslu svo þeir gætu gert eitthvað bráðabirgðarspelku. Held ég hafi frekar viljað að hún hefði ekki fundist ;-) Annars býst ég fastlega við því að ég muni ekki nota hana um helgina og morgun því ég þarf að vera dugleg!

Linda að hlaupa milli vinnustaða

Leiðist

Leiðist óheyrilega - fyrsta kvöldið í vinnu nr. 2 það var líka orðið rosalega gott að hafa frí á kvöldin. Það er bara að halda þetta út í nokkrar vikur/mánuði. Verð að spara.

Svo til þess að toppa kvöldið þá var ég að blokkera bróður minn á msninu - langar ekkert til þess að fá á mig fock you sem er ekki einu sinni rétt skrifað og einhverja stæla. Nenni því ekki á msn - nóg af því annars annarsstaðar frá.

Er reyndar samt að pæla hvort hann sé að ruglast á mér og bróður mínum þar sem við höfum afskaplega lík hotmail addressur en samt common on!

ekki alveg hin hressasta

2005

Nýtt ár gengið í garð og aldrei þessu vant hlakka ég mjög mikil til nýs árs. Yfirleitt á áramótum kvíður mér fyrir að árið sem er að líða sé að líða. Vil oft halda aðeins í það en ekki í þetta skiptið.

Núna er ég að stefna á ákveðin hlut - láta ákveðin draum hjá mér rætast og ég ætla að reyna gera allt sem í mínu valdi stendur til þess að geta gert þetta. Ég er samt með stóran hnút í maganum yfir því að þetta takist ekki og þetta sé frekar óraunhæft hjá mér. Þannig að ef þessi draumur minn verður ekki að veruleika þá mun það jafnframt verða mestu vonbrigði ársins 2005.

Linda bjartsýn á nýju ári

Flugeldar

Mér finnst gaman að flugeldum - horfa á þá og sjá þetta sjónarspil sem þeir bjóða upp á. Þetta finnst mér mjög gaman að á gamlárskvöldi og á öðrum sérstökum dögum þegar sýningar eru eins og menningarnótt. Hins vegar finnst mér mjög mjög leiðinlegt þegar verið að er að sprenja nánast allan ársins hring. Búin að komast að því að ég beinlinis þoli ekki þennan tíma frá því að flugeldasölur opna og þangað til um miðjan janúar því alltaf heyrir maður spreningar hér og þar. Hélt ég yrði vitlaus í gær af þessum leiðindarhávaða sem virsti akkurat vera fyrir utan svefnherbergisgluggann minn.

Ætla að drífa mig heim þar sem ég er hálfslöpp.... og já ég veit að ég hefði aldrei átt að mæta í vinnu í dag!

Óska öllum gleðilegs árs - get ekki sagt að ég kveðji þetta ár með miklum söknuði!

Linda farin heim að sofa....

Áfall

Ákvað að kveikja aðeins á tölvunni minni í gærkveldi - fékk nett áfall þar sem ekki hún fór ekki í gang og hversu oft sem ég reyndi þá gerðist ekkert. Ákvað að prufa að setja hana í samband (er fartalva), sem ég gerði en enn fór talvan ekki í gang þangað til ég leit á hinn endann á rafmagnssnúruna sem var ekki í rafmagninu. Þannig að þegar hún var komin í samband þá loksins fór talvan í gang....sem betur fer var að fá nett taugaáfall.

sem ekki varð

bla bla

Heyrði snilldarsetningu núna um daginn sem er víst komið á bumper stickers í Bretlandi samkvæmt mínum heimildum en allavega er þetta komið úr Lord of the rings: Frodo failed, Bush got the ring Finnst þetta algjör snilld.

Jólaskapið kom aldrei - ekki einu sinni á aðfangadag þegar kirkjuklukkur hringdu inn jólin.

Fékk margar góðar gjafir og margt sem fór af óskalistanum og meðal annars eitt sem ég kunni ekki við að setja á óskalistann.
Frumlegasta gjöfin sem var þó á óskalistanum og ég bjóst ekki við að fá var gjafabréf upp á málningu að eigin vali í eitt herbergi ásamt hjálparhönd. Allavega þá vil ég þakka kærlega fyrir mig.

lalalala

Jólin

Jamm jólin eru víst bara að koma hvort maður sé undir það búin eða ekki. Því vil ég óska þér

Gleðilegra jóla og farsældar á komandi ári!

Þorláksmessa

Er orðin ein eftir í vinnunni - það er enginn hérna, kannski gestir en er ekki alveg viss. Mikið að spá í hvað ég ætti að gera af mér en held ég verði bara að ljúka verkum mínum af sem fyrst!

Náði að klára kaupa allar jólagjafirnar í hádeginu :)

Undanfarið hefur verið hefðin að fara í vinnuna til pabba á Þorláksmessu og sníkja sér smá snittur en lítur út fyrir að svoleiðis verði það ekki í ár - held hann sé eitthvað afskaplega lítið í vinnunni í dag og svo er líka vinnustaðurinn hans búin að færast til.

Er orðin voða litlu nær í jólaskapinu -

jólaandi jólaandi hvar ertu þú....

Jólaskap

Ég hér með auglýsi eftir jólaskapinu mínu og jólaandanum - virðist hafa týnst í enda nóvember. Þeir sem finna jólaandann minn vinsamlegast skilist til eiganda eða hafið samband við mig til þess að láta vita hvar hann er.

jamm finn ekki fyrir neinu jóla neitt - kannski heldur ekkert skrýtið það hefur ekkert komið undanfarin ár.

Hef um helgina og undanfarna daga verið í búðum til þess að kynna jungle speed með Jens - og þar hef ég ekki einu sinni sagt síðan gleðileg jól við fólkið sem hefur komið að skoða eða spilað við okkur, hef bara ekki þessa tilfinningu að jólin séu að koma.

Ég á líka eftir að kaupa 2-3 gjafir og man bara ekki til þess að ég hafi átt slíkt eftir á þorláksmessu. Reyndar þarf að hafa samband vegna einnar gjafar í hádeginu - hef ekkert náð í aðilann þrátt fyrir að hafa reynt alla þessa viku. Svo er það amma en það er alveg hrikalega erfitt eitthvað að finna handa ömmum. Þær eiga allt kellingarnar svona í flestum tilfellum.

Jæja best að fara að einbeita sér í vinnunni og að líka við nýju skrifstofuna mína. Fékk hana aftur í dag - eftir að vera búin að vera viku inni hjá framkvæmdarstjóranum. Er mjög fegin að koma aftur til minna heimkynna en er samt svoldið erfitt að venjast. Þoli greinilega ekki hvaða breytingar sem er ;)

Hafið það gott

Hrakfallabálkur

Ég er gjörsamlega búin að missa trúna á sjálfri mér!

Bara það eitt að ég skyldi "klemma" puttana seinasta fimmtudag og slasað mig hefur gert það að verkum að ég held ég sér orðin algjör hrakfallabálkur sem ég hef nú yfirleitt ekki haldið um sjálfan mig heldur langt því frá ;). Núna má ég varla stíga út eða niður fæti án þess að ég haldi að núna muni ég detta eða næst þegar ég opna hurð að puttarnir verða á milli og svo lengi mætti telja.

kannski eitt gott sem hefur leitt af þessu að ég passa mig meira í umferðinni þegar ég er að keyra og hef meiri gætur á því sem ég geri en öllu má nú ofgera.

Að öðrum málum þá er allt út um allt heima hjá mér, spá í að flytja út og fara á eitthvað annað heimili sem lítur betur út. Einhver sem er tilbúin að taka við mér?

Linda hrakfallabálkur sem er by the way orð dagsins

Stjörnuspáin mín

Lítur út fyrir að stjörnuspáin mín eigi bara eitthvað við rök að styðjast :)

Fiskar
Ekki falla í þá gildru að halda að þú sért leiksoppur örlaganna. Þér hættir til að telja að þú lendir "alltaf" í vandræðum og fáir "aldrei" það sem þú vilt. Það er della.

so true :) eða er það ekki!

Linda ræður sínum örlögum sjálf....eða hvað

Slysó

Haldið þið ekki að mín hafi bara farið upp á slysó í gær!

Borgar sig greinilega ekki að skreppa aðeins frá úr vinnunni því þegar ég kom aftur og var að fara inn þá skelltist hurðin svo rosalega eftir mér útaf vindhviðu að einhvern veginn tókst mér að klemma mig.

Nú megið þið segja ái -því þetta var frekar vont og langatöng og vísifingur hægri handar bólgnuðu upp með hraði. Síðan var ég eiginlega send upp á slysó þótt ég væri ágætlega viss um að ég væri ekki brotin sem kom síðan í ljós að ég hafði rétt fyrir mér. En það var sársauki og þótt sé aðeins um tvo putta að ræða er ótrúlegt hvað það hefur mikil áhrif. Því ég er búin að missa svo mikin kraft - gat t.d. ekki skorið matinn minn í gær og á erfitt með að halda á einhverju í hægri höndinni, setja í bakkgír og svo ég tali nú ekki um að vélrita - sérstaklega vont fyrir löngutöng.

Ég get líka gleymt því að skrifa á jólakortin í bili því það er sárt að skrifa! Þau sem munu fá síðan jólakort og þau eru kannski illa skrifuð og með mjög litlu inn í þá vitið þið af hverju :)

Fegin að ég er bara að vinna til hádegis í dag því eftir hádegi á að skrifa á jólakort hér í vinnunni og slepp við það þangað til á mánudag. Í þokkabót er ég nefnilega skrifstofulaus - var verið að brjóta niður eitt stykki vegg í gær - gera vinnurýmið mitt og nýs starfsmanns að einu rými og bæta þriðju við. Því sit ég í dag og seinni partinn í gær á skrifstofu framkvæmdarstjórans - flæmdi hann bara úr skrifstofunni sinni.

Læt þetta duga í bili....

langatöng langatöng hvar ert þú...

Trúmál

Umræðurnar í hádegismatnum var um trúmál - komst að merkilegri staðreynd um sjálfan mig sem ég held að sé reyndar einkennandi fyrir vel flesta Íslendinga, allavega það er mín tilfinning.

Allavega það sem mér finnst nokkuð merkileg staðreynd er að ég yfirleitt pæli ekki yfirhöfuð í fólki sem ég vinn með, kynnist eða hvaða formi sem er í hvaða trú það væri. Ok þetta er svo sem ekkert merkilegt því ég er svo sem ekkert trúuð þannig að af hverju ætti ég að pæla í því. En það sem kom á óvart er að ein sem er að vinna með mér er kaþólsk - þannig að ég geri greinilega ráð fyrir að allir séu lútersk trúar eða mótmælendur þar sem þetta kom mér svona rosalega á óvart.
En áttum skemmtilegt samtal um kaþólikka og lúterska trú og líka þá staðreynd að kaþólsku manneskjunni fannst lúterska trúin hreinni á einhvern hátt. Önnur krydda hjá mér eða ranghugmynd er sú að þeir sem eru kaþóskrar trúar séu mun trúaðri heldur en lúterski og "stundi" sína trú frekar ef hægt er að kalla svo. Að sjálfsögðu er það alveg jafn misjafnt og hjá þeim sem eru mótmælendur.

Annars vegna fjölda eftirspurna frá pabbba og litlu systur eftir jólagjafalista þá birti ég hann hér á netinu:

*málning
*baðkar :)
*áklæði á sófann
*vettlinga (helst ekki fingravettlinga)
*trefil
*húfa
*náttlampa
*strigaskó (æfinga)
*svefnpoki (lítil og meðfæranlegur - helst göngupoki en hlýr)
*geisladiskar - Eivör, nýji diskurinn með Nick Cave, Ragnheiður Gröndal (gamli diskurinn), Úlfhamskviða.
*bækur - A redbird christmas eftir Fannie Flagg -dö skammast mín fyrir að segja það en hef ekki skoðað úrvalið (fæ ekki bókatíðindi) þannig að er ekki viss hvaða bækur það eru.
*dvd - Amelie, Seven,Shrek (1&2), Monster Inc, Eternal Sunshine of the spotless mind.
*sokkar - bæði hlýjir og skemmtilegir sokkar

Jæja held að þetta sé bara gott í bili.

jólatrú

skrifa...

Langar til þess að skrifa eitthvað en veit ekki alveg hvað ég á að skrifa um... veit heldur ekki hversu mikið ég ætti að ljóstra upp né hversu mikil áhugi er heldur fyrir því. Ætti heldur ekki að skipta mig neinu hver áhuginn er því jú það sem ég skrifa er í rauninni fyrir mig. Hinsvegar er það samt svoldið í þversögn því mér finnst gaman að fá komment og því verð ég að reyna að skrifa þannig að ég fái komment. Allt komið í tóman hring hér.

Get líka sagt að ég er ekki alveg eins skapvond og ég hef verið undanfarið - í þessu skiptir held ég mestu vinirnir sem ég á - að hafa getað hitt þá og eytt tíma með þeim það svona bætir og kætir ;), komin líka í jólafrí frá vinnu nr. 2 og því gott að eiga kvöldin frí og akkúrat með vinunum.

Get líka sagt frá því að í gær var tekin ákvörðun og þarf að standa við ákveðin hlut og ef ég stenst hann þá ætlar maður vinkonu minnar að verðlauna okkur tvær :)

Get líka sagt frá því að á föstudagskvöldið talaði ég við mömmu í um einn og hálfan tíma í símann og held ég hafi bara ekki áður talað við hana svona lengi í sima það er að segja.... og var ýmislegt spáð og spekúlerað.

Get líka sagt frá því að ég hlakka til þegar 1. febrúar og eftir í rauninni þegar kemur 1. mars.

Get líka sagt að mér þykir vænt um þig!

bla bla

Hvað skyldi ég vera...


Wake up! You're Mr. Daydream! :)


Which of the Mr. Men characters are you?
brought to you by Quizilla


og var þetta ekki bara draumaútkoman ;)

draummóramanneskjan ég

samtal

Varð vitni að skondnu svari áðan. Einn af nýju nemunum var að spurja einn starfsmann/íbúa um eitthvað. Þegar hann gat ekki svarað varð hún pínku hneyksluð því hann var búin að vera hérna í nokkra mánuði/vikur.

Þá kom þetta brilliant svar: Ask somebody who cares!

Ok ekki voða fyndið en í ljósi atburða síðastliðnu daga þá fannst mér þetta fyndið.

með aulahúmor

Húsaleigan

Sagði upp húsaleigunni í gær - sem betur fer var það ekkert mál. Greinilega stórhættulegt að vera skapvond. Maður tekur bara drastískar ákvarðanir. Hahaha er bara að grínast með það.

Linda syfjaða

Varúð

Er hræðilega skapvond þessa dagana!

Lífið heldur áfram...

Svo mikið er víst að lífið heldur áfram, tekur kannski breytingum og stökkum en heldur áfram.

Annars er merkilegt hvað ég get alltaf fundið mér eitthvað annað að gera heldur en akkúrat það sem ég ætla mér að gera. Býst heldur ekkert við að það sé eitthvað sérstak hjá mér heldur er þetta viðloðandi hjá námsmönnum en held varla að ég geti kallað mig slíkan núna.
Tókst þá að koma smá í verk það sem ég ætlaði mér að gera. Þarf síðan að fara að hringja símtal sem ég er búin að fresta og fresta en kemst varla hjá að fresta lengur.

Saumaklúbbur í kvöld hjá mér, hlakka til að hitta stelpurnar og vona að þær komist allar því langt er síðan við hittumst allar saman.

over and out

Update

Það varð líka dauðsfall í fyrsta brunanum og annar liggur alvarlega slasaður, með reykeitrun.

Jólabruni

Fyrsti jólabrunninn afstaðin - átti sér stað á Sauðárkróki. Merkilegt að þetta skuli haldast í hendur, desembermánðuðr gengur í garð og maður veltir fyrir sér hvað margir brunar verða, hvað mikið eyðileggs og vonar að engin dauðsföll verði að þeirra völdum.

Ég veit að ég er mjög eldhrædd og innbúið mitt er ekki tryggt, ekki sniðugt ég veit. Er alltaf á leiðinni að gera eitthvað í því en ekki komið í verk frekar en margt annað hjá mér.

Annars er ég svona að reyna að ná áttum varðandi það sem gerðist í vikunni og held ég að hafi mikið hjálpað að ég var í fríi í gær. Gerði það líka að verkum að það kom spenningur í annað sem er að gerast hjá mér sem er rosalegt stökk fyrir mig. Er ekki frá því að það er pínu hnútur í maganum á mér að ég sé að ana út í eitthvað sem ég ræð ekki við ásamt því að er spenningur yfir einhverju nýju.

bla bla bla

Tóm

Er með tómleikatilfinningu, er frekar tóm og búin á því eins og er. Merkilegt hvað einn atburður getur haft mikil áhrif á mann.

Það veltur líka upp þeirri vangaveltu hvað vinnan er rosalega stór partur af lífi manns og hversu mikilvægt er að vera ánægður eða sáttur í vinnunni.Því annars hefur það svo mikil áhrif á frítíman - svona rétt eftir að maður er komin heim úr vinnu. Mismikið náttúrulega hvað hverjir geta skilið eftir og hvað aðrir taka með sér heim.

Allavega ég þyrfti að leggjast undir feld en get það eiginlega ekki þar sem ég ætla mér svo mikið um helgina.

Linda tóma

Dauði og djöfull....

Er ekki sátt.... langt frá því....

Trousers inspector!

Trousers inspector er nýi vinnu-titillinn minn. Allavega þannig var ég kynnt af körfuboltastráknum þegar hann kynnti mig fyrir mömmu sinni.

Annars er búið að vera eitthvað voða mikið útstáelsi (hef ekki hugmynd um hvort þetta sé orð eða ekki) á mér undanfarið enda er ég að leka niður af þreytu núna. Fór á kaffihús með tveimur vinkonum í gær - var mjög fínt.

enn á ný þreytt

Samkvæmt sjálfri mér!

það hlakkaði smá í mér þegar ég heyrði fréttirnar um að hópur fólks (5 stykki)hafi ráðist inn í íslenska sendiráðið í London til þess að mótmæla kárahnjúkum.

Einum ákveðnum aðila fannst ég ekki alveg samkvæmt sjálfri mér og það má vel vera en mér er eiginlega bara alveg sama :)

jamm

Þreytt

Arrggg ég er þreytt!

Ætlaði aldrei að geta sofnað í gærkveldi eftir að ég kom heim - svo í þokkabót þegar maður sofnar svona seint þá oft sefur maður illa vegna þess að maður hefur áhyggjur af að sofa yfir sig.

Fæ lasagna í hádegismat..... namm namm

lasagna yeah!

Ástand

Það er verra ástand á mér en ég hélt.....

Í morgun þegar ég vaknaði þá fór ég að pæla í því hvar í ósköpunum ég væri stödd, pældi síðan í því af hverju ég heyrði umgang fyrir ofan mig. Þurfti síðan að hugsa mig um vel og lengi hvernig ég byggi, þegar ég opnaði í augun síðan þá rann upp fyrir mér smátt og smátt hvar ég var og hvernig ég byggi.

Að sjálfsögðu var ég hvergi annarsstaðar stödd en í rúminu heima hjá mér... að vakna á óguðlegum tíma þegar maður ætlar að sofa út.

ekki í góðu ástandi

Ekki í lagi..

Það er sko ekki í lagi með mig... þegar ég hef ætlað að hringja í pabba undanfarið þá hef ég hringt í númerið hjá sjálfri mér og núna rétt áðan þá ætlaði ég að senda pabba sms í gegnum heimasíðu símans - heyrði í gsm símanum mínum og hugsaði með mér voðalega er hann fljótur að svara þegar ég fattaði að ég hafði sent sjálfri mér sms.

Spurning hvort of mikið liggi á mér þessa dagana þar sem ég er að ruglast svona eða bara einfaldlega ég er bara ekki í lagi!

Linda í ruglinu

Æðstistrumpur

Það var sagt við mig í gær að ég yrði það svona nokkurs konar í dag að minnsta kosti hérna megin í húsinu!
Jamm vel flestir í fríi og eftir hádegi lítur út fyrir að ég verði sú eina á skrifstofu og móttöku.

Spurning hvort einmanaleikinn fari að hrjá mig í vinnunni! Ha nei ég er svo skemmtileg getur ekki verið.

Linda í bullinu

Hreinskilni

Er að pæla í því hvort ég sé mjög hreinskilin manneskja - hvort ég komi alveg hreint fram við annað fólk og læt vita af því sem mér mislíkar og þá hvort það sé um of hjá mér eða kannski bara ekki neitt.

var nefnilega á fund í vinnunni - sem ég bað um, hef á tilfinningunni að ég hafi kannski sagt of mikið. Hafi gefið of mikið tækifæri á mér.
Þá er ég alls ekki að meina það sem ég var að gagnrýna það sem mætti fara betur að mínu áliti heldur hvernig ég hugsa.

Arg vona að einhver skilji mig.....

einhver, anybody...

Kom að því...

Það er komin vond lykt og loft inn á skrifstofu til mín núna - er komin einhver mengunarský hérna yfir..... ojojoj

ullabjakk

Afmæli

Haukur Atli bróður er táningur í dag! Minnsta kosti komin á táningsaldurinn - orðin 13 ára og fer að fermast! Líður svo hratt....

Til hamingju með afmælið Haukur minn

hann á afmæli í dag....

Bussy

Það hleðst upp af lögreglubílum hér fyrir utan - en kannski eru bara vaktaskipti!

Loksins umferðin að minnka hérna um Sundlaugaveginn.

Linda í nánast beinni

en að sama skapi enda jafn snögglega....

hlutirnir eru að gerast svoldið hratt fyrir þessar stundirnar......

Gömul

ojá held ég sé bara orðin gömul fyrir aldur fram - vaknaði nefnilega klukkan sex í morgun og gat ekki sofnað aftur hvað sem ég reyndi. Var síðan komin með moggann upp í til mín 6:45.

Ef þetta er ekki merki um öldrun þá veit ég ekki hvað...

Linda gamla

Fyrir ári síðan....

Fyrir ári síðan var ég í Cienfugos á Kúbu, var mér heitt og var að upplifa eitthvað nýtt og spennandi á hverjum degi...... fyrir ári síðan var mér heitt....

Í dag er mér kalt.....sit undir sæng full klædd því það er kalt. Nýbúin að hringja í dominos til þess að panta mér að borða og pantaði sömu gömlu pizzuna.
Í dag er er ég líka að hugsa um allt aðra hluti heldur en fyrir ári síðan!

Í dag læt ég mig samt enn dreyma um framandi slóðir og ævintýri eins og ég gerði fyrir ári síðan......

Eftir ár.....get ég ekki ímyndað mér hvað ég verð að gera en vona að ég verði að gera eitthvað spennandi - skoða eitthvað nýtt, upplifa eitthvað nýtt og verði aðeins hlýrra heldur en í dag!

Var það búið að koma fram að mér er kalt!

þetta blogg var EKKI í boði eftirsjáar heldur tækifæra og upplifana

Uppörvandi blogg

Kaldhæðni í hámarki... jamm er kalt og svöng!!
Þoli ekki að vera svöng og enn leiðinlegra að fá sér að borða. Finnst það alveg óheyrilega leiðinlegt að finna eitthvað að borða, taka það til og að borða það er svo sem í lagi svo lengi sem þetta er "skemmtilegur" matur.
Já ég get misst lystina fljótlega ef ég borða ekki "skemmtilegan" mat.

Vandlifað í þessum heimi!

Þoli ekki biðtíma - stundum vil ég að allt gerist strax, nema vondir hlutir.

Jamm ég á einn góðan vin sem ég vil hrósa - vil ekki nefna nafnið hans þar sem hann færi ábyggilega hjá sér en hann veit hver hann er :).
Þessi vinur á það til að vera rosalega uppörvandi og láta mann líða mjög vel og láta mann finna það að maður skipti máli í hans lífi. Ég fíla hann í tætlur!
Í dag sagði hann við mig þegar ég nefndi að við þyrftum að fara að hittast og þyrftum að ákveða tímasetninguna því við værum svo bussy, orðrétt sagði hann: Jú en ég finn alltaf tíma handa fólki sem mér þykir vænt um.....

Þannig að ég vildi segja að Þú ert frábær og gott að eiga þig að sem vin því það gerir mig að betri manneskju!

það þarf að hækka hitastigið hérna....brrr...

Klikk systir

ojá ég á klikk systir sem er kannski ekki skrýtið þegar litið er til þess hver er pabbi hennar hehehehe.

Allavega við vorum að spjalla á msninu sem er svo sem ekkert óvanalegt (höfum horft á tvið saman í gegnum msn)og ég var að segja henni eitthvað voða merkilegt og þetta er svarið sem ég fékk:

litla systir says:
nei, í svona oh stíl
litla systir says:
og hvað ?
Linda says:
oh stíl??
Linda says:
Hvað er það?

þegar ég var nýbúin að spurja þessarar spurningar um hvað oh stíl væri þá hringdi síminn og var það ekki litla systir að segja oh stílinn og svo lagði hún á og hélt áfram að tala við mig á msninu :) hélt ég mundi deyja úr hlátri.

Jamm litla systir er klikk - svo í þokkabót ætlaði hún ekki að geta þegið það að fá tölvuna mína lánaða svo hún gæti nú lært en síðan finnst henni ekkert mál að lána mér bílinn sinn.

Já sumir eru bara klikk og ekki viðbjargandi ;)

Linda sem á klikk systur

Úti er alltaf að snjóa...

Er hvorki himinlifandi né hundfúl yfir þessum snjó - er bara nokk sama. Vona bara að fólk fari varlega þarna út í umferðinni.

Er með hausverk og þá er sko ekki gaman að fara í vinnu nr. 2 :(

Er búin að vera að vinna í heimasíðunni eða í ákveðnum texta að uppfæra og svona í vinnu nr. 1 í dag og í gær.
Það hefur svo sem verið ágætt nema ekki skemmtilegt forritið sem hún er unnin í þar sem það hlýðir ekki alveg :( en held áfram á morgun er ekki alveg búin.

og enn snjóar...

Kvikmyndatónleikar

Fór á kvikmyndatónleikana hjá Sinfóníunni og Kvikmyndafélaginu í gær með Árna, Arndísi og Helenu. Fyrri myndin var Hundalíf með Charlie Chaplin og seinni myndin var Klukkan tifar. Fannst Charlie Chaplin mun betri.
Hins vegar er eitt sem fer óhemju mikið í taugarnar á mér á tónleikum með sinfóníunni og það er þessi hefð að klappað sé sérstaklega fyrir aðal fiðluleikaranum, að þessi fiðluleikari komi seinast inn og svo heilsar stjórnandinn fiðluleikaranum með handabandi.
Læt þetta alveg fara alveg rosalega í taugarnar á mér að einum úr "bandinu" skuli vera hampað svona sérstaklega. Finnst þetta eitthvað snobb.
Eflaust á þetta til einhvers að rekja og ég þekki bara einfaldlega ekki vel til Sinfóníunnar og hvernig þetta virkar en fyrir mig þá get ég ekki séð að þessi fiðluleikari sé að gera eitthvað umfram aðra. Þetta er hópur sem vinnur að sameiginlegu verkefni og hver og einn á sitt hlutverk!
Annars átti ég í mestu vandræðum með að ákveða hvort ég ætti að fylgjast með tónlistarmönnunum eða Charlie Chaplin myndinni..... fannst svo gaman að fylgjast með tónlistarmönnunum..... svo líka þegar þau voru akkúrat ekki að spila þá fóru þau að fylgjast með myndinni eða svona vel flestir.

sjabbidabbidú

Ring ring

Ring ring....

H: já halló
L: já góða kvöldið, ert þú Hreinn?
H: já

L næstum því springur úr hlátri þegar hún áttar sig á því hvað hún hefur gert en nær að hemja sig. H ábyggilega vanur allskonar skotum og lætur sér hvergi bregða.

Hvað í ansanum kemur mér það við hvort maðurinn sé hreinn eða skítugur! hahaha

í símanum skemmti ég mér lalalala

Ruglukollur

Ruglukollur er kollurinn minn - ojá ég hrinsnýst svo mikið varðandi ýmis mál núna. Eina stundina er ég að hugsa um að stíga þetta skref fram en daginn eftir jafnvel klukkustundum seinna fer ég skref tilbaka eða réttara sagt er á sama stað.

Skil stundum ekki þetta líf - umhverfið í kringum okkur og hvernig samfélagið virkar. Of flókið greinilega fyrir minn heila - vil fá einfalt líf, einfalda umgjörð og ekkert vesen.

Til of mikils mæls?

Kannski

Linda í ruglunni

jafnrétti

Var í smá skoðanaskiptum við ömmu á laugardaginn og þar kemur berlega í ljós kynslóðarbilið.

Nema á maður eitthvað að reyna að hafa áhrif á eldra fólk - það bæði með sínar föstmótuðu skoðanir og hafa haft það um áratugaskeið oftast!

Allavega þá var amma að hrósa frænda mínum fyrir hvað hann væri duglegur með börnin sín - hugsa um þau o.s.frv. Ég var þessu nokkuð ósammála að það ætti að hampa honum eitthvað sérstaklega fyrir að hugsa um börnin sín. Því þetta er eftir allt saman jú börnin hans. Það ætti ekki að hampa honum umfram barnsmóður hans því hún hugsar jú líka um börnin. Nema móðir frænda míns var líka á mínu máli og held að amma hafi fyrnst eitthvað við og sagði í lokin já þú mátt hafa þína skoðun og ég mína. Svo mörg voru þau orð.

Get tekið annað dæmi frá hinni ömmu minni en þær kreddur voru full sterkar og ég gat á engan hátt setið undir því.
Hún vildi þá meina að konurnar í kvennaathvarfinu hefðu sumar hverjar einhverjar til þess unnið hvernig mennirnir þeirra komu fram við þær.

Þarba kemur berlega í ljós kynslóðarbilið. Ætti maður kannski frekar bara að hlusta og segja ekki neitt?

Linda ráðvillta

Af hverju

Af hverju gerist það alltaf eða minnsta kosti langflestum tilvikum að batteríin í ferðageislaspilaranum klárast þegar maður er nýfarin að heiman. Annað hvort þegar ég er að labba út á strætóstoppistöð eða í strætó niður í bæ eða vinnu? Þetta gerist sjaldnast þegar maður er rétt ókomin heim.

Það var komið mömmu á óvart með afmælisveislu í gær - það tókst alveg rosalega vel að koma henni á óvart. Var mjög góður matur. Það versta var að ég var svo þreytt að ég var nánast stjörf allan tímann í veislunni.

Var síðan saumklúbbur í kvöld - reyndar föndursaumaklúbbur þar sem við héldum áfram að föndra jólakort. Munum síðan hittast aftur næsta sunnudag og halda áfram. Rosa mikið að gera í jólakortaföndri, og það merkilegasta við þetta að mér finnst þetta bara alls ekkert svo slæmt :) og er bara ánægð með þó nokkur kort sem ég hef gert.

Linda jólakortagerðamaður

Martröð hvers nemanda

Þá er þessi ótrúlega nótt og morgun liðinn. Þetta var eins og léleg sápuópera hvernig þessi nótt eða frekar morgunn er búinn að vera og alveg ótrúlegt hversu róleg ég er búin að vera.

það sem er búið að gerast:

Var vakandi í nótt að klára ritgerðina sem gekk svona allt í lagi, síðan svona í morgunsárið - ætli það hafi ekki verið milli fimm eða sex þá byrjaði ég að setja myndirnar inn í ritgerðina mína. Það gekk hræðilega og endaði með því að eitthvað gerðist og skyndilega var ritgerðin komin úr 30 bls í 21 bls. Sama hvað ég reyndi að gera þá gat ég ekki lagað þetta.
Ég panikkaði ekki og hélt ró minni nokkuð vel, ég sendi Jens sms milli sex og hálf sjö og bað hann að hringja í mig þegar hann vaknaði.
Meðan ég beið þess að fá hringingu gerði ég heimildarskránna- um sjöleytið var ég farin að verða ansi þreytt og ákvað að leggja mig um átta en þá hringdi Jens.
Ég gat ekki almennilega útskýrt hvað væri að en sendi honum ritgerðina í tölvupósti og fór síðan að sofa.
Vaknaði um ellefu og þá hafði Jens getað lagað þetta og útskýrði hvað þyrfti að gera nema hvað wordið hjá mér hafði ekki sama fidusana :( og hjá honum en hann gat þá lagað og sent mér aftur.
Þá byrjaði ég aftur í uppsetningunni og reyndi að koma inn myndum en var ekki að gefa sig þannig að ég gaf skít í þær.

Gerði síðan efnisyfirlitið og svona.

Þá ákvað ég að fara að prenta ritgerðina út og klukkan að nálgast eitt. Ýtti á prent og þegar ekkert gerðist fattaði ég að ég hafði gleymt að tengja prentarann við tölvuna.
Tengi prentarann við tölvuna - ekkert gerist, reyni aftur og í þriðja sinn þá byrjar prentarinn að prenta. Þá er klukkan tíu mínutur yfir eitt. Þetta tekur langan tíma að prenta út og ég sé fram á það að missa af strætó. Hringi í pabba og spyr hvort hann eigi möguleika á að skutla mér niður eftir.
Hann stekkur úr vinnu og kemur 13.35 og lætur mig vita að hann sé komin - prentarinn ekki enn búin að prenta þetta.
Pabbi kemur inn og enn er verið að prenta nema hvað gerist akkúrat þá......blekið er búið.
Ég enn róleg en samt alvarlega farin að íhuga það að það sé bara slæm ára á ritgerðinni og mér sé ekki ætlað að útskrifast úr þessum skóla.
Ákvað að skella mér samt að hitta leiðbeinandann og fer með tölvuna mína með þar sem það er það eina sem ég hef í höndunum.
Kem nokkrum mínutum of seint - leiðbeinandinn bjargar mér síðan alveg og setur ritgerðina á usb og skoðar hana bara í sinni tölvu og við förum yfir hana.

Þetta var alveg rosalega kómiskt eitthvað allt saman.

En ég á líka góða að

Guðmunda kom og las ritgerðina yfir með mér í gærdag - Stebbi og Ísak komu síðan með mat til okkar um sjöleytið og voru þau hjá mér til tíu. Þar er ég búin að rústa svefnvenjum litla kúts.
Jens reddaði ritgerðinni minni eftir að hún var komin í fokk
Pabbi reddaði mér svo ég kæmist á réttum tíma.

Takk allir!

Nú auglýsi ég bara eftir einhverjum sem kann og getur hjálpað mér að setja ritgerð upp og myndir inn í textann.

Linda í lélegri sápuóperu

Þreyta

Það er ekki laust við að smá þreyta sé farin að færast yfir mig hérna, er samt tiltölulega róleg yfir því að ég sé búin að klúðra öllu. Að minnsta kosti lítur það þannig út. Er núna að bíða eftir að ákveðinn aðili vakni svo ég geti hringt og spurt um smá aðstoð....

Helvítist myndir

Þessar bévítans myndir sem ég er að reyna að koma inn eru að fokka upp öllu hjá mér :( og já ég er enn vakandi og sé ekkert fram á að geta farið að sofa.....

Lokaorð...

Er að byrja á lokaorðum.... að sjálfsögðu þyrfti ég meiri tíma til þess að fara yfir, fínpússa bæta við o.s.frv.

en spennandi ég er að byrja á lokaorðum og hef ekki hugmynd hvað ég á að segja eða aðallega hvernig ég á að byrja á þeim!

Þá er bara eftir að setja þetta upp, setja myndir, gera efnisyfirlit, heimildarskrá...prenta út. Vona bara að ég verði búin fyrir tvö á morgun.

vökunótt

Bók

Ansans - Amazon.com var að láta mig vita að það væri komin ný bók eftir Fannie Flagg. Mig langar í þessa bók...arrggg... verð að bíða - ég er líka svo skrýtin en af því að ég á hinar bækurnar hennar eftir hana á ensku í kiljuformi þá vil ég þessa í kiljuformi en hún er bara enn í harðspjalda útgáfu. Það versta er að það komu einungis tvær bækur eftir hana á íslensku en seldist víst ekkert svo vel þannig að ákveðið var að þýða ekki fleiri bækur eftir hana :( en þær bækur á ég í harðspjaldaformi.

Annars er ég komin heim :) var mjög ljúft að sofa í mínu rúmi í nótt. Er í fríi þessa viku í vinnunni. Svo erfitt að hugsa um bróður minn að ég varð bara að taka frí hí hí. Nei grínlaust þá er ég bara að rembast við að ljúka ritgerðinni minni og þar sem ég hitti leiðbeinandann á föstudaginn þá er best að bretta upp ermarnar og koma sér að verki

Adios

Æskuminningar

Æskuvinkona að norðan kom í bæinn um helgina og gisti hjá mér (mömmu)um helgina. Vorum að rifja upp æskuminningar á föstudagskvöldinu - var þrælskemmtilegt. Komumst að því að gatan sem við bjuggum í var þrælgóð og gott umhverfi til þess að alast upp í en því miður staldraði ég stutt við eins og á flest öllum stöðum.

Eitt af því sem við gerðum í "gömlu&góðu" daga þegar við vorum litlar (milli 8 og 10 ára)var að ganga milli húsa í götunni okkar og götunni fyrir ofan okkur til þess að sníkja nammi/góðmeti. Bönkuðum upp á hjá gamla fólkinu (mest hægt að græða á þeim sko :)) og spurðum hvort þau ættu eitthvað til þess að gefa okkur. Í dag finnst mér alveg ótrúlegt að við skulum hafa gert þetta en við fengum oftast eitthvað gott upp úr þessu :) ekkert endilega nammi heldur kökusneið og á í einu húsi þá fengum við alltaf að fara í garðinn og taka upp nokkrar gulrætur handa okkur.
Síðan að sjálfsögðu var það leynifélagið sem við stofnuðum ásamt tveimur strákum í götunni. Meðal hlutverka sem við höfðum var að fylgjast með fólki og áttum við það til að elta fólk langar leiðir.

Ég hef alltaf þessar saknaðarminningar frá Löngumýrinni!

Þess má geta að alltaf þegar ég er fyrir norðan þá er Löngumýrin ekin - enda ekki heldur verra að mamma vinkonur minnar býr enn á sama stað :-)

blast to the past

Pirringur

Óþolandi að hafa pirring hangandi yfir sér sem maður virðist ekki losna við. Samansafn af allskonar hlutum. Þar af leiðandi þarf svo lítið til að eitthvað pínku pons pirri mig :(

:(