Brill helgi

Föstudagur - Eftir vinnu héldum við nokkar úr vinnunni í Laugar og í baðstofuna þar sem við vorum í tvær klukkustundir í afslöppun, gufur, heitum potti og hvíldarherbergi. Pöntuðum okkur svo pizzu sem við borðuðum reyndar síðan í vinnunni þar sem ein af okkur þurfti því miður að vinna. Góð afslöppun eftir vinnuvikuna.

Laugardagur - Þurfti að vakna snemma til þess að bruna aftur niður í vinnu, ekki þó til þess að vinna heldur voru leiðbeinendur BUSL með fund þar sem stóð frá 10 til 18.30. Þegar fundurinn var búinn þurfti ég að bruna heim, fara í búð og bruna svo til Sólrunar og Bjarna. En það var matarboð hjá vinahópnum þar sem ég átti að koma með salatið. En vegna tímaskorts þá skar ég niður salatið hjá þeim og tafðist því maturinn um pínku onku pons, en ekkert sem kom að sök og salatið bætti líka allt því það var svoooo gott!.
Áttum alveg brilljant kvöld þar sem við hlógum mikið og var rifjað upp hinir ýmsu skandalar sem við stelpurnar höfðum gert.... og rætt um þann nýjasta hahaha!
Strákarnir voru svo myndarlegir að þeir fóru í eldhúsið og voru að ganga frá.... að því sem við héldum best... kom síðan í ljós að það var bara Bjarni og hinir að halda honum félagsskap á meðan!
Mínus við kvöldið var að bílgarmurinn fór ekki í gang þegar ég ætlaði heim..... þannig að ég fékk bara bíllykil að öðrum bíl (bíl húsráðenda) og keyrði heim.

Sunnudagur - Lá í leti fram eftir degi..... ákvað síðan að skila bílnum og koma hinum í gang, eftir smá gláp á Mission Impossible hjá Sólrúnu og Bjarna kom Bjarni með mér út til þess að ýta bílnum svo við kæmust nú að rafgeymnum. Ekki að spurja að því en bílinn rauk í gang og fór ég í síðdegiskaffi til mömmu, sem sendi mig svo heim með vöffludeig og járn þar sem hún frétti að von væri á gestum til mín til að spila Catan.
Kom heim og var dugleg að þrífa og laga til en möst þegar maður er að fá gesti ekki satt!
Var svo til rétt nýbúin að ganga frá og fara að byrja vöfflubakstur þegar þau komu. Komst svo að nýju í sambandi við reglurnar sem ég vissi ekki áður.

Þannig að helgin var pökkuð og einstaklega ánægjuleg........

Linda endurnærð