Næturgestur

Ég hafði fyrst formlega næturgestinn minn í nótt - að minnsta kosti minnist ég þess ekki að hafa haft næturgest eftir að ég flutti....

En næturgesturinn var til fyrirmyndar en þurfti þó að hafa aðeins fyrir næturgestinum og vaknaði nokkrum sinnum í nótt til þess að gera.......... pela!

Jamm systurdóttur mín var hjá mér í nótt og var bara gott að hafa hana og getað knúsað hana þrátt fyrir að hafa tekið mig um klst að svæfa hana um fimm í nótt.

En meira er búið að gerast um helgina en það var t.d. klárað að flísaleggja :) er ekkert smá ánægð með það. Þannig að þetta er allt að koma - ég er samt svo vonlaus að var ekki einu sinni til almennilegt kaffi fyrir flisalagningarmenn að pabbi var komin með kaffi á brúsa til þess að fá sér..... öss :( en hvað getur maður gert þegar maður drekkur ekki kaffi og vinirnir ekki heldur.

over and out

Íbúð til leigu

Ég er að leita eftir leigjanda að íbúðinni minni - þannig að ef þú veist um einhvern sem er að leita að íbúð á besta stað í bænum í einhverja mánuði þá gæti íbúðin mín bara verið svarið
Þetta er 2ja herbergja íbúð 46 fm2 að stærð og leigist út frá Janúar 2006 út ágúst 2006.
íbúðin leigjist út með húsgögnum og er staðsett á Rauðalæk. Íbúðin er með sérinngangi.
Leiga á mánuði er 70 þús með hita, rafmagni og hússjóði.

Sniðugt

Var að bæta við tveimur myndum í myndaalbúmið - í ýmislegt. Myndir sem Ellen systir sendi mér.

Verð líka að benda á sniðuga heimasíðu en það er bakpokinn - er búið að bæta við í linkunum mínum líka en sjá http://bakpokinn.com











Hver hefði getað trúað því að séu 25 ár á milli...... ekki ég :)


have fun

Sjónvarpsþættir

Eins og sjónvarpstþættir geta nú verið vitlausir og oft einhver mistök og annað sem gerist í þeim þá finnst mér alltaf gaman að finna eitthvað sem er svo absúrd/fáranlegt.

CSI- Það er alltaf verið að stöglast á því hvort sem það er CSI eða CSI New York að sönnunargögn eru alltaf á vettvangi. Finna hár, húðfrumur og bara you name it á vettvangi. Þar af leið finnst mér stórmerklegt alltaf hreint að þegar þau mæta á vettvang er hárið ekki coverað með hárneti, eru í sínum borgarlega fötum þar sem gæti falist ýmislegt í, eru mjög oft léttklædd þannig að dauðar húðfrumur gætu dottið af á vettvangi. Af hverju eru þau ekki í einhverjum galla svo þau spilli ekki vettvanginum svo ég tali nú ekki um hárið :) en yrði kannski leiðinlegra að sjá ekkert bert hold!

OC- Það er nú ýmislegt í þessum þáttum en best fannst mér um daginn þegar hjónin Sandy og Kirsten áttu 20 ára brúðkaupsafmæli og kellan enn ekki búin að fatta að þetta er greinilega hlutur sem hann man ekki - eftir 20 ár. Halló og vera fúl og hann að reyna bjarga sér með því að ljúga sig úr hlutunum.... merkilegt. Það fannst mér alveg hillarius.

ER- Finnst alltaf jafn skondið að í aðgerðum sem eru gerðar á skurðstofunni að læknarnir eru í sloppum og "sótthreinsuðum" en alltaf getur hinn almenni borgari verið síðan á skurðstofunni í sínum fötum og fyrir læknunum.

Man ekki eftir fleiri í bili - en gott að geta skemmt sér yfir einhverju :)

hahaha

Geðveikt

Það var byrjað að flísaleggja hjá mér í dag og verður að öllum líkindum klárað á morgun. Geðveikt!

Er búin í vinnu nr. 2 - úrtak kláraðist... fínt að vera búin snemma....

frábært

Sprautur

Jiii - þetta er allt að fara að kikka inn. Fer í fyrstu sprautu á fimmtudaginn. Þarf að vera búin að fá þær 4 vikum áður en ég fer.

Þarf gegn mænusótt, stífkrampa og lifrabólgu A - síðan þarf að athuga þegar ég kem hvort þurfi líka fyrir taugaveiki og kóleru.

Ætla síðan að fara leggja lokahönd á áætlun með flugið og panta miðann.

Þetta er bara sennilegast að verða að veruleika.

nálar... jeei

Fyrirlestur

Hið árlega gestgjafamót var um helgina í vinnunni. Var mjög fínt og alltaf gaman að sjá fólkið sem maður er í samskiptum við út á landi.

Nema Jón Gnarr var með fyrirlestur sem var hinn fínasti um viðskiptavininn. Svo tók hann sögu sem að ég held var í kristilegu samhengi en þrátt fyrir það var sagan hin fínasta og ákvað að segja hana hér...

Það var eitt sinn maður sem bað til guðs að þegar hann svæfi um nóttina að sýna sér muninn á himnaríki og helvíti.

Um nóttina birtist engill sem tók hann í burtu og fór með hann í herbergi þar sem var fullt af fólki. Fólkið inn í herberginu var mjög vansælt og óhamingjusamt, var vannært o.s.frv. Í miðju herbergisins var pottur sem kraumaði á eldi. Fólkið var í kringum pottinn og með stórar skeiðar. Það tók skeiðina og setti í pottinn - nema þegar það ætlaði að setja skeiðina upp að munninum þá tókst það ekki því skeiðin var svo stór að þau hittu ekki.
Þetta var helvíti.

Engillinn fór með manninn í annað herbergi - þar einnig var fullt af fólki nema þar réð hamingjan ríkjum og fólkið var vel nært. Í miðju herbergisins var pottur sem kraumaði á eldi og fólkið með jafn stóra skeiðar og í hinu herberginu. Maðurinn spurði hvort þetta væri himnaríki en þetta væri alveg nákvæmlega eins og í hinu herberginu.
Engillinn sagði honum þá að fylgjast með fólkinu.
Í stað þess að fólkið reyndi að koma skeiðunum upp í sig sjálft þá mataði það hvert annað - þannig að allir fengu næringu. Þarna var enginn að hugsa eingöngu um sjálfan sig heldur var hjálpast að...

Fannst þetta flott saga og eiga vel við - sérstaklega í því þjóðfélagi sem við búum við í dag þar sem allir eru að reyna að maka sinn krók (skeið) nógu vel.

Eða hvað? Hvað finnst þér?

getur þú svarað?

Koma svo..

Jæja fólk - trúi ekki að sé bara einn sem er komin með hugmynd um hvert ég á að fara .... getur engin komið með hugmynd?

Góða fólk - koma svo. Ég þarfnast smá hjálpar hér. Sá sem kemur með góðar hugmyndir og til landsins sem ég enda þá á eða fer til eftir Nýja Sjálands fær póstkort frá mér þegar ég kem til þess lands...... ekki spennandi!! ;)

koma svo...

Aðstoð

Jæja kæru lesendur nú leita ég til ykkar til þess að fá smá aðstoð í sambandi við ferðina mína.

Málið er að ég var að tala við British airways í sambandi við miðan sem ég hef áhuga á. Málið er að með honum þarf ég að fara til minnst þriggja heimsálfa og hef bara 2 heimsálfur.

Löndin sem ég hef áhuga á að fara er Kína, Malasía, Ástralía og Nýja Sjáland í þessu roundi. Var að vonast til þess að hægt væri að fara til Evrópu en þá telst það sem að ég er að fara tilbaka en ég verð semsagt að halda mig við eina átt. Gæti byrjað á Evrópu á undan en bara langar ekki að vera þar í janúar í kulda :)

Þannig að eftir Nýja Sjáland þá er Ameríka - semsagt Suður Ameríka eða Norður Ameríka. Ef til Norður Ameríku þá kemur t.d. New York til greina en málið er að mig langar ekki mikið þangað ein. En það sem ég þarf aðstoðar með er þetta - hvert á ég að fara eftir Nýja Sjáland?

Viljið þið koma með hugmynd og segja hvers vegna ég ætti að fara á þann stað :) - allar uppástungur vel þegnar.

Þarf líka að ákveða mig sem fyrst því pundið er ansi hagstætt þessa dagana :)

koma svo

Tveir mánuðir

Aðeins 2 mánuðir eftir af vinnu og sennilegast um tveir mánuðir eftir á Íslandi. Er núna farin að hafa mestar áhyggjur að tíminn sem ég ætla mér í ferðalagið dugi ekki. Sé of stuttur enda líka um nokkur lönd að ræða.

Fékk góðar fréttir í dag og er mjög ánægð yfir því - kannski fríðindi vegna veikindalausra daga (ekki að það hafi verið sagt) eða samviskubætur hahaha. Allavega ekki hægt að segja annað en kemur sér einstaklega vel.

hey öll komment vel þegin - um allt og ekkert.

kommenta kommenta

Myndir

Nýjar myndir hér, fékk þær frá krökkunum í vinnunni en sýnir reyndar ekki mikið frá adrenalíngarðinum.

enjoy

Hahaha

Frammi er strákur að vinna sem ég var einu sinni svo skotin í - fyrir ykkur stelpur þá kannist þið ábyggilega við húsið hans. Var svoldið farið oft framhjá því í denn....

hahahahha

er reyndar búin að sjá þennan strák annað slagði í gegnum tíðina - finnst það alltaf eitthvað hálfasnalegt. Ekki skánar það að hann er hérna núna að vinna í einhverju.

skot

Hrekkjavaka

Í dag er víst hrekkjavaka og eru sumir starfsmenn klæddir í búning, ekki þó þeir íslensku. Kanadísku meyjarnar eru klæddar og mætti mér draugur þegar ég kom í morgun. Frekar fyndið.

Þegar ég var spurð hvar minn búningur væri - þá kom svarið að ég héldi ekki upp á þetta.
Af hverju ætti ég að gera það - ekki held ég upp á þakkagjörðarhátíðina eða valentínusardaginn?

En gaman að krökkunum í vinnunni :)

búúhhúuuuuuu

Matur

Já það er mikið lagt á sig fyrir mat.

Fékk lánaðan bíl til þess að keyra í rúmlega eina og hálfa klukkustund til þess að fá kvöldmat og svo aftur tilbaka. Haldið þið að það sé!

Ástæðan var reyndar sú að mamma átti afmæli í gær og var í sumarbústað og ég kíkti til hennar í ískaldan bústaðinn til þess að borða. Mikið rosalega var kalt.
Sat með húfu við matarborðið og eftir mat pakkaði ég mér inn í teppi og sæng og var ekki hlýtt. Maturinn var nú samt fínn.

Svo í stað þess að skila bílnum í dag þá fékk ég hund í staðinn til þess að passa. Sit því uppi með bíl og hund.

voff voff

Ákvörðun

Jæja - er eiginlega búin að taka ákvörðun og var eiginlega löngu búin að því. Skynsemin var bara að segja mér að bíða með og sjá til hvort ég gæti þetta. Ég læt hinsvegar skynsemina eiga sig og bara geri. Það þarf eiginlega eitthvað stórvægilegt að koma upp á til þess að ég geri þetta ekki.

Þegar nýja árið gengur í garð þá verð ég orðin atvinnulaus þar sem ég er búin að segja upp vinnunni.
Plannið hjá mér er að fara að ferðast í nokkra mánuði.
Langþráður draumur að rætast og allt foreldrum mínum að þakka :) sem ólm vilja losna við mig úr landi hahaha :) - þúsund þakkir til ykkar.

Þannig að nú fer ég að leggjast yfir ferðabækur og gera plannið mitt aðeins meira og bóka flug. Eins og staðan er í dag þá hugsanlega fer ég til Kína, Ástralíu, Nýja Sjálands og svo vantar mig eina heimsálfu í viðbót - valið er milli þess að fara til New York eða Evrópu. Ef ferðafélagi skyldi finnast til þess að hitta mig í New York er ég alveg til í að fara þangað. Ef ekki þá fer ég til Evrópu að flakka sennilegast milli vina.

Ú - meðan ég er að skrifa þetta þá finn ég svona spenningarhnút myndast í maganum. En margt sem ég þarf að gera fyrir útrásina eins og finna leigjendur fyrir íbúðina mína - ef einhver veit um góðar leigjendur handa mér þá endilega benda mér á þá en íbúðin mun leigjast út með húsgögnum.

Vona að ég sé ekki að jinxa ferðinni minni með því að blaðra um hana...

bon voyage

p.s. ég á 15 ára fermingarafmæli í dag!

Ósátt

Ég er gífurlega ósátt - búin að vera síðan í gær og virðist ekkert vera losna við það. Var sagt ýmislegt við mig í gær sem mér finnst ég eiga engan vegin skilið og er gífurlega ósátt við það.

Að öðru - hef aldrei verið veik frá vinnu síðan ég byrjaði hérna - bráðum 3 ár. Hef jú mætt með kvef og slöpp en ekki verið frá vinnu. Spurning á maður að fá eitthvað þakklæti fyrir það frá vinnuveitendum/yfirmönnum fyrir það?
Getur náttúrulega ekki álasað starfsmönnum sem verða veikir - sjaldnast vill einhver verða veikur. En svo er til fólk líka sem nýtir sér þessa veikindadaga til þess eins að fá frí.

En ætti maður að fá eitthvað þakklæti fyrir það að verða aldrei veikur?

hvað finnst þér

Hvað

Hvað er það að verða svo reiður að maður gæti fariða ð grenja?

Það hlýtur að vera eitthvað kellingar thing......

eða hvað

Kjúklingur

Ég get verið algjör kjúklingur - eða kannski er það bara vanhæfni í samskiptum um að kenna og geta ekki gert "small talk".

Fór um helgina í skírn - þar voru 2 sem voru með mér í skóla í einum af þessum 5 grunnskólum sem ég var í.
Strákurinn jafngamall og ég og systir hans 2 árum eldri. Þar sem þetta var svo lítil skóli þá var honum skipt í eldri og yngri deild. Ég var með þeim báðum í eldri deildinni.
En hvað - ég þorði ekki að tala við þau. Hugsaði um það en gat ekki komið mér þangað og byrjað á einhverju tali. Veit að stelpan veit hver ég er því við hittumst í jarðaför fyrir 2 árum síðan og þá talaði ég smá við hana. Mamma samt meira. Veit ekki hvort strákurinn hafi fattað hver ég var - tók mig smá tíma að fatta hver hann var. Hefði sjálfsagt ekki fattað hver hann væri nema af því ég rakst á barnalandssíðu tvíburasystur hans fyrir ekki svo löngu síðan og sá mynd af honum.
Ég er kjúklingur - finnst þetta óþægilegt að starta samtölum - hvað á ég að segja fyrir utan þetta hefðbundna - já hvað ert þú að gera og hvað er að frétta. Hvað ef þau muna ekki eftir mér - og ef þau muna of mikið eftir mér!
Bleh - best að bora sig niður í veitingarnar og hrekkja bræðurna.

Í tilefni af gömlum bekkjarsystkinum þá hitti ég eina í dag þegar ég fór að borða í hádeginu - heldur ekki þægilegt. Talaði þó small talk við hana - vorum líka óþægilega nálægt hvor annarri.

Af öðru þá er október greinilega enn að gera mér erfitt fyrir. Foreldranir eiga báðir afmæli í október - þegar ég var yngri gat ég aldrei munað afmælisdaginn þeirra og vildi ég kenna því um að þau ættu afmæli eftir september. Er farin að muna núna afmælisdagana en það sem gerir mér erfitt núna er að ég get ekki munað brúðkaupsdag vinkonu minnar - kannski vegna þess að ég var ekki viðstödd, veit ekki. En oktober er erfitt að muna.

Til hamingju með daginn Guðmunda og Stebbi :)

oktober að ljúka...

Mistök

Darn, var að hringja fyrir vinnu nr. 1 en kynnti mig eins og ég væri í vinnu nr. 2 - ansan - neyðarlegt.

Vinnufélagunum fannst þetta svo fyndið að hún þurfti að hlaupa fram til þess að hlægja að mér.....

bleh

Helgin

Hin fínasta helgi er liðin og komin stuttur mánudagur :) jeii

En helgin byrjaði á starfsmannaferð - fórum í adrenalingarðinn og mikið rosalega var kalt. Fórum á klifurvegginn, staurinn og róluna. Hópurinn minn byrjaði á staurnum og ég svellköld byrjaði að klífa staurinn.... mikið var hann eitthvað lengri svona þegar verið var að klífa hann heldur en að líta svona á hann frá jörðu niðri.
Allir hinir virtust fara létt með að klífa hann en ég var við það að gefast upp á hálfri leið - og öskraði niður hvort væri mikið eftir. Fór upp og snerti toppinn - var ekki alveg að meika það að reyna standa á staurnum. Nógu erfitt var að fara hann upp.

Átti í erfiðleikum síðan með að sleppa - vildi bara klífa niður aftur en var bannað það. Stúlkan skildi sleppa. Fyrst fóru fæturnir og svo sleppti með trega höndunum frá staurnum. Sveif í lausu lofti.
Ekki svo slæmt.

Næst var farið í róluna - ein stelpa byrjaði og ég fór næst. Nokkuð kokhraust og fannst þetta ekki mikið mál.
Hljóðið breyttist snarlega þegar upp í 10 m hæð var komið og ég áttaði mig á því að það var ég sem stjórnaði því að sleppa rólunni lausri.
Shit - ég vildi hætta við.

Fólk var farið að hópast niðri og líka úr hinum hópnum og öskra á mig að fara - ég gæti þetta alveg.
Eftir smá tíma sá ég að þetta gekk ekki lengur - gæti ekki hangið þarna endalaust, einhvern veginn þyrfti ég að komast niður.
Kippti í spottann - ekkert gerðist, shit prófaði aftur.
Niður þaut rólan og maginn með - helviti var þetta vont - upp og aftur niður.
Vil bara fara upp en ekki niður - þurfti að loka augunum mjög fast og hafa mig alla við að anda því fjandans maginn var ekkert á réttum stað. Þvílíkt átak.

Þegar ég var loks komin á góða og þægilega ferð þá var þetta stoppað.
Mér tókst þetta!

Fegin að ég fór því annars hefði ég sé eftir því - jafnvel þótt rólan hafi verið djöfuleg...

Var orðið alltof kalt til þess að fara klifurvegginn - þannig að ég lét það eiga sig. Langar samt enn að prófa hitt sem var þarna -

Eftir garðinn var farið út að borða - um klst seinkun á Einar Ben - ljúfur matur og góður. Vorum að borða eftirréttinn korter í tólf....


Kínverjar eru að hugsa um að loka landinu vegna fuglaflensunar - ekki góðar fréttir fyrir mig....

adrenalín...