Hálslón

Farið upp að Kárahnjúkastíflu í dag og nágrennið skoðað. Sólin sýndi sig í dag - loksins. Var komin í mikla þörf fyrir að sá sólina :-)

Kvöldmaturinn

Í Fljótsdal

Svona er veðrið í dag í Fljótsdal, sit úti á stuttermabol og berfætt :-D og er að velta fyrir mer að ná í bók að lesa. Lífið er ljúft á góðviðrisdögum.

Hengifoss

Gönguferð upp að Hengifossi.

Slydda

Slydda á Egilsstöðum.

Upp á heiði

Í snjókomu 9. júní

Eldhúsglugginn

Útsýnið úr eldhúsglugganum. Rollurnar að leita skjóls undan rigningunni eftir að hafa komist að því að ég væri meinlaus á bakvið gluggann.

Heimilið

Nýja tímabundna heimilið.

Vinnustaðurinn

Þetta er vinnustaðurinn næstu mánuðina.

Öskumistur

Á Skeiðarássandi

Var i smá öskufoki á Skeiðarássandi og stuttu seinna i krapa

Öskufok

Stúdentsafmæli

Ég á 15 ára stúdentsafmæli í dag!

Til hamingju ég :)

Hópurinn sem útskrifaðist á sama tíma í dag var einhvern veginn aldrei samheldur - eða allavega tilfinningin mín, getur svo sem verið að ég hafi verið "outsider" en útskriftarbókin sem var hefð að kæmi út kom ekki út. Minnsta kosti er ég ekki með eintak. Ég er einungis í facebook "sambandi" við eina úr hópnum sem ég í raun var ekki í tengslum í menntaskóla. Það var ekki fyrr en í háskólanum þegar við byrjuðum á sama tíma í sama námi.

Að þessu sögðu þá er búið að stofna facebook hóp (já aftur að facebook) fyrir hópinn sem útskrifaðist fyrir 15 árum og stefnt að reunion í haust.

Ótrúlegt.

Fyrsta ganga sumarsins

Þá er fyrstu göngu sumarsins lokið og það á stuttermabolnum.

Þvílík blíða - en gengið var á Búrfell í Heiðmörk eða Reykjanesfólkvangi. Ekki alveg viss á því. En félagsskapurinn var góður ásamt veðrinu.

Vor í Reykjavík

Tóm gleði

Á seinustu metrunum og með hollustu fæði!

Á leiðinni

Í Varmarhlíð á leið til Akureyrar.

Hvasst

Grindverkið eða hluti af því fokið um koll.

Árstíðir

Var á tónleikum með Árstíðum. Þeir voru yndislegir að vanda EN stillingar voru ekki í lagi. Heyrðist of lítið í söngnun og sérstaklega einum og soundið í sumum hljóðfærum of hátt. Heyrði og sá agent fresco líka í fyrsta skipti. En voru pínku furðufuglar, voru fínir en féll ekki fyrir þeim eins og fyrst þegar ég heyrði í Árstíðum.

35

Kaka

Tók mig til og bakaði köku líka en með góðri hjálp frá Betty -einfalt og þægilegt :-)

Pakki

Ekki auðvelt ad pakka gjof inn í coco puffs pakka. En þarf bara að endast þangað til í fyrramali!

Gott veður

Fallegt og gott veður í borginni í dag. En að vanda hékk ég inni yfir ritgerð. Fór samt í smá göngutúr nidur í bæ og að vanda ílengdist ég í bókabúð.

Hollusta

Hollustan ávallt í fyrirrúmi!

Hvorki fugl né fiskur

Þegar sagt er að þetta er hvorki fugl né fiskur.

Þá hlýtur þetta að vera lífvera sem gengur á jörðinni, syndir hvorki í úthöfum eða vötnum eða flýgur um himinn.

Er það ekki bara gott líka?

:)

Faust

VÁ!

Næs dagur

Átti einstaklega næs dag, svona fyrir utan Kringluferð ;)

Var í hátt í þrjá klukkutíma á kaffihúsi, man ekki til þess að hafa verið svona lengi áður. Stjórn landvarðafélagsins hittist og margt að spjalla um. Fundurinn tók reyndar ekki alveg svona langan tíma.

Gekk svo um bæinn í ljómandi veðri og slabbi.

Bið

Þarf að bíða og er ekkert sérlega góð í því.

Stefni samt á að nota tímann og krossa yfir to do listan sem ég var að gera.

já já

Senda

Fyrstu drög voru send í gær!

Svo er bara að bíða og sjá.....

Seinustu metranir

Get gjörsamlega ekki skrifað inngang, er fyrimunað að gera það.

Er að stressast upp!

Hrædd um að verða með seinustu blaðsíðurnar í margar vikur!

Myndefni

Ég hef hugsað í smá tíma að setja inn "skemmtilegar" eða áhugaverðar myndir (sem mér finnst) inn á síðuna til þess að setja smá líf en merkilega nokk þá hef ég barasta ekki rekist á neitt skemmtilegt myndefni.

Spurning hvort það sé vegna þess að ég er komin í borgina, tók fleiri myndir úti á landi eða hvort sé af skorti fyrir áhugaverða lífi. Fer eingöngu milli A og B og svo frá B til A. Ef ég er ekki í skólanum að vinna í mastersverkefninu mínu þá er ég "heima".

Hvað heldur þú?

Gærdagurinn

Gærdagurinn fékk broskall hjá mér á dagatalinu :)

um 7000 orð og 15. bls.

Dagurinn í dag virðist vera fýlukall, svipað og flestir hinir dagarnir. Verð að hífa mig upp, svo gaman að fá broskall.

Jafnvel þótt ég gefi mér þá sjálf......

Ár

Svo er bara komið ár á bíl!

2010

Lesið fullt af bókum þetta árið, langt síðan ég hef lesið svona mikið - er reyndar að gleyma þá 2006 en las ágætlega mikið á ferðalaginu mínu :)

Hugsa að ég hafi heldur aldrei keypt mér svona mikið af bókum - kannski með undantekningum árið 2006 (en þá var mikið skipt á bókum).

Staðsett á nýjum stað.

Fór líka á nýja staði og hentist þvert og endilangt yfir landið, bæði til að hitta vini og ættingja og taka viðtöl.

Uppgjör ársins 2010 það sem ég vil opinbera hahah :)

Nýtt ár

Gleðilegt nýtt ár

Mjálmið hans Vargs óskar öllum Gleðilegs nýs árs!

Með þökk fyrir það gamla.

Næst síðasti dagur ársins!

Jáhá, hef voðalítið annað að segja um þennan dag.

Svo fer bara að koma nýtt ár!

Gleðileg jól

Mjálmið hans Vargs óskar ykkur Gleðilegra jóla og ánægjulegrar hátíðar!

Hnútur

Með smá hnút í mallanum!

Í þokkabót erfitt að einbeita sér, sjæs.

Áfram

Jamm sit hér áfram.

Veit samt ekki almennilega hvernig ég á að halda áfram....

Nenna

Er ekki að nenna þessu!

Langar bara í jólafrí..........

Jólagjafaleiðangur

Fór í fyrsta skipti í Kringluna áðan síðan ég kom suður.

Hef ekki saknað þess.

Annars fór ég í jólagjafaleiðangur og kom jafn tómhent tilbaka og ég fór, nei það er reyndar ekki rétt. Fór ekki alveg tómhent því ég þurfti að fara með pakka til að senda og jólakort og það fór.

En já þá ákvað ég að vera aktívari hér inni og skrifa eitthvað í þeirri von að ég verði meira aktívari í öðrum skrifum ;)

Lubbi

Það er ég!

Jamm komin með þennan ógurlega lubba, sem er alltaf að þvælast fyrir mér og í andlitinu. Akkúrat sem ég þoli ekki ;)

Sumir mundu segja við mig - farðu í klippingu!

Svarið: er að spara það :)

Af stað

Já komin aftur af stað og er það vel.

Svo er bara að halda sér á hreyfingu og ekki stoppa!

Koma svo

Já já, get þetta svo sannarlega :)

Jáhá

Langt síðan síðast!

Spurning hvað veldur, almenn ritstífla sem hefur víðtækari áhrif heldur en á bloggið mitt?
Spennuleysi!

Eitt er þó víst að færra er um myndefni eftir að ég kom í borgina, helgast kannski af sömu rútínu dag eftir dag. Hafði gert mér áætlun fyrir nokkrum dögum að taka "skemmtilega" mynd á símann og pósta á blogginu svo stæði ekki í gömlum færslum dag eftir dag en skortur á skemmtilegum myndefnum hefur gert vart við sig.

what to do what to do!

Einhverjar hugmyndir?

Löt eða hvað?

Undanfarna daga hef ég ekki getað haldið mig almennilega við efnið, spurning hvort þetta sé leti eða bara almenn andleysi við skriftir. Er ekki komin með ógeð en leið á hversu hægt gangi. Finnst skemmtilegt og áhugavert það sem ég er að gera og get ekki beðið eftir útkomunni EN eitthvað erfitt að finna andann!

Hvað gerir maður þá?

Bros í daginn

Áhugavert

Eru buxur hérna á hæðinni og á þeim er midi sem stendur að þær eru til gefins. Áður en ég las miðann hugsaði ég hvernig í fjáranum tókst aðilanum sem á buxurnar að týna þeim!

Yndislegt veður

Fermingarafmæli

Tuttugu ár!

Á fermingarafmæli í dag - tuttugu ár síðan ég fermdist.

Shit!

Kalt

Já mér er kalt - kemur kannski ekkert á óvart :)

En mér leiðist að vera kalt, sérstaklega þegar ég er innandyra. Þrátt fyrir allt er ég í ull og flíspeysu, vantar greinilega að vera með ullarsokkana og fara í ullarbusurnar líka, til þess eins að vera ekki kalt inni!

Reyndar er mér bara kalt fyrir neðan mitti, þar sem ullin hættir ;) en spurning um að fara að taka ullarsokka og teppi með sér.

brrrrrr

Aðstaða

Er komin með þessa fínu aðstöðu og voða lukkuleg með hana.

Lokasprettur!

Jæja ég er komin "heim" úr útlegðinni, komin úr Mývatnssveitinni, komin "heim" úr sumarbústaðinum og komin frá Egilsstöðum.

Þá er það lokaspretturinn, veit ekki hversu langur hann verður en vonandi frekar stuttur. Er nefnilega ekki með gott þol ;)

Síðan er það stóra spurningin hvað tekur við en ætlunin er að einbeita mér að lokasprettinum svo ég geti klárað hann.

Koma svo!

Skilti

Í göngutúrnum í gær rakst ég á þetta skemmtilega skilti.

Blíðskaparveður

Viðraði mig aðeins í gær og veitti ekki af en fékk líka grafarþögn. Magnað alveg hreint.

Árás

Einn morguninn hélt ég að ég sæti undir árás þar sem kom mikil dynkur og svo skalf bústaðurinn. Þegar ég hætti mér út sá ég þennan fugl á veröndinni. Þaé skrýtna er að hann flaug beint á vegg með engum gluggum.

Útlegð

 lokið!

Leynivinavikan

Góða menn ég virði vel
varast frekar hina,
held að kjafti hæfi skel
hvað er lífið án vina?

Einar Sigfússon. 1942 -

Snjóföl

Þurfti að hreinsa snjó af bílnum mínum í morgun. Ætlaði mér að taka mynd og senda hingað inn máli mínu til stuðnings en því miður tókst ekki að taka mynd á símann minn :(

Það var hinsvegar hrím á grasinu og snjórinn er svo horfinn núna.

Er einmitt mikið búin að velta því fyrir mér hvort það verði snjór á leiðinni þegar tímanum mínum lýkur hér fyrir norðan sem er bara eftir ekkert svo marga daga.

Tíu ár

Í dag eru tíu ár síðan ég byrjaði að blogga!

Shit

Að vísu misvirk í að skrifa á síðuna en ástæðan fyrir að ég þrjóskast að vera hérna áfram er því ég vil halda úti bloggi þegar ég ferðast og ég er svo sannarlega ekki hætt því.

Sólrún vinkona á líka afmæli í dag og sendi góða strauma til Kanada.

Í gær áttu svo Pétur bróðir og Pétur frændi afmæli.

T'iu ár!

Myndir

Búin að setja inn helling af myndum frá ferðum sumarsins á myndasíðuna mína.

Á enn eftir að setja inn fleiri myndir frá Mývatni, en það kemur með góðri tengingu.

Þangað til næst.

Yndislegt veður

Er á stuttermabolnum og frekar heitt.

Ferðasumar 2010

Mývatnssveit – Egilsstaðir – Skriðuklaustur – Höfn – Skaftafell – Lakagígar – Kirkjubæjarklaustur – Breiðdalsvík – Stöðvarfjörður – Fáskrúðsfjörður – Reyðarfjörður –Eskifjörður – Neskaupsstaður – Egilsstaðir - Hellisheiði eystri yfir á Vopnarfjörð – Bakkafjörður – Þórshöfn - Raufarhöfn – Mývatnssveit

Um 1700 km á þremur á hálfum degi

Gist: Tjaldsvæði á Höfn – Kirkjubæjarklaustri – Fáskrúðsfirði

Í tjaldi í 3 nætur án þess að vera kalt er magnað fyrir mig!

Ágætisferð en aðeins of mikið af akstri.

###
Annars er sumarið búið að vera fínt ferðasumar og búin að fara margt.

Fór yfir Sprengissand og ætlaði mér að gista í Nýjadal en hætti við þar sem var of hvasst þar og ég hafði ekki tjaldað tjaldinu mínu áður. En er líka fegin að hafa farið á þessum tíma yfir Sprengissand því árnar voru nokkrum vikum síðar orðnar erfiðar eða ófærar fyrir litla jepplinga. Leist heldur ekki á blikuna þegar ég kom að fyrstu ánni en hinumegin á bakkanum voru fjórir mótorhjólamenn og einn sem ákvað að láta vaða yfir og datt. Honum tókst að komast upp úr með hjólið með aðstoð hinna. Einnig tókst mér að fara yfir án skakkafalla.

Fór í fyrsta skipti í Vesturdalinn í Jökulsárgljúfrum og í Hljóðakletta, sá einnig Dettifoss vestur megin.

Einnig keyrði ég yfir Uxahryggi á leið minni frá Þingvöllum og út á Snæfellsnesið, búin að fara þangað tvisvar í sumar.

Fór líka upp í Herðubreiðalindir og Öskju en keyrði reyndar ekki þangað sjálf heldur fékk ég að sitja í með einum jeppatúrnum sem fer uppeftir. Var alveg frábært að fara þangað og finnst mér leiðin þangað skemmtilegri en Sprengissandurinn.

Er hrifin af hrauni :)

Tók upp þónokkuð af puttalingum á leið minni og fékk meðal annars upplýsingar um staði í Mexíkó til að heimsækja.

Ætlaði mér að reyna að fara í Grimsey, Dalvík, Ólafsfjörð og Siglufjörð en spurning hvort það geymist þar til síðar.

Til Grenivíkur ætla ég að fara, renni þangað einhvern tímann á leið minni til Akureyrar!

Höfn

Útsýnið frá tjaldsvæðinu.

Víti í Öskju

Fór í dag í frábæra ferð í Herðubreiðalindir og Öskju. Það var þvílik traffíl í Öskju. Gönguleiðin að Víti var eins á mjög góðum degi á Laugaveginum. Laugaveginum í Rvk.

Hestar

Við nennum ekki að slá garðinn og settum því hesta inn í hann.

Tjaldið mitt.

Ánægð með tjaldið mitt. Fegin þó að ég ákvað að tjalda ekki í rokinu í nýjadal, svona í fyrsta skipti.

Vindbelgjarfjall

Á toppnun og endalaust suð!

Kúl

Flottar tölur 121010 - Annars bara komið fínt veður komið í sveitina. Eina sen stöðvar ferðir mínar er hlið, þannig að ekki er hægt að segja annað en ég fái nóga hreyfingu. Inn og út úr bílnum ;-) þyrfti helst hliðarvörð!

Snjór í maí

Þessi mynd var tekin núna rétt áðan og já snjór í maí og ég komin aftur í ullarfötin.

Heimsókn

Þessar komu og heimsóttu mig þegar ég kom heim áðan. Eigandinn sagði að þetta væri brauðrolla og því get ég útilokað dýrslega aðdráttarafl mitt. Annars átti ég góða menningarreisu til Akureyrar í dag, bæjarferðirnar eru samt æri kostnaðarsamar en núna i bókarkosti en ekki bónusferð :-) Tókst líka að fara í bíó en sundferð fór um þúfur.

Sauðburður

Átti erindi inn á Egilsstaði um daginn og á leiðinni "heim" þá kom ég við í sveitinni hjá bróður mínum.
En fór í fjárhúsið með honum og sá að minnsta kosti 2 lömb koma í heiminn. Ég var svo lukkuleg að hafa myndavélina mína með og smellti af þónokkrum myndum sem þið getið séð í myndaalbúminu mínu. Þau ykkar sem hafa áhuga :)

Hvitt

Það hefur snjóað í nótt og var hvit jörð þegar ég vaknaði í morgun.

Gaman gaman

304 kg

Svona líta 304 kg út. Á reyndar erfitt með að trúa því að þetta sé það mikið því það var ekki það erfitt að bera. Ef þetta eru 304 kg þá þýðir það að hver kassi er um 13 kg. Ágæt dagsverk að bera 304 kg og tól reyndar bara um 20 mín :-)

Gatan mín

Önnur af uppáhaldsgötunum mínum á Akureyri ásamt uppáhaldshúsi ;-) en er um 16 stiga hiti núna.

Heitt

Er um 14 stiga hiti og ég er að stikna. Það verður sko keyptur ís áður en ég fer aftur í sveitina.

Kvöldkaffi

Kvöldkaffi í sveitinni.

Vogafjós

Svo var fengið sér vöfflu og mjólk ásamt því að klappa kúnum.

Geggjað veður

Gestirnir og ég fórum upp að Víti og fengum líka þessa rjómablíðu.

Gjóta -gjá

Hérna er gjótan sem varð að gjá. Gjáin sem ég datt oní með annan fótin. Að minnsta kosti held ég það því það var ein önnur sem kemur til greina. Já og ég fékk marblett.

Netið

Eftir að ég kom hingað norður þá hefur uppáhaldssíðan mín eða minnsta kosti sú sem ég kíki oftast á verið Vegagerðin og upplýsingar þar um umferð og færð.

Ekki það að ég sé svona mikið á ferðinni en einhverra hluta vegna finnst mér þetta mjög nauðsynlegar upplýsingar. Svo næsta síða á eftir sem ég hef kíkt mikið inn á og ekki hefur verið áður ern veður.is og þá Mývatnsstöðin. Þar þarf ég til dæmist nauðsynlega að vita hversu kalt mér á eftir að verða ;) en svo reyndar er ekki eins kalt hér og fyrir sunnan þó mínusstigin séu fleiri.

Svo verður það að viðurkennast að ég er að verða hálf "ónýt" að vera netlaus heima hjá mér - það var allt í lagi fyrstu 2 mánuðina en er farið að segja svoldið til sín núna. Skelfilega er maður háður þessu neti.

Myndir

Þegar ég var fyrir sunnan tókst mér að setja inn eitthvað af myndum á myndasíðuna mína.

En ég er enn bara í febrúar - tókst semsagt ekki að láta inn allar myndirnar.

Rollur á heimleið

Hvort þeim leist ekki á veðrið eða voru svangar veit ég ekki um.

Svaðilför

Lenti í svaðilförum í dag. En ákvað að fara að Hverfjalli (Hverfelli) til að skoða skiltin þar. Það var mikil snjór á veginum en tókst að komast áfram alveg þangað til að ég týndi veginum. Var ekki viss hvar hann héldi áfram. Þannig að ég fór út úr bílnum til að átta mig og reyna að finna út hvar hann héldi áfram, steig nokkur skref og pomp. Ég með aðra löppina óní gjótu og finn enga fótfestu. Næ ekki að koma mér upp og hugsa um það að ef ég dytti alveg í gjótuna get ég ekki einu sinni hringt á hjálp því símarnir væru í bílnum. En mér tókst að krafla mig upp hinumegin en var ekki viss hvort snjórinn mundi láta undan eða hvort eitthvað fast væri undir. En það hélt og ég komst í bílinn og var fljót að koma mér í burt. Phew þetta var smá scary á tímabili.

Vetur

Veturinn ræður enn ríkjum hér og aftur er ég veðurteppt og er röngu megin vid skaflinn. Er mikid að velta fyrir mer af hverju ég færði bilinn ekki í gær, ég er kannski svona bjartsýn!

Uppáhaldið mitt. Mjúkir kanelsnúðar og nýbakaðir. Bakaðir frá grunni af mér og eru ætir í þokkabót :-D