Bar

Ég get farið að koma mér upp bar :) var að fá enn eina áfengisflöskuna í gjöf frá gesti sem ég var að bóka. Í þetta skipti skoskt víski. Ég get orðið rosalega flott á því þegar ég býð loksins í mat að vísu þarf að fá réttu glösin lánuð.

skál

Innflutningspartý

Þá er það loksins yfirstaðið - innflutningspartýið mitt. Tókst bara vel til og er bara ánægð með það. Hef reyndar komist að því að í svona "fjölmennu" partý að það er frekar leiðinlegt að vera gestgjafi. Gat lítið sem ekkert talað við marga af gestunum og var ekkert inn í stofu fyrr en seint um kvöldið. Var annað hvort í eldhúsinu eða frammi á gangi að tala við fólk. Þegar fór að tínast út þá tókst mér að setjast niður og mingla. Kíktum svo niður í bæ og dansaði þar af mér lappirnar þrátt fyrir misjafnlega skemmtilega tónlist.
En ég er greinilega að verða gömul - fór að sofa um sex eftir að hafa keyrt öllum heim og var vöknuð um tíu og búin að vaska upp, ryksuga og skúra fyrir hálf tólf.

Myglaða Linda

7,9,13

Kannski ég geti bara hætt eftir 8 klst vinnudag í dag og þarf ekki að vinna yfirvinnu. Ætti annars ekki að segja þetta því fæ þetta yfirleitt í bakið stuttu seinna :( en maður má vona.

give me hope

17 ára

Elsti litli bróðir minn varð 17 ára í gær. Þvílík ósköp - mér finnst það rosalegt. Hann er að safna fyrir bílprófinu og þegar hann fær slíkt þá býst ég fastlega við því að lán á bílnum hennar mömmu minnki stórlega :( oh well.

Er að fara í kveðjuhóf hjá Danafaranum í kvöld - verður pínku skrýtið að missa eina úr landi. Margar af okkur hafa farið en bara tímabundið. Núna er hún að flytjast búferlum þannig að maður veit ekkert hvenær maður sér hana aftur.

gamla geit

skotin

Jamm ég er svo skotin ............ í systurdóttur minni henni Emblu Maríu.

Heimsótti hana á sunnudaginn eftir skírnina - og hún er algjör dúlla, jafnvel þótt hún hafi gefið skít í mig ;)

9 ár

frá því að ég útskrifaðist úr menntaskóla.....

Skírn

Ég er bara farin að fara í skírnir hverja helgi hérna. En var í skírn hjá Sólrúnu og Bjarna og litli guttinn fékk nafnið Daníel Skapti - fyrsta skiptið sem ég hitti gaurinn en að vísu svaf hann mest í fanginu á mér eftir að hann var rifinn fram.

Annað ánægjuefni er að Ásdís vinkona er að byrja blogga þar sem hún er að fara að flytja til Danmerkur sem er ekki alveg eins ánægjulegt. En það verður kannski ágætis ástæða til þess að skreppa annað slagið til Kaupmannahafnar en fyrst ferð er plönuð í september þar sem ég er á leið í brúðkaup þá stefni ég á að koma við þar.

jæja fer enn ein vinnuvikan að byrja og lítur út fyrir að ég hafi bara einn frídag á viku :(

bleh

Nei

Hef stundum skammað fólk fyrir að geta ekki sagt NEI en núna kemur þetta í bakið á mér. Hefði átt að segja nei við ákveðnum hlut en gat það ekki alveg nógu vel og er núna farin að sjá eftir að hafa ekki gert það. Damn.

nei nei nei

Embla María

Nafnið er komið á systurdóttur mína og fékk hún nafnið Embla María :) - fallegt nafn sem mér finnst hæfa henni. Dreymdi í nótt nafnið hennar - kom berlega í ljós að ég er ekki berdreymin sem betur fer enda finnst mér þetta nafn sem hún fékk mun betra en það sem mig dreymdi.

Ég stóð mig eins og hetja já og Embla María líka :)

Linda skírnavottur

Minnisleysi

Ég held ég þjáist af einhverju minnisleysi - er margoft búin að skrifa dagsetninguna í dag 12. maí en er alltaf að spurja mig að henni aftur og aftur. Virðist ekki geta munað þetta.

Er enn í vinnunni :( - skrapp reyndar í dag í einn og hálfan tíma því ég þurfti að komast í búð. En er samt enn í vinnu nr. 1... veiii.

Linda þreytta

Gjöf

Jeeiii var að fá gjöf í vinnunni - fékk frá manni sem ég var að bóka. Rauðvínsflaska frá House of Common. Nú þarf ég bara að fara að bjóða í mat. Ég er minnsta kosti komið með vínið með matnum.

Fer að nálgast í skírnina hjá systurdóttir minni - ekki laust við að maður sé orðin spenntur á að heyra nafnið.

og hvað á barnið að heita

Dansk-íslenskt búdda brúðkaup

Ég var í þessu dansk íslenska búdda brúðkaupi í gær og skemmti mér mjög vel.
Eins og gefur að skilja þar sem þetta var búdda brúðkaup þá var athöfnin með öðruvísi sniði. Að vissu leyti fannst mér þetta vera mun persónulegra.

Eftir að búddistarnir og brúðhjónin voru búin að "kyrja" í smá stund kom smá ávarp frá einni í búddanu og síðan fóru brúðhjónin með sín heit. Mér finnst eitthvað virkilega fallegt við að heyra þau segja sjálf að þau ætli að elska hvort annað - eins og þau eru en ekki eins og þau vilja að hvort annað sé o.s.frv og heyra þetta frá þeim en ekki bara já eins og er í kirkjubrúðkaupi. Næstum því klökknaði.... jah ok ég klökknaði og það er bara fyrsta skipti hjá mér í brúðkaupi.
Versta er að það var búið að biðja okkur um í athöfninni að taka ekki myndir af altarinu þegar það væri opið þannig að ég þorði ekki að taka neinar myndir en langaði rosalega til þess.

Maturinn var virkilega ljúffengur, borðfélagarnir góðir enda ekki við öðru að búast þegar um vini mína er að ræða ;). Kom margt mjög skemmtilegt frá dönunum og dönsku hefðunum. Versta er að þegar svaramaður brúðgumans kom upp þá skildi ég ekki nógu mikið og heldur ekki þegar móðirin kom. Síðan var líka bara dansað af sér tærnar með DJ Páli Óskari - fannst reyndar svoldið skondið þegar hann spilaði líka lag með sjálfum sér. Við vinahópurinn stóð sig með prýði þar sem við vorum seinust til þess að fara.

Af öðrum fréttum er að loksins er búin að bætast við strákur í barnaskarann sem er að fæðast á þessu ári. Vinkona mín akkúrat fór upp á fæðingardeild í stað þess að mæta í brúðkaup og kom stráksi í nótt - óskum þeim til hamingju :)
Síðan frétti ég líka í dag af einni sem rekur farfuglaheimili (sem ég á í samskiptum við) að hún eignaðist stelpu 4. maí - óska henni líka til hamingju en efast um að hún lesi þetta mikið.

Er enn í vinnunni - er ekkert voða hress með það.... en vil frekar vera lengur í kvöld heldur en lengi á morgun.

helgi - yeah right

svona í enda vinnudags

You scored as Loner. Loner 56% Goth 44% Geek 31% Ghetto gangsta 25% Stoner 25% Punk/Rebel 25% Drama nerd 19% Prep/Jock/Cheerleader 13% What's Your High School Stereotype? created with QuizFarm.com

svo fer ég í brúðkaup

óræðin aldur

Gerði tilraun til þess að fara í búð til þess að finna eitthvað fyrir brúðkaupið það er að segja á mig en ekki fyrir brúðhjónin. Endaði á því að ég hringdi í fataskápinn hjá mömmu og fæ sennilegast líka lánað hjá bróður mínum. Eins gott að hann sé ekki heima. Veit ekki hversu hrifin hann yrði af að lána systur sinni föt af sér ;)

sjæs

Skírnavottur

Seinustu helgi bað litla systir mig um að vera skírnavottur hjá litlu skottunni. Ég var mjög upp með mér að hún hafi beðið mig um þetta - reyndar bað ég hana um að hugsa sig um þar sem barnið fengi að öllum líkindum ekki trúarlegt uppeldi af minni hendi.

Skírnavottar eru eflaust ekki það sem áður var ef það hefur einhvern tíman verið sinnt þessum skyldum sem eiga að vera. Þegar ég hugsa til þess þá veit ég ekki einu sinni hverjir eru mínir skírnavottar.

Þegar ég verð búin að fletta og lesa í bókinni trúarbrögð heimsins þá mun sá fróðleikur fara í litlu þegar hún hefur þroskan til ;)

Af öðru þá heyrði ég frábæra setningu í kvöld.
I'm turkish you are english - lets do a french kiss