Jólakveðja

Gleðileg jól

Útlönd

Facebook, instagram og snapchat hafa tekið mikið yfir bloggerinn, því miður.

Ég þrjóskast samt áfram og ætla að reyna að halda uppi blogginu.

Ráðstefnu landvarða lokið og alltaf jafn gaman að hitta landverði. Fékk þó ekki jafn mikið út úr ráðstefnunni og hinum fyrri hvað varðar fyrirlestra. Voru jú vissulega þarna inn á milli.

Var í kosninganefndinni sem er alveg ný reynsla, vorum sex í þeirri nefnd. Gekk mjög vel fyrir utan prentara vandræði. Sem betur fer voru úrslitin afgerandi en í Arusha í Tanzaníu fyrir 4 árum síðan þurfti að kjósa aftur.

Lítur svo allt út fyrir að ég sé að fara til Nepal 2019.

Er núna í Denver og mun vera í nokkra daga.

2016

Gleðilegt nýtt ár!

Gistiheimilið

Gistiheimilið sem við gistum á hérna upp í fjöllum er með frekar fyndinn gestgjafa.

Gestgjafinn er eiginlega frekar frekur og stjórnast í okkur. Einnig talar hún mjög mikið. Fyrsta kvöldið sem við vorum þá var ég með fantaflösku og henni fannst það nú ómöglegt og kom með límonaði þar sem það er mikið hollara. Kvöldið eftir ætlaði hún sér að drekka með mér þrátt fyrir að vita það að ég drykki ekki áfengi.

Það stoppaði hana ekki í því að hella í glas handa mér og var svo frekar spæld þegar ég drakk það ekki.

Í gærkvöldi var hún svo búin að kaupa 2 lítra Fanta handa mér og þrátt fyrir að langa ekkert í Fanta fékk ég mér til þess að reyna að gleðja hana :-) og vera ekki dónaleg.

Rumenía

Búin að vera hérna í Rúmeníu í bráðum tíu daga.

Vorum fyrst í skiptiheimsókn og skoða þjóðgarða og önnur verndarsvæði. Búið að vera frábært en þó fullheitt þar sem hitinn fór alveg upp í 37 gráður. Það er bara fullmikið.

Það eru miklar andstæður hérna, flestir með snjallsíma en svo eru síðan hestvagnar á götum úti. Slegið með orf og ljá en skiljanlegt á sumum stöðum þar sem brekkurnar eru það brattar að ekki væri hægt að nota traktor. Hef því ekki séð mikið af þeim.

Vika

Búin að vera núna viku á hálendinu og ullarfötin óspart notuð :)

Fórum yfir í Öskju/Dreka á þriðjudaginn á námskeið og neyðaræfingu. Nýttum tækifærið á að skoða hið nýja Holuhraun í leiðinni í grenjandi rigningu. 

Mikið var nú samt gott að komast í sturtu þegar ég kom upp í Kverkfjöll en var búin að vera í Hvannalindum.

Glepjast

Sýnist ég hafa látið glepjast af öllum samfélagsmiðlum. Þessum eins og facebook, instagram o.s.frv. að ég hef látið bloggið mitt alveg dala!

Sem er ekki gott!

Ástæða þess að ég er að skrifa núna er að ég var að lesa gamlar færslur og fannst það svo gaman, þannig að ég hugsaði hversu gaman það væri nú að lesa þessa færslu eftir nokkur ár. Þannig að um að gera að halda þessu bloggi á lífi :)

Þó þetta sé að mestu ferðablogg en þá er bara gott að skrifa inn á milli.

Já svo skulda ég líka enn yfirlitið fyrir 2014 - hef sko ekki gleymt því!

Afmæli

Þessi fallegi dagur

Nýársklæðnaður

Gönguskórnir passa við allt :)

Gleðilegt nýtt ár

Gleðilegt nýtt ár og takk fyrir það gamla.


Hefur verið heldur lítið um færslur hér, virðist hafa gleymt mér á öðrum samskiptamiðlum.

Fljótlega kemur þó yfirlit yfir 2014

Í dag

Dagurinn í dag

Öxaràrfoss

Post it

Varahlutur

Varahluti hefur ábyggilega aldrei verið eins flott innpakkaður, afmælisgjöf til bróður míns sem var tvítugur í gær og vildi varahluti í bíl í afmælisgjöf.

Hann fékk því varahlut í afmælisgjöf, óháð hvort hann gæti nýtt hann ;) en gaf honum reyndar líka aðra afmælisgjöf.

Króatía

Skellti mér til Króatíu á dögunum, tilefnið var 3rd European Ranger training seminar.

Ferðalagið byrjaði nú ekki alltof vel þar sem fluginu mínu var aflýst á föstudeginum 9. maí þegar ég átti flug vegna verkfalls flugmanna. Þegar ég hringdi í Icelandair deginum á undan eða á fimmtudeginum og var að spyrja um möguleikana fyrir mig þar sem ég átti nú tengiflug á laugardeginum 10.maí frá London til Pula í Króatíu þá stakk þjónustufulltrúinn upp á að ég færi út á völl og reyndi að ná seinni part vélinni til London þann sama dag. Vélin var reyndar full en væri alltaf möguleiki á að fá sæti, þannig að ég hoppaði úr vinnunni á hádegi sólarhring á undan áætlun, fór heim og pakkaði á innan við klukkutíma og náði flugrútunni.

Þetta hafðist allt saman en þá var eftir að finna gistingu í London og hostelið sem ég á átti bókað kvöldið eftir var fullt, en eftir hálftíma í síma þá fann ég gistingu á öðru hosteli.

En tímínn í Króatíu var frábær, kynntist að vanda fullt af skemmtilegum landvörðum allsstaðar úr Evrópu þótt aðalaðdráttaraflið var Ástralinn hann Chris, það er bara eitthvað við Ástrali :) hann sló í gegn hjá okkur öllum.

Eftir ráðstefnu héldu nánast allir Íslendingarnir í þjóðgarðinn Plitvice ásamt Bretunum og tveimur Finnum. Upplifiði í fyrsta skipti að vera á bílaleigubíl en ég fékk far með tveimur af Íslendingunum og á leið okkar til Zagreb stoppuðum við í einum bæ þar sem við hlupum á undan stöðumælaverði til þess að fá ekki sekt!

Var reyndar mjög saklaust þar sem við tókum ekki eftir að það þurfti að borga í stöðumæli og vorum búin að ganga aðeins um bæinn þegar við tókum eftir stöðumælaverði sem var að sekta, eftir þetta pældum við í því hvort það hafi nú kannski verið mælir þar sem við lögðum. Þannig að við héldum tilbaka nema eitthvað var stöðumælavörðurinn líka fljótur í förum en við rétt náðum í bílinn og gátum keyrt í burtu. Bölvaðir útlendingar sem borga ekki í bílastæði.

En já þarf kannski að fara að ferðast meira í Evrópu í stað þess að fara alltaf svona langt!
 Nú fer ég líka að þekkja svo marga landverði í Evrópu!

Arggg....

Einhverra hluta vegna get ég ekki lengur sent myndir úr símanum mínum á bloggið mitt.

Spurning hvort ég þurfi að uppfæra símann minn!

38

Bústaðurinn